6B02191 Арт-менеджмент в Т.Жүргенов атындағы Қазақ ұлттық өнер академиясы

Пән арт-менеджментті әлеуметтік-мәдени басқарушылық қызметтің кешені ретінде зерттейді (мәселені анықтау, мақсат қою, объектіні, тақырыпты және де зерттеу әдістері мен құралдарының жиынтығын анықтау); бұл бірқатар әлеуметтік-мәдени институттардағы мәселелерді шешуге бағытталған іс-шаралар жиынтығы.

Пән арт-менеджменттің күрделі әлеуметтік-мәдени басқару қызметі ретінде ғылыми-теориялық негіздерін түсінуді қамтамасыз етеді, коммерциялық емес саладағы көркемдік басқарудың ерекшеліктері мен спецификасын, өнер саласын басқару процесінің жан-жақты инновациялық әлеуеті мен жағдайларын ұсынады.

Курс қазақ театрының фольклорлық бастауларын, кәсіби театрдың пайда болуын ашады, қазақ театрының алғашқы актерлері, соғыс кезеңіндегі театр, соғыстан кейінгі театр өнері, қазақ сахнасындағы ұлттық және шетелдік классика, ХХ ғасырдың екінші жартысындағы қазақ актерлік өнері мен режиссурасы, тәуелсіздік кезеңіндегі қазақ театры, қазақ театрындағы "жаңа толқын", музыкалық театр және т.б. тақырыптарды ашады.

Курс алғашқы экономикалық дайындығы жоқ студенттерге ғылыми тұрғыдан мазмұнды, өзара байланысты әр түрлі экономикалық процестердің бірыңғай бейнесін; экономикалық емес өнер мамандандыру бөлімдері үшін экономикалық теориядағы кәсіби бағдарламаның міндетті минималды мазмұнын ұсынады.

Курс Қазақстанда кино өнерінің пайда болуы мен қалыптасуын, қазақ киносының ерекшелігінің мәселелерін, шындыққа деген көзқарасын, сабақтас өнермен өзара іс-қимылды, Қазақстандағы кинопроцесс эволюциясының проблемаларын; кинематографиялық теория мен практиканың дамуын талдауды қарастырады.

Пән менеджменттің даму тарихымен, оның қазіргі даму тенденцияларымен таныстырады, тұтыну құрылымы, бұқаралық ақпарат құралдары туралы түсінік қалыптастырады, өндірістік басқарудың негіздерін зерттейді нақты істермен жұмыс жасау дағдыларын қалыптастырады.

Курс креативті экономиканы дамытудың өзекті үрдістерін, креативті индустрияларды дамытудың әлемдік тәжірибесін, Қазақстандағы креативті индустрияларды дамытудың қазіргі жай-күйін, заңнамасын, концепциялары мен бағдарламаларын, креативті кәсіптердің түрлерін, креативті индустрияға жататын қызмет түрлерін қарастырады.

Пән мәдени қызметтің экономикалық теориясынан және нарық жағдайында мәдениетті мемлекеттік қолдау тетіктерін зерттеуден бастап осы саладағы құқықтық, қаржылық, этикалық және де еңбек қатынастарын зерттеуге дейінгі нақты проблемалар шеңбері мен оны шешу жолдарын қамтиды.

Курс мәдени жобаларды жүзеге асыруда білім, білік және дағдылар кешенін береді; мәдениет саласындағы жобалық қызметтің принциптері мен әдістерін игеруге бағытталған; пәннің терминдері мен ұғымдарын баяндайды және де өз жобаларын іске асыруға үйретеді.

Пән маркетингті кәсіпорынның жұмыс жүйесі ретінде көрсетеді, маркетинг принципін, маркетинг шарттарын - ұсынылатын тауардың сапасы, оған арналған бағаның мәні, жарнаманы көрсетеді. Студенттер нақты істер бойынша білім алып, дағдыланады.

Пән студенттерге презентацияны дайындау мен өткізудің барлық кезеңдерін жүзеге асыру білімін, іскерлігі мен дағдыларын береді; презентацияларды қалыптастыру, теңдестірілген композиция жасау мүмкіндіктерін көрсетеді; презентацияның контекстік, көрнекі, ауызша, психологиялық және техникалық аспектілерін ашады.

Пән мәдени-тарихи дәуірлердің өзгеру заңдылықтарына, өнердегі стильдер мен бағыттардың дамуына байланысты өнердің бірлігі, әртүрлілігі және ұлттық бірегейлігі туралы білім береді, мәдени-тарихи процестегі өнердің рөлі және маңызы туралы тұтас түсінік қалыптастырады.

Пән XVII ғасырдан бастап қазіргі заманға дейінгі әлемдік өнердің даму процесінің мазмұны, ерекшеліктері мен негізгі заңдылықтары, зерттелетін барлық елдер мен өркениеттердің көркем мұрасының құндылығы мен бірегейлігі, ұлттық өнер үлгілері мен жалпы әлемдік өнердің өзара байланысы мәселелері туралы білім береді.

Пән арт-индустриядағы мансапты басқару жүйесін, ұйымдағы және де өзін-өзі жұмыспен қамту секторындағы шығармашылық мансапты басқарудың оңтайлы жүйесін анықтайды. Курс шығармашылық мансапқа жалпы сипаттама береді және де оны жоспарлау ерекшеліктерін ашады.

Пән студенттерге болашақ мамандардың ұйымдастырушылық және басқарушылық қызметі үшін елдегі және әлемдегі арт-менеджер мамандығының стратегиясын аналитикалық тұрғыдан түсінуге мүмкіндік береді, қазіргі мәдени саясаттың стратегиясы мен тактикасын қалыптастыру саласында дайындыққа ықпал етеді.

Пән өнердің әлеуметтік кондиционерлеу формалары, әлеуметтік топтардың көркемдік тенденциялар мен көркемдік критерийлерге әсері және де өнер мен биліктің өзара байланысы, өнер аудиториялары және статистикалық және сандық талдау туралы жүйелі білім береді.

Курс «инновация» ұғымымен таныстырады, инновациялық процестерді ынталандырудағы мемлекеттің рөлі, инновациялық жобалардың түсінігі мен мәні: инновациялық шығындардың элементтері, қатысушылары, міндеттері, құрамы мен құрылымы, инновациялық саладағы баға белгілеу, инновациялық жобаны әзірлеу тәртібі мен рәсімі зерттеледі.

Пән стильдердің, көркемдік бағыттардың, сәулет, мүсін, кескіндеме, графика, сәндік-қолданбалы өнердің жалпы эволюциясын жарыққа шығаруды мақсат етеді. Курс бағдарламасы теориялық мәселелер және де өнер туындыларын талдау бойынша дәріс материалдары мен семинарлардың үйлесіміне негізделген.

Пән көрме орталықтарындағы конференция мен корпоративтік кештен, қайырымдылық және спорт ұйымдарынан, коммуникациялық жобалардан, сатылымды арттыруға ықпал ететін іс-шаралардан чемпионатқа немесе саммитке дейінгі ауқымды және күрделілігі әртүрлі іс-шараларды ұйымдастырумен айналысатын event-менеджер мамандығының мәнін ашады.

Курс бағдарламасы театр мәдениетін дамытудың жалпы заңдылықтарын қарастырады. Студенттерді әлемдік театр өнерінің пайда болуы, қалыптасуы және дамуы туралы білімнің ежелгі дәуірден қазіргі заманға дейінгі әр түрлі көркемдік процестердегі байлығымен таныстыру.

Пән танымал бренд құруды және компания саясатында маркалық тәсілді енгізуді зерттейді; өнімнің сауда маркасын әзірлеуден басқа нарыққа орналастырудан және жылжытудан, сонымен қатар сауда маркасының нарық талаптарына сәйкестігін бақылаудан тұратын бренд-менеджмент.

Пән әртүрлі тұжырымдамалар мен идеялар арасындағы логикалық байланысты анық және де ұтымды ойлау және түсіну, мәдениет саласында тәуелсіз және рефлексивті ойлауды дамыту қабілеттерін үйретеді, өнерді біртұтас қабылдаудың әдіс-тәсілдерімен таныстырады.

Пән имидж ұғымымен, имиджология негіздерімен, имиджді қалыптастыру мен басқарудың негізгі құралдарымен таныстырады, имиджді манипуляциялаудың әртүрлі мысалдары қарастырылады, өзіндік позициялау дағдылары қалыптасады. Пән студенттердің кәсіби қызметінде жүзеге асырылатын арт-индустрия саласындағы имиджмейкинг теориясы мен практикасы саласындағы құзыреттерін қалыптастырады.

Пән студенттерде қаржыландырудың әлеуетті көздерін іздеу, қаражатқа қажеттілікті негіздеу бойынша білімді, іскерлікті және дағдыларды қалыптастырады. Курсты оқу барысында студенттер жобаның ерекшеліктері, стратегиясы мен фандрайзинг тактикасы арасында параллельдер жүргізуді және сыни ойлауды үйренеді.

Пән ұйымдық мәдениет пен іскерлік этиканың негізгі элементтерін салыстырады, сипаттамалары зерттеледі: қоршаған орта, элементтер, қатынастар (қатынастардың сипаты, құрылымы), жүйе мен элементтердің қасиеттері, процестер, қалыптасу және даму факторлары, модельдеу әдістері қолданылады.

«Авторлық құқық» авторлық құқықтың барлық негізгі мәселелерін: қалыптасу және даму тарихын; авторлық құқықтың субъектілері мен объектілерін; туындының авторы мен жасалатын шарттарын; авторлық құқықтармен сабақтас құқықтарды; ғылым, әдебиет және өнертуындыларына (авторлық құқық), орындаушылық шығармаларға, актерлік шеберлікке, фонограммаларға, эфирге беруге және кәбілдік хабар таратуға (сабақтас құқықтар) айрықша және мүліктік емес құқықтарды қорғауды жүзеге асыру тәртібі мен әдістерін қарастырады.

Курс кино және теледидар өнерінің пайда болуы мен даму процесінің заңдылықтары мен ерекшеліктерін, әртүрлі елдердің, аймақтардың, дәуірлердің кино өнерінің негізгі жанрларын, әлемдік кинода жалға беру жүйесін ұйымдастыруды, фильмге бейімделу тәжірибесін игеруді зерттейді.

Курс – мемлекеттік-құқықтық құбылыстар туралы білімдерін қалыптастырады. Аталған курстың оқу пәніне мемлекет пен құқықтың пайда болу заңдылықтары, дамуы және қалыптасуы, негізгі заң туралы түсініктерді анықтау, сонымен қатар конституциялық, азаматтық, қылмыстық және әкімшілік секілді қазақстандық құқықтың базалық салаларының негізгі ережелері кіреді.

Курс заманауи театрландырылған формалардың драматургия кеңістігіндегі метамодернизм мәдениетінің ерекшеліктерін, қазіргі театрдың басқа түрлерінен айырмашылығын, ХХ ғасырдың режиссурасының тарихын, сонымен қатар перформанс, хэппенинг, акционизм және басқа да "паратеатриялық формалардың" тарихын ашады.

Зияткерлік меншік пәні, оның негізгі принциптері мен ұғымдары туралы жалпы түсінік береді. Курста авторлық құқық және өнеркәсіптік меншік құқығы - өнертабыстарға, пайдалы модельдерге, өнеркәсіптік үлгілерге, фирмалық атауына, тауарлық белгілерге, компьютерлік бағдарламаларға қатысты осы меншік объектілерін құқықтық қорғау мәселелері егжей-тегжейлі қарастырылады.

Курс студенттерге мәдени жобаларды басқаруды жүзеге асыру бойынша білімдер мен дағдылар кешенін; мәдениет және өнер саласындағы жобалау қызметінің принциптерін, әдістері мен нақты кейстерін ұсынады; пәннің негізгі терминдері мен ұғымдарын баяндайды.

Курс театрлардың ұйымдық-құқықтық нысандарын, театрдағы шығармашылық-өндірістік қатынастардың ерекшеліктерін (жаңа қойылымдарды дайындауды жоспарлау және ұйымдастыру, спектакльді дайындау кезеңдері, театрдың көркемдік-сахналау бөлігінің қызметін реттейтін ішкі құжат айналымы, көркем-сахналау бөлігінің спектакльдерді жобалайтын және материалдық безендіретін ұйымдармен өзара іс-қимылы) қарастырады.

Пән киноиндустриядағы зияткерлік меншік саласында білім, білік және дағдыларды, авторлық құқық пен зияткерлік меншікті кино бизнесінің барлық кезеңдеріне оң және теріс әсер ететін фактор ретінде түсінуді қамтамасыз етеді.

Курс театрдың репертуарлық саясатының принциптерін қарастырады, театр репертуарларындағы саяси цензураның рөлін, ХХ ғасыр мен ХХІ ғасырға дейінгі театр ұжымдарының репертуарлық саясатын, көркемдік кеңестерді және олардың театр репертуарын бекітудегі рөлін, театр түрлері бойынша репертуарлардың ерекшеліктерін анықтайды.

Курс креативті өндіріс саласында кәсіпкерлік құзіреттіліктерді (теориялық білім, практикалық біліктілік пен дағдылар) қалыптастыруға, сонымен қатар студенттердің шығармашылық әлеуеті мен креативтілігін ашуға арналған. Осылайша, курстың екі жақты бағыты бар: шығармашылық тұлғалардың кәсіпкерлік ойлауын және студенттер креативтілігін қалыптастыру.

Пән құқықтық реттеу ұғымын, оның тәсілдерін, әдістерін, түрлері мен сатыларын; құқықтық реттеу объектісі ретіндегі мәдениетті; мәдени игілікті сақтау мен дамытудың құқықтық базасын және авторлық және сабақтас құқықтарды қорғау тәсілдерін ашады.

Курс өнер саласындағы басқарудың теориялық негіздеріне және менеджмент жүйесінің жалпы принциптерін білуге, сонымен қатар мәдениет саласындағы ұйымдарды басқару қызметінің практикалық дағдыларын меңгеруге, мәдени қызметтің заманауи шарттарымен танысуға, шығармашылық жобалармен жұмыс жасауға, арт-индустрия саласындағы маркетингтік, қаржылық, басқару ерекшеліктерін тануға бағытталған.

Пән арт-индустрияның әртүрлі салаларының өнімдерін жасау саласында белсенді жұмыс істейтін арт-менеджерлерді даярлауға бағытталған; жобаның ағымдағы міндеттері шеңберінде арт-өнімді жүзеге асыру бойынша тиімді жұмыс істеу үшін білім, білік және дағдылар береді.

Пән қазіргі әлеуметтік-мәдени жағдайдағы концерттік-гастрольдік қызметті промо-науқанның, кез-келген әртістің жаңа альбомын насихаттаудың құрамдас бөлігі ретінде қарастырады. Студенттер Қазақстанда және шетелде музыкалық сахна әртістері мен ұжымдарының концерттік қызметін ұйымдастырудың әдіснамалық, құқықтық және экономикалық негіздерімен танысады.

Пән заманауи әлеуметтік-мәдени құбылыс ретінде өнер нарығының заңдылықтарын, ерекшеліктерін және де мәселелерін зерттейді. Курс барысында студенттер арт-нарықтың ерекшелігін экономикалық категория ретінде анықтайды; экономиканың осы секторының қоғамдық маңыздылығына байланысты негізгі міндеттерді тұжырымдайды.

Курс киноиндустрияның репертуарлық саясатының принциптерін, мемлекеттік ақпараттық саясаттың тақырыптық бағыттарын, ХХ ғасырға дейінгі кино репертуарлық саясатын, кеңестік саяси цензура мен кино өнерін, ХХІ ғасырдағы кино репертуары мен көрермендердің қалауын, отандық және шетелдік кино түрлері тұрғысынан репертуарлық саясатты, кинотеатрдың репертуарлық саясатының ерекшеліктерін, букингті қарастырады.

Курс театрды өнер нарығының объектісі, театр қызметтері нарығының даму тенденциялары ретінде қарастырады, театр қызметтерінің конъюнктурасын бағалау ерекшеліктерін, театр қызметтері нарығының сегментациясын, саланың инфрақұрылымын, театр және концерт залдары нарығының айналымын, театрлар мен концерт залдарына билеттердің бағаларын, саланың қаржылық және инвестициялық көрсеткіштерін ашады.

Пән жаңадан құрылған коммерциялық кәсіпорындардың немесе олар жобаларды іске асыру үшін белгілеген перспективаларын бағалау үшін негіз ретінде бизнес-жоспармен жұмыс істеу білімін, іскерлігін және дағдыларын береді. Курста бизнес-жоспарлаудың негізгі әдістері, оларды таңдау критерийлері және бизнес-идея мен бизнес-модельді тұжырымдаудан бастап, жаңа компанияның ұйымдық-құқықтық нысанын және салық салу жүйесін таңдау қарастырылады.

Курс продюсердің театр құрылымдарындағы рөлін, театр саясатын қалыптастыруды, спектакль құруды, спектакльді бюджеттеуді, бағаны белгілеуді, театрды ілгерілетуді қарастырады, театр продюсерінің тәуекелдерін, табысты шетелдік және қазақстандық театр продюсерлерінің қызметін зерттейді.

Курстың мазмұны салық салу режимдерін, маркетинг негіздерін айқындау, тиісті өңірде талап етілетін бизнес-жобаларды әзірлеу, өз стартапын басынан құру, ғылыми зерттеулер мен өнертабыстардың конкурс-көрмелеріне қатысу, жобалық шешімдердің техникалық-экономикалық негіздемесін дайындау бөлігінде кәсіпкерлік қызметті жүргізу негіздерін зерделеуді көздейді.

Курстың мақсаты - нарықтық экономика жағдайында экономикалық және маркетингтік қызметтің негіздері туралы білімді, өнер саласындағы маркетингтік қызметтің ерекшеліктері туралы идеяларды, маркетингті тиімді пайдалану дағдыларын қалыптастыру, маркетингтік ойлауды дамыту, мәдениет және өнер мекемелері қызметінің маркетингтік аспектілерін талдау қабілеті.

Пән коммуникация құралдары мен арналарын ұсынады; іскерлік коммуникация процесінің моделін іскерлік коммуникацияға ғылыми көзқарасты жүзеге асыру нысаны ретінде көрсетеді. Сонымен қатар, студенттер өз кәсіби қызметінде коммуникация құралдарын сауатты және орынды пайдаланады.

Пән бизнес-жоспарларды әзірлеу үшін қажетті кәсіби құзыреттіліктер мен дағдыларды кеңейтуге мүмкіндік береді. Бизнес-жоспар жобалық-инвестициялық шешімдердің құралы ретінде қарастырылады. Пәнді оқу барысында білім алушылар өздерінің бизнес-жоспарын әзірлеу кезінде басқа курстарда алған білімдерін қолдануға мүмкіндік алады, оны курстың соңында көпшілік алдында таныстырады.

Курс қаржының мәні мен негізгі ұғымдарын, мәдениет пен өнерді қаржыландырудағы мемлекеттің рөлін қарастырады, театрдың кірістері (негізгі көздер мен қосымша), театрларды мемлекеттік қаржыландырудың ерекшеліктері, театрдың шығыстары (еңбекақы төлеу, мемлекеттік сатып алу, салық салу) туралы ақпарат беріледі, сондай-ақ қаржылық есептілік, бухгалтерлік есеп туралы ақпарат беріледі.

Курс мәдени мемлекеттік институттарда (мұражайлар, көрме залдары) және де жеке меншік иелерінде (галереялар, коллекционерлер) мәдени құндылықтарды сақтандыру жағдайлары негізінде сақтандыру жағдайлары мен нормативтік құжаттар бойынша білім, біліктілік және дағдыларды береді.

Пән жарнаманың мәнін және PR, жарнаманың түсінігі мен жіктелуін, жарнаманың пайда болуы мен дамуының негізгі кезеңдерін, негізгі жарнамалық ұғымдар мен терминдерді, жарнамалық қызметтің мәнін, жарнаманың негізгі түрлерін ашады, сонымен қатар студенттерге театрды жылжыту үшін әртүрлі жарнама құралдарын сауатты пайдалануға, жарнамалық шығындарды оңтайландыруға, жарнамалық мәтіндерді құрастыруға және талдауға үйретеді.

Пән аудио-визуалды салада жұмыс істейтін арт менеджерлерді, сондай-ақ аудио-визуалды өнімдерді халықаралық арт-нарыққа шығаратын продюсерлерді даярлауға бағытталған және кино, теле, радио жобаларында жұмыс істеу үшін білім, біліктілік пен дағдыларды береді.

Курс қызметтік саладағы адамдар арасындағы байланыстарды дамытудың көп қырлы процесін ашады, бірлескен жұмыста нәтижеге қол жеткізуді, белгілі бір тапсырманы шешуді немесе белгілі бір мақсатқа жетуді көздейтін іскерлік ақпарат алмасу процесін көрсетеді.

Пән кәсіпкерлік ойлауды кеңейтеді және шығармашылық салаларда бизнес жүргізу, шығармашылық немесе зияткерлік капиталды құру немесе пайдалану, өзінің және өзгенің дарынын дамытуға инвестициялау үшін білім, дағдылар мен біліктілікті қамтамасыз етеді.

Пән фестивальдар мен гастрольдік қызметтің ерекшелігі туралы түсініктерді қалыптастыруға ықпал етеді; Қазақстанда және шетелде фестиваль қозғалысының дамуын зерделеу; гастрольдік және фестиваль менеджментінің негізгі тәсілдерін, құралдарын қолдану білімі мен дағдыларын алу.

Курс өнер нарығын сақтандыру тарихын, өнер саласындағы Қазақстан заңнамасының негіздерін, өнер туындыларын сақтандыру жағдайларын, тәуекелдерді, коллекцияларды, мұражай заттарын бағалау және сақтандыру ерекшеліктерін, мәдениет және өнер қызметкерлерінің жауапкершілігін, өнер туындыларын қайта сақтандыруды қарастырады.

Пән қаржы мен несиенің мәні мен рөлін, кәсіпорындардың ақша қаражатын қалыптастыруды, кәсіпорындар арасындағы есеп айырысуды, кәсіпорынды басқару механизміндегі қысқа мерзімді несиелерді; қаржы құндық категория ретінде; арт-өндірісте қаржыны пайдалану негіздерін ашады.

Пән маркетинг жүйесіндегі жарнамалық қызметті және оның арт-индустриядағы рөлін анықтайды, жарнамалық қызметті жоспарлау және әдістемесі, оның тиімділігін бағалау, арт-индустриядағы жарнамалық өнімдердің психологиялық және әлеуметтік-философиялық аспектісі, интернеттегі жарнаманы копирайтинг пен басқарудың практикалық дағдылары.

Курс ТМД театрларының қалыптасу тарихын, актерлерін, бағдарламаларын, ТМД елдерінің театр саясатын, ТМД-дағы театр өнерінің тенденцияларын және де театрлардың репертуарлық саясатының әлеуметтанулық аспектісін, қоғам дамуының әртүрлі кезеңдеріндегі театрдың жаңа функцияларын қарастырады.

Курс жаһандық кеңістіктегі заманауи театрдың мәнмәтінін, Қазақстан мен Орталық Азиядағы заманауи театрдың дамуының алғышарттары мен үрдістерін қарастырады, режиссерлердің, оның ішінде жастардың тәжірибесін зерттейді.

Пән өзін және басқа адамдарды түсіну және бағалау қабілетін, психологиялық проблемалардың табиғатын, өзін-өзі реттеу әдістерін меңгеруді, тиімді қарым-қатынас жасай білуді және басқалардың мінез-құлқына әсер етуді қалыптастырады; тестілеу әдістері мен жаттығуларды қолданады.

Пән ғылыми зерттеулердің ұйымдастырылуы мен мазмұны туралы замандық түсінігі қалыптасуына жағдай жасайды. Пән студенттерді ғылыми-зерттеу жұмысының негізгі принциптеріне оқытуға бағытталған, өнер саласындағы ғылыми-зерттеу қызметінің дағдыларын қалыптастырады. Курс материалдары студенттерге арт-менеджерлер мен продюсерлердің кәсіби дамуына қажетті эмпирикалық зерттеулер жүргізуге мүмкіндік береді.

Курс әр түрлі уақыт кезеңдерінде Қазақстандағы және шет елдердегі кино мен ТВ дамуының тенденцияларын қарастырады; ең қызықты тенденциялар (Голливуд феномені, француздық жаңа толқын, шығыс Еуропадағы жылымық, кеңестік кино және т.б.), сондай-ақ ХХІ ғасырдағы теледидар мен киноның өзгеруі ерекшеленеді.

Курс талант-менеджменттің субъектілері мен негізгі құралдарын, білім беру мен біліктілікті арттырудың рөлін, кәсіби бейімділікті дамытуды, қызметкерлердің талантын қолдауда құндылықтар мен бағдарларды қалыптастыруды, сондай-ақ курс қызметкерлердің жетістіктері мен мансаптық процестерін бақылау мәселелерін қарастырады.

Курс арт-индустриядағы стратегиялық менеджменттің мазмұнын, киноөндіріс компаниясының сыртқы ортасының рөлі мен құрылымын, кино мен ТВ стратегиялық талдаудың классикалық әдістерін, стратегиялық менеджмент модельдерін қарастырады. Курс киноөндірістік компаниялардың миссиясын, көзқарасы мен құндылықтарын дамытуға, даму стратегиясын әзірлеуге және іске асыруға көмектеседі.

Курс арт-индустрядағы стратегиялық менеджмент мазмұнын, театрдың сыртқы ортасының рөлі мен құрылымын, театрларды стратегиялық талдаудың классикалық әдістерін, стратегиялық менеджмент модельдерін қарастырады. Курс театрлардың миссиясын, көзқарасы мен құндылықтарын дамытуға, даму стратегиясын әзірлеуге және жүзеге асыруға көмектеседі.

Курс әртүрлі уақыт кезеңіндегі Қазақстандағы және шетелдегі театр өнерінің даму тенденцияларын қарастырады; ең қызықты тенденциялар, сондай-ақ театрдың дамуындағы заманауи трансформациялар көрсетілген. Пәнді оқу барысында студенттер театрдың адамзат мәдениеті мен адамның қалыптасуы мен дамуы процесіндегі рөлі туралы біледі.

Пән студенттерді Қазақстан мен Орталық Азияның қазіргі заманғы киносымен таныстырады; өңірдің қазіргі заманғы кино-өнерінің негізгі қайраткерлерімен таныстырады; біздің заманымыздың киносы мен негізгі типологиялық құрамдас бөліктерінің көрнекті киноөндірістері саласында көзбен қарауға мүмкіндік береді.

Курс студенттер арасында персоналды басқарудың білім, білік және дағдылар жүйесін қалыптастырады. Нарықтағы инновациялық кәсіпорынның бәсекеге қабілеттілігін қамтамасыз ету үшін жалпы қоғамдағы ұйымдардың персоналды басқаруының жай-күйі мен даму деңгейін сипаттайтын заманауи проблемалар мен нақты процестерді зерттеу мен түсінуге ерекше назар аударылады.

Курс ғылыми-зерттеу жұмысына (СҒЗЖ, дипломдық жұмыс) кәсіби дайындық береді. Ғылыми зерттеулерді жүргізу тарихымен, принциптерімен, әдістерімен және тәжірибесімен таныстырады, логикалық ойлауды, ғылыми дүниетанымды және ғылыми жұмысты ресімдеу дағдыларын қалыптастырады.

Курс науқанды нақты құруды білетін, сонымен бірге стандартты емес тәсілдерді үнемі таба алатын, бұқаралық ақпарат құралдарымен (газеттер, радио, теледидар, интернет), тұтынушылармен, серіктестермен, бәсекелестермен және мемлекеттік құрылымдармен өзара әрекеттесетін коммуникация маманын қалыптастыруға бағытталған.

Пән көркем шығармашылық психология мәселелерінің, өнер туындыларын қабылдау заңдылықтарының, өнер туындысы құрылымының психологиялық аспектілерінің, сондай-ақ өнер тарихының, психологияның, антропологияның, мәдениеттанудың тоғысында жаңадан пайда болған шығармашылық сана парадокстарының мәнін ашады.

Пәнді зерделеу адам ресурстарын басқару жүйесінің жұмыс істеуін қалыптастыру, кадрлық жұмысты Стратегиялық жоспарлау, персоналды басқару технологиясы, оның дамуы, компания мен оның қызметкерлерінің мүдделерін үйлестіру аясында Ұйым персоналы қызметінің тиімділігін бағалау, ұйымдық даму және персоналмен қарым-қатынас бойынша теориялық және әдіснамалық білім мен жұмыс дағдыларының негіздерін беруге бағытталған.

Пән студенттерге қазіргі ТМД өнеріндегі жағдай туралы аналитикалық ақпарат береді. Қазіргі заманғы өнердің негізгі қайраткерлерімен таныстырады; біздің заманымыздың өнерінің тарихи детерминизмі мен негізгі трендтері туралы түсінік береді.

Пән шеңберінде еңбек қатынастарын, театр қызметкерлерінің лауазымдық міндеттері мен өкілеттіктерін, әкімшілік басқарудың функциялары мен міндеттерін, басқару стильдерін, әртүрлі меншік нысанындағы ұйымдардың құрылымдық бөлімшелерін, театрдағы іс жүргізудің мақсаттары мен міндеттерін, театр әкімшілігінің кәсіподақтармен және ҮЕҰ-мен жұмысын, шығармашылық ұжымдағы мүдделер қақтығысын, басқарушылық бақылау және аудит, басқарудың тиімділігін арттыру, театрдың көмекші қызметтерінің жұмысын реттейтін ҚР заңнамасы қарастырылады.

Пән аясында сатып алуды басқарудың мәні менеджмент функциясы, мемлекеттік сатып алу процесін жүргізу технологиясы, құжаттарды рәсімдеу, жеткізушілерді таңдау және бақылау ерекшеліктері, ұйымдардың сатып алу кезіндегі тәртібінің негізгі факторларының жіктелуі қарастырылады.

Пән студенттерді аудиовизуалды өнімді таныту жүйесінде басқаруды ұйымдастырудың негізгі кезеңдерімен, сонымен қатар оның қазіргі жағдайы мен даму тенденцияларымен, әлемдік және де отандық қоғамдық өмірдегі маңыздылығымен таныстырады; кино-жобалардың нақты кейстерін ұсынады.

Пән режиссура мен кино түсірудің ерекшеліктері туралы білім, біліктілік пен дағды береді, идеяны әзірлеуден бастап монтаждау мен дыбыстауға дейінгі тәжірибедегі процеспен таныстырады және де өзінің қысқаметражды оқу фильмін түсіруге көмектеседі.

Пән аясында театр менеджмент нысаны ретінде қарастырылады. Театрдың кадр саясатының ерекшеліктері, жоспарлау, жалдау, аттестаттау, біліктілікті арттыру, ынталандыру және де театр актерлерін жұмыстан шығару және шығармашылық ұжым ретінде труппаны басқару ерекшеліктері қарастырылады.

Пән білім алушыларды театрдың шаруашылық қызметінің құрамдас бөліктерімен (театр мүлкі, техника қауіпсіздігі нормалары), сондай-ақ көркемөнер-қойылым бөлімін, машина-декорация бөлімшесін, гример-пастижер бөлімшесін, электр жарықтандыру, радио-дыбыс-техникалық қызметтерді, костюм-киіну қызметін, реквизиторлық қызметті, спектакльдерді ресімдеуді жөндеу қызметін, тігін бөлімшесін жоспарлау мәселелерімен таныстырады).

Пән экрандық драматургияның сценарий жазу формасы, оның құрамы мен құрылымы, стилистикасы мен бейнелі формасы, кадр сыртындағы мәтіннің ерекшеліктері және фильм мен сериалдың композициясы мен сценарий құрылымының негізгі элементтері сияқты ұғымдарын қарастырады.

Пән аясында студенттер кино өндірісіндегі екінші режиссердің рөлін, кино өндірісінің негізгі кезеңдерін таниды және өндірістің барлық кезеңдерінің күнтізбелік-сахналау жоспарын құруды үйренеді. Студенттер радио және теледидар өндірісін өндіру, радио және теледидар өнімдерін жылжыту және сату процесінде тиімді басқару шешімдерін қабылдау үшін білім алады.