6B01503 Химия в Шымкент университеті

Сапалық анализ жасау арқылы заттың құрамын және қандай заттардан тұратынын анықтайды. Әрекеттесуші массалар заңы. Сапалық анализдің теориялық негізі. Тотығу-тотықсыздану процестері. Аниондар және құрғақ заттарды анализдеу. Концентрлеу және бөлу әдістерін меңгереді.

Осы пәнді игеру нәтижесінде атомның құрылымы мен химиялық байланыс туралы, ерітінділердегі реакциялардың негізгі заңдылықтары туралы қазіргі заманғы идеялар қалыптастырады, алынған теориялық идеялар негізінде студенттер элементтер мен олардың қосылыстарының қасиеттерін талдай біледі, қарапайым және күрделі қосылыстардың құрылымы мен қасиеттерін болжайды

Сандық талдау-заттағы жеке бөліктердің сандық қатынасын анықтау әдістері бойынша Аналитикалық химияның бір саласы. Сандық талдау курсының мақсаты-студенттердің қолданбалы есептерді шешудің жуық әдістерін, қателіктер көздерін және жүйеленген түрдегі нәтижелердің дәлдігі әдістерін түсінуін қалыптастырады.

"Химияны оқыту әдістемесі" студенттердің бойына әдістемелік практикаға бағытталған білім мен дағды жүйесін, химия оқытушысының кәсіби құзыреттілігін қалыптастыру, ұлттық білім беру жүйесінде практикалық қызметке дайындық, қазіргі заманғы химиялық білім беру тұжырымдамасының негізгі ережелері, оның құрылымы, мақсаттары мен міндеттері, базалық және бейіндік компоненттерінің сипаттамалары, химия мұғалімінің әдістемелік тәсілдері туралы түсінік беру.

Экология-тірі организмдердің бір-бірімен және олардың тіршілік ету ортасымен өзара әрекеттесуі туралы ғылым. Бұл әртүрлі деңгейдегі биожүйелердің (популяциялар, қауымдастықтар, экожүйелер) ұйымдастырылуы мен жұмыс істеуін зерттейтін биологиялық ғылым. Экологияның үш бөлімі бар: аутэкология, демэкология, синэкология. Тіршілік қауіпсіздігі-адам қызметінің барлық салаларында адамды қауіпті және зиянды факторлардан қорғау теориясы мен практикасын қамтитын, тіршілік ету ортасында қауіпсіздік пен денсаулықты сақтайтын ғылыми білім саласы.

Түлектерді заманауи энергетикалық материалдардың химиялық технологиясы саласындағы ғылыми-зерттеу қызметіне дайындау, жаңа идеяларды интеграциялау, заттардың қасиеттерін алуға, зерттеуге, өндірістік қондырғылар мен технологиялық схемаларды әзірлеуге және оңтайландыруға байланысты инновациялық мәселелерді шешу үшін табиғи, математикалық және арнайы білім мен дағдыларды қолдану.

Сыбайлас жемқорлыққа қарсы мәдениетті қалыптастырудың тарихи проблемаларын, тұрақтылықтың шығу тегі, себептерін, сыбайлас жемқорлыққа қарсы іс-қимылдың әлеуметтік-экономикалық, құқықтық, мәдени, адамгершілік-этикалық аспектілерін түсіндіру.

Бағалау жəне олардың түрлері, білім беру үдерісіндегі бағалаудың орны мен рөлін анықтайды. Тұлғаға бағытталған оқытудың бағалау жүйесінің ерекшеліктерін, критериалды бағалаудың мəнін, мақсаты мен ұстанымдарын түсіндіреді. Критериалды бағалау бойынша білімді кəсіби іс-əрекетте қолдану жолдары сипаттайды. Оқушылардың оқу жетістіктерін бағалаудың түрлерін (диагностикалық, қалыптастырушы, жиынтық бағалау) ажыратуды талдайды.

Пән болашақ химия мұғалімінің кәсіби дайындығын қалыптастырады. Курс шығармашылық ойлауды дамытуға, студенттердің ғылыми дүниетанымын қалыптастыруға, химияның өмірмен байланысын ашуға, болашақ мұғалімді белсенді педагогикалық іс-әрекетке қажетті білімдер жиынтығымен, практикалық дағдылармен қамтамасыз етуге көмектеседі.

Табиғи ортадағы химиялық айналымды, ластану, алдын алу жолдарын, «Жасыл химияның» принциптерін, қалдықсыз және азқалдықты технологияларды, атмосфера, гидросфера, топырақ ортасында тіршілік ететін организмдердің көптүрлілігін, сақталу жолдарын қарастырады. Химиялық-экологиялық зерттеулерді практикада қолданады, пәнаралық білімдерді интеграциялайды, ақпараттық мәдениет көрсету жолдарын сипаттайды.

Студенттерді қазіргі экономика негіздеріне үйрету, оның ішінде экономикалық қатынастар мен оларға тән заңдарды, ХХ ғасырдың екінші жартысы мен ХХІ ғасырдың басындағы экономикалық дамудың жағдайы мен тенденцияларын зерттеу. Студенттер арасында қазіргі қоғам өмірінің экономикалық заңдылықтары, нарықтық экономиканың дамуындағы түрлі тенденцияларды тудыратын себептер, сондай-ақ оны реттеудің маңызды тетіктері туралы түсінік қалыптастыру.

Ғылыми зерттеу әдістері пәнін меңгерудің мақсаты білім алушылардың өзіндік идеяларын құрылымдық түрде баяндау дағдыларын қалыптастыру, академиялық дискурстың ерекшелігін ескере отырып, әр түрлі ғылыми және ғылыми-ақпараттық дереккөздерімен жұмыс жасау жолдарын меңгереді.

Педагогикалық ғылым мен практикада кәсіпкерлік құзыреттілікті қалыптастыру проблемасының жай-күйін зерттеу, осы негізде студенттердің кәсіпкерлік құзыреттілігін қалыптастыру тенденцияларын анықтау, студенттердің кәсіби қызметінің мазмұны мен сипатын талдау. студенттердің кәсіпкерлік құзыреттілігін қалыптастыру, дамыту, өзін-өзі жүзеге асыру үшін жағдай жасау, кәсіпкерлік құзыреттіліті тиімді қалыптастыруды іске асыратын әдістемелікпен қамтамасыз етуін қалыптастыру

Бұл курста педагогикалық ойдың даму тарихы; педагогиканың негізгі категориялары, функциялары мен әдістері; педагогика ғылымдарының жіктелуі; педагогиканың басқа ғылымдармен өзара байланысы; тұлға және оның дамуы; педагогикалық іс-әрекеттің ерекшеліктері; оқыту теориясы мен әдістемесі; Тәрбие теориясы мен әдістері; заңдылықтар мен принциптер; педагогикалық зерттеулердің әдістері мен әдіснамасы; білім беру жүйесінің мәні мен ерекшеліктері қарастырылады.

Физикалық және коллоидты химия химиялық термодинамика, термохимия, химиялық және химиялық реакциялардың фазалық тепе-теңдігі, жылдамдығы және механизмдері, олардың электр құбылыстары, дисперсті-коллоидты жүйелер мен жер үсті фазаларды бөлу шекарасындағы құбылыстардың негіздерін қалыптастыру.

Биоорганикалық қосылыстардың құрылысы мен химиялық қасиеттері арасындағы байланысты анықтау, орнату, тірі жасушаны жансыз жасушадан ажырататын химиялық үдерістер туралы түсінік қалыптастырады, Биоорганикалық молекулалардың құрылысы мен химиялық қасиеттерін, жіктеу белгілерін, олардың химиялық байланыстарының электрондық құрылымын, орынбасарлардың электрондық әсерлерін, әртүрлі үдерістерде болатын реакциялардың теориялық заңдылықтарын, химиялық реакциялардың мезанизмдерін қалыптастырады.

Органикалық химияның теориялық негіздерін игереді, органикалық молекулалардың құрылымын, олардың реактивтілігін бағалайды, қасиеттері туралы білімге негізделген органикалық реакция механизмдерін түсіндіруде негізгі дағдыларды дамытады, органикалық заттардың химиялық құрылымы теориясын, химиялық байланыс, будандастыру туралы түсініктерді сипаттайды, механизмі туралы білімдерін көрсетеді, сәйкестендірудің спектроскопиялық, хроматографиялық әдісі негізінде органикалық заттардың құрылымын талдау, реагенттердің арақатынасын, реакция өнімінің практикалық шығымын есептеу дағдыларын қалыптастырады.

Курс барысында негізгі кластардағы органикалық заттардың реакцияларына және олардың жекелеген өкілдерінің қасиеттерін, зертханалық жұмыстар жүргізу дағдыларын игереді. Теориялық материал органикалық қосылыстардың әр класына, оның ішінде жалпы сипаттамаға, негізгі реакцияларға және олардың механизмдеріне арналған.

Пән химия пәнінен оқу процесінде жаңа компьютерлік технологияларды практикалық қолдану әдістерін үйретеді, компьютерлік оқыту технологияларының негізгі ұғымдарын ашады, және негізгі мазмұны оқытудың электрондық құралдарын автоматтандыруға арналған технологиялар мен құралдарға арналналады, химияны оқытуда әр түрлі бағдарламаларды қолдана отырып оқыту жүйелерінің компьютерлік технологиясын қолдану әдістерін қарастырады.

Инклюзивті білім беру жүйесінің негізгі ұғымдары, білім беру қызметінде инклюзивті білім берудің ерекшеліктері, инклюзивті білім беру жағдайында оқу-тәрбие процесінде психологиялық-педагогикалық қолдау көрсетудің заманауи моделдері мен оны іске асыруы жолдары қарастырылады.

Реакциялардың жүру механизмін – еркін радикалды, нуклеофильді, электрофильді механизмдерді болжау дағдыларын дамытады, радикалдардың, электрофилдердің, нуклеофилдердің қатысуымен реакция теңдеулерін құруға үйрететеді, химиялық реакциялардың механизмдерін зерттеу логикалық ойлауды, талдайды, жалпылайды, қорытынды жасау қабілеттерін дамытуға ықпал етеді, әлемнің жаратылыстану бейнесін қалыптастырады.

Жасөспірімдердің анатомиялық-физиологиялық, психологиялық ерекшеліктеріне қатысты олардың физиологиялық-психологиялық даму заңдылықтары негізінде оқушылардың қабілеттерін анықтау және дамыту, жеке басын қалыптастыру, денсаулығын сақтау, нығайту мәселелері қарастырылады. Оқушылардың қабілеттерін анықтау, дамыту әдістері мен тәсілдерін қолдану, мұғалім мен оқушы арасындағы қарым-қатынасты нығайту және балалардың денсаулығын қорғау, дене шынықтыру, еңбек тәрбиесі бойынша жұмысты ұйымдастыру дағдыларын қалыптастыру.

Биохимия тірі организмдердің химиялық құрамын, олардың тіршілік әрекетін қамтамасыз ететін химиялық процестерді, биологиялық қосылыстардың құрылымы мен қасиеттерін, ағзадағы химиялық айналуын, оның тіршілік әрекетінің физика-химиялық негіздерін қарастырады. Биохимиялық анализ негіздерін, жүйелі ойлау негізінде білімін практикада қолдану, ізденушілік-зеттеушілік әрекет дағдысын игереді, пәнаралық білімдерді интеграциялауды сипаттайды.

Атомдар мен молекулалардың электронды құрылымының негізгі ережелерін, молекулалық жүйелердің табиғаты мен түрленуін игереді, спектроскопияның түрлерін қолдана білуді, химиялық байланыстар табиғатын, молекуладағы атомдардың кеңістікте бір-біріне салыстырмалы түрде орналасуын, геометриясын, молекуланың ішкі энергиясын оның құрылысына әсерін сипаттауды, химиялық байланыстар теориясын игереді, заттардың қасиеттері мен құрылысының арасындағы байланысты, заттар құрылысын, молекуланың кейбір параметрлерін анықтайды, молекулалық орбитальдарды олардың энергияларын есептеу дағдыларын қалыптастырады.

Көмірсулар, алициклді қосылыстар, бензол қатарының көмірсутектері, олардың классификациясын бензол сақинасындағы электрофильді орынбасу реакцияларының бағыттау ережелерін, бензол қатарындағы альдегидтер, кетондар, карбон қышқылдарын, ароматты аминдер конденсацияланған ароматты көмірсутектер, бес мүшелі, алты мүшелі гетероциклдер, бірнеше гетероатомы бар гетероциклдер, бензоидты емес ароматты жүйелер жайлы студенттерге түсіндіріп меңгертеді.

Химияның рөлі туралы тұтас түсінік қалыптастырады, қоршаған ортаның объектілері мен процестерін түсіндіреді, бейорганикалық қосылыстардың негізгі физикалық, химиялық қасиеттерін, олардың химиялық реакциялардағы әрекетін түсіндіреді, химия өнеркәсібінің дамуы, жаңғырту үшін олардың практикалық маңыздылығын бағалауды үйрететеді, ғылыми-техникалық прогресс үшін химияның теориялық негіздерін қалыптастырады.

Полимерлердің физика-химиялық, физика-механикалық қасиеттері туралы негізгін түсіндіреді, макромолекулалардың құрылымдық ерекшеліктерін, полимер молектулаларының иілу механизмдерін игереді, полимеризация мен поликонденсацияның негізгі процестерін классификациялайды, полимерлердің механикалық қасиеттерін бағалалайды, берілген мономер үшін полимерлеудің оңтайлы түрін таңдайды, химиялық реакциялардан кейін соңғы полимер құрамын айқындайды.

Полимерлердің классификациясы мен номенклатурасын, полимерлердің негізгі түсініктері мен физика-химиялық қасиеттері, полимерлердің өндірісі мен химиялық қайта құрылу процестерінің негізгі әдістерімен заңдылықтарының ерекшеліктерін, аморфты және кристалды полимерлердің агрегаттық, фазалық және физикалық күйлерін қалыптастырады.

Ерітінділер мен коллоидтық жүйелердің пайда болуының негізгі идеяларын, негізгі физикохимиялық қасиеттерін қарастырады, ерітінділер теориясын білуді ескере отырып, химиялық құбылыстар мен олардың заңдылықтарын, сольваттар, гидраттар ұғымын, ерітінділердің қасиеттері туралы ілімді, қаныққан бу қысымының диаграммасын құру дағдыларын, Рауль заңынан оң, теріс ауытқуларды түсіндіреді, изотоникалық коэффициентті, оның диссоциация дәрежесімен байланысын, сұйылтылған ерітінділер, заттың молекулалық массасын анықтау әдістері бойынша дағдыларын қалыптастырады.

Интерактивті әдістер мен оқыту — бұл танымдық іс-әрекетті ұйымдастырудың ерекше формасы, таным процесіне қатысу арқылы, өздері білетін, ойлайтын нәрселерді түсінуге мүмкіндік алады, оқу материалын игеру процесінде өзінің жеке үлесін қосатынын, білім, идея, іс-әрекет әдістерімен алмасатынын түсінеді, бұл жаңа білім алуға ғана емес, сонымен бірге қарым-қатынас дағдыларын дамытуға, басқалардың пікірін тыңдауға, әртүрлі көзқарастарды өлшеуге, бағалауға, пікірталасқа қатысуға, бірлескен шешім әзірлеуге мүмкіндік береді.

Болашақ химия мұғалімдерін химиялық есептерді шешу әдістемесімен таныстыру, орта мектепте химияны оқыту процесінде оқушылардың химия бойынша есептерді шешуін ұйымдастыруға практикалық іскерліктер мен дағдыларды алуға, химиялық мәселелерді шешуге, оларды рәсімдеуге, оқыту нәтижелерін бақылауды жүзеге асыру бойынша біліммен, практикалық, болжамдау және жобалау дағдыларын меңгеруге алынған білімді оқу процесінде - дұрыс қолдануға мүмкіндік береді.

Химия мамандығына қажетті сызықты алгебра және аналитикалық геометрия негіздері, көп айнымалы функциялар, интегралдар, дифференциалдық теңдеулер анықтамаларын, теоремаларын, әдістерін, геометриялық және алгебралық объектілер арасындағы байланысты орнатуды қарастырады, компьютерлік есептеулерде геометриялық объектілерді, анализде математикалық аппаратты және математикалық әдістерді қолдануды қалыптастырады.

Электрохимиялық жүйелерді құрастырады және жұмыс істеу негіздерін, электрохимиядағы өлшеу әдістерін, қолданбалы электрохимияның теориялық негіздерін меңгеруді қалыптастырады, электрохимиялық өндірістің теориялық негіздері, сутегін жинақтайды, сақтайды және тасымалдайды, сондай-ақ отын элементтеріндегі химиялық энергияны электр энергиясына тікелей түрлендіруді қалыптастырады.

Әртүрлі топтардың биологиялық белсенді қосылыстарының құрылымы, молекулалық әсер ету механизмдері, практикалық қолданылуы туралы білім жүйесін қалыптастырады, практикалық дағдыларды алады, биологиялық белсенді заттардың негізгі топтарының химиялық құрылысы, биологиялық белсенділігін, жіктелуін, физиологиялық қызметін сипаттайды, биомолекулалардың тірі ағзалардағы қасиеті, олардың жіктелуі, құрылысы, физиологиялық қызметтері туралы білімдерін көрсететеді, химиялық экспериментті ұйымдастырады, жүргізеді, эксперименттік мәліметтерді өңдейді, топта жұмыс істеу дағдыларын қалыптастырады.

Орташа молекулалардың 2-D және 3-D суреттерін жасауды, молекулалардың қозғалысын, айналуы және масштабталуын, молекулалық құрылымдардың қасиеттерін өлшеуді түсінеді, ішкі жиындарды таңдауды, көрсете біледі, жоғары молекулалық қосылыстармен жұмыс істеуді әрі білім, білік және дағдыны қалыптастырады.

Дәрілер химиясын зерделеу барысында студенттер бейорганикалық және органикалық тектес синтетикалық дәрілер туралы, қосылыстардың негізгі кластары және олардың қасиеттерінің құрылымға тәуелділігі туралы білімдерге ие болуы керек, сонымен қатар қазіргі фармацевтика индустриясы мен медициналық қолдану мәселелері туралы тұтас түсінікті қалыптастырады.

Жалпы ғылым аясындағы қолданылатын әдістер анализ жүргізудің әдістері мен жағдайларын таңдаудың теориялық негіздерін, ең алдымен жүргізіліп жатқан зерттеулердің сенімділігін арттыру, дәлелдер табу, немесе белгілі бір тақырып туралы жаңа идеяларды қалыптастыру үшін қолдануға, жүзеге асырудың кейбір әдістері мета-анализ, ғылыми сынақтар, заман өзгерісіне сай өзгеріп өзіндік пікірді пысықтап, қорытынды шешімді қабылдауға, әдіс-тәсілдерді игеруге, теориялық және практикалық білімді ары қарай ізднене беруін қалыптастыру.

Химия туралы қазіргі заманғы теориялық көзқарасты қалыптастырады, қолдану тәсілдері, әртүрлі табиғи ортада химиялық үдерістерді талдайды, атмосфера, гидросфера, литосферада болатын физика-химиялық процестердің мәнін бағалауды қарастырады, қоршаған ортаны антропогенді химиялық ластаудың негізгі көздерін, ластайтын заттардың миграциясын тасымалдану заңдылығы жайлы түсінік қалыптастырады.

Химияны оқытудағы кәсіби іс-әрекетке негізделген педагогикалық шеберлік пен мәдениетті іс жүзінде дамытады, кәсіби әдептілік нормаларын сақтай отырып, шағын топтарда педагогикалық қарым-қатынасты тиімді ұйымдастырады, жағымды әлеуметтік-психологиялық климатты орнатуға машықтанады, коммуникативтік іс-әрекетті белсенді жүргізеді, өзін-өзі тәрбиелеу, дамыту жолдарын таңдайды, химияны оқыту процесінде мәселелерді сауатты шешеді, педагогтың этикасы мен шеберлігін рефлексиялық талдауды, шығармашылық дамытуды қалыптастырады.

Әр түрлі типтегі реакциялардың жүру заңдылықтарын бағалау қабілеттерін қалыптастырады, химиялық элементтер мен олардың қосылыстарының қасиеттерін периодтық заң мен атомның құрылымы негізінде болжайды, есептер шығару үшін теориялық білімді пайдаланады, координациялық қосылыстар химиясының негіздері, химиялық байланыс пен молекула құрылысы, атом құрылысының кванттық-химиялық теориясын, химияның негізгі түсініктері мен заңдарын қарастырады.

Химия өнеркәсібін салаларын, өндіретін өнімдерін, қазіргі жағдайын, болашағын бағалауды үйренеді, елдің техникалық прогресін, мемлекеттің қорғаныс қабілетін нығайтатынын, қоғамның өмірлік қажеттіліктерін қамтамасыз етуде өте маңызды рөл атқаратындығын ұғындыру, болашақта химия өнеркәсібін дамытуда, құны бар өнімдер мен тауарлардың жаңа түрлерін шығаруда, индустриалды-инновациялық даму бағдарламасына сәйкес экологиялық өндірісті арттыру керектігін қалыптастырады.

Химиялық эксперимент химиялық білімді меңгертуде жетістікке жетудің қажетті жағдайы ғана емес, сонымен бірге химиялық өндіріс технологиясын түсінуге көмектеседі, пәнге деген қызығушылығын арттырады, бақылаушылық, өз бетінше жұмыс жасау, зерттеушілік қабілеттерінің дамуына, теориялық білімін пайдалана отырып, бақылаған құбылысын түсіндіреді, себеп-салдар байланысын орната білу білігінің дамуына әсер етеді, тұлғаның жалпы тәрбиесін, жан-жақты дамуын қалыптастырады.

Пән химиялық мәселелерді сипаттауға және шешуге арналған заманауи физикалық зерттеу әдістерінің теориялық негіздері мен эксперименттік әдістерін игереді, химиялық зерттеулер жүргізуде физико-химиялық әдістердің мүмкіндіктерін, сонымен қатар молекулалардың физикалық параметрлері мен заттардың қасиеттері туралы мәліметтер алу үшін қолдануға мүмкіндік беретін білім мен дағдыны қалыптастырады.

Химия-заттың қасиеттері және оның түрленуі туралы ғылым, ол осы түрленулерді сипаттайтын заңдар мен принциптерді, сондай-ақ оларға түсініктеме беруге мүмкіндік беретін ұғымдар мен теорияларды қалыптастыру.

Химиялық өнеркәсіп өнімдерін пайдалану саласындағы кәсіби құзыреттіліктерін қалыптастырады, химиялық заттар мен материалдардың қоршаған ортаға және адам денсаулығына әсерін зерттейді, өздерінің кәсіби іс-әрекеттерін және өмірлік процестерді түсінеді, оқып үйренеді, оларды қолдана біледі ұйымдастырады.

Эксперименттік, спектрлік, құрылымдық, химиялық-кинетикалық , термодинамикалық деректерді интерпретациялау, болжау үшін кванттық химия әдістерін қолдану дағдыларын меңгереді, химиялық қосылыстардың қасиеттерін, құрылысын, химиялық реакциялардың кинетикасын, механизмін, реакциялық қабілетін кванттық механика негізінде сипаттауды, химиялық байланыстар, химиялық реакцияның квантты теориясын, реакциялық қабілетін түсінеді, жуықтап есептеу тәсілдерін қолдана отырып, химиялық жүйелерде процестерді сипаттайтын айқын шешім теңдеулерін табу дағдыларын қалыптастырады.

Химия ғылымының базалық идеялары мен заманауи әдістер жүйесіне негізделген білімі мен түсініктерін көрсете білу

Оқушының тұлғалық дамуын қалыптастыру мен өзінің кәсіби деңгейін көтеру мақсатында өмір бойы білім алуға дағдыландырады;

ғылымның қазіргі жай-күйін және өзгеріп отыратын әлеуметтік жағдайды ескереді, жинақталған тәжірибені асыра бағалай алу, ғылыми зерттеулердің әдістерін және академиялық хатты біледі және оларды оқытатын салада зерттейді;

Зерттеу мақсаттарын сауатты түрде қойып оны орындау, ғылыми негізделген шешімдерді қабылдай білу, педагогикалық экперименттің нәтижелерін есепке алып алынған қорытындыларды нақты түрде талдай алады;

критериалды бағалаудың, диагностикалаудың, қысқа мерзімді сабақ жоспарын жасаудың технологияларын талқылайды

Химиялық заңдылықтар мен тұжырымдарды дәлелдеу мен ой-қорытулар жасауда, мәселелерді шешуде сыни тұрғыдан қарау және жүйелі ойлау негізінде білімін практикада қолданады;

Пәнді оқытуда АКТ-ны және цифрлық білім ресурстарын пайдаланады;

пәннің нақты өмірдегі, ғылымдар жүйесіндегі орны мен рөлін дәйектей біледі;

инновациялық технологияларды оқытудың мақсат-міндеттеріне және оқушылардың дара ерекшеліктеріне сәйкес жіктейді, инновациялық білім беру технологиялары мен пәндердің пәндік мазмұнын біріктіре отырып, заманауи сабақты құрастырады;

академиялық адалдық принциптері мен мәдениетінің маңызын бағалайды.