6B05108 Биомедицина в Әл-Фараби атындағы Қазақ ұлттық университеті

ППәннің мақсаты-өсімдіктер мен жануарлардың биоалуантүрлілігінің маңызды құрылымдық ерекшеліктері туралы түсінік қалыптастыру. Нәтижесінде студент табиғаттағы өсімдіктер биоалуантүрлілігінің морфологиялық ерекшеліктерін сипаттай алады, өсімдіктер биоалуантүрлілігінің теориялық және практикалық маңыздылығын, басқа жаратылыстану ғылымдарымен өзара байланысын анықтай алады, жануарлар әлемінің әртүрлілігін, қарым-қатынасын және экологиясын анықтай алады, жануарлар әлемінің негізгі өкілдерінің экономикалық маңыздылығын бағалай алады

Пән мақсаты - студенттердің зат құрылысы туралы заманауи мәліметтерді пайдалана отырып, химиялық қосылыстардың құрамы, құрылысы және қасиеттері арасындағы бір бірімен байланысты сыни тұрғыдан бағалау мүмкіндігін қалыптастыру,бейорганикалық және органикалық қосылыстардың физика-химиялық қасиеттерін анықтаудың тәжірибелік әдістерін қолдану дағдыларын қалыптастыру.Пәнді оқытуда атом құрылысы,химиялық байланыс табиғаты,ерітінділер теориясы,химиялық реакциялар түрлері қарастырылады.

Пәннің мақсаты тірі организмдердің тіршілік ету ортасымен өзара әрекеттесу заңдылықтары, биосфераның жұмыс істеуі, зиянды, зақымдайтын факторлардан адам өмірінің қауіпсіздігін қамтамасыз ету негіздері, қауіптерден қорғау тәсілдері, авариялар, апаттар, табиғи апаттар салдарын жою жөніндегі іс-шаралар, қоршаған ортаны қорғау және табиғатты ұтымды пайдалану туралы білімді қалыптастыру.

Пәннің мақсаты: студенттердің әлемдік және ұлттық мәдениеттің даму контекстіндегі ұлы түркі ойшылы Әбу Насыр әл-Фарабидің ғылыми және философиялық мұрасы туралы түсініктерді қалыптастыру. Әл-Фараби мұрасының ерекшеліктері және оның түркі философиясының қалыптасуына тигізген әсері; шығыс философиясының Еуропалық Ренессансқа әсер ету сипаты; ұлттық және әлемдік философия тарихының дәстүрлі және қазіргі заманғы мәселелері қарастырылады.

Мақсаты - заңдылықтарды, тұжырымдамаларды, кәсіби қызметті ғылыми зерттеуді ұйымдастыру мен басқарудың ерекшеліктерін қолдану дағдыларын қалыптастыру. Пән қазіргі ғылыми әдістемеге сәйкес ғылыми зерттеулерді ұйымдастыруды жоспарлау дағдыларын; ғылыми әзірлемелер, ғылыми байланыстар мүмкіндігі, әр түрлі деңгейдегі ғылыми гранттарға өтінім беруге, ақпараттарды іздеу тәртібінің дағдыларын қалыптастыруға бағытталған.

Пәннің мақсаты: Сыбайлас жемқорлыққа қарсы заңнама нормаларын жетік білетін, құқық қолдану тәжірибесінде қолдана алатын, сыбайлас жемқорлықты дұрыс саралайтын жоғары білікті мамандарды, сыбайлас жемқорлыққа қарсы мәдениетті қалыптастыру. Оқытылатын болады: сыбайлас жемқорлыққа қарсы заңнама, сыбайлас жемқорлыққа қарсы іс-қимыл субъектілерінің жүйесі, жемқорлыққа ықпал ететін жағдайлар, оған қарсы саясат, жемқорлыққа қарсы күрестің халықаралық тәжірибесі.

Пәннің мақсаты - болашақ мамандардың кәсіби білімін, түсінігін, қабілетін елдің ынтымағы мен бірлігін нығайту, қоғамның интеллектуалдық әлеуетін арттыру мақсатында қолдану құзіреттілігін қалыптастыру. Қарастырылатын мәселелер:Абай ілімі туралы түсінік; Абай ілімінің қайнар көздері; Абай ілімінің құрамдас бөлімдері; Абай ілімінің категориялары; Абай ілімінің өлшеу құралдары; Абай ілімінің мәні мен маңызы.

Мақсаты: экономикалық ойлау тәсілін; коммерциялық іске асырылатын индустриялық-инновациялық жобаларға бағытталуды қалыптастыру үшін қажетті өз бизнесін құрудың теориясы мен практикасы саласында базалық білімдерді қалыптастыру. Кәсіпкерлік, шағын және орта бизнестің ішкі және сыртқы ортасының негізгі шарттары; мемлекеттік реттеу және мемлекеттің кәсіпкерлік орта үшін рөлі мәселелері қарастырылады.

Пәннің мақсаты - адам ағзасының жасушалық, тіндік, ағзалық және жүйелік деңгейлердегі құрылымын зерттеу. Курсты оқу барысында эукариоттық жасушалардың ұйымдастырылуы мен жұмыс істеу принциптері, биологиялық заңдылықтарды ескере отырып, тіндердің, мүшелер мен мүшелер жүйелерінің пайда болуы мен құрылымы, сондай-ақ олардың атқаратын қызметі мен мүшелер құрылымы және формасының өзара тәуелділігін анықтау мәселелері қарастырылады.

Пәннің мақсаты: студенттерде биохимияның іргелі ережелері, биомолекулалардың негізгі кластарының құрылымдық және функционалдық ерекшеліктері туралы тұтас жүйелік түсініктерді қалыптастыру. Клеткалар мен тіндердің химиялық құрамы туралы білімдерін көрсету, заттардың құрылымын түсіндіру, анаболизм және катаболизм реакцияларының ерекшеліктерін түсіндіру, организмдегі биохимиялық процестерді реттеу механизмдерін талдау.

Пәннің мақсаты - студенттерге тірі организмдердің тұқым қуалаушылық және өзгергіштік механизмдері туралы тұтас жүйені қалыптастыру, генетикалық эксперименттердің нәтижелерін талдау және зерттеу нәтижелері бойынша қорытынды жасау, мұрагерлік белгілердің негізгі заңдылықтарын, мұрагерлік түрлерін түсіну, аллельді және аллельді емес гендердің өзара әрекеттесу механизмдерін түсіну, кроссинговер, популяциядағы генетикалық процестердің заңдылықтарын талдау.

Пәннің мақсаты – студенттердің математика мен физиканы практикада қолдану қабілетін қалыптастыру, іргелі физикалық заңдар мен теорияларды түсіндіру болып табылады. Пән жоғары математиканың негіздерін және механика заңдарын, молекулалық физика мен термодинамика, электромагнетизм және оптика, конденсацияланған күй физикасы, атом және ядролық физика тарауларын оқытуға бағытталған.

Мақсаты: студенттердің тіршілік әрекетінің физиологиялық механизмдерін, реттеуші жүйелердің өзара әрекеттесуін, өзгеретін тіршілік ету ортасы жағдайында ағзаның ішкі ортасының тұрақтылығын сақтау механизмдері туралы бағдарлы зерттеу қабілетін қалыптастыру. Адам физиологиясының теориялық және әдіснамалық негіздері; адам ағзасының әртүрлі жүйелері қызметінің жалпы ерекшеліктері; адам ағзасының реттеуші және физиологиялық жүйелерінің жағдайын бағалау мәселелері қарастырылады.

Мақсаты: организм функцияларын гормондық реттеудің теориялық және әдіснамалық негіздерін қалыптастыру, ішкі секреция бездерінің қызметі; олар шығаратын өнімдер (гормондар), олардың пайда болу жолдары және жануарлар мен адам ағзасына әсері туралы білімдерін демонстрациялау. Эндокриндік жүйенің жалпы заңдылықтары мен ерекшеліктері, олардың жеке құрылымдық элементтері және тұтастай организм.

Мақсаты: қан физиологиясы саласында терең теориялық білім мен практикалық дағдыларды түсіну қабілетін қалыптастыру. Пәнді оқу кезінде келесі аспектілер қарастырылады: қанның морфо-физиологиясы, қан түзілудің физиологиялық негіздері, қан ауруларының этиологиясы мен патогенезі, клиникалық көріністер, зерттеудің заманауи диагностикалық әдістері, дифференциалды диагностика, балалар мен ересектердегі қанның негізгі ауруларының алдын алу және емдеу.

Мақсаты: гигиеналық іс-шараларды ұйымдастыру мәселелерін шешуге мүмкіндік беретін санитарлық қадағалаудың заңнамалық базасын игеру үшін әртүрлі жұқпалы аурулардың эпидемиологиялық іс-шараларының теориялық және әдістемелік негіздері және гигиеналық ережелер туралы білім жүйесін қалыптастыру. Халықтың санитариялық-эпидемиологиялық саламаттылығы саласындағы адамның тіршілік ету ортасы факторларының адамға зиянды әсерін жоюға бағытталған бақылау-қадағалау функцияларын жүзеге асыру мәселелері қарастырылады.

Пәннің мақсаты - студенттердің дәрілік заттардың жалпы әсер ету заңдылықтары туралы түсініктерін қалыптастыру, кең таралған ауруларды емдеуге арналған дәрілік өсімдіктерді ұтымды таңдауды және олардың топтамаларын фитотерапияда қолданылуын қамтамасыз ету. Пән фармакология негіздерін, фитотерапияда қолданылатын дәрілік өсімдіктердің негізгі топтарының әсер ету механизмдерін, және емдік әсер ету механизмдерін оқуға бағытталған.

Мақсаты: студенттерде эндокриндік бездердің жұмыс істеу механизмінің теориялық негіздерін және адам ағзасының негізгі процестерін басқарудағы эндокриндік жүйенің үйлестіруші рөлін түсіну қабілетін қалыптастыру. Эндокринологиялық аурулардың этиологиясы мен патогенезі; гормондарды зерттеуде қолданылатын қазіргі биохимиялық, биотехнологиялық, молекулярлық-биологиялық әдістерді, сондай-ақ медицина мен халық шаруашылығындағы заманауи эндокринологияның жетістіктерін игеру қарастырылады.

Пәннің мақсаты - студенттердің микроорганизмдердің Биомедицинада рөлін зерттеу және бағалау қабілетін қалыптастыру және осы микроорганзмдер бөлетін улы заттар; улы химикаттармен улану тұрғысынан биологиялық материалды сапалы және сандық талдау, Курста прокариоттардың ерекшеліктері, микроорганизмдердің негізгі топтарының зат алмасу ерекшеліктері, әртүрлі экотоптарда прокариоттардың таралу ерекшеліктері қарастырылады.

Мақсаты: студенттердің биология мен медицинаның әртүрлі салаларында молекулалық биология туралы білімдерін қолдану қабілетін қалыптастыру. ДНҚ, РНҚ, ақуыздардың құрылымдық-функционалдық ұйымдастырылуы; жасушаның генетикалық құрылымдарының репликациясы, репарациясы, транскрипциясы, трансляция механизмдері; гендердің құрылымы мен экспрессиясын, мутагенезді, рекомбинацияны талдаудың заманауи әдістері; геномның құрылымдық ұйымдастырылуы мен жұмыс істеуін зерттеу әдістері қарастырылады.

Мақсаты: медициналық микробиология туралы білімдерін дамыту қабілеттіліктерін қалыптастыру. Білім беру барысында мына тақырыптар қарастырылады: патогендік микробтардың құрылымы мен маңызды биологиялық қасиеттері, олардың табиғи және әлеуметтік ортаның белгілі бір жағдайларында адам организмімен қарым-қатынасы; микробиологиялық диагностика әдістерін, профилактикалық препараттарды жетілдіру, жұқпалы ауруларды жою және алдын-алу сияқты маңызды мәселелерді шешу.

Мақсаты: адам ағзасының иммундық реакциясының негізгі аспектілерін талдау және түсіну қабілетін қалыптастыру. Адамның филогенезі мен онтогенезіндегі иммундық жүйенің дамуының жалпы принциптерін, иммундық жауаптың эволюциялық қалыптасуы мен күрделенуінің филогенетикалық схемасын зерттеу; нормадағы және патологиядағы иммунологиялық реактивтілік жағдайын зерттеу мен диагностикалаудың заманауи әдістерін зерттеу.

Мақсаты: дәлелді медицина негіздері туралы білім жүйесін, әрі қарай оны практикалық іс-әрекетте ұтымды пайдалану үшін медициналық ақпаратты сыни бағалау және биомедицинада ықтималдық теориясы мен математикалық статистиканың негізгі ұғымдарын пайдалану мүмкіндігін қалыптастыру. Дәлелді медицинаның негізгі ережелері, диагностика, алдын-алу, емдеу және дәлелді биомедицина тұрғысынан аурулардың болжамын жақсарту мәселелері қарастырылады.

Мақсаты: биологиялық және медициналық бейіндегі ғылыми-зерттеу институттарында жұмыс істеуге қабілетті, молекулалық және жасушалық технологиялар, биоинформатика,метаболикалық инженерия,биомедициналық технологиялар саласындағы ғылыми зерттеулер мен технологиялық әзірлемелердің заманауи әдістерін меңгерте отырып, студенттерде молекулалық биомедицина бойынша терең білімді қалыптастыру. Генетикалық және қоршаған орта факторларына байланысты адам ауруларының пайда болуы мен даму механизмдері қарастырылады.

Мақсаты: кәсіби қызметте заманауи биомедициналық технологияларды, аспаптар мен аппараттарды пайдалану қабілетін қалыптастыру. Медициналық электрондық аспаптарды, аппараттар мен жүйелерді жіктеу; диагностика, емдеу, оңалту үшін медициналық-биологиялық ұйымдар жағдайында техникалық құралдарды пайдалану; емдеу мен диагностикалауға арналған құрылғылардағы, ерітінділерді, биологиялық объектілерді талдау процесінде болатын физика-химиялық құбылыстармен танысу қарастырылады.

Мақсаты: студенттердің биологиялық мембраналардың құрылымы мен қызметі, мембраналық процестерді зерттеудің негізгі әдістері туралы идеяларды игеруге бағытталған білім жүйесін қалыптастыру. Курста мембранологияның теориялық негіздері; жасуша мембраналары мен мембраналық ферменттік жүйелердің құрылымы мен жұмыс істеу принциптерінің негізгі заңдылықтары; медициналық диагностика үшін маңызды биомембраналарды зерттеу әдіснамасы; биомембранологияда математикалық модельдеу әдістерін зерттеу қарастырылады.

Мақсаты: радиология және жұқпалы аурулармен күресу бойынша профилактикалық және эпидемияға қарсы іс-шараларды ұйымдастыру, тірі организмдерде жұқпалы, генетикалық және жұқпалы емес аурулардың алдын алуға бағытталған профилактикалық іс-шараларды ұйымдастыру саласындағы теориялық және практикалық білімдерін кәсіби қызметте пайдалана білуді қалыптастыру, жұқпалы аурудың таралуына қарсы тұру, аурудың себебін анықтауға бағытталған диагностикалық шараларды ұйымдастыру, жүргізу.

Мақсаты: орталық жүйке жүйесінің физиологиясының теориялық негіздерін талдай білу, дененің барлық мүшелері мен жүйелерінің қызметін біріктіретін орталық жүйке жүйесінің маңызды құрылымдары туралы түсінік беру. Мыналар зерделенетін болады: нейрондар мен олардың ансамбльдері қызметінің тетіктері, ОЖЖ нейрондарының қозуы мен тежелуі, жүйке талшықтары мен синапстар арқылы қозуды жүргізу, ағзаның мінез-құлқын ұйымдастырудың жалпы қағидаттары.

Мақсаты: студенттердің адам ағзасындағы биофизикалық процестерді, оларды аспаптық зерттеудің принциптері мен әдістерін түсіну қабілеттерін қалыптастыру. Биофизикалық заңдылықтар; организмге физикалық факторлардың әсер ету ерекшеліктері және оларды зерттеу әдістері, болашақ кәсіби қызмет контекстінде ұйымның әртүрлі деңгейлеріндегі биологиялық жүйелерді зерттеуде биофизикалық әдістерді қолдануды қалыптастыру.

Мақсаты: әртүрлі жағдайларда тұтас денеде жүрек-тыныс алу жүйесінің жұмыс істеу механизмдерін талдау қабілетін қалыптастыру. Мынадай мәселелер қарастырылады: қан айналымы және тыныс алу жүйелерінің жалпы морфофункционалды сипаттамалары және олардың ағзаның тіршілік әрекетіндег3 рөлі;жүрек қызметі мен тыныс алуды реттеу тетіктері;жүрек пен қан тамырларының, тыныс алу органдарының құрылысы мен жұмыс істеуінің жас ерекшеліктері.

Мақсаты: қарт және кәрі жастағы адамдарда қартаю процестері және ішкі ағзалар аурулары ағымының ерекшеліктері туралы білім жүйесін қалыптастыру. Курста қартаюдың негізгі теориялары мен механизмдері; ерте қартаюдың негізгі себептері; егде жастағы адамдарда кең таралған аурулардың өршу, нашарлау себептері; гериатриялық практикадағы жалпы синдромдар; медициналық-әлеуметтік қызмет көрсету ерекшеліктері; терапия, оңалту принциптері қарастырылады.

Пәннің мақсаты-студенттер арасында хронобиологиялық процестердің физиологиялық механизмдерін, адам ағзасында болатын әртүрлі циклдік құбылыстарды және олардың уақытша ұйымдастырылу заңдылықтарын, сондай-ақ дәстүрлі емес биомедициналық жағдайларда моральдық-құқықтық шешімдерді іздеу қабілетін, адам ауруларының алдын-алу, диагностикалау және емдеуді жақсарту үшін биоритмдердің заңдылықтарын түсіну қабілетін қалыптастыру.

Зерттеудің биомедициналық әдістерінің рәсімдерін техникалық сауатты орындау және медициналық ұйымдардың емдеу және диагностикалық үй-жайларын санитарлық-гигиеналық өңдеуді жүргізу.

Ғылыми пайымдау, ғылыми пікірталас пен полемиканы жүргізу қабілеттерін көрсете отырып, биологиялық үрдістерге қатысты өз ұстанымын анықтай отырып, командада жұмыс істей білу; биомедициналық білімді тарату және танымал ету.

Қойылған міндетке және оны іске асыру шарттарына сәйкес өз қызметін жоспарлау; өз іс-әрекеттерін бақылау және бағалау, қателіктердің сипатын бағалау және есепке алу негізінде оларды орындауға түзетулер енгізу, оқытуда бастамашылық пен дербестік білдіру.

Тірі табиғатқа жауапкершілікпен қарауды қамтамасыз ететін негізгі биоэтикалық принциптердің, заңнамалық және нормативтік құжаттардың мәнін сақтау, жалпы қабылданған гуманистік, моральдық-адамгершілік нормалар мен мінез-құлық қағидаттарына сәйкес нақты жағдайда шешім қабылдау.

Биомедициналық зерттеулердің нәтижелері негізінде жасушалық, тіндік, ағзалық, жүйелік деңгейлерден бастап ағзаға дейінгі функционалды жағдайды талдау.

Зерттеудің мақсаттары мен әдістерін анықтай отырып, зертханалық зерттеулер үшін эксперименттік қызметті және биологиялық материалды жинауды жүзеге асыру.

Заманауи құралдарды қолдана отырып, биомедициналық бағыттағы ғылыми-зерттеу зертханаларында зерттеулер жүргізу: диагностикалық бейнелеу жабдықтары, электрокардиографтар, электроэнцефалографтар, гематологиялық және биохимиялық анализаторлар, биомедициналық өлшеу техникасы, клиникалық өлшеу техникасы және т. б.

Емдеу барысында асқынулардың алдын алу және ескерту мақсатында халықты дәрі-дәрмекпен қамтамасыз ету үшін фармакологиялық ( өсімдік) препараттарды қолдану қағидаттарын пайдалану.

Ұжымда жұмыс істеу, әлеуметтік, этникалық, конфессиялық және мәдени айырмашылықтарды толерантты түрде қабылдау; философиялық білім негіздерін пайдалану; тәуелсіз қазақстан мемлекетінің қалыптасуының тарихи алғышарттарын және кезеңдерін негіздеу және түсіндіру, экономикалық білім негіздерін тыныс-тіршіліктің әртүрлі салаларында пайдалану; тұлғааралық және өзге де мәселелерді шешу үшін қазақ, орыс және шет тілдерінде ауызша және жазбаша нысанда коммуникацияға мәдениетаралық өзара іс-әрекет.

Әр түрлі жасушалық, тіндік және органикалық құрылымдардың гисто-физиологиялық жағдайын сипаттайтын және организмге қоршаған орта факторларының әсер етуіндегі ауытқулардың сипатын түсіндіретін аспаптық және аппараттық-бағдарламалық құралдарды қолдана отырып, ағзаның функционалды жағдайына дәрігерге дейінгі аспаптық диагностика жүргізу.

Алған білімдері мен іскерліктерін практикалық қызметте және күнделікті өмірде пайдалану: уланудың, вирустық және басқа аурулардың, күйзелістердің, зиянды әдеттердің (темекі шегу, маскүнемдік, нашақорлық) алдын алу шараларын, табиғи ортадағы тәртіп ережелерін сақтау

Экзогендік экологиялық факторларға ұшыраған кезде ағзаның жұмыс істеу механизмдерін анықтау үшін организмнің жасушалық деңгейден жүйелік деңгейге дейінгі функционалды жағдайы туралы зертханалық мәліметтер негізінде қорытынды жасау.