8D04101 Жобалау менеджменті в Astana IT University

Бұл курс Big Data немесе басқа да статистикалық агрегаторларды пайдалана отырып, ақпарат жинап талдау үшін әртүрлі цифрлық технологияларды қолдана отырып, жобаларды басқаруда деректерді талдаудың негіздері мен мүмкіндіктерін зерделеуге; Excel және Google кестелерін, SQL және Python жобалар көрсеткіштерін жинау және талдауға арналған Business Intelligence (BI) ретінде жүйелеу үшін қолдануға; жобалық басқару бойынша деректерді оңтайландыру алгоритмін анықтауға бағытталған. Докторанттар цифрлық трансформация жағдайында ұйымдар мен компаниялардың жобаларын басқарудағы жай-күйін анықтауға және бағалауға бағытталған үлкен деректер негізінде стратегиялық, болжамдық, операциялық және басқа да талдау түрлерін зерделейді.

Пән цифрлық ұйым және цифрлық менеджмент ортасында жобалық басқаруға негізделген трансформация жүйелерін, белгісіздік жағдайында цифрлық трансформацияның шарттылық факторларын, жобаны басқаруда қолданылатын заманауи әдістер және ұйым мен қызметтерді цифрлық түрлендіру мәселелерін шешуге арналған жобалық тәсілдерді зерттеуге, сондай-ақ цифрландыру және ақпараттық технологиялар саласындағы ұйымның трансформация үдерісінің ерекшеліктерін түсінуге бағытталған.

Пән тұрақты даму тұжырымдамасын және бағдарламалық қамтамасыз етуді ескере отырып, жобаларды басқару үлгілерінің, әдістері мен құралдарының әдіснамалық негізі туралы түсінікті дамытуға бағытталған. Бұл пән тұрақты даму қағидаттары мен жобаларды басқару теориясы арасындағы байланысты өңдеудегі ғылыми көзқарасты, модельдеуді, әдістерді таңдау және бағдарламалық қамтамасыз етуді пайдалануды, жобаларды басқарудың қолданыстағы стандарттарының үлгілері мен әдістерін талдау және жалпылауды қарастырады.

Пән қаржылық талдау негіздерін түсінуді, цифрлық трансформация жағдайында ұйымдардың тәуекелдерін талдау мен бағалау әдістерін таңдауды дамытуға; тәуекелдерді сәйкестендіру, бағалау және алдын алу үшін модельдің теориялық негіздерін зерделеуге, сондай-ақ цифрлық шешімдерді енгізу контексінде ұйымдардың тәуекелдерін жіктеуге бағытталған.

Бұл пән технологиялық өнімдер мен технологиялық қызметтерді өндіретін компанияларда жобалауды икемді «Agile» және гибридті басқаруды қолдануды терең түсінуге бағытталған. Докторанттар технологиялық өнімдер мен қызметтерді әзірлейтін ұйымдардың жобаларды басқаруға гибридті тәсілдерді қалай қолданатынын, олардың сипаттамаларын, артықшылықтары мен кемшіліктерін зерттейді, талдайды және қорытындылайды. Олар ұйымдық мәдениетті, нақты үдерістерді, келісімшарт талаптарын және жобалардың ерекшеліктерін ескере отырып, жобаларды басқаруға икемді және гибридті тәсілдерді қолдануды зерттейтін болады.

Бұл пән стратегиялық менеджмент негіздерін және цифрлық трансформация жағдайында тұрақты даму тұжырымдамасының қағидаттарын қолдануы негізінде компания қызметін ұйымдастыру қағидаттарын зерттеуге, басқаруды ұйымдастыру үлгілерін әзірлеу әдістемесіне, тұрақтылық стратегиясын және тұрақтылықты қолдауды қолдануға бағытталған. Докторанттар PRiSM әдісін және жобалау менеджментінде тұрақтылық үшін P5 Standart-ын пайдалануды, сондай-ақ әлемдік озық тәжірибелерді зерттейді.

Бұл пән цифрлық трансформация жағдайында макро және микродеңгейлерде түрлі салалардағы зерттеулер мен ғылыми жобаларды генерациялап іске асыру үшін жобалау менеджменті саласындағы ғылыми кадрларға қажетті қазіргі заманның әдіснамасы, заңдылықтары, қағидаттары мен парадигмалары туралы түсінікті қалыптастыруға арналған. Докторанттар жобалау менеджменті саласында орындалған отандық және шетелдік ғылыми зерттеулерді зерделейді және практикада және ғылыми-зерттеу ортасында пайдаланылатын зерттеу әдіснамасы мен әдістері туралы кешенді түсінік қалыптастырады, сонымен қатар жобалау менеджменті бойынша зерттеулер жүргізу үшін инновациялық технологияларды қолдану мүмкін болады.

Пән стандарттардың негіздерін (PMBOK, IPMA, PMI және т.б.) және жобалық басқарудың негізгі құзыреттерін, Қазақстанда және шетелдегі жобаларды басқарудағы терминологиялық біркелкілікті түсінуді дамытуға бағытталған. Докторанттар жобаны басқару міндеттерін анықтауға және осы міндеттерді шешу әдістерін әзірлеуге бағытталған модельдік жүйенің тұтастығын, сондай-ақ жобаларды басқару тәжірибесін ескере отырып, мамандардың қажетті құзыреттерін және технологиялық өнімдер мен қызметтерді өндіретін компаниялардағы немесе ұйымдардағы жобаларды басқару мамандарының құзыреттілік моделінің әдістемесін зерттейді. Сонымен қатар докторанттар IT менеджменті мамандарын даярлау, біліктілігін арттыру және құзыреттілігін дамыту бойынша білім беру бағдарламаларын әзірлеуді зерттейтін болады.

Пән ғылыми мәтіннің риторикалық және семантикалық аспектісін, ғылыми мәтіндердің құрылымы мен жазылуындағы айырмашылықтарды түсінуге, халықаралық ғылыми қоғамдастықта қабылданған талаптарға сай өз ғылыми мәтіндерін жазуға ықпал ететін құзыреттіліктерді дамытуға бағытталған.

Цифрлық трансформация жағдайында жобалау менеджменті саласындағы ғылыми зерттеу әдістемесінің тұтастығы туралы түсінік қалыптасады және зерттеу жүргізу, ғылыми тезистер жазу және алынған зерттеу нәтижелерін мүдделі тараптар мен халықаралық зерттеу қауымдастығы арасында тарату үшін қажетті құзыреттері дамиды

Ақпараттық кеңістіктегі ғылыми мәтіндерді аналитикалық өңдеу дағдыларын меңгереді

Ғылыми ауызша және жазбаша тілдің функционалдық стилін игереді және ғылыми мәтіндерді жазуда риторикалық және семантикалық аспектілерді қолдануды үйренеді

Цифрлық экономика саласында жобалау менеджментінде ғылыми зерттеулер жүргізу үшін зерттеудің әдістемелік негіздерін пайдаланады, зерттеу әдістерін және заманауи ақпараттық технологиялар жүйесін қолданады.

Пәнаралық негізде кешенді ғылыми жобаны жүргізу дағдыларын қалыптастырады

Жобалау менеджменті саласында ғылыми зерттеулер жүргізу үшін сандық және сапалық әдістерді қолданады

Технологиялық өнімдер мен технологиялық қызметтерді өндіретін компанияларда жобалау менеджментінің икемді және гибридті әдістері арасында белгілі бір әдістерін қолдану себебін анықтайды, жобаны басқару тәсілдерін таңдау ерекшеліктерін түсіндіреді, ұйымның мәдениетін, үдерістерін және жобалардың ерекшеліктерін ескере отырып, тәсілдерді сипаттайды

Тұрақты даму тұжырымдамасын және бағдарламалық қамтамасыз етуді ескере отырып, жобаларды басқару үлгілерінің, әдістері мен құралдарының әдістемелік базасын негіздейді

Жобаны басқарудың стандарттар әдіснамасын мен негізгі құзыреттіліктері меңгереді, жобаларды басқарудағы стандарттар мен негізгі құзыреттердің терминологиялық базасын меңгереді

Цифрландыру және ақпараттық технологиялар саласындағы ұйымды трансформациялау үдерісінің теориялық және практикалық негіздеріне игереді

Қаржылық талдау жүргізу, цифрлық трансформация жағдайында ұйымдардың тәуекелдерін талдау және бағалау әдістерін таңдау бойынша білім мен дағдыларды меңгереді

Цифрлық трансформация жағдайында ұйымдар мен компаниялардың жобаларын басқаруда жағдайды анықтауға және бағалауға бағытталған үлкен деректерге негізделген стратегиялық, болжамдық, операциялық және басқа да аналитика түрлерін қолданады