7M07112 Электр энергетикасы в әл-Фараби атындағы Қазақ Ұлттық университеті

Пәндер

• Жартылай өткізгішті қуат құрылғылары және энергияны түрлендіргіштер

  Курстың мақсаты: магистратура студенттері қазіргі заманғы жартылай өткізгішті қуат құрылғылары, олардың жұмыс істеу принциптері және электр энергиясын түрлендіру жүйелерінде қолданылуы туралы теориялық және практикалық білім алады. Заманауи талаптар мен технологияларды ескере отырып, электрмен жабдықтауда, басқарудың автоматтандырылған жүйелерінде, электр жетектерінде және энергетикалық электроникада түрлендіргіш құрылғыларды жобалау, модельдеу және талдау құзыреттерін қалыптастыру

  Оқу жылы - 1
  Семестр - 1
  Несиелер - 5
  

• Жаңартылатын энергетика технологияларындағы инновациялары

  Пәнді оқытудың мақсаты білім алушылар жадында қайта жаңартылатын энергия көздерін механикалық, электр және жылу энергиясына түрлендіру құрылғыларына қатысты ғылыми зерттеулер мен техникалық-экономикалық есептермен жобаларды өз бетінше орындау үшін баламалы және жаңартылатын энергетика саласында кәсіби білімдерін қалыптастыру.

  Оқу жылы - 1
  Семестр - 1
  Несиелер - 5
  

• Электротехника теориясының қосымша тараулары

  Сызықтық емес тізбектердегі физикалық процестерді түсіндіру, тізбектердің параметрлерін есептеу, өтпелі процестерді талдау және жалпылау, компьютерлік модельдеу әдістерін қолдана отырып, сызбаларды жобалау қабілеттері мен дағдыларын қалыптастыру. Тізбектер теориясының негізгі түсініктері, электр тізбектерінің сызықты емес элементтері, өтпелі процестер, электр тізбектерін компьютерлік модельдеу әдістері.

  Оқу жылы - 1
  Семестр - 1
  Несиелер - 5
  

• Жоғары кернеулі техникадағы физикалық процестер

  Пәнді оқу мақсаты: жоғары вольтты жабдықтың элементтерінде болатын процестердің физикалық негіздері туралы терең білімді дамыту, сонымен қатар жоғары кернеу жағдайында оқшаулағыш және коммутациялық жүйелердің әрекетін талдау, есептеу және болжау дағдыларын дамыту. Заманауи жоғары вольтты электр энергетикалық жүйелеріндегі жабдықтың сенімділігін арттыру, диагностикалау және техникалық қызмет көрсету әдістерін меңгеру.

  Оқу жылы - 1
  Семестр - 1
  Несиелер - 5
  

• Жоғары кернеулі техникадағы электрофизика

  Электр өрісінің әсерінен газдардағы, сұйықтардағы және қатты диэлектриктердегі электрофизикалық процестерді тереңдетіп зерттеу. Жоғары кернеулі электр қондырғыларын талдау, есептеу және жобалау бойынша практикалық дағдыларды қалыптастыру. Жоғары кернеу техникасы мен электр энергетикалық жүйелердің сенімділігі саласындағы ғылыми-зерттеу және инженерлік қызметке дайындау

  Оқу жылы - 1
  Семестр - 1
  Несиелер - 5
  

• Жоғары мектептің педагогикасы

  Мақсаты - жоғары оқу орындарының дидактикасы, тәрбие мен білім беруді басқару теориялары, педагогикалық қызметті талдау және өзін-өзі бағалау білімдері негізінде университетте педагогикалық іс-әрекеттің қабілетін қалыптастыру. Болашақ оқытушының білім беру қызметін ОКТ қолдана отырып жобалауды, Болон процесін жүзеге асыруды,дәріскерлік,кураторлық шеберлікті оқыту/тәрбиелеу және бағалау стратегиялары мен әдістерін қолдана отырып (TLA-стратегиялар) игеруді қарастырылады.

  Оқу жылы - 1
  Семестр - 1
  Несиелер - 5
  

• Энергетикадағы электрофизикалық технологиялар

  Пәнді оқытудың мақсаты: Өндірісте қолданылатын заманауи электрофизикалық технологиялар саласында білікті маманды қалыптастыру. Бұл курста келесі аспектілер қарастырылады: Пәнді оқу кезінде келесі аспектілер қарастырылады: қазіргі заманғы өндірісте қолданылатын негізгі электрофизикалық технологиялар, қондырғылардың жұмыс істеу принципі мен конструкциясы, жеке технологиялық кезеңдері, технологиялардың физикалық негіздері

  Оқу жылы - 1
  Семестр - 1
  Несиелер - 5
  

• Ғылым тарихы мен философиясы

  Пәннің мақсаты - Тарихи динамика негізінде және тарихи өзгермелі әлеуметтік-мәдени контексте қарастырылады. Арнайы философиялық талдау пәні болып табылатын ғылым феноменінің мәселелерімен таныстырып, ғылымның тарихы мен теориясы, ғылым дамуының заңдылықтары және ғылыми білімнің құрылымы, ғылымның мамандық және әлеуметтік институт ретіндегі ерекшеліктері, ғылымның қоғам дамуындағы рөлі туралы туралы білім қалыптастырады.

  Оқу жылы - 1
  Семестр - 1
  Несиелер - 3
  

• Электр энергетикасындағы электромагниттік үйлесімділік

  Электр энергетикасындағы электромагниттік үйлесімділіктің теориялық негіздері туралы жүйелі білімді және электр объектілерін технологиялық басқарудың SMART жүйелерінде оны қамтамасыз ету бойынша практикалық ұсыныстарды қалыптастыру, энергия қондырғыларының сенімділігі мен қауіпсіздігін арттыруға, электр энергиясын ұтымды, үнемді пайдалануға бағытталған қызмет түрі ретінде электромагниттік үйлесімділікті кешенді зерттеу

  Оқу жылы - 1
  Семестр - 1
  Несиелер - 5
  

• Қазіргі заманғы электрониканың таңдаулы сұрақтары

  Пәнді оқытудың мақсаты - электрониканың күштік құрылғыларның жұмысын түсіндіру және түрлері бойынша классификациялау, кілт режимдегі транзисторлық және тиристорлық тізбектердің жұмыс режимдерін есептеу, схемаларды құру және күштік түрлендіргіштер құрылғылардың макетін жасақтау қабілеттері мен дағдыларын қалыптастыру.

  Оқу жылы - 1
  Семестр - 1
  Несиелер - 5
  

• Альтернативті энергетиканың мәселелері

  Пәнді оқу мақсаты: тұрақты энергетикалық болашақ контекстінде альтернативті энергетиканы дамытудың қазіргі проблемалары мен перспективалары туралы жүйелі түсінікті дамыту. альтернативті энергия көздерін пайдаланудың техникалық, экономикалық, экологиялық және нормативтік аспектілерін зерделеу, сондай-ақ олардың қолданыстағы электр энергетикалық жүйелеріне тиімді интеграциясына байланысты негізгі кедергілерді, қауіптерді және қиындықтарды талдау

  Оқу жылы - 1
  Семестр - 1
  Несиелер - 5
  

• Электр энергетикасындағы жабдықтарды қорғау

  Пәнді оқытудың мақсаты электр энергетикалық жүйелердегі жабдықтарды зақымданудан және қалыптан тыс режимдерден қорғаудың теориялық негіздері туралы білімді қалыптастыру, сондай-ақ жоғары кернеулі электр қондырғыларының сенімділігі мен қауіпсіздігін арттыру, аппараттық платформаны және релелік қорғаныс пен автоматиканың микропроцессорлық терминалдарын алгоритмдік қамтамасыз етуді зерттеу.

  Оқу жылы - 1
  Семестр - 1
  Несиелер - 5
  

• Шетел тілі (кәсіби)

  Пәннің мақсаты: шетел тіліндегі сөйлеу мәнерінің әртүрлі түрлерінде практикалық дағдыларды қалыптастыру. Оқу курсы қазіргі жаһандық кеңістіктегі ақпаратты қабылдау, түсіну және аудару, өз зерттеулерін сынақтан өткізу үшін ғылыми іс-шараларға қатысу қабілетін қалыптастырады. Пән шетел тілін білім берудің халықаралық стандарттарына сәйкес құзыреттерді жетілдіруге бағытталған.

  Оқу жылы - 1
  Семестр - 2
  Несиелер - 5
  

• Басқару психологиясы

  Пәннің мақсаты: кәсіби қалыптасу процесінде басқару саласының маңызды аспектілерін қолдану қабілетін қалыптастыру. Курс аясында пән, басқару психологиясының негізгі принциптері, басқарушылық өзара әрекеттесудегі тұлға, жеке тұлғаның мінез-құлқын басқару, топтық құбылыстар мен процестерді басқару психологиясы, көшбасшы тұлғасының психологиялық ерекшеліктері, жеке Басқару стилі, басқарушылық қызметтегі әсер ету психологиясы, жанжал жағдайларын басқару ашылады.

  Оқу жылы - 1
  Семестр - 2
  Несиелер - 3
  

• Электр энергиясының сапасын бақылау және қамтамасыз ету мәселелері

  Пәнді оқу мақсаты: магистранттарда электр энергиясының сапасының параметрлері, оларды өлшеу және талдау әдістері, ауытқу себептері туралы жүйелі білімді, сонымен қатар электрмен жабдықтау жүйелеріндегі сапа бұзушылықтарын анықтау, бағалау және жою бойынша практикалық дағдыларды қалыптастыру. Электр энергетикалық жүйелердің сенімділігі мен энергия тиімділігін қамтамасыз ететін инновациялық шешімдерді зерттеу және енгізу бойынша ғылыми құзыреттерді дамыту.

  Оқу жылы - 1
  Семестр - 2
  Несиелер - 5
  

• Ғылыми зерттеулерді ұйымдастыру және жоспарлау

  Пәннің мақсаты: Ғылыми-зерттеу қызметін ұйымдастырудың теориялық және әдістемелік негіздерін білу негізінде филология саласындағы ғылыми зерттеулерді жоспарлау және жүргізу қабілетін қалыптастыру. Оқу курсы болашақ маманның зерттеушілік мәдениетін қалыптастырады. Пән ғылыми зерттеулердің әдіснамасын, филологияда қолданылатын заманауи әдістерді зерттеуге бағытталған.

  Оқу жылы - 1
  Семестр - 2
  Несиелер - 5
  

• Электрмен жабдықтау жүйелерінің сенімділігі және электр энергиясының сапасы

  Пәнді оқытудың мақсаты: электр магнитті техникалық құралдарды біріктіріп талдау, энергия жүйенің қуатының балансын есептеу, торап параметрлерінің ауытқуын бағалау, ток пен кернеудің симметриялы еместігін түсіндіру қабілеттігін қалыптастыру

  Оқу жылы - 1
  Семестр - 2
  Несиелер - 5
  

• Автономды энергетикалық жүйелерді жобалау

  Жаңартылған көздердегі автономды электр жабдықтау жүйесінің функциясының принципін сараптау, макетпен эксперимент жүргізу, автономды жүйенің құрылымын жобалау, қондырғының макетін жасау қаблеттілігін қалыптастыру. Электрмен жабдықтаудың автономды жүйесі, жүйенің жұмыс режимін және өндіріспен келісе отырып электроэнергияны тұтынуды басқару, шағын ГЭС, автономды күн және жел қондырғылары.

  Оқу жылы - 2
  Семестр - 3
  Несиелер - 5
  

• Жоғары вольтты қондырғылардың диагностикалық жабдықтары

  Пәнді оқу мақсаты: жоғары вольтты қондырғылардың техникалық жағдайын, сенімділігін және қалдық ресурсын бағалау үшін заманауи диагностикалық жабдықтарды қолдану саласында магистранттарда кәсіби білім мен тәжірибелік дағдыларды қалыптастыру. Бұзбайтын бақылау, параметрлік және функционалды диагностика әдістерін зерттеу. Электр энергетикалық жүйелердегі жоғары вольтты жабдықтардың қауіпсіз және тиімді жұмысын қамтамасыз ету бойынша құзыреттерді дамыту

  Оқу жылы - 2
  Семестр - 3
  Несиелер - 5
  

• Жоғары кернеуді алу және өлшеу

  Жоғары кернеуді алу мен өлшеудің физикалық принциптері, тұрақты және айнымалы ток генераторларының жұмысы, бақылау және диагностика әдістері туралы терең білімдерін қалыптастыру. Жоғары вольтты жабдықты жобалау және сынау саласында тәжірибелік дағдыларды дамыту. Жоғары вольтты энергетикадағы ғылыми және инженерлік қызметке дайындау

  Оқу жылы - 2
  Семестр - 3
  Несиелер - 5
  

• Сандық техника және микропроцессорлық құрылғылар

  Магистранттарға жасанды интеллект технологияларын қолдана отырып, сандық техника және микропроцессорлық құрылғылар саласында теориялық білім мен тәжірибелік дағдыларды қалыптастыру. Заманауи сандық және микропроцессорлық шешімдерді пайдалану арқылы электр энергетикасында басқару, мониторинг және қорғаудың интеллектуалды жүйелерін әзірлеуге бағытталған ғылыми-зерттеу қызметіне дайындау.

  Оқу жылы - 2
  Семестр - 3
  Несиелер - 5
  

• Электр қондырғыларын диагностикалаудың физикалық әдістері

  Мақсаты: электр энергетикалық қондырғылардың оқшаулауын сынаудың теориялық негіздерін, сынақ импульстарын алу әдістерін оқып үйрену, жоғары вольтты қондырғылармен жұмыс істеуде практикалық дағдыларын алу Міндеттері: жоғары вольтты импульстік техникада қолданылатын негізгі заңдарды беру; генераторлардың негізгі түрлері және разрядтағыштардың қасиеттері; сынау әдістерін маңызды ғылыми-техникалық қолданылуы

  Оқу жылы - 2
  Семестр - 3
  Несиелер - 5
  

• Энергетикалық технологияларда қолданылатын жаңа материалдардың инженериясы

  Энергетика саласында жаңа материалдарды жасау үшін қазіргі заманғы техника туралы білімдерін пайдалана білуді қалыптастыру. Қазіргі техникада қолданылатын материалдардың құрылымы мен қасиеттерін, оларды өңдеудің құрамы мен әдістерін анықтайтын негізгі заңдылықтар, материалдардың қажетті сынақтарын жүргізу дағдыларын дамыту, жаңа материалдарды машина жасауда қолданылатын негізгі аспаптармен және жабдықтармен жұмыс

  Оқу жылы - 2
  Семестр - 3
  Несиелер - 5
  

• Электр энергетикасындағы цифрлық автоматтандыру құрылғылары

  Пәнді оқу мақсаты: магистранттарда электр энергетикасындағы автоматтандыру жүйелерінде цифрлық құрылғыларды жобалау және қолдану саласында теориялық білім мен практикалық құзыреттерді қалыптастыру. Заманауи микропроцессорлық құрылғылардың цифрлық техникасы мен архитектурасын игеру. Электр энергетикалық процестердің тиімділігі мен сенімділігін арттыру үшін бағдарламалау, модельдеу және интеллектуалды басқару жүйелерін енгізу дағдыларын дамыту.

  Оқу жылы - 2
  Семестр - 3
  Несиелер - 5
  

• Электр энергиясын өндіру және сақтау әдістеріндегі инновациялар

  Пәнді оқу мақсаты: магистранттарда электр энергиясын өндіру мен жинақтаудың инновациялық технологиялары бойынша заманауи білім мен құзыреттіліктерді қалыптастыру. Тұрақты дамуды, энергия ауысуды және цифрландыруды ескере отырып тиімді энергетикалық шешімдерді жобалау, модельдеу және енгізу бойынша аналитикалық дағдыларды дамыту. Жаңа буынның электр энергетикалық жүйелерінің сенімділігі мен икемділігін арттыру мәселелерін шешуге дайындау

  Оқу жылы - 2
  Семестр - 3
  Несиелер - 5
  

Профессии

Оқыту нәтижелері

• Жоғары оқу орындарында оқыту үшін техникалық және электр энергетикасы пәндерін енгізу
• Техникалық-экономикалық негіздемелер мен бизнес-жоспарларды әзірлеу, электр энергетикасы жобаларының ғылыми-техникалық, экономикалық және психологиялық әлеуетін бағалау.
• Электрмен жабдықтау және генерация жүйелерінің электр желілеріндегі әуе және кабельдік беріліс желілері мен қосалқы станциялардың жай-күйін бағалау. Желілердің, станциялардың және қосалқы станциялардың электр жабдықтарына іске қосу-баптау және жөндеу жұмыстарын болжау. Мұнай-газ саласы инфрақұрылымы, өнеркәсіптік және азаматтық құрылыс, көлік пен телекоммуникация нысандары және өндірістік объектілердегі электр жабдықтарының жай-күйіне сараптама жүргізу. Микропроцессорлық құрылғыларды қолдана отырып, күштік және қорғаныс тізбектерін жасақтау
• Электр және жылу станцияларындағы электр техникалық жабдықтар мен электр машиналарына жөндеу жүргізу бойынша шешім қабылдау, электр көлігінің байланыс және аймақтық желілеріне техникалық қызмет көрсету және жөндеу жұмыстарын орындау, мұнай-газ саласы, өнеркәсіптік және азаматтық құрылыс, көлік пен телекоммуникация инфрақұрылымы нысандары мен өндірістік объектілерге арналған көмекші жүйелерді, бақылау-өлшеу аспаптары мен автоматика құралдарын жобалау
• Жоғары вольтты жабдықтың электромагниттік үйлесімділігін, электр қондырғыларының сенімділігі мен қауіпсіздігін есептеу; электр техникалық құрылымдардағы жоғары вольтты жабдықты мониторингтеу және диагностикалау бойынша шешім қабылдау; жоғары вольтты зертханалық жабдықпен тәжірибе жүргізу; электрмен жабдықтау, байланыс электр көлігі және жоғары кернеулі технологиялық қондырғылар жүйелерін жобалау және құрастыру
• Электр энергиясы жүйелеріндегі электроқұрылғылардың техникалық жағдайына сараптама жүргізу. Реле қорғанысы және автоматика құрылғыларының, сондай-ақ электр станциялары мен желілерінің заманауи аналогтарының жұмысына қатысты ақауларды интерпретациялау. Электр желілеріндегі технологиялық үдерістерді басқарудың автоматтандырылған жүйелеріндегі жабдықтарға жөндеу жүргізуді болжау. Реле қорғаныс құрылғыларын баптау және іске қосу-реттеу жұмыстарын орындау. Электр станциялары мен қосалқы станциялардың параметрлерін өлшеуге арналған автоматика құрылғылары мен өлшеу құралдарын жасақтау
• Жылу электр станциясының электр техникалық жабдықтарының техникалық жағдайына бағалау, электр және жылу қуатын тұтынуды болжау. Энергетикалық нысандардағы электр энергиясының сапасына аудит жүргізу, энергетикалық жабдықты диагностикалау, электрлік өлшеулер мен сынақтар жүргізу. Кәсіпорында электр энергиясының сапасын арттыруға арналған жүйелерді жасақтау. Жоғары вольтты жабдыққа диагностикалық сараптама жүргізу
• Электротехникалық тізбектердің параметрлерін есептеу, электронды күштік тізбектердегі үдерістерді модельдеу. Жоғары кернеулі тізбектер мен жүйелердегі электрофизикалық аппараттардың техникалық күйін сараптамалық бағалау жүргізу
• Тарату құрылғыларын электрмонтаждау, бақылау-өлшеу аспаптарын қолдану арқылы аппаратураның жұмысқа жарамдылығын тексеру, сондай-ақ күрделі электротехникалық сызбаларды құрастыру және монтаждау бойынша қажетті біліктілікке ие болады. Электрофизикалық жабдық құрамында жоғары кернеуді өлшеу құрылғыларының сызбаларын жобалау
• Күн, жел және сутегі электр станцияларының зертханалық және өнеркәсіптік үлгілерімен тәжірибе жүргізу, автономды электрмен жабдықтау қондырғыларының макеттерін құрастыру. Тұрғын және тұрғын емес ғимараттардың автономды энергиямен қамту сызбаларын жобалау. Электрмен жабдықтау жүйелерінің сенімділігіне сараптама жүргізу. Жаңа электр энергиясы көздерін және оны сақтау әдістерін жасау
• Зертханалық технологиялық жабдықта тәжірибе жүргізу. Материалдар мен бұйымдар бетінің инженериясы саласындағы технологияларды жасақтау. Жаңа материалдар алу үшін электрофизикалық технологияларды қолдануды болжау, электроматериалдар мен олардан жасалған бұйымдарға арналған нанотехнологияларды әзірлеу
• Электрлік жарықтандыру, электр энергиясын сақтау және түрлендіруге арналған жаңа технологиялар, материалдар мен бұйымдарды әзірлеу. Микропроцессорлық техника мен бағдарламалық қамтамасыз етуді қолдана отырып, газразрядты, электролиттік, иондық және жартылай өткізгіш материалдар негізінде күштік түрлендіргіш құрылғылар мен электр құрылғыларын жобалау. Энергетика және оған байланысты салаларда жобалар жасақтау. Ғылыми зерттеулерді жоспарлау және деректерге реферативтік талдау жүргізу барысында ЖИ пайдалану

Ұқсас БББ