7M04109 Кәсіпорындағы есеп және аудит в Дәулет Серікбаев атындағы Шығыс Қазақстан техникалық университеті

Аудит жүргізу және аудитке байланысты қызметтер көрсету бойынша дағдыларды қалыптастыруға бағытталған. Аудиторлық тексеруді жоспарлау және жүргізу, кәсіпорындағы ішкі бақылаудың жай-күйін тексеруді ұйымдастыру және жүзеге асыру, тексеру нәтижелерін қорыту және аудиторлық қорытындылар жасау, ішкі бақылауды жетілдіру, кәсіпкерлік қызметті есепке алу және басқару үшін аудиторлық тексеру нәтижелері бойынша ұсынымдар әзірлеу мәселелері бойынша халықаралық аудит стандарттарын зерделейді.

Салық жүйесі әлеуметтік институт ретінде нарықтық экономиканы реттеуші рөл атқарады. Бұл пәнді оқу мақсаты ҚР Салық жүйесінің жұмыс істеу тәжірибесін оқып үйрену, салық заңнамасын тереңдете оқып үйрену, нақты салық түрлерін тәжірибелік есептеу дағдыларын меңгеру, салықтық әсер етудің түрлі құралдарын оқып үйрену болып табылады.

Оқыту курсы магистранттардың лингвистикалық, дискурсивтік және әлеуметтік-мәдени құзыреттілігін қалыптастыруды, оларды оқытылатын тіл елдерінің мәдениетіне баулуды, шет тілінде кәсіби сөйлеу дағдыларын қалыптастыруды, мамандық бойынша мәтіндерді аудару дағдыларын дамытуды көздейді. Курсқа кіретін тақырыптары: грамматикаға шолу, оқу және жазбаша жұмысқа дайындалу әдістемелері, эссе жазу, тындау және сөйлеу әдістемелері.

Курс өндірістің технологиясы мен ұйымдастырылуына, мамандану дәрежесіне, басқару құрылымына сүйене отырып, экономиканың нақты секторының кәсіпорындарында бухгалтерлік есепті ұйымдастыру теориясы мен практикасының негізгі мәселелерін ашады. Пән есеп беруді ұйымдастыру, құжаттық ресімдеу, есеп хат-хабарларын құру, құрылыс, ауыл шаруашылығы, мұнай-газ кәсіпорындары өнімдерінің өзіндік құнын калькуляциялау, оңтайлы басқару шешімдерін қабылдау саласында практикалық дағдыларды қалыптастырады.

Курс аудиторлық қызметті қалыптастырудағы халықаралық аудит стандарттарының (хас) рөлін қарастырады; аудиторлардың міндеттерін реттеу бойынша, аудитті жоспарлау бойынша, ішкі бақылау жүйесінің аспектілерін реттеу бойынша, аудиторлық дәлелдемелерді алу бойынша, аудиторлық қорытындылар мен есептерді дайындау бойынша халықаралық стандарттарды зерттейді; аудиттің мамандандырылған саласын және ілеспе қызметтерді көрсету тәртібін реттейтін үшінші тұлғалардың жұмысын пайдалану тәртібін реттейтін хас.

Пән қазіргі заманда қоғамның басқару қызметінде тұрақты кездесетін өзекті әртүрлі әлеуметтік мәселелерді шешуге қажетті психологиялық терең теориялық білім мен тәжірибелік дағдыларды қалыптастыруды кеңінен қарастырады. Мекеме персоналын басқару негіздерін меңгеру, персоналмен жұмыс жасау және басқару техникасын игеру туралы білім беріледі.

Курс қаржылық талдаудың негізгі, барлық жерде қолданылатын ұғымдармен және тәсілдерімен таныстырады, сондай-ақ мағыналы жауаптар мен шешімдер алу үшін оларды қашан және қалай қолдану керектігін түсіндіреді. Курстың негізіне бизнесті басқару шешімдерімен іске қосылатын қаржы қатынастары мен ақша қаражатының ағындарының бірыңғай жүйесі ретінде қарастыру идеясы алынған.

Ұйымды басқарудағы заманауи зерттеу технологияларын зерттеу. Бұл пәнді оқу магистрлерге зерттеудің әдістемелік негіздері саласындағы білімді дамытуға, сондай-ақ ғылыми қызметте және ұйымды басқару тәжірибесінде зерттеу дағдыларын меңгеруге мүмкіндік береді.

Пән қаржылық есептің неғұрлым күрделі тақырыптарын қарауға, халықаралық және ұлттық қаржылық есептілік стандарттарының талаптарына сәйкес есепке алуды жүргізуге, соның ішінде жалға алуды есепке алуға, табыс салығын есепке алуға, қаржы құралдарын есепке алуға, корпоративаралық инвестицияларға енгізуге, қаржылық есептілікті шоғырландыруға, бірлескен кәсіпорындарға қатысуға, валюталық бағамдардың өзгеруіне ықпал етуге, сондай-ақ қаржылық есептілікті қалыптастыруға арналған.

Зерттеу мен басқару процесінің ұйымдастырушылық элементтерінен, коммуникациялардан, шешімдерді қабылдаудан, жоспарлау, ұйымдастыру, үйлестіру, бақылау, команда жұмысы және көшбасшылық, өндіріс, маркетинг, қаржы, персоналды басқару сияқты ұйымда түрлі функционалдық бөлімдерді зерделеуден тұрады. Ұйымдарда өндірістік процестерді инновациялық басқару мәселелерінде іргелі білім алу.

Қоғамдық өмірде ғылым мен білімнің рөлі туралы, ғылыми танымның дамуындағы заманауи үрдістер туралы түсінікке ие болу.

Ғылыми зерттеулер контекстінде идеяларды дамыту және қолдану үшін білімді пайдалану, мәселелерді шешуде креативті ойлау және шығармашылықпен қарау.

Салық және бюджетке төленетін басқа да міндетті төлемдерді есептеу әдістемесін білу, салық салуды оңтайландыру мақсатында салықтық әсер ету құралдарын меңгеру.

Кәсіпорындар мен ұйымдардың қаржылық жағдайына талдау жүргізу дағдысын меңгеру, олардың одан әрі даму перспективаларын анықтау.

Қаржылық есеп берудің халықаралық стандарттарына сәйкес қаржылық есеп беруді ұйымдастыру және жүргізу.

Түрлі практикалық жағдайларда қаржылық есептіліктің халықаралық стандарттарын қолдану және ХҚЕС сәйкес қаржылық есептілікті құру.

Аудитордың этикалық принциптерін сақтай отырып, кәсіби стандарттарға сәйкес аудитті ұйымдастыру және жүргізу.

Қажетті деректерді жинауға, оларды талдауға және кәсіби пайымдауды қалыптастыру үшін ақпараттық шолуды және талдамалық есепті дайындауға қабілетті.