7M11201 Қоршаған ортаны қорғау және өмір тіршілігінің қауіпсіздігі в Әл-Фараби атындағы Қазақ ұлттық университеті

Пәннің мақсаты – техникалық жүйелерді сипаттау және олардың сенімділігін, өміршеңдігін және қауіпсіздігін бағалау қабілетін қалыптастыру. Оқу курсы техникалық жүйелердің істен шығу себептерінің табиғатын, олардың жиілігін, іркіліс қарқындылығын түсінудің теориялық-практикалық негізін қалыптастырады. Пән техникалық жүйелердің сенімділігін, өміршеңдігін, қауіпсіздігін бағалау әдістерін және олардың жұмысқа қабілеттілігін сақтауды; істен шығу ықтималдығын есептеу тәсілдерін зерделеуге бағытталған.

Пәннің мақсаты: магистратура студенттерін ғылым сферасындағы жұмысқа дайындау және оларды ғылыми-зерттеудің, ғылыми-техникалық, инновациялық қызметтердің ерекшеліктерімен, ғылыми зерттеулердің жабдықтары және әдістерімен, шығармашылықтық еңбекті ұйымдастыру және оны жоспарлаумен таныстыру, теориялық және эксперименттік зерттеулерді талдау және қорытындылар мен ұсыныстарды тұжырымдау.

Мақсаты - жоғары оқу орындарының дидактикасы, тәрбие мен білім беруді басқару теориялары, педагогикалық қызметті талдау және өзін-өзі бағалау білімдері негізінде университетте педагогикалық іс-әрекеттің қабілетін қалыптастыру. Курс болашақ оқытушының білім беру қызметін оқытудың кредиттік технологиясын қолдана отырып жобалауды,Болон процесін жүзеге асыруды,дәріскерлік,кураторлық шеберлікті оқыту/тәрбиелеу және бағалау стратегиялары мен әдістерін қолдана отырып (TLA-стратегиялар) игеруді қарастырады.

Курс ғылым философиясы туралы түсініктерді, олардың рационалды-теориялық түсінудегі мәселелерін қамтитын ерекше типтегі білімдер жүйесі ретінде қалыптастыруға бағытталған. Ғылымның идеялық негізі, пайда болуы, қалыптасуы мәселелері қарастырылады. Ежелгі дүниедегі, Орта ғасырлардағы және Қайта өрлеу дәуіріндегі ғылым.

Пәннің мақсаты – магистранттарда аспаптық және есептік әдістердің көмегімен табиғи және техногенді жүйелерге мониторинг жүргізу қабілетін қалыптастыру. Оқу пәні мониторинг жүйесінің негізгі ұғымдары туралы түсінік береді. Пән мониторингтің түрлері мен тәсілдерін, қауіпті табиғи құбылыстар мен әлеуетті қаупі бар нысандарды автоматты бақылау жүйелерінің мүмкіндіктерін зерделеуге бағытталған.

Пәннің мақсаты – магистранттарда ақпараттық жүйелер және технологиялар көмегімен тіршілік қауіпсіздігін басқаруға байланысты мәселелерді шешуге бағытталған шешім шығару қабілеттерін қалыптастыру. Пән қауіптерді тудыратын көздер мен себептерді басқару жүйесі түсінігінің теориялық-әдістемелік негіздерін қалыптастырады. Пән автоматтандыру құралдары мен тәсілдерін қолдана отырып алынатын ақпаратқа қатысты операциялардың жүйелі түрде ұйымдастырылған бірізділігін зерделеуге бағытталған. Пәнді игеру кезінде келесі аспектілер қарастырылады: автоматтандыру құралдары мен тәсілдерін қолдана отырып алынатын ақпаратқа қатысты операциялардың жүйелі түрде ұйымдастырылған бірізділігі.

Пәннің мақсаты - төтенше жағдайда өндірістің тұрақтылығы, халық пен аумақты белгілі әдістермен қорғау негіздері туралы түсінік қалыптастыру. Пән төтенше жағдайда адамның тіршілік әрекетін ұйымдастыру тәсілдерін, табиғи және техногендік сипаттағы апаттар мен зілзалалардың салдарын ескерту және жою бойынша шараларды жүзеге асыруды ұйымдастыру, тәуекелдерді болжау, бағдарламалық өнімдермен үдерістерді модельдеу негіздерін үйретеді.

Пәннің мақсаты – өнеркәсіптік қауіпсіздікті қамтамасыз ету жүйелерін жобалау қабілетін қалыптастыру. Курс оқытуға бағытталған: түрлі әдістемелерді, қауіпсіздікті қамтамасыз ету жүйелерін есептеу мен жобалаудың негізгі ұстанымдарын, техногенді нысандардың өнеркәсіптік қауіпсіздігін қамтамасыз ету жүйелерінің негізгі технологиялық параметрлерін есептеуді, өнеркәсіптік қауіпсіздік жүйелерін құрудың негізгі принциптерін.

Курстың мақсаты – дамыту менеджмент психологиясының іргелі концепцияларын жүйелі түрде білу, кәсіби даму процесінде менеджмент саласының маңызды аспектілерін теориялық түсіну және практикалық қолдану үшін алғышарттар жасау.Басқару психологиясының негізгі принциптері, басқару әрекетіндегі тұлға, тұлға мінез-құлқын басқару, құндылықтар бойынша басқару туралы заманауи идеялар, топтық құбылыстарды басқару психологиясы қарастырылады.

Пәннің мақсаты – адам мен табиғатқа радиациялық және химиялық әсерді нормалау, қолайсыз әсердің шекті деңгейлерін және оларды анықтау қабілеттерін қалыптастыру. Пән радиациялық, химиялық және биологиялық ахуалды болжаудың әдістемелік негіздерін үйретеді. Пән мазмұнына кіретіндер: атаулы қауіпті нысандардағы авариялар мен апаттардың салдарын жою, олардың алдын алу бойынша шаралар жүргізу, жетекші нормативті актілермен жұмыс.

Пән шетел тілінде білім берудің халықаралық стандарттарына сәйкес өзінің кәсіби қызметінде шетел тілінде қарым-қатынас жасау үшін тілдік, коммуникативтік құзыреттілікті қалыптастыруға, мәдениетаралық, ғылыми коммуникация контексінде кәсіби қарым-қатынас орнатуға, жаңа ақпараттық ресурстарды, технологияларды игеру негізінде ғылыми байланыстарды кеңейтуге және зерттеу қызметін дамытуға бағытталған

Пәннің мақсаты – ұйымдағы өнеркәсіптік және экологиялық қауіпсіздіктің нормативтік құқықтық базасын талдау, сараптаманы ұйымдастыру және жүргізу, аудит жүргізу дағдыларын қалыптастыру; шаруашылық объектісінде, аумақта объектінің қауіпсіздік деңгейін арттыру үшін қолданыстағы нормативтік-құқықтық базаға сәйкес қадағалау және бақылау шараларын жүргізу мүмкіндігі.

Пәннің мақсаты - техносфераның өндірістік объектілері мен үдерістерінің тәуекелдерін бағалау және басқару қабілетін қалыптастыру. Курс кәсіби тәуекелдерді моделдеуге, төмендетуге, оларды басқаруға, адамға антропогендік әсердің қауіптілік дәрежесін бағалауға, әр түрлі тәуекелдердің критерийлерін меңгеруге, тәуекелді бағалау және алдын алуға арналған қазіргі заманғы бағдарламалық өнімдерді; күрделі жүйелердің қатерін көп факторлы талдау және бағалау әдістерін үйретеді.

Пәннің мақсаты – жарылыс-өртке қауіпті өндірістерде өрт қауіпсіздігін қамтамасыз ету қабілетін қалыптастыру. Оқу курсы жарылыс-өрт қауіпті өндіріс жағдайында өрт қауіпсіздігі талаптары туралы түсінік қалыптастырады. Пән өрт сөндірудің технологиялық жабдықтарын, жоғары техногенді қауіпті аймақтарды болжау және анықтау тәсілдерін, өрт-жарылыс қауіпті технологиялық процестердің қауіпсіздігін және қорғау объектісінде қадағалау мен бақылауды жүзеге асыруды зерттеуге бағытталған.

Пәннің мақсаты мақсаты инновациялық техникалық шешімдерді әзірлеу бойынша іскерлікті қалыптастыру; өтінім берілген техникалық шешімдердің негізгі элементтері мен қасиеттерін, олардың артықшылықтары мен кемшіліктерін анықтау, салыстыруды орындаумен патенттік құжаттамаға талдау жүргізу; әзірленген инновациялық шешімдерді іс жүзінде енгізу және алынған оң әсерді бағалау бойынша іс жүзінде дағдылану мүмкіндігін беру.

Пәннің мақсаты – республикадағы және шет елдердегі еңбек жағдайын анықтайтын физикалық, физикалық-химиялық, биологиялық және әлеуметтік - экономикалық процестерді зерттеу қабілетін қалыптастыру. Курс өндірістік ортаның, қауіпті жағдайлар мен қауіпті аймақтардың жағдайын болжау тәсілдерін, аварияға ұшырау, өндірістік жарақаттанудың және кәсіби аурулардың әлеуметтік-экономикалық салдарын есепке алу, талдау және болжаудың ғылыми-негізделген әдістерін әзірлеуді зерттеуге бағытталған.

техникалық жүйелердің сенімділігін қамтамасыз ету және техногенді тәуекелді азайту үшін өндірістік қауіпсіздікті басқарудың практикалық міндеттерін шешу кезінде сенімділік теориясының математикалық аппараттарын қолдану;

тіршілік ету ортасы үшін негізгі қауіптерді тіршілік қауіпсіздігі және қоршаған ортаны қорғау саласындағы заңнамалық және құқықтық актілермен және ұғымдық-терминологиялық аппаратпен сәйкестендіру;

әдістемелік және нормативтік материалдарды, техникалық құжаттаманы әзірлеу, тәуекелдерді басқару бойынша жұмыстарды жүргізу және жұмыста еңбекті қорғауды басқару жүйелерін модельдеу, белгіленген талаптарды, қолданыстағы нормаларды, ережелер мен стандарттарды сақтауды ұйымдастыру дағдыларын қалыптастыру;

объектілердің, технологиялық процестердің, технологиялық жабдықтардың, өнімдердің және кәсіпорынның материалдық-техникалық ресурстарының өрт қауіпсіздігінің жай-күйін талдау;

зерттеу саласындағы ғылыми әзірлемелерге қатысу және зерттеу тақырыбы бойынша ақпаратты жүйелеу, алынған мәліметтерді өңдеу;

кешенді қауіпсіздікті қамтамасыз ету үшін модельдеу, болжау, тәуекелді бағалау және алдын алу саласында заманауи бағдарламалық өнімдерді пайдалану;

ғылым философиясы, психология және педагогика мәселелері бойынша көзқарасты көрсету, өнеркәсіптік қауіпсіздік және төтенше жағдайлардан қорғау саласындағы оқытудың заманауи әдістерін қолдану, әртүрлі психологиялық жағдайларда оңтайлы нұсқаларды табу және басқару шешімдерін қабылдау;

қазіргі заманғы зақымдау құралдарын пайдалана отырып, авариялар, апаттар, экологиялық және табиғи зілзалалар салдарынан туындаған төтенше жағдайлардың алдын алуды және жоюды қамтамасыз ету;

нормативтік негізде кешенді қауіпсіздікті қамтамасыз ету бойынша техникалық жобалардың, өндірістердің, өнеркәсіптік кәсіпорындардың, инженерлік-техникалық шаралардың қауіпсіздігіне сараптама және аудит жүргізу;

кәсіпорындардағы қауіпсіздік деңгейін арттыру жоспарына сәйкес кешенді қауіпсіздікті жақсарту бойынша инновациялық техникалық шешімдер мен ұсыныстар әзірлеу;

еңбекті қорғауды басқару жүйесінде қауіптілікті талдау және тәуекелді бағалау әдістерімен қауіпті жағдайлардың ықтималдығын (жиілігін) анықтау;

құрылатын ғылыми білімдер жүйесінің когнитивтік моделі ретінде ғылыми гипотезаны құрастыру дағдылары мен әдістерін және кешенді зерттеулерді жүзеге асыру процесінде оны жүзеге асыру жоспарын меңгеру.