7M04142 Экономика в M.S. Narikbaev atyndaǵy KAZGUU Universiteti

Бұл магистрлерге терең теориялық білім мен графикалық-математикалық талдау бойынша практикалық дағдыларды ұсынатын орта деңгейдегі қолданбалы микроэкономика курсы. Курс келесі кеңейтілген тақырыптарды қамтиды: ойын теориясы мен стратегиялық шешімдер қабылдау, ақпараттық экономика, қолайсыз таңдау, моральдық қауіп және принципал агент теориясы, аукциондар және механизмдердің дизайны.

Төрт ғылыми пәндерді қамтиды, олар: тарих және ғылым философияси, шет тілі (кәсіби), жоғары мектеп педагогикасы және басқару психологиясы. Тарих және ғылым философиясын оқу негізінде ғылыми ойлау стилін игеру. Мәдени аралық кәсіби коммуникация құралы ретінде практикалық деңгейде кәсіби коммуникация саласында шет тілін оқу болашақ маманды дайындау тұрғысында пәндік және тілдік құрамдарын интеграциялау және синтездеу негізінде жүзеге асады. Әлемдік білім беру кеңістігінің жетекші үрдістерін оқыту; педагогикалық әдістер, оқыту технологиялары және педагогикалық шеберлік туралы білім жүйесін меңгеру; жоғары мектептегі педагогикалық қызмет негіздері және педагогикалық үдерісті басқару және өзара әрекеттесу құралдарымен танысу. Еңбек ұжымын басқару мәселелерін шешу, басқаруға қатысты адамдардың психикалық үрдістерін зерделеуге заманауи психологиялық әдіснаманы қолдану, теориялық білім мен практикалық дағдыларды зерттеу және қалыптастыруға бағытталған.

Осы курстың мақсаты - зерттеу құрылымына шолу жасау, яғни зерттеудің сапалық, сандық немесе аралас әдісін таңдауда жете ойлану. Ол дегеніміз түрлі тәсілдерді анықтау, философиялық дүниетанымды қарастыру, әдебиетке шолу жасау, теорияны пайдалануды түсіну, этикалық мәселелерді болжау және жазу стратегиясын әзірлеу жатады. Осы үрдіс кіріспе жазу, мақсат қою, зерттеу және/немесе гипотеза мәселелерін әзірлеуді қамтиды. Осы курста зерттеудің сандық, сапалық және аралас әдістерінің рәсімдері талқыланады

Курс экономикадағы деректерді талдауға арналған регрессиялық әдістер және OLS туындаған мәселелерді қамтиды: мультиколлинеарлық, гетеросседастикалық, автокорреляция және модельді нақтылау. Курс қималармен, уақыттық қатарлармен және панельдік деректермен жұмыс жасаудың әртүрлі эконометрикалық әдістерінің негіздерін, сондай-ақ статистикалық бағдарламалық жасақтаманы қолдану арқылы деректерді модельдеудің практикалық дағдыларын қамтиды. Осы курс эконометрикалық талдаудың теориялық және практикалық аспектілерін көрсетеді.

Бұл курс эконометриканы әрі қарай зерттеу болып табылады және экономика саласындағы қолданбалы зерттеулерге ерекше назар аударады. Бұл базалық деңгейде қолданбалы микро және макроэконометрияның негізгі тақырыптарын қамтиды: (1) OLS, максималды ықтималдылық, тәуелді айнымалылар және панельдік деректер модельдері; (2) үрдістер мен маусымдық, стационарлық, стационарлы емес және әлсіз тәуелді уақыт қатарлары, сериялық корреляция, AR, ARCH, MA және ARMA процестері және болжау. Курс студенттердың модельдеу дағдыларын жетілдіруге мақсатталған зертханаларды қамтиды.

Бұл магистрлерге терең теориялық білім мен графикалық-математикалық талдау бойынша практикалық дағдыларды ұсынатын орта деңгейдегі қолданбалы микроэкономика курсы. Курс келесі кеңейтілген тақырыптарды қамтиды: Солоу өсімі моделі, шексіз интервал және қиылыспалы буын моделі, эндогенді өсім, нақты бизнес цикл теориясы, динамикалық стохастикалық жалпы тепе -теңдік модельдері және номиналды қаттылық.

Бұл курс магистранттарға әр түрлі экономикалық, әлеуметтік және саяси мәселелерді түсінуге және шешуге, сондай-ақ экономика саласында қолданбалы зерттеулер жүргізуге нақты деректерді қолдануға үйретеді. Курс барысында озық зерттеулер мен бағдарламалық құжаттар кеңінен қолданылады. Талқыланатын тақырыптар мүмкіндіктер теңдігі, білім беру экономикасы, инновациялар мен кәсіпкерлік, денсаулық сақтау экономикасы, климаттың өзгеруі және салық саясатын қамтиды. Зертханалық сабақтар кезінде студенттер деректерді басқару және өңдеу дағдыларын, сонымен қатар кодтау мен R бағдарламасында модельдеуді үйренеді.

Оңтайландыру теориясы өзінің қатаң методологиясымен ұтымды шешім қабылдау, оңтайландыру және экономикалық тиімділік сияқты микро және макроэкономикалық мәселелерді зерттеу үшін біріктіруші негіз құрайды. Бұл курс математикалық анализге және сызықтық алгебраға шолу жасаудан басталады, содан кейін студенттерге оңтайландырудың негізгі ұғымдарын түсінуге мүмкіндік беретін бірқатар тақырыптарды ұсынады: Лагранж көбейткіштері, салыстырмалы статикалық талдау, оңтайландыру шарттары, дөңес және сызықтық бағдарламалау, жұмыс ортасын талдау және басқа әдістер.

Bloomberg Market Concepts (BMC) - бұл 4 модульден тұратын, экономикасы, валютасы, бекітілген табысы және акцияларынан тұратын курсы. Bloomberg терминалы бүкіл әлем бойынша ең кең таралған деректерді іздеу және аналитикалық құралдардың бірі болып табылады. Бұл бағдарламалық қамтамасыздандыруды таныстыру қаржы қызметтері индустриясында, жоғарғы деңгейдегі қызметкерлерге дейін жоғары деңгейлі басшыларға дейін міндетті болып табылады. Бұл курс функционалдылық пен күрделіліктің жоғары деңгейімен танысу үшін кең ауқымды функцияларға негізгі кірісуді қажет ететі магистрантарға арналған.

Курс әлемдік экономиканың әртүрлі аспектілеріне шолу ұсынады. Онда жаһандану құбылысы және қазіргі кездегі тәуелділік туралы түсінік қарастырылады. Кез-келген елдің экономикасы басқа елдерде орын алған өзгерістерден оқшауланбаған, шет елдегі оқиғалар мен олардың ішкі экономикаға әсерін түсіну - қазіргі заманғы экономиканың маңызды аспектісі.

Курстың мақсаты - нақты зерттеулер мен талдау арқылы экономикалық категориялар, заңдылықтар мен қатынастарға терең түсінік беру. Кейстер түрлі экономикалық мәселелер (математикалық және графикалық интерпретацияда) және экономикалық теорияның жүзеге асу жолын ұсынатын нақты эмпирикалық зерттеулерді қамтиды. Курс студенттерге микро және макроэкономика курстарында алған теориялық білімдерін бекітуге, қолданбалы аналитикалық және модельдеу дағдыларын, сонымен қатар модельдерді экономикалық және статистикалық бағалау дағдыларын алуға мүмкіндік береді.

Курс студенттердің еңбек экономикасына қатысты мәселелерде қолданылатын қағидалар мен әдістер туралы түсініктерін дамытуға бағытталған. Олар: жұмыс күшіне сұраныс пен қамту, жалақыны қалыптастыру және кемсіту, жұмыссыздық, адам капиталы, кәсіподақтар және т.б. Курс шеңберінде өзекті заманауи тақырыптар олардың практикалық аспектілері мен еңбек экономикасы саласындағы классикалық және заманауи зерттеулер арқылы нақты қолданысы бойынша қарастырылады.

Бұл модульдің мақсаты - магистранттардың тәуекелдерді басқару, оның ішінде тәуекелдерді басқару талаптардың сақталуын басқарумен байланысты және ұйымдарда тиімді корпоративтік басқаруды толықтыратын пәндердің түсінігін жетілдіруге көмектесу;

Көшбасшылық, кәсіби этика және тиімді топтық жұмыс дағдыларын көрсету

Ағылшын тілінің жоғары жазбаша және ауызша деңгейін көрсету

Зерттеу этикасы мен академиялық адалдықтың жоғары стандарттарын сақтау

Жаңашылығы мен сапасы сәйкес қолданбалы зерттеулерді жүргізу

Зерттеуге негізделген идеяларды тауып, тиісті мүдделі тараптарға ұсыну

Қолданыстағы және негізгі ақпарат негізінде кәсіби пікірлерді тұжырымдау

Экономикалық мәселелерді диагностикалау, бағалау және шешу үшін теориялық білім мен аналитикалық дағдыларды қолдану және тиісті ұсыныстар әзірлеу

Эконометрикалық модельдерді бағалау мен түсіндіруде терең білім мен тәжірибелік дағдыларды көрсету

Статистикалық бағдарламалық жасақтамада нақты деректермен эконометрикалық бағалауды орындау үшін жеткілікті деректерді басқару және кодтау дағдыларын көрсету