7M05209 Геоэкология және табиғатты пайдалануды басқару в Әл-Фараби атындағы Қазақ ұлттық университеті

Пәннің мақсаты – ландшафтық жоспарлаудың әдіснамалық негізін, принциптері мен әдістерін, тұрақты даму концепциясының принциптерін сақтай отырып, ландшафтық кеңістікті ұйымдастыруды түсіну қабілетін қалыптастыру. Курсты оқу барысында студент төмендегідей білімдерді меңгереді: 1. зерттеудің түгендеу және бағалау кезеңдерінде ландшафтық ақпаратты жинау; 2. аумақты дамытудың ландшафтық бағдарламасын әзірлеу және ландшафтық жоспарлауды аяқтайтын ландшафтық жоспарлар мен басқа да құжаттарды жасау; 3. аумақты функционалдық аймақтарға бөлуді жүргізу; 4. картографиялық және қашықтықтан материалдар бойынша аумақтың ландшафтық құрылымын талдау; 5. аумақтың экологиялық қаңқасын жобалау. Пәнді оқу нәтижесінде студенттер төмендегі мәселелерді қарастырады: ландшафт, оның негізгі әлеуметтік-экономикалық функциялары, ландшафттық жоспарлаудың теориясы, әдістері мен технологиялары; ландшафттық жоспарлаудың қалыптасу тарихы; ландшафттық жоспарлаудағы қазіргі заманғы үрдістер; ландшафттық жоспарлаудың принциптері және ландшафттық жоспарлардың құрылымы; ландшафттық жоспарларды құру мен іске асырудың нормативтік-құқықтық және ақпараттық базасы; ландшафттық жоспарлардың мазмұнын әзірлеудің әдіснамалық негіздері.

Пәннің мақсаты – экологиялық тексерулер мен өндірістік экологиялық бақылауды ұйымдастыру және жүргізу, экологиялық рұқсаттарды рәсімдеу қабілетін қалыптастыру. Курсты оқу барысында студент төмендегідей білімдерді меңгереді: 1. қоршаған ортаны қорғау саласындағы техникалық регламенттерді әзірлеуге бастамашылық ету; 2. кешенді экологиялық рұқсаттарды және қоршаған ортаға эмиссияларға рұқсатты ресімдеу; 3. инспекциялық тексерулер мен өндірістік экологиялық бақылауды ұйымдастыру және жүргізу; 4. экологиялық бақылау жоспарлары мен бағдарламаларын әзірлеу; 5. табиғат пайдаланушылардың халықаралық стандарттарды енгізуді ынталандыру бойынша шаралар әзірлеу. Пәнді оқу нәтижесінде студенттер төмендегі мәселелерді қарастырады: қоршаған ортаны қорғау саласындағы техникалық реттеу және техникалық регламенттерді әзірлеу мәселелері, қоршаған ортаны қорғау саласындағы халықаралық стандарттарды қолдану, экологиялық таңбалауды пайдалану және ҚР экологиялық заңнамасының сақталуын тексеру бағдарламаларын әзірлеу.

Пәннің мақсаты – экологиялық нормативтерді қалыптастыру механизмін түсіну, экожүйелік нормативтерді әзірлеу және олардың қоршаған ортаның ластануын төмендетуге әсерін талдау. Курсты оқу барысында студент төмендегідей білімдерді меңгереді: 1. экожүйеге шекті рұқсат етілген әсер етуді орнату критерийлерімен жұмыс істеу. 2. қоршаған ортаға зиянды әсерлердің әсерін бағалау және орта компоненттерінің сапа көрсеткіштерін есептеу; 3. экологиялық нормативтерді әзірлеу тәсілдеріне салыстырмалы талдау және салыстыру жүргізу; 4. шаруашылық жүргізуші субъектілер үшін антропогендік әсерді нормалау жөніндегі құжаттаманы әзірлеу; 5. санитарлық-гигиеналық нормативтерді қолдану арқылы қоршаған ортаның ластануын болжау. Пәнді оқу нәтижесінде студенттер төмендегі мәселелерді қарастырады: қоршаған ортаны қорғау және табиғатты ұтымды пайдалану саласындағы нормативтердің жіктелуі; қоршаған орта сапасын санитарлық-гигиеналық нормалау; химиялық және биологиялық табиғат факторларын нормалау ерекшеліктері; ауа ортасы мен су объектілері сапасының нормативтері; азық-түлік өнімдері мен азық-түлік шикізатында ластаушы заттарды нормалау; топырақтың химиялық және биологиялық ластануын нормалау; қоршаған ортаның физикалық факторларын нормалау; экожүйелердің жай-күйін және оларға рұқсат етілген жүктемелерді Экологиялық нормалау.; Экологиялық нормалау әдістері; қоршаған ортаға эмиссияларды нормалау; қатты қалдықтармен жұмыс істеу нормативтері; қоршаған ортаның ластануын азайту; табиғи ресурстарды пайдалану нормативтері; табиғат пайдалану және қоршаған ортаны қорғау саласындағы ұйымдық-экономикалық нормативтер.

Пәннің мақсаты – ұзақ геологиялық даму нәтижесінде пайда болған табиғи ортаның морфоқұрылымдық және ландшафтық ұйымдарын талдау процесінде экологиялық Геохимияның теориялық және қолданбалы міндеттерін шешудің геохимиялық әдістерін қолдану қабілетін қалыптастыру. Курсты оқу барысында студент төмендегідей білімдерді меңгереді: 1. жер қыртысының әртүрлі түрлері мен блоктарының құрамы мен геохимиялық қалыптасу шарттарын сипаттау; 2. геохимиялық зерттеулердің әдістері мен нысандарын таңдау; 3. техногендік геохимиялық аномалияларды бөлу, олардың параметрлері мен сипаттамаларын анықтау; 4. қоршаған ортаның жай-күйін кешенді экологиялық-геохимиялық бағалауды және ландшафтық-геохимиялық жағдайды талдауды орындау; 5. химиялық элементтердің шоғырлануы мен көшуінің геохимиялық жағдайларын талдау. Пәнді оқу нәтижесінде студенттер төмендегі мәселелерді қарастырады: қоршаған ортаны геохимиялық зерттеудің негізгі әдістерінің теориясы, әдістемесі және принциптері, жер қыртысындағы химиялық элементтерді табудың негізгі түрлері, элементтердің шашырауы мен шоғырлануы процестері, химиялық элементтердің миграциясының себептері мен тәсілдері, минералдар мен химиялық элементтердің тірі табиғатқа әсері. Техногендік геохимиялық тосқауылдарды қалыптастыру мәселелеріне, табиғи объектілердің техногендік өзгеру дәрежесін экологиялық-геохимиялық бағалау дағдыларын қалыптастыру үшін элементтердің уыттылығының геохимиялық аспектілеріне елеулі көңіл бөлінеді.

Пәннің мақсаты: басқару психологиясының іргелі ұғымдарын меңгеру негізінде жоғары білікті мамандардың ғылыми дайындығын қамтамасыз ету, кәсіби қалыптасу үрдісінде басқару саласының ең маңызды аспектілерін теориялық түсіну және практикалық пайдалану үшін алғышарт жасау. Пәнді оқу нәтижесінде магистранттарда келесі қабілеттерді қалыптастыру: - басқару психологиясының теориясы мен практикасының заманауи жағдайын кейінгі кәсіби іс-әрекетінде қолдану үшін оңтайлы көлемде түсінуге; - басқару үрдістері мен құбылыстарын психологиялық талдаудың әдіснамалық мәселелерін талдауға; - басқару тиімділігін жоғарылату мақсатында жеке тұлғаларды және әлеуметтік топтарды (қауымдастықтарды) зерттеудің психологиялық әдістерін қолдануға және сипаттауға; - басқару объектілері болып табылатын жеке адамдар мен топтар іс-әрекетінің негізгі психологиялық ерекшеліктерін түсіндіруге; - басқару субъектілері іс-әрекетінің негізгі психологиялық ерекшеліктерін жүйелеуге; басқару іс-әрекеті субъектілерінің психологиялық дайындығының мәні мен мазмұнын анықтауға; - басқару тиімділігін жоғарылату мақсатында, басқару үрісінде пайда болатын әлеуметтік-психологиялық құбылыстарды сипаттауға; - басқару субъектілерінің кәсіби маңызды психологиялық қасиеттерін дамыту және жетілдіру әдістері мен тәсілдерін көрсетуге; - әртүрлі басқару мәдениеттерінің байланысы барысында іскерлік және тұлғааралық қарым-қатынас дағдыларын дамытуға; - ұйымдағы қақтығыстық жағдайларды шешу бағдарламаларын құрастыруға; - басқару психологиясы саласында жобалық зерттеу іс-әрекетін жүзеге асыруға, оның нәтижелерін таныстыруға; - жеке өмірде және кәсіби іс-әрекетте табысты қарым-қатынас стратегияларын жүзеге асыруға; - басқару психологиясы тарапынан өмірлік және кәсіби жағдайларды сыни бағалауға; өзіндік және ұжым потенциалын дамыту үшін басқару психологиясы бойынша білімдерді тиімді пайдалануға. Курс заманауи менеджменттің негізгі бағыттарының білімін береді. Бизнес-технологиялардағы және басқарудағы психологиялық талаптарды ашады. Адамдармен өзара әрекеттестікпен байланысты басқару іс-әрекеті тиімділігінің психологиялық негіздерін анықтайды. Курс аясында басқару психологиясының пәні, негізгі қағидалары, басқару өзара әрекеттестігіндегі тұлға, тұлға мінез-құлқын басқару, құндылықтар бойынша басқару туралы заманауи көзқарастар, топтық құбылыстарды және үрдістерді басқару психологиясы, басшы тұлғасының психологиялық ерекшеліктері, жеке басқару стилі, басқару іс-әрекетіндегі ықпал ету психологиясы, қақтығыстық жағдайларды басқару қарастырылады.

Пәннің мақсаты – табиғи объектілердің мониторингін ұйымдастыру ерекшеліктерін түсіну, олардың жай-күйін бағалау және табиғатты қорғау іс-шараларын әзірлеу кезінде алынған ақпаратты пайдалану қабілеттерін қалыптастыру. Курсты оқу барысында студент төмендегідей білімдерді меңгереді: 1. сынамаларды іріктеуді, сынама дайындауды, зерттеу әдістері мен түрлерін қамтитын табиғи объектілердің мониторингін ұйымдастыру үшін теориялық білімді қолдану; 2. қоршаған орта мониторингін ұйымдастырудың карта-сызбасын құру; 3. мониторинг нәтижелерін өңдеу және талдау; 4. аумақтарды шаруашылық игерудің әртүрлі түрлері кезінде қоршаған орта мониторингінің бағдарламаларын әзірлеу; 5. табиғатты қорғау іс-шараларын жобалау. Пәнді оқу нәтижесінде студенттер төмендегі мәселелерді қарастырады: экологиялық мониторингтің ғылыми негіздері; мониторинг түрлерінің жіктелуі; мониторингті ұйымдастыру деңгейлері; қоршаған орта мониторингінің жаһандық жүйесі (МСМОС); мониторингтің құқықтық және нормативтік базасы; қоршаған орта экологиялық мониторингінің әдістері мен құралдары; мониторинг бағдарламасы; бақылау желілері мен жұмыс көлемі; мониторингтің далалық кезеңі; модельдеу және болжам; мониторинг есебінің мазмұны; мониторингті картографиялық қамтамасыз ету; мониторинг зерттеулерінің негізгі бағыттары; жекелеген табиғи ортаның жай-күйінің мониторингі; атмосфераның, топырақтың, жер үсті және жер асты суларының, қар жамылғысының ластануының жай-күйінің мониторингі; биологиялық және медициналық-геохимиялық мониторинг; табиғи ресурстардың мониторингі.

Пәннің мақсаты – гидрология мен гидрогеологиядағы заманауи ғылыми білім мен зерттеу әдістерін су құралдарын тиімді пайдалану және қорғау мәселелерін білікті шешу қабілетін қалыптастыру. Курсты оқу барысында студент төмендегідей білімдерді меңгереді: 1. гидроферадағы және әртүрлі түрдегі су объектілеріндегі негізгі гидрологиялық процестердің мәнін физиканың іргелі заңдары тұрғысынан түсіндіру; 2. іс жүзінде өзен ағынының негізгі сипаттамаларын анықтаудың генетикалық және статистикалық әдістерін қолдану 3. гидрометриялық бақылау деректері болған кезде, жеткіліксіз болған кезде және болмаған кезде негізгі есептік гидрологиялық сипаттамаларды анықтау; 4. өнеркәсіптегі, тұрмыстағы, ауыл шаруашылығындағы және бальнеология мен шаруашылық-ауыз сумен жабдықтаудағы Қазақстанның әртүрлі өңірлеріндегі жер асты суларының рөлін бағалау; 5. гидроизогипс карталарындағы жер асты және жер үсті суларының ток желілері бойынша өзара байланысының сипатын болжау. Пәнді оқу нәтижесінде студенттер төмендегі мәселелерді қарастырады: жер үсті және жер асты суларының қалыптасу ерекшелігі мен практикалық маңызы, олардың ресурстары мен құрамы, фазалық күйі, кеңістіктікте таралу заңдылықтары және қоршаған жер қабықтарымен өзара әрекеттесуі, табиғи суларды зерттеудің қазіргі заманғы далалық және камералдық әдістері, жер асты гидроферасының құрылысы және судың критикалық жай-күйінің аймағы.

Пәннің мақсаты: магистранттардың бойында рационалды-теоретикалық ойлаудағы негізгі дүниетанымдық және әдістемелік мәселелерді құраушы ғылыми білімнің ерекше түрі ретіндегі заманауи ғылым философиясы туралы терең түсінік қалыптастыру. Курсты оқу барысында магистрант төмендегідей білімдерді меңгереді: - әлеуметтік институт пен әрекеттің, білімнің ерекше түрі ретіндегі ғылымның ерекшеліктерін анықтау; - ғылым дамуының заңдылықтары мен ғылыми-зерттеу жұмыстарын жүргізудің стратегиясы мен әдістері туралы пікір-таластар мен негізгі мәселелерді жүйелеу; - зерттеу тақырыбына неғұрлым қатысы бар зерттеу әдістерін және стратегияларын таңдап, оларды кәсіби қызметте ұстану; - заманауи ғылыми жетістіктерді сыни бағалауға ие болып; - пәнаралық іздеудің ең тиімді стратегияларын таңдауға бағытталу; - ғылымды дамытудағы қазіргі кезеңнің өзекті мәселелеріне қатысты өзінің этикалық позициясын қалыптастыру және оны сауатты түрде пікір-таласта дәлелдей алу. Пәнді оқу нәтижесінде магистранттер төмендегі мәселелерді қарастырады: Ғылымның тарихы және философиясының пәні, Ғылымның көзқарастық негіздемелері, Ғылымның қызметтері, Ғылымның пайда болуы және қалыптасуы. Ежелгі дүниедегі, Орта ғасырдағы және Қайта Өркендеу дәуіріндегі ғылым, Жаңаеуропалық ғылым – ғылымның дамуының классикалық кезеңі, Ғылымның дамуының классикалық емес және постклассикалық емес кезеңінің негізгі концепциялары және бағыттары, Ғылыми танымның құрылымы мен деңгейлері, Ғылымның мамандық ретінде қалыптасуы. Ғылымның идеалдары мен нормалары, Ғылымның философиялық негіздемелері және дүниенің ғылыми бейнесі, Ғылыми дәстүрлер және ғылыми революциялар, Жаратылыстану ғылымдары мен техникалық ғылымдардың тарихы мен философиясы, Әлеуметтік және гумантарлық ғылымдардың тарихы мен философиясы, Қазіргі заманғы жаһандық өркениет дамуының философиялық мәселелері.

Пәннің мақсаты – қоршаған табиғи ортаның және адам тіршілігінің әлеуметтік-экономикалық салаларының өзара іс-қимылы, табиғи ресурстарға бағаны қалыптастыру әдістері және қоршаған ортаның ластануынан келтірілген залалды өтеу, тұрақты экономикалық дамуға көшу жағдайында табиғатты пайдалануды экономикалық ынталандыру туралы жүйелі түсінік қалыптастыру. Курсты оқу барысында студент төмендегідей білімдерді меңгереді: 1. қазіргі теориялық және институционалдық шектеулерді ескере отырып, экологиялық-экономикалық өзара іс-қимыл мәселелерін, осы проблемаларды шешу тәсілдерін талдау; 2. ластанудың оңтайлы деңгейін есептеу, ластанудың әрбір деңгейі немесе ластанудың оңтайлы деңгейі үлгісінде экономикалық белсенділік деңгейі үшін ластаушы және реципиенттер үшін шығындарды бағалау; 3. қоршаған ортаның ластануына және оның алдын алуға байланысты, ластаушы, жалпы қоғам және реттеуші орган үшін шығындар мен пайданы бағалау; 4. ластанудың оңтайлы деңгейі моделіндегі әртүрлі реттеуші әсерлердің салдарын талдау, реттеу әдістерінің салыстырмалы артықшылықтары мен шектеулерін бөлу; 5. ашық экономикада табиғи ресурстарды пайдаланудың оң және теріс салдарын бөлу. Пәнді оқу нәтижесінде студенттер төмендегі мәселелерді қарастырады: Қоршаған орта экономикасы. Ластану және ассимиляциялық әлеует. Қоршаған орта экономикасындағы ОЖ ластану проблемасының әдіснамалық негізі. Экологиялық игіліктер мен қоршаған ортаны ластаудан келтірілген залалды экономикалық бағалау. Шаруашылық шешімдердің экологиялық-экономикалық негіздемесі. Қоршаған ортаның ластануын басқару. Әртүрлі елдердегі экологиялық-экономикалық басқарудың ерекшеліктері. Табиғи ресурстардың ентасы және олардың шектеулілігі. Табиғи ресурстардың жекелеген түрлерін модельдеу және экономикалық бағалау. Ашық экономика жағдайында табиғи ресурстарды пайдалану. Табиғи ресурстарды пайдалануды басқару. Табиғи ресурстар, қоршаған орта және экологиялық-экономикалық дамудың ұзақ мерзімді стратегиясы. Табиғи ресурстар және ұлттық шоттар жүйесі. Тұрақты даму.

Пәннің мақсаты – экологиялық сараптама мен аудитті ұйымдастыру және жүргізу, көзделіп отырған шаруашылық қызметтің қоршаған ортаға әсерін бағалау қабілеттерін қалыптастыру. Курсты оқу барысында студент төмендегідей білімдерді меңгереді: 1. шаруашылық қызметтің әртүрлі түрлерін ҚОӘБ жүргізу және жүргізу тапсырмасын жоспарлау, құру; 2. талданып отырған сараптама немесе аудит объектісінің қоршаған ортаға әсер етудің неғұрлым маңызды факторларын бөлу және экологиялық сараптама үшін құжаттама дайындау; 3. шаруашылық қызметтің экологиялық талаптарға сәйкестігін белгілеу және экологиялық сараптама объектісінің іске асырылуына жол берілетіндігін айқындау; 4. ҚОӘБ бойынша қоғамдық тыңдауларды ұйымдастыру және экологиялық реттеу және бақылау мемлекеттік органымен, қоғамдық ұйымдармен өзара іс-қимыл жасау; 5. шаруашылық қызметтің әртүрлі түрлерінің қоршаған ортаға әсерін бағалау үшін инженерлік-экологиялық зерттеулер жүргізу және тиісті жеке және жиынтық сараптамалық бағалар мен қорытындылар дайындау. Пәнді оқу нәтижесінде студенттер төмендегі мәселелерді қарастырады: шаруашылық қызметтің түрлерінің экологиялық салдары, экологиялық сараптама тұжырымдамасы, қоршаған ортаға әсерді бағалаудың (ҚОӘБ) міндеттері мен принциптері, экологиялық сараптаманың және ҚОӘБ-дың нормативтік-құқықтық негізі, инвестиция алдындағы және жобалау қызметіндегі шаруашылық қызметтің экологиялық негіздемесінің әдіснамалық ережелері мен принциптері, ҚОӘБ жүргізудің қазіргі заманғы әдістері, шаруашылық қызмет түрлерінің ҚОӘБ, мемлекеттік экологиялық сараптама жүргізу рәсімі, қоғамдық экологиялық сараптаманың міндеттері мен рөлі, экологиялық аудитті жүргізу принциптері.

Пәннің мақсаты – экологиялық-экономикалық тәуекелдерді талдаудың қазіргі заманғы әдістерін қолдану, табиғи және техногендік факторларға байланысты тәуекелдерді азайту бойынша басқарушылық шешімдерді әзірлеу. Курсты оқу барысында студент төмендегідей білімдерді меңгереді: 1. техногендік жүйелердің адам мен қоршаған ортаға қысқа мерзімді авариялық және ұзақ мерзімді жүйелі әсер ету көздері ретіндегі рөлін түсіну; 2. тәуекелді азайтуға бағытталған іс-шараларды іске асырудағы басым шарттарын анықтау; 3. төтенше жағдайлар кезіндегі авариялық қауіп-қатерді және іс-әрекетті болжауға бағытталған оңтайлы іс-шаралар мен іс-әрекеттерді таңдау; 4. техногендік жүйелердің әсерінен тәуекел дәрежесін көрсететін статистикалық материалдарды талдау; 5. техногендік жүйелердің қоршаған орта компоненттеріне және адам денсаулығына әсер ету салдарын бағалау. Пәнді оқу нәтижесінде студенттер төмендегі мәселелерді қарастырады: техногендік жүйелер мен экологиялық тәуекел ұғымы, техногендік жүйелер, олардың қоршаған ортамен өзара әрекеттесуі, жеке, популяциялық және әлеуметтік тәуекел, талдау әдістері, сандық бағалау, экожүйе үшін тәуекел, экологиялық тәуекелді бағалау әдістері, техникалық авариялар мен апаттар және оларды жою шаралары, өндірістік тәуекелді оқиға ағашының (істен шығу ағашының) әдістерімен талдау, аналитикалық және статистикалық әдістер, экологиялық тәуекелді бағалаудың негізгі әдстері, экологиялық тәуекелді азайтудың негізгі бағыттары мен әдістері.

Пәннің мақсаты: Халықаралық стандарттарына сәйкес шетел тілініңдегі коммуникативтік құзыреттілікті арттыру және осы біліктілікті болашақ магистраннтың мәдениетаралық, кәсіби және ғылыми қызметінде байланыс құралы ретінде пайдалануға үйрету. Курсты оқу барысында магистрант төмендегідей білімдерді меңгереді: - жаңа іс-шараларға қатысу және жаңа ақпараттарды өз білім жүйесіне енгізе білу; - шетел тілінің фонетикалық, грамматикалық, лексикалық құрамын және функционалдық жұмыс істеу принциптерін түсіне білу; - өз бетінше жаңа біліктері мен дағдыларды үйрену және өмірде қолдана білу; - кәсіби білімді алу барысында шетел тілін тиімді қолдана білу; - нақты функцияларды орындау үшін шетел тіліндегі ауызша және жазбаша біліктіліктерді қолдана білу; - пікірталаста өз ойларын жеткізе білу және өз көзқарасын шетел тілінде дәлелді түрде қорғай білу. «Шетел тілі (кәсіби)» пәнінің осы оқу жоспары еңбек нарығында бәсекелесуге қабілетті жоғары білікті мамандарды даярлауға арналған, себебі шет тілі арқылы болашақ магистр академиялық білімге, жаңа технологияларға және заманауи ақпаратқа қол жеткізеді және сол арқылы табысты кәсіби және ғылыми қызметтің құралы болып табылады.

Пәннің мақсаты – табиғи-антропогендік ландшафттарды оңтайландыру мақсатында ландшафттық жоспарлау технологиялары мен табиғи-антропогендік ландшафттарды зерттеудің заманауи әдістерін қолдану қабілетін қалыптастыру. Курсты оқу барысында студент төмендегідей білімдерді меңгереді: 1. қазіргі жұмыс істеп тұрған табиғи-антропогендік ландшафттарды экологиялық оңтайландыру жөніндегі ұсыныстарды негіздеу; 2. табиғи геожүйелердің антропогендік жүктемелерге тұрақтылық шегін бағалау; 3. ландшафтық құрылыстың әртүрлі түрлерінің (аграрлық, қалалық, өнеркәсіптік, көліктік, рекреациялық және т.б.) ландшафтық-экологиялық негіздемесін әзірлеу; 4. картографиялық, аэроғарыштық және басқа материалдар бойынша аумақтың ландшафтық құрылымын талдау; 5. табиғат пайдаланудың әртүрлі түрлерінің (аграрлық, орман шаруашылығы және т.б.) экологиялық және экономикалық салдарларын болжау. Пәнді оқу нәтижесінде студенттер төмендегі мәселелерді қарастырады: табиғи-техногендік ландшафт туралы түсінік, оның ішкі және сыртқы байланыстары, табиғи-техногендік жүйелердің құрылымы, жай-күйі, геоэкологиялық аспектілері; табиғи-антропогендік ландшафттарды басқарудың негізгі тәсілдері, ландшафтық жоспарлау мен жобалаудың дамуындағы негізгі проблемалық мәселелер, антропогендік факторлардың әсерінен геоосфераның өзгеруінің экологиялық және әлеуметтік-экономикалық салдарларын бағалау.

Пәннің мақсаты: жоғары мектеп оқытушысының кәсіби-педагогикалық мәдениетінің негіздерін меңгеру, жоғары мектеп дидактикасы, тәрбие теориясы және білім беру менеджменті, оқытушылық қызметті талдау және өзін-өзі бағалау негізінде ЖОО мен колледждердегі педагогикалық іс-әрекет қабілетін, педагогикалық құзыреттілікті қалыптастыру. Курсты оқу барысында магистрант төмендегідей білімдерді меңгереді: - әлемдік білім беру кеңістігін және Болон үдерісін білім беруді дамытудың қазіргі заманғы стратегиясы ретінде сипаттау; - тұтас педагогикалық процесс теориясы тұрғысынан оқу-тәрбие жағдайларын талдау және бағалау (жағдайларды кешенді, жүйелі талдау); - білім беру заңдылықтары мен принциптеріне сәйкес тұтас педагогикалық процесті жобалау; -  байланыс арқылы оқыту процесінің даму динамикасын және оның компоненттерінің тәуелділігін түсіндіру: жүйелік көзқарас тұрғысынан; критериалды бағалау тұрғысынан; оқыту нәтижелеріне қол жеткізу; - әдіснамалық тұғырлар (іс-әрекеттік, тұлғалық-бағдарлы, құзыреттілік, кредиттік жүйе және т.б.) негізінде оқыту процесін динамикалық жүйе ретінде құру; - оқытудың кредиттік жүйесі негізінде оқытудың әр түрлі стратегиялары мен әдістерін қолдана отырып, дәріс, семинар, практикалық, зертханалық сабақтарды жобалау. Пәнді оқу нәтижесінде магистранттер төмендегі мәселелерді қарастырады: педагогикалық ғылым және оның адам туралы ғылым жүйесіндегі орны; жоғары білім берудің заманауи парадигмасы, білім беруді дамытудың мегатенденциясы және Болон процесі; Қазақстандағы жоғары кәсіптік білім беру жүйесі. Педагогикалық ғылымның әдіснамасы; жоғары мектеп оқытушысының кәсіби және коммуникативтік құзыреттілігі; жоғары мектептегі оқыту теориясы (дидактика); жоғары білім беру мазмұны; білім берудің TLA-стратегиясын жобалау, оқытуды ұйымдастырудың дәстүрлі және инновациялық әдістері мен формаларын қолдану, Жоғары мектептегі жаңа білім беру технологиялары, Кредиттік технология жағдайында магистранттердің өзіндік жұмысын ұйымдастыру; оқу-әдістемелік материалдарды құрастыру технологиясы; жоғары мектептің ғылыми қызметінің теориясы. СҒЗЖ; жоғары білім беру жүйесіндегі куратор-эдвайзердің қызметі; білім берудегі менеджмент.

Пәннің мақсаты – елдің әлеуметтік-экономикалық дамуының қазіргі ауақыттаығ кезеңінде минералды-шикізат кешенінің қызмет ету мәселелерін талдау және бағалау қабілетін қалыптастыру. Курсты оқу барысында студент төмендегідей білімдерді меңгереді: 1. жер қойнауын пайдалану саласындағы негізгі терминдерді түсіну және түсіндіру; 2. басқару шешімдерін дайындау мақсатында жер қойнауын пайдалануды басқару саласындағы компаниялардың функционалдық стратегиялары арасындағы өзара байланысты анықтау; 3. энергетикалық және шикізат ресурстарын игеру және пайдалану мәселелері бойынша құқық көздері мен құқықтық сипаттағы құжаттарды талдау және жер қойнауын пайдаланушылар мен мемлекеттік органдардың жер қойнауын пайдалануды басқару және реттеу саласындағы құқықтарын, міндеттері мен құзыреттерін ажырату; 4. экономиканың минералдық-шикізат секторының объектілері мен жүйелерінің жұмыс істеу ерекшеліктері мен даму бағыттарын түсіну негізінде стратегиялық сипаттағы шешімдерді тұжырымдау; 5. жер қойнауын пайдалануды басқару саласында кәсіби шешімдер қабылдау үшін ұйымдастыру-басқару қызметін іске асыру. Пәнді оқу нәтижесінде студенттер төмендегі мәселелерді қарастырады: ҚР және әлемнің минералдық-шикізат базасының қазіргі жай-күйі, оны пайдалану, даму динамикасы мен перспективалары, оны кеңейтумен және ұтымды пайдаланумен байланысты маңызды мәселелер, ҚР жер қойнауын пайдалануды мемлекеттік басқару мен реттеудің теориясы мен практикасы негіздері, жер қойнауын пайдалануды лицензиялаудың қолданыстағы жүйесі, минералдық-шикізат кешенін ұйымдастырудың, басқарудың теориялық негіздері, жер қойнауының мемлекеттік мониторингі, жер қойнауы туралы ақпараттың құқықтық режимі.

Пәннің мақсаты – ел экономикасындағы жер ресурстарының маңыздылығын түсіну, жер ресурстарын басқару механизмдерін талдау, жер ресурстарын басқару міндеттерін шешуде жүйелі тәсілді қолдану. Курсты оқу барысында студент төмендегідей білімдерді меңгереді: 1. ҚР жер қорын сипаттау, оны шет елдермен салыстыру және жер ресурстарының экологиялық жағдайын бағалау; 2. жер ресурстарын басқару және жерді ұтымды пайдалануды бақылау саласындағы мемлекеттік органдардың құрылымын көрсету; 3. жер ресурстарын басқарудың қазіргі заманғы әдістерін қолдану және оларды тәжірибеде қолдану; 4. жер ресурстарын тиімді басқаруға бағытталған практикалық шараларды әзірлеу және оларды пайдалану бойынша басқарушылық шешімдерді әзірлеу; 5. осы салада болып жатқан процестерді талдау және жер ресурстарын басқару жүйесінің түрлі элементтерін жетілдіру бойынша ұсыныстар әзірлеу. Пәнді оқу нәтижесінде студенттер төмендегі мәселелерді қарастырады: жер ресурстарын басқарудың теориялық негіздері, жер ресурстарын басқару нысандары, мемлекеттік жер кадастры, жер ресурстарын басқарудың ұйымдық-құқықтық тетігі, жер ресурстарын басқарудың экономикалық тетігі, жер ресурстарын басқаруды ақпараттық қамтамасыз ету, шет елдерде жер ресурстарын басқару.

Пәннің мақсаты – әртүрлі масштабтағы аумақтың геоэкологиялық жағдайын бағалау үшін әр түрлі индикаторларды сәйкестендіру және қолдану, осы көрсеткіштердің сандық мәнін анықтау қабілетін қалыптастыру. Курсты оқу барысында студент төмендегідей білімдерді меңгереді: 1. халықаралық экологиялық конвенцияларды іске асыру кезінде жаһандық қоршаған ортаны қорғау саласындағы ұлттық әлеуеттің басым проблемалары мен қажеттіліктерін айқындау; 2. шаруашылық қызметті жобалау кезінде табиғи ортаның сапасын өзгерту және өңірдің геоэкологиялық қасиеттерін есепке алу мәселелері бойынша өз көзқарасын білдіру; 3. табиғи ортаның сапасын бағалау критерийлерін қолдану, табиғат пайдалануды басқарудың аймақтық жүйелерінің ерекшеліктерін және олардың қалыптасуын анықтайтын факторларды есепке алу; 4. әр түрлі жалпылама және интегралды көрсеткіштер негізінде атмосфералық ауаның сапасын бағалауға, ластаушы заттардың концентрациясын есептеуге, кәсіпорындардың атмосфераға әсерін нормалау тәсілдерін әзірлеу; 5. техникалық-экономикалық негіздеме, объектілерді жобалау, салу және пайдалану деңгейінде шаруашылық және өзге де қызметтің геоэкологиялық негіздемесінің әдістері мен практикалық тәсілдерін пайдалану. Пәнді оқу нәтижесінде студенттер төмендегі мәселелерді қарастырады: елдің жай-күйі индикаторлары мен тұрақты даму көрсеткіштері жүйелерінің әдіснамалық негіздері, елдің жай-күйін бағалау мақсатында геоэкологиялық индикаторлар мен индекстерді әзірлеуді ұсыну нысандары және антропогендік қызмет нәтижесінде оның өзгеруі, әлеуметтік-экономикалық және экологиялық функцияларды ландшафтармен сақтау жөніндегі кешенді іс-шараларды жетілдіру тетіктері мен жолдары.

Пәннің мақсаты – жерді тиімді пайдалану және қорғау, өнімділігін қалпына келтіру, топырақтың құнарлылығын арттыру бойынша іс-шараларды әзірлеу қабілетін қалыптастыру. Курсты оқу барысында студент төмендегідей білімдерді меңгереді: 1. бүлінген жерлердің жай-күйін зерттеу және бүлінген және ластанған учаскелерді қашықтықтан зондтау материалдарында тану; 2. бүлінген жерлерді қорғау, қалпына келтіру және оларды одан әрі пайдалану режимі жөніндегі іс-шараларды ұйымдастыру; 3. жердің тозуының алдын алу және жою, бүлінген жерлерді қалпына келтіру бойынша тиімді әдістерді, тәсілдерді, технологияларды және іс-шараларды таңдау; 4. бүлінген және ластанған жерлерді қалпына келтіру жобаларын әзірлеу; 5. бүлінген жерлердің қоршаған ортаға әсерін болжау және бағалау. Пәнді оқу нәтижесінде студенттер төмендегі мәселелерді қарастырады: жердің тозуының себептері мен түрлері, техногендік бедер мен алаңдар бойынша бүлінген жерлерді жіктеу, табиғи-техногендік ландшафтардың типтері, жерді эрозиядан, су басудан және батпақтанудан, екінші рет сортаңданудан және жерді тығыздаудан, химиялық және биологиялық ластанудан қорғау, эрозияға қарсы іс-шараларды, жердің батпақтануының алдын алу және жою жөніндегі, топырақтың ауыр металдармен, пестицидтермен ластануының алдын алу жөніндегі іс-шараларды әзірлеу, жердің ластануы мен қоқыстануының салдарларын жою, жерді, табиғи-техногендік ландшафтарды қалпына келтіру кезеңдері.

Пәннің мақсаты – тұрақты дамудың мақсаттары мен факторларымен бірге "жасыл" технологиялардың негіздерін сәйкестендіру және қолдану қабілетін қалыптастыру. Курсты оқу барысында студент төмендегідей білімдерді меңгереді: 1. "жасыл" технологиялар саласындағы дамудың негізгі факторлары мен векторларын, сондай-ақ Қазақстан жағдайында тұрақты даму мақсаттарын іске асырудағы олардың орны мен маңызын түсіну; 2. сөз сөйлеуді, баяндаманы, Ақпараттық шолуды, аналитикалық есепті, мақаланы тұрақты дамыту үшін негізгі жасыл технологияларды талдау саласындағы талдау және зерттеу жұмыстарының нәтижелерін ұсыну 3. "жасыл" технологиялар саласындағы түрлі мәселелерді талдау және салыстыру, нәтижелерді жинақтау және практикалық қолдану үшін қажетті қорытынды жасау; 4. қазіргі кезеңде жасыл технологиялардың даму тенденциялары мен перспективаларын талдау; 5. қазіргі заманғы "жасыл" технологиялар кешенінің жай-күйі мен тізбесін және оларды Қазақстан экономикасында қолдану мүмкіндіктерін бағалау. Пәнді оқу нәтижесінде студенттер төмендегі мәселелерді қарастырады: "жасыл технологияларды" қолданудың принциптері, түрлері және салалары олардың орнықты даму стратегиясын іске асырудағы маңызы мен перспективалары, жасыл технологиялар саласындағы қазіргі заманғы зерттеулердің бағыттары, жасыл экономика құралдарын пайдаланудың негізгі үрдістері, проблемалары мен перспективалары,"жасыл" экономика инновациялық экологиялық тұрақты дамудың негізі ретінде, "жасыл" экономикаға арналған экоинновация және "жасыл" технологиялар, өңірлік экономиканың экологиялық тұрақтылығының әлеуетін бағалау әдістемесі.

Пәннің мақсаты – табиғи геожүйелерді кешенді зерттеуді жоспарлау, табиғи-антропогендік кешендердің экологиялық жағдайын бағалау және оларды оңтайландыру бойынша ұсыныстар әзірлеу қабілеттерін қалыптастыру. Курсты оқу барысында студент төмендегідей білімдерді меңгереді: 1. геоэкологиялық зерттеулердің мақсаттары мен міндеттерін қалыптастыру, 2. геожүйелерді трансформациялаудың салдары мен қолдануымен байланысты мәселелерді диагностикалау; 3. геоэкологиялық зерттеулерді ұйымдастыру және жүргізу, аномалияларды іздеу; 4. қоршаған ортаның экологиялық жағдайын бағалау және геоэкология және табиғатты пайдалану саласындағы міндеттерді шешу үшін алынған ақпаратты таңдау, талдау және интерпретациялау; 5. табиғи ресурстарды пайдалану процесінде геожүйелердің жай-күйінің уақытша және кеңістіктік даму үрдістерін анықтау. Пәнді оқу нәтижесінде студенттер төмендегі мәселелерді қарастырады: зерттеу объектілері мен жіктелуі, геоэкологиялық зерттеулердің әдіснамалық негіздері, зерттеулер жүргізудің қазіргі заманғы әдістері(геохимиялық, геофизикалық, ландшафттық, гидрогеологиялық, инженерлік-геологиялық, дистанциялық, гидрометеорологиялық, аэроғарыштық, картографиялық, математикалық).

Пәннің мақсаты – өнеркәсіптің түрлі салаларында қатты қалдықтарды өңдеудің негізгі технологиялық сұлбалары мен параметрлерін, қатты тұрмыстық қалдықтарды өңдеудің заманауи технологияларын түсіну және талдау қабілетін қалыптастыру. Курсты оқу барысында студент төмендегідей білімдерді меңгереді: 1. қоршаған орта үшін қалдықтардың қауіптілік класын анықтау, қалдықтардың төлқұжаттарын құру; 2. қалдықтарды қайта өңдеу аппараттарының техникалық сипаттамаларын есептеу; 3. қалдықтарды материалдық және энергетикалық өңдеудің оңтайлы технологияларын таңдау және осы процестер үшін технологиялық жабдықты таңдау; 4. қалдықтармен жұмыс істеу саласындағы өндірістің экологиялық қызметіне зерттеу және бағалау жүргізу және оны жетілдіру жөнінде ұсыныстар әзірлеу; 5. қауіпті қалдықтарды өңдеу жобаларын әзірлеу. Пәнді оқу нәтижесінде студенттер төмендегі мәселелерді қарастырады: қауіпті қалдықтардың түрлері, құрамы, жіктелуі, паспорттануы, уыттылығы; негізгі нормативтік құжаттар, қалдықтардың қоршаған табиғи ортаға және адамға әсерін нормалау тәсілдері мен бағалау тәсілдері; өнеркәсіптік және тұрмыстық қалдықтарды өңдеудің қазіргі және перспективалық тәсілдері мен технологиялық схемалары, қалдықтардың түзілу нормативтері мен лимиттерін, олардың қауіптілік класын есептеу.

Пәннің мақсаты – жасыл экономикаға көшуді қамтамасыз ету мақсатында инновациялық стратегиялар мен жобаларды әзірлеу, оларды жүзеге асыру құралдарын таңдау және тиімділікті бағалау қабілетін қалыптастыру. Курсты оқу барысында студент төмендегідей білімдерді меңгереді: 1. оңтайлы нәтижелер алуға бағытталған жобаларды басқару әдістерін қолдану және жобаларды басқару әдістерін іс жүзінде қолдану; 2. инновациялық саладағы ұйымды дамытудың оңтайлы нұсқасын таңдау және инвестициялық тартымдылық пен экологиялық қауіпсіздік тұрғысынан инновациялық жобаларға сараптама жүргізу; 3. Қазақстанның жасыл экономикаға көшу тұжырымдамасын іске асыру үшін инновациялық менеджмент пен жоспарлаудың әдіснамалық қағидаттарын, оларды қолдану мүмкіндіктерін қолдану; 4. түрлі факторлар мен проблемаларды талдау, жасыл экономика мақсаттарын іске асыру кезінде оларды шешудің мүмкін жолдарын табу; 5. Қазақстан жағдайында жасыл экономикаға көшуге кедергі келтіретін қазіргі заманғы факторлардың тізімін бағалау. Пәнді оқу нәтижесінде студенттер төмендегі мәселелерді қарастырады: инновациялық менеджмент әдістері мен принциптері және жасыл экономика стратегиясын іске асыру мақсатында жоспарлау негіздері, инновациялық қызметті ұйымдастыру ерекшеліктері, оны жүзеге асырудың ұйымдастырушылық нысандары, инновациялық нарықтардың инфрақұрылымы, инновациялық идеяларды іздеу тәсілдері.

Пәннің мақсаты – өндірістік шығарындылар мен төгінділерді тазартудың технологиялық жабдықтары мен техникалық құралдарын таңдау қабілетін қалыптастыру, тазарту процестерін қарқындату және жетілдіру жолдарын қалыптастыру. Курсты оқу барысында студент төмендегідей білімдерді меңгереді: 1. өндірістің әртүрлі сатыларындағы ластанудың негізгі көздерін, сондай-ақ олардың қоршаған орта компоненттеріне әсер ету параметрлерін сәйкестендіру; 2. қоршаған ортаны қорғау, өндірістік қызметті экологияландыру технологияларындағы қазіргі заманғы үрдістерді сипаттау; 3. қоршаған ортаның өзгеруі мен технологиялық процестердің параметрлері арасындағы тәуелділікті талдау; 4. орта қорғау технологияларын құрудың қазіргі заманғы отандық және шетелдік техникалық тәжірибелерін салыстыру. 5. қоршаған ортаны қорғау бойынша техникалық тиімді табиғатты қорғау және ресурс үнемдеуші орта қорғау (алдын алу және оңалту) іс-шараларын таңдау және олардың тиімділігін бағалау. Пәнді оқу нәтижесінде студенттер төмендегі мәселелерді қарастырады: кәсіпорында қоршаған ортаны қорғаудың түрлері, әдістері мен тәсілдері, ҚР-да жаңа технологияларды енгізу және шетелдік тәжірибемен салыстыру, атмосфераны өнеркәсіптік ластанудан қорғаудың қазіргі заманғы әдістері: механикалық, физика-химиялық, химиялық, өнеркәсіптік шығарындылардан өлшенген және газ тәріздес заттарды жою техникасы мен технологиясы, Өнеркәсіптік және шаруашылық-ауыз сумен жабдықтау үшін Су дайындаудың негізгі әдістерінің сипаттамасы, сарқынды суларды (өндірістік және тұрмыстық) тазартудың қазіргі заманғы әдістері, Гидромеханикалық, физика-химиялық, химиялық, ағынды тазалаудың биохимиялық және термиялық әдістері, қатты қалдықтарды кәдеге жарату жолдары, топырақты ластанудан тазарту технологиялары.

Пәннің мақсаты – су ресурстары мен су шаруашылығы кешендерін басқару ерекшеліктерін түсіну және аумақтғы су шаруашылығы іс-әрекетін бағалау қабілетін қалыптастыру. Курсты оқу барысында студент төмендегідей білімдерді меңгереді: 1. су ресурстарын басқаруды жоспарлауда қабылданған негізгі қағидаттарды, элементтерді және процедураларды түсіндіру; 2. су объектілерін ластаудың негізгі көздерін белгілеу, олардың сапалық және сандық сипаттамасын беру, су объектілеріне әсер етуді айқындау, қолданыстағы стандарттарға сәйкес табиғи сулардың сапасын бағалауды жүргізу және су сапасын жақсарту жөніндегі іс-шараларды ұсыну; 3. су ресурстарын басқаруды жоспарлаудың және кәсіпорындар мен ұйымдардың қызметінде суды пайдалануды экономикалық тиімді басқарудың қазіргі заманғы әдістерін пайдалану; 4. су ресурстарын басқару жүйесін іске асыру заңнамасын, саясатын және практикасын, осы саладағы трансшекаралық ынтымақтастықтың нұсқаларын талдау және оларды жақсарту жөнінде ұсыныстар әзірлеу; 5. әртүрлі деңгейлерде су ресурстарын басқару жөніндегі жоспарлар мен бағдарламаларды әзірлеу. Пәнді оқу нәтижесінде студенттер төмендегі мәселелерді қарастырады: су секторының қазіргі жағдайы және мәселелері, ҚР заңдары және су ресурстарын практикалық жоспарлау мен пайдаланудағы қазіргі халықаралық принциптер, су ресурстарын басқаруды жоспарлау кезіндегі қаржы-экономикалық талдау негіздері және құралдар, су пайдаланудың мақсаттары мен стандарттарына сәйкес су сапасының көрсеткіштері, халықаралық, субұлттық (ЕО), ұлттық және жергілікті деңгейлерде су ресурстарын басқару концепциялары мен құралдары.

1. экономикалық және экологиялық өлшемдер негізінде мемлекеттің тұрақты даму көрсеткіштерін түсіндіру және қоғаммен «жасыл экономиканың» тұрақты даму тұжырымдамаларын таратуда және дамытуда халықаралық экологиялық ұйымдардың рөлін көрсету»;

2. химиялық элементтердің таралу, шоғырлану мен көшу заңдылықтарын түсіндіру және жер қыртысы мен топырақ жамылғысының дамуындағы экзогенді және эндогенді процестердің рөлін негіздеу;

3. қазіргі заманғы зерттеу әдістері мен экологиялық нормативтерді пайдалана отырып, қоршаған орта мен табиғи ресурстардың жай-күйіне бақылау мен бағалау, шаруашылық қызметтің экологиялық сараптамасы мен аудитін жүргізу;

4. табиғи ресурстарды пайдалану мен экономиканың өсуі арасындағы өзара байланысты анықтау және табиғатты ұтымды пайдалануды реттеудің әкімшілік және экономикалық тетіктерін қолдануды негіздеу;

5. қабылданатын шешімдерді негіздеу үшін табиғи және табиғи-техногендік нысандардың жай-күйін бағалау бойынша ғылыми ізденістерді жүргізу кезінде геоэкологиялық ақпаратты зерттеудің, интерпретациялаудың және өңдеудің заманауи әдістерін дербес пайдалану.

6. қазіргі заманғы әдістерді қолдана отырып, техногендік жүйелердің экологиялық қауіпін мемлекеттік экологиялық бақылау және бағалау рәсімдерін ұйымдастыру, бағалау нәтижелерін талдау және қауіптің қолайлылығы туралы қорытынды жасау;

7. жоспарлау мен болжаудың қазіргі заманғы әдістерін қолдана отырып, табиғи және техногендік ландшафттарды оңтайлы пайдалану сызбасын құру;

8. табиғи ресурстарды пайдалануды жоспарлау және болжау, оларды пайдалану және қалпына келтіру қарқынын және ел экономикасы үшін маңызын талдау;

9. табиғи және техногендік ландшафтардың, су, жер және минералдық ресурстардың экологиялық жай-күйін, оларды басқару жүйесінің тиімділігін бағалау, оларды қорғау және ұтымды пайдалану жөніндегі іс-шараларды әзірлеу;

10. табиғи ресурстарды ұтымды пайдаланудың кешенді сызбаларын әзірлеу, су тұтыну мен су бұрудың, жерді және минералдық ресурстарды пайдаланудың баланстарын құру,

11. типтік табиғат қорғау іс-шараларын, оның ішінде қалдықтарды қайта өңдеу, бүлінген жерлерді қалпына келтіру, ластанған суларды тазарту және атмосфералық ауаны тазарту жөніндегі іс-шараларды және табиғи ортаны сақтау жөніндегі практикалық ұсынымдарды әзірлеу;

12. қоғам мен экономиканың қазақстандық моделін,ғылымды дамыту факторларын талдау үшін ғылыми-тарихи және философиялық білімді еркін интерпретациялау және шығармашылықпен пайдалану; сабақтар мен тәрбиелік іс-шараларды өткізу кезінде заманауи педагогикалық технологиялар мен тәсілдерді қолдану; тиімді шешімдер қабылдау үшін психологиялық білімді қолдану, жеке өмірі мен кәсіби қызметінде табысты коммуникативтік стратегияларды жүзеге асыру.