7M01603 Тарих 1 в Махамбет Өтемісов атындағы Батыс Қазақстан университеті

Курстың мақсаты - Қазақстан археологиясының қалыптасуы мен дамуын, оның негізгі жетістіктері мен Қазақстан тарихын зерттеудегі үлесін жан-жақты ашып көрсету. Археологиялық жаңалықтарды зерттеу негізінде магистранттар ежелгі уақыттан бастап ортағасырлық кезеңге дейінгі Қазақстан аумағындағы жергілікті халықтың қалыптасу сипаты мен ерекшеліктерін талдап үйренеді. Оқыту барысында эксперименталдық археология әдістемесін тәжірибе жүзінде қолдану, ғылыми-зерттеу және зертханалық қызмет дағдыларын дамыту көзделген.

Мақсаты:магистранттардың шет тілінде жазбаша және ауызша сөйлемдерді құрау, құжаттама жүргізу және іскерлік хат алмасу негіздерін білуге бағытталған. Сонымен қатар, шет тілдердегі мәтіндік материалды оқи біліп, монологиялық және диалогтік сөйлеу дағдыларын меңгереді.

Магистранттар басқарудың практикалық мазмұны мәселелерін зерттейді, басқару туралы білім кешені қалыптасады, басқарушылық қызметтің әртүрлі түрлерін жүзеге асырудың нақты дағдылары, басқару жүйелерін талдау және оларды жобалау. Магистранттар негізгі салаларда, негізгі процестерді ұйымдастыру, кәсіпорынды жоспарлау және басқару мәселелерінде басқарушылық шешімдер қабылдау дағдыларын меңгереді

Курстын мақсаты: этнологияның іргелі мәселелерін, этнология тарихын және этнологияның қазіргі жағдайын ғылым ретінде қарастырады. Этнологияның заманауи концепцияларын, әдістерін сыни талдайды. Этнология саласындағы міндеттерді іс жүзінде шешу, тұжырымдай білуді дамытады. Қазіргі кезеңдегі этнологиялық ғылымның іргелі мәселелерін білу саласында ойлауды дамытады.

Пәннің мақсаты: отандық және шетелдік тарихнамада осы пәнді қалыптастыру процесін зерттеу арқылы Деректанудың теориялық-әдіснамалық негіздерін оқып үйрену. Оқу барысында магистранттардың тарихи талдаудың негізгі әдістерін меңгеруі, әр түрлі дереккөздерінің ерекшеліктерін анықтай білу, текстологиялық талдау жүргізу және дереккөздің репрезентативтілігін анықтау болжанады. Қолжазба мәтінін сипаттау және сараптау дағдыларына, дереккөзді, тарихи оқиғаларды сыртқы талдау әдістемесіне, археография негіздеріне және деректерді (қолжазбалар мен басқа да материалдар) және т. б. анықтау әдістеріне оқытылады.

Магистранттар ғылыми-зерттеу жұмыстарын ұйымдастыру және жоспарлау дағдыларын меңгереді. Практикалық тапсырмаларды орындай отырып, деректерді статистикалық өңдеу әдістерін, зерттеу әдістерін қолданады. Топтарда жұмыс істей отырып, ғылыми-зерттеу жұмысының жоспарын құрастырады, ұйымдастыру тәсілдерін, ғылыми аппаратты және ғылыми психологиялық-педагогикалық зерттеудің құрылымын талдайды және талқылайды.

Курстың мақсаты: жоғары оқу орындарында тарихи білім берудің заманауи инновациялық әдіс-тәсілдерін терең меңгеріп және оны жетілдіре отырып, еңбек нарығының сұранысына сәйкес университет базасында оқу-әдістемелік және ғылыми тұрғыдан жан-жақты кәсіби маманды қалыптастыруды көздейді. Магистрант жастарды оқу-әдістемелік және ғылыми шығармашылыққа негіздей отырып, жұмыс жасаудың түрлі инновациялық әдістерін үйретеді, тарихи оқиғаларды талдайды, интеграцияланған, блокты және жаңартылған оқыту әдістемесін тереңдетіп, ЖОО-ның үздік профессор-оқытушыларының тәжірибесін үйренеді. Оқыту барысында магистрант әдістемелік тәжірибе жинақтап, портфолиосын құруды үйренеді, жоғары мектептегі оқу процесін жоспарлап, білім алушылардың өзіндік жұмыстарын ұйымдастырады.

Курстың мақсаты - информатиканың негізгі принциптері мен ұғымдарын, компьютерлік жүйелері мен технологияларын меңгерту және оларды тарихи зерттеулерде қолдану қабілетін қалыптастыру. Пәнді оқу электронды мәтіндермен, Қазақстан мен әлемнің жетекші кітапханаларының электрондық каталогтарымен, Қазақстан және өзге елдердің мұрағат қызметінің Интернет-ресурстарымен жұмыс істеуге мүмкіндік береді; әртүрлі типтегі дерек көздерінің материалдары бойынша мәліметтер базасын құруға, кәсіби қызмет үшін ғылыми әдебиет пен электрондық ақпараттық-білім беру ресурстарына шолу жасауға мүмкіндік береді.

Курс тарихи процестердің заңдылықтарын, оларды зерттеу барысындағы деректану мен тарихнаманың теориялық-әдістемелік мәселелерін қарастырады. Курсты оқыту барысында магистранттар ғылыми әдебиеттер мен дереккөздерді сыни бағалау тәсілдерін, нақты тарихи және кешенді гуманитарлық зерттеулердің ғылыми талдау әдіс-тәсілдерін меңгереді, сонымен бірге тарихи және тарихнамалық деректерді ғылыми талдаудағы теориялық пәнаралық зерттеулерді жүзеге асыру қабілетін қалыптастырады.

Курстың мақсаты: Қазақстандағы социалистік жүйенің қалыптасу, дағдарысы және ыдырау үдерістерін оқыту. Магистранттар ХХ ғасыр оқиғаларын - Қазақстандағы кеңестік саяси жүйенің қалыптасу үдерісі мен мәнін, қазақ қоғамын большевиктік жаңғыртудың мазмұны мен салдарын, кеңес құрылысы дағдарысының және КСРО ыдырауының себептері мәселелерін - жаңа теориялық-әдіснамалық көзқарастар тұрғысынан талдайды және интерпретациялайды.

Курстың мақсаты: пәнаралық интеграциялық үрдістерді қазіргі әдіснамалық мәселелер және тарих ғылымының қажеттілігі ретінде қарастыру. Тарих ғылымының пәнаралық тәсілдерге қажеттілігі, қазіргі ғылымдағы пәнаралық зерттеу үлгілерін құрастыру тәсілдері. Пәнді оқу барысында магистрант негізгі теориялар мен әдістерді, әлеуметтік-гуманитарлық ғылымның мәселелерін зерттеуде әдіснамалық тәсілдерді, тарихи үрдісті талдауда пәнаралық синтездің инновациялық әдістерін қолдануды меңгереді.

Магистранттар басқару психологиясы, оның мақсаттары мен міндеттері туралы ұғымдарды меңгереді. Практикалық тапсырмаларды орындай отырып, басқару барысындағы әртүрлі жағдаяттардың тиімді әдістері мен тәсілдерін зерттейді. Топтарда жұмыс жасай отырып, топпен және ұжымдармен тиімді өзара іс-қимыл жасау, даулы жағдайларды шешу әдістері мен тәсілдерін әзірлейді

Пәннің мақсаты: дүние жүзі тарихының іргелі мәселелерінің мәні мен ерекшеліктерін көрсету, теориялық-әдіснамалық мәселелерді қарастыру; ХХ ғ.соңы мен ХХІ ғ. басындағы тарих ғылымындағы дәстүрлер мен жаңашылдықтар; дүниежүзілік тарихты зерделеудің қазіргі заманғы тәсілдерін ашып көрсету; біртұтас – стадиалды тәсілдің негізгі концепциялары (позитивистік, формациялық, постиндустриалды қоғам) және тарихи-әлеуметтік тұжырымдамалары, тарихи-экономикалық бағыттағы тұжырымдамалар, еуразиялықтардың тарихи тұжырымдамалары қарастырылады.

Курстың мақсаты пәнаралық байланыстарды пайдалана отырып, информатика негізінде Тарих ғылымын ақпараттық, әдістемелік және технологиялық қамтамасыз етуді тереңдетіп зерделеу, сондай-ақ нақты тарихи зерттеулерде жаңа ақпараттық технологиялар мен әдістерді апробациялау болып табылады. Пәнді оқыту барысында магистранттар компьютерлік технологияларды, соның ішінде тарихи дереккөздерді электронды түрде жариялауды, тарихи деректер базасы мен тақырыптық интернет-ресурстарды, тарихи геоақпараттық жүйелерді, Мәдени мұра объектілерін виртуалды 3D қайта құруды, компьютерлендірілген деректерді пайдалануды қолдана отырып, тарихи ақпаратты жинау, сақтау, өңдеу, ұсыну, іздеу, талдау және бағалау әдістері мен процестерін зерделейді және статистикалық, құрылымдық, мәтіндік, бейнелік, аудиовизуалды және басқа да көздерді талдау әдістері мен технологияларын, тарихи процестерді компьютерлік модельдеуді дамытады. Магистранттар тарихи білім беруде (онлайн режимінде оқытуды қоса) мамандандырылған бағдарламалық қамтамасыздандыруды және ақпараттық технологияларды қолдану дағдыларын толық меңгереді

Пәннің мақсаты: Магистранттардың ғылыми-зерттеуді дайындаудың принциптері мен әдістерін игеруі, зерттелетін мәселенің мазмұны мен құрылымының негізгі элементтерін бөліп көрсету, тақырыптың теориялық және әдіснамалық базасын заманауи тұжырымдамалық тәсілдерге сәйкес анықтау, ғылыми зерттеудің мәнін ашудың нақты әдістері мен тәсілдерін белгілеу, көптеген дереккөздері мен ғылыми әдебиеттерді зерттеу негізінде тақырып бойынша қажетті мазмұнын анықтау, зерттеу жұмысын жазу кезіндегі техникалық және нормативтік құралдар кешенін практикалық тұрғыда зерттеу әдістерін меңгереді. Қазіргі ғалымдардың ірі зерттеу жұмыстарының мысалында ғылыми зерттеуді жазу тәжірибесін үйренеді.

Курстың мақсаты-отандық тарихтың өзекті мәселелерін зерттеу, сонымен қатар қазақстандық, ресейлік және шетелдік авторлардың әртүрлі дереккөздерін және зерттеулерін қолдана отырып, тарихи оқиғалардың мазмұнын дұрыс бағалауға мүмкіндік беретін, саяси, экономикалық, мәдениет ақпараттарының маңыздылығын ашып көрсету, сондай-ақ отандық тарихтың маңызды мәселелерін зерделеудің жай-күйі туралы біртұтас ғылыми көзқарасты қалыптастыру.

Қазіргі заманғы ақпараттық технологияларды пайдалана отырып, ғылыми ақпаратты алу, өңдеу және сақтау әдістерін меңгереді.

Әр түрлі қоғамдық-әлеуметтік ортада тез қалыптасуы үшін жұмыс профилін ауыстыруда алынған дағдыларды әлеуметтік, экономикалық, кәсіби рөлдердің динамикасы жағдайында ұтымды және жауапты пікірталаста қолдануға бейімді.

Ғылыми, философиялық және діни сананың арақатынасын, жаратылыстану-ғылыми және гуманитарлық білімнің тарихи өзара әрекеттестігіндегі терең байланысын, тарихтың ғылым ретінде қалыптасу кезеңдерін, оның негізгі бағыттарын саралайды.

Орта және жоғары білім беру бағдарламасы бойынша педагогикалық шеберлікті, әдіснамалық дағдыларды, тарих кабинеттерін құру бойынша әдістемелік және ұйымдастырушылық жұмысты, оқу-тәрбиелік жағдайларды талдау дағдыларын дамытады.

Әлемдегі тарихи үдерістің динамикасын, әр түрлі аймақтардың діни-өркениеттік ерекшеліктерін зерттеудің заманауи әдістері мен әдістемелерін қолдана отырып баға береді.

Өзінің кәсіби қызметінде әлеуметтік-гуманитарлық ғылымдар әдістерін және археологиялық, этнографиялық экспедициялар бойынша практикалық жұмыс тәжірибесін қолданады.

Ғылыми коммуникацияны жүзеге асырады және ана тілі мен шет тілінде өзіндік бірегей зерттеулерді әзірлейді, өзінің зерттеу нәтижелерін ұлттық және халықаралық деңгейде жариялайды.

Таңдалған ғылыми білім беру бағдарламасы бойынша ғылыми-зерттеу, эксперименталды-зерттеу қызметін жоспарлау және жүргізу кезінде қазіргі заманғы ғылыми және практикалық мәселелерді тұжырымдайды және шешеді.