8D05308 Ядролық физика в Әл-Фараби атындағы Қазақ ұлттық университеті

Мақсаты: көп бөлшекті жүйелердің кванттық механика және атомдық ядроның заманауи физикасын зерттеу. Күтілетін оқу нәтижелері: - ядролық физика бойынша есептерді шешу үшін заманауи технологияларды пайдалану; - ядролық физиканың есептеу әдістері және шашырау теориясы бойынша алынған нәтижелерді талдау және жүзеге асыру; - ядролық физиканың белгілі бір есебін шешу үшін қандай да бір әдіс таңдауын дәлелдеу; - ядролық физиканың есептеу әдістерінің жұмыс істеу принципін талқылау. Пәнді оқу нәтижесінде докторанттар төмендегі мәселелерді қарастырады: «Физикадағы компьютерлік есептеу және программалау» курсына кіріспе. Есептеу моделі. Арифметика: бүтін сандарды қарапайым көбейткіштерге жіктеу. Модульдік арифметика: қалдықпен бөлу, қорытындылар, салыстыру және қалдықтар туралы қытай теоремасы. Мультимедиа: геометрия, графика, кино және дыбыс. Ядролық күштер. Ядролық физиканың негізгі түсініктері. Ядролық әсерлесу және реакцияға кіріспе. Гамма-ыдырау. Ішкі түрлену және жұптық өндіріс. Радиоактивті ыдырау заңдары. Реакциялық кинематика. Ядролық физиканың кейбір таңдаулы қосымшалары. Электрлік квадрупольдік әсерлесу. Сақталу заңдары.

Мақсаты: Лобачевский және Риманның классикалық эвклидті емес геометриясын, сондай-ақ кез-келген жоба метрикаларын зерттеу. Докторантқа микроәлем заңдылықтары туралы терең түсінік беру. Докторант құбылыстың физикалық табиғаты туралы нақты түсінік алуы қажет, физикалық процестерді теория мен тәжірибенің заманауи жетістіктері көзқарасынан түсіне білуі керек. Басты назарды іргелі жалпы және жуықтау әдістеріне аудару арқылы докторант оларды қолдану шекарасын және оларды тәжірибеде тиімді қолдана білуі керек. Күтілетін оқу нәтижелері: - нуклондардың бірбөлшекті және ұжымдық модель аясындағы қозғалысы кезіндегі микроәлемде болатын физикалық процестерді түсіндіру; - Риман геометриясы аясындағы нақты ядролардың ядролық-спектроскопиялық мәліметтерді жинақтау; - магиялық сандардың сегіз түріне сәйкес ядролық-физикалық қасиеттерді реттеу; - қисықсызықты эвклидті емес кеңістік бойынша тәжірибелік және теориялық мәліметтерді жүйелеу, талдау және жинақтау; физика аймағында (мега әлем релятивизмі және микро әлемдегі сәуле шығармайтын тұйық қозғалысы) қолданылатын қисықсызықты эвклидті емес геометрияның теориялық және тәжірибелік дамуының әлемдік терндтерін анықтау. Пәнді оқу нәтижесінде докторанттар төмендегі мәселелерді қарастырады: Бұл дәріс курсында докторанттар үшін Лобачевский және Риманның евклидті емес геометриясының таңдаулы бөлімдері көрсетілген. Тензорлық алгебра және тензорлық талдау негіздері зерттеледі. Заманауи ядролық физикада қолданылатын Риман геометриясының негізгі түсінік аппараты қысқаша қарастырылады. Механикалық шамалардың 4 өлшемді кеңістіктегі өрнегі тензорлық формада қарастырылады. Потенциалды физикалық өрістер классификациясы және оның негізгі параметрлері беріледі: скалярлық өріс градиенті, деңгейлер беті, векторлық өрістің вектор сызықтары, вектордың бет арқылы ағыны, вектор дивергенциясы, векторлық өрістегі контурлық интеграл және вектор роторы. Потенциалдық, құйындық және таза құйындық өрістер қарастырылады.

Мақсаты-ғылыми зерттеулердің жалпы және арнайы әдістерін зерттеу. Ғылыми танымның жалпы әдістері ядролық физика саласындағы зерттеу процесі барысында қолданылады. Арнайы ғылыми проблемалардың көпшілігі және зерттеудің жекелеген кезеңдері арнайы шешім әдістерін қолдануды талап етеді. Мұндай әдістер өте ерекше сипатқа ие. Олар ешқашан еркін болмайды, өйткені зерттелетін объектінің сипатымен анықталады және тәуелді болады. Оқытудың күтілетін нәтижелері: - ядролық физика саласындағы жаңа және күрделі идеяларды, тәсілдерді және үрдістерді сыни талдау, бағалау және синтездеу; - ғылыми жұмыс барысында қолданылатын таңдалған әдістемелердің негізділігін бағалау; - ғылыми мақсаттар мен міндеттерді тұжырымдау және олардың шешімін табу; - реакторларда, үдеткіштерде, циклотрондарда және радиациялық компоненттері бар медициналық қондырғыларда ғылыми эксперименттерді жүзеге асыру және алынған нәтижелерді жаңа ғылыми әдістемелердің көмегімен талдау.

Мақсаты: бірнеше бөлшектерден және кластерлерден тұратын жүйелер үшін атомдық ядролардың заманауи физикасы және кванттық механиканы зерттеу. Күтілетін оқу нәтижелері: - алдағы зерттеулер үшін шашырау теориясы және есептеу әдістері бойынша алған білімдерін көрсету; - ядролық физикадағы заманауи есептеу әдістерін жүйелеу; - шашырау теориясының ғылыми және тәжірибелік мәселелерін шешу; - шашырау теориясы бойынша әртүрлі есептерді қарастыру үшін теориялық принциптер мен тәжірибелік амалдардың жиынтығын тәжірибеде негіздеу. Пәнді оқу нәтижесінде докторанттар төмендегі мәселелерді қарастырады: Шашырау теориясының тұжырымдамасы. Вириал туралы теорема. Үздіксіз спектр. Толқындық функцияның аналитикалық қасиеттері. Спектрлік теория. Спектрлік теория қолданымы. Еркін кеңістіктегі толқындық теңдеуді шешуге арналған трансляциялық көрініс. Сыртқы күштердің әсерінен болатын кванттық осциллятор. Шашырау матрицасы. Көпканалды жүйенің толқындық функциясы. S матрица және оның R-матрицаға қатынасы. Фаддеев теңдеуі. Сыртқы патенциалдық өрістегі екі бөлшек қозғалысы. Әлсіз әсерлесулер теориясы. Периодты әрекетке ұшыраған жүйенің квазиэнергиясы.

Мақсаты: калибрлік өріс физикасын талдау және сипаттау үшін қолданылатын негізгі математикалық тілмен танысу. Бұл курстың мақсаты – абелдік және абелдік емес калибрлік өріс теориясын түсіну үшін қажетті негізгі тұжырымдамаларды қамтитын қадамдық кіріспе беру. Күтілетін оқу нәтижелері: - симметрияның спонтандық бұзылу механизмін тәжірибелеу; - келешекте физиканың барлық бөлімін терең және егжей-тегжейлі дамытуға болатындай физикалық білімінің іргелі базасын құрастыру; - элементар бөлшектер физикасындағы жаңа симметриялардың пайда болу себебін түсіндіру; - элементар бөлшектердің өрістік теориясын қолдану нәтижелерін талдау. Пәнді оқу нәтижесінде докторанттар төмендегі мәселелерді қарастырады: Скалярлық және векторлық өріс. Вакуумдағы Максвелл теңдеуінің жалпы шешімі. Абелдік емес калибрлік өрістер. Практикалық класс 3. Алгебра және Ли ықшам топтары. Ғаламдық симметрияның спонтанды бұзылуы. Қарапайым топологиялық солитондар. Гомотопиялық теория элементтері. Магниттік монопольдер. Топологиялық емес солитондар. Калибрлік теориядағы инстантондар және сфалернодар. Фондық өрістердегі фермиондар. Екіөлшемді үлгілердегі фермиондар және топологиялық сыртқы өрістер. Классикалық шешім және функционалдық интеграл.

Пәннің мақсаты: мезондардың пайда болу табалдырығынан төмен энергия кезінде нейтрондармен әсерлесетін ядролардың түрленуін зерттеу, сондай-ақ бұл пәнде кездесетін нақты есептерді кең ауқымда шешуде тәжірибелік дағдыларға ие болу. Күтілетін оқу нәтижелері: - Ядролардың бөліну құбылысын тәжірибеде қолдану мүмкіндігін түсіндіру; - бейтарап және зарядталған бөлшектерді тіркеу әдістерін білу; - ядролық-физикалық зерттеу және энергетикалық қондырғыларда болып жатқан процестерді түсіну; - лабораториялық және өндірістік жағдайларда ядролық апаттарды анықтау; - әлсіз және орташа активті радиоактивті қалдықтармен жұмыс істей білу; - зерттелетін аймақта ғылыми және техникалық жоспардағы жұмыстардың заманауи жағдайын талдау; - радиоактивтіліктің жалпы заңдылықтарын, радиациялық сәуле көздерін, және оларды өлшеу және мөлшерлі бағалауды түсіне білу; - берілген курс бойынша, оның ішінде ядролардың және ядролық отынның энергетикалық сипаттамаларына есептер шығару үшін практикалық дағдылар қолдану. Пәнді оқу нәтижесінде докторанттар төмендегі мәселелерді қарастырады: нейтрондық физиканы, әртүрлі ядролық реакциялардың қалай ашылғаны туралы және осы күнге дейін зерттеулерінің дамуы туралы. Дәстүрлі ядролық реакциялар және эффективті қималарын егжей-тегжейлі баяндаудан басқа реакторлық физикадағы ядролық реакцияларға көңіл бөлінеді.

Мақсаты: интегралдар мен функционалдық әдістерді талдау және бейнелеу үшін қолданылатын негізгі математикалық тілмен танысу, өрістің кванттық теориясын түсіну үшін қажет түйін түсініктерді қамтитын осы тақырыпқа қысқаша, кезең бойынша кіріспе көрсету. Күтілетін оқу нәтижелері: - стандартты модель аясындағы іргелі әсерлесулерді және элементар бөлшектер физикасының заманауи жағдайын бейнелеу; - іргелі әсерлесулер және элементар бөлшектерді тәжірибелік зерттеудің физикалық негіздерін білу; - физикалық құбылыстарды теориялық зерттеу үшін элементар бөлшектердің симметрия теориясын, өрістің кванттық теориясы әдістерін қолдану; - ұлы бірігу теориясы туралы түсінік білу. Пәнді оқу нәтижесінде докторанттар төмендегі мәселелерді қарастырады: Кванттық механикадағы интегралдар жолы. Корреляциялық функциялар, Фейнман ережесі, функционалдық туындылар және өндіруші функционал. Кванттық электромагниттік өріс. КХД киралдық симметрия. Каноникалық кванттау формальдылығы. Фермиондар үшін каноникалық кванттау. λφ4 теориясындағы толқындық функция және массаның қайта нормалануы. Қуатты есептеу әдісі. Өлшемдік регулярлау. Қайта нормалау тобы. Байланыстың эффективті тұрақтылары. Ковариантты калибровкалардағы Фейнман ережесі. Уорд тепе-теңдігі және унитарлылық. КХД асимптотикалық еркіндік. Кванттық аномальдар және сыртқы токтар.

Мақсаты: докторанттарды ядролық энергетика және реакторлық қосалқы техника және индустрия құруда негізгі ядролық-физикалық принциптермен таныстыру; негізгі радиоэкологиялық түсініктермен, радиацияның қауіпті әсерінен денсаулығын қорғау мақсатында халықты радиациялық қауіпсіздікпен қамтамасыз ету аймағындағы заманауи мәселелермен таныстыру. Күтілетін оқу нәтижелері: - ғарыштық сәулелерді тіркеуге арналған жаңа есептерді қарастыру кезінде алынған білімдерін көрсету; - ғарыштық сәулелердің пайда болуын түсіндірудің ғылыми принциптерін жүйелеу, яғни ғарыштық сәулелер спектрі түрленетін астрофизикалық объекттерді іздеу; - бірінші ретті спектрді құруға әкелетін процестерді анықтау үшін алынған білімін қолдану; - Әлем эволюциясының ядролық аспекттерінің ғылыми және тәжірибелік мәселелерін кризистік талдау, бағалау және синтездеу. Пәнді оқу нәтижесінде докторанттар төмендегі мәселелерді қарастырады: Ғарыштық сәулелердің пайда болуы. Жоғары энергиялы астрофизикаға кіріспе. Ғарыштық сәулелердің затпен әсерлесуі. Жоғары энергиялы фотондардың затпен әсерлесуі. Ядролық әсерлесулер. Ғарыштық сәуле, рентгендік және альфа-сәулелену детекторлары. Ғарыштық сәуле, рентгендік және альфа-сәулелену телескоптары. Атмосфераның жоғарғы қабатындағы ҒС. Кең атмосфералық нөсерлер. Жердің магнит өрісінің әсері. Күн желі және оның ғарыштық сәулелер ағынына әсері. Оптикалық және радиоастрономия. Галактика және оның сырты бойынша экскурсия. Жұлдыздар және Галактика эволюциясы. Ғарыштық сәулелерді үдету.

Мақсаты: төмен және орташа энергиялар кезіндегі ядролық-физикалық тәжірибелерде қолданыс табатын ядролық реакция және шашырау бойынша тәжірибе нәтижелерін өңдеудің кванттық негіздерін, сондай-ақ тәжірибе жүргізу кезінде қолданылатын әдістерді зерттеу. Күтілетін оқу нәтижелері: - ядро ішіндегі қозғалыс туралы бірыңғай көрініс аясында кездейсоқ және анықталған ядролық параметрлерді қиыстыра білу; осы аймақтағы жаңа зерттеулерді есекере отырып, Евклидтің V постулаттарының дәлелдемелерін тұжырымдай білу; - ядролық-физикалық заңдылықтарды зерттеу бойынша тәжірибелерді өз бетінше жоспарлау; әртүрлі физикалық процестердің математикалық әдістерін қолдана отырып, үлгілеу жүргізу; - ядролық-физикалық тәжірибелер нәтижесінде жаңа үміт көру және алынған нәтижелерді шығармашылық ұғыну қабілетін, өздік зерттеу дағдыларын көрсету; - заманауи ядролық физика аймағында ғылыми-зерттеу және қолданбалы жобаларды жоспарлау және дайындау. Пәнді оқу нәтижесінде докторанттар төмендегі мәселелерді қарастырады: Ядролық физикадағы тура оптикалық процесс. Шашырау бойынша тәжірибелерді өңдеу әдістері: потенциалдық әдіс. Шашырау бойынша тәжірибелерді өңдеу әдісінің принципі: S-матрицалық әдіс. Шашыраудың оптикалық моделі. Вудс-Саксон потенциалы. Шашыраудың кванттық теориясы. Параметрленген фазалық талдау.

Мақсаты: ядролардың кластеризациясы және кристаллизациясы туралы теориялық және тәжірибелік деректерді зерттеу, олардың бар болуы туралы тәжірибелік дәлелдемелерді, сондай-ақ зерттеу бойынша тәжірибе жүргізу кезінде қолданылатын әдістерді қарастыру. Күтілетін оқу нәтижелері: - тәжірибелік мәліметтерге сәйкес альфа-кластерлер мен мультикластерлер динамикасын және тіршілігін теориялық бейнелеу; - ядролардың мультикластерлік құрылымын анықтау үшін тура немесе жанама әдіс таңдау; - Ляпуновтың m-қабаттарына сәйкес альфа-кластерлер мен мультикластерлердің тіршілігін бейнелеу; - заманауи ядролық физика аймағында ғылыми-зерттеу және қолданбалы жобалар жоспарлау және дайындау.

Пәннің мақсаты: орташа және төмен энергия кезіндегі ядролық-физикалық тәжірибелерде қолданыс табатын ядролық реакциялар және шашырау бойынша тәжірибе нәтижелерін өңдеудегі кванттық негіздерді зерттеу, сондай-ақ тәжірибе жүргізу кезінде қолданылатын әдістерді қарастыру. Күтілетін оқу нәтижелері: - күрделі ядролардағы ядролық реакциялардың механизмдері мен ядро құрылымы туралы білімін түсіндіру; - газдық динамикалық (бірбөлшекті үлгі нұсқасы) және сұйық тамшылық (ядролар бөлінуі және ауыр ионды радиоактивтілік үлгілері нұсқасы) фазалардағы ядролық құрылымдардың классикалық үлгілерін жинақтау; - ядролар классификациясын нейтрон жетіспеушілік және нейтроны артық радиоактивті изотоптар аумағында тұрақты («Тұрақтылық жолдары» бағытымен) және экзотикалық түрлерге реттеу; - ядро ішіндегі қозғалыстар туралы бірыңғай көрініс аумағында кездейсоқ және анықталған ядролық параметрлерді қиыстыра білу; - өздік зерттеулер дағдыларын, алынған нәтижелерді шығармашылық ұғыну қабілетін, қолданбалы аймақтардағы ядролық-физикалық тәжірибелер нәтижесінде жаңа үміт көрінуін көрсету.

Мақсаты: заманауи ядролық-физикалық тәжірибелерде қолданылатын бөлшек детекторларының негізгі түрлерінің жұмыс істеу ерекшеліктерін және принциптерін анықтайтын физикалық процестерді зерттеу. Күтілетін оқу нәтижелері: - тіркеудің жердегі және спутниктік жүйелері көмегімен жоғары энергиялы бөлшектерді тіркеудің ғылыми принциптерін жүйелеу; - тіркеу жүйелері дамуының ғылыми және тәжірибелік мәселелерін шешу; - шешімі қазіргі таңда өзекті және халықаралық ғылыми ортада кең талқыланатын заманауи ғылыми және техникалық мәселелерді бағалау; - ғарыштық сәулеленудің адрондық және қатаң, сонымен қатар электронды-фотондық компоненттерін тіркеу бойынша әртүрлі қондырғылардың жұмыс істеу принциптерін талқылау. Пәнді оқу нәтижесінде докторанттар төмендегі мәселелерді қарастырады: микроәлемде болып жатқан құбылыстарды бейнелеу кезінде қолданылатын негізгі физикалық шамалар. Хэвисайд жүйесі және оның СГС жүйесімен байланысы. Планк бірліктері. Тәжірибелік техника – үдеткіш комплекстер. Әсерлесудің әртүрлі түрлеріндегі көлденең қиманы өлшеу әдістері. Ғарыштық сәулелердегі қиманы өлшеу әдісі.

Мақсаты: бұл пәнді оқыту әртүрлі ғылыми бағыттардың түйіскен жеріндегі көптеген күрделі, теориялық және практикалық тұрғыдан маңызды мәселелерді біліктілікпен шеше алатын ядролық физика мамандарын даярлауда оларға жоғары энергия физикасының заманауи теориясы саласынан терең іргелі білім беруді мақсат тұтады. Күтілетін оқу нәтижелері: - нақты физикалық процестердің теориялық есептеулер нәтижелерін жинақтау; - әлсіз және электромагниттік әсерлесулердің бірігу теориясын бірыңғай электрлік әлсіз әсерлесу ретінде түсіндіру; - кварктар мен глюондардың күшті әсерлесуінің өрістік теориясын тұжырымдау; - субатомдық физиканың ғарыштық қолданыстарында көрінетін микро әлемнің, тіпті макро әлемнің заңдылықтарын түсіну. Пәнді оқу нәтижесінде докторанттар төмендегі мәселелерді қарастырады: Іргелі әсерлесулер қасиеттері. Әсерлесу тұрақтылары және оларды салыстыру нәтижелері. Күшті әсерлесу константасы. Жоғары энергия физикасының эксперименталдық базасы. Әсерлесу процестерін талдау әдістері. Лоренц түрлендірулерінің координаттар жүйесі. Материя құрылымы. Кварктар физикасы. Үлкен жарылыс моделі. Элементар бөлшектер астрофизикасы. Экзотикалық бөлшектер. Хиггс-бозондары. Суперсимметриялы бөлшектер. Магнитті монопольдар. Ғарыштық сәулелер. XXI ғасыр жоғары энергия физикасының өзекті мәселелері. Физикалық вакуум.

Мақсаты - ядролық физика саласындағы ғылыми қызметтің ерекшеліктерін ескере отырып, теориялық және эксперименттік бағыттағы ғылыми мақалаларды, тезистерді , монографияларды және т. б. жазуды зерттеу. Оқытудың күтілетін нәтижелері: - ғылыми зерттеулердің нәтижелерін сыни бағалау; - жаңа және күрделі мақсаттарды генерациялау, ядролық физика саласындағы ғылыми мәселелерді шешу және жаңа гипотезалар ұсыну; - ғылыми мақсаттар мен міндеттерді тұжырымдау және олардың шешімін табу; - өз бетінше жеке тәсіл негізінде ядролық физика саласында өз жобаларын, стартаптарды әзірлеу.

Мақсаты: бұл пәнді оқыту әртүрлі ғылыми бағыттардың түйіскен жеріндегі көптеген күрделі, теориялық және практикалық тұрғыдан маңызды мәселелерді біліктілікпен шеше алатын ядролық физика мамандарын даярлауда оларға ядролық реакциялардың релятивистік кинематикасы саласынан терең іргелі білім беруді мақсат тұтады. Пәнді оқу нәтижесінде докторанттар төмендегі мәселелерді қарастырады: Бөлшектер физикасы тармақтарының классификациясы. Энергетикалық аймақтар. Шашырау қимасының энергиядан және шапшаңдықтан тәуелділігі. Аралық энергияның заманауи физикасы. Ядролық реакциялар кинематикасы. Шашырау реакциясының классификациясы. Мандельстам айнымалылары. Кумулятивті процестер туралы көрініс. Серпімсіз реакциялардың басқа да табалдырықтары. Терең серпімсіз шашырау. Партондық модель. Жарық фронтындағы кванттық механика түсінігі. Фейнман айнымалысы. Арментерос-Подолянский критерийі. Үшбөлшектік шекті күйлер. Далица диаграммасы. Чу и Лоу диаграммасы. Эксперименталдық физика және модельдеу. Релятивистік ядролардың заманауи физикасының жақынарадағы келешегі.

Мақсаты: докторанттарды ядролық энергетика және реакторлық қосалқы техника және индустрия құруда негізгі ядролық-физикалық принциптермен таныстыру; негізгі радиоэкологиялық түсініктермен, радиацияның қауіпті әсерінен денсаулығын қорғау мақсатында халықты радиациялық қауіпсіздікпен қамтамасыз ету аймағындағы заманауи мәселелермен таныстыру. Күтілетін оқу нәтижелері: - бұрын игерген білімдерін интегралдау; - халықаралық ғылыми ортада кең талқыланатын және өзекті болып табылатын заманауи ғылыми және техникалық мәселелер үшін пәнаралық білімдерді жинақтау; - астрофизикалық процестерді сандық есептеу және үлгілеу принциптерін және ғарыштық сәулелену компоненттерін талқылау; - қажетті тәжірибелік параметрлерді есептеу үшін теориялық принциптер мен практикалық амалдардың жиынтығын тәжірибеде негіздеу. Пәнді оқу нәтижесінде докторанттар төмендегі мәселелерді қарастырады: Модуль гелио- және геомагниттік сфералардағы ғарыштық сәулелерді тіркеу туралы айтарлықтай кең және терең білімдерін қамтамасыз етеді. Қондырғының жұмыс істеу принципі. Ғарыштық сәулелердің әртүрлі детекторларының сипаттамалары. Ғарыштық сәулені үздіксіз тіркеу автоматизациясы.

Ғылыми-зерттеу жобаларында пайдаланылатын әдістердің жарамдылығын бағалау.

Қазіргі ғылыми-педагогикалық тәсілдер аясында жоғарғы оқу орындарында оқыту үшін ядролық физика саласындағы іргелі, жүйелі білімді көрсету.

Ядролық медицина және радиациялық биология саласында Пәнаралық ғылыми зерттеулер жүргізу.

Ғылыми мақсаттар мен міндеттерді қалыптастыру және оларды шешу.

Қазіргі заманғы зерттеу тәсілдерін сипаттау және талдау мақсатында пәнаралық білімді зерттеу процесіне біріктіру; қоғамдағы дұрыс және төзімді өзара іс-қимыл жасауға, ғылым проблемаларын шешу үшін әлеуметтік өзара іс-қимыл мен ынтымақтастыққа дайын болу; білімге негізделген қоғамды қалыптастыру мүддесінде технологиялық, әлеуметтік немесе мәдени дамуға жәрдемдесу.

Ғылыми зерттеулердің нәтижелерін, заманауи теориялар, мәселелер мен тәсілдер, ядролық физика және элементар бөлшектер саласындағы зерттеулердің жаңа үрдістерін сыни түрде бағалау.

Ғылыми баяндамалар, тезистер, мақалалар тезистері, монографиялар, докторлық диссертациялар, ғылыми-зерттеу және ғылыми жобалар түрінде білім беру және ғылыми-зерттеу жұмыстарының нәтижелерін мамандарға, сонымен қатар тиісті кәсіби білімі жоқ мамандарға ұсыну.

Ядролық физика саласындағы жаңа және күрделі идеяларды, проблемаларды, тәсілдерді және трендтерді сыни талдау, бағалау және синтездеуді жүргізу.

Жаңа реакторларда, үдеткіштерде, циклотрондарда және радиациялық компоненттері бар медициналық жабдықтарда ғылыми эксперименттерді жүзеге асыру және алынған нәтижелерді жаңа ғылыми әдістемелердің көмегімен талдау.

Бакалавриат және магистратура бағдарламалары бойынша студенттердің ғылыми-зерттеу, жобалық және білім беру қызметін ұйымдастыру.

Ядролық өнеркәсіппен байланысты стратегиялық жобаларды әзірлеу; осы саладағы соңғы жетістіктерді негізге ала отырып, ядролық физика саласындағы стартап жобаларды әзірлеу.

Жаңа және күрделі мақсаттарды қалыптастыру, ядролық физика саласындағы ғылыми мәселелерді шешуге өзінің бірегей көзқарасы негізінде жаңа гипотезаларды ұсыну.