6B02205 Тарих в Әл-Фараби атындағы Қазақ ұлттық университеті

Пәннің мақсаты: студенттердің әлемдік және ұлттық мәдениеттің даму контекстіндегі ұлы түркі ойшылы Әбу Насыр әл-Фарабидің ғылыми және философиялық мұрасы туралы түсініктерді қалыптастыру. Әл-Фараби мұрасының ерекшеліктері және оның түркі философиясының қалыптасуына тигізген әсері; шығыс философиясының Еуропалық Ренессансқа әсер ету сипаты; ұлттық және әлемдік философия тарихының дәстүрлі және қазіргі заманғы мәселелері қарастырылады.

Мақсаты: экономикалық ойлау тәсілін; коммерциялық іске асырылатын индустриялық-инновациялық жобаларға бағытталуды қалыптастыру үшін қажетті өз бизнесін құрудың теориясы мен практикасы саласында базалық білімдерді қалыптастыру. Кәсіпкерлік, шағын және орта бизнестің ішкі және сыртқы ортасының негізгі шарттары; мемлекеттік реттеу және мемлекеттің кәсіпкерлік орта үшін рөлі мәселелері қарастырылады.

Пәннің мақсаты - болашақ мамандардың кәсіби білімін, түсінігін, қабілетін елдің ынтымағы мен бірлігін нығайту, қоғамның интеллектуалдық әлеуетін арттыру мақсатында қолдану құзіреттілігін қалыптастыру. Қарастырылатын мәселелер:Абай ілімі туралы түсінік; Абай ілімінің қайнар көздері; Абай ілімінің құрамдас бөлімдері; Абай ілімінің категориялары; Абай ілімінің өлшеу құралдары; Абай ілімінің мәні мен маңызы.

Мақсаты - заңдылықтарды, тұжырымдамаларды, кәсіби қызметті ғылыми зерттеуді ұйымдастыру мен басқарудың ерекшеліктерін қолдану дағдыларын қалыптастыру. Пән қазіргі ғылыми әдістемеге сәйкес ғылыми зерттеулерді ұйымдастыруды жоспарлау дағдыларын; ғылыми әзірлемелер, ғылыми байланыстар мүмкіндігі, әр түрлі деңгейдегі ғылыми гранттарға өтінім беруге, ақпараттарды іздеу тәртібінің дағдыларын қалыптастыруға бағытталған.

Мақсаты – гуманитарлық ғылымдар жүйесіндегі тарихи білімнің рөлін түсіну. Тарихи-гуманитарлық білімнің пәнін, қызметтерін, мәнін, тарихи категорияларды, тарихтың түрлері мен ғылыми пәндердің ерекшеліктерін, заңдылықтары мен себеп-салдарлық байланыстарын, цифлрық гуманистирка маңыздылығын түсіну; көмекші тарихи пәндердің негіздерін пайдалану; ғылыми білім негіздерін қолдану; тарихтағы азаматтық ұстанымды қалыптастырады.

Пәннің мақсаты: Сыбайлас жемқорлыққа қарсы заңнама нормаларын жетік білетін, құқық қолдану тәжірибесінде қолдана алатын, сыбайлас жемқорлықты дұрыс саралайтын жоғары білікті мамандарды, сыбайлас жемқорлыққа қарсы мәдениетті қалыптастыру. Оқытылатын болады: сыбайлас жемқорлыққа қарсы заңнама, сыбайлас жемқорлыққа қарсы іс-қимыл субъектілерінің жүйесі, жемқорлыққа ықпал ететін жағдайлар, оған қарсы саясат, жемқорлыққа қарсы күрестің халықаралық тәжірибесі.

Пәннің мақсаты тірі организмдердің тіршілік ету ортасымен өзара әрекеттесу заңдылықтары, биосфераның жұмыс істеуі, зиянды, зақымдайтын факторлардан адам өмірінің қауіпсіздігін қамтамасыз ету негіздері, қауіптерден қорғау тәсілдері, авариялар, апаттар, табиғи апаттар салдарын жою жөніндегі іс-шаралар, қоршаған ортаны қорғау және табиғатты ұтымды пайдалану туралы білімді қалыптастыру.

Пәннің мақсаты: қоғамды зерттеудегі іргелі ғылым ретінде археологияның теориялық және әдістемелік тұжырымдары негізінде адам қоғамының даму кезеңдері мен заңдылықтары туралы жан-жақты және жүйелі түсініктерді қалыптастырады. Оқу курсы археология саласындағы нақты білімді, археологиялық зерттеулердің процедурасы мен әдістемесі туралы түсініктерді береді.

Пәннің мақсаты: Ежелгі дүние тарихының оқиғалары туралы білімді қалыптастыру, ежелгі дәуірдегі тарихи көрнекті қайраткерлерді тану, ежелгі өркениеттер дамуының негізгі кезеңдері, осы кезеңнің негізгі ұғымдарын түсіну. Ежелгі дәуірді зерттеудегі өзекті мәселелерді пайымдау, жазбаша деректерге ғылыми түсінік беру арқылы талдайды.

Пәннің мақсаты: Қазақстандағы мұрағат ісінің теориясы мен тарихын білу қабілетін қалыптастыру. Оқу курсы мұрағаттану принциптері мен ғылыми әдістерін түсіну негізін, мемлекеттік және мемлекеттік емес қорлар бойынша құжаттарды ұйымдастыру үрдісіне қатысты дағдыларды қалыптастырады. Пән терминологиялық аппаратты, мұрағат құжаттарын пайдалану нысандарын, мұрағаттық құқық және мұрағат заңнамасын зерттеуге бағытталған.

Пәннің мақсаты: ежелгі дәуірден түркі кезеңіне дейінгі Қазақстан аумағындағы тарихи үрдістің негізгі кезеңдері мен ерекшеліктері туралы толық түсінік қалыптастыру. Қазақстан тарихының ежелгі дәуірін номадтық өркениеттің контекстінде қарайды, жазбаша деректерге талдау, ғылыми түсінікті қолдану, тарихи зерттеулерде алынған кешенді білімді жүйелі қолданады.

Пәннің мақсаты: Қазақстанның орта ғасырлық тарихы бойынша негізгі теориялар мен концепцияларды білу. Оқу курсы ортағасырлық Қазақстан этностары мен мемлекеттерінің тарихи дамуының жалпы заңдылықтары мен ерекшеліктерін талдау қабілетін қалыптастырады. Пән ортағасырлық Қазақстан аумағында болған тарихи үдерістерді зерттеуге және олардың орны мен маңызын анықтауға бағытталған.

Пәнді оқытудағы мақсат: Орта ғасырлар тарихына дүниежүзілік тарихтың кезеңі ретіндегі тұтас көзқарасты қалыптастыру және Европаның негізгі аймақтарының экономикалық, әлеуметтік, саяси және мәдени дамуын көрсету, Европаның тарих пен мәдениеттегі орнын, қазіргі адам өміріне енген идеялар мен институттардың (монархия, республика, заңдар, моральдық нормалар) пайда болуы мен дамуын көрсету.

Пәннің мақсаты: капиталистік қатынастардың қалыптасуы мен дамуы, әлемдік капиталистік экономиканың біртұтас жүйесінің қалыптасуы, индустриялық және ақпараттық өркениеттердің қалыптасуы мен дамуы туралы теориялық білімді қалыптастыру; XVII – XXI ғасырлардағы батыс елдерінің әлеуметтік-экономикалық, саяси, мәдени дамуының жалпы заңдылықтары мен ерекшеліктері бойынша тұжырым қалыптастыру.

Пәннің мақсаты: теориялық экономика тәсілдері көмегімен тарихи зерттеулердің жаңа әдістерін, сандық талдау әдістерін, статистикалық модельдеуді, өткендегі экономика дамуының альтернативті болжамдарын гипотетикалық модельдеуді қолдану қабілетін қалыптастыру. Оқу курсы қазіргі пәнаралық тәсілдер негізінде ғылыми зерттеу нәтижелерін талдау және қорыту қабілетін қалыптастырады.

Курстың мақсаты: Қазақстанның жаңа және қазіргі заман тарихының негізгі кезеңдерін, оның ішінде империялық кезеңдегі қазақтардың ұлттық-азаттық қозғалысын, Ресей империясының Қазақстандағы реформалары мен эксперименттерін, Алаш қозғалысының тарихын зерттеу, Кеңсетік жүйедегі қазақ даласы, ХХ ғасырдың 20-30 жж зобалаң, 1986 жылғы Желтоқсан оқиғасы, КСРО-ның ыдырауының, Қазақстанның тәуелсіздік алуының кезеңдері бойынша тұжырымдарды қалыптастырады.

Пәннің мақсаты әлеуметтік-гуманитарлық ғылым жүйесіндегі тарихи этнологияның орнын білу және түйсіну, оның әдіснамалық негізін, қазіргі әлемнің көптүрлілігін сипаттайтын, этникалық пен этникалық мәдениетті зерттейтін негізгі мектептер мен бағыттар жөнінде түсінік қалыптастыру.

Пәннің мақсаты-Шығыс өркениеттерінің ортағасырлық тарихы, олардың даму жолдарының өзіндік ерекшелігі, Шығыстағы тарихи процестің ерекше сипатын анықтайтын факторлар туралы терең және жан-жақты білімді қалыптастыру; алған білімдерін оқу орнын бітіргеннен кейін теория мен тәжірибеде, зерттеу және аналитикалық жұмыста қолдануға үйрету.

Пәннің мақсаты студенттердің тарихи танымның саяси өлшемімен байланысты негізгі ұғымдар мен оны инструментализациялау тетіктері туралы білімін қалыптастыру, өткен тарих пен қазіргі саясат пен мәдениеттің өзара байланысын; ұжымдық тарихи жадыны зерттеу және тарихи саясаттың мүмкіншіліктері мен шекаралары туралы пікірталастар саласындағы ғылыми зерттеулердің мәселелерін анықтайды.

Пәннің мақсаты: Азия және Африка елдерінің жаңа және қазіргі заман тарихы бойынша білімді қалыптастыру; Азия және Африка елдерінде Батыс державаларының отарлық саясатын ашу; Азия және Африка елдерінің жаңа және қазіргі уақытта әлеуметтік-саяси және экономикалық дамуын сипаттау; ХІХ - ХХ ғ .ортасындағы Шығыстағы азаттық қозғалыстарды талдау.

Пәннің мақсаты: түркі және Еуропа халықтарының мемлекеттік-саяси жүйесінің эволюциясының ерекшеліктерін түсіну қабілетін қалыптастыру. Пән Түркі әлемі мен Еуропа арасындағы кейінгі антикалық және орта ғасырлар дәуіріндегі өзара қарым-қатынас тарихының сирек дерек көздері негізінде, Шығыс пен Батыстың өзара іс-қимылының жалпы заңдылықтары мен ерекшеліктерін зерттеуге бағытталған.

Пәннің мақсаты: тарихты оқыту әдістемесі туралы терең және жан-жақты білімді қалыптастыру. Оқыту барысында мынадай аспектілер қаралатын болады: тарихи білім беру әдістемесінде ғылыми –зерттеуді дамыту, тарихи білім берудің қазіргі заманғы стратегиялары, тарихты оқытудың әдістері мен тәсілдері, тарихтың оқу курстарын жоспарлау, инновациялық технологияларды қолдану.

Мақсаты: Отан тарихының түйінді мәселелерін зерделеу негізінде дереккөздермен өз бетінше жұмыс істеу, тарихнамалық талдау және сыни тұрғыдан ойлау дағдыларын қалыптастыру. Әлемдік көшпенділіктің тарихы мен теориясы саласындағы заманауи білімдерін көрсету. Көшпелі қауымдардың ұлттық тарих саласында зерттелетін ғылыми құбылысқа көзқарасын түсіндіру үшін олардың жалпы даму парадигмасын түсіну.

Пәннің мақсаты студенттердің музейтану және музейлерді жіктеу саласындағы негізгі ұғымдары туралы білімдерін, музейдегі ғылыми жұмыс типтері мен негізгі түрлерін, құрылымын, музейлік экспозицияларды құру ерекшеліктерін және мазмұнын, музейлердің қызметіндегі мәдени-білім берудің мәні мен ерекшелігін қалыптастыру болып табылады.

Курстың мақсаты: Қазақстан тарихын қазақ мемлекетінің тарихы ретінде империялық тәжірибелер жүйесінде зерттеуді қарастыру. Бұл кезеңде Қазақстан Ресей мен Қытай империяларының ықпал ету аймағына енді. Ресейге енгеннен кейін қазақ қоғамындағы күрделі өзгерістер мен қатар, бүкіл Орталық Азияны толығымен жаулап алу мақсатында Ресейде көптеген тәжірибелер мен реформалардың объектісіне айналуына қатысты тұжырымдарды меңгереді.

Пәннің мақсаты: Қазақстан Республикасының ұлттардың әлемдік қоғамдастығындағы орны мен рөлін анықтау қабілетін қалыптастыру, оның теңдестірілген және көпвекторлы сыртқы саясатының негізгі факторлары мен бағыттарын талдау. ҚР тәуелсіздігінің қалыптасу процесін; ҚР-ның Еуразия орталығы ретіндегі стратегиялық маңызын талдау.

Курстың мақсаты – студенттерде орта ғасырлардағы жалпы мұсылмандық және жаһандық тенденцияларды ескере отырып, тарих пен мәдени мұра туралы неғұрлым тұтас және объективті көзқарасты қалыптастыру. Хронологиялық тұрғыдан Х ғасырдан бастап Қазақ хандығы дәуіріне дейінгі аралықты қамтиды. Дереккөздері ретінде араб-парсы, түркілік шығармалар, археология, этнография, шежіре және т.б. мәліметтермен танысып, ғылыми айналымға тартуға дағдыланады.

Курстың мақсаты - студенттердің бойында діннің пайда болу, жұмыс істеу және даму процестері, оның теориясы, қоғам өмірінің басқа салаларымен байланысы туралы жан-жақты түсініктерді қалыптастыру; алған білімін практикада зерттеу және аналитикалық жұмыста қолдануды үйрену; дүниетанымдық диалогты сауатты жүргізуді үйрену, ойлау тәсілі мен іс-әрекеті өзгеше адамдарды түсіну өнерін меңгеру.

Пәннің мақсаты – ХХ ғасырдағы Еуропа елдеріндегі тоталитаризм тарихы туралы, тоталитарлық жүйенің даму кезеңдері туралы негізгі теориялық білімді меңгеру, саяси режимдердің идеологиялары мен мақсаттарының қарама-қайшылығын, типологиялық ұқсастығын, билікті нығайту және қолдану тетіктерінің ұқсастықтарын көрсету. Тоталитарлық режимдердің қалыптасуының тарихи алғышарттары мен себептерін, сондай-ақ олардың тарихи сахнадан кету себептерін көрсету.

Пәннің мақсаты: ұйымдастырушылық-басқарушылық шешімдерді табу қабілетін қалыптастыру, оларды жүзеге асыру алгоритмдерін әзірлеу және олардың нәтижелеріне жауап беруге дайын болу, әлеуметтік жауапкершілік тұрғысынан басқарушылық шешімдер мен іс-әрекеттердің салдарын есепке алу. Пән: ұйымның даму принциптерін және қызмет ету заңдылықтарын, ұйымның негізгі үрдістерін, мақсат қою принциптерін, ұйымдық жоспарлаудың түрлері мен әдістерін зерделеуге бағытталған.

Пәннің мақсаты: Қазақстан тарихының кеңестік дәуірі туралы объективті тарихи білім беру. Кеңес басшылығының іс-әрекеттерінің идеологиялық және практикалық мотивтерін түсінуге үйренеді, қарапайым адамдардың қарсылық пен бейімделудің көңіл-күйі мен стратегиясы талданады. ХХ ғасырдың ұлттық тарихына қатысты маңызды мұрағаттық дереккөздерді талдауға үйренеді.

Мақсаты – тарихи дереккөздерге сыни және тарихнамалық талдау жүргізу қабілетін дамыту. Тарихи дереккөздің бастауларын және тарихнамалық білім негіздерін түсіндіру; тарихи дереккөздердің деректанулық талдау синтезін жүргізу және тарихи зерттеулерге сыни талдау жасау және тарихнаманың қоғамдық-гуманитарлық білім жүйесіндегі маңызын бағалау.

Тарихи оқиғалардың имитациялық үлгілерін компьютерлік модельдеу және тарихи-мәдени, өлкелік мекемелердің, ұйымдарға қатысты аспектілерін ақпараттық қолдау;

Тарих ғылымындағы тенденциялар мен ғылыми мектептердің дамуындағы тарихнамалық үрдістерді бағалау; тарихи шынайылықты бағалау және сипаттау үшін тарихи дереккөздерді қайта қарау;

Әлеуметтік-этикалық құндылықтары мен қоғамдық-құқықтық қатынастардың жеке адамның жалпы мәдениеті мен әлеуметтенуіне ықпал етуін түсіндіру, әртүрлі әлеуметтік-экономикалық, саяси және төтенше жағдайлар кезінде, әлеуметтік маңызды проблемалар мен процестерге талдау жасау, қоғамдардың жалпы тарихи даму логикасын ашу;

Қоғамның эволюциялық дамуындағы экономикалық, саяси, әлеуметтік және мәдени процестерді түсіндіру; Еуропа, Америка және Орталық Азия елдерінің ежелгі, ортағасырлық, жаңа, қазіргі заманғы тарихының тарихи үдерістерін талдау және тарихи оқиғалардың аймақтық және локалды ерекшеліктерінің байланыстарын белгілеу;

Мемлекеттік және жергілікті басқару органдарының шешімдер қабылдау үшін тарихи контексті ескере отырып, аналитикалық ақпаратты бағалау; ақпараттық-аналитикалық орталықтардың, қоғамдық және саяси ұйымдардың, бұқаралық ақпарат құралдарының тарихи және әлеуметтік-саяси аспектілерін дамыту; мәдени және білім беру жобаларын әзірлеу және енгізу;

Тарихтағы әдістемелік тәсілдердің мазмұнын негіздеу, ең маңызды құбылыстардың мазмұны мен заңдарын, ежелгі, ортағасырлық, жаңа және қазіргі заман тарихи кезеңдерін талдау;

Әріптестермен және басқармамен кәсіби қарым-қатынас орнату; өздерінің кәсіби мақсаттарында әлеуметтану, экономика, психология бойынша сабақтас ғылымдар туралы мәліметтерді пайдалану; жаңа ақпараттық технологияларды меңгеру, стандартты емес жағдайларға бейімделу, командада жұмыс істеу.

Мекемелер мен бірлестіктер қызметіне тарихи-мәдени және өлкетанушлық аспектілермен ақпараттық қамтамасыз етуді әзірлеу, аймақтың тарихи-мәдени және табиғи әлеуетін анықтауда қолданылатын тәсілдер, тарихи ескерткіштерді сақтау мен заңнамалық қорғау негізін білу;

Тарих саласындағы тұжырымдамалық және терминологиялық аппараттарды пайдалану, тарихи дереккөздермен жұмыс істеуде қосалқы тарихи пәндердің әдістері; теориялардың мәнін айшықтау; тарихи білім және тарихи үдеріс, тарих ғылымының әдістерінің мәнін түсіну;

Білім берудің негізгі мақсаттарын табысты шешудің әдістемелік шарттарын анықтау, оқыту тұжырымдамасын әзірлеу және дайындау және нәтижеге жету бойынша топтың жұмысын ұйымдастыру;

Әлеуметтік-мәдени жобалар бойынша сараптамалық пікір қалыптастыру және тарихи байланысты талдау, әлеуметтік-экономикалық контексті ақпараттарды талдау және құрылымдаудың түрлі әдістерін қолдану;

Тарихи оқиғаларды сипаттауда дереккөздерді (материалдық, жазбаша) талдаудың жалпы және нақты әдістерін анықтау; ұлттық және әлемдік тарихтың ортақ оқиғалары мен себептерін сыни түрде бағалау; аймақтың, елдердің тарихи дамуындағы негізгі үдерістерді айқындау;