6B07189 Машина жасау в Қожа Ахмет Ясауи атындағы Халықаралық қазақ-түрік университеті

Пәннің мақсаты механикалық бөлім сұйықтығының кинематикасы, динамикасы,статикасы және динамикасы қарастырылады. Молекулалық физика бойынша газдардың молекулалық–кинетикалық теориясы және термодинамика, электр және магнетизм бөлімі қарастырылады

Пәннің мақсаты - студенттердің математикалық талдаудың негізгі әдістерін, аналитикалық геометрия және сызықтық алгебра элементтерін меңгеру. Логикалық ойлауды дамыту және жоғарғы математиканың абстрактілі ұғымдарымен жұмыс істеу дағдыларын қалыптастыру. Қолданбалы есептерді қою және шешу кезінде жоғары математика әдістерін қолдана білу, алынған сандық нәтижелерді сапалы интерпретациялау

Бұл курс түрік тілінің бастапқы деңгейін оқуға арналған. Курстың мақсаты - "Шет тілін меңгерудің жалпы еуропалық құзыреттеріне" сәйкес студенттердің А1 деңгейінде практикалық дағдыларын қалыптастыру. Курс студенттердің мәдениетаралық және коммуникативтік қарым-қатынасқа дайындығы мен қабілетін дамытуға бағытталған. Пәнді оқу нәтижесінде студент нақты мәселелерді шешуге бағытталған таныс күнделікті сөздер мен қарапайым сөз тіркестерін түсінеді және қолданады.

Бұл курс түрік тілінің жалғастырушы деңгейін үйренуге арналған. Курстың мақсаты - "Шет тілін меңгерудің жалпыеуропалық құзыреттеріне" сәйкес А2 деңгейінде студенттердің практикалық дағдыларын дамыту. Курс студенттердің тілдік деңгейіне байланысты жазбаша (оқылым, жазылым) және тікелей ауызша (айтылым, тыңдалым) коммуникативтік дағдыларын дамытуға бағытталған. Пәнді оқу нәтижесінде студент қарапайым күнделікті тақырыптарда сөйлесе алады, қарапайым жағдайларды сипаттай алады.

Физика ІІ пәні заттың құрылымы мен қасиеттері туралы ілімнің элементтерін,электрондық құрылғылыр (аз токтық және күштік электроника) және оларда өтетін физикалық құбылыстар мен процесстердіжан-жақты қарастырады.Пәнді оқу нәтижесінде білім алушылар заманауи физикалық құрылғылардың жұмыс принципін, ондағы өтетін процесстердің физикасын терең меңгере отырып, алған білімдерін өзінің кәсіби қызметінде қолдана алады.

Пән әртүрлі санаттағы академиялық жұмыстарды (essay, report, etc) оңтайлы жазу үшін қажетті дағдылар мен біліктерді қалыптастырады. Пән білімгерлерге жазбаша сөйлеудің жанрлық, грамматикалық, стилистикалық және пунктуациялық ерекшеліктерін түсіндіріп, академиялық жазба жұмыстарды қатесіз жазу әдістерін үйретеді. Академиялық жазбалар әзірлеуде әлемдік дерек базаларын және ғылыми журналдардың онлайн жүйелерін пайдалану дағдыларын қалыптастырады.

"Математика II" пәнін оқытудың мақсаты - студенттердің іргелі математикалық дайындық деңгейін көтеру, студенттерді көп айнымалылы фунциялардың дифференциалдық және интегралдық есептеуі, метрикалық кеңістіктердің элементтері, жай дифференциалдық теңдеулерді шешу әдістері мен тәсілдері, логикалық және алгоритмдік ойлауды дамыту, теориялық және практикалық есептерді шешуге қажетті математикалық аппараттың негіздерімен таныстыру.

Пән техникалық және конструкторлық құжаттамалардың түрлерімен, конструкторлық құжаттаманы орындау мен ресімдеудің негізгі ережелерімен, заманауи автоматтандырылған бағдарламаларды пайдалана отырып бөлшектердің жұмыс сызбаларын жасау кезінде мемлекеттік стандарттар мен конструкторлық құжаттамалардың бірыңғай жүйесімен таныстырады, техникалық сызбаларды жасауға және талдауға, бөлшектердің эскиздерін сызуға, объектілердің сызбалары түрінде іс жүзінде іске асырылатын графикалық модельдерді, кеңістіктік формаларды талдауды үйретеді.

Бұл курс мамандықтың кәсіби салалары мен түрлерін, машина жасау өндірісінің қазіргі заманғы қоғамдағы мәнін, даму тарихын, машина жасаудың әртүрлі салалары туралы негізгі мәліметтерді қарастырады, машина жасау өндірісі жайлы негізгі ұғымдарды қалыптастырады. Дайындамаларды механикалық өңдеудің және бұйымдарды құрастырудың технологиялық процестері мен әдістерін жетілдіруге ықпал ететін ғылыми-техникалық прогрестің дамуын қарастырады.

Пән электр тізбектері элементтерін, олардың сипаттамаларын, тұрақты, синусоидалды және синусоидалды емес ток тізбектерінің теориясын, екі полюсті және көп полюсті элементтері бар сызықты тізбектерді талдау әдістерін, үшфазалы тізбектердің негізгі ұғымдарын, анықтамаларын және есептеу жолдарын үйретеді.

Пәннің мақсаты ясауилік құндылықтармен таныстыру, жеке, мәдени, кәсіби қатынастарда ғылым, діни төзімділік, адамдар қатынасы, құқығы туралы ясауилік ұстанымдарды қалыптастыру. Пәнді меңгеру нәтижесінде білім алушы ясауи мәдениетінің ерекшелігін бағалап, қоғамдағы әлеуметтік, этикалық, конфессиялық, мәдени ерекшеліктермен салыстыра біледі. Ясауи ілімінің түркі халықтарының ұлттық мәдениеті, діни түсінігіндегі маңыздылығын түсінеді, қоғамдық ынтымақ, бірлікке ұйытқы болатын «хикметтің» ұлт руханиятындағы орнын зерттеп, белсенді кәсіби, әлеуметтік қатынас орнату қабілеттерін қалыптастырады.

Пән адамның өзгермелі жағдайларға бейімделуге қажет икемді дағдыларды қалыптастырады. Курс барысында студенттер көпшілік алдында сөйлеу, презентация жасау, аудиторияның назарын аудру дағдыларын дамытады. Нәтижесінде студент проблемалардың басымдылықтарын анықтап, оларды шешуде креативті ойлауды және тәуекелдерді болжауды үйренеді. Сондай-ақ, студент өз мүдделері мен сұхбаттасушының мүдделері үшін екіжақты ақпарат алмасуды тиімді қамтамасыз ете алады.

Пән алған білімдері мен оларды іс жүзінде қолдану, қаржылық ақпаратты пайдалану арасында тікелей байланыс құру негізінде жеке қауіпсіздік пен қаржылық сауаттылықты ескере отырып, қаржылық шешімдер қабылдау үшін білім алушылардың жауапкершілігін қалыптастыруды көздейді. Сондай-ақ тұтынушының, салымшының, қарыз алушының, акционердің, салық төлеушінің, сақтанушының, қаржы нарығындағы инвестордың әлеуметтік-экономикалық рөлін және пирамидалар мен қаржылық алаяқтықтардан тұтынушылардың қауіпсіз мінез-құлқын тиімді орындау дағдыларын қалыптастырады.

Пән экологиялық танымды қалыптастырады, қоршаған ортаның жай-күйін және қауіпті факторлардың адамға әсер ету дәрежесін бағалау және табиғатты ұтымды пайдалану аспектілерін қолдануды үйретеді. Курс барысында білімгер экологиялық проблемалар бойынша мәліметтерді цифрлық технологияларды қолдана отырып жинауға, оларды сыни көзқараспен талдауға, өз бетінше шешімдер қабылдауға машықтанып, экологиялық қағидаттарды сақтай отырып, командада жұмыс істеу қабілеттілігін қалыптастырады.

Бұл пән студенттердің дүниежүзілік тарихи үдерісте түркі халықтары мен мемлекеттерінің орны мен рөлі туралы біртұтас түсініктерін қалыптастыруға, студенттердің тарихи ақпаратты іздеу, жүйелеу және кешенді зерттеу дағдыларын меңгеруге, өткен мен бүгінгі күннің тарихи процестерінің мән-жайын бағалау, көрсету және түсінуге, ақиқатқа бағдарланған өзіндік ұстанымдарын қалыптастыруға, азаматтық, отаншылдық, ұлттық бірегейлік, ұлтаралық және дінаралық толеранттылық көзқараста тәрбиелеуге бағытталған.

Пән сыбайлас жемқорлыққа қарсы мәдениетті және академиялық адалдықты тарихи, сондай-ақ қазіргі заманғы мәтіндерде қалыптастырады, сыбайлас жемқорлықтың туындауының әмбебап мәнін, табиғатын, орнықтылығының себебін ашады. Білім алушы сыбайлас жемқорлыққа қарсы іс-қимылдың әлеуметтік-экономикалық, құқықтық, мәдени, адамгершілік-этикалық аспектілері бойынша материалдарды цифрлық технологиялар көмегімен жинау, талдау және ситуациялық міндеттерді өз бетінше немесе командада шешу арқылы сыбайлас жемқорлыққа қарсы қызметті дербес ұйымдастыру дағдыларын меңгереді.

Курстың мақсаты - білімгерлерді көшбасшылық табиғатымен, көшбасшылықтың негізгі теорияларымен, елдің жаңғыртуының қазіргі кезеңіндегі көшбасшылық рөлімен; көшбасшылықтың психологиялық аспектілерімен, көшбасшының саяси мінез-құлқын анықтайтын, көшбасшылық имиджін қалыптастыру және насихаттау технологияларымен, маркетинг негіздерімен таныстыру, көшбасшылық қасиеттерді өзін-өзі дамыту дағдыларын үйрету, әрі қарай кәсіби және жеке өсуде, көшбасшылықты дамытудың негізгі үрдістерін оқыту.

Пән тізбектердегі жалпы өтпелі процестерді, қалыптасқан және өтпелі режимдерді есептеу әдістерін үйретеді. Тұрақты және айнымалы токтың сызықты және сызықты емес электрмагниттік тізбектерінің сипаттамасын, электр және магнит өрісі, айнымалы электрмагниттік өрістерді есептеу жолдарын қарастырады.

Пән өзара алмастыру және стандарттау негіздері, бұйымдар сапасы мен олардың өндірісінің өзара алмастырылуымен байланысы, өзара алмастыру қағидаттары, типтік қосылыстарға рұқсат беру және отырғызу жүйесі, білім алушылардың типтік қосылыстарды есептеу және нормалау, отырғызуды жобалау және есептеу, конструкторлық құжаттаманы сауатты ресімдеу бойынша, техникалық міндеттерді шешуде өзара алмастыру әдістерін қолдану бойынша практикалық дағдыларды игеру мақсатында оқытылады.

Пән білім алушыларда Түркияның тарихи дамуы туралы жан-жақты түсінік қалыптастырады, тарихи ақпарат жинау, талдау және жалпылау дағдыларын дамытады, Ататүрік принциптерін ғылыми бағалауды қалыптастырады. Курсты оқу барысында білім алушы дүниежүзілік-тарихи процесс контекстінде Түркия тарихының негізгі заңдылықтары, кезеңдері мен мазмұны туралы білімдер алады, студенттердің шығармашылық қабілетін, пайымдау еркіндігін, Ататүріктің рухани, тарихи-мәдени мұрасын зерттеу, сақтау, қолдану және арттыруға деген қызығушылығын оятады.

Пән экономикалық білімді қалыптастырады, кәсіпкерлік жүргізудің ғылыми негіздерін зерттейді. Кәсіпкерлік іс-әрекетті меңгеру барысында білімгер цифрлық технологияларды қолдана отырып мәліметтерді жинақтайды, бизнестің қыр сырын меңгере отырып, өз бетінше басқарушылық мәселелерді шешеді, алдында тұрған мақсаттарға қол жеткізу дағдыларын қалыптастыру арқылы көшбасшылық қабілетін көрсетеді. Білім алушы кәсіпті жүзеге асыру әдістерімен танысады, бизнесті ұйымдастыру мен басқару шешімдерін қабылдауға дағыдаланады.

Пән механикалық қозғалыстың жалпы заңдылықтарын, материалдық денелердің тепе-теңдігін, механизмдердің құрылымдық, функционалдық жіктелуін, кинематикалық талдау әдістерін, механизмдерді, құрылыстарды, ұшу аппараттарын есептеуді жеңілдететін физика-математикалық әдістер жиынтығына, теориялық механиканың теоремалары мен принциптеріне негізделген көптеген инженерлік міндеттерді шешіп, жаңа машиналар, конструкцияларды жобалау принциптерін қарастырады, механика есептерін шешудің практикалық дағдыларын қалыптастырады.

Пән жаңа өнімдерді, күрделі машиналар мен механизмдерді жобалау кезінде қажетті негізгі мәліметтер базасын құруға арналған компьютерлік бағдарламалық қамтамасыз ету, бағдарламалық қамтамасыз ету типтері мен құрылымымен таныстыру және үш өлшемді компьютерлік модельдеуді қолдана отырып, сызбаларды әзірлеу және редакциялау, жобалауды автоматтандыру үшін әмбебап графикалық жүйелерді қолдану дағдыларын қалыптастыру мақсатында оқытылады.

Пән автоматтандырылған басқару жүйелерін жобалау әдістерін, автоматтандырылған басқару жүйелерін жобалау әдістерін, қазіргі заманғы инженерлік талдау жүйелерін, технологиялық процестерді автоматтандырылған жобалау жүйелерін қолдануды зерттеуге бағытталған. Білім алушы автоматика жүйелерін жобалау саласындағы практикалық дағдыларды, автоматика жүйелерін жобалаудың мемлекеттік стандарттарын меңгереді, автоматика жүйелерін жобалау бойынша нормативтік құжаттарды, мемлекеттік стандарттарды қолдана алады.

Пән механизмдер мен конструкциялардың дайындамалары мен бөлшектерін дайындаудың аддитивті технологиялары туралы, сондай-ақ оларды өңдеудің негізгі түрлеріне арналған аддитивті жабдықтар, аддитивті өндіріс әдістері және қазіргі заманғы аддитивті өндірістің құрылымымен және оның технологиялық процестерімен, аддитивті жабдықтарда заманауи материалдардан бұйымдар жасау әдістерімен танысу мақсатында оқытылады.

Пән конструкциялық металдар мен қорытпалардың құрылымы, негізгі қасиеттері, әртүрлі сыртқы факторлардың әсерінен олардың өзгеру заңдылықтары, конструкциялық материалдардың жіктелуі, олардың қасиеттерін анықтау әдістері, конструкциялық материалдардың технологиясы, металдарды термиялық өңдеу туралы білімді қалыптастыру мақсатында оқытылады және конструкциялық материалдарға қажетті қасиеттерді беру үшін өңдеу режимдерін дұрыс таңдауды үйретеді.

Пән өнеркәсіптік тауарлар мен көрсетілетін қызметтердің сапасын бақылау мен басқарудың статистикалық әдістері, баламалы және сандық белгілер бойынша статистикалық қабылдау бақылауын жүргізу әдістері, жоғары сапалы өнімнің шығарылуын қамтамасыз ететін технологиялық процестерді реттеу саласындағы білімді және стандарттау саласындағы жұмыстарды ұйымдастыру және жүргізу кезінде өнімнің сапасын бақылау әдістері мен басқару жүйелерін іс жүзінде қолдану дағдыларын қалыптастырады.

Пән инженерлік материалдарды өндіру технологиясының негіздерін, аддитивті өндіріске арналған материалдардың жіктелуін, металдар мен қорытпалардың құрылымы мен қасиеттерін, құю қорытпаларының қасиеттерін, құю өндірісінің кезеңдерін, құюдың негізгі әдістерін, қысыммен өңдеудің физикалық негіздерін зерттейді, материалдардың қасиеттерін ескере отырып, материалдарды өңдеу әдістерін практикада қолдануға, материалдардың негізгі параметрлерін өлшеуге және олардың механикалық қасиеттерін бағалауға, материалдарды өңдеу әдістерін таңдауға үйретеді.

Пән машиналардың, жетектердің, жабдықтардың, жүйелердің, технологиялық процестердің математикалық модельдерін әзірлеудің аналитикалық және сандық әдістері, инженерлік процестерді модельдеудің математикалық аппаратын таңдау, өнімді және сипаттамалары берілген талаптарды қанағаттандыратын технологиялық процестерді жобалау негіздері бойынша білімді қалыптастыру және модельдерді математикалық талдау, графиктер мен тәуелділіктерді құру және талдау дағдыларын игеру мақсатында оқытылады.

Пән машина жасау саласында ерекше қасиеттерге ие материалдардың атомды-кристалды құрылысын, сыртқы факторлардың әсерінен материалдардың құрылысы мен қасиеттерінің өзгеру заңдылықтарын, классификациясын, физикалық, механикалық, химиялық, технологиялық қасиеттерін зерттеуге, білім алушыларды металдарды өндіру технологияларын, материалдарды әртүрлі сынақтардан өткізуде қолданылатын жабдықтар мен аспаптарды практикалық тұрғыда меңгертуге бағытталған.

Пән өндірістік процестерді автоматтандыру жүйелерінің жіктелуін, реттеудің негізгі заңдылықтарын, автоматты жүйелер элементтерінің конструкциялары мен жұмыс істеу принципін, технологиялық процестердің параметрлерін автоматты түрде бақылау тәсілдерін, негізгі технологиялық процестерді автоматтандыру схемаларын зерттейді және автоматтандырудың техникалық құралдарын таңдау, пайдалану және қызмет көрсету, автоматты құрылғылар элементтерінің сипаттамаларын зерттеу және талдау дағдыларын қалыптастырады.

Пән машина бөлшектері мен олардың дайындамаларын қалыптастыру әдістерімен, технологиялық әдістерді: металдарды қысыммен өңдеу, құю өндірісі, дәнекерлеу өндірісі, металдарды кесу арқылы өңдеу жолдарын қарастырады, металл емес материалдардан жасалған дайындамаларды және машина бөлшектерін өндіру технологияларымен таныстырады және әр түрлі өңдеу әдістері және оларды практикалық қолдану туралы білім береді, дайындаманың материалына және машиналар өндірісінің талаптарына байланысты дайындамаларды алу әдістерін таңдау дағдыларын қалыптастырады.

Курс білімалушыларға жаңқа пайда болу аймағындағы физико-механикалық құбылыстар туралы жалпы ұғым беру, осы құбылыстардың кесу шарты және режимдерімен функционалдық зандығылығымен таныстыру, болашақ мамандарға кесу процесін меңгерту және өнделген беттерге қойылған техникалық талаптарды қамтамасыз ететін әр түрлі өндеу әдістерін кесу режимінің элементтерінің тандай және есептей білуді үйрету мақсатында оқытылады.

Пән машина жасау бұйымдарына қойылатын талаптарды және олардың механизмдерін құрастыру негіздерін, конструкциялық материалдардың негізгі механикалық сипаттамаларын анықтау әдістерін, беріктікті сынау әдістерін қарастырады, жұмыс қабілеттілігі критерийлері бойынша машина бөлшектері мен тораптарының инженерлік есептеулерін ұсынады және заманауи есептеу техникасын пайдалана отырып, механизмдердің оңтайлы параметрлерін табу және сенімді өлшемін анықтау дағдыларын қалыптастырады.

Пән конструктормен және контроллермен, бағдарламалау ортасымен танысуға, құрастыруға, механизмдерді құруға, әртүрлі есептерді шығару үшін роботтардың үлгілерін әзірлеуге, олардың жасау техникасын бағдарламалауға және роботтар құрастыруға, роботталған жүйелерді модельдеуді, жобалауды, басқаруды, 3D-модельдеудің базалық құралдарын меңгеруге, негізгі алгоритмдермен және датчиктермен жұмыс істей білуге, релелік реттеуішті құру үшін оларды одан әрі қолдануды үйретуге бағытталған.

Курстың мақсаты білімалушыларға металды кесу туралы жалпы мәліметтер беріп, кесіп - өңдеудің технологиялық тәсілі, кесу элементтері, құрал жүзі мен кесіп алынатын қабаттың геометриялық және конструкциялық параметрлері, координаталық жазықтықтар мен координаталық жазықтықтар жүйесі, кесу жылдамдығы, құралдың шыдамдылығы және қоры, кесу жылдамдығы мен шыдамдылық кезеңі арасындағы байланыстарды оқыту болып табылады.

Пән машина конструкциялары мен бөлшектерін беріктікке, қаттылыққа және тұрақтылыққа есептеу саласында базалық білімді қалыптастырады, білім алушылар сенімділік, үнемділік және беріктік талаптарын қанағаттандыра отырып, беріктік, қаттылық және тұрақтылық үшін инженерлік конструкцияларды есептеу әдістерін оқып үйренеді, материалдың қолданылатын жүктемелер мен әсерлерге жойылмай төтеп беру қабілетін зерттейді.

Пән өндірістерді метрологиялық қамтамасыз ету мәселелерін, метрологиялық қызметтердің құрылымын, қызметін, өндірісті метрологиялық қамтамасыз етудің техникалық базасын, өлшеу бірлігін, дәлдікпен қамтамасыз ету әдістерін, метрологиялық дайындау және тексеру жұмыстарын орындауды, олардың нәтижелерін өңдеу мен ресімдеу ережелерін қарастырады.

Пән негізгі және қосалқы технологиялық жабдықтарды ұйымдастыруға және жоспарлауға байланысты талдау және типтік есептеулер негізінде машина жасау кәсіпорнының әртүрлі учаскелерін жобалау, цехтардың механикалық учаскелерін жобалау, жобаланған өндірістің оңтайлы техникалық-экономикалық көрсеткіштерін анықтайтын факторлар және өндірістік ғимараттарда учаскелерді орналастыру бойынша білім мен дағдыларды қалыптастыру мақсатында оқытылады.

Пән білімалушыларға сандық фабриканы құру үшін қолданылатын негізгі технологиялар мен цифрлық шешімдерді, цифрлық технологияларды (заттардың өнеркәсіптік интернеті, жасанды интеллект және машиналық оқыту, робототехника, виртуалды және толықтырылған шындық, аддитивті технологиялар және 3D басып шығару) енгізу арқылы өнеркәсіптік кәсіпорынның цифрлық трансформациясын жүзеге асыру үшін бірыңғай тұжырымдамалық аппарат құрастыру мақсатында оқытылады.

Пән металл кесетін станоктардың негіздері мен жұмыс принциптерін, станоктардың жіктелуін, кинематикалық схемаларын және станоктардың автоматтандыру дәрежесін қарастырады. Білімгерлер технологиялық операцияларды орындау үшін металл кесетін станоктарды іріктеу дағдыларын, оның ішінде анықтамалық әдебиеттердің көмегімен станоктың дәлдік нормаларын айқындауды, машина бөлшектерін өндіруге арналған қолданудың функционалдық мүмкіндіктерін игереді.

Пән сұйықтықтар мен газдардың негізгі физикалық қасиеттері, гидростатика және гидродинамика заңдары, гидравликалық машиналардың, сорғылардың, гидравликалық қозғалтқыштардың жұмыс принципі мен құрылысы, гидравликалық есептеулерді орындау, машиналар мен жабдықтардың гидро - және пневматикалық жетектерінің негізгі элементтері, көлемді гидро - пневматикалық жетектерді есептеу және жобалау әдістері, гидравликалық, пневматикалық схемаларды құрастыру бойынша білімді қалыптастыру мақсатында оқытылады.

Пән сұйықтық пен газ механикасы, гидромеханика мен газ динамикасының негізгі заңдары, сұйықтық пен газ қозғалысының заңдылықтары, сұйықтық пен газ механикасының негізгі заңдары мен теңдеулерін зерттеу мақсатында оқытылады. Нәтижесінде білім алушылар техникалық жүйелердегі сұйықтықтар мен газдардың ағу заңдылықтарын, гидравликалық есептеулерді орындаудың практикалық дағдыларын, әртүрлі жабдықтармен байланысты қолданбалы есептерді шешуді үйренеді.

Пән өндірістік кәсіпорын шығындарының барлық түрлерін жоюға негізделген және олардың басқару жүйесінің жұмысын, өнімді өндіру мен сатуға арналған ресурстар мен уақыттың шығындарын оңтайландыру, оның жоғары сапасы мен минималды өзіндік құнын қамтамасыз ету, өндірістік мәселелерді анықтау принциптерін, үнемді өндіріс стандарттарын әзірлеуді зерделейді және өндірістік үрдістегі шығындардың жекелеген түрлерін анықтауға, бейтараптандыруға және алдын алуға арналған құрал-жабдықтарды шығару критерийін анықтау дағдыларын қалыптастырады.

Пән сандық басқарумен (СББ) жабдықталған жабдық бұйымдардарын кесу арқылы өңдеу технологиялық процестерін және бағдарламалаудың құралдары мен әдістерін, өндіріс станоктарының автоматтандырылған бөлшектерін өңдеуге арналған басқару бағдарламаларын әзірлеу және енгізу тенхологиясын зерделейді . СББ машиналары үшін басқару бағдарламаларын дербес құру жобаларын қолдану дағдыларын қалыптастырады.

Пән стандарттаудың теориялық негіздері мен стандарттау объектілерін, стандарттарды әзірлеуді, Қазақстан Республикасындағы мемлекеттік стандарттауды, Мемлекетаралық стандарттауды, Халықаралық және аймақтық стандарттауды, сертификаттаудың негізін, өнімдер мен қызметтерді сертификаттауды, сәйкестілік сертификатын, сертификаттау бойынша органдарды және сынау зертханаларды аккредитттеу туралы қарастырады.

Пән сапа менеджменттің эволюциясын, сапа менеджменттің жүйесін, Қазақстан Республикасында сапа менеджменттің механизмдерін, сапа менеджменттің объектілерін, сапаны ақпараттық қамтамасыздандыру, сапа менеджменттің кұжаттамаларын, сапа менеджмент көмегімен өндірісті басқару механизмдерін, сапа менеджментіндегі стандарттау мен сертификаттауды қолдау туралы қарастырады.

Пән машина жасау өндірісінде қолданылатын қазіргі заманғы өлшеу құралдары туралы ақпарат алуға, машина жасау өндірісін бақылауға, талдауға және болжауға қажетті білімді меңгеруге мүмкіндік береді. Механикалық шамаларды бақылауға арналған өлшеу құралдарын таңдауға, құрылғыларды және өлшеу аспаптары мен бақылау-өлшеу аспаптарының жұмыс принципін білуге үйретеді.

Курс технологиялық процестерді жобалау саласында жалпы кәсіби білім мен дағдыларды қалыптастыру, оларды электр машиналарын, аппараттарын өндіру және техникалық пайдалану үшін жарақтандыру, болашақ инженер-механиктерді техникалық есептеу әдістерімен және бірлік, сериялық және жаппай өндірістің прогрессивті технологияларына қатысты бұйымдар конструкцияларын әзірлеу әдістерімен таныстыру мақсатында оқытылады.

Пән технологиялық жабдықты есептеу және жобалау негіздерін, технологиялық жабдықты есептеудің мәнін, технологиялық машиналардың технологиялық, кинематикалық, геометриялық параметрлері сияқты жобалау кезеңдерін және құрылымдық, негізгі, технологиялық, функционалдық және кинематикалық есептеулерді әзірлеу әдістемесін оқытады. Машиналардың қызмет ету мерзімін және құрамын: топтары, тетіктері және бөлшектері, конструкцияда машиналардың құрамдас элементтерін индекстеуді үйретеді.

Пән бақылау-талдау және сынақ зертханаларында қолданылатын метрологиялық талдауды, жүргізілетін өлшеулердің сенімділігін, метрологияның нормативтік базасы мен даму перспективаларын, қолданбалы міндеттерді шешу кезінде нормативтік құжаттаманы іздеу және пайдалану тәсілдерін, эксперимент нәтижелерін есептеу және өңдеу дағдыларын, кәсіби және зерттеу қызметінде метрологиялық сауатты жоспарлау, жүргізу дағдысын қалыптастыруды қарастырады

Зерттеу саласындағы деректерді жинау және сыни талдау негізінде көшбасшылық қасиеттерді көрсету, өз бетінше шешім қабылдау.

Халықаралық ортада мемлекеттік және шет тілдерінде кәсіби, академиялық, ғылыми және әлеуметтік қатынастар құру.

Кәсіби қызметте ғылыми зерттеу әдістерін, академиялық жазу негіздерін, академиялық адалдық принциптері мен мәдениетін қолдану.

Кәсіби қызметте қоғамның рухани құндылықтарын, экономикалық, экологиялық, құқықтық және сыбайлас жемқорлыққа қарсы принциптерін сақтау.

Негізгі инженерлік білімді, цифрлық технологияларды, CAD/CAM/CAE бағдарламалық кешендерін қолдану.

Стандарттарға сәйкес конструкторлық құжаттаманы әзірлеу, өндірісті техникалық дайындауды жүзеге асыру.

Машина жасаудағы технологиялық процестерді жобалау кезінде жаңа материалдарды, дайындамаларды алу және оларды механикалық өңдеу әдістерін қолдану.

Машина жасау дағдыларын меңгеру, машина жасаудың технологиялық және өндірістік процестерін әзірлеу.

Өндірістік процестерді басқару, өндірісті метрологиялық қамтамасыз ету мәселелерін шешу.

Өндіріс процесін және дайын өнімді бақылауды жүзеге асыру.

Аддитивті технологияларды енгізу кезінде инженерлік талдау жүргізу және оңтайлы шешімдер қабылдау.

Машиналар мен олардың бөлшектерін өндіруге арналған құралдарды, технологиялық жабдықтарды, жабдықтарды таңдау.