7M02322 Қолданбалы лингвистика в M.S. Narikbaev atyndaǵy KAZGUU Universiteti

Бұл курс тиімді кәсіби қарым-қатынас дағдыларының теориясы мен практикасына кіріспе болып табылады. Арнайы кәсіби / тұлғааралық қарым-қатынас дағдылары ұсынылады және қарастырылады. Негізгі мән ауызша таныстырылымға, топтық жұмысқа және келіссөздер жүргізу қабілетіне беріледі.

Аталмыш курс зерттелетін әдебиеттер негізінде академиялық және аналитикалық жұмыстар жазу, академиялық мәтіндердің әртүрлі түрлерін сыни тұрғыдан түсіну мақсатында оқу, басқа авторлардың сөздері мен идеяларын дұрыс пайдалану және жазбаша жұмыстарда APA дәйексөзі мен форматтау стилін дұрыс пайдалану сияқты академиялық және аналитикалық жазу және оқу дағдыларын дамытуға арналған.

Бұл курс тіл мен қоғам арасындағы байланыс туралы зерттеумен таныстырады. Тіл саясаты мен құқық, көптілділік, класқа, ұлтқа, жынысқа және аймаққа байланысты тілдік айырмашылықтар сияқты тақырыптар қозғалады.

Бұл курстың мақсаты ағылшын тілі грамматикасының теориясы мен практикасын тереңдете білуді дамыту болып табылады. Курс бағдарламасы сөз таптары, сөйлем құрылымы, уақыт, аспект, модальдылық, сабақтылық сияқты тақырыптарды қамтиды. Сонымен қатар бұл курс студенттерге әртүрлі жанрдағы мәтіндерге грамматикалық талдау жасау арқылы аналитикалық дағдыларын дамытуға мүмкіндік береді.

Бұл курс студенттерді тілді оқыту теориясының негізгі ұғымдарымен, сондай-ақ тіл үйрену процесімен таныстырады. Студенттер тіл үйренудің әдістері мен тәсілдерін, бірінші және екінші тілдерді үйренудің айырмашылығын үйренеді. Білім алушылар екінші тілді үйрену процестерін түсіндіру үшін гипотезаларды ұсынуды және тестілеуді үйренеді.

Бұл курс пәндік-тілдік интеграцияланған оқытудың негізгі ұғымдарын қамтиды. Білім алушылар тілдік емес пәндерді ағылшын тілінде оқытуда пәндік-интеграцияланған тілдік оқытудың негізгі тәсілдерін зерделейді.

Бұл пән адамның ақыл-ойы мен тілінің өзара әрекеттесу мәселелерін зерттейді. Студенттер адамға тілді үйренуге, қолдануға және түсінуге мүмкіндік беретін психологиялық және нейробиологиялық факторлар туралы біледі. Сонымен қатар курс студенттері тілді дамыту мен қолданудың әртүрлі аспектілерін зерделейді, сондай-ақ адам дамуының әртүрлі кезеңдерінде тілді меңгеру мен қолдану мәселелері туралы біледі.

Бұл курс студенттерді корпустық лингвистикамен тіл үйренудің құралы ретінде таныстырады. Білім алушылар ағылшын тілі түрлерінің (Британдықтан Сингапурлыққа дейін) ауызша және жазбаша тілдік корпустары туралы біледі. Курс магистранттардың тілді оқытуда, атап айтқанда, сөйлеуді, жазуды, оқуды, лексика мен грамматиканы оқытуда тілдік корпустарды пайдалану білімі мен дағдыларын дамытуға бағытталған. Студенттер оқу материалдарын әзірлеуде корпустық лингвистиканы қолданудың тиімділігі туралы білетін болады.

Аталмыш курс ағылшын тілінің теориялық фонетикасын зерттеудің пәнін, мақсаты мен саласын, фонемалардың топтастырылуын, буынға бөлу мен ағылшын сөздеріндегі екпін жүйесін, ағылшын тіліндегі екпіннің ерекшеліктері мен қызметін, сөйлесімнің фонетикалық сипаттамасы мен ағылшын тіліндегі сөз айтылымының аймақтық ерекшеліктерін зерделейді. Аталмыш курс сөздерді талдау кезінде фонологиялық және фонетикалық талдау әдістерін қолдана отырып талдаушылық дағдыларды және сөздерді талдау кезінде шешім қабылдай алу машықтарын дамытуға арналған.

Курс аясында студенттер тіл үйрену үшін түрлі бағдарламалар мен веб-ресурстарды пайдалануды үйренеді. Курс барысында тілді үйрену үшін компьютерлер мен ғаламторды пайдаланудың артықшылықтары мен шектеулері қарастырылады, сонымен қатар тіл үйренушілер мен оқытушылар компьютерлік және веб-ресурстарды қалай қолдана алатындығы туралы терең түсінік қалыптасады.

Бұл курс оқу процесін басқарудың негізгі мәселелері мен қағидаттарын курс деңгейінде қамтиды. Студенттер оқу процесін басқарудың және оқушылардың қажеттіліктеріне негізделген оқу бағдарламаларын әзірлеудің әртүрлі аспектілері туралы біледі.

Бұл курс зерттеу жұмыстарына және екі немесе одан да көп дереккөздерге сыни шолулар жазуға арналған. Курс әдебиетке сыни шолу, бірнеше дереккөздердің синтезі және магистрлік диссертацияның құрылымы сияқты тақырыптарды қамтиды. Курс барысында студенттер сапалы ғылыми жұмыстар жазу үшін практикалық білім алады.

– лингвистикалық талдау жүргізу кезінде ағылшын тілі жүйесі мен тіл корпусының терең білімін қолдану;

– деректер базасы мен тілдік корпустарды пайдалана отырып, қолданбалы лингвистика саласында зерттеулер жүргізу;

– шет тілдерін оқытуда заманауи әдістер мен тәсілдерді қолдану;

– студенттерге бағытталған оқу ортасын құру үшін тілді жан-жақты түсінуді қолдану;

– аналитикалық және кешенді мәселелерді шешу дағдыларына ие болу;

– аудиторияның ерекшелігіне, мәнмәтініне, мақсаты мен стиліне назар аудара отырып, өз ойларын, идеялары мен сенімдерін білдіру;

– пәнге бағытталған тілдік оқыту саласында пәнаралық білімді практикада қолдану;

– кәсіби және зерттеу этиканы ұстану;

– жеке және кәсіби қатынастарда эмоционалды интеллектіні басқару.