6B03187 Психология-Дінтану в Қ.А.Ясауи атындағы Халықаралық қазақ-түрік университеті

Пән психикалық құбылыстар саласындағы жалпы білім мен дағдылардың теориялық және практикалық негіздерін қарастырады. Пәнді оқу нәтижесінде студент негізгі психологиялық ұғымдармен, психологиядағы зерттеудің әдіс-тәсілдерімен танысып; адам психикасының негізгі заңдылықтарын, өз іс-әрекеті мен қарым-қатынасын талдауды меңгеріп, жалпы психологияның категориялық және тұжырымдамалық аппаратын қолдану дағдыларын қалыптастырады.

Бұл курс түрік тілінің бастапқы деңгейін оқуға арналған. Курстың мақсаты - "Шет тілін меңгерудің жалпы еуропалық құзыреттеріне" сәйкес студенттердің А1 деңгейінде практикалық дағдыларын қалыптастыру. Курс студенттердің мәдениетаралық және коммуникативтік қарым-қатынасқа дайындығы мен қабілетін дамытуға бағытталған. Пәнді оқу нәтижесінде студент нақты мәселелерді шешуге бағытталған таныс күнделікті сөздер мен қарапайым сөз тіркестерін түсінеді және қолданады.

Пән дiндердiң пайда болуын, даму кезеңдерiн, адамзат тарихындағы дiни құбылыстардың заңдылықтарын, ерекшеліктері мен сенім жүйелерінің өзіндік болмыстарын, діндердің жіктелуі мен зерттеу әдіснамасын қарастырады. Пәнді оқу нәтижесінде студент тарихта болған дiндердiң қазiргі таңда кездесу жағдаяттары мен формаларын, әртүрлі діндердің сенімі мен құлшылық ерекшеліктерін меңгеріп, әртүрлі діндер мен мәдениеттерге төзімділік таныту дағдысын қалыптастырады.

Пән мазмұнында әлеуметтік-психологиялық идеялардың даму тарихы, үлкен және кіші әлеуметтік топтардың психологиялық сипаттамалары, діни топтар мен этностар психологиясы, ғылыми пәндер жүйесіндегі әлеуметтік психологияның орны қарастырылады. Пәнді оқу нәтижесінде студент белгілі бір әлеуметтік топқа жататын адамдардың мінез–құлқы мен іс-әрекетін зерделеу негізінде әлеуметтік-психологиялық ойлау дағдыларын қалыптастырады.

Пән білім алушыларға оқу процесін ұйымдастырудың негізгі принциптері мен қазіргі кезеңде шет тілін оқытудың ерекшеліктерімен таныстырады. Пәнді меңгеру нәтижесінде білім алушылар шет тілін оқыту әдістемесінің теориялық негіздерін біледі; шет тілін оқыту үдерісін ұйымдастыру бойынша теориялық білімдерін практикада ұтымды пайдаланады; шет тілін оқытудың практикалық негіздерін біледі.

Пән әртүрлі санаттағы академиялық жұмыстарды (essay, report, etc) оңтайлы жазу үшін қажетті дағдылар мен біліктерді қалыптастырады. Пән білімгерлерге жазбаша сөйлеудің жанрлық, грамматикалық, стилистикалық және пунктуациялық ерекшеліктерін түсіндіріп, академиялық жазба жұмыстарды қатесіз жазу әдістерін үйретеді. Академиялық жазбалар әзірлеуде әлемдік дерек базаларын және ғылыми журналдардың онлайн жүйелерін пайдалану дағдыларын қалыптастырады.

Пән қасиетті кітаптар және олардың дін мен мәдениеттегі рөлі, исламның және басқа діндердің қасиетті кітаптары, оларға қатысты ғылыми әдебиеттерді зерделеу, оларды түсіндіру әдістемелері мен ерекшеліктерін қарастырады. Пән оқу аясында студент діни мәтінді бастапқы дереккөз ретінде тұтас сипаттай білу, ғылыми діни мәтіндерді талдау және түсініктеме беру дағдыларын қалыптастырады.

Пәнді оқу аясында адамның психологиялық, жекелік даму деңгейлерін, олардың статистикалық даму нормаларына сәйкестігін, онтогенездегі әр түрлі өмір этаптарындағы адамның психикалық даму жолын болжау мен әр жастағы баланың дамуындағы интеллектуалдық, эмоционалдық және бейімділік қасиеттері мен қабілеттерін, білімді игертудің мүмкіндіктерін меңгертеді. Пәнді меңгерту нәтижесінде тұлға психологиясындағы түрткі, өзін-өзі бағалау, талаптану деңгейін анықтауды, диагностикалауды, білімді игерудің жасқа лайық мүмкіндіктерін ескере отырып іс-әрекетті ұйымдастыруға қабілетті.

Бұл курс академиялық B2 деңгейіндегі түрік тілінің негізгі стандартын үйренуге арналған. Курс техникалық (мамандандырылған) тақырыптарды қоса алғанда, түрік тіліндегі нақты және дерексіз тақырыптар бойынша күрделі мәтіндерді ұсынады. Курстың мақсаты-академиялық тілді жетілдіру. Пәнді оқу нәтижесінде студент әртүрлі тақырыптар бойынша түсінікті, егжей-тегжейлі мәтін құра алады, өз көзқарасын түсіндіре алады, тақырып бойынша әртүрлі көзқарастарды қолдай алады және оларға қарсы дәлелдер келтіре алады.

Пән мазмұнында психодиагностиканың теориялық және әдіснамалық негіздері, психодиагностикалық зерттеу деңгейлері мен психологиялық категориялар қарастырылады. Пәнді оқу нәтижесінде студент практикалық психологтың қызмет саласына байланысты психодиагностиканың басты міндеттері, жаңа тестілерді құрудың негізінде жатқан стандарттау процедуралары туралы теориялық білімдерді меңгереді. Психодиагностикалық әдістерді критерийлерге сай жіктеуді игеріп, психодиагностиканың тұжырымдамалық аппараты бойынша практикалық дағдыларын қалыптастырады.

Пән шетелдік және отандық теорияларды, психикалық дамудың тетіктері мен қозғаушы күштері, олардың жұмыс істеу заңдылықтары және онтогенездің әртүрлі кезеңдеріндегі маңызын қарастырады. Пәнді оқу нәтижесінде студенттің психиканың даму кезеңдері мен дағдарыстары туралы түсінігі қалыптасады. Студент тәрбиелеу мен оқытуға байланысты заңдылықтарды зерделеу, психикалық функциялардың дамуының сенсорлық кезеңдері туралы зерттеу дағдыларын меңгереді.

Пән білім алушыларда Түркияның тарихи дамуы туралы жан-жақты түсінік қалыптастырады, тарихи ақпарат жинау, талдау және жалпылау дағдыларын дамытады, Ататүрік принциптерін ғылыми бағалауды қалыптастырады. Курсты оқу барысында білім алушы дүниежүзілік-тарихи процесс контекстінде Түркия тарихының негізгі заңдылықтары, кезеңдері мен мазмұны туралы білімдер алады, студенттердің шығармашылық қабілетін, пайымдау еркіндігін, Ататүріктің рухани, тарихи-мәдени мұрасын зерттеу, сақтау, қолдану және арттыруға деген қызығушылығын оятады.

Пән ясауилік құндылықтармен таныстырады, академиялық, жеке, мәдени, кәсіби қатынастарда ғылым, діни төзімділік, адамдар қатынасы, құқығы туралы ясауилік ұстанымдарды қалыптастырады. Білім алушы ясауи мәдениетінің ерекшелігін түсініп, қоғамдағы әлеуметтік, этикалық, конфессиялық, мәдени ерекшеліктермен салыстыра біледі. Ясауи ілімінің түркі халықтарының ұлттық мәдениеті, діни түсінігіндегі маңыздылығын түсінеді, қоғамдық ынтымақ, бірлікке ұйытқы болатын «хикметтің» ұлт руханиятындағы орнын саралап, белсенді кәсіби, әлеуметтік қатынас орнату қабілеттерін қалыптастырады.

Пән студенттердің дүниежүзілік тарихи үдерісте түркі халықтары мен мемлекеттерінің орны мен рөлі туралы біртұтас түсініктерін қалыптастыруға, студенттердің тарихи ақпаратты іздеу, жүйелеу және жан-жақты талдау дағдыларын меңгеруге, өткен мен бүгінгі күннің тарихи процестерінің мән-жайын түсінуге, ақиқатқа бағдарланған өзіндік ұстанымдарын қалыптастыруға, азаматтық, отаншылдық, ұлттық бірегейлік, ұлтаралық және дінаралық толеранттылық көзқараста тәрбиелеуге бағытталған.

Пән мазмұнында «адам-жеке тұлға-қоғам субъектісі» ұғымдарының арақатынасы, адамның қасиеттер, интегралдық даралық ұғымы, тұлғаның психологиялық сипаттамасы, тұлғаның құрылымы мен параметрлері, тұлғаның жетілу критерийлері туралы қарастырылады. Пәнді оқу нәтижесінде студент қоғамда және адамның жеке өмір жолында тұлғаның қалыпты және қалыптан тыс дамуының жұмыс істеу заңдылықтарын зерттеу дағдыларын қалыптастырады.

Пән адамның өзгермелі жағдайларға бейімделуге қажет икемді дағдыларды қалыптастырады. Курс барысында студенттер көпшілік алдында сөйлеу, презентация жасау, аудиторияның назарын аудару дағдыларын дамытады. Нәтижесінде студент проблемалардың басымдылықтарын анықтап, оларды шешуде креативті ойлауды және тәуекелдерді болжауды үйренеді. Сондай-ақ, студент өз мүдделері мен сұхбаттасушының мүдделері үшін екіжақты ақпарат алмасуды тиімді қамтамасыз ете алады.

Пән діни сенім мен құқық теориясының негіздерін, сондай-ақ діни ойшылдар мен құқықтанушылардың теориялық тұжырымдамаларын, негізгі ұғымдар мен категорияларын, діни-рухани және діни-құқықтық ойдың жетістіктерін қарастырады. Оқу пәні қазақстандық қоғамның қазіргі заманғы мәселелерін дүниетанымдық және құқықтық тұрғыдан түсінуге және студенттердің аксиологиялық және құқықтық мәдениетін арттыруға бағытталған.

Пән психологиялық білім саласы ретінде психокоррекцияның ерекшеліктері мен оның негізгі принциптерін, әдістері мен әдістемелік негіздері туралы білімді, психологиялық түзетуді ұйымдастыру бойынша болашақ психологтардың құзыреттілігін қалыптастыруды қарастырады. Пәнді оқу нәтижесінде студент түзету жұмысының әртүрлі әдістерімен жұмыс істеу және психокоррекциялық бағдарламаларды әзірлеу, әлеуметтік практиканың әртүрлі салаларында психокоррекциялық жобалар дайындау, зерттеу дағдыларын қалыптастырады.

Пән ерте және қазіргі заманғы діни ағымдардың тарихы мен ілімдері туралы түсінігін қалыптастырады. Пәнде діни ағымдардың жалпы ерекшеліктері туралы білім беру міндеті шешіледі. Қазіргі қоғамдағы ағымдардың дәстүрлі діннің конфессиясына, жалпы қоғамға әсері мен қауіптілігін талдау бойынша сабақтар әзірлеп, өткізу, діни ағымдар мәселелеріне қатысты "діни ағымдар мен топтар" феноменін анықтау мен салыстыру әдістерін қолдану дағдыларын дамытады.

Пән сопылықтың пайда болу, даму тарихы және философиясы туралы білімді қалыптастырады. Сабақта сопылықтың қазақ халқының тарихындағы, сондай-ақ мұсылман философиясындағы рөлі мен орнын объективті бағалау үйретіледі. Сопылықтың дінтану саласындағы орнына қатысты ғылыми зерттеулер жүргізу арқылы, ислам тарихындағы рөлі объективті тұрғыдан түсіндіріледі. Студенттер сопылық ғұрыптар мен ілімдердің қалыптасып, дамуына қатысты зерттеу дағдыларын көрсетеді.

Пән эволюциялық дамудың әртүрлі кезеңдерінде адам психикасының пайда болуы ерекшеліктерін, адам мен жануарлардың психикалық белсенділігіне қатысты жалпы және жекелей даму заңдылықтарын, онтогенез бен филогенездегі психиканың дамуының негізгі және жетекші факторы ретінде адам мен жануарлардың өмір тіршілігін талдау нәтижелерін қарастырады. Пәнді оқу нәтижесінде студент антропогенез, қабылдау процестері, болжамды-зерттеу реакцияларын зерттеу дағдыларын қалыптастырады.

Пән дін психологиясының қалыптасуы мен оның негізгі ерекшеліктерін, жалпы ғылымдар жүйесіндегі орны мен мәнін және психологиямен тығыз байланысты тақырыптар мен салаларды қарастырады. Пәнді оқу нәтижесінде студент сопылық психологиясын, дін ауыстырудың психологиялық аспектілерін, жеке адамдағы жас ерекшелігіне қарай діни сезімдердің өзгеру сипатын меңгере отырып, қазақ халқының діни танымы мен психологиялық ерекшеліктерін зерттеу дағдыларын қалыптастырады.

Пән адамның кәсібилену процесін жүйелі және белсенді көзқарас тұрғысынан түсінуді, еңбек қызметін зерттеудің жалпы психологиялық және арнайы әдістерін, кәсіби маманның дамуы мен өзін-өзі дамытудың негізгі сұрақтарын, еңбек психологиясының даму перспективалары туралы теориялық және практикалық тақырыптарды қарастырады. Пәнді оқу нәтижесінде студент түрлі салаларда әлеуметтік-психологиялық зерттеу жүргізудің негізгі әдістері мен тетіктерін меңгереді.

Пән қоғам өмірінің барлық саласында тұрақты этносаралық өзара әрекеттесу жағдайында этникалық және мәдениетаралық психология аясындағы білім мен қызмет іс-әрекетін қарастырады. Пәнді оқу нәтижесінде студент танымдық қызметте этнопсихологияның теориялық аспектілерін қолдану үшін, мәдениетаралық зерттеудің практикалық әдістерін оқыту және осы саладағы мәселелерді шешу, адамдардың жеке және топтық мінез құлқының этномәдени ерекшелігін бастапқы талдау дағдыларын қалыптастырады.

Пән жаңа діни қозғалыстар мен культтердің дамуы, дінге сенушілердің ұйымдасуының түрлі формалары, догматизация және конфессияландыру, діни ұйымдардағы иерархия, дәстүрлі дінді ұйымдастыру формаларының ішкі сегментациясы, діни ұйымдардағы "ішкі еңбек нарығы" туралы мәселелерді қарастырады. Пәнді оқу нәтижесінде студентте деструктивті діни ағымдардың сананы манипуляциялау әдістері мен тәсілдерін зерттеу дағдылары қалыптасады.

Пән практикалық психологияның әр саласында жүйелі ғылыми білімді және осы білімді педагогикалық практикада қолдану мүмкіндіктері туралы түсініктерді тереңдетеді. Студенттерге жас ерекшелігі және педагогикалық психологияның қазіргі даму жағдайы мен оның жетістіктерін педагогикалық зерттеулерде қолдану мүмкіндіктері туралы ғылыми негізделген тұтас түсінік береді. Пәнді оқу нәтижесінде студент практикалық психология саласында ғылыми білімді меңгеріп, зерттеу дағдыларын қалыптастырады

Пән шетелдік және отандық басқару ғылымының даму тарихы мен оның психологиялық білім жүйесіндегі орнын, басқару қызметінің психологиялық мазмұнын, менеджердің жеке басқару тұжырымдамасын, басқарушылық өзара әрекеттесудің теориялық негіздерін қарастырады. Пәнді оқу нәтижесінде студент басқарудың қазіргі тенденциялары мен жаңа ғылыми басқару парадигмасы туралы білімді меңгеріп, басқару функцияларын жүзеге асыру сапасы мен проблемаларына психологиялық талдау дағдыларын қалыптастырады.

Пән қоғам дамуының діни аспектісіне, діни топтардың жұмыс істеуі мен дамуына байланысты психологиялық мәселелерді шешуге арналған қажетті білімдерді, ыңғайлы және қауіпсіз орта құру үшін психологиялық білім беру және психопрофилактика әдістерінің мүмкіндіктерін қарастырады. Пәнді оқу нәтижесінде студент психология тарихындағы сенім мен руханилықты зерттеу үшін теориялық білімді қолдану, олардың жайлы ортадағы рөлін көрсету дағдыларын қалыптастырады.

Пән экзистенциалды психологияның философиялық негіздерін, бағыттарын, сондай-ақ кеңес беру, психотерапия дағдыларын дамытуды, экзистенциалды тәсілде психологиялық кеңес беру үшін қажетті негізгі психологиялық категорияларды қарастырады. Пәнді оқу нәтижесінде студент экзистенциалды психологияның негізгі ұғымдары мен құбылыстарын меңгеріп, экзистенциалды психотерапияның негізгі әдістемесін жүргізудің дағдылары қалыптасады.

Пән психологиялық кеңес берудің кәсіби қызмет түрі ретіндегі орны мен рөлін, психологиялық кеңес беру ұғымын, психологиялық кеңес берудің мақсаттары мен міндеттерін, консультативтік практика салаларын, психологиялық кеңес берудің түрлері мен формалары, клиенттің позициясын, кеңесшінің кәсіби қызметінің этикасын, кеңес беру кезеңдерінің жалпы сипаттамасын қарастырады. Пәнді оқу нәтижесінде студент кеңесші-психолог ретінде бастапқы диагностиканы жүргізу әдістерін, клиентке психологиялық қолдау көрсету дағдыларын меңгереді.

Пән алған білімдері мен оларды іс жүзінде қолдану, қаржылық ақпаратты пайдалану арасында тікелей байланыс құру негізінде жеке қауіпсіздік пен қаржылық сауаттылықты ескере отырып, қаржылық шешімдер қабылдау үшін білім алушылардың жауапкершілігін қалыптастыруды көздейді. Сондай-ақ тұтынушының, салымшының, қарыз алушының, акционердің, салық төлеушінің, сақтанушының, қаржы нарығындағы инвестордың әлеуметтік-экономикалық рөлін және пирамидалар мен қаржылық алаяқтықтардан тұтынушылардың қауіпсіз мінез-құлқын тиімді орындау дағдыларын қалыптастырады.

Пән экологиялық танымды қалыптастырады, қоршаған ортаның жай-күйін және қауіпті факторлардың адамға әсер ету дәрежесін бағалау және табиғатты ұтымды пайдалану аспектілерін қолдануды үйретеді. Курс барысында білімгер экологиялық проблемалар бойынша мәліметтерді цифрлық технологияларды қолдана отырып жинауға, оларды сыни көзқараспен талдауға, өз бетінше шешімдер қабылдауға машықтанып, экологиялық қағидаттарды сақтай отырып, командада жұмыс істеу қабілеттілігін қалыптастырады.

Пән экономикалық білімді қалыптастырады, кәсіпкерлік жүргізудің ғылыми негіздерін зерттейді. Кәсіпкерлік іс-әрекетті меңгеру барысында білімгер цифрлық технологияларды қолдана отырып мәліметтерді жинақтайды, бизнестің қыр сырын меңгере отырып, өз бетінше басқарушылық мәселелерді шешеді, алдында тұрған мақсаттарға қол жеткізу дағдыларын қалыптастыру арқылы көшбасшылық қабілетін көрсетеді. Білім алушы кәсіпті жүзеге асыру әдістерімен танысады, бизнесті ұйымдастыру мен басқару шешімдерін қабылдауға дағыдаланады.

Пән сыбайлас жемқорлыққа қарсы мәдениетті және академиялық адалдықты тарихи, сондай-ақ қазіргі заманғы мәтіндерде қалыптастырады, сыбайлас жемқорлықтың туындауының әмбебап мәнін, табиғатын, орнықтылығының себебін ашады. Білім алушы сыбайлас жемқорлыққа қарсы іс-қимылдың әлеуметтік-экономикалық, құқықтық, мәдени, адамгершілік-этикалық аспектілері бойынша материалдарды цифрлық технологиялар көмегімен жинау, талдау және ситуациялық міндеттерді өз бетінше немесе командада шешу арқылы сыбайлас жемқорлыққа қарсы қызметті дербес ұйымдастыру дағдыларын меңгереді.

Пән пенитенциарлық педагогика мен психологияның негізгі ұғымдарын, әдіснамалық негіздерін, девиантты мінез-құлқы бар адамдарды, оның ішінде жазасын өтеу процесінде қайта әлеуметтендіруді қамтамасыз етудегі басты тақырыптар мен салаларды қарастырады. Пәнді оқу нәтижесінде студент жазасын пенитенциарлық мекемелерде өтеп жүрген адамдар, девиантты мінез-құлқы бар балалар мен жасөспірімдерге арналған арнайы оқу орындарында зерттеу дағдылары мен қабілетін қалыптастырады.

Пән көшбасшылық қасиеттерді, стильдерді, әсер ету әдістерін тиімді қолдану арқылы адамдардың мінез-құлқы мен өзара әрекетін тиімді басқару әдістемесі мен практикасын қарастырады. Пән мамандарды іргелі даярлаудың алғышарты болып табылады және қызметтің белгілі бір принциптерін талап ететін өзінің күшті жақтары мен қоршаған ортаның мүмкіндіктерін ұтымды пайдалануға қабілетті шығармашылық белсенді тұлғаның қалыптасуын қамтамасыз етуге арналған.

Пән сопылық философияның негізгі принциптері мен идеяларын қарастырады. Пәнді оқу барысында студент Қожа Ахмет Ясауидің философиялық дәстүрін, оның қалыптасуындағы сопылық мәдениеттің орны және сопылық танымның теориялық негізін меңгереді. «Хәл» ілімінің болмысы және негізгі тұжырымдары, Ясауидің гносеологиясы, «Болмыстың бірлігі», Ясауи философиясындағы адам, әлем және Алла жайлы, адамгершілік, рухани еркіндік және адам бостандығы туралы ілімі мен Ясауи ілімінің түркі және қазақ дүниетанымдағы орнын үйренеді.

Пән сот-психологиялық сараптаманы ұйымдастыру мен жүргізудің алғышарттарын, теориялық және әдіснамалық негіздерін, функциясын, кезеңдерін қарастырады. Пәнді оқу нәтижесінде студент сот-психологиялық сараптама практикасында диагностиканың жалпы заңдылықтары мен тетіктерін меңгере отырып, сараптамалық қызметтің талаптары мен сараптамалық әдістемені, психикалық іс-әрекеттің ерекшеліктерін зерделеу дағдыларын қалыптастырады.

Пән ұйымдастыру психологиядағы зерттеудің негізгі бағыттарын, әлеуметтік-техникалық жүйе ретіндегі ұйым ұғымын, постиндустриалды қоғамдағы ұйымдар ұйым қызметкерлерінің қызметін психологиялық талдаудың иерархиялық деңгейлерін, ұйым қызметкерлерінің кәсіби күйзелісі және психикалық денсаулығы, ұйымдастыру мәдениеті, көшбасшылық және басқару туралы ғылыми білімдерді қарастырады. Пәнді оқу нәтижесінде студенттің кәсіби ұстанымы мен қызметті зерттеу дағдылары қалыптасады.

Пән дiн мен қоғамның өзара әрекеттесу формалары мен әдісерін және діни секталардың пайда болуының әлеуметтік-саяси себептерін зерттеуге бағытталған. Пәнді оқу нәтижесінде студент дін социологиясындағы негізгі ұғымдарды меңгере отырып, әртүрлі діни топтар мен ағымдардың қоғамдағы орны мен роліне әлеуметтік тұрғыдан талдау жасайды. Қоғамдағы дінаралық, этносаралық және конфессияаралық қақтығыстар бойынша алдын-алу шараларын ұсынады.

Пән әлемдік діндердегі әдебиет, музыка, театр және сәндік-қолданбалы өнер синтезінде діни кескіндеме, сәулет, мүсін және олармен байланысты негіздер туралы түсінік қалыптастырады; өнердің негізгі қағидаттарын зерделеуді үйретеді. Әлемдік діндердің эстетикалық тұжырымдамаларын, негізгі шығармаларды, әр түрлі конфессияларға жататын өнердің өзара әсерленуін түсіндіру, тұлғааралық қарым-қатынас жасау және ұжымда жұмыс істеу дағдылары қалыптасады. Студенттер діннің көркем негіздерін салыстыру әдістерін меңгеру дағдыларын көрсетеді.

Пән діни антропологияның негізгі ұғымдарын игеру қабілетін қалыптастырады. Пән мазмұны діни антропологияның проблематикасы, әдістері және идеяларымен танысу, дін ерекшелігін ескере отырып, әлемдік діндердегі адам бейнесі туралы түсінік береді. Білім алушылар философиялық көзқарастың мәнін, философиялық-антропологиялық ілімдердің тарихын, ұғымдық аппаратын; адам болмысының ерекшелігін меңгереді. Философиялық-антропологиялық мәтіндерді талдай отырып, өз ұстанымын логикалық түрде ұсыну, оны дәлелдеу және қорғауды қолданады.

Пәнді оқу барысында этика мен аксиология, діни ілімдердің моральдық этимологиясы туралы білім қалыптасады. Этикадағы негізгі теориялық категориялар мен бағыттармен танысады, діни этика мен моральдың мазмұны мен мақсаттарын ұғынады. Пән алған білімді адамгершілік тұрғыдан өзін жетілдіру мақсатында қолдану қабілетін қалыптастырады. Болашақ маман кәсіби қызмет саласында діни мәдениеттегі базалық этикалық ұстанымдар мен олардың моральдық сана мен мінез-құлықтағы орнын көрсетеді.

Пән медиация негіздерімен, оның әдістерімен танысу, ескерту және шешу, әлеуметтік табиғаты мен құралдарын ашу жолдарын, ұйымдардағы, білім беру орындарындағы және діни салалардағы жанжалдарды реттеудің әдіс-тәсілдерін қарастырады. Пәнді оқу нәтижесінде студент медиацияның теориялық және әдіснамалық тұжырымдамаларының мазмұнын, жанжалдың дамуы мен пайда болу заңдылықтарын, медиация процедурасының мәні мен мағынасын, медиативті тәсілді қолдану дағдыларын меңгереді.

Пән сенушілердің психологиясын, дін мен атеизмнің мәні мен мазмұнын түсінуді, олардың тарихтағы эволюциясының негізгі формаларын анықтауды, адамға толерантты қатынасты (діни төзімділікті) ұғынуды қарастырады. Пәнді оқу нәтижесінде студент әлемдік және ұлттық діндердің болмысының психологиялық ерекшеліктерін меңгеріп, діни тәжірибелердің негіздерін түсініп, билік қатынастарының діни құрамдас бөлігін анықтау дағдыларын қалыптастырады.

Пән студенттерге діни экстремизм мен терроризмнің алдын алу шараларын жетілдіруге және қоғамда радикалды идеологияға қарсы иммунитетті қалыптастыруға бағытталған. Діни экстремизмге қарсы іс-қимыл мәселесі бойынша студенттердің теориялық білімдерін дамытады. Қоғам мүшелерінің діни экстремизмнен қорғану жөніндегі іс-шараларға сенімділігін арттыру және олардың төтенше жағдайларда әрекет етуге практикалық дайындығын қалыптастырады.

Пән гипотезаларды тұжырымдаудан бастап эмпирикалық деректерді өңдеуге дейінгі ғылыми зерттеудің барлық кезеңдерінде математикалық статистика әдістерін дайындау, нақты эксперименттік және қолданбалы есептерді шешу үшін зерттелетін әдістерді қолдану жолдарын қарастырады. Пәнді оқу нәтижесінде студент математикалық әдістерді қолданатын басқа пәндердің материалдарын, білімдерін меңгереді. Психология саласындағы эксперименттік деректерді өңдеу және талдау дағдылары қалыптасады.

Пән когнитивтік процестерді өлшеудің негізгі тәсілдері мен принциптерін, когнитивтік тестілеу шеңберіндегі когнитивтік функцияларды, когнитивтік зерттеулерде қолданылатын дәлдік пен реакция уақыты сияқты негізгі көрсеткіштерді қарастырады. Пәнді оқу нәтижесінде студент когнитивті процестерді математика мен оқудағы жалпы және ерекше жетістіктердің болжаушыларын бағалау тұрғысынан өлшеу дағдыларын меңгереді. Реакция уақытын бағалаудың әртүрлі әдіс-тәсілдерін игереді.

Пән білім беру процесінде тұлғаны қалыптастырудың заңдылықтары мен тетіктері туралы базалық білім, даму психологиясы, оқыту психологиясы, тәрбие психологиясы, педагогикалық қызмет психологиясы, педагогикалық қызметтің мазмұны мен процесіне белсенді және мүдделі көзқарас, психология-педагогика салаларындағы негізгі тақырыптар мен салаларды қарастырады. Пәнді оқу нәтижесінде студент білім алушылардың жас және тұлғалық ерекшеліктерін талдау және есепке алу тәсілдерін меңгереді.

Пән дінтану саласындағы сараптамалық зерттеулердің ерекшеліктерін зерттеу және сараптамалық бағалау мен мониторинг жүргізу әдістерін қарастырады. Пәнді оқу нәтижесінде студент дінтану саласында жүзеге асырылатын ұйымдар жүйесін анықтауды және олардың ерекшеліктеріне қатысты дінтанулық мәселелерді шешуді меңгереді. Студент сараптама мен мониторинг жүргізу тәртібін реттейтін нормативтік құжаттармен танысып, меңгерген дағдыларын құқық қорғау органдарымен өзара іс-қимыл барысында аналитикалық, сараптамалық зерттеулерде қолданады.

Пән психологияны оқыту әдістемесінің теориялық негіздерін, студенттердің кәсіби өзіндік санасын және психология мұғалімінің қызметін, өзін-өзі ұйымдастыру мәдениетін қалыптастырады. Пәнді оқу нәтижесінде студент психологияны оқыту әдістемесінің пәні мен міндеттерін, ғылыми тәсілдерін, психологиядан тренинг сабақтарын өткізу әдістемесін, оқу орындарында сабақтар өткізудің негізгі формаларын меңгереді және өзі мен әріптестерінің педагогикалық іс-әрекетін талдау дағдылары қалыптасады.

Пән оқу іс-әрекетінің психологиялық заңдылықтарын, білім беру процесінің субъектілерін тәрбиелеу мен дамытуды, кәсіптік білім беруді психологиялық-педагогикалық қолдауды қарастырады. Пәнді оқу нәтижесінде студент білім беру процестеріне психологиялық-педагогикалық талдау жүргізу қабілеттерін меңгереді. Әлеуметтік-педагогикалық қызмет саласында оқыту және тәрбиелеудің, білім беру процесіне қатысушылар ретінде оқушылар мен педагогтардың ата-аналарының өзара іс-қимылын ұйымдастырудың дағдыларын қалыптастырады.

Пән түркі халықтарының мәдени дәстүрлері мен ислам діні арасындағы сабақтастық пен олардың өзара ықпалдастығына қатысты мәселелерді қарастырады. Пәнді оқу нәтижесінде студенттүркі халықтарының ислам дінін қабылдау үдерісі мен мәдени дәстүрлерін сақтап қалуларына қатысты білімге ие болып, түркі халықтарының рухани құндылықтары, әдет-ғұрыптары, салт-дәстүрлері мен ислам дінінің үйлесімділігі туралы зерттеу дағдыларын қалыптастырады.

Пән психология ғылымының қолданбалы саласы ретінде құқықтық психологияның қалыптасу кезеңдерін, міндеттерін, рөлін, жүйесін, жалпы және ерекше бөлігін, құқықтық психологияның әдіс-тәсілдерін қарастырады. Пәнді оқу нәтижесінде студент құрылымдық талдау әдісін, сандық және сапалық талдау әдістерін, бақылау әдісін, эксперимент әдісін, азаматтық және қылмыстық істерді тергеу және сот қателіктерін зерттеу әдісін және сот-психологиялық сараптама әдістерін меңгереді.

Пән стресстік жағдайлардағы адамның психикалық күйлері мен мінез-құлқын бағалау, болжау және оңтайландыруға байланысты мәселелерді, төтенше жағдайлар кезінде әлеуметтік-гуманитарлық білім беру негіздерін, шұғыл психологиялық көмек көрсету әдістемесі мен технологиясын қарастырады. Пәнді оқу нәтижесінде студент дағдарыстық кеңес берудің негізгі теориялық принциптері мен модельдері туралы білімді меңгеріп, практикалық әлеуметтік-психологиялық қызмет көрсету дағдыларын жетілдіреді.

Пән оқыту топтарының пайда болу және даму тарихымен, топтың даму динамикасы туралы соңғы теориялық біліммен және топта тиімді тұлғааралық қарым-қатынасты құруға ықпал ететін әсер етудің практикалық әдістерін қарастырады. Пәнді оқу нәтижесінде студент жеке тұлғаның коммуникативтік құзыреттілігін дамытуға бағытталған психологтың практикалық жұмысының әдісі ретінде әлеуметтік – психологиялық тренинг өткізу дағдыларын меңгереді.

Пән мемлекеттік-конфессияаралық қатынас саласындағы мәселелерді шешудің жолдарын, мемлекет пен дін қатынастарының тарихы және бүгінгі тәжірибесін, дін туралы мемлекеттік заңнамалардың тарихи-әлеуметтік және теологиялық негіздерін, Қазақстандағы мемлекет-дін қатынастарының ерекшеліктерін қарастырады. Пәнді оқу нәтижесінде студент түрлі конфессиялардың мемлекетпен және өзара қатынастарында туындайтын мәселелерді шешудің құқықтық тәсілдері мен жолдарын меңгеріп, теориялық білімін практикалық кәсіби қызметінде қолдану дағдысын жетілдіреді.

Пән қазіргі жаңа дәстүрлі емес діни қозғалыстардың тарихы мен діни ілімдерін, олардың қоғам өміріндегі орнын қарастырады. Пәнді оқу нәтижесінде студент жаңа діни қозғалыстардың пайда болу себептері мен ерекшеліктерін меңгереді. Қазақстандағы жаңа діни қозғалыстардың ілімдері мен діни ғұрыптарына талдау жасап, теологиялық оңалту мәселелері бойынша жұмыс жасау дағдыларын қалыптастырады.