7M04226 Құқықтану в Әл-Фараби атындағы Қазақ ұлттық университеті

Пәннің мақсаты: басқару психологиясының негізгі ұғымдарын түсіндіру қабілетін қалыптастыру, кәсіби қалыптасу процесінде басқару саласының аспектілерін теориялық және практикалық қолданудың алғышарттарын анықтау. Пән топтық құбылыстар мен процестерді басқару психологиясы туралы қазіргі заманғы идеяларды түсінуді қалыптастырады, басқару психологиясының негізгі принциптерін, басқарушылық өзара әрекеттесудегі тұлғаны, жеке тұлғаның мінез-құлқын басқаруды зерттеуге бағытталған.

Мақсаты: менеджменттің теориялық негіздері мен қолданбалы аспектілері туралы жүйелі білімді қалыптастыру. Оқыту нәтижелері: - басқарудың ұйымдастыру құрылымдарын құру және басқару әдістерін анықтау; - кәсіби қызметте менеджмент әдістерін, құралдарын, тәсілдерін қолдану; - басқарудың ұйымдастыру құрылымдарын талдау; - бөлімшенің жұмысын жоспарлау және ұйымдастыру; - ұйымды басқарудағы негізгі тәсілдердің тиімділігін бағалау.

Пәннің мақсаты магситарнттарда қылмыстық заңның құқық қолдану тәжірибесі саласында негізгі практикалық дағдыларды қалыптастыру. Пәнді оқудың нәтижесінде магистранттар қабілетті: - қылмыстық-құқықтық нормаларды қолдану және іске асырумен байланысты негізгі мәселелі аспектілердң талдауға; - Қазақстан Республикасының қылмыстық саясатында қазіргі реформаларды жүргізумен байланысты пайда болушы негізгі тенденцияларды негіздеуге; - қылмыстық заңның отандық және шетел құқық қолдану тәжірибесін талдауға; - құқық қорғау органдарының құқық қолдану тәжірибесінің ғылыми-тәжірибелік маңыздылығын және заң шығарушылық, жалпы теориялық жетістіктерін бағалауға - қылмыстық-құқықтық шараларды талдау арқылы осы салада қылмыстық саясатты жүзеге асыруды, мәселелерді шешу жолдарын, сондай-ақ ұлттық қылмыстық заңды дәйектеу.

Пәннің мақсаты - адам құқықтарын қорғау механизмін, адам құқықтарын қорғауды жүзеге асыратын субъектілердің қызметін талдай білу қабілетін қалыптастыру; адам құқықтарын сотта қорғаудың ерекшеліктерін түсіндіру; адам құқықтарын қорғауды нормативтік реттеудегі проблемаларды анықтау. Курс адам құқықтарын қорғау тетігінің өзекті мәселелерін, адам құқықтарын қорғауды нормативтік реттеу жүйесін, адам құқықтарын қорғаудың халықаралық және ұлттық институттарын зерттейді. Пәнді оқу нәтижесінде магистрант қабілетті: - адам құқықтарын қорғау бойынша халықаралық және ұлттық нормативтік құқықтық актілермен жұмыс істеу дағдыларын көрсетуге; - адам құқықтары бұзылған жағдайда құқықтық құжаттар жасауға; - адам құқықтарын қорғау бойынша билік және басқару органдарында сөйлеу дағдыларын меңгеруге; - адам құқықтарын қорғауға қатысты сауатты, қысқа, нақты ғылыми қорытынды жасауға; - жаңа білім алу, әртүрлі көзқарастарға талдау жүргізу, құқық тұрғысынан негізделген және дұрыс шешім қабылдауға.

Пәннің мақсаты - құқық қолдану процесін талдау білігін қалыптастыру; құқық қолдану процесінің кезеңдерін сыныптау; сот жүйесіндегі, атқарушы органдар жүйесіндегі құқық қолдану процесінің ерекшеліктерін жүйелеу; құқық қорғау органдарының құқық қолдану қызметінің ерекшеліктерін түсіндіру. Курс құқық қолдану процесінің өзекті мәселелерін, сот жүйесіндегі, атқарушы органдар жүйесіндегі, құқық қорғау органдары жүйесіндегі құқық қолдану процесінің ерекшеліктерін зерттейді. Пәнді оқу нәтижесінде магистрант келесідей қабілеттіктерге ие болады: - құқық қолдану процесінің проблемаларын талдауды; - құқық қолдану процесінің кезеңдерін жіктеуді; - сот жүйесіндегі құқық қолдану процесінің ерекшеліктерін жүйелеуді, - атқарушы органдар жүйесінде құқық қолдану ерекшеліктерін түсіндіруді; - құқық қорғау органдарының құқық қолдану қызметінің ерекшеліктерін анықтауды.

Пәннің мақсаты – қылмыстық құқықбұзушылықтың алдын алудың теориялық және тәжірибелік мәселелерін оқу. Пәнді оқудың нәтижесінде магистранттар қабілетті: - қылмыстық құқық бұзушылықтың алдын алудың өзекті мәселелерін, шаралары мен әдістерінің жүйесін игеруге; - қылмыстылықпен күресуде алдын алу шараларын жүргізудің ұйымдастырылуы мен әдістемесін игеруге; - қылмыстық құқық бұзушылықтың алдын алуда және ескертуде алынған білімді қолдана алуға; - қазіргі заманауи жағдайларда зерттеу міндеттерін шешу үшін осы пән аясында алынған білімді біріктіруге; - заңмен көрсетілген әртүрлі құралдарды қолданып адамдардың әртүрлі санаттарына қатысты және әлеуметтік өмірдің әртүрлі аясында криминологиялық профилактиканың шараларын жоспарлау, әзірлеу және практикалық жүзеге асыру бойынша іс-шараларды қолдануға.

Пәннің мақсаты азаматтық істер бойынша өндірістің жекелеген түрлерін қарастыру, азаматтық процессуалдық құқықтық қатынастар мазмұны және азаматтық процессуалдық қатынас қатысушылары туралы түбегейлі білім қалыптастыру. Пәнді оқыту нәтижесінде магистрант келесі қабілеттерді қалыптастырады: - -азаматтық процессуалдық құқықтық қатынастар объектілері мен субъектілері, сот өндірісі түсінігін зерттеу; - -сот өндірісінің жекелеген түрлерінің мазмұнын ашу; - -азаматтық процессуалдық міндеттері мен қағидаларын түсіну; - -азаматтық процессуалдық құқықтық қатынастар саласындағы білім негізінде кәсіби қызметті жүзеге асыру әдістерін білу; -процессуалдық құқықтық қатынастар саласында тәжірибелік мәселелерді шешу дағдысы мен біліктілігін көрсете білу.

Пәнді оқытудың мақсаты аграрлық кәсіпкерліктің негізгі ержелерін, агроөндірістік кешенді мемлекеттік реттеу мен ауыл шаруашылығын мемлекеттік қолдау мәселелерін зерттеу болып табылады. Пәнді оқудың нәтижесінде магистранттар келесі қабілеттіктерге ие болады: - агроөнеркәсіптік кешеннің түсінігі мен заңи санаттарын дұрыс қолдану; - алынған білімді тәжірибелік жағдайларды талдау кезінде қолдану; -аграрлық кәсіпкерлікті құқықтық реттеуге бағытталған заңнама нормаларын талдау, талқылау және дұрыс қолдана алу; - негізгі идеяларды, тұжырымдамаларды, теориялардағы негізгілерін бағалау және олардың ауыл шаруашылығын дамытудағы маңызын анықтау; - теориялық және даулы салада өзінің ғылыми ұстанымын қалыптастыру және негіздеу.

Пәннің мақсаты – қылмыстық құқықбұзушылықтың алдын алудың теориялық және тәжірибелік мәселелерін оқу. Пәнді оқудың нәтижесінде магистранттар қабілетті: - қылмыстық құқық бұзушылықтың алдын алудың өзекті мәселелерін, шаралары мен әдістерінің жүйесін игеруге; - қылмыстылықпен күресуде алдын алу шараларын жүргізудің ұйымдастырылуы мен әдістемесін игеруге; - қылмыстық құқық бұзушылықтың алдын алуда және ескертуде алынған білімді қолдана алуға; - қазіргі заманауи жағдайларда зерттеу міндеттерін шешу үшін осы пән аясында алынған білімді біріктіруге; - заңмен көрсетілген әртүрлі құралдарды қолданып адамдардың әртүрлі санаттарына қатысты және әлеуметтік өмірдің әртүрлі аясында криминологиялық профилактиканың шараларын жоспарлау, әзірлеу және практикалық жүзеге асыру бойынша іс-шараларды қолдануға. Курс қылмыстық құқық бұзушылықты ескертудің теориялық мәселелерін оқуға, қылмыстық құқық бұзушылықтың алдын алуды қылмыстылықтың себептерін және шарттарын іздестіру және табу жағынан қарағанда қоғамдық қатынастарды реттеудің ерекше саласы ретінде қарастыруға, сондай-ақ оларды жоюға шараларды әзірлеуге арналады. Курс аясында қарастырылады: қылмыстық құқық бұзушылықтың алдын алу саласында қазіргі қылмыстық-құқықтық саясат; қылмыстылықтың жұйелік сиптаы; қылмыстық құқық бұзушылықтың алдын алудың құқықтық реттелуінің механизмі және оның әрекеттілігінің жоғарылауы; қылмыстық құқық бұзушылықты ескерту аясында кешенді заң саласының тұжырымдамалары; қылмыстық құқық бұзушылықтың алдын алу қызметінің ұйымдастырушылық-құрылымдық және ресурстық қамтамасыз етілу мәселелерін шешу.

Пәннің мақсаты: күнделікті және кәсіби қарым-қатынаста шет тілін белсенді қолдану үшін шет тілін меңгеру қабілетін қалыптастыру. Пән коммуникативті, тілдік, жалпы мәдени және тұлғааралық құзіреттіліктерді қалыптастырады, ғылыми және іскери сөйлеу стилінің негізгі ерекшеліктері және түйіндеме жазу, іскери хат, есеп, шет тіліндегі эссе зерттеуге бағытталған.

Курсты оқытудың мақсаты болып азаматтық құқықтық қатынастардың жүзеге асырылуы кезінде жинақталатын, сонымен қатар, азаматтық құқығы ғылымына арналған құқықтық категориялар, теориялық тұжырымдар, қоғамдық қатынастарын реттейтін құқық нормалары табылады. Студенттер азаматтық құқықтық қатынастарды реттеу саласындағы Қазақстан Республикасының заңнамасының теориялық ережелерін, заңнамамен жұмыс істеуді, тәжірибеде кездесетін күрделі мәселелерді шешуді үйренуді меңгере алады, үйренген

Пәннің мақсаты - әкімшілік құқық және әкімшілік процесс проблемаларын түсінуді түсіндіру және білімді біріктіру қабілетін қалыптастыру; жаңа әкімшілік рәсімдік-процестік кодекстің ережелерін талдау. Курс әкімшілік құқықты, әкімшілік процесті дамытудың негізгі бағыттарын, әкімшілік юрисдикцияны жетілдіру үрдістерін зерттейді. Пәнді оқу нәтижесінде магистрант қабілетті: - әкімшілік құқықтың даму мәселелерін талдауға; - әкімшілік процестің ерекшеліктері мен кезеңдерін түсіндіруге; - адам құқықтарын қорғау саласындағы әкімшілік тәжірибені жүйелеуге; - әкімшілік соттар қызметінің ерекшеліктерін түсіндіруге; - жаңа Әкімшілік рәсімдік-процестік кодекстің ережелерін талдауға болады.

Пәнді оқытудың мақсаты қаржылық құқық теориясының негіздерін, мемлекеттің қаржылық қызметі мен жүйесінің құқықтық аспектілерін зерделеу болып табылады. Пәнді оқудың нәтижесінде магистранттар келесі қабілеттіктерге ие болады: - қазіргі жағдайда қаржылық құқықтық реттеудің механизмін зерттеу; - замануи мемлекеттің қаржылық-құқытық қызметінің мазмұнын, мәселелерін және даму жолдарын ашып талдау; - қаржылық құқық институттары жай-күйі туралы құқықтық ілімдерді алуға және бағалауға негізгі тәсілдемелерді мазмұндау; - қаржылық құқық саласында жеке дара зерттеу жұмыстарын жүргізу әдістерін игеру; - қаржы саласында пайда болатын мәселелер мен казустарды шешу дағдылары мен икемдерін көрсете білу.

Негізгі заманауи психологиялық теориялар мен амалдарды игеруін көрсету; әріптестермен тиімді қарым-қатынас орнату және қолдау; қызмет саласында психологиялық білім мен іскерлікті қолдану; жеке тұлғаның мінез-құлқын басқару процесін түсіндіру.

Адам құқықтарын қорғаудың проблемалық мәселелерін анықтау және оларды шешу жолдарын өз бетінше іздеу; адам құқықтары туралы заңнаманың негізгі ережелерін талдау; адам құқықтарын қорғау тетігіне қатысты сыни көзқарасты дәлелдеу; адам құқықтарын қорғау мәселелері бойынша пікірталастарда өз көзқарасын қорғау; адам құқықтарын қорғау мәселелері бойынша білікті құқықтық қорытындылар беру.

Құқықтық ортадағы белсенді кәсіби қарым-қатынас үшін шет тілін білетіндігін көрсету; менеджменттің теориялық негіздері мен қолданбалы аспектілерін түсіндіру; басқарудың ұйымдастырушылық құрылымын құру және басқару әдістерін жіктеу; ұйымды басқарудағы негізгі тәсілдердің тиімділігін бағалау.

Азаматтық-құқықтық қатынастарды реттейтін нормаларды білуін және түсінуін көрсету; құқықтық санаттарды, азаматтық құқық ғылымына тән теориялық тұжырымдамаларды сыни бағалау және түсіндіру; азаматтық құқық саласында дербес зерттеулер жүргізу әдістерін меңгеру; заң техникасы қағидаларына сәйкес шарттардың жобаларын жасау.

Қылмыстық саясатты іске асырудың негізгі проблемаларын және оларды жою жөніндегі шараларды талдау; қылмыстық-құқықтық және қылмыстық-атқару қызметі саласындағы нормативтік құқықтық актілерді білікті түсіндіру және қолдану; құқық қорғау органдарының қылмыстылыққа қарсы іс-қимыл жөніндегі қызметін талдау және заңдық бағалау беру; қылмыстық, қылмыстық-атқару құқығы және криминология саласында ғылыми зерттеулер жүргізу.

Қылмыстық құқық бұзушылықтардың алдын алу проблемаларын талдау; қылмыстық құқық бұзушылықтардың жасалуына ықпал ететін себептер мен жағдайларды жүйелеу; қылмыстық құқық бұзушылықтардың профилактикасы бойынша ұсыныстар тұжырымдау; алынған білімдерін қылмыстық құқық бұзушылықтарды ескерту мен алдын алуда пайдалану; әлеуметтік өмірдің әртүрлі салаларындағы және адамдардың әртүрлі санаттарына қатысты заңда көзделген әртүрлі құралдарды пайдалана отырып, криминологиялық алдын алу шараларын жүйелеу.

Азаматтық іс жүргізу құқығы теориясының жаңа жетістіктерін сыни бағалау және түсіндіру; азаматтық іс жүргізу нормаларының ерекшеліктерін түсіндіру; азаматтық іс жүргізу кезеңдеріне бағалау жүргізу; азаматтық іс жүргізу құқықтық қатынастарының объектілері мен субъектілерін сыныптау; іс жүргізу құқықтық қатынастары саласындағы практикалық проблемаларды шешу дағдылары мен іскерліктерін көрсету; заң техникасы қағидаларына сәйкес арыздар, талап-арыздар, шағымдар, өтініштер және басқа да актілер әзірлеу.

Аграрлық кәсіпкерлік саласындағы құқықтық нормаларды талдау және бағалау; аграрлық құқықта нормаларды қолдану практикасының ерекшеліктерін талқылау; аграрлық кәсіпкерлік саласындағы заңнаманы жетілдіруге және дамытуға қатысты жаңа идеяларды жүйелеу; заң техникасы қағидаларына сәйкес құқықтық қорытындылар жасау.

Құқық қолдану процесі мен кезеңдерін талдау; құқық қолдану процесінің әдіснамасын бағалау; құқық қолдану субъектілеріне қойылатын талаптарды сыныптау; сот жүйесіндегі, өкілді және атқарушы органдар жүйесіндегі құқық қолдану процесінің ерекшеліктерін ажырату; заң техникасы қағидаларына сәйкес құқықтық актілер жасау; нормативтік құқықтық актілерді қолдану бойынша сараптамалық-кеңестік қызмет көрсету.

Қаржылық құқықтық қатынастардың әлемдік үрдістері мен даму серпінін сыни бағалау; қаржылық құқықтың теориялық және практикалық проблемаларын талдау; қаржы саласындағы құқықтық реттеудің ерекшелігін жіктеу; қаржылық құқық жүйесіндегі салық, сақтандыру, валюталық, инвестициялық құқық институттарының ерекшеліктерін негіздеу.

Қоғамдық қатынастарды әкімшілік реттеудің ерекшеліктерін талдау; әкімшілік құқықтың даму проблемаларын бағалау; әкімшілік процестің кезеңдерін сыни бағалау және түсіндіру; әкімшілік соттардың қызметіне қатысты білімді ықпалдастыру; жаңа Әкімшілік рәсімдік – процестік кодекстің нормаларын іске асырумен байланысты проблемаларды түсіну және шешу.

Қылмыстық заңнама саласында қазіргі заманғы терең білімдерін көрсету; қылмыстық қудалау органдарының қызметін жетілдіру бойынша нақты ұсыныстарды тұжырымдау және негіздеу; сот төрелігі және сотқа дейінгі тергеп-тексеру органдарының құқық қолдану қызметінің проблемаларына дербес зерттеулер жүргізу әдістерін меңгеру; Қазақстан Республикасы қылмыстық заңнамасының нормаларын іске асыру саласындағы процестік құжаттарды жасау.