6B02229 Теология в Қожа Ахмет Ясауи атындағы Халықаралық қазақ-түрік университеті

Пән Мухаммед пайғамбардың исламнан бұрыңғы және исламнан кейінгі өмірімен танысуға және сияр іліміндегі негізгі ұғымдар мен еңбектерді меңгеруге бағытталған. Пәнді оқу нәтижесінде студент Араб түбегіндегі исламнан бұрыңғы саяси-экономикалық, әлеуметтік-діни жағдаймен танысады. Исламнан кейінгі Мекке және Мәдина кезеңіндегі оқиғалар және ислам дінін таратуда Мухаммед пайғамбардың ролін үйренеді.

Бұл курс түрік тілінің бастапқы деңгейін оқуға арналған. Курстың мақсаты - "Шет тілін меңгерудің жалпы еуропалық құзыреттеріне" сәйкес студенттердің А1 деңгейінде практикалық дағдыларын қалыптастыру. Курс студенттердің мәдениетаралық және коммуникативтік қарым-қатынасқа дайындығы мен қабілетін дамытуға бағытталған. Пәнді оқу нәтижесінде студент нақты мәселелерді шешуге бағытталған таныс күнделікті сөздер мен қарапайым сөз тіркестерін түсінеді және қолданады.

Пән араб тілінің фонетикалық, грамматикалық және лексикалық ережелерін білу арқылы, ауызша және жазбаша түрде қарапайым тұрмыстық сөйлемдерді қолдану дағдыларын қалыптастыруға бағытталған. Пәнді оқу барысында студент араб тілінің ережелеріне сай жазуды, оқуды меңгеріп, қарапайым мәтіндерді оқып түсінеді. Араб тілінде жазылған мәтіндерді оқып, аудару дағдыларын жетілдіреді.

Пән ислам дінінің негізгі сенімі мен құлшылық ерекшеліктерін ханафилік және матуридилік мазхабы аясында түсіндіруге бағытталған. Пәнді оқу нәтижесінде студент исламдағы иман негіздерін, ислам шарттарын, құран мен сүннет, исламдағы бес парыз және ғибадаттар және оның пайдаларын ғылыми негіздер бойынша үйреніп, исламның негізгі қайнар көздері мен ұстанымдарын ханафилік және матуридилік сенімі негізінде меңгереді.

Пән Құран Кәрімдегі қысқа сүрелерді, аяттарды тәжуид ережесіне сай оқуға және жаттауға бағытталған. Пәнді оқу нәтижесінде студент араб әріптерінің дыбысталу ерекшеліктерін (махраждарын), араб әріптерін қосып оқуды және мәд, изхар, иқлаб, ихфа және идғам сияқты тәжуид ережелерді меңгереді. Тәжуид ережелерді қолдануды үйреніп, өз бетінше Құран сүрелерін еркін оқу дағдысын қалыптастырады.

Пән әртүрлі санаттағы академиялық жұмыстарды (essay, report, etc) оңтайлы жазу үшін қажетті дағдылар мен біліктерді қалыптастырады. Пән білімгерлерге жазбаша сөйлеудің жанрлық, грамматикалық, стилистикалық және пунктуациялық ерекшеліктерін түсіндіріп, академиялық жазба жұмыстарды қатесіз жазу әдістерін үйретеді. Академиялық жазбалар әзірлеуде әлемдік дерек базаларын және ғылыми журналдардың онлайн жүйелерін пайдалану дағдыларын қалыптастырады.

Пән араб тілінің морфологиясы мен лексикалық ережелерін білу арқылы діни мәтіндерді оқып түсінуге және арабша қарапайым сөйлемдермен өз ойын жеткізу дағдыларын қалыптастыруға бағытталған. Пәнді оқу барысында білім алушы сөздікті қолдана отырып діни мәтіндерді оқып, түсінеді. Арабша етістіктердің осы шақ, өткен шақ және келер шақта қолдану ерекшеліктерін меңгереді.

Пән исламның жазба мәдениетін танытатын тәпсір мәтіндерін оқып талдауды үйретуге, құран аяттарының мағынасын дұрыс түсіндіруге, уақыт шарттарына қарай қабылаудың тәсілдерін меңгертуге бағытталған. Пәнді оқу нәтижесінде студент ислам дінінің негізгі дереккөзінің бірі саналатын құран аяттарына қатысты жазылған тәпсірлердің түрлерін, мазхабтық, фиқхтық, сопылық тәпсірлердің ерекшеліктерін және тәпсір іліміне қатысты негізгі ұғымдарды меңгереді.

Пән Құран Кәрімдегі қысқа сүрелер мен намаз дұғаларын тәжуид ережесіне сай оқуға және жаттауға бағытталған. Пәнді оқу нәтижесінде студент намазда оқылатын дұғаларды, фил сүресінен нас сүресі аралығындағы сүрелерді тәжуид ережесіне сай оқып, жаттайды. Құран Кәрімнің бірінші және екінші парасын өз бетінше тәжуид ережесіне сай оқу дағдыларын қалыптастырады.

Пән Мұхаммед пайғамбардың сөздері мен іс-әрекеттері, оның мұсылман қоғамдастығы өмірінің діни және құқықтық аспектілеріне әсері туралы ақпарат қалыптастыруға бағытталған. Пәнді оқу нәтижесінде студент хадис негіздеріндегі қаули, фиғли, тақрири, уасфи сияқты сүннеттің түрлерін үйреніп, мутеуатир және ахад хабарларды және, сахих, хасан, әлсіз және мауду хадистердің айырмашылықтарын меңгереді.

Бұл курс академиялық B2 деңгейіндегі түрік тілінің негізгі стандартын үйренуге арналған. Курс техникалық (мамандандырылған) тақырыптарды қоса алғанда, түрік тіліндегі нақты және дерексіз тақырыптар бойынша күрделі мәтіндерді ұсынады. Курстың мақсаты-академиялық тілді жетілдіру. Пәнді оқу нәтижесінде студент әртүрлі тақырыптар бойынша түсінікті, егжей-тегжейлі мәтін құра алады, өз көзқарасын түсіндіре алады, тақырып бойынша әртүрлі көзқарастарды қолдай алады және оларға қарсы дәлелдер келтіре алады.

Пән білім алушыларда Түркияның тарихи дамуы туралы жан-жақты түсінік қалыптастырады, тарихи ақпарат жинау, талдау және жалпылау дағдыларын дамытады, Ататүрік принциптерін ғылыми бағалауды қалыптастырады. Курсты оқу барысында білім алушы дүниежүзілік-тарихи процесс контекстінде Түркия тарихының негізгі заңдылықтары, кезеңдері мен мазмұны туралы білімдер алады, студенттердің шығармашылық қабілетін, пайымдау еркіндігін, Ататүріктің рухани, тарихи-мәдени мұрасын зерттеу, сақтау, қолдану және арттыруға деген қызығушылығын оятады.

Пән араб тілінің грамматикалық ережелеріне сай теологиялық мәтіндерді оқып, аудару дағдыларын қалыптастыруға бағытталған. Пәнді оқу барысында студент араб тілінің ережелеріне сай өз ойын ауызша және жазбаша түрде жеткізе алады, Араб тілінде жазылған теологиялық мәтіндерді және діни еңбектерді түпнұсқа дереккөздерден оқып түсінеді.

Пән адамның өзгермелі жағдайларға бейімделуге қажет икемді дағдыларды қалыптастырады. Курс барысында студенттер көпшілік алдында сөйлеу, презентация жасау, аудиторияның назарын аудару дағдыларын дамытады. Нәтижесінде студент проблемалардың басымдылықтарын анықтап, оларды шешуде креативті ойлауды және тәуекелдерді болжауды үйренеді. Сондай-ақ, студент өз мүдделері мен сұхбаттасушының мүдделері үшін екіжақты ақпарат алмасуды тиімді қамтамасыз ете алады.

Пән ясауилік құндылықтармен таныстырады, академиялық, жеке, мәдени, кәсіби қатынастарда ғылым, діни төзімділік, адамдар қатынасы, құқығы туралы ясауилік ұстанымдарды қалыптастырады. Білім алушы ясауи мәдениетінің ерекшелігін түсініп, қоғамдағы әлеуметтік, этикалық, конфессиялық, мәдени ерекшеліктермен салыстыра біледі. Ясауи ілімінің түркі халықтарының ұлттық мәдениеті, діни түсінігіндегі маңыздылығын түсінеді, қоғамдық ынтымақ, бірлікке ұйытқы болатын «хикметтің» ұлт руханиятындағы орнын саралап, белсенді кәсіби, әлеуметтік қатынас орнату қабілеттерін қалыптастырады.

Пән Құран Кәрімдегі қысқа сүрелерді тәжуид ережесіне сай оқуға және жаттауға бағытталған. Пәнді оқу нәтижесінде студент дұха сүресі мен фил сүресі аралығындағы сүрелерді тәжуид ережесіне сай оқып, жаттайды. Құран Кәрімнің үшінші және төртінші парасын өз бетінше тәжуид ережесіне сай оқу дағдыларын қалыптастырады.

Пән студенттердің дүниежүзілік тарихи үдерісте түркі халықтары мен мемлекеттерінің орны мен рөлі туралы біртұтас түсініктерін қалыптастыруға, студенттердің тарихи ақпаратты іздеу, жүйелеу және жан-жақты талдау дағдыларын меңгеруге, өткен мен бүгінгі күннің тарихи процестерінің мән-жайын түсінуге, ақиқатқа бағдарланған өзіндік ұстанымдарын қалыптастыруға, азаматтық, отаншылдық, ұлттық бірегейлік, ұлтаралық және дінаралық толеранттылық көзқараста тәрбиелеуге бағытталған.

Пән Хз. Пайғамбар кезеңі, Рашид халифалар, Әмәуилер, Аббасилер кезеңінің діни, саяси және мәдени тарихы туралы зерттеуге және Орта Азияға ислам дінінің келу тарихы туралы талдау жасауға бағытталған. Пәнді оқу нәтижесінде студент ислам тарихын оқып, білу арқылы бүгінгі таңдағы ислам әлемінде кездесіп жатқан мәселелерге түсініктеме бере алады, мәселелердің шешу жолдарын табуда тарихи тәжірибеден пайдалану мүмкіндігіне ие болады.

Пән араб тілінің грамматикалық ережелеріне сай классикалық діни мәтіндерді оқып, аудару дағдыларын қалыптастыруға бағытталған. Пәнді оқу нәтижесінде студент классикалық діни және теологиялық мәтіндерді оқып, түсінеді. Араб тіліндегі сөйлемнің құрылымдық ерекшеліктерін меңгеріп өз ойын ауызша және жазбаша түрде жеткізе алады. Шетелдік тәжірибені меңгеру үшін ақпараттарды аудару дағдыларын жетілдіреді.

Пән хадис ғылымындағы негізгі дереккөздерді, атақты мухаддистердің хадис ғылымына қосқан үлесін, олардың хадистерді түсіндіру әдіс-тәсілдерін зерттеуге бағытталған. Пәнді оқу нәтижесінде студент Бухари, Муслим және т.б классикалық хадис еңбектерімен жұмыс жасауды, өз бетінше хадис саласында зерттеу жүргізудің әдіс-тәсілдерін меңгеріп, хадистерді дәстүрлі діни танымға сай түсіндіруді үйренеді.

Пән Құран кәрімнің отызыншы парадағы ұзын сүрелерді тәжуид ережесіне сай оқуды үйретуге бағытталған. Пәнді оқу нәтижесінде студент нәбә сүресі мен дұха сүресі аралығындағы сүрелерді тәжуид ережесіне сай оқиды. Ра әріпі, лафзатуллаһ, замир және сәктә сияқты ережелерді меңгеріп, Құран Кәрім сүрелерін өз бетінше еркін оқу дағдысын қалыптастырады.

Пән кәлам ілімінің қалыптасуы мен даму тарихын, кәлам мектептерінің доктриналық ерекшеліктері мен ұстанымдарын қарастырады. Пәнді оқу нәтижесінде студент кәлам ілімінің пайда болуындағы теологиялық, саяси, психологиялық және әлеуметтік-мәдени себептерді, олардың мұсылман қоғамындағы көріністерін талқылап, талдау дағдыларын қалыптастырады. Алғашқы кезеңнен қазірге дейінгі кәламның тарихи құрылымын, қалыптасуы мен кезеңдерін классикалық және заманауи аспектілерімен танып, талдау үшін жеткілікті салалық білімге ие болады.

Пән классикалық әртүрлі бағытта жазылған тәпсірлерді зерттеуге және талдау жасауға бағытталған. Пәнді оқу нәтижесінде студент құран тәпсіріне байланысты негізгі деректерді біледі, араб тілінің грамматикалық ережелерін қолдана отырып классикалық тәпсір мәтіндерін оқып түсінеді, әртүрлі бағытта жазылған тәпсірлерді заманауи әдістерді қолдана отырып, Құран аяттарын дәстүрлі діни танымға сай дұрыс түсінуді меңгереді.

Пән дін психологиясының қалыптасуы мен оның негізгі ерекшеліктерін, жалпы ғылымдар жүйесіндегі орны мен мәнін және психологиямен тығыз байланысты тақырыптар мен салаларды қарастырады. Пәнді оқу нәтижесінде студент сопылық психологиясын, дін ауыстырудың психологиялық аспектілерін, жеке адамдағы жас ерекшелігіне қарай діни сезімдердің өзгеру сипатын меңгере отырып, қазақ халқының діни танымы мен психологиялық ерекшеліктерін зерттеу дағдыларын қалыптастырады.

Пән хадистердің түрлері, мазмұны, негізгі хадис қайнаркөздері мен ерекшеліктері туралы мәселелерді қамтиды. Пәнді оқу нәтижесінде студент өзіне ұсынылған хадис мәтіндерді және ұқсас хадистерді дереккөздерден іздеп табу дағдыларын қалыптастырады. Мағынасы жағынан қарама-қайшы хадистерді дәстүрлі діни танымға сай дұрыс түсіндіру және хадистерді сыни талдау әдістерін меңгереді.

Пән түркі халықтарының мәдени дәстүрлері мен ислам діні арасындағы сабақтастық пен олардың өзара ықпалдастығына қатысты мәселелерді қарастырады. Пәнді оқу нәтижесінде студент түркі халықтарының ислам дінін қабылдау үдерісі мен мәдени дәстүрлерін сақтап қалуларына қатысты білімге ие болып, түркі халықтарының рухани құндылықтары, әдет-ғұрыптары, салт-дәстүрлері мен ислам дінінің үйлесімділігі туралы зерттеу дағдыларын қалыптастырады.

Пән Құран Кәрімнің ясин, мүлік, рахман, уақиға сүрелерін және жиырма тоғызыншы парадағы сүрелерді тәжуид ережесіне сай оқуды үйретуге бағытталған. Пәнді оқу нәтижесінде студент ғұнналы идғам, ғұннасыз идғам, идғам мисләйн, идғам мутежәнисайн, идғам мутеқарибәйн, идғам шәмсия сияқты тәжуид ережелерін практика жүзінде қолдануды меңгереді.

Пән ислам құқығының қалыптасуының тарихи кезеңдерінде орын алған дәстүрлі және классикалық әдістер, фиқх және усул ұғымдары мен әдістемесін қарастырады. Пәнді оқу нәтижесінде студент пайғамбар, сахаба, табиин және мужтахид имамдар дәуіріндегі ислам құқығы әдістері, ислам құқығында негізгі және қосымша дереккөздер, шариғат үкімдері және қазіргі таңдағы қоғамда туындаған діни-құқықтық мәселелерді зайырлылық ұстаным негізінде түсіндіруді меңгереді.

Пән адамның, қоғам мен мәдениеттің шығу тегін, діндердің адамдардың мәдени өміріндегі қызметін зерттеуге бағытталған. Пәнді оқу нәтижесінде студент дін ғалымдарының антропологиялық көзқарастарын меңгере отырып, діндердегі антропологиялық категориялардың мазмұнын түсінеді, адам болмысының жаратылу мақсаты мен мәнін ұғынады, діндердегі антропологиялық мәселелерге салыстырмалы түрде баға беру дағдыларын игереді.

Пән қазіргі таңдағы әртүрлі бағытта жазылған заманауи тәпсірлерді салыстыра отырып зерттеуге және талдау жасауға бағытталған. Пәнді оқу нәтижесінде студент ғылыми, тақырыптық, қоғамдық, сопылық және т.б әртүрлі бағытта жазылған заманауи тәпсірлердің ерекшеліктерін меңгереді. Құран аяттарын дұрыс интерпретация жасау арқылы қоғамдағы туындаған діни және теологиялық мәселелердің шешімін табу жолдарын үйренеді.

Пән дiн мен қоғамның өзара әрекеттесу формалары мен әдісерін және діни секталардың пайда болуының әлеуметтік-саяси себептерін зерттеуге бағытталған. Пәнді оқу нәтижесінде студент дін социологиясындағы негізгі ұғымдарды меңгере отырып, әртүрлі діни топтар мен ағымдардың қоғамдағы орны мен роліне әлеуметтік тұрғыдан талдау жасайды. Қоғамдағы дінаралық, этносаралық және конфессияаралық қақтығыстар бойынша алдын-алу шараларын ұсынады.

Пән дін мен философияның байланысы, ондағы тақырыптар мен мәселелер туралы ақпарат беруге және әлемдік діндердің тарихымен, өркениеттік және заманауи құндылықтармен таныстыруға бағытталған. Пән діндерді жете түсіну барысында діни-философиялық процестерге жалпы сипаттама бере білуін қамтамасыз етеді. Әр діннің діни-философиялық және теологиялық концепцияларымен таныстырады. Әлемдік және ұлттық діндердің мифтік-философиялық тақырыптары мен теологиялық мәселелерін талдай білу дағдыларын меңгертеді.

Пән тарихи үдерістегі өзгермелі жағдайлар мен қажеттіліктерге байланысты пайда болған сенім мәселелермен таныстыру және олардың шешу жолдарын қарастырады. Пәнді оқу нәтижесінде студент теологиялық мәселелерді рационалды әрі дәлелді негіздемелер келтіріп түсіндіре алады, кәлам ілімінің мәселені шешу логикасы мен әдісін меңгеріп, себеп-салдар байланысын орнатады. Кәлам ілімінің басқа ғылым салаларымен байланысын меңгереді.

Пән көшбасшылық қасиеттерді, стильдерді, әсер ету әдістерін тиімді қолдану арқылы адамдардың мінез-құлқы мен өзара әрекетін тиімді басқару әдістемесі мен практикасын қарастырады. Пән мамандарды іргелі даярлаудың алғышарты болып табылады және қызметтің белгілі бір принциптерін талап ететін өзінің күшті жақтары мен қоршаған ортаның мүмкіндіктерін ұтымды пайдалануға қабілетті, шығармашылық белсенді тұлғаның қалыптасуын қамтамасыз етуге арналған.

Пән студенттердің қаржылық қатынастарының маңызды салаларын бейнелейтін негізгі қаржылық-экономикалық түсініктерді дамыту арқылы қаржылық сауаттылық негіздерін қалыптастырады. Сондай-ақ қаржылық нарықтағы тұтынушының, инвестордың, қарыз алушының, акционердің, салық төлеушінің, сақтандырушының, инвестордың әлеуметтік-экономикалық рөлін тиімді орындауға және тұтынушыларды пирамидалар мен қаржылық алаяқтықтан сақтандыруға бағытталған білім мен дағдыларды қалыптастырады.

Пән христиан дінінің шығу тарихы мен даму кезеңдерін, Інжіл кітабы және қасиетті мәтіндерді зерттеуге бағытталған. Пәнді оқу нәтижесінде студент христиандықтағы сенім негіздерін, сакраменттерді, құрылтайлар мен ондағы қабылданған діни үкімдерді, католик, православ және протестанттық бағыттар арасындағы ерекшеліктерді меңгереді, христиан дінінің тарихи дамуына талдау жасай отырып, бұл діннің қазіргі жаһандану жағдайындағы орнын анықтайды.

Пән сыбайлас жемқорлыққа қарсы мәдениетті және академиялық адалдықты тарихи, сондай-ақ қазіргі заманғы мәтіндерде қалыптастырады, сыбайлас жемқорлықтың туындауының әмбебап мәнін, табиғатын, орнықтылығының себебін ашады. Білім алушы сыбайлас жемқорлыққа қарсы іс-қимылдың әлеуметтік-экономикалық, құқықтық, мәдени, адамгершілік-этикалық аспектілері бойынша материалдарды цифрлық технологиялар көмегімен жинау, талдау және ситуациялық міндеттерді өз бетінше немесе командада шешу арқылы сыбайлас жемқорлыққа қарсы қызметті дербес ұйымдастыру дағдыларын меңгереді.

Пән ислам құқығы ғылымының тарихи даму кезеңдері, құқықтық мазхабтардың пайда болу себептері, мазхаб ұстанудың үкімі, басты ислам мазхабтары, ислам дінінің құқықтық мазхабтары туралы жалпы түсінік қалыптастыруға бағытталған. Пәнді оқу нәтижесінде студент исламдағы құқықтық мазхабтарды салыстырып, талдау жасау әдістерін үйренеді, қазіргі таңдағы қоғамда туындаған діни-құқықтық мәселелерді зайырлылық ұстаным негізінде түсіндіруді меңгереді.

Пән намаздан кейін оқылатын Құран Кәрімнің Хашр сүресі 22-24 аяттарын, Бақара сүресі 1-5, 255, 285-286 аяттарын, Фәтх сүресі 28-29 аяттарын тәжуид ережесіне сай оқуға, жаттауға бағытталған. Пәнді оқу нәтижесінде студент мәд муттасыл, мәд мунфасыл, мәд табиғи, қалқала, уақф сияқты тәжуид ережелерін практика жүзінде дұрыс қолдануды үйренеді.

Пән экологиялық танымды қалыптастырады, қоршаған ортаның жай-күйін және қауіпті факторлардың адамға әсер ету дәрежесін бағалау және табиғатты ұтымды пайдалану аспектілерін қолдануды үйретеді. Курс барысында білімгер экологиялық проблемалар бойынша мәліметтерді цифрлық технологияларды қолдана отырып жинауға, оларды сыни көзқараспен талдауға, өз бетінше шешімдер қабылдауға машықтанып, экологиялық қағидаттарды сақтай отырып, командада жұмыс істеу қабілеттілігін қалыптастырады.

Пән дiндердiң пайда болуын, даму кезеңдерiн, адамзат тарихындағы дiни құбылыстардың заңдылықтарын, ерекшеліктері мен сенім жүйелерінің өзіндік болмыстарын, діндердің жіктелуі мен зерттеу әдіснамасын қарастырады. Пәнді оқу нәтижесінде студент тарихта болған дiндердiң қазiргі таңда кездесу жағдаяттары мен формаларын, әртүрлі діндердің сенімі мен құлшылық ерекшеліктерін меңгеріп, әртүрлі діндер мен мәдениеттерге төзімділік таныту дағдысын қалыптастырады.

Пән экономикалық білімді қалыптастырады, кәсіпкерлік жүргізудің ғылыми негіздерін зерттейді. Кәсіпкерлік іс-әрекетті меңгеру барысында білімгер цифрлық технологияларды қолдана отырып мәліметтерді жинақтайды, бизнестің қыр сырын меңгере отырып, өз бетінше басқарушылық мәселелерді шешеді, алдында тұрған мақсаттарға қол жеткізу дағдыларын қалыптастыру арқылы көшбасшылық қабілетін көрсетеді. Білім алушы кәсіпті жүзеге асыру әдістерімен танысады, бизнесті ұйымдастыру мен басқару шешімдерін қабылдауға дағыдаланады.

Пән христиан дініндегі құдай, пайғамбар және ақырет туралы қалыптасқан теологиялық мәселелерді қарастырады. Пәнді оқу нәтижесінде студент христиандық дереккөздерді пайдалана отырып, христиан дініндегі әртүрлі ағымдардың сенімдерімен байланысты көзқарастарды ислам теологиясымен салыстыра отырып үйренеді. Қазіргі таңдағы конфессияаралық қатынастар саласында толеранттылық пен зайырлылық ұстанымдарын меңгереді.

Пән Құран Кәрімдегі ұзын сүрелерді тәжуид ережесіне сай оқуды үйретуге бағытталған. Пәнді оқу нәтижесінде студент Құран Кәрімнің жиырма бесінші, жиырма алтыншы, жиырма жетінші және жиырма сегізінші параларын тәжуид ережесіне сай оқи алады. Құран Кәрімдегі кез келген аяттарды өз бетінше еркін оқу дағдысын қалыптастырады.

Пән этиканың қайнар көздері, Құранға және хадиске негізделген этикалық нормалар мен ережелер, этика және құндылық философиясы, жақсылық пен жамандық ұғымдары туралы мәселелерді қамтиды. Пәнді оқу нәтижесінде студент ислам этикасының мәні мен маңызын, ислам этикасының қайнаркөздерін және оның негізгі мәселелерін меңгере отырып, ислам құндылық философиясы мен батыстық құндылық философиясын салыстыру дағдыларын игереді.

Пән ислам мәдениетінің қалыптасуы және даму кезеңдерін, оның ерекшеліктерін және басқа мәдениеттерге қосқан үлесін зерттеуге бағытталған. Пәнді оқу нәтижесінде студент ислам мәдениетінің материалдық және рухани туындыларын біледі. Мәдениетаралық өзара байланыстарды, ислам мәдениетіне ықпал еткен негізгі элементтерді түсіндіре алады. Ислам мәдениетінің ғылым мен өнер саласындағы үлгілерін көрсете алады.

Пән деструктивті діни ағымдарға кірудің себептері мен жолдарын, радикалды көзқарастардың ерекшеліктерін, теріс діни ағымдардың сипаттамалары мен көріністерін зерттеуге бағытталған. Пәнді оқу нәтижесінде студент деструктивті діни ағымдардың ерекшеліктерін меңгере отырып, ханафилік-матуидилікке негізделген дәстүрлі діни таным бойынша түсіндірме жұмыстарын жүргізеді, әртүрлі психологиялық әдістерді қолданып, тесттік режимде күрделі ситуациялық диалогтар алгоритмді әзірлеу арқылы жүзеге асырады.

Пән дін философиясының анықтамасы, оның басқа ғылымдармен байланысы, дін мен философия арақатынасы және құдай, әлем, адам байланысы туралы білім беруге бағытталған. Пәнді оқу нәтижесінде студент құдай болмысына қатысты дәлелдерді, атеизм, жақсылық пен жамандық, әділдік пен зұлымдық категорияларын, теодиция түсінігін және дін, ғылым, ахлақ және қоршаған орта байланысын философиялық тұрғыдан зерделеуді меңгереді.

Пән исламдағы көркем жазу (каллиграфия) және ортағасырлық жазу (эпиграфика) түрлерін, қол жазбалар мен сәулет туындыларындағы жазу үлгілерінің ерекшеліктерін үйретуге бағытталған. Пәнді оқу нәтижесінде студент ислам каллиграфиясы және эпиграфикасындағы жазу түрлері мен жазу әдістерін игеріп, өткен ғасырлардағы мәдениеттің әлемдік мұраға қосқан үлесі туралы зерттеу жүргізу, ескі қолжазбалардағы жазу түрлерін оқу дағдыларын меңгереді.

Пән студенттерге дінтану пәндерінің негізгі проблематикасын түсіндіреді; оның қалыптасу және даму тарихымен, негізгі теорияларындағы жетістіктері және кемшіліктерімен таныстырады; феноменологиялық тұжырымдамаларды сыни талдау әдістемесін үйретеді; діни фактілерді дербес феноменологиялық талдау дағдысын қалыптастырады. Студенттер діндер тарихын мұқият танып біледі, дін философиясы, дін психологиясының жеке бөлімдері туралы білімдерді меңгереді. Студенттер дін феноменологиясы тұрғысынан діни мәтіндерді талдау дағдыларын қолданады және кәсіби-тұлғалық қабілеттерін көрсетеді.

Пән исламның жазба мәдениетін танытатын хадис мәтіндерін оқып талдауды үйретуге, хадистердің мағынасын дұрыс түсінуге, уақыт шарттарына қарай қабылаудың тәсілдерін меңгертуге бағытталған. Пәнді оқу нәтижесінде студент өзіне ұсынылған хадис мәтіндерін дәстүрлі діни танымға сай дұрыс түсіндіру және заманауи тұрғыдан талдау жасау дағдыларын меңгереді.

Пән тафсир мәтіндерін оқу арқылы Құран және тафсир туралы білімдерін арттыру, әртүрлі бағытта жазылған тафсирлерді салыстыра отырып білім беруге бағытталған. Пәнді оқу нәтижесінде студент Құран тафсиріне байланысты негізгі деректерді біледі, араб тілінің грамматикалық ережелерін қолдана отырып классикалық және қазіргі тафсир мәтіндерін оқып түсінеді, әртүрлі бағытта жазылған тафсирлерді заманауи әдістерді қолдана отырып, Құран аяттарын дәстүрлі діни танымға сай дұрыс түсінуді меңгереді.

Пән тасаууфтың пайда болуы мен даму кезеңдерін, тасаууф тарихы мен философиясына қатысты классикалық және қазіргі әдебиеттердің мазмұнын қарастырады. Пәнді оқу нәтижесінде студент сопылықтың қалыптасуы мен тарихи кезеңдерін және тасаууфтың басқа ғылымдармен байланысын меңгереді, тасаууф саласындағы негізгі қайнаркөздерді анықтап, сопылық тариқаттардың ерекшеліктерін зерттеу дағдыларын меңгереді.

Пән исламда философиялық ұғымдардың қолданылу ауқымын, антика философиясымен салыстырылуын, философтардың географиялық-климаттық тұрғыда жіктелулерін, ислам ойшылдары мен олардың шығармаларын зерттеуге бағытталған. Пәнді оқу нәтижесінде студент ислам философиясы тарихындағы маңызды өзгерістер мен концепцияларды біледі, әр кезеңдегі философиялық ойларды салыстырады және қазақ дін ойшылдарының философиялық көзқарастарына талдау жасап, өз ойын айта алу және оны күнделікті өмірде қолдану дағдысын қалыптастырады.

Пән қазақ даласынан шыққан дін ойшылдарының рухани-мәдени мұрасын және олардың ислам діні туралы айтқан ойлары және көзқарастарымен таныстыруға бағытталған. Пәнді оқу нәтижесінде студент қазақтың дін ойшылдарының дін және жалпы адамзаттық құндылықтар туралы көзқарастарын зерттеп, олардың арасындағы рухани сабақтастықты және дәстүрлі діни танымның қалыптасуына қосқан үлесін білу арқылы дін мен дәстүр арақатынасын меңгереді.

Пән мемлекеттегі конфессияаралық қатынастарда туындайтын мәселелерді заңнамалық тұрғыдан шешу жолдарын қарастырады. Курс барысында студенттер дін және адам құқығы, ар-ұждан және діни сенім бостандығы, діни бірлестіктер әрекетінің конституциялық-құқықтық негіздері, мемлекет және діни бірлестіктер, ҚР-ғы және шет елдердегі мемлекеттік-конфессияаралық қатынастар, шет елдердің дін туралы заңнамалары, зайырлық қағидаты, конфессияаралық келісімді сақтау мәселелерін меңгереді.

Пән тарихи кезеңдерде ғылым мен дін арақатынасы және исламның негізгі қайнаркөздеріндегі ғылым мен білімнің ролі мен маңызын зерттеуге бағытталған. Пәнді оқу нәтижесінде студент ислам ғылымдарының ерекшеліктерін, дін мен ғылым арасындағы байланысты үйренеді, ислам дінінің және мұсылман ғалымдардың ғылым мен мәдениетке, әлемдік өркениеттің дамуына қосқан үлестері туралы білімді меңгереді.

Пән ислам тарихында алғашқы мазхабтардың пайда болуындағы сенімдік, құқықтық, саяси мазхабтардың қалыптасуына ықпал еткен факторлар, қазіргі таңдағы әлемдегі исламдық сипаттағы діни ағымдардың және діни түсініктердің шығу себептері мен олардың қоғамға әсері туралы мәселелерді қарастырады. Пәнді оқу нәтижесінде студент ислам мазхабтарына қатысты негізгі ұғымдарды, мазхабтар арасындағы айырмашылықтарды біледі, қазіргі таңдағы ислам ағымдарының доктриналық ұстанымдарын зерделеу дағдыларын меңгереді.

Пән Құран Кәрімнің басқа тілдерге аударылуы, соның ішінде қазақ тіліне аударылу тарихи туралы білім беруге және аудармалардағы кездесетін кейбір мәселелерді салыстыра отырып түсіндіруге бағытталған. Пәнді оқу нәтижесінде студент аударманың (тәржімә) түрлерін, Құран Кәрімнің өзге тілдерге аударылу тарихын, Құранның қазақ тіліне аударылу кезеңдерін меңгере отырып, әртүрлі тілдерге аударылған құран аяттарының мағынасын салыстыра отырып зерттеу жасау дағдыларын игереді.

Пән студенттердің кәсіби тұрғыдан дамуы үшін діни шешендік өнер туралы білім беру және алған білімін тәжірибеде көрсетуді көздейді. Пәнді оқу нәтижесінде студент уағыз және құтпа ұғымдарының анықтамасын, діни шешендік өнердің түрлері мен діни рәсім ерекшеліктерін меңгеріп, мешіттерде, діни білім беру мекемелерінде, медреселерде, Құран курстарында кәсіптік білімдерін қолданады, құтпа және уағыз жасау дағдыларын қалыптастырады.

Пән қазақ діни танымында маңызды орынға ие Ханафилік және Матуридилік мазхабтарының қалыптасуы мен негізгі ерекшеліктерін қарастырады. Пәнді оқу нәтижесінде студент қазіргі қоғамдағы тұрақтылыққа кері ықпалын тиігізіп отырған деструктивті діни топтардың теріс танымы және ханафилік және матуридилік ілімдерінің оңды позициялары туралы теологиялық тұрғыдан зерттеу жүргізу дағдыларын меңгереді.

Пән құран кәрімнің мазмұнындағы адам-Алла, адам-әлем және адам-адам арақатынасы мәселелерді қарастырады. Пәнді оқу нәтижесінде студент құранның анықтамасы мен мақсатын үйренеді, құрандағы негізгі мәселелер мен тақырыптарды тізімдейді. Құрандағы Алла, адам, әлем, пайғамбарлық және ақырет мәселелеріне қатысты аяттарды топтастырып оларға түсіндірме жасай алады.

Пән түрік-ислам әдебиетінің қалыптасуы мен даму тарихын және осы бағытта жазылған еңбектерді зерттеуге бағытталған. Пәнді оқу нәтижесінде студент түрік-ислам әдебиетінің кезеңдері мен қайнар көздерін меңгеріп, Қожа Ахмет Ясауи, Жүніс Әміре, Мәулана және т.б ғалымдардың шығармаларындағы діни-әдеби мәтіндерді оқып, әдеби өнер туындыларды салыстырмалы түрде зерттеу дағдыларын қалыптастырады.

Зерттелетін салада мәліметтерді жинақтау және сыни көзқараспен талдау нәтижесінде өз бетінше шешімдер қабылдау арқылы көшбасшылық қабілетті қалыптастырады

Конфессияаралық және басқа да әлеуметтік қатынастардың өзара әрекетін анықтап, діни тәжірибеге теологиялық талдау әдістерін қолданады

Діндер тарихындағы теологиялық мектептер мен қазіргі діни ағымдардың байланыстарын және ерекшеліктерін анықтап, Қазақстандағы дінаралық қақтығыстар, діни экстремизм және радикализмнің алдын-алу шараларын ұйымдастырады

Кәсіби қызметінде ғылыми зерттеу әдістерін, академиялық жазба негізіндерін, академиялық адалдық принциптері мен мәдениетін қолданады

Ислам тарихы, мәдениеті мен өнері салаларындағы білімді меңгеріп, қоғамдық нормаларға негізделген әлеуметтік-этикалық құндылықтарды кәсіби қызметінде пайдаланады

Теологиялық жүйелер мен тұжырымдамаларды зерттеуде теологияның негіздерін, әдістерін, категориялары мен қағидаттарын пайдаланады

Интернационалдық ортада мемлекеттік және шетел тілдерінде кәсіби, академиялық, ғылыми және әлеуметтік қарым-қатынастар орнатады

Кәсіби қызметінде қоғамның рухани құндылықтарын және экономикалық, экологиялық, құқықтық және сыбайлас жемқорлыққа қарсы қағидаттарды сақтайды

Діни және теологиялық мәтіндерді оқу, түсіну, түсіндіру және қолдану саласында негізгі кәсіби білімін көрсетеді

Дін ғылымдарының тарихы мен әдіснамасын терең меңгеріп, мәдениетаралық, этносаралық, конфессияаралық қатынастардағы толеранттылық және зайырлылық ұстанымдарды сақтау тетіктерін қалыптастырады

Қазақ халқының дәстүрлі діни танымы мен діни психологиялық ерекшеліктерін ескере отырып, қоғамдағы діни және теологиялық мәселелерді шешуде ұсыныстар дайындайды

Мемлекеттік-конфессиялық қатынастар саласындағы мәселелерді шешуде теологиялық білімін қолданады