6B02201 Шығыстану в Абылай хан атындағы Қазақ халықаралық қатынастар және әлем тілдері университеті

Пән оқитын тілдің фонетикалық және грамматикалық негіздерін оқытуға, А1 деңгейіне сәйкес қажетті сөздік қор көлемі мен бастапқы практикалық қатынас жасау дағдыларын меңгеруге бағытталған.

Курс студенттер арасында таңдаған мамандық туралы тұтас түсінік қалыптастыруға бағытталған және студенттерді шығыстанудың жалпы түсініктері, мәселелері және әдістері курсымен таныстыруға арналған. Сонымен бірге курс студенттерді шығыстанумен таныстырады, шығыстанушылар немен айналысатынын түсіндіреді.

Пән Шығыстанудың академиялық және қолданбалы ғылым ретіндегі құрылымын, негізгі компоненттерін, классикалық және қазіргі шығыстанудың концепцияларын, теорияларын және мектептерін зерттеуді қарастырады. Әлемдегі және Қазақстандағы шығыстану ғылымының қалыптасу мен даму тарихына ерекше көңіл бөлінеді.

Пән Шығыс халықтарының қоғамдық-саяси ой-санасының қалыптасу үдерістерін және оның жаңа және қазіргі заманғы тарихи жағдайдағы ішкі және сыртқы факторлардың ықпалымен өзгеруін қарастырады.

Пән тілдік дағдының барлық түрін қамтитын және А2 деңгейіне сәйкес келетін қарым-қатынас жасай алатындай шығыс тілі грамматикасының теориялық және практикалық негіздерін меңгеруге бағытталған.

Пән Шығыс елдерінің географиялық жағдайының ерекшеліктері мен олардың табиғи ресурстарының ішкі және сыртқы саяси бағдарларына әсерін қарастырады. Географиялық, саяси және экономикалық факторлардың әлемдік геосаясаттағы маңызын ашады.

Пән болашақ мамандарды қызметке орналасу барысында, өзге де іскерлік қарым-қатынас аясында а) талап етілетін іс қағаздарын сауатты жаза білу ә) өздерін білікті маман ретінде жұмыс берушіге ұсына білу б) вакансияға талапкерлердің арасынан өзін үздік етіп көрсете білу әлеуетін дамыту в) болашақ маманның өз қабілет-мүмкіндіктерін, іскерлік құзіреттіліктерін барынша ашып көрсете білуге г) ұжымға жылдам сіңісіп, болашақ әріптестерімен іскерлік коммуникация барысында дұрыс стратегия мен тактика құра білуге бағыттайды.

Студенттерде экономика мен құқықтың негізгі бағыттары сыбайлас жемқорлыққа қарсы мәдениеттің өзін-өзі басқарудың негіздері туралы және экология мен тіршілік қауіпсіздігінің рөлі мен маңызы сондай-ақ көшбасшылық қасиеттер ғылыми зерттеу әдістері туралы түсінікті қалыптастыру.

Пән шет тілін меңгеруді, ауызекі тілді тыңдап түсінуді, алдын ала дайындықсыз шет тіліндегі қатынасты дамытуды қамтамасыз етеді және В1 деңгейіне сәйкес келетін грамматикалық және лексикалық материалды қамтиды.

Курс қазіргі мәдени кеңістіктегі Шығыс халықтарының этникалық, рухани, материалдық құндылықтарын қарастырады. Пән «этнос», «этникалық мәдениет» ұғымдарын, Шығыс елдерінің мәдени-этникалық ерекшелігін, Шығыс елдерінің танымын, наным-сенімдерін және халық өнерінің түрлерін зерттеуге бағытталған.

Пән ежелгі және орта ғасырлардағы Шығыс қоғамдары мен мемлекеттерінің даму ерекшеліктерін көрсетеді, оқитын елдің саяси, экономикалық және мәдени дамуына әсер еткен тарихи процестерді қарастырады.

Пән оқитын елдің жаңа және қазіргі кезеңдегі саяси және әлеуметтік-экономикалық дамуының тарихи заңдылықтары мен ерекшеліктерін зерттеуге бағытталған. Пән аясында тәуелсіз Шығыс мемлекеттерінің қалыптасу үдерісі мен олардың қазіргі жағдайы қарастырылады.

Пән тарихи дереккөздердің сенімділігі мен объективтілігін, деректану мен тарихнаманың шығыстану ғылымдары жүйесіндегі орны мен рөлін анықтауға, шығыс тіліндегі дереккөздерді жіктеу мен жүйелеуге бағытталған. Тарихи шындықты бағалау үшін тарихи дереккөздерді, тарихи және деректанулық зерттеудің негізгі әдістерін қарастырады.

Пән тұрмыстық және мәдени қызметтің түрлі салаларындағы қарым-қатынас мәселелерін шешуге бағытталған, эссе мен шығарма жазуды, белгілі тақырыптарға баяндамалар мен диалогтарды дайындауды қамтитын В2 деңгейіне сәйкес келетін ауызша және жазбаша тіл дағдыларын дамытады.

Пән дипломатиялық және консулдық қызметтің негіздерін, дипломатиялық қатынастардың қалыптасу тарихын қарастырады, Шығыс елдеріндегі дипломатиялық қатынастардың даму заңдылықтарын сипаттайды, дипломатияның негізгі әдістері мен тәсілдерін зерттейді.

Пән Батыс пен Шығыс өркениетін қарастыра отырып, Батыс пен Шығыс мәселесінің тұжырымдамалары мен тәсілдерін ашады, тарихи қалыптасқан әлеуметтік-экономикалық, саяси және құқықтық жүйелерді ескере отырып, халықтардың мәдениеті мен ділінің ерекшеліктерін анықтайды, Еуропа мен Шығыс арасындағы ынтымақтастық тетіктерін және олардың өзара әрекеттесуіндегі Қазақстанның рөлін айқындайды.

Пән Шығыс елдері әдебиетінің даму эволюциясын қарастырады, оқитын елдің дәстүрлі және қазіргі заманғы әдебиетінің ерекшеліктерін анықтайды, өткеннің ұлттық-әдеби мұрасының басты ерекшеліктерін және оның қазіргі әдебиеттің дамуындағы рөлін айқындайды.

Пән арнайы терминология аясында ауызша және жазбаша қарым-қатынасты меңгеруге, шығыс тіліндегі кәсіби қызмет саласындағы ақпараттарды іздеу және жинақтау мақсатында кәсіби мәтіндерде қолданылатын лексикалық және грамматикалық құрылымдарды меңгеруге бағытталған.

Пән ірі аймақтық интеграциялық жобалардың мазмұны мен ерекшеліктерін, экономикалық аймақшылдық процестерін және Азия-Тынық мұхиты аймағындағы саяси және қауіпсіздік мәселелері бойынша көпжақты ынтымақтастықты, Азия-Тынық мұхиты аймағының объективті мүмкіндіктерін және оларды жүзеге асырудағы кедергілерді, Азия-Тынық мұхиты аймағындағы халықаралық жағдай дамуының маңызды үрдістерін, оның экономикасы мен саясатының негізгі субъектілерінің басымдықтарын, көпжақты ынтымақтастықтың әртүрлі форматтары мен жобаларына қосылу кезінде олардың уәждемелерін қарастырады.

Пән ауызша және жазбаша түрде шығыс тіліндегі әлеуметтік, кәсіби және коммуникативті жағдайларды зерделеуге бағытталған; оқитын тілдегі түрлі ақпарат көздерімен (баспасөз, радио және теледидар, құжаттар, арнайы және анықтамалық әдебиеттер) жұмыс жасауды қарастырады.

Пән зерттелетін шығыс тілінің грамматикалық құрылымын оның бөліктері әртүрлі дәрежедегі күрделіліктегі белгілі бір қатынастар арқылы байланысқан жүйе ретінде қарастырады. Теориялық бөлім студенттерді грамматиканың негізгі ұғымдары мен терминдерімен, грамматикалық талдау әдістерімен, оқытылатын тілдің грамматикалық құрылымының қызмет ету заңдылықтарымен таныстырады. Теориялық бөлім аясында оқытылатын тілдің фонетикалық лексикалық, морфологиялық және синтаксистік жүйесі зерттеледі.

Пән Шығыс елдеріне қатысты Қазақстан Республикасы сыртқы саясатының қалыптасуы мен дамуына әсер ететін факторларды қарастырады, әлемдік саяси үдерістегі, халықаралық және өңірлік ұйымдардағы ҚР ішкі және сыртқы саясатының рөлін айқындайды.

Пән іскерлік мәдениеттердің модельдерін, Шығыс елдері халықтарының іскерлік модельдері мен іскерлік мәдениетінің ерекшеліктерін зерттейді, келіссөздер жүргізу кезінде мәдени ұлттық ерекшеліктерді жіктейді және ашады, Шығыс пен батыс халықтарының менталитетін салыстырады, мәдениаралық айырмашылықтарды ескере отырып, іскерлік келіссөздер жүргізу техникасы бойынша ұсыныстар жасайды.

Пән түрлі қарым-қатынас жағдайларында лингвомәдени және елтану тақырыптарының мазмұнын қарастырады, оқу және кәсіби міндеттерді шешуге қажетті лексикалық және грамматикалық материалдарды қамтиды.

Пән конфликтологияның теориялары мен концепцияларын зерттеуге, Таяу және Қиыр Шығыстағы қақтығыстардың ерекшеліктерін анықтауға бағытталған, қазіргі қақтығыстардың себептерін, құрылымы мен қарқынын, оларды реттеу мен алдын алуды қамтып көрсетеді.

Пән оқитын тілдің қоғамдық-саяси терминологиясының анағұрлым өзекті аспектілерін қарастырады, елдің қоғамдық-саяси өмірін бейнелейтін шығыс тіліндегі түпнұсқа баспасөз материалдарымен жұмыс істеуге қажетті сөздік қорын қалыптастыруды көздейді.

Пән әлемдік геосаяси және геоэкономикалық өзгерістер жағдайындағы Шығыс елдерінің экономикалық және саяси қайта құру үдерістерін қарастырады. Пән Шығыс елдерінің сыртқы саяси және сыртқы экономикалық мүдделерін, аймақтандыруды, аймақтағы тұрақтылық пен қауіпсіздікті қамтамасыз ету шарттарын зерттейді.

Пән кәсіби сөздік қордың салалық терминологиясын жүйелеуге мүмкіндік береді. Пән аясында студенттер кәсіби салада қарым-қатынас жасау үшін тілдік құралдарды еркін және тиімді пайдалануды; әңгімеге қатысушылармен пікірталаста ойын дұрыс жеткізу мен көзқарасын білдіруді; арнайы терминдерді қолдана отырып, мәтіндер, баяндамалар жазуды үйренеді.

Пән академиялық жазудың әртүрлі жанрларының теориялық ерекшеліктерін қарастырады, мысалы, эссе, реферат, дипломдық жұмыс,және т.б. Сонымен қатар студенттерге академиялық мәтіндерді жазу дағдыларын тәжірибеде қолдануға мүмкіндік беретін теориялық және практикалық бөлімді қамтиды.

Пән Шығыстағы интеграциялық үдерістерді, Шығыс елдерін өңірлендіруді, мемлекетаралық бірлестіктерді, олардың құрамын, құрылу себептерін, қайраткерлігінің мақсаттары мен бағыттарын, даму мәселелері мен болашағын қарастырады, халықаралық көпжақты қатынастарды дамытудағы аймақтық ұйымдардың рөлін анықтайды.

Пән шетелдік Азияның ресурстық әлеуетінің экономикалық мүмкіндіктерін ашады, өңір мен бүкіл әлем ауқымындағы бәсекеге қабілеттілік деңгейін анықтайды, шетелдік Азия елдерінің ресурстармен қамтамасыз етілуін, олардың демографиялық жағдайын, урбанизация деңгейін, халықтың және өндірістің аумақтық шоғырлануын, жекелеген аумақтардың табиғи, антропогендік және техногендік өзгеру дәрежесін көрсетеді.

Пән цифрландырудың қоғамның әлеуметтік-экономикалық өміріне әсерінің түрлі аспектілерін, цифрлық экономиканы мемлекеттік реттеу және қолдау мәселелерін, қазіргі заманғы компаниялар қызметінің цифрлық трансформациясын және Шығыстану мәселелері бойынша ақпаратты өңдеу негіздерін қарастырады.

Пән Шығыс елдерінің креативті индустрияларының қалыптасуы мен дамуын қарастырады және Шығыс елдері экономикасының креативті секторындағы цифрлық технологиялардың рөлін анықтауға және бағалауға бағытталған, Шығыс елдері экономикасындағы цифрлық қауіпсіздіктің маңыздылығын көрсетеді.