7M10142 Фармация в Оңтүстік Қазақстан медицина академиясы

Фармацияда ғылыми зерттеулер методологиясының негіздері. Пәннің мақсаты мен міндеттері. Фармацевтикалық танымның пайда болуы және дамуы. Фармация ғылыми таным ретінде. Ғылыми зерттеудің әдістері мен құралдары. Фармациядағы ғылыми зерттеулердің бағыттары. Денсаулық сақтау және фармацияның өзекті мәселелері, оларды шешудің заманауи әдістері. Зерттеу әдістемесі. Ғылыми қызметтің сипаттамасы. Ғылыми зерттеудің әдістері мен құралдары.

Кадрлық менеджмент жүйесінің ішкі ұйымдық құрылымын қалыптастыру. Кадрлық менеджменттің әдістері мен стратегиялары. Фармацевтикалық персоналдың еңбек қызметін бағалау және іскерлік мансабын басқару.HR-менеджменттегі технологиялар. Қаржылық менеджмент механизмдері. Қаржылық шешімдерді қабылдаудың әдіснамалық негіздері. Есепке алуды, балансты талдауды, аудитті жетілдіру.

Басқару процестерінің мәні.Басқару психологиясының объектісі. Ұйым басшысы қызметінің психологиясы және оның тұлғалық психологиясы. Басқару қызметінің функционалдық және құрылымдық талдауы. Ұйым басшысы мен қызметкерлері арасында туындайтын психологиялық мәселелер. Менеджердің жауапкершілігін деңгейлері бойынша бөлудің нақты түсінігі.

Мамандық тілін тәжірибелік тұрғыда игеру үшін дағдыларды дамыту және арттыру, шет тілін күнделікті және кәсіби қарым-қатынаста белсенді пайдалану үшін: лексика, грамматика, сөйлеу, жазу дағдылары, тыңдау, аударма дағдыларын меңгеру.

Дараландырылған фармакотерапияға кіріспе. Фармакологиялық жауапқа әсер ететін жеке факторлар. Адам геномы. Фармакогенетика және фармакогеномика саласындағы зерттеулер. OMICS технологиялары. Әртүрлі ағзалар мен жүйелердің аурулары кезіндегі терапияның фармакогенетикалық аспектілері. Тераностика. Фармакогенетикалық тест-жүйелер. Фармакогенетикалық зерттеулердің деректер базасы. Дараландырылған фармакотерапиядағы сандық технологиялар.

Философия және ғылым әдіснамасы философиялық білімнің саласы ретінде. Ғылыми білімнің құрылымы. Ғылыми ұтымдылық. Ғылым дамуының қазіргі кезеңінің ерекшеліктері. Ғылым әлеуметтік институт ретінде. Қазіргі ғылыми білім құрылымындағы жаратылыстану ғылымдары. Қоғам, мәдениет, тарих және адам туралы ғылымның қалыптасу тарихы. Нақты ғылымдардың өзекті философиялық мәселелері.

Биостатистикаға кіріспе. Ықтимал теориясының негізгі ұғымдары. Жиынтық параметрлерін бағалау. Статистикалық жиынтықты салыстыру әдістері. Сапалық және сандық белгілері арасындағы өзара байланысты зерделеу. Дисперсиялық талдау негіздері. Параметрлік және параметрлік емес критерийлер. Стандарттау әдісі, оның мәні және қолдану. Корреляциялық талдау. Статистикалық зерттеулердегі графикалық бейнелеу. Статистикалық материалды өңдеуде компьютерлік технологияларды пайдалану. Медициналық-биологиялық экспериментте өлшем шәкілдерін қолдану. Агрегирленген бағалау. Кешенді бағалау. Мақалалар мен диссертациялық зерттеулерде статистикалық әдістердің қолданылуын талдау. Стандарттау әдістеру, оның мәні мен қолданылуы. Халық денсаулығының статистикасы. Денсаулық сақтау жүйесінің статистикасы. Медицина-биологиялық зерттеулер статистикасы.

Дәрілік заттарды жасау, алу, өндіру сақтау және қолдану кезеңдерінде ғылыми-зерттеу жұмыстарын жүргізудің методологиясын қолдану. Нормативті құжаттарға сай ғылыми зерттеу жұмыстарын жүргізуді ұйымдастыру. Ғылыми нәтижелер түрлері, оларды бағалау критерийлері. Диссертациялық баспа түрлерінің құрылымы мен әдістемелік түрлері. Диссертациялық зерттеу әдістері: ізденіс, алу, негіздеме және нәтижелерді презентациялау.

Жоғары білім беру педагогикасы. Қазіргі әлемдегі жоғары білім берудің негізгі бағыттары мен даму тенденциялары. Білім берудің жаңа парадигмасы. Қазақстан Республикасындағы жоғары білім беру. Педагогикалық қызметтің мәні мен құрылымы. Жоғары мектептегі оқыту теориясы (дидактика). Заманауи білім беру технологиялары. Кредиттік білім беру жүйесі негізінде оқу үдерісін ұйымдастыру. Білім беру сапасының менеджмент жүйесі.

Фармакоэкономикалық зерттеулердің халықаралық тәжірибесі. Фармакоэкономикалық зерттеулерге медициналық араласуды бағалау. В үлгілеу әдістерін қолдану, фармакоэкономикалық талдау. Фармакоэкономикалық және фармакоэпидемиологиялық зерттеулер мен жарияланымдарды бағалау алгоритмі.. Дәрілік заттарды жылжытуда фармакоэкономикалық зерттеулерді қолданудың заманауи мүмкіндіктері.

Биологиялық белсенді қосылыстар мен дайын дәрілік заттардың сапалық және сандық талдауында қолданылатын заманауи құрылымдық зерттеу әдістері. Құрылымдық зерттеу әдістерінің теориялық негіздері мен қолдану саласы, қолданылатын әдістердің дәлдігі; нақты құрылымдық талдау әдістерін қолданудың жалпы қағидалары.

Фармакоқадағалау. Фармакоқадағалаудың тиісті тәжіирбесінің қағидалары. Фармакоқадағалау-дәрілік препараттар айналымы үрдістерін реттеу құралы. Фармакологиялық қадағалау жүйесі жұмысының негізгі бағыттары. Фармакоқадағалаудың есептілік жүйесі. Фармакоқадағалау жүйесінде тәуекелдерді басқару жоспары және оларды азайту бойынша шаралар, фармакоқадағалау жүйесіне қатысушылардың рөлі мен міндеттері. Фармакологиялық қадағалау сенімді жүйелерінің сипаттамалары.

Фармацевтикалық білім берудің міндеттері. Алдыңғы білімді белсендіру тәсілдері. Оқыту стилі. Сабақ беру әдістері. Жұмыстың ережелері мен әдістері. Білімді, дағдыларды, қарым-қатынасты, құзыреттілікті және практикалық орындауды бағалау әдістері. Фармацевтикалық пәндерді оқыту ерекшеліктері. Зерттеулерге негізделген оқыту. Фармацевтикалық қызметкерлердің дипломнан кейінгі және үздіксіз кәсіби дамуын ұйымдастыру принциптері. Ересектерді оқыту ерекшеліктері. Өз бетінше оқып-үйрену.

Фармацияның тиісті практикасының тұжырымдамасы – GXP. Қазақстанда GMP ережелерін енгізу тәсілдері. Дәрілік құралдарды әзірлеудің қазіргі жағдайы. Жаңа дәрілік құралдарды әзірлеуге әсер ететін факторлар. Тиісті зертханалық практика ережелері. Қолдану аясы. Клиникаға дейінгі зерттеулердің кезеңдері мен түрлері. GCP мақсаттары, негізгі принциптері және талаптары.

Тиісті клиникалық тәжірибенің түсінігі мен принциптері. Клиникалық зерттеулердің заңнамалық аспектілері. Этика мәселелері жөніндегі комиссия. Препараттарды клиникалық зерттеу кезеңдері. Зерттеу дизайнын таңдау, деректермен жұмыс істеу және құжаттаманы жүргізу. Мониторинг және аудит. Жаңа дәрілік заттарды тіркеу рәсімі.

Дәрілік аурудың этиологиясы мен патогенезінің аспектілері. Дәрілік заттарға жағымсыз реакциялар.Терапиялық тәуекел. Дәрілік аллергия. Аллергияның патогенезі. Препараттарды терапевтік қолдану кезінде жанама реакциялардың себебі болып табылатын биологиялық және дәрілік заттар. Коллагеноз және басқа да аурулардың дамуындағы ДЗ этиологиялық рөлі. Медициналық көмек көрсету жүйесіне қауіпсіз стандарттарды енгізу.

Дәрілік өсімдік материалдарының химиялық құрамын анықтау. Белсенді заттар тобындағы қосылыстардың жіктелуі. Қолданыстағы биологиялық белсенді заттардың биосинтезі. Шикізаттан алу әдістері, алынған сығындыларды тазарту. Өсімдік және жануар тектес дәрілік шикізаттың белсенді заттарын сапалық және сандық анықтау. Дәрілік шикізат сапасының сандық көрсеткіштері. Өсімдік және жануар тектес дәрілік шикізатты фитохимиялық талдау.

Таралуы және ареалы. Қолданылатын дәрілік өсімдік шикізатын дайындау және жинау уақыты. Дәрілік өсімдіктердің морфологиялық-анатомиялық сипаттамасы. Химиялық құрамы. Адамның ағзасына әсер ететін өсімдіктер. Халық медицинасында қолданылуы. Халық медицинасында қолданылатын дәрілік өсімдіктердің қолдану әдістері және мөлшері туралы жалпы сипаттама.

Фармацевтикалық технологияның даму болашағы. Дәрілердің медициналық-биологиялық аспектілері. Дәрілердің биофармациясы және тиімділігі. Дәрілердің терапиялық тиімділігіне биофармацевтикалық факторлардың әсері. Заттың химиялық жағдайы. Заттың физикалық жағдайы. Дәрілік түрі. Қосымша заттар. Технологиялық процестер. Фармакокинетикасы. Дәрілердің биологиялық қолжетімділігі. Дәрілік заттарды өндіру мен сақтаудың теориялық және практикалық аспектілері. Дәрі-дәрмектерді жетілдіру мәселелері және жаңа фармацевтикалық технологиялар.

Ұйымдастыру модельдері. Менеджмент фармацевтикалық кәсіпорынды басқару құралы ретінде. Фармациядағы стратегиялық басқару. Кадрларды басқару. Фармацевтикалық қызметтің сапасын басқару. Фармацевтикалық бейіндегі кәсіпорындарда іс жү ргізу. Баға белгілеу, идеяларды, өнімдер мен қызметтерді жылжыту және бөлу саясатын іске асырудағы маркетингтік жоспарлау. SMART принципі және ситуациялық талдау. Ассортиментті басқару. Фармацевтикалық кәсіпорындардың бәсекелестік артықшылықтарын қолдау.

Инфрақұрылым, оның тиісті дистрибьюторлық практикадағы орны мен маңызы. Тұтыну өнімі ретінде ДЗ ерекшеліктері. ЕО-да қабылданған және Дүниежүзілік денсаулық сақтау ұйымы (ДДҰ) ұсынған тиісті дистрибьюторлық практика қағидаттары дәрілік заттарды көтерме саудада өткізудің ұйымдастыру процесіне бірыңғай көзқарас. Барлық операциялық рәсімдерді сақтау және оларды құжаттау.

Зерттеушінің міндетіне сай заманауи физика-химиялық әдістер кешенін қолдану. Заманауи физика-химиялық зерттеу әдістерін тереңдетіп оқып үйрену (спектральді, электрохимиялық және т.б.), заманауи зертханалық және сынақ қондырғыларын меңгеру, өлшем нәтижелерін өңдеуде математикалық әдістерді қолдану.

Заманауи фитотерапияны стандарттауда қолданылатын дәрілік өсімдіктер мен дәрілік өсімдік материалдарының жалпы маңызы. Қазақстан Республикасындағы стандарттау туралы жалпы түсінік стандарттар және тіркеу туралы түсінік. дәрілік заттарды, фармацевтикалық өнімді тіркеу, қайта тіркеу және сертификаттау тұжырымдамасы. Дайын фармацевтикалық өнімге қажетті сапа көрсеткіштерін жалпы түсіну. Дайын дәрілік формалардың сапа көрсеткіштерін зерттеу.

Дәрі-дәрмекпен қамтамасыз етудің заманауи ұйымы. Денсаулық сақтау жүйесінде дәрілік препараттарды алмастыруды зерттеу: клиникалық тиімділік, қауіпсіздік, экономикалық тиімділік. Медицинадағы қолдануда арналған дәрілік препараттарды алмастырудың тәртібі. Фармацевтикалық сәйкестік және клиникалық тиімділік және қауіпсіздік тұрғысынан дәрілердің алмастырылуы. Терапиялық тәжірибедегі түпнұсқалық және дженерикалық дәрілік заттар. Дженериканы алмастыру мәселелері: артықшылықтары мен кемшіліктері.

Ұйымдастырушылық мінез-құлықты зерттеу тәсілдері. Еңбек процесінде пайда болатын әртүрлі жағдайларда адамдардың мінез-құлқын жүйелеу. Белгілі бір жағдайларда индивидтердің іс-әрекеттерінің себептерін түсіндіру. Тұлға және ұжым. Фармацевтикалық профильдегі кәсіпорындарда көшбасшылық.. Еңбек процесінде адамдардың мінез-құлқын басқару және оларды жетілдіру. Ұйымдағы жаңалықтарды басқару.

Дәрілік заттар сапасын бақылаудың мемлекеттік жүйесі. Дәрілік заттар сапасын бақылаудың мемлекеттік жүйесі бойынша құқықтық базасы. Дәрілік заттарды стандарттау мен фармакопеялық мақалалардың заманауи жағдайы мен жетілдіру жолдары. Халықаралық стандарттар талабына сай дәрілік заттар сапасын аналитикалық қамтамасыз ету.

Дәрілік заттар сапасын бақылаудағы GLP ережелері. Дәрілік заттардың шикізатты өңдеуден дайын өнім алуға дейінгі кезеңінде сапасын бақылауды ұйымдастыру процесі. Еуропалық Одақ елдерінде жаңа дәрілік заттар айналымын реттеу аспектілері. Ұлттық және халықаралық GLP ережелеріне сай клиникаға дейінгі зерттеулерді жүргізу принциптері

Жеткізудің үздіксіз тізбегін (логистика) ұйымдастырудағы негізгі құраушылар: өндіріс, тауарды қабылдау және кіріс бақылауы, сақтау, шығу бақылауы, экспедиция аймағына тауардың дайын партиясын ауыстыру, тауардың дайын партиясын жөнелту. Логистикадағы жүйелік тәсіл принципін іске асыру. Технологиялық процестерді ізгілендіру. Логистикалық сервисті дамыту. Логистикалық басқару. Қоршаған ортаның белгісіздігі жағдайында логистикалық жүйелердің бейімделуі.

Терапиялық дәрілік мониторинг туралы түсінік, оның қызметі және тәжірбиелік маңызы. Терапиялық әсер ету ауқымы. Зерттеу әдістері. Жеке фармакологиялық жауаптың ерекшеліктері. Анальгетикалық, антимикробты, зеңге қарсы, вирусқа қарсы, эпилепсияға қарсы, антимопластомға қарсы, иммунодепрессивті, психоактивті дәрілік заттарды, жүрек-тамыр және тыныс алу жүйесінің функциясына әсер ететін дәрілерді тағайындау кезіндегі терапиялық дәрілік мониторинг.

Аурулардың фармакотерапиясын жүргізуде Қазақстандық ұлттық дәрілік формуляр. Стационарлық және амбулаториялық деңгейде дәрілік заттарды пайдалануды оңтайландырудағы ҚҰФ рөлі. ҚҰФ -ТМККК және МӘМС шеңберінде дәрілік формулярларды қалыптастыру үшін негіз. ҚҰФ дәрілік заттарды енгізу және алып тастау тәртібі.

Парафармацевтикалық және нутрицевтикалық препараттар технологиясы" пәнінің негізгі ұғымдары, міндеттері. Адамның тамақтануы және оның денсаулығы. Адам денсаулығын сақтаудағы тағамның негізгі компоненттерінің рөлі. Тағамға биологиялық белсенді қоспаларда пайдаланылатын табиғи өнімдер. Тағамдық биологиялық белсенді қоспалардың клиникалық тиімділігі. Ампелотерапияда, апитерапияда, ароматерапияда және гирудотерапияда қолданылатын дәрілік заттарды өндірудің жаңа технологиялары.

Алғашқы өңдеу сипаттамасы. Қолданылатын әдістің тиімділігі және сапалық-сандық талдауы. Ұсақталғандәрілік өсімдік шикізатындағы биологиялық белсенді заттардың физикалық – химиялық қасиеттері. Ұсақтау әдістерінің түрлері. Ұсақталу дәрежесін анықтау. Субстанция және дәрілік түрлерін алу әдістеріне негіздеме. Дайын өнімді ораудың түрлері. Тасымалдаудың жолдары. Шикізатты кептіру, сақтау және өңдеу кезіндегі биологиялық белсенді қосылыстардың өзгеріске ұшырауы.

Фармацевтикалық қызметкерлерді басқаруда кәсіби-басқарушылық кеңес беру. Басқарушылық консультациялық қызметтердің ерекше құралдары. Басқарушылық кеңес берудегі ұйымдастырушылық диагностика. Басқарушылық кеңес беру әдістері. Консультациялық қызмет түрлері. Кеңесші-клиенттік қатынастар ұйымдастыру диагностикасының әдістері.

Нанотехнология ғылым ретінде. Нанотехнология пәнінің негізгі ұғымдары, міндеттері, терминдері және маңызы. Наноматериалдар. Биомедициналық нанотехнологиялар нанодиагностика әдістері. Наномедицина Нанотехнология және фармация. Қазіргі заманғы дәрілік түрдің нанотехнологиялық аспектілері. Дәрілердің молекулалары мен фармакологиялық препараттардың нақты белгілі бір түрінің өнеркәсіптік синтезі (бис-пептидтер және т.б.). Нанотехнологиялар және жаңа дәрілер. Микро және нанобөлшектер негізінде дәрі-дәрмектерді жеткізудің заманауи жүйелері

Клиникалық-экономикалық сараптама түсінігі. Медициналық көмектің сапасын экономикалық бағалау. Медициналық технологиялардың тиімділігі мен қауіпсіздігін бағалау кезіндегі дәлелді медицинаның әдіснамасы. Медициналық көмектің сапасын басқару және клиникалық-экономикалық талдаудың рөлі. Фармакоэкономикалық талдау әдістері VEN-АBC талдау, ауру құны" талдау, шығындарды азайту, "шығындар-тиімділік". Клиникалық-экономикалық сараптаудағы өмір сүру сапасын бағалау. Полипрагмазия. Фармакотерапия тиімділігінің мониторингі.

Өсімдіктер мен жануарлардан алынған LRS мемлекеттік тіркеудің және қайта тіркеудің жалпы ережелері. LRS құжаттамасын мемлекеттік тіркеу және қайта тіркеу құжаттарының құрылымы мен мазмұны. Сараптама тәртібі. Сараптама түрлері. LRS қауіпсіздігі, тиімділігі және сапасы туралы қорытынды түрлері. Өсімдіктер мен жануарлардан алынған LRS мемлекеттік тіркеу және қайта тіркеу деректеріне өзгерістер енгізу

Фармацевтикалық қызметті жүзеге асыратын субъектілердің қызметін басқарады және жоспарлайды. Дәрілік заттар мен медициналық бұйымдар айналымы саласындағы бақылау-рұқсат беру жүйесінде фармацевтикалық қызметті ұйымдастырады және жүзеге асырады.

Фармацевтикалық қызметті жүзеге асыратын субъектілерде дәрілік заттар мен медициналық бұйымдарды сақтау, тасымалдау және сапасын бақылау жағдайларын жасау жөніндегі жұмысты ұйымдастырады.

Дәрілік заттар мен медициналық бұйымдарға, өнім берушіден сатып алушыға дейін алынған және жөнелтілген өнім сериясына/партиясына қатысты орындалған іс-әрекеттерді бақылауға және сапасыз дәрілік заттар мен медициналық бұйымдардың орналасқан жерін анықтауға мүмкіндік беретін құжаттаманы жүргізу жөніндегі жүйені ұйымдастырады.

Өзін-өзі инспекциялауды және дәрілік заттар мен медициналық бұйымдарды сақтау, өткізу және айналымы кезінде олардың сапа деңгейін қолдау жөніндегі шаралар кешенін әзірлеуді жүргізеді. Дәрілік заттардың сапасын бақылау бойынша рәсімдерді ұйымдастырады.

Дәрілік заттар мен медициналық бұйымдарды ұтымды пайдалану мәселелері бойынша халыққа және мамандарға жан-жақты консультациялық көмек көрсетуді ұйымдастырады және көрсетеді.

ҚР-сында қолданыстағы заңнамасының және тиісті фармацевтикалық практикалардың (GхP) талаптарына сәйкес қазіргі заманғы фармацевтикалық ғылымда және практикада зерттеулердің пәнаралық сипатын білу мен түсінуді көрсетеді. Дәрілік заттардың сапасын, қауіпсіздігін және тиімділігін қамтамасыз ету жөніндегі қызметті ұйымдастырады.

Кәсіби өсумен айналысады, өзін-өзі талдау дағдыларын, жоғары білім деңгейінде оқыту тәжірибесін көрсетеді.

Клиникалық-фармацевтикалық құжаттаманы жүргізеді, фармакоэкономикалық талдау жүргізеді, медициналық ұйымның дәрілік формулярына сәйкес фармакотерапияның үстінен жүргізілуіне бақылауды жүзеге асырады.