6B02210 Археология в Әл-Фараби атындағы Қазақ ұлттық университеті

Мақсаты - заңдылықтарды, тұжырымдамаларды, кәсіби қызметті ғылыми зерттеуді ұйымдастыру мен басқарудың ерекшеліктерін қолдану дағдыларын қалыптастыру. Пән қазіргі ғылыми әдістемеге сәйкес ғылыми зерттеулерді ұйымдастыруды жоспарлау дағдыларын; ғылыми әзірлемелер, ғылыми байланыстар мүмкіндігі, әр түрлі деңгейдегі ғылыми гранттарға өтінім беруге, ақпараттарды іздеу тәртібінің дағдыларын қалыптастыруға бағытталған.

Пәннің мақсаты: Сыбайлас жемқорлыққа қарсы заңнама нормаларын жетік білетін, құқық қолдану тәжірибесінде қолдана алатын, сыбайлас жемқорлықты дұрыс саралайтын жоғары білікті мамандарды, сыбайлас жемқорлыққа қарсы мәдениетті қалыптастыру. Оқытылатын болады: сыбайлас жемқорлыққа қарсы заңнама, сыбайлас жемқорлыққа қарсы іс-қимыл субъектілерінің жүйесі, жемқорлыққа ықпал ететін жағдайлар, оған қарсы саясат, жемқорлыққа қарсы күрестің халықаралық тәжірибесі.

Пән мақсаты: дүниежүзілік тарихтың түпкілікті мәселелері, тарихи үдерістің заңдылықтары туралы білімдерін қалыптастыру. Студенттер археологияның қалыптасу тарихын, оның салаларын, көрнекті археологтардың зерттеу әдістерін және тарихтағы ірі археологиялық ашылулар туралы білім алады. Пәнді оқу барысында келесі аспектілер қарастырылады: археология заты, оның мақсат-міндеттері; археология ғылымының дамуы; археологиялық зерттеу әдістерінің негізгі әдістері; археология және жаратылыстану пәндері арасындағы байланыс.

Пәннің мақсаты - болашақ мамандардың кәсіби білімін, түсінігін, қабілетін елдің ынтымағы мен бірлігін нығайту, қоғамның интеллектуалдық әлеуетін арттыру мақсатында қолдану құзіреттілігін қалыптастыру. Қарастырылатын мәселелер:Абай ілімі туралы түсінік; Абай ілімінің қайнар көздері; Абай ілімінің құрамдас бөлімдері; Абай ілімінің категориялары; Абай ілімінің өлшеу құралдары; Абай ілімінің мәні мен маңызы.

Мақсаты: экономикалық ойлау тәсілін; коммерциялық іске асырылатын индустриялық-инновациялық жобаларға бағытталуды қалыптастыру үшін қажетті өз бизнесін құрудың теориясы мен практикасы саласында базалық білімдерді қалыптастыру. Кәсіпкерлік, шағын және орта бизнестің ішкі және сыртқы ортасының негізгі шарттары; мемлекеттік реттеу және мемлекеттің кәсіпкерлік орта үшін рөлі мәселелері қарастырылады.

Пәннің мақсаты тірі организмдердің тіршілік ету ортасымен өзара әрекеттесу заңдылықтары, биосфераның жұмыс істеуі, зиянды, зақымдайтын факторлардан адам өмірінің қауіпсіздігін қамтамасыз ету негіздері, қауіптерден қорғау тәсілдері, авариялар, апаттар, табиғи апаттар салдарын жою жөніндегі іс-шаралар, қоршаған ортаны қорғау және табиғатты ұтымды пайдалану туралы білімді қалыптастыру.

Пәннің мақсаты: студенттердің әлемдік және ұлттық мәдениеттің даму контекстіндегі ұлы түркі ойшылы Әбу Насыр әл-Фарабидің ғылыми және философиялық мұрасы туралы түсініктерді қалыптастыру. Әл-Фараби мұрасының ерекшеліктері және оның түркі философиясының қалыптасуына тигізген әсері; шығыс философиясының Еуропалық Ренессансқа әсер ету сипаты; ұлттық және әлемдік философия тарихының дәстүрлі және қазіргі заманғы мәселелері қарастырылады.

Пәннің негізгі мақсаты – адамзат қоғамының даму заңдылықтарын түсіндіру, оның шаруашылық және қоғамдық қызметтерінің ерте кезеңдегі дамуын объективті-тарихи түрде қалыптастыру. Пәнді оқу барысында келесі аспектілер қарастырылады: антропологиялық, этнографиялық, археологиялық деректер бойынша адамзаттың даму тарихын зерттеу.

Пәннің мақсаты: студенттерді қола дәуірінің археологиялық ескерткіштері мен мәдениеттерімен таныстыру. Пәнді оқыту кезінде келесі аспектілер қарастырылады: Қола дәуірі кезіндегі Еуразия. Кезеңдеу мен мерзімдеу мәселелері. Қола дәуірі өнері. Қола дәуірі кезінде Еуразия территориясын мекендеген тайпалардың локалді мерзімдік ерекшеліктері. Еуразия мен көршілес аймақтардағы қола дәуірі мәдениеттерінің ұқсастықтары мен айырмашылықтары мәселелері.

Пәннің мақсаты - студенттердің тас ғасырына тән археологиялық мәдениеттер мен ескерткіштердің пайда болған кезеңдерін, сол дәуірде пайда болған археологиялық мәдениеттер мен ескерткіштер туралы көз-қарастарын қалыптастыру. Пәнді оқу барысында келесі аспектілер қарастырылады: Тас ғасырының кезеңделуі мен хронологиясы. Кезеңнің зерттелу тарихы мен маңызды ашылулары. Тас ғасырының мәдениеттері мен археологиялық ескерткіштері.

Оқытылып отырылған пән Қазақстан тарихының ежелгі дәуірден ортағасырларға дейінгі кезеңін қамтиды. Тас ғасыры, қола, ерте темір дәуірі, сақ, үйсін, қаңлы, ғұндар тарихы, сонымен қатар Түркі қағанатының құрылуынан бастап қазақ хандығының құрылуы кезеңіне дейінгі тарихи дәуір қамтылады.Қазақстан территоориясындағы тарихи оқиғалар көршілес халықтар тарихымен тығыз байланыста қарастырылады. Әлеуметтік-саяси өзгерістердің тарихи шарттылығын білу;

Пәннің мақсаты: археологиялық деректер негізінде Еуразия кеңістігіндегі ортағасырлық археологиялық ескерткіштерді зерттеуге дағдыландыру. Пәнді оқыту кезінде келесі аспектілер қарастырылады: Еуразия ортағасыр археологиясының зерттелу мәселелері. V-VIII ғғ. Орта Азия мен Шығыс Еуропаның көшпелілері. Ортағасырлық Алтай мен Сібір. Ежелгі хакас археологиясы. Шу, Талас бойындағы ортағасырлық қалалар.

Пәннің мақсаты: студенттердің антикалық дәуір тарихы туралы түсініктерін қалыптастыру: тайпалардың шаруашылығы, тұрмысы, өнері. Сонымен қатар, археологиялық мәдениеттері және кезеңдеу мәселелерін саралауға дағдыларын қалыптастыру. Пәнді оқыту кезінде келесі аспектілер қарастырылады: Антика дәуірінің зерттелу тарихы. Гальштат тарихи-мәдени қауымдастығы. Аппенин түбегінің ерте темір дәуірі.

Пәннің мақсаты студенттердің музейтану және музейлерді жіктеу саласындағы негізгі ұғымдары туралы білімдерін, музейдегі ғылыми жұмыс типтері мен негізгі түрлерін, құрылымын, музейлік экспозицияларды құру ерекшеліктерін және мазмұнын, музейлердің қызметіндегі мәдени-білім берудің мәні мен ерекшелігін қалыптастыру болып табылады.

Пәнді оқытудың мақсаты: гуманитарлық бейіндегі студенттерді физикалық антропологияның тарих ғылымымен сабақтастығы мен негізгі жетістіктерімен таныстыру. Оқу барысында білім алушы адамзат қоғамының биологиялық және әлеуметтік компоненттерінің негізінде тұратын антропологиялық және этнологиялық пәндерді зерттеудің кешенді тәсілдері туралы білім алады. Пән физикалық антропология мен адам эволюциясының негізгі бағыттары бойынша білімдерді қалыптастырады.

Пәннің мақсаты студенттерге археологиялық және этнографиялық материалдарды консервациялау және қалпына келтіру туралы түсініктерді мәдени мұраның түпнұсқалығы қағидасы негізінде түсіндіру, қалпына келтіру қызметінің тарихын білу. Пәнді оқыту кезінде келесі аспектілер қарастырылады: Заманауи реставрацияның түрлері мен бағыттары. Керамикалық бұйымдар реставрациясы. Архитектуралық ескерткіштерді реставрациялау және консервациялау. Ағаш бұйымдар реставрациясы.

Пәннің мақсаты - археологиядағы қыш өндірісін зерттеу мәселелері туралы түсінік қалыптастыру, қыш бұйымдарын зерттеу әдістерін, ежелгі қыш өндірісінің технологияларын, мерзімдеудің өзекті мәселелерін және далалық жағдайда қыш бұйымдармен жұмыс істеу әдістерін қарастыру. Пәнді оқыту кезінде келесі аспектілер қарастырылады: Зерттелу деңгейі, қыш жасау технологиялары, қыш бұйымдарының уақытын анықтау мәселелері, далалық және камералдық жағдайдағы керамикамен жұмыс істеу, реставрация және консервация.

Пәннің мақсаты: алғашқы адамдардың тіршілік ету ортасы, флора, фауна және көне табиғатты зерттеу әдістері туралы түсінік қалыптастыру. Пәнді оқу барысында келесі аспектілер қарастырылады: палеонтология, ежелгі ағзалар, экологиялық факторлар, ландшафт, ежелгі қоғамдарды қайта қалпына келтіру, тафономия.

Пән мақсаты: жер бетінің тұтас, жекелеген аумақтары мен учаскелерінің картографиялық кескінін топографиялық-геодезиялық қамсыздандыру туралы ой қалыптастыру. Пәнді оқытуда келесі аспектілер қарастырылады: топографиялық және тақырыптық карталарды құрастыру мен жаңарту; ҚР мемлекеттік геодезиялық жүйесі; Картографиялық шығармалардың түрлері; Географияда қолданылатын координаталар жүйесі.

Курстың барысында маңызды мақсат әлем елдерінің тарихи дамуын оқыту болып табылады. Оқыту барысында басты тарихи оқиғалар олардың себептері мен жүргізулері қазіргі халықаралық системаның даму тенденцияларын маңызы оқытылады. - маңызды тарихи оқиғалар мен олардың себептерін білу, -әлеуметтік саяси ауысу кезіндегі тарихи шарттарды білу.

Пәннің мақсаты - студенттердің өлкетану жұмыстарын өз бетінше орындау дағдыларын қалыптастыру. Келесі мәселелер қарастырылатын болады: өлкетану тарихы, өлкетану ғалымдарының өлкені археологиялық, этнографиялық, жаратылыстану тарихын зерттеуге, тарихи-мәдени мұраны сақтауға, алғашқы музей қорларын құруға қосқан үлесі. республика аумағы; ең көрнекті өлкетанушылардың тұлғалары мен қызметі.

Пәннің мақсаты: этностың рөлі мен маңыздылығын, әлем халықтарының дәстүрлі өмір салтының этномәдени ерекшеліктерін, этникалық қауымдастықтар және олардың мәдениетке қосқан үлесін бағалау қабілетін қалыптастыру. Пәнді оқу кезінде келесі аспектілер қарастырылады: әлемнің этникалық көрінісі, антропологиялық, тілдік және шаруашылық-мәдени жіктелуі, этногенез және этникалық тарих, әлем халықтарының дәстүрлі және қазіргі заманғы мәдениетінің сипаттамасы.

Пәннің мақсаты: Ұлы Жібек жолы бойында қалыптасқан мәдениет пен өркениет туралы, тармақтары жайында білімдерін қалыптастыру. Пәнді оқыту барысында келесі аспектілер қарастырылады: Ерте ортағасырлық мемлекеттердің зерттелу тарихы. Түрік қағанаты. Ұлы Жібек Жолы бойындағы ортағасырлық қалалар. Оңтүстік Қазақстан және Жетісу ортағасырлық қалалары. Керуен сарайлар.

Мақсаты: жер бетіндегі тіршіліктің пайда болуы мен дамуын және органикалық Әлем эволюциясының негізгі кезеңдерін зерттеу. Пәнді оқу кезінде келесі аспектілер қарастырылады: геологиялық жас туралы түсінік, шөгінді, магмалық және метаморфтық жыныстардың салыстырмалы жасын анықтау әдістері, халықаралық геохронологиялық (стратиграфиялық) шкала, жердің геологиялық жасы.

Пәннің мақсаты - студенттерде Қазақстанның ерте темір дәуірінің зерттелу тарихын білуді, негізгі археологиялық мәдениеттерді саралауды, кезеңделу мәселелерін талдауды және ерте темір дәуірі жұртшылығының шаруашылығы мен тұрмысы, өнері мен идеологиялық көзқарастары туралы білімді қалыптастырады. Пәнді оқыту кезінде келесі аспектілер қарастырылады: Қазақстанның ерте темір дәуірінің зерттелу тарихы. Сақ-скиф кезеңі. Ғұн-сармат кезеңі. Майемер мәдениеті. Тасмола мәдениеті.

Пәннің мақсаты студенттердің мәтіндік жазбаларды зерттеу тарихы, монета тарихы туралы түсініктерін қалыптастыру. Пәнді оқу кезінде келесі аспектілер қарастырылады: мәтіндік жазуларды жіктеу және зерттеу, ескерткіштерді мерзімдеу, монета ісінің тарихы, нумизматикалық материалмен жұмыс істеу әдістері.

Пәннің мақсаты археология аясында материалдық іздер мен заттарды зерттеу кезінде студенттердің трасология саласында арнайы білімдерін, ғылыми-әзірленген әдістемелер мен техникалық құралдарды қолданудағы біліктері мен дағдыларын қалыптастыру болып табылады. Пәнді оқу кезінде білім алушы трасологияның міндеттері, ғылыми негіздері мен әдістері, трасологиялық сәйкестендіру сараптамасы әдістемесінің негізгі ережелері, керамиканы трасологиялық сараптау туралы білім алады.

Пәннің мақсаты – қола дәуiрi заманында Қазақстан жерiн мекендеген тұрғындардың шаруашылығы, материалдық және рухани мәдениетiн оқып үйрету. Қола дәуiрiнiң қоғамдық-экономикалық қатынастарын түсiне бiлу және қола дәуiрi мәдениетінің теоретикалық мәселелерін меңгеру. Пәнді оқыту барысында келесі аспектілер қарастырылады: Қазақстан қола дәуірінің жерлеу ғұрпы. Қола дәуірі ескерткіштерінің түрлері. Қазақстан қола дәуірінің зерттелу тарихы.

Пән мақсаты: жартас бетіндегі суреттер және олардың салыну уақыты мен гегографиялық орналасу ерекшеліктері туралы ой қалыптастыру. Осы пәнді оқыту аясында Қазақстан мен Еуразия аумағында кеңінен таралған жартас бетіндегі суреттер туралы түсінік беріледі. Пәнді оқыту барысында келесі аспектілер қарастырылады: Қазақстан петороглифтерінің зерттелу тарихы; әр түрлі уақыт аралықтарына жататын петроглифтер ерекшеліктері; жартас бетіндегі суреттерді салыну техникасы мен күрделілігіне қарай ажырату.

Пәннің мақсаты ежелгі тайпалардың нанымдары мен сенімдері және олардың археологиялық артефактілерді зерттеудегі рөлі туралы түсінік беру. Пәнді оқу кезінде келесі аспектілер қарастырылады: ежелгі тайпалардың әдет-ғұрыптары, ежелгі наным-сенімдер, рәсімдер, архитектуралық діни кешендер, ислам археологиясы, інжіл археологиясы.

Пәннің мақсаты: археологиялық зерттеулер жүргізу барысында заманауи технологияларды пайдалану туралы білімді қалыптастыру болып табылады. Пәнді оқу кезінде келесі аспектілер қарастырылады: географиялық ақпараттық жүйе, аэрофототүсірілім, цифрлық карталар, 3D модельдеу, виртуалды шындық, спутниктік түсірілім.

Пәннің мақсаты қазақ және басқа да көршілес этностардың ежелгі және ортағасырлық монументалдық өнері мен архитектурасы, ауданның әлеуметтік- мәдени өміріндегі ролі туралы негізгі түсінік беру. Пәнді оқыту кезінде келесі аспектілер қарастырылады: Ежелгі және ортағасырлық Орталық Азияның зерттелу тарихы. Самарқанд, Бұқара, Хиуа, Шахрисабз архитектуралық ескерткіштері, Орталық Азиядағы архитектура және қала салу ісі.

Қазіргі заманғы зерттеу тәсілдерін сипаттау және талдау мақсатында археология проблемалары бойынша пәнаралық білімді зерттеу процесіне интеграциялау; қоғамдағы сыпайы және толерантты өзара іс-қимылға, ғылым проблемаларын шешу үшін әлеуметтік өзара іс-қимыл мен ынтымақтастыққа дайын болу; Қазақстанның тарихи дамуының негізгі кезеңдерін, заңдылықтары мен өзіндік ерекшелігін терең түсіну және ғылыми талдау негізінде азаматтық ұстаным таныту;

Археологиядағы трасологиялық, геологиялық, геодезиялық, археометриялық, сандық әдістерді сипаттау; археологиялық зерттеудегі социологиялық, саяси, экологиялық процестердің рөлін түсіндіру.

Зертханалық-камералдық жұмыстарды жүргізу кезінде пәнаралық зерттеулердің әдістерін пайдалану

Археологиялық зерттеудің негізгі әдістерін сипаттау; археологиялық мәдениеттердің ерекшеліктерін, қалыптасу процесі және ыдырау немесе өркендеу себептерін түсіндіру

Идеялық-тақырыптық мазмұн тұрғысынан әдебиеттерге кешенді талдау жүргізу, шетелдік ғалымдардың ғылыми әдебиеттерін пайдалану және салыстырмалы талдау жасау

Шетелдік археологиялық мектептер туралы ой қалыптастыру, шетелдік мемлекеттердегі археологиялық ғылымның даму тарихын жүйелі бағалай алу

Зертханалық-камералдық жұмыстарды жүргізе алу; археологиялық қазба жұмыстар кезінде табылған керамика фрагменттеріне трасологиялық сараптама жасай алу

Түрі, құрылысы, кезеңдік ерекшеліктері негізінде ғұрыптық жерлеу ескерткіштерін талдауды жүзеге асыру; тұрмыстық, әскери заттар, жерлеу-ғұрыптық рәсімдер негізінде ескерткіштердің мәдени тиесілігін анықтау

Шетелдік ғылыми әдебиеттерді сараптау қабілеттерін көрсете алу, теориялық, процессуалдық, постпроцессуалдық археологияның қалыптасу кезеңін сараптау

Далалық зерттеу жұмыстары кезінде археологиялық барлау немесе қазба жұмыстарын жүргізу әдістері бойынша білімді пайдалану; археологиялық табылымдарды негіздей отырып, адамның шығу тегі туралы негізгі теорияларды сипаттау

Еуропа және Азия елдерінде археологиялық қазба жүргізу әдістерін жіктеу, қазба жүргізу әдістері және археологиялық ескерткіштерді реставрациялау мен консервациялау тәсілдерін саралау

Ежелгі және ортағасырлық тайпалардың рухани және материалдық мәдениетінің фактілеріне қатысты ғылыми пікірталас жүргізе алу, ғылыми ойлау қабілеттерін көрсету