7M04203 Құқықтану в Қайнар академиясы

Курста ғылыми білімдердің өндіру бойынша ерекше қызмет ретіндегі ғылыми танымның жалпы заңдылықтары мен беталыстары, ғылымның әлеуметтік-мәдени тұрғыдағы мәні және оның тарихы дамуы, қазіргі заманғы техногендік өркениет дағдарысының проблемалары, әлемнің ғылыми бейнесінің ауысының жаһандық беталыстары, ғалымдар бағдарланатын құндылықтар жүйелері туралы оқытылады. Магистранттар баяндамалар, пікірталастар кезінде ғылымның қазіргі заманғы кезеңінде пайда болатын негізгі дүнеиетанымдық және әдіснамалық проблемаларды талдайды.

Курс магистранттың шет тілде ауызша және жазбаша қарым-қатынас жасау қабілетін, құқық саласындағы болашақ қызметіне және әлеуметтік-мәдени қарым-қатынасқа тән ақпаратты түсіну және жеткізу қабілетін қалыптастырады. Олар практикалық сабақтарда шет тілдің фонетика, лексика, сөздің құрамы және сөз құрастыру, морфология, жәй және күрделі сөйлемнің синтаксисі, мәтін стилистикасының негіздері деңгейлері бойынша білімдер алады.

Курс магистранттардың жобалауды басқарудың ғылыми негіздері және практикалық әдістері бойынша, инвестициялық жобаларды іске асыру және тиісті басқару жүйелерін ұйымдастыру үшін қажетті білімдерін, шеберліктері мен дағдыларын қалыптастырады. Магистранттар зерттеу жұмысын орындау барысында ғылыми-техникалық прогресстің негізгі бағыттарын ескере отырып, әдіснамалық негіздерді және практикалық әдістерді қолданады.

Курста заңгерлік ғылымда заңгерлік жауапкершілік ұғымының пайда болуы қарастырылады, магистранттардың заңгерлік жауапкершілікті дұрыс қолдану дағдылары қалыптасады, олар заңгерлік жауапкершіліктің әдіснамалық негіздерін оқып үйренеді. Магистранттар баяндамалар, пікірталастар кезінде Қазақстанның мемлекеттік-құқықтық саласындағы заңгерлік жауапкершілік қатынастарын талдайды, заңгерлік жауапкершіліктің және мемлекеттік-құқықтық мәжбүрлеудің басқа да шараларының жалпы және арнайы құқықтық заңдылықтарын ұғынады.

Мақсаты: ҚР-дағы конституциялық құқық пен процесті тереңдетілген және кешенді талдау. Аталған пәннің тақырыбына: конституциялық құқық саласындағы нормативтік-құқықтық актілерді қолдану тәсілдері, конституциялық-құқықтық жауапкершілікті құқықтық түсіну проблемалары, осы саладағы ғылыми зерттеулер, сыбайлас жемқорлық мінез-құлқының ықтимал көріністері, оны құқықтық қорғаудың негізгі субъектілерінің рөлі, ҚР Конституциясының үстемдігін қамтамасыз ету мәселелері кіреді.

Курс магистранттарға өзінің ғылыми зерттеулерін дұрыс ұйымдастыруға және жоспарлауларына, ғылыми зерттеулердің түрлері, оларды жоспарлаудың кезеңдерін меңгерулеріне көмектеседі. Магистранттар проблемалық әдісті пайдаланып ғылыми зерттеудің әдіснамасымен, ғылыми зерттеу барысының жалпы сұлбасымен танысады.

Пән магистранттарда болашақта оның табыстылығын қамтамасыз ету үшін кәсіби-педагогикалық қызмет туралы тұтас түсінік қалыптастыруға, сондай-ақ магистранттарда кәсіби-педагогикалық қызметке шығармашылық көзқарасты дамытуға арналған. Практикалық сабақтарда пәндерді оқытудың заманауи әдістері мен әдістемелерін қолдануға, пәндік материалды баяндау кезінде Жоғары мектептегі ғылыми-зерттеу және оқу процестерінің өзара байланысын, соның ішінде білім беру процесін жетілдіру құралы ретінде өзіндік ғылыми зерттеулерді тарту мүмкіндіктерін пайдалануға қабілетті.

"Басқару психологиясы" курсы ұйымдағы адамның мінез-құлқының психологиялық ерекшеліктері, басқару жүйелерінің жұмыс істеу заңдылықтары туралы бұрын алынған психологиялық білім мен идеяларды тереңдетуге және кеңейтуге бағытталған. Курстың негізгі мақсаты-Әлеуметтік психология саласы ретінде басқару психологиясының негізгі әдіснамалық және теориялық аспектілері туралы білім жүйесін қалыптастыру. Теориялық мәселелерді зерттеу барысында бұл пән басқарушылық қызметтің негізгі буыны ретінде адамның жеке басының және оның психологиялық ерекшеліктерінің маңыздылығын көрсетуі керек.

Курс білім алушылардың мемлекеттік-құқықтық саланың проблемаларын анықтау дағдыларын қалыптастырады, кәсіптік қызметті ұйымдастыру дағдыларын жетілдіреді, құқық және мемлекет, олардың формалары және қоғам өміріндегі рөлу туралы ұғымдарын бекітеді, оларға қазіргі заманғы мемлекеттік-құқықтық құбылыстарды ұғыну, талдау және жіктеу үшін құқықтану саласында іргелі білімдер береді. Магистранттар пікірталастар кезінде нормативтік құқықтық актілерді түсіндіруді және қолдануды, мемлекеттің және құқықтың түрлі жалпы және салалық теориялық және практикалық проблемаларымен танысады.

Курста қылмыстық және қылмыстық-процессуалдық заңнамалардың Қазақстанның құқықты қолдану практикасындағы өзекті мәселелері, қылмыстық заңнаманың тұжырымдамалық негіздері, қылмыстық және қылмыстық-процессуалдық құқықтың теориялық, заң шығармашылығы, құқықты қолдану салаларындағы проблемалары, оларды шешудің ізгілікті, ғылыми және қисынды негізделген жолдары туралы оқытылады. Магистранттар пікірталастарды, кейс-стадия, «ойды шоғарландыру» әдістерін пайдаланып қылмыстық құқықтың нормаларын қолдануды, қылмыстарды жіктеуді үйренеді.

Курста қаржылық құқықтың маңызды институттары, мемлекеттің қаржылық қызметі, қаржылық жүйе, қаржылық заңнама туралы оқытылады. Магистранттар оқу барысында банктік қызмет, төлем жүйесі, кәсіпкерлік қатынастар салаларындағы даулы мәселелерді шешу үшін қаржылық заңнаманың нормаларын қолдануды, халықаралық келісім-шарттардың кейбір нормаларын қолдану жағдайларын анықтауды үйренеді.

Курс мемлекеттік басқарудың және сыбайлас жемқорлыққа қарсы іс-қимылдың құқықтық проблемаларын, мемлекеттік қызметшінің функциялары мен өкілеттіктерін орындау кезіндегі сыбайлас жемқорлық көріністерін, сыбайлас жемқорлықтың мәнін түсінудегі бағыттың ерекшеліктерін зерделейді, мемлекеттік қызметшілердің сыбайлас жемқорлық көріністеріне төзбеушілікті қалыптастыру бойынша конституциялық-құқықтық әдістер мен ықпал ету тәсілдерін, сыбайлас жемқорлыққа қарсы іс-қимылдың шетелдік тәжірибесін қарайды және талдайды.

Курста экономикалық қылмыстар, отандық және шет елдік құқық қорғау органдарының практикасында оларды жіктеу проблемалары туралы оқытылады. Магистранттар пікірталастарды, іскерлік ойындары пайдаланып осы саладағы негізгі тұжырымдамаларды, экономикалық қылмыстарға қарсы іс-әрекеттің шет елдік тәжірибесін қолдану бойынша ұсыныстарды қоса, экономикалық қылмыстардың алдын алу бойынша жұмыстардың теориялық негіздерін үйренеді.

Курста азаматтық құқықтың және міндеттемелік, келісім-шарттық мүліктік қатынастарды реттейтін процесстің теориясы мен практикасы, ҚР азаматтық процессуалдық заңнамасы, құқық саласының тұжырымдалық проблемалары, Қазақстан қатысқан, сотта азаматтық іс жүргізуді реттейтін халықаралық келісім-шарттар туралы оқытылады.Магистранттар іскерлік, жағдаяттық ойындарды, кейс-стадия, иммитация әдістерін пайдаланып азаматтық-құқықтық саланың заңдары мен нормативтік құкықтық актілерін түсіндіреді, азаматтық құқықтың мәселелері бойынша заңгерлік қорытындылар жасайды және кеңестер береді.

Курста атқарушы билік механизмінің өзекті проблемалары, әкімшілік құқық субъектілерінің құқықтық мәртебесі, атқарушы билікті іске асырудың формалары мен әдістері, мемлекеттік басқару салаларын әкімшілік-құқықтық реттеу туралы оқытылады. Магистранттар баяндамалар, пікірталастар кезінде әкімшілік құқықтың нормативтік актілерін, басқару формалары мен әдістерін, басқаруда заңдылық пен тәртіпті қамтамасыз ету тәсілдерін қолданып үйренеді.

Пән магистранттарға ғылыми зерттеулерді ұйымдастыру және жүргізу саласында әдіснамалық және ғылыми білімдер, шеберліктер мен дағдылар береді. Олар зерттеу қызметінде қазіргі заманғы ғылымның беталыстарын талдауға, ғылыми зерттеулердің болашағы бар бағыттарын анықтауға, кәсіптік қызметінде зерттеудің тәжірибелік және теориялық әдістерін пайдалануға қабілетті болады.

Курста еңбек қатынастарын құқықтық реттеудің ерекшеліктері, еңбек құқықтарын іске асырудың проблемалары, еңбек миграциясының құқықтық негіздері туралы оқытылады. Магистранттар пікірталастарды, іскерлік ойындарды пайдаланып еңбек миграциясын халықаралық және мемлекеттік деңгейлерде құқықтық реттеудің негіздерімен, еңбек құқығы саласындағы өзекті беталыстармен және өзгерістермен, еңбек миграциясын құқықтық реттеудің ерекшеліктерімен танысады.

Курста мемлекеттік-жеке меншік әріптестіктің құқықтық негіздері, экономикадағы инновациялық үдерістерді белсенділендірудің тиімді құралдары, мемлекеттік-жеке меншік әріптестік саласында мамандар дайындау тәжірибесі туралы оқытылады. Магистранттар пікірталастар кезінде мемлекеттік-жеке меншік әріптестікті іске асыру әдістерімен, экономиканың түрлі салаларындағы мемлекеттік-жеке меншік әріптестік механизмінің құқықтық ерекшеліктерімен танысады.

Курста мемлекеттік және құқықтық институттары, сот актілері, құқық қорғау органдарының шешімдері, ғылыми жұмыстар арқылы белгілі философтардың, әлеуметтанушылардың, құқық теоретиктерінің талдамалық ойлаудың, ғылыми және қолданбалы танымның әдіснамасының мәні туралы ұстанымдары, туралы оқытылады. Курс ұлттық заңнаманың тұжырымдамалық проблемалары, маңызды нормативтік құқықтық актілер, Қазақстан қатысқан халықаралық келісім-шарттар, заңнаманың және құқықты қолдану практикасының дамуының ғылыми қыралыр, құқықтың ойдың құндылықтары, қоғамдық қатынастарды құқықтық реттеудің заңдылықтары туралы мәліметтер береді. Магистранттар баяндамалар, пікірталастар кезінде құқықтың, құқық философиясының жалпы теориясының проблемаларын талдайды, заңгерлік мәтіндерді талдау үшін теориялық білімдерін қолданады.

Курста сот билігі қызметінің теориялық және әдістемелік негіздері, Қазақстан Республикасының сот билігінің конституциялық-құқықтық негіздерінің ережелері, дамуының өзекті проблемалары, қоғамды демократияландыру жағдайында оны одан әрі жетілдіру мәселелері қарастырады. Магистранттар пікірталастарды, проблемалық әдісті пайдаланып Қазақстан Республикасында құқықтық реформаның проблемалары мен даму болашақтарын, медиация институтымен, қоғамды демократияландыру жағдайында қалыптасқан түрлі теориялық тәсілдемелермен, тұжырымдамалармен танысады.

Курста адам құқығының нормалары, қағидалары, теориялық тұжырымдамалары, адамның құқықтарын халықаралық және мемлекеттік деңгейлерде қорғауға бағытталған нормалар мен механизмдер туралы оқытылады. Магистранттар пікірталастарды пайдаланып адамның және заматтың құқықтары мен бостандықтарының мемлекеттің құқықтық жүйесіндегі және халықаралық құқықтық кеңістіктегі рөлі мен орнын түсіндіреді.

Курста қоғамдық қатынастар мен үдерістерді мемлекеттік басқару, әлеуметтік саланы мемлекеттік басқарудың ерекшеліктері, осы саладағы мемлекеттік саясаттың өзекті проблемалары туралы оқытылады. Магистранттар пікірталастарды пайдаланып мемлекеттік органдар басқаратын экономикалық, құқықтық, әлеуметтік салаларды, мемлекеттік басқарудың негізгі көрсеткіштері мен өлшемдерін, экономикалық және әлеуметтік үдерістердің өзара байланысын.

Курста Қазақстан Республикасындағы шаруашылық қатынастарды реттейтін құқықтық нормалар, кәсіпкерлік қатынастар саласындағы негізгі нормативтік актілер, кәсіпкерлік қатынастардың ерекшеліктері туралы оқытылады. Магистранттар пікірталастарды, кейс-стадия әдісін пайдаланып кәсіпкерлік саласындағы құқық нормаларымен, коммерциялық және коммерциялық емес ұйымдардың арасындағы құқықтық қатынастармен танысады.

Конституциялық-құқықтық актілердің нормаларын, әкімшілік құқықтың, оның ішінде билік пен басқару органдарында адам құқықтарын қорғайтын материалдық және рәсімдік нормаларын түсіндіру және қолдану

Кәсіпкерлік, еңбек жұмыспен қамту және көші-қон, адам құқықтары және қылмыстық әділет саласындағы ұлттық және халықаралық-құқықтық нормаларды түсіндіру және қолдану, сондай-ақ аталған білім салалары бойынша оқытушылық қызметті жүзеге асыру

Философиялық және ғылыми тұжырымдамаларды, ғылыми танымның құрылымын, нысандары мен әдістерін, ғылым, техника және технологиялар жетістіктерінің дамуы мен қолдануымен байланысты әлеуметтік және этикалық мәселелерді бағалау және талдау

Тиісті диспозитивті құқықтық нормаларды, сандық технологиялар мен құралдарды пайдалана отырып, кадрларды және ұйымды тиімді басқару

Кәсіби және кәсіби емес аудиторияда ауызша және жазбаша түрде құқықтық саладағы негізделген дербес қорытындылар мен пайымдауларды ұсыну

Әртүрлі әдістер мен технологияларды қолдана отырып, әкімшілік, қылмыстық және іс жүргізу заңнамасының қағидаттары мен нормаларын ескере отырып, құқық бұзушылықтардың, оның ішінде экономикалық қылмыстардың алдын алу және тергеу саласындағы іс жүргізу әрекеттерінің кешенін жүзеге асыру

Қаржылық құқық пен заңнама нормаларын талдау және қолдану, сондай-ақ мемлекеттік-жекешелік әріптестіктің негізгі нысандарында құқықтық сүйемелдеуді жүзеге асыру

Стандартты емес шешімдер қабылдау, олардың салдарын бағалай және тәуекелдерді ескере отырып, сыни ойлауды, сандық және сапалық әдістерді қолдана отырып, аналитикалық дағдыларды қолдану

Дамудың балама мүмкіндіктерін, сыбайлас жемқорлық және құқықтық тәуекелдерді ескере отырып, болашақты болжай отырып, мемлекеттік басқаруды және сот төрелігін іске асыруды дамыту стратегиясы мен моделін әзірлеу

Стандартты емес жағдайларда қарым-қатынас психологиясын, әлеуметтік, экономикалық, діни, тілдік факторлардың адамдар мен топтардың санасы мен психикасына әсерін бағалау және талдау, соның ішінде кәсіби қызметтің міндеттерін шешу үшін мемлекеттік тілде және шет тілдерінде ауызша және жазбаша нысанда коммуникацияға қабілетті

Азаматтық-құқықтық саладағы материалдық және процестік құқықтық актілерді, төрелік іс жүргізу қағидалары мен рәсімдерін және құқықтық даулар мен жанжалдарды баламалы шешу технологиясын түсіндіру және қолдану, оның ішінде сыбайлас жемқорлық және өзге де құқық бұзушылықтардың алдын алу

Тиісті сандық технологияларды, құралдарды және теорияларды пайдалана отырып, құқық қорғау қызметі, сот билігі мен білім беру саласындағы кәсіби функцияны жүзеге асыру