7M05302 Химия в Сәрсен Аманжолов атындағы Шығыс Қазақстан мемлекеттік университеті

Пән магистранттардың педагогика мен педагогикалық шеберліктің теориялық негіздері туралы, жоғары мектепте оқыту үшін оқу-тәрбие үрдісін басқару туралы іргелі білім алуға; кәсіби қызметте заманауи педагогика принциптері, дәстүрлі және инновациялық формалары, жұмыс әдістері, жоғары мектептің педагогикалық міндеттерін шешуде әдістемелік тәсілдер туралы білімді қолдану қабілетін дамытуға, сонымен қатар жоғары кәсіби білім беру мәселелерін шешуге, оның әрі қарай даму перспективаларын анықтауға; адам туралы ғылым жүйесіндегі және педагогтың практикалық қызметіндегі жоғары мектеп педагогикасының орнын, рөлі мен маңызын түсіндіруге бағытталған.

Курс білім алушыларды грамматиканы, лексикалық материалды, әртүрлі стильдегі мәтіндердің ерекшеліктерін (ресми-іскерлік, көркем, ғылыми-функционалдық), академиялық жазу нормаларын, оларды кәсіби және өзге де қызметте пайдалану мүмкіндіктерін оқу арқылы өзге тілді коммуникативтік құзыреттілікті қалыптастыруға бағытталған. Пән меңгерілген тілдік білім мен сөйлеу біліктерін; шет тіліндегі әдебиеттермен жұмыс істеу дағдыларын, сондай-ақ кәсіби қарым-қатынас, презентациялар, хабарламалармен және баяндамалармен сөз сөйлеу, кәсіби қарым-қатынас жасау үшін қажетті ауызша қарым-қатынас формаларының дағдыларын; кәсіби қарым-қатынас жасау үшін қажетті жазбаша дағдыларын (іскерлік хат, хабар, кәсіби бағыттағы мәтіндерді талдау және т.б.); қазіргі заманғы ақпараттық технологияларды пайдалана отырып, кәсіби саладағы коммуникативтік міндеттерді шешу дағдыларын жүйелендіруге мүмкіндік береді.

Пән аналитикалық химия бойынша теориялық білімді математикалық статистика элементтерімен тереңдетуге және кеңейтуге, қателіктерді, оларды жіктеуге, сенімді интервалды есептеу Гаусс заңына сәйкес үлестіруге және Кохрин, Стьюдент, Фишер, Q – критериі,белгісіздік бойынша сенімді интервалды есептеуге,белгісіздік жіктеуге, оған әртүрлі химиялық операциялардың қосқан үлесіне бағытталған.

Пән жоспарлы зерттеу жұмыстарын жүргізу үшін қолданбалы бағдарламалармен жұмыс істеу дағдыларын қалыптастыруға, кәсіби-педагогикалық қызметтің тиімділігін тексеру бойынша нәтижелерді өңдеудің статистикалық әдістерін қолдану дағдыларын қалыптастыруға бағытталған. Пән білім сапасын диагностикалық бағалау нәтижелерін өңдеудің бағдарламалық құралдарының мүмкіндіктерін, ЖОО web-ресурстарының, энциклопедиялардың, ғылыми-көпшілік журналдардың ақпараттық әлеуетін, жариялау тәсілдерін, виртуалды бағдарламалық қамтамасыз етуді, Google сервистерін, Skype бағдарламаларын, вебинарларды жобалау қызметінде пайдалану процесін айқындайды.

Пән ғылыми-зерттеу қызметін ұйымдастыру әдістері мен әдістемесін зерттеуге, зерттелетін процесс шарттарын қалыптастыру ерекшеліктері туралы білімді тереңдетуге, зерттелетін проблеманың құрылымдық-мазмұндық теориялық моделін әзірлеуге, зерттеудің теориялық және эмпирикалық әдістері негізінде тәжірибелік-эксперименталдық қызметті жүзеге асыруға, жаңа теориялық және практикалық ғылыми нәтижелерді алуға бағытталған. Пәнді оқу сондай-ақ білім алушылардың академиялық сауаттылығын дамытуға, олардың форматтары, өлшемдері, жанрлары, академиялық жазу стилінің ерекшеліктері туралы білімдерін тереңдетуге ықпал етеді. Пәнді оқу нәтижесінде магистранттарда ғылыми, кәсіби, зерттеу мәтіндерін жазу, әртүрлі ақпарат көздерімен жұмыс істеу, практикалық міндеттерді шешуде зерттеу әдістерін қолдану, ғылыми-зерттеу жұмыстарының бағдарламаларын өз бетінше құру құзыреттілігі дамиды.

Пән сарқынды суларды тазарту негізінде жатқан жалпы заңдарды, өнеркәсіптегі, металлургиядағы, ауыл шаруашылығындағы, медицинадағы және халық шаруашылығының басқа да салаларында қатты қалдықтарды бөлу және кәдеге жаратудың негізгі механизмдерін, өнеркәсіпте және басқа өндірістерде қолданылатын тазалау әдістерін (механикалық,химиялық, физикалық-химиялық, биологиялық, термиялық) оқытуға бағытталған.

Пән алифатикалық көмірсутектер мен олардың туындыларын, радикалды алмастыру механизмдерін, нуклеофильді алмастыру, нуклеофильді қосу, конденсация және полимерлеу,хош иісті көмірсутектер мен олардың туындыларын,гетероциклді қосылыстарды, соның ішінде бестік, алты тиекті гетероциклдерді, сондай-ақ нуклеин қышқылдарының құрамына кіретін пиримидинді және пуринді негіздерді, органикалық қосылыстардың стереохимиясын,органикалық қосылыстардың органикалық қосылыстар белсенділігінің байқалуында стереохимиялық құбылыстардың мәнін зерттеуге бағытталған

Пән әр түрлі ғылым салалары бойынша зерттеу деректерін компьютерлік өңдеудің негізгі теориялары мен тәжірибелерін, моделдеу теориясының негізгі аспектілерін,әртүрлі пәндік салаларда ақпараттық модельді ұсыну нысандары мен типтерін, модельдерді әзірлеудің және зерттеудің негізгі кезеңдерін қарастыруға бағытталған.

Пән атомдық-күштік микроскопияның физикалық негіздерін, зондты микроскопия әдістерімен беттік топографияны зерттеу әдістерін, электронды микроскопияның физикалық негіздерін және растрлік электронды микроскопия және рентгенқұрылымды талдау әдісімен беттік топографияны зерттеу әдістерін меңгеруге бағытталған.

Пән қазіргі аналитикалық химияның негізгі түсініктері мен әдістерін, гомогенді және гетерогенді жүйелердің химиялық тепе-теңдігін, аналитикалық химияның негізгі даму кезеңдерін, нақты ерітінділерд3, белсенділік коэффициентін, тепе-теңдік константаларын, термодинамикалық, нақты және шартты, қышқылдық-негізгі тепе-теңдікті, Гаммет функциясын, үлестіруші диаграммалық функцияларды, Бьеррум әдісі бойынша көплигандалы кешендердің функциялары мен қисық түзілімдері, гетерогенді тепе-теңдік, тотығу-қалпына келтіру тепе-теңдігін, теңдестірілген процестердің графикалық бейнесін, кешен құру және анализде комплекстерді пайдаланудың оңтайлы аймақтарын табуды оқытуға негізделген.

Пән қоршаған ортаның әртүрлі объектілерін (ауа,су, топырақ, өсімдік және жануарлар нысандары) талдау үшін хроматографияның әртүрлі түрлерін (жұқа қабатты, газ және газ-сұйықтық, сұйық, флюидтік, жоғары тиімді сұйық) қолдану құзыреттілігін қалыптастыруға бағытталған.

Пән сарқынды сулардың негізгі түсініктері мен жіктелуін, сарқынды суларды талдау кезінде қолданылатын талдаудың негізгі физика-химиялық әдістерін: атомдық абсорбция және эмиссия, масс-спектроскопия, люминесцентті талдау әдісі, хроматография.

Пән полиметалл кендерінің құрамына кіретін металдарды талдаудың заманауи әдістерін, металлургиялық өндірістің бастапқы және соңғы өнімдерін талдауды және қателіктер мен белгісіздік концепциясы тұрғысынан сапаны бағалауды зерттеуге бағытталған.

Пән биологиялық молекулалардың жіктелуі және олардың құрылысы бойынша мономерлік бірліктері мен ағзадағы физиологиялық рөлі, организмдегі әртүрлі биологиялық молекулалардың метаболизм жолдары бойынша білімдерін қалыптастыруға және олардың реакциялық қабілетін бағалау, катаболизмнің бастапқы және соңғы өнімдерінің кеңістіктік құрылысы, катаболизм өнімдерінің синтетикалық түрленуі туралы өзара байланысын бағалауға негізделген білімнің қалыптасуына бағытталған.

Пән қазіргі басқару қызметінің психологиялық механизмдері және ұйымдардағы адамдардың мінез-құлқын басқару жүйесі туралы білімді қалыптастыруға бағытталған. Курс барысында магистранттар басқару психологиясын меңгереді, психологиялық жағдайларды талдауды жүзеге асырады, басқару ерекшеліктерін, психологиялық жағдайды диагностикалау мен болжауды, басқарудың ішкі жүйесінің өзгерістерін, бағынышты қызметтің бағдарламаларын қалыптастыруды, басқару қажеттіліктері мен қабілеттерін, диагностикалық құралдарды құру тәсілдерін, менеджерлерді оқытудың белсенді әдістерін әзірлеуді, консалтинг түрінде іс жүзінде іске асыруды зерделейді. Пән қоғамның қазіргі даму жағдайында басқару процесінің психологиялық мазмұнының теориялық-әдіснамалық негіздерін қалыптастырады.

Пән қазіргі заманғы материалтануда қолданылатын негізгі процестер мен аппараттарды, құрал- жабдықтардың жұмыс істеу принциптерін оқып білуге ; Берілген технологиялық параметрлерде аппараттарды есептеу әдістемесін меңгеруге, аппараттар мен машиналарды пайдалану кезінде қоршаған ортаны қорғау және энергия үнемдеу мәселелерін оқып білуге бағытталған.

Пән аналитикалық химия бойынша қышқылдар мен негіздер теорияларын,қышқылдар мен негіздердің негізгі заманауи теорияларын (Аррениус, Брендеда-Лоури, Льюис, Усанович), ерітінділер теориясын, әлсіз және күшті электролиттердің қасиеттерін, белсенділікті, тепе-теңдік константаларын, теориялардың негізгі жағдайын, қышқылдар мен негіздердің белгілі бір теория тұрғысынан сипаттамасының ерекшеліктерін зерттеуге бағытталған.

Пән қазіргі әлеуметтік және тұлғалық болмыстың маңызды факторы ретінде Ғылым туралы жүйелік түсініктерді қалыптастыруға, тарихи дамудың негізгі тенденциялары мен негіздеріне, ғылымды зерттеуде негізгі ғылыми мәселелер мен пікірталас мәселелеріне, қазіргі ғылыми танымның әдіснамалық негіздеріне бағытталған. Курста ғылымның қоғамдағы әлеуметтік, экономикалық, рухани процестерге ықпал ету мәселелері оқытылады.

Пән атомдар мен молекулалардың оптикалық немесе сыртқы электрондарының энергетикалық жай-күйінің өзгеруіне негізделген зерттеу әдістерімен терең таныстырады: атомдық-абсорбциялық спектроскопия, атомдық-эмиссиялық спектроскопия, люминесценттік әдіс, спектрофотометрия және УК-спектроскопия.

Пән табиғи қосылыстар химиясы, жіктелуі, табиғи заттардың әрбір тобы үшін жалпы және ерекше химиялық қасиеттері, табиғи БАЗ топтары мен кластары арасындағы биогенетикалық байланыстары, өсімдік объектілерінен табиғи қосылыстардың барлық сыныптарын бөлудің негізгі тәсілдері, табиғи заттардың жұқа құрылымын анықтау әдістері салаларында негізгі білімнің қалыптасуына бағытталған.

Пән химиялық өндіріс өнімдерін стандарттау, сертификаттау бойынша практикалық міндеттерді табысты шешуге, нормативтік құжаттармен, техникалық жағдайлармен, халықаралық, мемлекетаралық мемлекеттік, ұлттық стандарттармен, стандарттау және сертификаттау бойынша әртүрлі ұйымдармен танысуға бағытталған.

Пән аналитикалық химия саласындағы білім мен түсініктерді кеңейтуге бағытталған: қышқылдар мен негіздердің қазіргі теориялары,тепе-теңдікті графикалық зерттеу және тарату диаграммаларын құру.

Пән алифаттық көмірсутектерде және бензой және бензой емес қатарлардың хош иісті қосылыстарында электрофильді және нуклеофильді алмастыру реакцияларын, гетороциклді қосылыстардағы реакциялар механизмін тереңдетіп оқытуға бағытталған.

Пән термодинамикалық жүйелер мен параметрлердің негіздерін, металлургиялық реакциялардың кинетикасын, сұйық металдардың құрылысы мен қасиеттерін, қайта қалпына келтіру процестерінің негіздерін, қара металдарды өндіру технологиясындағы бастапқы металл өндірісін, шикізатты балқытуға дайындау, сонымен қатар қоспалардан тазарту технологияларын, ферроқорытпа өндірісін, ауыр түсті металдар өндірісін зерттеуге бағытталған.

Пән қатты заттардағы, сұйықтықтар мен газдардағы нанобъектілерді, нанобъектілерді құрылымдық ұйымдастыру принциптерін, наноқұрылымдардың ерекшеліктерін және наножүйедегі өлшемдік әсерлердің пайда болуын, көміртекті және бейорганикалық наноқұбырлардың, наноқұбырлардың, супрамолекулалық ансамбльдер мен құрылғылардың қасиеттерін зерттеуге бағытталған.

жаһандану жағдайында отандық және әлемдік ғылымның түрлі салаларының қазіргі заманғы теориялық және қолданбалы мәселелерін талдау;

химияның әр түрлі саласындағы заманауи теориялық және қолданбалы мәселелерді дәлелдеу;

іргелі химиялық пәндер бойынша теориялық және практикалық білімді пайдалана отырып, заманауи химияның проблемалық мәселелерін шешу;

өндірістік процестердің теориялық химиялық модельдерін және зерттеу жұмыстарының нәтижелерін құру әдістерін қолдану;

органикалық және органикалық емес координациялық қосылыстардың барлық кластарының бағытталған көп сатылы синтезі әдістерін, оның ішінде қажетті қасиеттері мен сипаттамалары кешені бар полимерметаллды пайдалана отырып синтездеу жүргізу;

су ортасында, ауада, топырақта және минералды шикізатты қайта өңдеу өнімдерінде зиянды заттардың уыттылығына химиялық мониторингті ұйымдастыру;

қоғаммен, ұжыммен әлеуметтік өзара іс-қимыл жасау қабілетін, топта жұмыс істеу дағдыларын, ынтымақтастық, толеранттылық дамыту;

қазіргі ғылыми теориялар мен талдау әдістері негізінде академиялық тұтастықты сипаттайтын дербес ғылыми зерттеу жүргізу;

шет тілін тасымалдаушымен қарым-қатынасты, шет тілінде іскерлік хат алмасуды, кітаптарды, монографияларды және таңдалған ғылыми бағыттар бойынша мақалаларды оқу мен аударуды ұйымдастыру;

техникалық, қаржылық және адами факторларды ескере отырып, Негізгі өндірістік қатынастарды басқару;

жоғары мектептегі студенттердің даму, тәрбиелеу және оқыту заңдылықтарын талдау.