6B02101 Дәстүрлі музыка өнері в Қазақ ұлттық қыздар педагогикалық университеті

Пәнді игеру арқылы әрбір студент жеке тұлға ретінде көшбасшылық қасиеттерін ашу және дамыту, инновациялық үдерістерден туындаған жаңалықтарға бейімделу дағдыларын дамыту, сонымен бірге ғылыми-техникалық үдерістер нәтижелерін кәсіби қызметінде қолдана алу мүмкіндіктеріне үйренеді.Басқарудағы көшбасшылық қасиеттер мен адами фактордың қазіргі жағдайы мен даму перспективаларын оқып біледі

Курс білім алушылардың музыкалық-теориялық дағдыларын қалыптастыруға және дамытуға бағытталған. Музыкалық дыбыстардың қасиеттерін, ноталық қысқару белгілерін, метроритмнің негізгі құбылыстарын, интервалдар, аккордтарды, олардың айналымдарын, ладтар мен тональдіктерді, ауытқулар мен модуляцияларды, секвенцияларды, транспозицияны, фактураның түрлерін, мелизмдерді сипаттайды.

Пән студенттердің кәсіпкерлік дағдылары мен іскерлік ойлауын қалыптастыруға бағытталған. Студенттер экономиканың, кәсіпкерлік қызметті жүзеге асыру шарттарын, оның ішкі және сыртқы ортасының заңдылықтарымен жан-жақты танысу арқылы бизнес-жоспар, жеке бизнесті құру және өз бизнесін сәтті жүргізу дағдыларына ие болады.

Пән университеттің символы болып табылады. Пән әрбір студентті тарихы бен ұлттық дәстүрлерін білуге, құрметтеуге тәрбиелей отырып, заманға сай іскерханымның бейнесін қалыптастыруға бағытталған. Пән әйел бейнесін қыз, әйел, ана, отбасын сақтаушы, көшбасшы-маман ретінде толық аша отырып, қыздарға моральдық-этикалық, эстетикалық тәрбие беру мәселелері мен әдеп мәселелерін оқытады.

Эмоционалды интеллект және ұйымдастыру мәдениеті. Эмоционалды интеллекттің топтық көрсеткішітері. Эмоционалды менеджмент. Эмоционалды интеллект және тиімді команда құру. Жеке адамның эмоционалды интеллектін дамыту. Отандық және шет елдік ұйымдарда эмоционалды интеллект енгізудің жүйелі амалдары: жеке адамның мотивациясын орайластыру, топты қалыптастыру тәсілдері, даудамайларды шешу, кері байланыс орнату.

Курс өз құқықтары мен міндеттерін білетін, сыбайлас жемқорлықтың кез келген көріністеріне төзбейтін заңды сауатты, заңға бағынатын адамды қалыптастыруға бағытталған.Құқықтық және сыбайлас жемқорлыққа қарсы мәдениет Қазақстан Республикасының заңдарын, сондай-ақ сыбайлас жемқорлыққа қарсы заңнаманы және сыбайлас жемқорлық әрекеттері үшін заңдық жауапкершілік мәселелерін зерделеу арқылы дараланады.

Пән студенттердің заманауи экологиялық білімі мен мәдениетін қалыптастырады, өмір қауіпсіздігі үшін техникалық құралдар мен технологиялық процестердің қауіпсіздігін арттыру әдістерін қолдану дағдыларын дамытады Пән әртүрлі деңгейдегі ұйымның экожүйелері қызметінің, тұтастай биосфераның негізгі заңдылықтарын, адам мен табиғаттың өзара қарым-қатынасында туындайтын қайшылықтарды, сондай-ақ табиғат пен экологияға ұқыпты қарау қажеттігін айқындайды

Пән ұлы қазақ философы, ақын, ойшыл Абай Құнанбаевтың ұлттық шығармашылық мұрасын зерттей отырып, студенттерді мәдени-рухани тәрбиелеу арқылы қазақ әйелінің тұлғасын айқындауға бағытталған. Пән ұлы ақынның 175 мерей тойына қарсаңында ұйымдастырылған шараларды қолдау, ақынның шығармашылығын құрметтеу мақсатында 2020 жылы оқу жоспарына енгізілді

Мамандык пәні әншілік өнердің ежелден қалыптасқан дәстүрлі орындаушылық тәсілдері үйретіліп, қазақ даласындағы аймақтық орындаушылық мектептердің өзіндік ерекшеліктері, әншілік өнердің орындаушылық бағыттары, қазақ сал-серілерінің әндері мен жырлары, тарихи оқиғаларға байланысты туған ән-жыр аңыздары мен шығармалар жан-жақты үйретіледі. Ұстаздық және орындаушылық тәжірибелер арқылы студенттің кәсіби әнші маман, орындаушылық және педагогикалық қасиеттері қалыптасады.

Курс студенттерге музыкалық форма, музыкалық тілдің элементтері туралы қажетті ақпаратты ұсынады. Курс студенттердің музыкалық ой-өрісін, отандық музыка ғылымының дәстүрлерінің арнасында аналитикалық ойлау әдісін, музыкалық шығармаларды талдау барысында шығармашылық бастаманы дамытуға, болашақ педагогикалық іс-әрекет үшін өзіндік музыкалық ойлауды қалыптастыруға бағытталған.

Пән тұлғаның жеке әлеуметтік жауапкершілігін дамытуға және адамның жеке әлеуетін жандандыруға, ерікті және өтеусіз көмек көрсетуге және өзара көмек көрсетуге, азаматтық қоғамның игілігі үшін кең ауқымды қызмет көрсету, басқа да азаматтық шараларды орындауға үйретуге бағытталған. Пән еріктілер қызметінің маңыздылығын аша отырып, бұл қызметтің Қазақстандағы мәселелері мен даму перспективаларын айқындайды.

Пән ұлттық рухты тәрбиелеуге, қазіргі қазақ әйелдерінің ұлттық дәстүрлері мен тарихын құрметтеуге бағытталған. Курс түркі халықтарының мәдени дүниетанымы мен бейбітшілікті қабылдауының ерекшеліктерін, қазақ халқының ұлттық нақышын, оның мәдениеті мен мәдени құндылықтарының тарихи және әлеуметтік негіздерін, сондай-ақ Ұлы даладағы адамгершілік ілімдері мен ұлттық идеяның әлеуметтік негіздерін баяндайды.

Мамандық пәнінде орындаушылық өнер бағытындағы кәсіби мүмкіндіктерін аша отырып, одан әрі дамытумен қатар, орындаушылық шеберліктерін сахнада пайдалана білуге баулу, Студенттің әнді толық меңгеруіне және жалпы шығармашылық өсуде жоғары кәсіби шеберліктерді дамытуға мүмкіндік беретін нақтылы концерттік репертуарды меңгерту.

Пәнді оқыту барысында қазақ жыраулық өнерінің жанрлық сипатын, орындаушылық үлгісін қарастыра отырып, түркі халықтары дәстүрлі мәдениетіндегі орнын айқындау арқылы студенттерді қазақ және әлем халықтары жыраулық өнерінің өзекті мәселелерін оқып-үйренуде өз бетінше ізденуге бағыт-бағдар беру. Төл өнеріміздің маңызы мен мазмұнына терең бойлау арқылы ұлттық құндылығын қастерлей білетін жеке тұлға қалыптастыру.

Курс әуенді және гармониялық естуді, функционалдық гармониялық байланыстарды, музыкалық ойлау мен музыкалық есте сақтауды қабылдау, әуенді тактілеу, дирижерлаумен орындау, ансамбльде ән айту, әуенді өз бетінше үйрену, ноталық мәтінді бірден оқуды дамытады. Естуі бойынша әуендерді шығару, жазу, ноталық мәтінді транспозициялау дағдыларын қалыптастырады.

Ән салудағы вокалдық-техникалық дағдылар. Дауыс аппараты туралы түсінік. Сөйлеу және ән айту кезіндегі дауысты, дауыссыз дыбыстарды үндеу барысындағы олардың қызметі. Ән салу жаттығуларын әрбір дауысқа жеке таңдаудың маңыздылығы болып табылады.

Этносольфеджио пәнінің негізгі жұмыс түрлеріне «Күйлерді аңызымен тыңдау және орындау» «Ән айту және сольфеджиолау» , «Талдау», «Диктант», «Шығармашылық» жатады. Этносольфеджионың бір міндеті – синкреттік шығармашылық (әңгіме және музыка) өнері ретіндегі дәстүрлі музыканы ауызша қабылдап, қайталап орындап беру дағдыларын қалыптастыру.

Фортепиано теориялық пәндерді (сольфеджио, музыка теориясы, үйлесімділік) зерттеудің негізгі құралы болып табылады. Пәннің міндеттеріне фортепиано аспабын меңгеруге қажетті музыкалық грамота негіздерін оқыту кіреді; фортепианода ойнаудың орындаушылық шскерліктер мен дағдыларының кешенін қалыптастыру; штрихтердің негізгі түрлерін меңгеру - non legato, legato, staccato.

Дауыс аппаратының табиғи дыбысын анықтау және дамыту. Тыныс алу және дикция қою. Ән айту кезіндегі дикция ерекшеліктері. Вокал әдісімен дауыс қою. Әншілік дыбыс. Музыкалық және әншілік есту қабілетін дамыту. Репертуарлық даму, дауыс және оның ауқымын кеңейту. Вокалдаудың негізгі түрлері. Әнде шығарманың көркемдік бейнесін бейнелеу. Жеке ән айту және ансамбльде ән айту.

Пән музыкалық репертуарды меңгеру барысында қосымша музыкалық аспаппен жалпы танысу, орындаушының отырысы, дыбыс шығару тәсілдерін меңгеруге, аспапты икемді ұстап сүйемелдеу дағдыларын меңгеруге бағытталған. Әртүрлі жанрдағы жеңіл шығармалардың бөлімдерімен, аппликатурамен, мехпен жұмыс жасап, техниканы жетілдіруге арналған жаттығулар жасауға дағдыландыру. Болашақ музыка мұғалімінің теориялық білімімен қатар түрлі орындаушылық дағдыларды үйреніп, кәсіби дағдыларын жетілдіре түседі.

Музыкалық есту қабілетін, ырғақ сезімін, музыканы есте сақтауын, артистизмді және музыкалық ойлауды дамыту. Студенттердің шығармашылық, орындаушылық қызметтерді үйлестіре алатын және қазіргі кезеңдегі орындаушылық мектептердің стильдік ерекшеліктерін ажырата білетін жоғары деңгейдегі орындаушылық шеберлігі бар, білікті мамандар даярлау.

Пәнді оқыту барысында болашақ әншілеріміздің әнді орындау шеберлігін шыңдауда бұл пән, ән қандай жай-жапсарға байланысты шыққаны талдау жасалып, орындау манерасын айқындап, не үшін, кім үшін, қалай орындаймын деген сұрақтардың жауабы ізделінеді. Жеке орындау барысында шеберлікпен іске асырылады. Және сол әннің қандай жылдарда шыққаны (эпохасы) зерттеледі.

Орындаушы, әнші, өзіндік шығармашылык қабілетін, ой-өрісін дамытуда және өнер, мәдениет, музыкалық білім салаларына деген көзқарасын қалыптастыру. Халық әні мамандандырылуы бойынша кәсіби орындаушылық дайындықтардың негізін қалау, жеке қабілеттерін өз бетінше дамыта білуге, ізденіске баулу, орындаушылық өнердің негізгі бағыттарына тереңдетілген репертуар қорын жинақтау

Музыка мұғалімін дайындау барысында музыкалық есту, музыкалық ойлау және есте сақтау қабілетін дамыту. Интонациялық жаттығулар. Ән айту: әр түрлі ладтардың дыбысын тоникадан тоникаға дейін, кез келген сатыдан жоғары және төменге дейін. Камертон бойынша дыбысты келтіру, ырғақтық жаттығуларды дыбыстық сатылармен ән айту. Ырғақтық диктант. Ырғақты импровизация. Сольфеджиолау. Әуен интонациясының тазалығы. Музыкалық диктант. Ауызша музыкалық диктант.

Мамандық пәні шығармашылық, орындаушылық қызметтерді үйлестіре алатын және қазіргі кезеңдегі орындаушылық мектептердің стильдік ерекшеліктерін ажырата білетін жоғары деңгейдегі орындаушылық шеберлігі бар, білікті мамандар даярлайды. Еркін ойлау қабілетін дамыта алатын және дәстүрлі музыкалық өнер мен жалпы мәдениетті насихаттаудағы концерттік-орындаушылық қызметтегі өзіндік шығармашылық көзқарасты білдіре алатын, музыкалық-көркемдік танымды одан әрі ұштай түсуге қажетті барлық көркемдік-шеберлік тәсілдері мен амалдарының негіздерін меңгерген әнші тәрбиелеу.

Оқу үдерісін ұйымдастыру және әдістемелік материалдарды әзірлеуге арналған цифрлық технологияларды қолдану дағдыларын қалыптастыруға бағытталған практикалық курс. Курс білім беруді цифрландырудың барлық бағыттарында: білім беру басқармасы мен мекемелерінде компьютерлік бағдарламалар, оқытудың цифрлық технологиясы; АКТ дидактикалық мүмкіндіктері; виртуальды орта және қашықтықтан оқыту технологияларында цифрлық бағдарламалар мен техникалық құралдарды меңгеру дағдыларын қалыптастырады.

Есту қабілеті арқылы көру, есту қабілетін дамыту,динамикалық құбылыстарды меңгеру, нотасыз естіп ойнау және гармонизациялау, нотаға қарап бірден оқып ойнау, мектеп репертуарындағы әндерді орындап үйрену. Екі қол координациясы. Гамма, этюд, арпеджио түрлерін орындау қарастырылады. Жеңіл пьесалар, мектеп әндерін мәнерлеп ойнау техникасына қол жеткізіледі

Пән білім алушылардың музыкалық шығарма авторының ойына сәйкес келетін көркем бейнені жасау үшін фортепианолық техниканың негізгі түрлерін меңгеруін көздейді; музыкалық мәнерлілік құралдарын меңгеру, дыбыс шығару, штрих, фразировка, динамика, педализация.

Инклюзивті білім беру тұжырымдамасы. Шетелде және Қазақстан Республикасында инклюзивті білім беруді дамыту. Ерекше білім беруді қажет ететін жандар үшін оқу іс-әрекетін ұйымдастыру және жоспарлау. Ерекше білім беруді қажет ететін жандарды психологиялық-педагогикалық қолдау бойынша жағдай жасау үшін әртүрлі профильдегі мамандар тобында жұмыс істеу дағдылары. Оқу жоспарларын бейімдеу және инклюзивті оқыту жағдайында репетиторлық практиканы ұйымдастыру.

Дауыс қою пәні дәстүрлі әншілерге табиғи дауыс қойылымы арқылы сауатты кәсіби дәрежеде ән айтуға, дауыс күшін ұлғайтуға және ән айту шеберліктерін жаттығу нәтижесінде тәрбиелеп, еркін меңгеру болып табылады. Ән салу шеберлігін жетілдіру мақсатында: дауысты шыңдау, демді дұрыс пайдалану, дикция, артикуляция, ауызды дұрыс аша білу, дауыс күтімі, дауыс гигиенасын сақтау, әнді таза, әдемі орындау жолында кәсіби тұрғыда дұрыс бағдар беру.

Дауыс қою негіздері арқылы – студент ән салуда дәстүрлі вокал әдісін, музыкалық сауатын қатар алып жүруді меңгереді. Мұнда ең бірінші орындаушының деңгейі мен дауыс мүмкіншілігін ескеру қажет. Дыбыс табиғаты, бір келкі созып айту, ауыздың ашылу жолы, тіл қойылымы, дауыс қысылмауы, дыбыс шығарылу технологиясы туралы мағлұматтар бере отырып, дауысты шыңдауға мән беру. Ән айту құралын кәсіби игеру дағдыларын меңгеру. Вокалдық техниканы жетілдіру. Орындаушылықтың дәстүрлі түрлерінің ерекшеліктерін меңгеру. Дәстүрлі мектептердің әншілік репертуарын меңгерту.

Этносольфеджио пәні – әндерді тек тыңдау арқылы үйреніп, құйма-құлақтық әдісін жетілдіру және ноталық сауатына жіті мән беріп, оны кәсіби деңгейде меңгеруді үйрету. Студент – болашақ өнерпаз. Оның ұлттық құндылықтарға оң көзқарасын қалыптастыру, ел ішінде көрінбей жатқан ән-жырларды қалт жібермей нотаға түсіріп, жинақтап, сол арқылы оны зертеушілікке де бейімдеу, табылған ән-жырлардың өңірлік, аймақтық дәстүрін анықтап, т.б көптеген қағидаларға көңіл бөлу.

Жеке шығармашылық, орындаушылық, ізденушілік қызметтердің іске асуына және дамуына қажетті психологиялық-педагогикалық білімдердің меңгерілуіне барынша жағдай жасау керек. Жеке көркемдік талғам мен шығармашылық ізденісті қалыптастыруға үйрету, сонымен қатар, игерілген музыкалық, көркемдік білімдерді іске асыра білуге баулу, яғни концерттік-орындаушылық қызметтерге дайындық барысында студенттің өзіндік жеке тұлғасының көрінуіне мүмкіндік беру.

Орындаушылық өнер тарихы пәнінің басты міндеті – дәстүрлі өнер өкілдерінің өмірбаянымен жан жақты танысу, әндердің шығу тарихы, орындаушысы, кейінгі ұрпаққа жеткізушілері жайында кең мағлұмат беру. Қазақстанның барлық аймақтарындағы әншілік-жыршылық дәстүрлердің орындаушылық ерекшеліктері мен айырмашылықтарына мән беру. Орындаушылар туралы молырақ мағлұматтар алу.

Этносольфеджио пәнінде әнді тыңдап, оның негізгі өлең құрылысын анықтап (буын саны, бунақ саны), әнді бунақ санына қарай тактіге бөлу, ән сөзін жазар кездегі қазақ тіл білімі ғылымының фонетика саласына қатысты мән берерлік жағдайлар, әнді нотаға түсіруде негізгі әуеннің бұзылмай таза күйінде түсуі, әнді нотаға түсіруде сол әннің көп нұсқалылығына көңіл аудару, оларды тыңдап, негізгі түпнұсқаны сақтауды меңгереді.

Курс болашақ маманның кәсіби қызығушылықтары саласында ғылыми-зерттеу компоненттерін дамытуға бағытталған. Пән студенттердің ғылыми әдебиеттермен жұмыс істеу, зерттеуді ұйымдастыру және жүргізу (таңдалған облысқа сәйкес), ғылыми эксперименттер жасау, зерттеу нәтижелерін академиялық сипатта сауатты рәсімдеу және оларды көпшілік алдында таныстыра білу дағдыларын қалыптастырады.

Пән ғылыми стильдің жанрлық түрлері туралы білімді, кәсіби қызмет саласындағы ақпарат пен материалдарды жинау, сақтау және өңдеудің заманауи әдістерін меңгеруді, сондай-ақ сөйлеу қызметінің төрт түрін (оқу, сөйлеу, жазу, тыңдау) академиялық қарым-қатынас жасау мақсатында білігі мен дағдыларын қалыптастырады.

Музыкалық шығарманы меңгеру барысында аспапта шебер ойнаудың дағдылары қалыптастырылады. .Әртүрлі интервалдарға транспозиция жасау, Сүйемелдеу дағдыларын меңгеріп, өз орындауындағы әндерді, жеке әнші мен хорды сүйемелдей білу. Нотаны оқып ойнау, нотасы жоқ әндерді есту арқылы сүйемелдеу, түрлі сарындылыққа көше білу, музыкалық репертуармен өзбетінше жұмыс жасай білу.

Пән оқушылардың орындаушылық өнер туралы түсініктерін кеңейтеді, арнайы орындаушылық шеберліктер мен дағдыларды қалыптастырады. Фортепианода ойнауды үйрету музыкалық сауаттылықты, парақтан оқу, ансамбльдік ойын дағдыларын, сүйемелдеу негіздерін меңгеру және өз бетінше жұмыс істеудің қажетті дағдыларын қамтиды.

Ән айту барысында екі дауысты, үш дауысты дауыстарға бөліне отырып ән айтуға дағдылану, ладтардың дыбысын тоникадан тоникаға дейін, кез келген сатыдан жоғары және төменге дейін айтып үйрену. Камертон бойынша дыбысты келтіре отырып, ырғақтық жаттығуларды дыбыстық сатылармен ән айту. Екі дауыстағы диктантты жазуға дағдылану. Жазған диктантын жатқа айтуға үйрену.

Жетіген – қазақ халқының ежелден келе жатқан ұлттық көп ішекті шертпелі аспаптарының бірі.Сондықтан білімгердің оқу барысында бірнеше аспаптарды меңгеріп сол аспаптардың 31 көмегімен әндерді сүйемелдейді және музыкалық шығармаларды меңгереді. Жетіген аспабымен ән айту дәстүрін меңгереді.

Пән студенттердің музыка тарихы саласындағы білімдерін қалыптастыруға бағытталған. Пән барысында музыкалық өнердің заманауи мәселелеріне тарихи-мәдени көзқарасты меңгереді, музыкалық мәдениеттің тарихи эволюциясының кезеңдерін қарастырады, дәуірдің эстетикалық мазмұнын, белгілі шығармашылық мектептердің стилін, көрнекті тұлғалардың көркемдік-тарихи маңызын анықтайды.

Пән барысында жетіген аспабының көмегімен әндерді сүйемелдеу техникасын меңгеруге мүмкіндік береді. Сондай-ақ, пән халық күйлерін сонымен қатар халық әндерін, халық композиторларының, қазіргі заман композиторларының әндерін орындау тәсілдерін меңгеруге мүмкіндік береді.

Концерттік орындаушылық пәні концерттік репертуар таңдау, жинақтау, құрастыру т.б. біліктілік қасиеттеріне және уақыт талабына сай тақырыптау, мазмұндауға баулу. Сахна өнері тәрбиесін (жүріс-тұрыс, киіну, тыңдаушымен қарым-қатынас, дыбыс тазалығы, дауыс пен аспап үйлесімділігі), артистік қасиеттерді сіңіру. Студентке көрермен алдында өнер көрсетуде психологиялық кейпін (толқу, қорқу, өзін-өзі ұстау, кездейсоқтық жағдайлар) тұрақтандыру мәселелерін шешуде көмектесу, кеңес беру.

Курс студенттерде музыкалық өнердің табиғи тарихи эволюциясы туралы түсініктерді қалыптастыруға, жеке гармоникалық стильдер мен ХХ ғ. музыкасындағы композиторлық техниканың қызықты құбылыстары бағытындағы білімдерді, музыкалық шығарманы талдаудағы жаңа тәсілдерді меңгеруге бағытталған.Заманауи музыкадағы ладтық құрылымның қарқынды үдерісін меңгереді.

Курс студенттердің музыкалық шығарманың гармоникалық талдауын орындау, музыкалық шығарманың мазмұнының контекстінде гармониялық құралдарды сипаттауға бағытталған. Фортепианода үйренген тәсілдерін жаттығуларда қолдану, гармоникалық реттілікті ойнау, үйлесімділікке арналған жазбаша тапсырмаларда зерделенген білімді қолдану, үйлесімділіктің мәнерлі және формальды пайда болатын мүмкіндіктерін білу дағдыларын қалыптастыруды қамтиды

Көне дәуірлерден бері калыптасқан музыкалық аспап сүйемелімен орындалатын дәстүрлі әншілік өнердің орындаушылық мектептерін әншінің қабылет-қарымына сай меңгерту. Қазіргі заманғы баспа құралдарын пайдалана отырып, жұмыс қорытындысын есеп, реферат, мақала түрінде таныстыра білу дағдысын қалыптастыру.

Пәнді оқыту барысында, жалпы тәрбие- білім беру процесінде қазақ халық музыкасына жеткіншектердің қызығушылығын қалыптастыру мақсатында курста студенттердің педагогикалық шеберліктерін шыңдауда арнайы педагог болуға тәрбиелеу ісі жүргізіледі. Сонымен қатар, музыкалық білім берудің жүйесін ұлттық негізде құру жағдайында өскелең ұрпаққа ұлттық музыка өнерін меңгерту. Жеке тұлғаны калыптастыру құралы ретінде халықтық өнерді тәрбие талабына сай құру істерімен таныстыру.

Пәннің негізгі сипаты қазақ ән дәстүрінің қалыптасуы мен аймақтық ерекшеліктері, дәстүрлі өнер ошақтары туралы деректерді нақты мысалдар келтіре отырып меңгерту. Орындаушылық дәстүрлер – музыкалық дәстүрдің жасаушысы, дамытушысы, жалғастырушысы ретінде қарастырып, орындаушылар туралы молырақ мағлұматтар жинастыру.

Дәстүрлі ән мектептерінің айырмашылықтарын салыстыра білу, орындаушылық дәстүр мектептерінің принциптері мен стильдік ерекшеліктерін толық білу. Орындаушылық өнердің ірі өкілдерінің шығармалырымен танысу, үйрену. Түрлі көркемдік стильдерді, орындаушылық бағыттардың айырмашылықтарын түсіндіру, ерекшеліктерін талдай білу. Аспапты меңгеру барысында орындаушылық мектеп стильдерін айыра біледі.

Вокалдық ансамбль пәнінен студенттің дауыс аппаратын дұрыс меңгеріп, тұрақты позициясын қалыптастырып, дұрыс жолға қоя білуіне кәсіби амал-тәсілдерді меңгертуге міндетті. Ән салу шеберлігін жетілдіру негізінде: дауысты шыңдау, демді дұрыс пайдалану, дикция, артикуляция, ауызды дұрыс аша білу, дауыс күтімі, дауыс гигиенасын сақтау, әнді таза, әдемі орындау жолында кәсіби тұрғыда дұрыс бағыт-бағдар беру үйрету.

Ән қоры сабағы дәстүрлі ән өнеріндегі әншілік мектептердің өзара байланысы мен ерекшеліктері, құрылымдық, орындаушылық, шеберлік әдіс-тәсілдерін меңгеру, дәстүрлік ерекшеліктерін қатаң сақтау – пәннің негізгі мазмұны ретінде қарастырылады. Әрбір бітіруші студенттің өзіндік шеберлік үлгілері мен орындаушылық қабылет-қарымы, әр аймақтың орындаушылық үлгілерін игеру деңгейлері осы «Ән қоры» пәнінде жан-жақты қаралады.

Ансамбльмен ән айту пәні орындаушылық ансамбль дағдысын меңгеру. Түрлі стиль, жанрлар мен дәстүрлер шығармалырын игеру. Есту, бақылау қабілеті мен орындаушылық жауапкершілікті тәрбиелеу. Жеке көркемдік қабілетті қалыптастыру, ой өрісін кеңейту және тұтас шығармашылық ұғымды құру.

Жыр – техникалық және жыраулық көркем әдістерді, жыраулық есте сақтау қабілетін, жыршылық техникалық түрде әрленген көркемдеп айту дағдыларына тәрбиелеу, жыр зерттей келе ісіңе бар мүмкіндігіңді салуды кәсіби тұрғыдан өзін – өзі үнемі жетілдіріп отыруды талап етеді.

Арнайы пәнді оқытудың әдәстемесі оқу тәрбие жұмыстарының алдында тұрған міндеттерді дұрыс орындау үшін мұғалім мен білімгердің бірлесіп жұмыс істеу үшін қолданатын тәсілдер. Әдіс арқылы мақсатқа жету үшін істелетін жұмыстар ретке келтіріледі. Оқыту әдістері танымға қызығушылық туғызып, білімгердің ақыл-ойын дамытады, ізденуге, жаңа білімді түсінуге ықпал етеді.

Жоғары дәрежелі, білікті және бәсекеге қабілетті, өзін-өзі жетілдіруге, әлеуметтік тұрғыдан икемделуге бейімделген жалпы және кәсіби мәдениетінің деңгейі жоғары дәстүрлі музыка өнері саласындағы кәсіби әнші дайындап шығару. Арнайы концерттік репертуарларды даярлауға баулу, халық шығармаларын аспапқа лайықтау тәсілдерін меңгерту, орындайтын шығармасына сәйкес жан-жақты зерттеулерді жүргізе білу дағдыларын қалыптастыру.

Дәстүрлі әншілердің табиғи дауыс қойылымы арқылы сауатты кәсіби дәрежеде ән айтуды, дауыс күшін ұлғайту шеберліктерін еркін меңгереді.

Дәстүрлі ән айту өнеріндегі ежелден қалыптасқан дәстүрлі орындаушылық тәсілдерін үйреніп, қазақ даласындағы аймақтық орындаушылық мектептердің өзіндік ерекшеліктерін біледі.

Орындаушының стиль қалыптастыру жолдарын, шеберлік шыңын, әншілік-жыршылық мектептердегі әйгілі орындаушылардың стильдік ерекшелігін меңгереді.

Дәстүрлі музыкалық өнердің түрлі жанры мен стилін игеру арқылы халық музыкалық аспаптарында ойнау дағдыларын дамытады.

Дәстүрлі орындаушылық өнер бағытындағы кәсіби мүмкіндіктерін аша отырып, одан әрі дамытумен қатар, орындаушылық шеберліктерін сахнада көрсете алады.

Пәндік салада зерттеу нәтижелері мен академиялық жазбаны, оның ішінде шетел тілінде, таныстыра алатын, ғылыми-зерттеу жұмыстарын жүргізе алатын дағдыларды меңгерген

Жаһандық мәселелерге бей-жай қарай алмайтын, еріктілік және инновациялық қызметке дайын, құқықтық және іскерлік мәселелер тұрғысынан білімді, ұлттық рухта тәрбиеленген және икемді дағдыларды (Soft skills) меңгерген көшбасшы-қыз

Орындаушылық өнерді оқыту процесінде педагогиканың әртүрлі әдістері мен ерекшеліктерін қолданады.

Дәстүрлі өнер мен мәдениеттің тарихы мен даму тенденцияларын зерттейді.

Музыкалық-педагогикалық қызметте тарихи-теориялық, музыкалық-орындаушылық білім мен дағдыларды қолданады.