6B04106 Ғылымды қажетсінетін кәсіпорынның қаржыларын басқару в Дәулет Серікбаев атындағы Шығыс Қазақстан техникалық университеті

Сызықты және векторлық алгебра элементтері; аналитикалық геометрия элементтері; математикалық талдауға кіріспе; бір және көп айнымалы функциялардың дифференциалдық есептеулері. Бұл бөлімдерді білу экономикадағы, жоспарлаудағы және болжаудағы практикалық міндеттерді шешудің модельдері мен әдістерін терең игеруге мүмкіндік береді.

Оқытылатын бөлімдер: Кездейсоқ оқиғалар, кездейсоқ шамалар және олардың таралу заңдары. Бұл бөлімдерді білу нақты техникалық және технологиялық процестердің нақты көрінісі болып табылатын стохастикалық математикалық модельдерді құруға мүмкіндік береді. Бұл білім салалық статистиканың негізі болып табылады.

Экологиялық және өндірістік орта мен олардың қауіпсіздігі арасындағы өзара байланыс, оларды сәйкестендіру тәсілдері мен өлшемдері, экологиялық және өндірістік сферадағы жағымсыз элементтердің әсерін төмендету мен алдын-алудың негізгі әдістері, өмір тіршілігінің факторларын бақылау мен қауіпсіздігін қамтамасыз ету үшін жағдайларды нормалау, сонымен бірге төтенше жағдайлардың мониторингі мен болжау және жою шараларын әзірлеу ұғымдарын қалыптастыру

Курстың дамуы мен енгізілуі білім беру жүйесін ізгілендіру, пәнаралық интеграция, жалпы ұлттық контексте ұлттық мәдениеттің мәселелерін терең зерттеу бағытында жетілдірудің объективті қажеттіліктерімен байланысты. Абай Құнанбаевтың философиясы мен шығармашылығы контексінде студенттердің бойында ашық сананы қалыптастыру, өзіндік ұлттық код пен ұлттық ерекшелікті түсіну, рухани жаңғыру, бәсекеге қабілеттілік, реализм және прагматизм, тәуелсіз сыни ойлау, білім мәдениеті, дүниетанымның негізгі тұжырымдамаларын, толеранттылық құндылықтарын, мәдениетаралық диалог пен мәдениетті игеру.

Статистика бұқаралық әлеуметтік-экономикалық құбылыстарды зерттейді, олардың даму заңдылықтарын, өзара байланысы мен өзара қарым-қатынасын анықтайды, бұл үшін статистикалық бақылау, статистикалық мәліметтер мен деректерді топтастыру, абсолюттік, салыстырмалы және орташа шамалар, іріктеп бақылау, динамика қатарлары мен индекстер зерттеледі.

Экономикалық теория тұтас ғылым кешенінің әдіснамалық негізі болып табылады: салалық (өнеркәсіп, сауда, құрылыс және т.б. экономикасы); функционалдық (қаржы, кредит, маркетинг, менеджмент және т. б.); салааралық және т. б. Құрылымдық экономикалық теория экономика қызметінің іргелі мәселелерін, қоғамның әлеуметтік экономикалық дамуының эволюциясын, ұлттық экономика деңгейінде ұдайы өндіріс заңдылықтарын қамтиды.

Бұл курсты оқу студенттерге экономика қалай жұмыс істейтіні және алған білімдерін нақты шешімдерді қабылдауда тиімді қолдану туралы негізгі идеяларды қалыптастыруға мүмкіндік береді.Құрылымдық тұрғыдан алғанда, пәнге экономикалық ғылымның іргелі біліміне арналған бөлімдер кіреді, сонымен қатар қазіргі экономикадағы бизнес-процестерді ұйымдастыру бөлімдері қарастырылады.

Бұл курсты оқу студенттерге экономикалық процестерге көзқарастардың эволюциясы, экономикалық теориялар мен мектептердің қалыптасу және даму заңдылықтары туралы білімнің теориялық негіздерін қалыптастыруға мүмкіндік береді. Пәнді оқу кезінде келесі сұрақтарға жауап алынады: экономикалық шындыққа көзқарастар қандай жағдайлардың әсерінен өзгереді, негізгі категорияларды түсіндіру қалай дамиды, экономикалық зерттеу әдістері жетілдіріледі.

Курс Python жүйесі мен тілінің мен негізгі ұғымдарымен танысуға мүмкіндік береді. Курста негізгі тілдік құрылымдар мен кірістірілген функциялар, модульдер мен пакеттер, функционалды бағдарламалау құралдары, деректермен жұмыс істеуге арналған Python негізгі кітапханалары қарастырылады.

Курстың мәні елдің қаржы жүйесі, мемлекет пен қоғам мүддесінде ЖІӨ бөлу тәртібі болып табылады. Курс келесі бөлімдерден тұрады: мемлекет қаржысы, кәсіпорын қаржысы және халық қаржысы. Нәтижесінде, студенттер қаржы жүйесінің әртүрлі буындарында қалыптасатын қаржы ресурстары мен ақша қорларының құрамы мен құрылымын, жеке және қоғамдық қажеттіліктерді қанағаттандыру үшін оларды бөлу мен пайдаланудың тәртібі мен ерекшеліктерін білетін болады.

Кәсіпорын экономикасын білу, мамандардың құзіреттілігінің негізі, олардың кәсіпорынның экономикалық даму бағытын анықтай білу. Бәсекелі нарықтық ортадағы кәсіпорындардың қызметін, шектеулі ресурстар жағдайында тиімді шешімдер қабылдау және дамыту үрдістері оқытылады. Білім алушылар негізгі және айналым қаражаттары, еңбек ресурстар, жалақы жүйесі, шығындар, қаржылық көрсеткіштер және инвестициялық бағалау туралы білімді меңгереді.

Бұл оқу пәні студенттерде мемлекеттің жалпы экономиканың дамуына әсер етуінің рөлі, мақсаттары, нысандары мен әдістері, сонымен қатар қазіргі кезеңдегі оның жекелеген салалары мен секторларын басқару туралы кешенді теориялық және практикалық түсініктерді қалыптастырады

Микроэкономика бұл ресурстардың шектелген жағдайында шешімдерді ұтымды қабылдау туралы ғылым, онда жекелеген экономикалық субъектілердің, атап айтқанда тұтынушылар мен фирмалардың мінез-құлқы зерттеледі. Макроэкономика жұмыссыздық, баға деңгейі, экономикалық циклдер, ұлттық кіріс, салық-бюджет және қаржы-несие саясаты сияқты агрегаттық көрсеткіштерді қарастырады.

Пән білім алушыларға бухгалтерлік есептің негіздерін, оның ішінде кәсіпорынды басқару жүйесіндегі бухгалтерлік есептің рөлі мәселелерін, бухгалтерлік есептің, бухгалтерлік баланстың, шоттар жүйесі мен қосарланған жазудың, жүйелі есепке алудың негізгі тұжырымдамалары мен қағидаттарын қарауды, сондай-ақ шаруашылық жүргізуші субъектінің қысқа мерзімді және ұзақ мерзімді активтерін, міндеттемелері мен капиталын есепке алу мәселелерін зерделеуді зерделеуге мүмкіндік береді.

Бұл пән ұйымды басқарудың теориялық негіздері мен практикасының жүйелі түрде ұсынылуы (ұйым теориясы). Курста ұйымның мақсаттарын, ресурстарын және нәтижелерін талдау арқылы қазіргі жағдайда ұйымдардың жұмыс істеуінің барлық аспектілеріне ғылыми негіздеме берілген.

Бұл бухгалтерлік есеп мамандығында оқитын студенттері үшін бухгалтерлік есеп пен қаржылық есеп берудің жалпы қабылданған стандарттарын зерттейтін бастапқы курс. Курс бухгалтерлік есеп тұжырымдамаларымен, бухгалтерлік есептің негізгі принциптерімен және есепте қолданылатын терминологиямен, сондай-ақ бухгалтерлік есепте қалыптасатын ақпараттың рөлі мен маңыздылығымен таныстырады. Бухгалтерлік есептің мәні, бухгалтерлік бақылау объектілері, әртүрлі экономикалық операцияларды есепке алу ерекшеліктері туралы саналы түсінік қалыптастыруға мүмкіндік береді.

Пәнді енгізу және әзірлеу Қазақстан Республикасының 2022 - 2026 жылдарға арналған сыбайлас жемқорлыққа қарсы саясат тұжырымдамасын іске асырумен байланысты, онда жоғары білім беру жүйесіндегі басты басымдықтар сыбайлас жемқорлыққа қарсы білім беру мен тәрбие арқылы білім алушылардың сыбайлас жемқорлыққа қарсы мәдениеті мен санасын, сыбайлас жемқорлық көріністері мен құқық бұзушылықтарға "мүлдем төзбеушілікті" дарытуға бағытталған азаматтық бірегейлікті және әлеуметтік-құқықтық дағдылар мен құзыреттерді қалыптастыру болып табылады. Пән студент жастардың білім беру мәдениеті мен санасын, академиялық адалдық пен ашықтық қағидаттарын нығайтуға бағытталған.

Пән білім алушыларда жалпы маркетинг жүйесі туралы түсінік қалыптастыруы тиіс, оның ішінде: нарықтағы жұмыс тәртібі; нарықты барлау; қоршаған ортаны талдау, тауарларды сегментациялау және жайғастыру, Стратегиялық жоспарлау, тұтынушылардың сұраныстарын қанағаттандыру, нарықтағы жұмыс әдістері және маркетинг жоспары.

Корпоративтік қаржы және қаржы механизмінің мәні ашылатын теориялық курс болып табылады, қаржылық жоспарлау негіздері, қалыптастыру ерекшеліктері, негізгі және айналым капиталын ұдайы өндіру және басқару, ағымдағы және инвестициялық қызметті қаржыландыру көздері, қаржылық есептілік деректері бойынша корпорацияның қызметін қаржылық талдау негіздері

Кәсіпорынның қаржылары, қаржылық механизмі, қаржы ресурстарының пайда болуы, қаржыландырудың сыртқы көздерін тарту, оларды бөлу мен пайдалануда, сонымен қатар өндірістік негізгі қорлармен айналым қаражаттарының қалыптасуымен өнімді (жұмыстар мен қызмет көрсету) өндіру процесінде пайда болатын ақшалай қатынастарын сипаттайтын теориялық курс.

Пән қаржылық есептің негізгі тақырыптарын қарастырады. Халықаралық қаржылық есептілік стандарттарына сәйкес бухгалтерлік есеп объектілерін есепке алу, бағалау және қаржылық есептілікте көрсету қағидаттары мен әдістерін зерделеу көзделген. Оқу барысында студенттер ұйымның ағымдағы қызметін бақылауға мүмкіндік беретін басқарушылық ақпаратты қалыптастыруға; оның стратегиясын жоспарлауға; ресурстарды оңтайлы пайдалануға; қызмет нәтижелерін бағалауға үйренеді.

Эконометрика математикалық және статистикалық әдістер мен модельдердің көмегімен сандық және сапалық экономикалық өзара байланыстарды зерттейді. Экономикалық модельдердің параметрлерін бағалаудың құралдары мен әдіснамасын береді. Экономикалық процестерді болжау үшін қолданылады. Модель түрлері, оларды құру кезеңдері, жұп және көпше сызықтық және сызықты емес регрессия, ең кіші квадраттар әдісі, регрессия теңдеуінің сапасын бағалау критерийлері оқытылады.

Қаржылық менеджмент – кәсіпорынның қаржылық ресурстарын қалыптастыру және пайдалану мен байланысты, ақша айналымы мен қаржыларды басқару мен байланысты үрдіс және кәсіпорынның қаржылық ресурстарын басқаруда қолданылатын әдіс – тәсілдер және формалар жүйесі. Қаржылық менеджмент фирманың қаржысымен жұмыс атқарады, яғни фирманың өндірістік әрекетіне жұмсалған фирманың өз капиталы және қарыз капиталымен жұмыс атқарады.

Пәнді оқу барысында MS Excel негізінде экономикалық-математикалық модельдеудің негізгі кезеңдерінің мәні қарастырылады, экономикалық-математикалық әдістер мен модельдердің қысқаша жіктелуі келтіріледі. Әртүрлі экономикалық жағдайларды практикалық іске асыру үшін сызықты және сызықты емес бағдарламалау есептері қолданылады.

Пән материалдық емес активтерді, негізгі құралдарды, инновациялық қызметке тартылған персоналдың еңбегіне ақы төлеу шығыстарын, ҒЗТКЖ шығындарын, инновациялық өнімнің өзіндік құнын калькуляциялауды есепке алу қағидаттары мен әдістерін зерделеуге бағытталған. Оқу барысында студенттер инновациялық ұйымдар қызметінің нәтижелерін бағалау және басқарушылық шешімдер қабылдау үшін қажетті есептік және аналитикалық ақпаратты қалыптастыруды үйренеді

Инвестицияның экономикалық мазмұнын, ұғымы мен типтерін, белгілерін, инвестициялық қызмет, заңдар, инвестициялық қызметтің дамуының маңызды мәселелерін, инвестициялық жоба, инвестициялық жобаларды қаржыландыру және несиелендіру механизмін, инвестициялық жобалардың тиімділігін бағалаудың әдістерін, тиімді бюджетті оқытады.

Берілген пән өзіне келесілерді зерттеуді қосады: - қаржы нарығын, сондай-ақ, бағалы қағаздар портфелін басқару саясатын; - Қазақстан Республикасының қор нарығын; сондай-ақ, қор нарығының қаржылық құралдарының мазмұнын және маңызды даму тенденцияларын; Қазақстандағы қаржы нарығының қызмет етуі мәселелері бойынша негізгі заңнамалық және нормативтік-нұсқамалық материалдар.

Курс инновациялық инфрақұрылымның қызмет ету негіздерін, Қазақстан экономикасының инновациялық даму жолына көшу ерекшеліктерін, инновациялық инфрақұрылым элементтерін құру мен дамытудың әлемдік тәжірибесін зерделеуге бағытталған. Сонымен қатар, пән инновацияны әзірлеу және енгізу, сонымен қатар жаңа инновациялық ұйымдарды құру үшін ұлттық және аймақтық қаржы институттары арқылы қаржы ресурстарын тартудың заманауи әдістерін зерттейді.

Инвестициялар ұғымы, олардың түрлері мен нысандары, Кәсіпорынның инвестициялық қызметі, инвестициялық жобаны әзірлеу кезеңдері, инвестицияларды қаржыландыру көздері, инвестициялық жобаларды бағалау әдістемесі, нақты және портфельдік инвестициялар.

Коммерциялық банктердің Операциялар мен қызметтерін әр түрлігін, олардың қолданылу аясын және ерекшелігін, банк ісін ұйымдастыруда рөлін қарастырады. Банктік қызметі бағасына әсер ететін факторлар мен есептеудің негізгі әдістеріне, банктік қызметтің төлемділігін анықтауға ерекше көңіл бөлінеді.

Пән студенттерге экономиканы мемлекеттік реттеудің тиімді әдісі, қазіргі кездегі салық салу жүйесінің теориялық және әдіснамалық негіздері, республикадағы салықтар мен бюджетке төленетін басқа да міндетті төлемдердің функциялары мен түрлері туралы білімдер кешенін қалыптастыруға, салықтардың негізгі түрлерін есептеу, салық есептерін толтыру бойынша практикалық дағдыларды алуға мүмкіндік береді.

Пәнді оқу барысында мамандық бойынша басқа курстармен өзара байланыста жобаларды басқару мәселелері, инновациялық жобаларға тартылатын инвестициялардың тиімділігін арттыру жолдары, бизнес-жоспарларды, желілік кестелерді және стратегиялық жоспарларды әзірлеумен танысу қарастырылады.

Бұл пән жобаларды басқарудың теориялық аспектілерін қарастырады және үш компоненттен тұрады: жобаларды басқару, бағдарламаларды басқару және жобалар портфолиосы. Сондай-ақ жобаларды басқару объектісі мен субъектісі; инвестициялау, Стратегиялық жоспарлау және бизнес-жоспарлау; желілік графиктерді құру және жобалардың тиімділігін бағалау сияқты мәселелер.

Бұл курсты оқу компанияның және оның бағалы қағаздарының құнын анықтайтын факторларды түсінуге мүмкіндік береді. Компанияның және оның капиталының құнын бағалаудың әртүрлі тәсілдері мен әдістерін қолдану білімдері мен дағдылары қалыптасады: салыстырмалы, шығынды, табысты, бұл бизнестің баға құраушы факторлары туралы жүйелі білім алуға мүмкіндік береді. Бұл курсты оқу белгілі бір компанияға инвестицияларды экономикалық бағалау үшін қажет. Курс қаржы менеджерлері үшін пайдалы.

Қаржылық бақылау мен аудиттің теориясы мен тәжірибесінің негізгі мәселелері, оның функциялары мен принциптері, бақылау қызметін ұйымдастырудағы әдістері мен тәсілдері ашылады. Студенттерде аудиторлық қызметтің білім кешенін қалыптастырады, қаржылық бақылау және есеп саласында практикалық дағдыларды әзірлейді. Қаржылық бақылаудың мәні, функциялары және мәні қарастырылады. Бақылаудың түрлері мен формалары. Бақылау (ревизия) жүргізуді ұйымдастыру. Бақылау органдары мен субъектілері. Қаржылық бақылаудың нормативтік-құқықтық және ақпараттық негіздері. Кассалық-банк операцияларын, қорларды, есеп айырысуларды, ұзақ мерзімді активтерді, меншікті капиталды бақылау және тексеру.

Курс кәсіпорындардың ақпараттық есеп жүйелерін құрудың жалпы мәселелеріне, компьютерлік бухгалтерлік есепке алуға, бухгалтерлік есепті автоматтандырудың бағдарламалық құралдарын талдауға арналған. Бухгалтерлік ақпараттық жүйелердің негізгі мүмкіндіктері мен даму тенденциялары, бухгалтерлік есепті автоматтандыру бойынша бағдарламалық өнімдердің түсінігі, мәні мен жіктелуі және т. б. қарастырылады.

Басқару есебі кәсіпорын қызметінің ішкі басқару стратегиясы және тактикасын жасау үшін информациямен қамтамасыз етеді. Басқару есебінің өзіне тән айырықша белгілері, әдістері, тәсілдері және жүргізу принциптері бар. Ол экономикалық білімнің ерекше саласы болып табылады.

Оқылатын пән шығындарды басқаруға жүйелі көзқарасты қалыптастыруға арналған. Курс таңдалған мақсатқа байланысты шығындарды жіктеудің түрлерін, өндіріс құнын қалыптастырудың негізгі тәсілдері мен әдістерін, әр түрлі салалар үшін өнімнің өзіндік құнын есептеу әдістері мен тәсілдерін қамтиды, басқару шешімдерін қабылдауға көмектесетін кәсіпорынның жоспарлау және талдау әдістерінің кезеңдерін көрсетеді.

Курс есепті компьютерлендірудің теориялық және тәжірибелік аспектілерге арналған, соның ішінде студенттер "1 С: Кәсіпорын 8. Қазақстанға арналған бухгалтерия" бағдарламасында бухгалтерлік есепті жүргізу әдісімен үйрену. Ол бастапқы мәліметтерді енгізу, ақшалай қаражаттар есебінің және еңбекақы, қорлар, негізгі құралдар, материалдық емес активтер есебінің ерекшеліктерін және т.б. қамтиды.

Кәсіпорындағы жоспарлау және болжау мәні. Жоспарлар және болжамдар түрлері. Жоспарларды құру әдістері. Қаржылық жоспарлау және болжаудың негізгі кезеңдері. Кәсіпорындағы бизнес-жоспарлау. Бюджет. Бюджеттендіру. Бюджеттік құрылым. Кәсіпорынның жиынтық бюджеті. Өнеркәсіптік кәсіпорын үлгісінде жиынтық бюджетті құру технологиясы. Жиынтық бюджеттің орындалуын талдау.

Пән студенттерде микро және макро деңгейлерде экономикалық қызметті жоспарлау кезінде экологиялық аспектілер мен табиғи жүйелердің мүмкіндіктерін, жаһандық және жергілікті экологиялық апаттардың салдарын ескеру қажеттілігі туралы түсінік қалыптастырады. Табиғатты қорғаудың және табиғатты ұтымды пайдаланудың экономикалық тетігі, оның ішінде Экологиялық шығындар мен табиғи ресурстарды бағалау, табиғи ресурстарды пайдаланғаны және қоршаған ортаны ластағаны үшін төлемдер көзделеді.

Бұл курс кәсіпорынның қаржылық есептілігін талдау әдістері туралы жүйелі білім береді, қаржылық талдаудың негізгі ұғымдарымен, әдістерімен және түрлерімен, басқару шешімдерін негіздеу үшін оның нәтижелерін пайдалану мүмкіндіктерімен таныстырады.

«Компанияның қаржылық есептемесі» пәні - кәсіпорынның өткен кезеңдегі қаржылық-шаруашылық қызметін кешенді түрде сипаттайтын барлық көрсеткіштер жүйесін дайындау туралы курс. Қаржылық есептемелер басқарушы органдарының жұмысын және субъектінің ресурстарын, міндеттемелерін және ақша қаражаттарының болашақтағы ағындарын бағалауға, несие беру бойынша шешімдердерге және инвестициялық шешімдерді қабылдауға пайдалы ақпараттарды береді.

Курс Қазақстан Республикасында сақтандыру ісін ұйымдастыру және сақтандыру процесі туралы білім жүйесін береді, сақтандыру ісін сипаттайтын негізгі терминдер мен анықтамаларды зерттейді, барлық ұғымдардың, санаттардың өзара байланысын ашады.

"Қаржылық талдау техникасы" пәні қаржылық талдау туралы кәсіпорынның қаржылық-шаруашылық қызметін зерттеу әдістері туралы білім жүйесі ретінде түсінік береді. Кәсіпорынның қаржылық сауығуына бағытталған шешімдерді негіздеу үшін талдау барысында алынған нәтижелерді пайдалану саласындағы құзыреттерді әзірлеуге ықпал етеді

Бұл пән ХҚЕС бойынша Комитет әзірлеген қаржылық есептіліктің мынадай стандарттарын қарастырады және зерделейді: қаржылық есептілікті тағайындау және ұсыну (1 ХҚЕС), есепті күннен кейінгі оқиғалар (10 ХҚЕС), пайдаға салынатын салықтар (12 ХҚЕС), акцияға пайда (33 ХҚЕС), ақша қаражатын және олардың баламаларын тану (7 ХҚЕС), бағалау резервтері, кәсіпорынның қаржылық есептілігін жасау, есепті күннен кейін болған оқиғаларды қаржылық есептілікте көрсету, салық міндеттемелерін айқындау үшін пайдаланылатын шартты міндеттемелер мен шартты активтер (37 ХҚЕС). Сондай-ақ кәсіпорындарды біріктіру, шоғырландырылған қаржылық есептілікті құру мәселелері қарастырылады.

Пән студенттерде микро және макродеңгейлердегі шаруашылық қызметті жоспарлау кезінде, бизнес-жоспарларды әзірлеу кезінде табиғи жүйелердің экологиялық аспектілерін және мүмкіндіктерін есепке алу қажеттілігін түсінуді қалыптастырады. Экономиканың тұрақтылығы, тұрақты өсу қисығы, Жасыл экономика, сапа экономикасы, экологиялық-экономикалық залал, ластану мен табиғатты пайдаланудың ақылы болуы сияқты ұғымдар қалыптасады., экономика сапасы.

Курс қаржылық тәуекелдерді анықтаудың және оларды басқарудың теориялық және практикалық аспектілерін зерттейді, тәуекел факторын есепке ала отырып тиімді қаржылық шешімдерді әзірлеу технологиясын қарастырады. Қаржы тәуекелдерінің табиғатын түсіну, портфельдік талдау және оларды бағалау әдістерін білу қазіргі экономикадағы қаржы-шаруашылық қызмет тиімділігінің маңызды факторы болып табылады.

Қаржы-экономикалық ақпараттарды өңдеу үшін құрал-саймандық құралдарды қолдану, алынған нәтижелерді негіздеу

Кәсіпорынның инновациялық даму бағдарламасын қалыптастыру және оның іске асырылуын қамтамасыз ету, инновациялық қызметті қаржыландыру қажеттілігін негіздеу

Басқарудың барлық түрлеріндегі ұйымдардың қаржылық талдауын жүргізу, оңтайлы басқару шешімдерін қабылдау үшін оның нәтижелерін пайдалану

Кәсіби қызметте ұйымдастырушылық-басқарушылықты қабылдау және олар үшін жауапкершілік алу

Экономикалық-құқықтық ортада біртұтас тұлғаны қалыптастыруға және индивидтің жауапкершілігін арттыруға ықпал ететін білімді көрсету

Экономика, менеджмент, есеп, қаржы саласындағы ұғымдар мен санаттарға сүйену, жаhандық және аймақтық экономикалық үрдістерді талдау

Тұлғаның, қоғам мен мемлекеттің тиімді жұмыс істеуін сақтау, дамыту және тиімді жұмыс істеуі мақсатында әлеуметтік жүйелердің қауіпсіздігін қамтамасыз ету әдістерін қолдану

Қызметтің қаржылық нәтижелерін арттыру факторы ретінде басқару жүйесін қалыптастыру мақсатында кәсіпорынның шығындарын анықтау және бағалау

Оңтайлы инвестициялық портфельді қалыптастыру және қаржы инвестицияларының тәуекелдерін барынша азайту үшін қор нарығының қаржы құралдарын пайдалану

ҒЗТКЖ нәтижелерін коммерциализациялау мақсатымен жаңа түрлері мен ғылыми өндірісті ұйымдастыру әдістерін қолдану

Инновациялық қызметті қаржыландырудың оңтайлы құралдарын таңдай білу үшін, ғылымды қажет ететін салаларды мемлекеттік қолдау әдістерін таңдай білу

Ақша ағындарын, қаржы ресурстарын басқару және кәсіпорындар мен ұйымдардың қаржы-шаруашылық қызметінің нәтижелерін меңгеру

Тиімділік және тәуекелдер критерийлерін ескере отырып, қаржылық және басқа есептіліктің деректерін талдау, басқару шешімдеріне арналған нұсқаларды сыни бағалау

Математикалық әдістерді пайдаланып, статистикалық ақпараттарды жинау және өңдеу қабілетін меңгеру