6B01513 Биология в Қожа Ахмет Ясауи атындағы Халықаралық қазақ-түрік университеті

Бұл курс түрік тілінің бастапқы деңгейін оқуға арналған. Курстың мақсаты - "Шет тілін меңгерудің жалпы еуропалық құзыреттеріне" сәйкес студенттердің А1 деңгейінде практикалық дағдыларын қалыптастыру. Курс студенттердің мәдениетаралық және коммуникативтік қарым-қатынасқа дайындығы мен қабілетін дамытуға бағытталған. Пәнді оқу нәтижесінде студент нақты мәселелерді шешуге бағытталған таныс күнделікті сөздер мен қарапайым сөз тіркестерін түсінеді және қолданады.

Пәнді оқу аясында адамның психологиялық, жекелік даму деңгейлерін, олардың статистикалық даму нормаларына сәйкестігін, онтогенездегі әр түрлі өмір этаптарындағы адамның психикалық даму жолын болжау мен әр жастағы баланың дамуындағы интеллектуалдық, эмоционалдық және бейімділік қасиеттері мен қабілеттерін, білімді игертудің мүмкіндіктерін меңгертеді. Пәнді меңгерту нәтижесінде тұлға психологиясындағы түрткі, өзін-өзі бағалау, талаптану деңгейін анықтауды, диагностикалауды, білімді игерудің жасқа лайық мүмкіндіктерін ескере отырып іс-әрекетті ұйымдастыруға қабілетті.

Пән гербарий коллекцияларының түрлері, функциялары, әртүрлілігі және гербарий ісінің қазіргі жағдайы туралы білімді қалыптастырады. Пәнді игеру нәтижесінде білімгер өсімдіктердің жүйелі топтарын сипаттау, салыстыру біліктері негізінде гербарий үлгілерін жинау және кептіру, өндіру және сақтау, сәйкестендіру және таңбалау дағдыларын игереді. Сирек кездесетін және жойылып кетуге жақын өсімдік түрлерін ұқыпты жинау жолымен табиғаттың өсімдік жамылғысын қорғау бойынша іс-шаралар өткізеді.

Пән болашақ педагогикалық қызметке арналған кәсіби-педагогикалық бағыттылықты қалыптастырады. Пәнді игеру нәтижесінде білімгерлер жаңаша білім беру жіктеулерінің үлгілері: білім беру философиясын, адам және қоғам туралы ғылымды, тәжірибені қамтитын үш тұжырымдама жөнінде жан - жақты үйренеді. Жоғары кәсіби білім берудің мемлекеттік қалыптарына сәйкес пән білімгерлерге болашақ мұғалім қызметінің объектісі, қоғамдағы педагогтың әлеуметтік орны, тәжірибелілік іскерліктерді, педагогикалық білімді шығармашылықпен ұштастыра білуді меңгертеді.

Бұл курс академиялық B2 деңгейіндегі түрік тілінің негізгі стандартын үйренуге арналған. Курс техникалық (мамандандырылған) тақырыптарды қоса алғанда, түрік тіліндегі нақты және дерексіз тақырыптар бойынша күрделі мәтіндерді ұсынады. Курстың мақсаты-академиялық тілді жетілдіру. Пәнді оқу нәтижесінде студент әртүрлі тақырыптар бойынша түсінікті, егжей-тегжейлі мәтін құра алады, өз көзқарасын түсіндіре алады, тақырып бойынша әртүрлі көзқарастарды қолдай алады және оларға қарсы дәлелдер келтіре алады.

Пән мектеп жасындағы балалардың анатомиялық-физиологиялық ерекшеліктеріне, даму заңдылықтарына қарай оқушы денсаулығын қорғау және қоршаған ортада бейімделу жолдарын меңгертеді, салауатты өмір салтын қалыптастыру, гигиена мен денсаулықты нығайту ережелерін көрсетеді. Пәнді меңгерген білім алушы педагогикалық үдерісте оқушылардың зияткерлік қабілет, танымдық әлеуетінің жоғары деңгейін қамтамасыз ету әдістерін үйренеді, антропометриялық және медициналық әдістерді пайдаланып, бала ағзасына әсер ететін факторларды анықтайды.

Пән тұтас педагогикалық процессте оқытудың теориялық – әдістемелік негіздерін, қағидаларын, әдістері, формалары мен технологияларын, кәсіби педагогикалық іс-әрекет ретінде модельдеуді, оқушылардың жас ерекшеліктеріне байланысты оқу-танымдық іс-әрекетін ұйымдастыру және оқу-тәрбие процесін басқару туралы түсінік қалыптастырады. Білім алушы пәнді меңгерту нәтижесінде білім беру мекемелеріндегі субъектілермен оқу және тәрбиелеу жұмыстарын атқаруға, оқу-танымдық іс-әрекетін қалыптастыруға, ғылыми, кәсіби міндеттерді шешуге, оқушылардың педагогикалық іс-әрекетін ұйымдастыруға қабілетті.

Пән тірі ағзалар жасушалары мен ұлпаларының шығу тегін, құрылысын, қызметтерін, олардың түрлерін, зат алмасу үрдістерінің механизмін, биологиялық маңызын және сыртқы ортамен қарым-қатынасын анықтайды. Пәнді игеру нәтижесінде білім алушы заманауи лабораториялық қондырғыларды қолдана отырып, биологиялық зерттеулерді жүргізуге, уақытша, тұрақты цитологиялық және гистологиялық препараттарды әзірлеу техникасын меңгеру арқылы зерттеу әдістерін талдау нәтижесінде практикалық дағдыларын көрсетеді.

Пән өсімдіктердің ішкі , сыртқы құрылыс заңдылықтары, жүйеленуі, тіршілік әрекеті, таралу ерекшелігі, ортамен қарым-қатынасы, олардың көбеюі, эволюциясы, филогенездік байланысы туралы білімді қалыптастырады. . Пәнді игеру нәтижесінде білімгерлер өсімдіктердің вегетативтік және генеративтік мүшелерінің морфологиялық, анатомиялық құрылысымын зерттеу тәсілін үйренеді; ботаникалық объектілерді анатомиялық, морфологиялық және таксономиялық зерттеу дағдыларын игереді; зертханалық және далалық жағдайда алынған биологиялық ақпаратты саралау және жинақтау, өңдеу әдістерін меңгереді

Пән өсімдік мүшелерінің физиологиялық функциясын, өсу мен даму процестерін сипаттау қабілетін қалыптастыру.Оқу курсы барысында өсімдіктердің өсуі және дамуы кезінде өтетін физиологиялық процестерді практикалық тұрғыдан ұғынудың әдіснамалық негізін қалыптастырады. Пән өсімдіктің жеке мүшелерінің функциясын, жасуша құрылымын, фотосинтез, тыныс алу процестерін, сыртқы орта факторларына бейімделуін зерттеуге бағытталған.

Пән интродукция саласының негізгі ұғымдары мен терминдерін, өсімдіктердің шаруашылық мақсаты бойынша жіктелуін, интродукцияның теориялық негіздерін қалыптастырады. Пәнді игеру барысында білімгер географиялық, биоклиматтық аудандыстыру принциптері бойынша көбею заңдылықтарының жүру, іске асыру механизмдерін меңгереді. Өсімдіктердің таксономиялық құрамын, пайдалы флорасының түрлік әлеуетін анықтауды үйренеді. Эксперименттік талдау әдістерін ұйымдастыру мен жүргізу, заманауи зертханалық қондырғылармен жұмыс жасауға дағдыланады.

Пәнді оқыту аясында тәрбие процесінің ғылыми негіздерін, теориясы, әдістемесі, заңдылықтары, принциптері, формалары, құралдары, тәрбие үдерісінде тұлғаның қалыптасуы, дамуы және тәрбие үдерісін жобалау, талдау, басқару мен ұйымдастыру туралы жалпы түсінік қалыптасады. Пәнді меңгерту нәтижесінде әр түрлі типтегі білім беру ұйымдарында сынып ұжымын қалыптастыру, сынып жетекшісінің қызметінің ерекшеліктерін білу, тәрбие жұмысының жоспарын құру, тәрбиелік іс-шараларды ұйымдастыру іскерлігі мен практикалық дағдыларын меңгереді.

Пән білімгерлерге әртүрлі табиғи-климаттық аймақтардағы топырақтардың типтерін тану дағдыларын және топырақ систематикасы бойынша алған білімдерін күнделікті практикалық жұмыстарда қолдана білу дағдыларын қалыптастырады. Пәнді игеру барысында білімгер биология ғылымының қолданбалы аспектілерін игере отырып,топырақтың өзіндік ерекшеліктерін, морфологиялық, физика-химиялық, химиялық, агрохимиялық қасиеттерін, тұздылық режимін анықтау әдіс – тәсілдерін меңгереді. Зоналық және нитрозоналды топырақтар үшін топырақтардың жүйелі тізімі бойынша кестелер құрастыруға дағдыланады.

Пән ясауилік құндылықтармен таныстырады, академиялық, жеке, мәдени, кәсіби қатынастарда ғылым, діни төзімділік, адамдар қатынасы, құқығы туралы ясауилік ұстанымдарды қалыптастырады. Білім алушы ясауи мәдениетінің ерекшелігін түсініп, қоғамдағы әлеуметтік, этикалық, конфессиялық, мәдени ерекшеліктермен салыстыра біледі. Ясауи ілімінің түркі халықтарының ұлттық мәдениеті, діни түсінігіндегі маңыздылығын түсінеді, қоғамдық ынтымақ, бірлікке ұйытқы болатын «хикметтің» ұлт руханиятындағы орнын саралап, белсенді кәсіби, әлеуметтік қатынас орнату қабілеттерін қалыптастырады.

Пән инклюзивті білім берудің қағидалары және теориялық, әдіснамалық негіздері, ерекше қажеттіліктері бар балаларды психологиялық-педагогикалық қолдау көрсету және инклюзивті тәжірибе аймағында білім беруді ұйымдастырау туралы түсінік қалыптастырады. Пәнді меңгеру нәтижесінде білім алушы арнайы білім беруді қажет ететін, даму мүмкіндігі шектеулі балаларды құқықтық-нормативтік құжаттарға сүйене отырып қалыпты дамыған балалармен бірге әлеуметтендіру, дамыту, өмірге бейімдеу жолдарын көрсетіп, педагогикалық процесті ұйымдастыра алады.

Пән биологиялық процестерді басқаратын молекулалық жүйелердің механизмдері, қасиеттері туралы соңғы ғылыми-теориялық білімдерді қалыптастырады. Пәнді меңгеру барысында білім алушы тірі жүйелердегі генетикалық ақпараттың берілуін және іске асырылуын қамтамасыз ететін нуклеин қышқылдары мен ақуыздардың молекулалық құрылымының ерекшеліктерін, қасиеттерін, қызметін түсінеді. Молекулярлық биологияның зерттеу әдістері мен заманауи құрал-жабдықтарын пайдаланып, зерттеулер жүргізуге дағдыланады.

Пән омыртқасыз жануарлардың құрылысын, көп түрлілігі мен тіршілік әрекетін, таралуын, зоологияның қысқаша даму тарихын, жануарлардың негізгі деңгейлік формаларын қарастырады. Пәнді игеру нәтижесінде білімгер әрбір типтің систематикасы, құрылым ерекшеліктері, көбеюі мен дамуы, биологиясы мен экологиясын, таралуы мен маңызын, палеонтологиясы мен филогенезін жүйелі түрде меңгереді. Тірі ағзаларда жүретін процестердің заңдылықтарына биологиялық зерттеулер жүргізеді.

Пән жануарлар әлеміндегі хордалылар типіне жататын жоғарғы сатыдағы жануарлардың ішкі және сыртқы құрылысын, олардың тіршіліктік қабілеттері мен табиғаттағы орнын қарастырады. Пәнді меңгеру барысында білімгер омыртқалы жануарлардың морфологиялық, физиологиялық, анатомиялық және экологиялық ерекшеліктері мен олардың таралуын біледі. Дамуындағы ерекшеліктері мен қазіргі жағдайын зерделеп таниды. Білімі мен білігі нәтижесінде биологиялық зерттеулер жүргізе алады.

Пән биологиядан көрнекілік құралдарды жасау және шебер қолдана білу біліктіліктерін қалыптастырады. Пәнді оқу барысында білімгер өсімдіктерді кептіру, графикалық көрнекі құралдарды даярлау және фенологиялық таблицаларды құрастыру және коллекциялар әзірлеу әдіс – тәсілін игереді. Биология сабақтарында көрнекі құралдарды жүйелі пайдалану материалдарды жинау, сақтау біліктерін меңгереді. Алған білімі мен білігі нәтижесінде педагогикалық зерттеулер жүргізеді.

Пән білім алушыларда Түркияның тарихи дамуы туралы жан-жақты түсінік қалыптастырады, тарихи ақпарат жинау, талдау және жалпылау дағдыларын дамытады, Ататүрік принциптерін ғылыми бағалауды қалыптастырады. Курсты оқу барысында білім алушы дүниежүзілік-тарихи процесс контекстінде Түркия тарихының негізгі заңдылықтары, кезеңдері мен мазмұны туралы білімдер алады, студенттердің шығармашылық қабілетін, пайымдау еркіндігін, Ататүріктің рухани, тарихи-мәдени мұрасын зерттеу, сақтау, қолдану және арттыруға деген қызығушылығын оятады.

Пән студенттердің дүниежүзілік тарихи үдерісте түркі халықтары мен мемлекеттерінің орны мен рөлі туралы біртұтас түсініктерін қалыптастыруға, студенттердің тарихи ақпаратты іздеу, жүйелеу және жан-жақты талдау дағдыларын меңгеруге, өткен мен бүгінгі күннің тарихи процестерінің мән-жайын түсінуге, ақиқатқа бағдарланған өзіндік ұстанымдарын қалыптастыруға, азаматтық, отаншылдық, ұлттық бірегейлік, ұлтаралық және дінаралық толеранттылық көзқараста тәрбиелеуге бағытталған.

Пән өсімдіктердің құрылысын, таралуы және шығу тегін, тіршілік ерекшеліктері мен жіктелуін, филогенезі мен көбею жолдары туралы түсініктерді теориялық білім негізінде тұжырымдауды қарастырады. Пәнді игеру нәтижесінде білім алушы төменгі және жоғарғы сатыдағы өсімдіктердің систематикалық талдауын жасай алады. Өсімдіктердің түр, туыс, тұқымдас белгілері бойынша ажырату арқылы биологиялық зерттеулер, зертханалық тәжірибелер жүргізе алады.

Пән - биология пәні бойынша жаңартылған білім беру бағдарламасының құрылымын және оқытудың жаңа әдіс-тәсілдерін меңгеру, ондағы оқу мақсатына қол жеткізу барысында критериалды бағалау жүйесін түсініп, қолдана білу дағдыларын қалыптастырады. Пәнді меңгеру барысында білімгерлер жаңартылған білім беру бағдарламасына сәйкес оқытудың заманауи әдіс-тәсілдерін қолданады. Сабақты жоспарлау, өткізу тәжірибесін меңгереді. Қысқа, орта, ұзақ мерзімді жоспар даярлауға дағдыланады.

Пән әртүрлі санаттағы академиялық жұмыстарды (essay, report, etc) оңтайлы жазу үшін қажетті дағдылар мен біліктерді қалыптастырады. Пән білімгерлерге жазбаша сөйлеудің жанрлық, грамматикалық, стилистикалық және пунктуациялық ерекшеліктерін түсіндіріп, академиялық жазба жұмыстарды қатесіз жазу әдістерін үйретеді. Академиялық жазбалар әзірлеуде әлемдік дерек базаларын және ғылыми журналдардың онлайн жүйелерін пайдалану дағдыларын қалыптастырады.

Пән экономикалық білімді қалыптастырады, кәсіпкерлік жүргізудің ғылыми негіздерін зерттейді. Кәсіпкерлік іс-әрекетті меңгеру барысында білімгер цифрлық технологияларды қолдана отырып мәліметтерді жинақтайды, бизнестің қыр сырын меңгере отырып, өз бетінше басқарушылық мәселелерді шешеді, алдында тұрған мақсаттарға қол жеткізу дағдыларын қалыптастыру арқылы көшбасшылық қабілетін көрсетеді. Білім алушы кәсіпті жүзеге асыру әдістерімен танысады, бизнесті ұйымдастыру мен басқару шешімдерін қабылдауға дағыдаланады.

Пән экологиялық танымды қалыптастырады, қоршаған ортаның жай-күйін және қауіпті факторлардың адамға әсер ету дәрежесін бағалау және табиғатты ұтымды пайдалану аспектілерін қолдануды үйретеді. Курс барысында білімгер экологиялық проблемалар бойынша мәліметтерді цифрлық технологияларды қолдана отырып жинауға, оларды сыни көзқараспен талдауға, өз бетінше шешімдер қабылдауға машықтанып, экологиялық қағидаттарды сақтай отырып, командада жұмыс істеу қабілеттілігін қалыптастырады.

Пән сыбайлас жемқорлыққа қарсы мәдениетті және академиялық адалдықты тарихи, сондай-ақ қазіргі заманғы мәтіндерде қалыптастырады, сыбайлас жемқорлықтың туындауының әмбебап мәнін, табиғатын, орнықтылығының себебін ашады. Білім алушы сыбайлас жемқорлыққа қарсы іс-қимылдың әлеуметтік-экономикалық, құқықтық, мәдени, адамгершілік-этикалық аспектілері бойынша материалдарды цифрлық технологиялар көмегімен жинау, талдау және ситуациялық міндеттерді өз бетінше немесе командада шешу арқылы сыбайлас жемқорлыққа қарсы қызметті дербес ұйымдастыру дағдыларын меңгереді.

Пән адам денесінің құрылысын, пішінін, оның жекелей дамуымен (онтогенезі), тарихи даму кезеңдерімен (филогенезі), атқаратын қызметі және оған әсер ететін сыртқы ортадан келетін факторлардың әсерін қарастырады Пәнді игеру барысында білім алушы зертханалық тәжірибелер жүргізе отырып, адам анатомиясы зерттеу ерекшелікетріне байланысты бөлінетін бірнеше салаларын биологиялық жіктеуге дағдыланып, практикалық сабақты теориялық сабақпен ұштасыра отырып меңгереді.

Пән генетиканың ғылым ретінде дамуының қазіргі жағдайы мен белгілердің тұқым қуалауының заңдылықтары мен олардың молекулалық механизмдерін, материалдық, цитогенетикалық негіздерін қалыптастырады. Пәнді игеру барысында білімгер биология ғылымының теориялық және қолданбалы аспектілерін игере отырып, гендік, генетикалық инженерия, селекция негіздерінің заманауи әдістерін талдау нәтижесінде практикалық және генетикалық есептер шығаруға, биологиялық зерттеулерді жүргізуге дағдыланады.

Мектеп курсындағы зертханалық, практикалық сабақтарды дұрыс жоспарланған, ұйымдастырылған зертханалық-практикалық сабақтың негізінде оқушының алған білімін іс жүзінде қолдану іскерлігін, дағдысын қалыптастырады. Биология пәнінде дұрыс ұйымдастырылған зертханалық жұмыстардың базасында болашақ биолог мамандарына биология пәнін оқыту әдістемесінің заманауи мақсат-міндеттері, қазіргі заманғы әдістері, негізгі бағыттары мен даму перспективасы саласында білім, білік кешенін игереді.

Пән мектепте оқытылатын биология мазмұны тіршілік туралы білімді қамтуға мүмкіндік бере отырып, оның біртұтастығын, дүниенің ғылыми бейнесіндегі орнын, биологиялық үрдістер мен құбылыстардың мәнін саналы түсінуге, олардың жалпы білімдік дайындығының толық болуын қарастырады. Мектептегі биологиялық пәндерді игеру бойынша обучающийся әдістемелік білім мен кәсіби біліктілік жүйесін толық меңгеріп, практикалық тұрғыда педагогикалық зерттеулер жүргізеді.

Пән орта мектепте биология курсын оқыту әдістемесінің жалпы және жеке мәселелерін меңгеріп, инновациялық технологияларды қолдану арқылы ғылыми-педагогикалық зерттеулерді жүргізу тәсілдерін қарастырады. Білімгер пәнді меңгеру барысында биологиядан оқу-тәрбиелік жұмысын ұйымдастыру, жалпы білім беретін мектептерде биология тарауларының мазмұнын талдау, кәсіби жоспарлау (сабақты жоспарлау), критериалды бағалау, ашық және жабық тапсырмаларды құрастыру дағдыларын игереді.

Пән көшбасшылық қасиеттерді, стильдерді, әсер ету әдістерін тиімді қолдану арқылы адамдардың мінез-құлқы мен өзара әрекетін тиімді басқару әдістемесі мен практикасын қарастырады. Пән мамандарды іргелі даярлаудың алғышарты болып табылады және қызметтің белгілі бір принциптерін талап ететін өзінің күшті жақтары мен қоршаған ортаның мүмкіндіктерін ұтымды пайдалануға қабілетті шығармашылық белсенді тұлғаның қалыптасуын қамтамасыз етуге арналған.

Адам ағзасының мүшелері мен мүшелер жүйесінің физиологиялық қызметін, механизмдерін, сыртқы ортамен байланысын және оның бейімделуіндегі болатын өзгерістерді зерттеп білу қабілетін қалыптастырады. Пәнді меңгеру нәтижесінде білім алушы білімі мен білігін кәсіби қызметінде қолданып, физиологиялық теориялар және арасындағы тәуелділікті анықтап, заманауи зертханалық қондырғыларды пайдалану арқылы тірі ағзада жүретін процестердің заңдылықтарына биологиялық зерттеулер жүргізеді

Пән биообъекттердi өсірудің теориялық негiздерiн әр түрлі салаларда қолданылатын өнiмдерді алудың технологияларын үйретеді. Пәнді меңгеру барысында білім алушы биотехнологиялық өнiмнің технологиялық сипаттамаларын жақсарту және өндiрiс процестерiнiң тиiмдiлiгін жоғарылатуда биотехнологиялық әдістерді жетiлдiру, биологиялық нысандарында жүретiн үдерістер мен құбылыстарды зерттеу, қазіргі заманның ғылыми әдістерінің мүмкіндігін түсіну және кәсiби деңгейде оларды меңгеруге дағдыланады.

Пән популяциялардың генетикалық құрылымына әсер ететін негізгі эволюциялық механизмдерді және филогенетикалық қатынастарды талдау үшін молекулалық әдістерді қалай қолдануға болатынын қарастырады. Пәнді игеру барысында білімгер табиғи сұрыпталу теориясын, тұқым қуалаушылық пен өзгергіштік негіздерін, популяция құрылымы мен генетикасын, түрлену механизмдерін және түрлердің филогенетикалық принциптерін меңгереді.Алған білімі мен білігін кәсіби қызметтте қолдануға дағдыланады

Пән нуклеин қышқылдары мен ақуыздардың құрылысы, қасиеттері мен функциялары туралы қазіргі теориялық білім мен ғылыми жетістіктерді қарастырады. Білім алушы пәнді игере отырып, биомолекулалар деңгейінде генетикалық ақпаратты сақтау, тасымалдау, ақпаратты беру және іске асыру механизмдерін меңгеріп, геномды құрастыру, экспрессиясы және оның реттелуі, клетканың маңызды полимерлері белок пен нуклеин қышқылының мәселелерін зерттей алады.

Пән дәрілік өсімдіктердің морфофизиологиялық ерекшеліктері, фармакологиялық және физиологиялық әсері, емдік және профилактикалық мақсатта пайдалану, осы саладағы ғылыми зерттеулердің заманауи бағыттарының теориялық және қолданбалы аспектілерін қалыптастырады. Пәнді меңгеру нәтижесінде дәрілік өсімдіктерді сыртқы белгілері бойынша тану, өсімдіктерге сипаттама беру, дәрілік қасиетін, химиялық құрамы, медицинада қолданылуы, дәрілік шикізатқа қойылатын талаптар, шикізатты жинауға байланысты биологиялық зерттеулер жүргізеді.

Пән - білім алушының жеке, кәсіби дамуы мақсатында инновациялық әдістемелер әзірлеудің және оларды білім беру процесінде іске асырудың негізгі қағидаларын қарастырады. Пәнді меңгеру барысында білімгер кәсіби педагогикалық қызметті іске асыруға қажетті инновациялық-педагогикалық, әдістемелік құзыреттер мен практикалық дағдыларды игереді. Білім беру процесін жетілдіру үшін инновациялық технологияларды пайдаланып, жеке технологиялар негізінде оқу сабақтарын жоспарлай алады.

Пән адамзаттың жаратылыстану және прогрессіне әсер ететін биологиялық ғылымдардың жетістіктері мен проблемалары туралы озық білімдерді қалыптастырады. Пәнді меңгеру нәтижесінде білім алушы биологиялық алуантүрлілік және тұрақты даму, тіршіліктің пайда болу, адамның өмір сүру ортасы және тірі ағзалардың клеткалық, репродуктивтік мәселелерін биологияның заманауи даму деңгейіне сәйкес интерпретациялай алады. Ғылыми мәліметтерді сауатты жинақтау, зерттеу нәтижелерін жүргізу және тұжырымдау дағдыларына ие болады.

Пән ішкі секрециялық бездердің ағзада орналасуын, қызметтерін, бөлетін арнайы гормондарын, ағза қызметін реттеудегі алатын орнын қарастырады. Пәнді меңгеру барысында білімгер ішкі секрециялық бездердің, олардан бөлінетін биологиялық реттеушілер - гормондар жайлы, олардың ағзаға әсері туралы білімі мен білігін кәсіби қызметте қолданады.Заманауи зертханалық қондырғылар арқылы тірі ағзада жүретін процестердің заңдылықтарына биологиялық зерттеулер жүргізеді.

Пән жануарлардың жеке даму биологиясының негізгі мəселелері - жыныс клеткаларының пайда болуы, ұрықтану, эмбриогенез, постнатальды даму кезеңі, цитодифференцировка, морфогенездің механизмдері, клондау туралы түсініктерді қалыптастырады. Пәнді игеру барысында обучающийся ағзадағы макро - микроморфологиялық, физиологиялық-биохимиялық, молекулалық және генетикалық процестер, жануарлар мен өсімдік организмдерінің онтогенезінің барлық кезеңдерінде даму процесін басқаратын факторлар мен механизмдерді меңгеруге дағдыланады.

Интернационалдық ортада мемлекеттік және шетел тілдерінде кәсіби, академиялық, ғылыми және әлеуметтік қарым-қатынастар орнатады

Теориялық білім негізінде тірі ағзалардың құрылысын,негізгі қасиеттерін, ағзаға тән процестердің жүру заңдылықтарын ескере отырып,оқу-әдістемелік материалдарды әзірлейді.

Оқушылардың психофизиологиялық және жас ерекшеліктерін ескеріп, педагогикалық процестерді ұйымдастырады

Оқыту және тәрбиелеу процестерінде оқушылардың әлеуметтік, жеке, инклюзивтік қажеттіліктерін ескеріп, басқару шешімдерін қабылдауға қабілетті

Зерттелетін салада мәліметтерді жинақтау және сыни көзқараспен талдау нәтижесінде өз бетінше шешімдер қабылдау арқылы көшбасшылық қабілетті қалыптастырады

Биология ғылымының теориялық және қолданбалы аспектілерін, алған білімі мен білігін кәсіби қызметінде қолданады

Кәсіби қызметінде ғылыми зерттеу әдістерін, академиялық жазба негізіндерін, академиялық адалдық принциптері мен мәдениетін қолданады

Заманауи технологияларды тиімді қолданып, оқытудың теориялық және әдістемелік міндеттерін шешеді.

Кәсіби қызметінде қоғамның рухани құндылықтарын және экономикалық, экологиялық, құқықтың, сыбайлас жемқорлыққа қарсы қағидаттарын сақтайды

Білім алушылардың жеке қабілеттері мен қажеттіліктерін ескеріп, оқыту әдістемелерін жобалап, оқу процесін жүзеге асырады.

Ғылыми-педагогикалық зерттеулерді жинақтау, өңдеу, талдаудың заманауи тәсілдерін меңгере отырып, зерттеу жұмыстарын қорытындылайды