RU
Жаңа білім беру бағдарламасы

7M07219 Геология және қатты пайдалы қазба кенорындарын барлау в Satbayev University

Оқыту нәтижелері

  • ІІскерлік және басқару контексінде ағылшын тіліндегі ауызша және жазбаша сөйлеуден негізгі ойды, басты мағынаны және нақты мәліметтерді анықтай білу қабілетін қоса алғанда, іскерлік коммуникацияның негізгі тұжырымдамаларын білу. Монологтар, диалогтар және топтық талқылауларды қабылдап, талдай білу, сондай-ақ грамматикалық нормалар мен іскерлік стиль талаптарына сәйкес басқарушылық мәтіндерді (есептер, хаттар, электрондық хаттар, жиналыс хаттамалары) құра білу. Ақпаратты сыни тұрғыдан бағалай алу және түрлі іскерлік жағдайларға сәйкес тілдік құралдарды таңдап, қолдана білу. Ағылшын тілінде жұппен, топта, кездесулер мен келіссөздер барысында тиімді ауызша және жазбаша іскерлік қарым-қатынас жасау дағдыларына ие болу. Іскерлік ағылшын тілі саласындағы тілдік және кәсіби құзыреттерді өз бетінше дамытуға дайын болу.
  • Жобаларды басқару саласындағы заманауи стандарттар мен олардың негізгі сипаттамаларын, PMI тәсілін, инвестициялық қызметті жоспарлау қағидаттарын, жобалық тәуекелдерді есепке алу және қолда бар ресурстарды оңтайландыру әдістерін, қақтығысты жағдайларды реттеу тәсілдерін, сондай-ақ жобаның орындалу барысын уақытында түзету үшін нақты көрсеткіштерді талдау әдістерін білу.
  • Жоба инициализациясы кезеңінің құжаттарын, соның ішінде техникалық-экономикалық негіздеме мен жоба жарғысын құра білу, жобалық қызметті жоспарлауға қатысты құжаттарды әзірлеу және талдау, шешім қабылдауды қолдаудың әртүрлі әдістерін қолдана білу. Команда мүшелерінің арасындағы қайшылықтарды шешу және кадрларды іріктеу, жобаларды іске асыру барысында туындайтын тәуекелдерді басқару дағдыларына ие болу. Жобаларды қазіргі заманғы жобалық менеджмент талаптарына сәйкес жүргізу және MS Project бағдарламалық жасақтамасын қолдана білу.
  • Кристалдық ортада жарық толқындарының таралу, сыну, қосарланған сыну және интерференция заңдылықтары мен осы құбылыстармен байланысты минералдардың оптикалық тұрақтылары туралы білу. Поляризациялық микроскопты және Федоров үстелшесін қолдана білу. Поляризациялық микроскоп арқылы петрогендік минералдарды зерттеу және анықтау дағдыларына ие болу.
  • Геологияда шешілетін міндеттерге байланысты пайдалы қазбалар кенорындарын геологиялық үлгілеудің әдістері мен негізгі қағидаларын білу. Бастапқы геологиялық материалдар негізінде рудалы денелердің қаңқалық және блоктық модельдерін интерпретациялау және құра білу, цифрлық жер бедері моделін (ЦЖМ) жасау және интерпретацияланған геологиялық, геохимиялық және басқа да деректерді визуализациялау. Пайдалы қазбаларды геологиялық бағалау міндеттерін шешуде ГАЖ технологияларын қолдану және «Micromine» бағдарламасының әртүрлі әдістері арқылы қорларды бағалау дағдыларын білу.
  • Экологиялық геологияның объектісі, пәні мен міндеттерін, оның геоэкологиямен арақатынасын, литосфераның экологиялық функцияларын, литологиялық жүйелердің түрлерін және олардың экологиялық тепе-теңдікті сақтаудағы маңызын, экожүйелердің жай-күйін бағалау критерийлерін, сондай-ақ экологиялық геологияның әдістемелік негіздерін білу. Экологиялық-геологиялық мониторинг қағидаттарын, экологиялық-геологиялық картографиялау әдістерін, инженерлік-экологиялық ізденістердің мазмұнын және экологиялық ахуалды басқару шешімдерін негіздеудегі экологиялық геологияның рөлін түсіну. Экологиялық-геологиялық карталарды жасай білу, мониторингті ұйымдастырып жүргізе білу, инженерлік-экологиялық ізденістерді орындау және экологиялық геология саласында кәсіби қызмет пен әрі қарай білім алуға дайын болу.
  • Жер ресурстарын тұрақты басқару және құрлық экожүйелерін сақтау мақсатында экологиялық-геологиялық үдерістердің қоршаған ортаға әсерін кешенді түрде түсіну қағидаттарын білу. Экологиялық-геологиялық жүйелердің жай-күйін бағалау және болжау әдістерін, экологиялық-геологиялық мониторинг пен картографиялаудың тәсілдерін, сондай-ақ литосфераға теріс әсерді азайтуға және биологиялық әртүрлілікті сақтауға бағытталған инженерлік-экологиялық зерттеулердің мазмұнын білу.
Top