7R01105 Гематология ересектердің в Оңтүстік Қазақстан медицина академиясы

Емхананың гематологиялық кабинетінің құрылымы, ұйымдастыру принциптері және жұмыс мазмұны. Қан жүйесі ауруларымен ауыратын науқастарға медициналық - әлеуметтік сараптама. Әлеуметтік маңызды аурулар туралы түсінік. Оларды ерте диагностикалау принциптері. Стационарды алмастыратын технологиялар. Қан жүйесінің ісік ауруын, геморрагиялық диатезді алғашқы диагностикалаудың тактикасы. Ауруханаға жатқызу көрсеткіштері. Амбулаториялық кезеңде сүйек кемігін аллогенді трансплантациялаудан кейін пациенттерді жүргізу.

Гемобластозбен ауыратын науқастарда қолданылатын цитостатикалық препараттар. Цитостатикалық емнің асқынулары. Цитостатиктер алатын пациенттерді бақылаудың тактикасы мен әдістері, асқынуларды емдеу. Гематологиялық науқастарды емдеудегі глюкокортикостероидты гормондар. Гормондарды қолдану және жою тактикасы. Гематологиядағы мақсатты препараттар.

Қан жүйесінің патологиясы кезіндегі трансфузиялық терапияның жалпы принциптері. Компоненттік терапия. Лимфоцит және лейкоцитоферез. Плазмаферез. Тромбоцитоферез. Селективті плазмаферездер. Аутофибронектинді алу және оны терінің трофикалық зақымдануын емдеуде қолдану. Лимфа жолын сыртқы дренаждау кезінде селективті лимфоферез.

Госпитальға дейінгі және госпитальдық кезеңдегі гематологиядағы шұғыл жағдайлар: диагностика, реанимациялық іс-шаралар. Инфекциялық-уытты шок, жіті жаппай қан жоғалту, ДВС-синдром, тромбоэмболия, жіті гемолиз, трансфузиядан кейінгі реакциялар, жіті жүрек-қантамыр жеткіліксіздігі, бауыр жеткіліксіздігі, бүйрек жеткіліксіздігі және басқа да шұғыл жағдайлар кезінде шұғыл көмек көрсету.

Клиникалық - зертханалық зерттеу әдістері (молекулярлық - генетикалық, цитогенетикалық, гистологиялық) және оларды түсіндіру. ҚР хаттамаларына, халықаралық базаларға сәйкес қан ауруларының заманауи фармакотерапиясы, емдеу тиімділігін бағалау. Полихимиотерапия, цитотоксикалық препараттар, сүйек кемігін трансплантациялау үшін көрсеткіштерді анықтау. Сүйек кемігін және гемопоэздік жасушаларды транспланттаудың қағидаттары мен әдіснамасы. Сүйек кемігін және гемопоэтикалық жасушаларды трансплантациялаудың асқынулары.

Қоғамдық денсаулық: Қазақстан Республикасы Денсаулық сақтау жүйесінің құқықтық және ұйымдастыру саласы шеңберінде «Гематология (ересектер)» мамандығы бойынша әрекет етуге, төтенше жағдайларда базалық көмек көрсетуге, ұлт денсаулығын нығайту саясатын жүзеге асыру үшін кәсіби аралық командалар құрамында жұмыс істеуге қабілетті

Қауіпсіздік және сапа: қауіптерді бағалауға және гематологиялық көмектің қауіпсіздігі мен сапасының жоғары деңгейін қамтамасыз ету үшін неғұрлым тиімді әдістерді пайдалануға қабілетті.

Оқу және даму: өз бетінше оқуға және кәсіби команданың басқа мүшелерін оқытуға, пікірталастарға, конференцияларға және үздіксіз кәсіби дамудың басқа да нысандарына белсенді қатысуға қабілетті.

Зерттеу: адекватты зерттеу мәселелерін тұжырымдай алады, кәсіби әдебиетті сыни бағалай алады, өзінің күнделікті қызметінде Халықаралық дерекқорларды тиімді пайдалана алады, зерттеу тобының жұмысына қатыса алады

Пациентті тексеру: клиникалық диагнозды тұжырымдай алады, емдеу жоспарын тағайындай алады және оның тиімділігін қан мен қан түзуші ағзаларының аурулары бар пациенттерге медициналық көмек көрсетудің барлық деңгейлеріндегі дәлелді тәжірибе негізінде бағалай алады.

Коммуникация және коллаборация: пациент үшін жақсы нәтижелерге қол жеткізу мақсатында пациентпен, оның айналасымен, Денсаулық сақтау мамандарымен тиімді өзара іс-қимыл жасауға қабілетті.