7M01705 Шетел тілі:екі шетел тілі(РХДУ) в Әл-Фараби атындағы Қазақ ұлттық университеті

Пәннің мақсаты – магистранттардың коммуникативті құзыреттілікке ие болуы, оның деңгейі шет тілін кәсіби (өндірістік және ғылыми) қызметте, сондай-ақ өзін-өзі дамыту мақсатында қолдануға мүмкіндік береді. Пәнді оқу үдерісінде келесі мәселелер қарастырылады: грамматика; кәсіби, ғылыми терминология; ақпараттық технологиялар саласындағы революция, ақпараттық технологияның болашақ бағыттары; мәдениетаралық коммуникация; кәсіби және іскерлік қарым-қатынас; шешендік және көпшілік алдында сөйлеу т.б.

Пәннің мақсаты – екінші шет тілі жүйесінің көп деңгейлі элементтерінің ерекшеліктерін талдау үшін жалпы лингвистикалық құзыреттілікті қалыптастыру. Пәнді оқу үдерісінде келесі мәселелер қарастырылады: екінші шет тілінің тілдік деңгейлері, фонетикалық, морфологиялық, лексикалық, синтаксистік деңгейлердің негізгі бірліктері, олардың қызмет ету ерекшеліктері, функционалдық стильдердің ерекшеліктері, кәсіби лексика және ғылыми терминология, әртүрлі теориялар, екінші шет тілінің даму кезеңдері туралы ережелер.

Пәннің мақсаты – кәсіби ағылшын тілі саласындағы коммуникативті және мәдениетаралық құзыреттілікті қалыптастыру және оны одан әрі жетілдіруге үлес қосу, сонымен қатар мәдениетаралық коммуникацияға түсе алатын студенттің «екінші тілдік тұлғасын» дамытуға ықпал ету. Пәнді оқу үдерісінде келесі мәселелер қарастырылады: мәдениетаралық коммуникацияның қалыптасу тарихы; мәдени код, мәдениеттердің айырмашылықтары мен ерекшеліктері, әртүрлі ұлттардың, нәсілдік және этностық топтар арасындағы қарым-қатынас ерекшеліктері; әлемнің лингвистикалық суреті; коммуникативті құзыреттілік және т.б.

Пәннің мақсаты: жоғары оқу орны оқытушысының кәсіби-педагогикалық мәдениетін қалыптастыру. Пәнді оқу үдерісінде келесі мәселелер қарастырылады: педагогика ғылымының рөлі, әдістеменің теориялық негіздері, негізгі категориялары, қазіргі заманғы педагогиканың негізгі қағидалары, педагогикалық шеберлік, дидактика, білім беруді ұйымдастыру формалары, жоғары оқу орындарындағы оқу үдерісін басқару, дәстүрлі және инновациялық әдістерді қолдану, жоғары білім беру жүйесі. Қазақстандағы кәсіптік білім беру.

Пәннің мақсаты – тіл ғылымының тарихы және негізгі мектептер мен тенденциялардың көрнекті өкілдері туралы білімді тарихи және хронологиялық тұрғыдан жүйелеу, қазіргі заманғы негізгі ғылыми мектептер, гипотезалар мен тілдің даму тенденциялары туралы түсінік беру. Пәнді оқу үдересінде келесі мәселелер қарастырылады: әлемдік және отандық лингвистиканың жалпы теориялық мәселелері; ежелгі тіл білімінің тарихы, орта ғасырлар мен қайта өрлеу дәуірі; салыстырмалы тарихи, типологиялық және құрылымдық лингвистика; негізгі лингвистикалық мектептер; теориялық және қолданбалы лингвистиканың ғылыми әдістері.

Пәннің мақсаты екінші шет тілінде нәтижелі сөйлеу қарым-қатынасын жасай білуге қабілетті коммуникативті тұлғаны қалыптастыру мақсатында жүйелі білім мен тиімді сөйлеу әсері мен өзара әрекеттесу дағдыларын қалыптастыруға бағытталған. Пәнді оқу үдерісінде келесі мәселелер қарастырылады: екінші шет тіліндегі сөйлеу коммуникациясының теориялық және практикалық аспектілері; екінші шет тіліне сәйкес аймақтық және мәдениетаралық ақпарат; табысты қарым-қатынастың негізгі қағидалары мен постулаттары; мәдениетаралық коммуникацияның әдіс-тәсілдері; диалогтық сөйлеудің нормалары және т.б.

Пәннің мақсаты: магистранттардың таңба туралы ғылым ретінде семиотика жайлы жүйелік білімдерін тереңдету; әртүрлі таңба типтері туралы, семиотика және лингвистика арасындағы байланыс туралы түсінік беру; коммуниканттардың ниеттеріне байланысты сөйлеу стратегиялары мен сөйлеу мінез-құлық тактикасын құра отырып, тиімді жазбаша және ауызекі сөйлесу дағдыларын меңгеру арқылы қарым-қатынасты жүзеге асыру қабілетін қалыптастыру. Пәнді оқу үдерісінде келесі мәселелер қарастырылады: семиотика, таңбалардың түрлері, семиотика және мәдениет, тілдің таңбалық сипаты; семантика, синтактика және прагматика.

Пәннің мақсаты ¬¬– ғылыми білімдердің жалпы теориялық және әдістемелік прогрессивті дамуына сәйкес қазіргі заманғы тіл туралы ғылымның ғылыми парадигмалары мен бағыттары туралы түсінік қалыптастыру. Пәнді оқу үдерісінде мынадай мәселелер қарастырылады: ғылыми білімнің жалпы үдерісінде лингвистиканың даму заңдылықтары; лингвистикалық білім эволюциясының философиялық негіздері; жалпы тіл білімінің ғылыми парадигмаларының тұжырымдамалық және терминологиялық аппараты; қазіргі тіл білімінің ғылыми парадигмаларының онтологиялық және гносеологиялық негіздері мен әртүрлі жүйелері.

Курс мақсаты: сөйлеу қарым-қатынасында екінші шет тілін қолдануға мүмкіндік беретін коммуникативті құзыреттіліктің жоғары деңгейін қалыптастыру. Пән кәсіби тақырып аясындағы жазба және ауызекі тілді түсіне алуға; түрлі таңбалық жүйелерде жасалған ағылшын тілді дереккөздерден қажетті ақпаратты ала білуге; әрқандай пайымдаулардың логикасын талдауға, ағылшын тілінде көпшілік алдында сөйлеу, дәлелдеу, пікірталас пен жарыссөздерге түсу дағдысын игеруге баулиды.

Курстың мақсаты: шет тілін сөйлеу қарым-қатынасында қолдануға мүмкіндік беретін коммуникативтік құзіреттің жоғары деңгейін қалыптастыру. Пән ауызша және жазбаша пікірдегі маңызды ақпаратты тануға, кәсіби сөйлеуге ортақ грамматикалық бірліктерді қолдана алуға; ауызша және жазбаша айтылымдарда терминологияның актив және пассив лексикалық минимумнан тұратын өзінің кең және тар саладағы мамандығының негізгі терминологияларын танып, қолдана алуға дағдыландырады.

Курстың мақсаты: кәсіби шет тілі туралы жан-жақты білімді қалыптастыру, таным үдерісіне тарту, сонымен қатар аудармашылық, мәдениетаралық қарым-қатынас жағдайында әлеуметтік-мәдени құзыреттіліктерді қалыптастыру. Аталмыш пән кәсіби саладағы ғылыми мәселелерді шешуге, алған білімді әртүрлі даулы мәселелерде, тілдік жағдаяттарда қолдануға, шет тілі бойынша алған білімдерін өз тілімен салыстырмалы талдау жүргізуге дағдыландырады.

Курстың мақсаты – қазіргі лингвистикалық зерттеулердің прагматикалық ерекшеліктері туралы жүйелі түсінік қалыптастыру, прагматика мен лингвистика арасындағы жүйелік қатынастарды, сөйлеу әрекетінде ақпарат беру тәсілдерін мәтін мен дискурстың прагматикалық мүмкіндіктерімен байланыстыра қарастыру. Пәнді оқу үдерісінде мынадай мәселелер қарастырылады: прагматиканың пәні, міндеттері, шекаралары; коммуникативті жағдаят, лингвистикалық прагматика және оның тілдік грамматикалық құрылымымен байланысы; сөйлеу актілері теориясы, тікелей және жанама сөйлеу актілері, мәтінді логикалық талдау, когнитивтік лингвистика т.б.

Курстың мақсаты – басқару психологиясының іргелі ұғымдарын оқудың негізінде жоғары білікті мамандарды қалыптастыру, кәсіби қалыптасу барысында басқару саласының маңызды аспектілерін теориялық тұрғыдан түсініп, тәжірибе жүзінде қолданудың алғышарттарын түзу. Курс аясында басқару психологиясының пәні, қағидалары, жеке тұлғаның мінез-құлқын басқару, құндылықтар бойынша басқару туралы заманауи идеялар, топтық құбылыс пен үрдістерді басқару психологиясы, жетекші тұлғасының психологиялық ерекшеліктері, басқарудың жеке стилі, басқарушылық қызметтегі әсер ету психологиясы, жанжалды жағдайларды басқару қызметі ашылады.

Пәннің мақсаты – тіл теориясының мәселелері, лингвистика тарихы және лингвистикалық талдау әдістері туралы білімді игеру қабілетін қалыптастыру. Пәнді оқу үдерісінде келесі мәселелер қарастырылады: ғылыми білімнің жалпы үдерісінде лингвистиканың даму заңдылықтары; лингвистикалық білім эволюциясының негіздері; жалпы лингвистиканың ғылыми парадигмаларының концептуалды-терминологиялық аппараты; қағидалар, постулаттар және негізгі бағыттар.

«Шетел тілі (бірінші кәсіби)» курсының мақсаты алдыңғы білім баспалдағында алған бірінші шет тілі деңгейін көтеру және магистранттардың шетелдік әрістестермен әртүрлі кәсіби қызмет салаларында әлеуметтік-коммуникативтік міндеттерді шешуге, сонымен қатар ары қарай өзін-өзі дамытуға қажетті коммуникативтік біліктілік деңгейін меңгерту болып табылады.

«Шетел тілі (екінші кәсіби)» курсының мақсаты алдыңғы білім баспалдағында алған екінші шет тілі деңгейін көтеру және магистранттардың шетелдік әрістестермен әртүрлі кәсіби қызмет салаларында әлеуметтік-коммуникативтік міндеттерді шешуге, сонымен қатар ары қарай өзін-өзі дамытуға қажетті коммуникативтік біліктілік деңгейін меңгерту болып табылады.

Курстың мақсаты: бірінші кәсіби шет тілі бойынша сөйлеу қарым-қатынасына түсуге мүмкіндік беретін коммуникативтік құзіреттің жоғары деңгейін қалыптастыру. Пән ары қарай мамандық бойынша мәтіннің негізгі мазмұнын ана тілінде/ана тілінен шет тіліне қажет болған жағдайда сөздікті қолданып мазмұндауға; кәсіби тақырыпта хабарлама, мақала, баяндама, аннотация, реферат жаза алуға; мультимедиялық технологияны пайдаланып, кәсіби тақырыптарда ауызша презентациялар дайындап, таныстыра алуға үйретеді.

Пәннің мақсаты – қолданбалы лингвистиканың мүмкіндіктері туралы жүйелі білімді қалыптастыру, лингвистикалық корпустарды автоматты түрде өңдеуді ескере отырып, лингвистикалық ақпаратты өңдеудің негізгі әдістерін игеру қабілетін қалыптастыру. Пәнді оқыту барысында мынадай мәселелер қарастырылады: қазіргі тіл білімінің қолданбалы аспектілері; терминтаным және терминография қолданбалы лингвистиканың бағыты ретінде; тіл/сөйлеу әсерінің теориясы; квантативтік лингвистика; қазіргі компьютерлік лингвистиканың негізгі бағыттары.

Пән мақсаты: магистранттарда кәсіби қызметті жүзеге асыруға қажетті тұлғалық қасиеттерді дамыту, білім берудегі кәсіби қызметтің жалпы мәдени, кәсіби және арнайы құзыреттіліктерін қалыптастыру. Пән шет тілінде білім беру саласындағы ақпаратты алуға және бағалауға мүмкіндік береді; оқыту-тәрбиелеу үрдісінің сапасын қамтамасыз ету үшін білім беру ортасының, оның ішінде ақпараттық мүмкіндіктерін пайдалана алуға; оқыту-тәрбиелеу үдерісінің сапасын қамтамасыз етуге мүдделі ата-аналармен, әріптестермен, әлеуметтік серіктестермен ынтымақтастықты ұйымдастыра алуға үйретеді.

Курс мақсаты: екінші кәсіби шет тілі бойынша сөйлеу қарым-қатынасына түсуге мүмкіндік беретін коммуникативті құзыреттіліктің жоғары деңгейін қалыптастыру. Пән өз кезегінде мамандық бойынша мәтіннің негізгі мазмұнын ана тілінде/ана тілінен екінші шет тіліне қажет болған жағдайда сөздікті қолданып мазмұндауға; кәсіби тақырыпта хабарлама, мақала, баяндама, аннотация, реферат жаза алуға; мультимедиялық технологияны пайдаланып, кәсіби тақырыптарда ауызша презентациялар дайындап, таныстыра алуға дағдыландырады.

Пәннің мақсаты  магистрлік диссертацияны жазу үшін қажетті ғылыми-зерттеу жұмысының қағидалары мен әдістері туралы жүйелі білімді қалыптастыру. Пәнді оқыту барысында мынадай мәселелер қарастырылады: филологиялық зерттеудің әдістемесі мен әдістері; аннотацияланған библиографияны жасау; негізгі ережелер мен қадамдар; зерттеу барысында плагиаттан қалай аулақ болуға болады, зерттеудің мақсаты мен міндеттерін, тақырыпты іздеу және тұжырымдау; филологиядағы мәліметтерді жинау; ғылыми зерттеулердегі этика мен әдеп; зерттеу нәтижелерін қалай ұсынуға болады және т.б.

Ғылыми зерттеудің гипотезасын, мәселелерін, мақсаттары мен міндеттерін тұжырымдау, өзгеретін ғылыми үрдістерді ескере отырып, лингвистика және шеттілді білім беру метатілін қолдану, заманауи концепциялары мен теорияларын сын тұрғысынан бағалау; кәсіби және ғылыми-педагогикалық қызметте туындайтын әлеуметтік-психологиялық заңдылықтарды түсіндіру.

Шеттілді білім берудегі және лингвистикадағы салыстырмалы, контрастивті, психолингвистикалық, әлеуметтік-лингвистикалық, типологиялық зерттеулерді, фонетика-фонологиялық, лексикалық, грамматикалық, семантика-синтаксистік және прагматикалық деңгейлердегі лингвомәдени ерекшеліктерді ескере отырып, мәтінді талдау және интерпретациялауды орындау; рейтингтік ғылыми журналдарда ағылшын тіліндегі жарияланымдарда ғылыми қорытындылар, зерттеу нәтижелерін ұсыну.

Шет тілдерін оқытудың заманауи бағыттарын ескере отырып және сандық, инновациялық технологияларды, қашықтықтан оқыту технологияларын, оқытудың интерактивті, жеке тұлғаға бағытталған әдістерін пайдалана отырып, жоғары оқу орындары мен колледждерде сапалы практикалық және теориялық сабақтарды жоспарлау және өткізу.

Оқу-әдістемелік материалдарды әзірлеу, шет тілін оқытудың тиімді технологиялары мен әдістемесі негізінде ЖОО-да оқу үдеріснің барлық түрлерін және сабақтан тыс жұмыстарды жүргізу үшін педагогикалық технологияларды жобалау, оның ішінде оқытылатын тіл елдерінің әдебиеті, фразалық етістіктер, идиомалар, сыни талдау және қазіргі ғылыми жетістіктерді бағалау негізінде әр пән бойынша әдебиеттер тізімін жасау.

Оқу сабақтарының түрлері мен нысандарын, бақылау аттестациясын ескере отырып, бағалау құралдарын әзірлеу, тіл мен сөйлеуді талдаудың қазіргі заманғы әдістерін (тілді деңгейлік ұйымдастыру, семантикалық өлшеу, лингвистикалық таңбалау), өзге тілді білім берудің әлеуметтік-психологиялық негізінде тиімді қарым-қатынасқа кедергі келтіретін коммуникативтік кедергілерді анықтай отырып, вербалды және вербалды емес жіктеуді қолдану.

Жалпы және білім беру, кәсіби тақырыптар бойынша сөйлесудің практикалық дағдыларын меңгеру; шет тілдегі әртүрлі мәтін, хабарландыру, тестілерді құрастыру және редакциялау, түзету, білім беру үдерісінде тест түрлерін қолдану; шет тілі сабақтарында оқу, жазу, тыңдау, сөйлеу дағдыларын қалыптастыратын қазақстандық өмір салтын ескере отырып, қосымша оқу-әдістемелік құралдар, авторлық бағдарламалар жасау.

Ауызша және жазбаша мәтіндерді сапалы аудару үшін тілдерді қарама-қарсы, типологиялық сипаттау және тілдерді меңгеру саласындағы жаңа жетістіктерді пайдалану; жаңа педагогикалық технологияларды, басқарудың әкімшілік әдістерін пайдалана отырып, аударма компанияларының, тілдерді оқыту орталықтарының жұмысын ұйымдастыру, жетілдіру, IELTS, TOEFL, DAAD, DALF сертификаттарын ұсынатын курстарда сабақтарды жоғары деңгейде өткізу.

Тілдік қарым-қатынас формаларын, сөйлеу нормаларын, ауызша қарым-қатынас нормаларын біле отырып, түрлі жанрлар мен сөйлеу стильдерінің мәтіндерін ажыратуға және құрастыруға, отандық және халықаралық компанияларда, институционалдық мекемелерде шетел тілінің ресми-іскерлік стилін және стереотиптерін меңгеру, өзге мәдениетті түсіну негізінде әртүрлі мәдениет өкілдерімен диалог жүргізу дағдыларын ескере отырып, социумның түрлі салаларында қарым-қатынасқа түсе білу.

Сандық технологияларды пайдалана отырып, әртүрлі жобаларды, көптілді білім беру бағдарламаларын, мобильді қосымшаларды, бағдарламаларды, шет тілдерін оқытатын бағдарламаларды, көптілді лексикографиялық және оқу материалдарын әзірлеу.

Түрлі сөйлеу үдерістеріне байланысты қоғамдық ғылымның жай-күйін бағалау; Қазақстандағы тіл саясаты аясындағы мемлекеттік бағдарламаларды әртүрлі дереккөздерден, интернет ресурстарынан алынған ақпаратты талдау және қазіргі қазақстандық білім беру контексінде тілді оқыту деңгейі бойынша материалдарды жүйелеу негізінде сараптау және бағалау.

Менеджерлік жұмысты ұйымдастыру, білім басқармасының жұмысын үйлестіру білімінің негізінде оқу орындарының қызметіне бақылау, қадағалау жүргізу, жоғары тұрған білім беру органдарына ұсыныстар енгізу, түрлі жағдайларды, қазақстандық және халықаралық зерттеу ұжымдарының жұмысында білім беру міндеттерін шешу; жеке тұлғаның және ұжымның мінез-құлқы мен қызметінің нәтижелері, даму ресурстары мен мүмкіндіктері арасындағы өзара байланыс негізінде өмірлік және кәсіби жағдайларды сыни талдау.

Әріптестермен және басшылықпен кәсіби қарым-қатынасты қалыптастыру; мәдени-ағартушылық жобаларды әзірлеу және іске асыру; кәсіби қызметтегі адамдар арасындағы әлеуметтік-мәдени айырмашылықтарды ескере отырып, әртүрлі жағдайларға бейімделу; жеке тұлға ретінде өзін-өзі дамыту, кәсіби деңгейін арттыру.