6B01405 Көркем еңбек,графика және жобалау в Ы. Алтынсарин атындағы Арқалық педагогикалық институты

Білім алушы сызықтық және әуе перспектива заңдылықтары мен сурет салудың ережелерін меңгереді. Перспективаның теориялық-практикалық аспектілерін зерттейді. Қарапайым геометриялық формалар: шар, куб, цилиндр, призма, конус т.б. геометриялық формалардан құралған натюрморттарды суреттейді. Эстетикалық талғаммен практикалық дағдыларды қалыптастыруға, бейненің теориялық практикасын игеруге, композициялық-шығармашылық қызметтін дамытады.

Бұл курс мұғалім мамандығына алғашқы кіріспе ұсынады. Атап айтқанда, студенттер тұтас педагогикалық процесті түсіну және олардың кәсіби жеке бағдарларын қалыптастыру, педагогикалық және психологиялық мәселелер мен жағдайларды сыни тұрғыдан шешу үшін қажетті базалық білім мен дағдыларды дамытады. Курс студенттерге мұғалім мамандығын игеруге деген ынтасын қайта қарауға мүмкіндік береді.

Бұл курста кескіндеме өнерінің техникасы мен технологиясы және аралас техниканың көмегімен түрлі шығармаларды салады. Реалистік кескіндеме міндеттерін, түс табиғатын, ахроматикалық, хроматикалық түстерді, негізгі қосымша түстермен жұмыс жасайды. Гуашь және акварель бояуларының техникасын меңгереді. Образдық бейнелеуде түстік гаммаларды, колориттерді көрсетеді.

Курс салауатты, қауіпсіз және қолайлы білім беру ортасын қалыптастыру мақсатында мектеп жасындағы оқушылардың өсуі мен дамуының физиологиялық ерекшеліктерін зерттеуге бағытталған. Студенттер балалар мен жасөспірімдердің физиологиялық және гигиеналық ерекшеліктерін, сонымен қатар физиологиялық функциялардың педагогикалық әсерге жауап беру ерекшеліктерін талдайды. Сонымен қатар, курсты оқу барысында студенттер мүшелердің, мүшелер жүйесінің, жалпы организмнің сыртқы ортамен байланысты қызметінің ерекшеліктерін салыстырады. Осыған байланысты студенттер оқу процесін ұтымды етуге, аурудың алдын алуды жүзеге асыруға бағытталған оқушының үйлесімді дамуы мен функционалдық мүмкіндіктерін арттыру әдістерін қолданады.

Білім алушы графикалық білімнің негізгі мәліметтерін, сызбаның даму теориясын, графикалық бейнелер тарихын зерттейді. Мектепте графика және жобалау пәнін оқыту, заттардың суреттерін, машина жасау, өндіріс пен құрылыс, сызбаларын орындау, оқу, бөлшектер эскиздерін түсіру және оларды өлшеу, әр түрлі салаларын қарастырады.

Бұл курс педагогикаға ғылым ретінде шолу, оның диалектикалық, қарама-қайшылықты және әдіснамалық ерекшелігін ұсынады. Студенттер дүниетанымды, әлеуметтік және жеке маңызды педагогикалық мәселелерді талдайды, тұтас педагогикалық процестің заңдылықтары мен принциптері туралы сыни тұрғыдан ойластырады. Білім беруді цифрландыру жағдайында педагогика, киберпедагогика, киберкеңістік және кибер әлеуметтендірудегі киберонтологиялық тәсілге ерекше назар аударылатын болады.

Бұл курста тұрмыстық заттар мен машиналардың графикалық жобалауын үйретеді. Графика негізінде ойлау қабілетін дамытып, заттардың бөлшектерін дұрыс елестете және жобалау арқылы құрай алуға өмір тәжірибесінде қолдана білуге дағдыланады. Графикалық жобалауды өз бетімен оқи алуға, жобалауға, талдауға өмір тәжірибесінде қолдана білуге үйренеді.

«Педагогикалық психологиясы» курсы педагогикалық процесс және оқыту тұжырымдамаларына, білім беру психологиясының негізгі бағыттарына, түсініктері мен категорияларына шолу ұсынады. Студенттер оқу іс-әрекетінің құрылымын сыни тұрғыдан бағалауға және талдауға, педагогикалық іс-әрекеттің психологиялық заңдылықтары мен оқу-тәрбие процесінің әр түрлі кезеңдеріндегі педагогикалық әсерге шағылыстыруды үйренеді.

Білім алушыны әртүрлі материалдармен жұмыс істеуге үйретеді. Тұтас көру, қабылдау және тұтас жазу үлгісін қалыптастырады. Образды ойлау, елестету дәстүріне үйретеді. Кескіндеме және композиция заңдылықтарымен танысады. Интерьердегі адам бейнесін бейнелеуді, тақырыптық суреттер композициясын құрастыруды біледі. Композицияда түстік колоритті сауатты шеше білуге машықтандырады.

Білім алушы болашақта көркем шығарманы толық мәнді қабылдай алады. Антикалық, классикалық, жаңа кезең өнері тарихының теориялық негіздерімен тереңірек танысады. Визуалды өнердің пайда болу теориясын меңгереді. Суретші-педагог, өнертанушы маман болып қалыптасады. Визуалды өнер тарихының дамуының жалпы заңдылықтарымен танысады. Әр кезең суретшілерінің шығармашылық жұмыстарын сыни тұрғыда талдайды, бағалайды.

"Кәсіпкерлік негіздері" курсы студенттерге кәсіпкерлік қызметті басқару саласындағы теориялық дайындықтың негіздеріне кең шолуды ұсынады. Студенттер кәсіпкерлік тетіктерін талдайды, кәсіби қызметте ұтымды шешімдер қабылдау механизмін сыни бағалайды. Кәсіпкерлік саласындағы жоспарлау, ұйымдастыру, ынталандыру және бақылау әдістерін талдайды. Студенттер осы проблемалық мәселеде жаңа әдіснамалық тәсілдерді қайта қарастырады, кәсіпкерлік объектілері мен субъектілерін жіктейді. Кәсіпкерлікті жоспарлау, қаржыландыру, талдау және бағалау саласында дағдыларды меңгереді.

Экологиялық мәдениет курсы экологиялық сауаттылық және тіршілік қауіпсіздігі саласындағы нормативтік құқықтық актілерге сәйкес салауатты, қолайлы қоршаған ортаны қамтамасыз ету үшін экологиялық мәдениеттілікті дамыту жолдарын және тіршілік қауіпсіздігі негіздерін үйренуге бағытталған. Студенттер қоршаған ортаның өзара әрекеттесуін сыни тұрғыдан бағалайды, төтенше жағдайларда қорғанудың әдіс тәсілдерін меңгереді, экологиялық мәдениет дамыту үдерісін белсенді ұйымдастырады.

Білім алушы ғылыми - зерттеу жұмыстарының, академиялық жазудың негізгі қағидаларын сипаттайды; баяндама мен ғылыми мақаланың ерекшелігін анықтайды; нақты тұжырымдарды қолданады; ғылыми - зерттеу жұмыстарында қолданылатын әдіс-тәсілдерді сыни тұрғыдан талдайды; ғылыми мақаланың басқа ғылыми жұмыстардан өзгешелігін салыстырады.

Студенттердің бойында жалпы адамгершілік және ұлттық құндылықтар аясында адал азаматтың құндылықтарын қалыптастырады. Адалдықтың құндылығы мен азаматтық ұстанымды жүйелі білім арқылы меңгереді. Рухани-адамгершілік және азаматтық-патриоттық тәрбиелеу контекстінде адал азаматты қоғам ортасында қалыптастыру мәселелері жүйеленеді. Білім алушылардың ішкі тұлғалық мәдениетін нығайту негіздерінің әлеуметтік-экономикалық, құқықтық, адамгершілік-этикалық аспектілері талданады.

Білім алушы жаңа кезең өнері: XVII-XXI ғғ. Батыс Еуропа өнері (реализм, классицизм, барокко, академизм, романтизм, импрессионизм, постимпрессионизм) және XXI ғасыр өнеріндегі жаңа ағымдар мен танысады. XVIII-XX ғасыр басындағы өнер орыс өнері: XVIII-XX ғасырдағы Нарышкин бароккосымен Портрет жанрының гүлденуін саралайды. Академизм және романтизм, Критикалық реализм, Жаңа кезеңнің көркем мәдениет өнерін сараптайды. Жаңа бағытта дамыған мүсін, сәулет, сәндік-қолданбалы өнер, кескіндеме, сурет стилдерін талдайды.

Бұл курс қазіргі әлемдегі инклюзивті білім беруге шолу жасап ұсынады. Студенттер «инклюзия» ұғымын ажырата алады, арнайы білім беруді реформалау мәселесін аша алады, ұлттық арнайы білім беру жүйесінің қалыптасуы мен даму тарихын қарастырады, балаларды интеграциялау модельдерін талдайды және салыстыра алады, мүмкіндігі шектеулі, инклюзивті білім беруді басқарудың құқықтық және этикалық негіздерін түсіндіреді.

Білім алушы көркем еңбек пәнін мектепте оқыту әдістемесінің мақсаттары мен міндеттерін талдайды. Қазіргі дидактиканың негізгі принциптерін мектеп үйірмесінде, студияда, көркем еңбек пәнін оқытуда қарастырады. Көркем оқыту психологиясының жалпы мәселелерін зерттейді. Әдістемені педагогикамен, психологиямен және мектепте көркем еңбекті оқыту әдістемесін оқытудың тәжірибелік қызметімен тығыз байланысты ғылыми пән ретінде қарастырады. Көркем еңбек пәнінің үлгілік бағдарламасы және оқулықтарымен танысады.

Білім алушы көркем еңбек пәні мұғалімінің практикасында табиғи материалдар туралы білімі (саз балшық, қыш, ағаш, темір) және мүсіндеу технологиясын меңгереді. Табиғи материалдардан барельеф, рельеф, горельеф, геометриялық денелер натюрморт, портрет, пластикалық анатомия, моделді ескерткіштерді (плита, өскінді оюлар) орындайды. Табиғи материалдардан антикалық мүсіндердің көшірмесін жапсырмалайды.

Білім алушы Қазақстанның сәулет, графика, кескіндеме, мүсін және сәндік қолданбалы өнері арқылы көркем мәдениеттің, қоғамның тарихи даму үрдісіне енуін және заманауи суретшілер мен қолөнер шеберлерінің жетістіктерін қарастырады. Қазақстанның дәстүрлі өнерімен реалистік бейнелеу өнеріндегі ұлттық колорит және қолтаңба көріністерімен танысады. Визуалды өнердің көркемдік тілін меңгереді.

Білім алушы Қазақстан бейнелеу өнерінің ежелгі заманнан қазіргі уақытқа дейінгі өнерімен танысады. Өнердің негізгі түрлерінің дамуының негізгі тенденциялары, себептері мен перспективалары және олардың жалпы мәдениетпен өзара байланысы қарастырылады. Қазақ тұрмысының эстетикасы, киіз үйдің семантикасы, ою-өрнектік өнер, түстің символикасы, көркем-өнер мектептерінің қалыптасуы, постмодернизмнің жаңа технологияларымен талданады.

Білім алушы мүсін өнерінің материалдарымен танысып, технологиясын үйренеді. Мүсін өнерінің түрлерімен танысады, мүсіндейді.Антикалық бастың гипстік үлгілерін мүсіндейді. Күрделі көркем шығармаларды кесу, жапсыру, құю бедерлеу және басқа да жолдарымен құрастыратын өнерді меңгереді. Мүсін шығармаларын қыштан, балауыздан, тастан, темірден, сүйектен ағаштан және басқа да материалдардан жасайды.

Бұл курс болашақ мұғалімнің кәсіби дайындығының міндетті компоненті болып табылады. Бұл пәнді игеру студенттерге «Мәңгілік Ел» және «Рухани жаңғыру» ұлттық идеясына сәйкес мектеп оқушыларымен тәрбие жұмысын жүргізуге, жоспарлар мен конспекттер жасауға, сыныптан тыс тәрбие жұмыстарын ұйымдастыруға және өткізуге мүмкіндік береді. Курс студенттерге заманауи мектепте сынып жетекшісінің қызметін қайта қарауға мүмкіндік береді.

Бұл курста графикалық білім, икемділік пен дағдылар қалыптасады. Графика және жобалауды оқыту әдістемесі арқылы студенттердің біліктілігін арттырады, материалдарды өңдеу шеберлігіне дағдыландырады, көрнекі кескіндерді қағазда орындап оқушыларға үйретеді. АКТ, білім берудің озық технологиясы модульдері, өзінің білім және шығармашылық қызметінде озық әдістемелермен зерттейді. Кәсіби мәдениеттің негіздерін меңгереді. Оқу – әдістемелік әдебиеттерді саралайды.

Білім алушы цифрлық білім беру ресурстарын қолданудың маңызын, әдістемелік ерекшеліктерінің сипаттамасын, мазмұны мен құрылымын талдайды. Электронды оқыту жүйесі, электронды оқулық, ақпараттық технология, мультимедиялық проектор арқылы даярланған цифрлық обьектілерді демонстрациялау, интерактивті моделдерді қолдану, цифрлық білім ресурстарымен жеке зерттеушілік пен шығармашылық жұмыстарды орындай алады. Цифрлық ресурстарды игере отырып білім беру платформаларын әзірлеуді меңгереді.

Бұл курс студенттердің ішкі өзгерістерін сезіну және бекіту тетіктерін, шығармашылық, педагогикалық іс-әрекетке ұмтылуды ұсынады. Пәнді меңгеру нәтижесінде студенттер педагогикалық шеберліктің құрамдас бөліктерін сипаттай алады, педагогикалық техниканы көңіл-күйін, эмоциясын, сөйлеу техникасын, дауыс ырғағын студенттерді тәрбиелеу мен тәрбиелеу саласындағы өзіндік мінез-құлқын талдауды, кәсіби сапасын бағалау меңгереді.

Білім алушы үй мәдениетін құрастырушы негіздерін, оны жасату және тәрбиелеу жолдарын анықтайды. Дұрыс тамақтану мәдениетін, өнімді дұрыс таңдау және оны дұрыс әзірлеу мәдениетін меңгереді. Алынған білім студенттерге кәсіби жұмыс мүмкіндігін кеңейтуге, сондай-ақ ұлттық салт-дәстүрлер мен әдет-ғұрыптарға ұқыпты қарау ұстанымын қалыптастыруға мүмкіндік алады.

Білім алушы оқу шеберханасындағы ағаш жонатын, темір өңдейтін станоктардың нұсқаулығымен және үй шаруашылығында қолданылатын тұрмыстық техниканың қауіпсіздігі ережелерімен танысады. Табиғи материалдардан түрлі шығармашылық жұмыстар жасауды үйренеді. Құрал жабдықтар технологиясының жұмыс істеу қызметін меңгереді.

Білім алушы дипломдық жұмыстың орындалу барысында зерттеу элементтері бар күрделі кешенді міндеттерді шешу, теориялық білім мен практикалық дағдыларды жүйелеп кеңейту және жұмыс істеуге қабілеттілік деңгейін анықтайды. - теориялық білімін, практикалық дағдысын нақты практикалық міндеттерді шешуде қолданады. - мәселелер мен сұрақтарды шешу барысында өз бетінше жұмыс жасаудағы біліктілігін дамыту және зерттеу әдісі мен экспериментін игереді.

Білім алушы матаға сурет салудың түрлері мен жібек матаның негізгі түрлерін – әшекейлейді. Ыстық, суық батик, түйінді батик, кракле техникасы, еркін сурет салу, құрғақ сурет салу, сурет салудың аралас түрін меңгереді. Матаға сурет салу тәсілдері, техникалық шеберлік тізімдемесі, суық және ыстық батикте композициялық шешім табуды үйренеді. Композиция құрудағы негізгі техниканы қолданады.

Білім алушы тоқыма пластикасында қолданылатын шикізаттардың мүмкіндіктерімен ерекшеліктерінің қасиеттерін анықтайды. Әртүрлі материалдар және жіптермен суретті кілем, гобелен, алаша, басқұр тоқу пластикасы техникасының негізін меңгереді. Әртүрлі тоқыма пластикасы мен технологиясын біледі. Кесте тігу техникасы мен биссерден әртүрлі бұйымдар тоқу техникасын үйренеді.

Білім алушы арнайы пәндерді тереңдетіп оқытуға таңдап алынған технология бойынша қасиеттерін зерттеу және сәндік мүмкіндіктер материалдарын өңдеуге, практикалық жұмыстар мен дипломдық жұмыс орындалатын шеберханалар жұмысын меңгереді. Тігін машиналары, станокпен ағаш өңдеу, металл және тоқыма материалдарын көркем өңдей білу, қолдану және қауіпсіздік ережесін біледі.

Білім алушы дизайнның теориялық негіздерін, дизайн түрлерінің объектілерін талдайды. Дизайн түрлері: кітап дизайны, Арт-дизайн-жобалау өнері, визаж немесе макияж, фитодизайн, интерьер мен экстерьер, ландшафтық экологиялық дизайн, жарнама дизайн, киім дизайны және тігін бұйымдарын жобалауды үйретеді. Дизайн және технологияда жалпы мазмұн, жобалау, әдістемелік негіздер, жобалау кезеңдері: сызба, сызу, жоба, пішін, модель, жобалық құжаттармен жұмыс жасауды меңгереді.

Білім алушы сәндік-қолданбалы және халық өнерінің негізгі ұғымдарын, ою-өрнек өнерінің теориясы мен тарихын, табиғи (өнеркәсіптік) материалдардың ерекшеліктерін, оларды халық және сәндік-қолданбалы өнерде көркем өңдеудің негізгі тәсілдерін қарастырады. Қазақстанның ең танымал көркем кәсіпшілігінің даму тарихы мен өзіндік ерекшеліктерін зерттейді. Қолөнер негіздерінде сәндік композицияның бейнелерін қолданады.

Білім алушы тақырыптық қойылымдарды бейнелеуде композиция заңдылықтарын, құрылым ерекшеліктерін қарастырады. Адам басының анатомиясын талдап суреттейді. Антик бас мүсіндік портреттерді салуды меңгереді. Портреттің сипаттық ерекшелігін сомдаудың әдістік құралдарын меңгеру тәсілдерін үйренеді. Қолымен бірге интерьердегі әртүрлі жастағы адамның портреттерін салуға машықтанады.

Білімгер үйлесімді түс қатынастарындағы тірі модельдің дұрыс пропорцияларын табу және салыну ерекшеліктерін қарастырады. Түрлі көркем материалдармен жұмыс істеу әдістемесі, техникасы және технологиясы бойынша кәсіби құзыреттілікті қалыптастыруға, станокты кескіндеме техникаларының кең спектрін игеруге, түстерді қабылдаудың негізгі заңдылықтарын, оның қасиеттерін зерттеуге бағытталады.

Бұл курста кілем, алаша, гобелен, басқұр тоқу өнерінің түрлерімен танысады. Кілемнің түрлеріне эскиздер салады. Тоқыма материалдарын көркемдеп тоқуды меңгереді. Түкті және түксіз кілем тоқу өнері негіздерімен және тоқымашылықтың өру түрлерін үйренеді. Суретті кілемдер үшін қазақтың ұлттық ою өнерінен композициялық суреттер құрастырады.

Білім алушы дизайн және технология негіздерінің даму тарихына шолу жасайды. Дизайндағы форма мен композициясы, стиль ұғымы және жобалау қызметінің түрін, тігін бұйымдарының жіктелімі мен киімді макеттеуін, бұйымды безендіру дизайнның кешенді түрде ұйымдастырады. Эскиздер жасайды. Тігін бұйымдарының құрастыру технологияларын және тігін машиналарымен жұмыс жасауды біледі. Модельдің жеке бөліктерін дайындау, құрастыру, безендіру және құрылымдық материалдармен жұмыс жасай біледі.

Білім алушы сәндік қолданбалы өнер негіздерін оқу, көркем өнімдер жасау тәсілдері мен түрлі материалдардан өнімдер жасайды. Көрнекі қол өнерін, халықтың кәсіп туралы өнерін талдайды. Қолөнер заңдылығын және ою құрылымының құралдарын, құрылымдарды құрастыру принциптерін меңгереді. Стилді бейнелерді қолданумен көрнекі құрылымдардың сызбаларын құрастыру дағдыларын қалыптастырады

Білім алушы ғылыми – зерттеу жұмысының мақсатын айқындау; зерттеу обьектісін тану; проблеманы қою; зерттеу пәнін айқындау; гипотезаны ұсыну; зерттеу жоспарын құру; обьектінің тұтастай тану үшін проблеманың табылған шешімінің мәнін айқындайды. Жаңа ақпараттық технологияларды қолданады; көркем педагогтік дайындық жұмысын қортындылай алады; шығармашылық қабілетін, дағдысы мен біліктілігін, көркемдік білімін, байқағыштығын, сараптай білетіндігін, көркемдік талғамы мен жоғары мәдени деңгейін көрсете алады.

педагогика мен психологияның ұғымдары мен әдіснамалық негіздерін, оқушылардың жас ерекшелігіне байланысты салауатты, қолайлы және қауіпсіз ортаны қалыптастыруда, кәсіби қызметінде өз жұмысының нәтижелерін көрсете біледі;

көркем еңбек пәніндегі визуалды өнер, сәндік-қолданбалы өнер, дизайн және технология, тамақтану мәдениеті мен үй мәдениетінің шығармашылық, технологиялық, техникалық тәсілдерін меңгерген, практикалық білімдерін педагогикалық қызметте қолдана алады;

Адал азамат құндылықтарының және экологиялық мәдениеттің жоғары деңгейін көрсетеді; кәсіпкерлік қызметті жоспарлау және ұйымдастыру әдістерін қолданады.

кәсіптік қызметте ұлттық тәрбиенің заңдылықтары мен принциптерін меңгерген, оқу-тәрбие үрдісін нормативтік құқықтық актілер негізінде жүзеге асырады;

білім беру ортасындағы зерттеу принциптері мен әдістерін біледі, зерттеу жұмыстарын жүргізе алады;

білім берудің инновациялық әдістерін қолданады, заманауи технологияларды және білім менеджменті дағдыларын көрсетеді;

сандық білім беру ресурстарын пайдалана отырып, компьютерлік бағдарламалар мен заманауи дизайндарды тиімді пайдалануға қабілетті;

визуалды өнер тарихы мен теориясы негіздерін меңгереді; графика және жобалау, түстану әдістерінің заңдылықтары мен ережелерін біледі;