6B02234 Археология және этнология в Қорқыт Ата атындағы Қызылорда университеті

Пәндер

• Теориялық археология

  Бұл курстың мақсаты-бакалавриат деңгейінде археологиялық теория мен интерпретация туралы терең түсінік беру. Курс барысында археологиялық теорияның даму тарихы қарастырылады, сондай-ақ әртүрлі ғылыми мектептер қолданатын негізгі интерпретациялық тәсілдер қарастырылады және талданады. Дәрістен басқа студенттерге апта сайынғы семинарларда теориялық мысалдарды оқып, талдау ұсынылады. Студенттер бірқатар теориялық тәсілдерді үйреніп қана қоймай, археологиялық материалдар мен адамның мінез-құлқын зерттеу үшін археологиялық теорияны таңдауды және қолдануды үйренеді. Курс мазмұны археология және мәдениет тарихы; көші-қон және таралу; процессуалдық археология; постпроцессуалдық археология; адам және оның қызметі; практика теориясы; отаршылдық және постколониалдық археология мәселелерін қамтиды.

  Оқу жылы - 1
  Семестр - 1
  Несиелер - 5
  

• Тарихилыққа дейінгі адамзат эволюциясы

  Курстың мақсаты - тарихилыққа дейінгі адамзат эволюциясымен таныстыру. Курсты оқу барысында білім алушылар адамзат тіршілігінде шаруашылықтың, қоныстардың пайда болуы жайлы және мемлекеттердің пайда болуының алғышарттары туралы біледі; адамның алғашқы қоғамының қалыптасуының және дамуының негізгі кезеңдері мен мәселелерін түсінеді; тарихилыққа дейінгі адамзаттың қоныс аударуымен және құрлықтарға таралып орналасу үдерістерін талдайды; ежелгі адамдардың діни нанымдары және мәдениеті, тілдің шығуы мәселелерін сараптайды, бағалайды

  Оқу жылы - 1
  Семестр - 1
  Несиелер - 3
  

• Ежелгі дүниенің мәдени тарихы (Шығыс)

  Курстың мақсаты - ежелгі Шығыстағы мәдениеттер мен өркениеттер тарихын оқыту. Курс барысында білім алушылар Таяу Шығыстағы ежелгі қалалар мен мемлекеттердің пайда болуы, Египеттің ежелгі тарихы мен мәдениеті, Қытай мен Үндістан жеріндегі ежелгі мемлекеттер мен өркениеттер тарихын оқиды, Сонымен қатар, курста әлемдік мәдениет пен өркениеттердің озық үлгілері болып табылатын археологиялық ескерткіштер мен жәдігерлерге баса мән беріліп, олардың зерттелу тарихы мен мәдени ерекшеліктері тереңірек талданады. Сондай-ақ, көрсетілген аймақтардағы мемлекеттер мен саяси жүйелердің пайда болуы мен дамуы, әлеуметтік және саяси күрделілік, мәдени бірегейлік және өзара байланыс, Жерорта теңізі мен Таяу Шығыстың әртүрлі бөліктеріндегі оқиғалардың өзара байланысы және осы оқиғалардағы материалдық мәдениет пен менталдық тұжырымдамалардың өзара байланысына назар аударылады.

  Оқу жылы - 1
  Семестр - 1
  Несиелер - 5
  

• Археологияға кіріспе

  Бұл курстың негізгі мақсаты - студенттерді археологиядағы негізгі ұғымдармен және зерттеу әдістерімен таныстыру. Студенттер заманауи археологияны зерттеудің негіздерімен, мақсаттарымен және міндеттерімен танысады. Олар сондай-ақ археологияның академиялық пән ретіндегі тарихы және оның (ежелгі) тарихпен, антропологиямен және жаратылыстану ғылымдарымен (дамып келе жатқан) байланысы туралы түсінік алады. Студенттер археологтардың өткен адам мен өткен қоғамдарды қайта құру үшін материалдық мәдениетті қолданудың әртүрлі тәсілдерімен танысады, антропологиялық және тарихи тәсілдердің рөліне ерекше назар аударылады. Археологиялық теория мен практиканың байланысы әртүрлі уақыт кезеңдерінде және әртүрлі географиялық аймақтарда жүргізілген зерттеулер негізінде қарастырылып, археология мен мәдени мұраның қазіргі кездегі мүмкіндіктері мен қиындықтары туралы түсінік беріледі.

  Оқу жылы - 1
  Семестр - 1
  Несиелер - 5
  

• Еңбекті қорғау және тіршілік қауіпсіздігі

  Пән екі өзара байланысты аспектіні қамтиды: еңбек қауіпсіздігі - бұл жұмыскерлердің кәсіби қызметі барысында қауіпсіздігі мен денсаулығын қамтамасыз етуге бағытталған, және тіршілік қауіпсіздігі - бұл адам өмірі мен денсаулығын күнделікті өмірде қорғауды қамтитын сала. Пән шеңберінде еңбек қауіпсіздігін қамтамасыз ету, кәсіби аурулар мен жарақаттардың алдын алу бойынша құқықтық, ұйымдастырушылық және техникалық шаралар, сондай-ақ төтенше жағдайларда әрекет ету ережелері мен әрекеттері (өрттер, техногендік апаттар, экологиялық қауіптер және т.б.) қарастырылады. Білім алушылар азаматтық қорғаудың негіздерін, алғашқы дәрігерге дейін көмек көрсету және құтқару жұмыстарын ұйымдастыру негіздерін зерттейді. Пән білім алушыларда қауіпсіздік мәселелеріне жүйелі көзқарас қалыптастыруға және жұмыс орнында және күнделікті өмірде қауіпсіздікті қамтамасыз ету үшін практикалық дағдыларды дамытуға бағытталған.

  Оқу жылы - 1
  Семестр - 2
  Несиелер - 3
  

• Сыбайлас жемқорлыққа қарсы мәдениет негіздері

  Пәннің мақсаты-Сыбайлас жемқорлыққа қарсы мәдениет негіздері курсы сыбайлас жемқорлықтың алдын алу, оның себептері мен салдарын түсіну, сондай-ақ қоғамда сыбайлас жемқорлыққа қарсы мәдениетті қалыптастыруға бағытталған. Курста сыбайлас жемқорлыққа қарсы іс-қимыл бойынша халықаралық және отандық тәжірибесіне, азаматтық қоғам өкілдерінің, жастардың және жалпы жұртшылықтың ролі туралы ақпараттарға талдау жасалады.

  Оқу жылы - 1
  Семестр - 2
  Несиелер - 3
  

• Ежелгі дүниенің мәдени тарихы (Батыс)

  Курстың мақсаты - ежелгі Греция мен Рим өркениетін, оның мәдени мұраларын оқыту. Курс барысында білім алушылар Греция мен Римде ежелгі мемлекеттердің пайда болуы, мәдениеттер мен өркениеттердің қалыптасуы мәселелерін оқып, біледі; әлемдік мәдениет пен өркениеттердің озық үлгілері болып табылатын археологиялық ескерткіштер мен жәдігерлер жайлы, олардың зерттелу тарихы мен мәдени ерекшеліктерін тереңірек талдайды. Сонымен қатар, курс ежелгі Греция мен Римдегі мемлекеттер мен саяси жүйелердің пайда болуы мен дамуы, әлеуметтік және саяси күрделілік, мәдени бірегейлік және өзара байланыс, және осы оқиғалардағы материалдық мәдениет пен менталдық тұжырымдамалардың өзара байланысы мәселелерін қамтиды.

  Оқу жылы - 1
  Семестр - 2
  Несиелер - 5
  

• Экология және тұрақты даму

  Пәнінің мақсаты: Экология және тұрақты даму пәнінің мақсаты - табиғи ресурстарды тиімді пайдалану, қоршаған ортаны қорғау және қоғамның әлеуметтік, экономикалық қажеттіліктерін ескере отырып, тұрақты даму принциптерін түсіндіру.

  Оқу жылы - 1
  Семестр - 2
  Несиелер - 3
  

• Қаржылық сауаттылық негіздері

  Пәнді оқудың мақсаты студенттерді күнделікті өмірде және кәсіби қызметте қаржылық ресурстарын тиімді басқаруға дайындау болып табылады. Курс отбасылық бюджеттің кірістері мен шығыстары, салық салу, сақтандыру және зейнетақымен қамсыздандыру саласында сауатты қаржылық шешімдер қабылдау үшін базалық білімді зерделеуді, кәсіпкерлік қызметті жүзеге асыру мақсатында бизнес-жоспарлауды, қаржы нарығын, оның негізгі сегменттерін реттеу және жұмыс істеу механизмін оқытуды қамтиды.

  Оқу жылы - 2
  Семестр - 1
  Несиелер - 5
  

• Қазақстан этнографиясының тарихы

  Курстың мақсаты - Қазақстандағы этнография ғылымының қалыптасу тарихын оқыту. Курс барысында білім алушылар Қазақстан этнографиясының қалыптасуындағы ресейлік зерттеушілердің ролі, қазақ этнография мектебінің алғашқы өкілдері мен олардың еңбектері жайлы біледі, кеңестік кезеңдегі қазақ этнографиясының зерттелуі мен қазіргі таңдағы жаңаша зерттеулер жайлы талқылап, олардың нәтижелерін талдайды, қазақ зерттеушілерінің этнография ғылымына қосқан үлесін сараптайды.

  Оқу жылы - 2
  Семестр - 1
  Несиелер - 4
  

• Құқық негіздері

  Пәнді оқытудың мақсаты: Құқық негіздері курсы құқықтың негізгі ұғымдары мен принциптерін түсінуге бағытталған. Бұл курс құқықтық білім мен қоғамдағы құқықтық реттеудің негіздерін түсіндіре отырып, олардың құқықтық мәдениетін қалыптастыруды көздейді.

  Оқу жылы - 2
  Семестр - 1
  Несиелер - 5
  

• Қазақстан археологиясының тарихы

  Курстың мақсаты - Қазақстан археологиясының қалыптасу тарихын оқыту. Курс барысында білім алушылар Қазақстан аумағында жүргізілген алғашқы археологиялық зерттеулер тарихы мен патшалық Ресей кезеңіндегі археологиялық зерттеулер тарихын оқып, біледі; кеңестік дәуірдегі археологиялық қазбалар мен олардың нәтижелері жайлы, тәуелсіздік жылдарында жүргізілген археологиялық ізденістер туралы талдаулар жасайды; Қазақстан территориясын аймақ бойынша кең ауқымды зерттеген кешенді археологиялық экспедициялардың ролі мен Қазақстан археологиясының қалыптасуына үлес қосқан ғалымдардың еңбектері білімдерін жинақтайды.

  Оқу жылы - 2
  Семестр - 1
  Несиелер - 4
  

• Тарихқа қосымша пәндер

  Пәннің мақсаты- тарихқа қосымша пәндер оқытылады. Білім алушылар генеология, геральдика, нумизматика т.б пәндер туралы ақпарат алады; олардың тарихи зерттеулердегі тарихи-деректік маңызын түсінеді; тарихқа қосалқы пәндердің құжаттық, деректік ролін анықтайды. Қосалқы тарихи пәндер нәтижелері археологиялық және этнологиялық, этнографиялық зерттеулер жүргізуде маңыздылығын ескеріп, өз бетінше зерттеулер жүргізе алады.

  Оқу жылы - 2
  Семестр - 1
  Несиелер - 4
  

• Инклюзивті білім беру

  Курстың мақсаты – студенттерді Қазақстандағы және шетелдегі арнайы білім беру жүйесінің қалыптасу кезеңдерімен, балалар мен жасөспірімдердің қалыптан тыс даму заңдылықтарымен, арнайы және инклюзивті білім беру саласындағы мемлекеттік саясатпен, білім беруді дамытудың шарттарымен таныстыру. Дамуында әртүрлі ауытқулары бар балаларға арнайы білім беру.

  Оқу жылы - 2
  Семестр - 1
  Несиелер - 5
  

• Қазақстанның тас дәуірі

  Курстың мақсаты - Қазақстанның тас ғасыры тарихын оқыту. Курс барысында білім алушылар Қазақстан жеріндегі тас дәуірінің тарихын тереңірек оқып, меңгереді. Қазақстан жеріндегі адамзаттың алғашқы іздері болып табылатын тас дәуірі ескерткіштері жайлы біледі; Қазақстанның тас дәуiрiнің зерттелуі мен мерзімделуі мәселелерін түсінеді, тас дәуірі тұрақтарының орналасу ерекшеліктерін талдайды; неолит және энеолит ғасырларының адамзат тарихындағы маңызы туралы білімдерін жинақтайды, шаруашылықтың пайда болуы мен дамуы туралы мәселелерді талдайды.

  Оқу жылы - 2
  Семестр - 1
  Несиелер - 5
  

• Экономика және кәсіпкерлік

  Пәннің мақсаты: білім алушыларға болашақ кәсіби қызметіне байланысты экономикалық білім беруге, талдау дағдыларын және негізделген экономикалық шешімдер қабылдау қабілетін дамытуға бағытталған. Білім алушылар өздерінің қызмет салаларында қолданылатын экономика мен кәсіпкерліктің негізгі принциптерін меңгереді. Негізгі экономикалық түсініктер, экономикалық ақпаратты талдау әдістері, экономикалық шешімдерді қабылдау принциптері және бизнес стратегиялары қарастырылады.

  Оқу жылы - 2
  Семестр - 1
  Несиелер - 5
  

• Теориялық этнология

  Курстың мақсаты этнологияның теориялық мәселелерін оқыту болып табылады. Курс барысында білім алушылар этнологияның негізгі түсініктерін оқып, біледі, теориялық-әдістемелік мәселелерін меңгереді, этникалық және этномәдени үдерістердің теориялық-концептуалдық негіздерін, «этногенез», «этнос» тұжырымдарын талдайды, этнологиядағы мектептер мен ғылыми бағыттардың қалыптасу тарихын, олардың бір-бірінен тұжырымдамалық тұрғыдағы ерекшеліктерін талдайды, этникааралық қатынастар мен этникааралық шиеленістер, оларды зерттеу мен шешудің басты теориялық-әдістемелік негіздерін сараптайды.

  Оқу жылы - 2
  Семестр - 1
  Несиелер - 4
  

• Қазақстандағы сақ-сармат археологиясының мәселелері

  Курстың мақсаты - Қазақстандағы сақ-сармат археологиясының негізгі мәселелерімен таныстыру. Курс барысында білім алушылар Қазақстан жеріндегі ерте көшпелілер мен алғашқы отырықшылардың археологиялық мәдениеттері жайлы кешенді білім алады; сақ-сармат археологиясын зерттеу мен мерзімдеу мәселелерін талдайды; әртүрлі мәдениеттердің ұқсас комплексті белгілерін және ерекшеліктерін ашып көрсетеді.

  Оқу жылы - 2
  Семестр - 2
  Несиелер - 5
  

• Рим өнері және археология (coursera)

  Курстың мақсаты білім алушыларға ежелгі Рим мәдениеті мен археологиясын таныстыру болып табылады. Курс барысында білім алушылар ежелгі Римдегі мемлекеттік құрылым мен материалдық және рухани мәдениет жайлы жан-жақты ақпарат алады; ежелгі Рим заманының куәгерлері болып табылатын атақты тарихи және археологиялық нысандар жайлы, ежелгі Рим өнері жайлы білімдерін жинақтайды; археологиялық ескерткіштер мен тарихи-мәдени нысандардың ерекшеліктерін анықтайды, Рим археологиясының зерттелуі мен қазіргі таңдағы ғылыми өзекті мәселелерін талдайды

  Оқу жылы - 2
  Семестр - 2
  Несиелер - 5
  

• Әлем халықтарының этнографиясы

  Пәннің мақсаты - дүниежүзі халықтарының географиялық, лингвистикалық, антропологиялық, шаруашылық-мәдени тұрғыдан жіктелуі туралы білім беру. Курс барысында білім алушылар Австралия және Мұхиттық аралдар халықтары, Америка халықтары, Еуропа халықтары, Азия халықтары, Африка халықтары туралы біледі; олардың этногенезі мен этникалық тарихын түсінеді; отарлаушылықтың зардаптарын талдайды; әлем халықтарының шаруашылығы мен дәстүрлі мәдениеті, әдет-ғұрыптары туралы білімдерін жинақтайды

  Оқу жылы - 2
  Семестр - 2
  Несиелер - 5
  

• Ежелгі және ортағасырлық өндірістер технологиясы

  Пәннің мақсаты - дүниежүзіндегі ежелгі және ортағасырлық өндірістер тарихы мен олардың даму тарихын оқыту. Курс барысында білім алушылар алғашқы өндірістер тарихы мен ежелгі тас ғасырындағы тас өңдеу әдістері жайлы оқып, біледі; тарихи кезеңдерде жасалған тас құралдар мен қару жарақтар, кейінгі дәуірлердегі қыш ыдыс жасау технологиясы жайлы білімдерін жинақтайды; жер өңдеу шаруашылығындағы пайдаланылған еңбек құралдары, мыстың игерілуі мен қоланың пайда болуы және темірдің өндірілуі жайлы тақырыптарды талдайды; алғашқы өркениет ошақтары болып табылатын Египет, Месопотамия, Алдыңғы Азия, ежелгі Греция мен Римдегі өндіріс орталықтары жайлы білімдерін жинақтайды және ортағасырлардағы Қазақстан аумағындағы шыны, сүйек және қыш ыдыстар кешені тақырыптарды меңгереді.

  Оқу жылы - 2
  Семестр - 2
  Несиелер - 5
  

• Әлемдік археологиялық ескерткіштер

  Пәннің мақсаты - әлемдік археологиялық ескерткіштер; олардың ашылу тарихы, зерттеулер нәтижелері жайлы таныстыру. Курс барысында білім алушылар Троя, Помпей, Геркуланум, Египет, Месопотамия, Крит, Микен аралдарындағы ежелгі өркениет іздері жайлы оқып, біледі; Кавказдағы Ван көлі маңындағы археологиялық зерттеулер мен Қытай, Үндістандағы әлемдік мәдениет үлгілері жайлы білімдерін жинақтайды; Оңтүстік Америкадағы инктер мен майя өркениетінің ескерткіштерін талқылайды.

  Оқу жылы - 2
  Семестр - 2
  Несиелер - 5
  

• Қазақ диаспорасының тарихы мен мәдениеті (minor)

  Пәннің мақсаты шетелдегі қазақ диаспорасының қалыптасу тарихы мен кезеңдері жайлы, қазіргі жағдайы мен шетелдердегі қазақтардың мәдениеті туралы ақпарат беру болып табылады.Курс барысында білім алушылар алыс шетелдердегі қазақ диаспоралары мен бұрынғы КСРО құрамында болған елдердегі қазақ диаспоралары жайлы оқып, біледі; қазақ ирридентасы мен хронологиялық шеңбері жайлы білімдерін жинақтайды; қазақтардың шетелдерде негізгі қоныстану кезеңдері, КСРО дәуірі мен тәуелсіздік жылдарындағы қазақ диспораларының жағдайы мен мәдениеті мәселелерін талдайды; қазақ диапораларының қазіргі кезеңдегі жағдайы мен бұл процестің ұлғаюы мен кемуі туралы түсініктерді игереді.

  Оқу жылы - 2
  Семестр - 2
  Несиелер - 5
  

• Араб тілі

  Курста араб тілінің фонетикалық, грамматикалық, морфологиялық және лексикологиялық негіздері қамтылады. Білім алушылар араб тілінде оқуды, және жазуды үйренеді; ойын ауызша жеткізе білуге дағдыланады.

  Оқу жылы - 2
  Семестр - 2
  Несиелер - 5
  

• Қазақстанның қола дәуірі

  Курстың мақсаты Қазақстанның қола дәуiрiнің тарихы, шаруашылық пен қоғамдық қатынастардың дамуы мәселелерін терең оқыту болып табылады. Курс барысында білім алушылар Қазақстанның қола дәуірі ескерткіштерінің зерттелуі мен мерзімделуі, қола дәуірінің археологиялық мәдениеттері мен олардың аймақтық, құрылымдық ерекшеліктері мәселелері жайлы білімдерін жинақтайды; қола дәуірі қоныстары мен жерлеу ескерткіштерінің құрылымы мен құрылыс салу әдістері, қола дәуіріндегі діни наным-сенім тақырыптарын меңгереді.

  Оқу жылы - 2
  Семестр - 2
  Несиелер - 5
  

• Шетел археологиясы

  Пәннің мақсаты шетел археологиясының қалыптасу тарихы мен Еуропа мен Азиядағы, Америка мен Африкадағы және Австралиядағы археологиялық мәдениеттер жайлы ақпарат беру болып табылады. Курс барысында білім алушылар Еуропа, Азия, Америка, Африка, Австралия археологиясында ерекше орын алатын ежелгі ескерткіштер мен олардың ерекшеліктері жайлы оқып, біледі; шетелдердегі қазіргі зерттеулер мен олардың нәтижелері жайлы білімдерін жинақтайды, еңбек құралдарының эволюциясы мен ежелгі діни наным-сенімдер, жерлеу ғұрыптары турады талдаулар жасайды, ежелгі қалалар мен олардың құрылымдары жайлы білімді меңгереді.

  Оқу жылы - 2
  Семестр - 2
  Несиелер - 5
  

• Қазақстанның темір дәуірі

  Пәннің мақсаты - білім алушыларға Қазақстанның темір дәуірінің тарихын, ежелгі мемлекеттердің пайда болуы мен қалыптасуы мәселелерін, археологиялық ескерткіштер мен мәдениеттерді таныстыру. Курс барысында білім алушылар Қазақстанның темір дәуірінің тарихы мен оның зерттелуі, кезеңделуі мәселелерін түсінеді; темір дәуірінің археологиялық мәдениеттері мен ескерткіштерін біледі; Есік, Бесшатыр, Берел обаларының, тасмола, шірікрабат мәдениеттерінің, майемер, шілікті, құлажорға кезеңдерінің ерекшеліктерін талдайды; темір дәуіріндегі діни наным-сенім мен жерлеу әдет-ғұрыптары, шаруашылық және қоғамдық-әлеуметтік құрылым мәселелерін сараптайды.

  Оқу жылы - 3
  Семестр - 1
  Несиелер - 5
  

• Этнологиялық зерттеу әдістері

  Пәннің мақсаты этнологиялық зерттеу әдістерін оқыту болып табылады. Курс барысында білім алушылар этнология ғылымының қалыптасу негіздерін, даму тарихын, негізгі ғылыми мектептерін біледі; олардың зерттеу бағыттары мен әдістерін түсінеді; эволюционизм, диффузионизм, релятивизм, функционализм, структурализм әдістері туралы білімдерін жинақтайды; ғылыми зерттеулерде этнологиялық әдістерді қолдануға үйренеді; этнологиялық зертеулер нәтижелерін бағалайды

  Оқу жылы - 3
  Семестр - 1
  Несиелер - 4
  

• Қазақстандағы этникалық топтар этнографиясы (minor)

  Пәннің мақсаты - Қазақстандағы этникалық топтардың этнографиясын оқыту. Курс барысында білім алушылар Қазақстандағы этникалық топтардың қалыптасуы мен олардың Қазақстанға қоныстануының тарихи-саяси себептерін біледі; олардың қазіргі хал-ахуалы, тілі мен мәдениетінің сақталуы мен дамуы жайлы мәселелерді түсінеді, рухани және материалдық мәдениеті, дәстүрлері мен әдет-ғұрыптары, ұлттық мерекелері, діни наным-сенімдері, қайтыс болғандарды жерлеу мен қоштасу рәсімдері жайлы білімдерін жинақтайды; көші-қон процесінің этникалық топтардың тілі мен мәдениетіне әсері мәселелерін талдайды.

  Оқу жылы - 3
  Семестр - 1
  Несиелер - 4
  

• Мұрағаттану негіздері*

  Курсты оқу барысында студенттер әлемдік және отандық мұрағаттану тарихымен танысады. Мұрағат түрлері мен сақтау әдістерін және олардың материалдарын пайдалануды зерттейді. Олар мұрағат ісін ұйымдастыру, құжаттарды жинау және осы материалдарды сұрыптау тарихы бойынша бастапқы білім алады және мұрағат жұмысы туралы қажетті білім жинақтайды

  Оқу жылы - 3
  Семестр - 1
  Несиелер - 3
  

• Көшпенділер өркениеті

  Пәннің мақсаты көшпенділер өркениетінің пайда болуы қалыптасуы мен оның отырықшылық мәдениеттен ерекшеліктері жайлы ақпарат беру болып табылады. Курс барысында білім алушылар көшпенділер өркениетінің пайда болуы мен қалыптасу кезеңдері жайлы біледі; көшпенділер тарихына талдау жасайды; көшпенді шаруашылық пен мәдениеттің қалалық, егіншілік отырықшы шаруашылық пен мәдениеттен ерекшелігін анықтайды; көшпенділер өркениетінің әлемдік өркениеттің дамуына қосқан үлесін бағамдайды

  Оқу жылы - 3
  Семестр - 1
  Несиелер - 5
  

• Түркі халықтарының этнографиясы

  Пәннің мақсаты түркі халықтарының этнографиясын оқыту болып табылады. Курс барысында білім алушылар түркі халықтарының этникалық тарихы мен этногенезін біледі; тіліне, шаруашылығына, материалдық және рухани мәдениетіне жататын дәстүрлі баспанасы, киім-кешегі, тағамы мен отбасылық әдет-ғұрыптары (той жасау, бала туу және оның тәрбиесі, өлік жөнелту) байланысты мәселелерді түсінеді; түркі халықтарының баспана түрлері мен құрылыс тәсілдері мен техникасын меңгереді; киім түрлері мен оның жастық, жыныстық айырмашылықтарын анықтайды; түркі халықтарының тағам түрлері мен оның жасалу әдістерін талдайды.

  Оқу жылы - 3
  Семестр - 1
  Несиелер - 4
  

• Далалық этнографиялық зерттеу жүргізу әдістері

  Пәннің мақсаты - далалық этнографиялық зерттеу жүргізу әдістерімен таныстыру. Курс барысында білім алушылар дәстүрлі шаруашылықты далалық зерттеу әдістерін біледі; дәстүрлі киім-кешек пен зергерлік өнер туындыларын тіркеу мен сипаттауды меңгереді; ұлттық асхана мен ыдыс-аяқ ерекшеліктерін зерттеуді үйренеді; дәстүрлі музыка мен халық ауыз әдебиеті нұсқаларын жинақтау әдістерін талдайды; халықтық медицина мен ветеринария ерекшеліктерін анықтайды; халықтық астрономиялық түсініктер мен білімді жинақтауды меңгереді; діни және ұлттық салт-дәстүрлерді, ғұрыптарды сипаттау әдістерін талдайды.

  Оқу жылы - 3
  Семестр - 1
  Несиелер - 4
  

• Өнер және мұраны басқару (coursera)

  Курстың мақсаты - болашақ кәсіби мамандар мен менеджерлерге өнер және мәдениет мекемелерін басқаруға қажетті дағдылар мен әдістерді оқыту. Курс барысында білім алушылар клиенттерді (келушілер мен аудиторияны) қанағаттандыру және бәсекелестерден алда болу үшін қажетті іс-қимыл жоспарларын әзірлеуді үйренеді; оны жүзеге асыру үшін модельдер мен құралдарды меңгереді.

  Оқу жылы - 3
  Семестр - 1
  Несиелер - 4
  

• Археологиялық зерттеу әдістері*

  Мақсат-міндеттері: Білім алушыларды археологиялық ескерткіштердің түрлерімен, археологиялық барлау және қазба әдістерімен таныстыру; білім алушыларды археологиялық барлау және қазба жұмыстарын жүргізуге үйрету. Білім алушылар археологиялық ескерткіштердің түрлерін біледі, археологиялық ескерткіштерге барлау жүргізу әдістерін, барлаудың міндеттерін, барлау барысындағы қауіпсіздік ережелерін түсінеді, қазба жұмыстарының әдіс-тәсілдерін меңгереді, далалық сызба, күнделік, археологиялық есеп туралы білімдерін жинақтайды, қолданылатын техникалық құрал-жабдықтармен танысады

  Оқу жылы - 3
  Семестр - 1
  Несиелер - 5
  

• Мұражайтану негіздері

  Курстың мақсаты - мұражайтану негіздерін, мұражай тарихы мен тарихи-мәдени мұраны сақтау мәселелерін оқыту. Курс барысында білім алушылар дүние жүзіндегі мұражай ұйымдарының тарихын біледі; отандық музейтану ісінің дамуымен танысады; мұражай материалдарын жинау, жәдігерлерді қалпына келтіру, пайдалану және сұрыптау туралы білімдерін жинақтайды; мұражай залдарын безендіру, тақырыптық экспозициялар жасау дағдылары қалыптасады. Қазақстан Республикасының тарихи-мәдени мұраны сақтау мен қорғау, музей саласына қатысты құқықтық-заңнамалық негіздермен танысады.

  Оқу жылы - 3
  Семестр - 1
  Несиелер - 3
  

• Сыр өңірінің дәстүрлі этнографиясы

  Пәннің мақсаты - ХІХ ғасырдың екінші жартысы мен ХХ ғасырдың бас кезі аралығында Сырдария өзенінің төменгі ағысы бойын мекендеген қазақтардың этнографиясы жайлы ақпарат беру. Курс барысында білім алушылар Перовск, Қазалы уездерінің саяси-әкімшілік бөлінісі жайлы тарихи-саяси ақпаратты біледі; Сыр бойындағы қазақ ауылдарының этнографиялық сипатын, Сыр өңірін мекендеген ру-тайпалардың этникалық тарихын талдайды; дәстүрлі мал шаруашылығын жүргізу әрекеттері мен көшпелі шаруашылықтан жартылай отырықшылыққа өту үдерісіндегі бетбұрыстардың бағыттары, егіншілік пен бағбандықтың дамуы, қосалқы шаруашылықтардың дамуы мәселелерін талдайды; ру-тайпалардың қоныстануы, керуен жолдары мен көші-қон жолдары, суландыру жүйелері мен қыстау атауларының жүйесін анықтайды; Сыр өңірі қазақтарының дәстүрлі материалдық және рухани мәдениеті, Сыр қазақтарының наным-сенімдер, ырым-тиымдар жүйесі, байырғы архаикалық діни наным-сенімдер туралы білімдерін жинақтайды; Сыр қазақтарының некелесу мен құда түсуі, өлікті жерлеу дәстүрлері, Сыр қазақтарының тіліндегі этнографиялық сөздік қор мәселелерін сараптайды.

  Оқу жылы - 3
  Семестр - 1
  Несиелер - 4
  

• Антропология тарихы мен теориясы

  Білім алушылар антропология ғылымының қалыптасу тарихын біледі; эволюция теориясы туралы тұжырымдардытүсінеді; диффузионистік және тарихи-мәдени аймақтар теорияларын, функционализм және структурализмге негізделген теорияларды талқылау барысында қолдана алады; процессуалдық және маркстік көзқарастағы зерттеулерді, релятивизм, структурализм мен постструктурализмнің түрлі салалары туралы білімдерін жинақтайды; интерпретациялық және постмодернистік көзқарастарға қатысты мәселелерді бағалайды

  Оқу жылы - 3
  Семестр - 1
  Несиелер - 5
  

• Түркі халықтарының тарихы

  Пәннің мақсаты - түркі тілдес халықтардың ежелгі және орта ғасырлардағы ортақ тарихын оқыту. Курс барысында білім алушылар түркі халықтарының ортақ арғы тегі саналатын сақтардың, ғұндардың, көк түріктердің және одан тараған этностар мен мемлекеттердің саяси және мәдени тарихын біледі; түркі тілдес халықтардың өткенін, бүгінін және болашақ интеграциясын түсінеді; түркітілдес этностар мен ұлыстардың шаруашылығы, мәдениеті, саяси өмірі, салт-дәстүрі және әдет-ғұрпы туралы білімдерін жинақтайды және бағалайды

  Оқу жылы - 3
  Семестр - 1
  Несиелер - 4
  

• Мәдени антропология

  Пәннің мақсаты антропология ғылымының мәдени бағытын таныстыру болып табылады. Курс барысында білім алушылар мәдени антропологияның қалыптасуы туралы біледі; этностардың, мәдениеттердің пайда болуы туралы түсінеді; әдет-ғұрыптар мен салт-дәстүрлердің этнос өміріндегі мәні мен маңызын сараптайды; батыс елдеріндегі мәдени антропология бағытының ерекшеліктерін талдайды

  Оқу жылы - 3
  Семестр - 2
  Несиелер - 5
  

• Қазақстан петроглифтері

  Пәннің мақсаты - Қазақстан жеріндегі петроглифтерді, олардың зерттелу тарихы мен семантикасын оқыту. Курс барысында білім алушылар ежелгі тайпалардың дүниетанымын біледі; петроглифтердің мәнін түсінеді; оларды қорғау мен сақтау мәселелерін талқылайды; ғылыми зерттеулер мен олардың нәтижелерін сараптайды, талдайды; ЮНЕСКО тізіміне енгізілген Қазақстан петроглифтерінің ерекшеліктерін бағалайды

  Оқу жылы - 3
  Семестр - 2
  Несиелер - 5
  

• Қазақстанның орта ғасыр археологиясы

  Пәннің мақсаты - Қазақстанның ортағасыр археологиясын оқыту. Курс барысында білім алушылар Қазақстанның ортағасыр археологиясының зерттелуі туралы біледі; ортағасыр археологиясының ерекшеліктерін түсінеді; ортағасырлық ескерткіштердің, қалалар мен қоныстардың құрылымын анықтайды; Қазақстанның ортағасыр археологиясының өзекті мәселелерін талдайды; қазақ жерінде ортағасырларда қалыптасқан қала мәдениетін зерттейді, ортағасырлардағы саяси-экономикалық және этникалық процестердің қала мәдениетінің дамуына әсерін сараптайды

  Оқу жылы - 3
  Семестр - 2
  Несиелер - 5
  

• Археологиялық олжаларды өңдеу және қалпына келтіру негіздері

  Пәннің мақсаты - археологиялық олжаларды өңдеу мен қайта қалпына келтіру әдістерін оқыту. Курс барысында білім алушылар ашылған нысанды қайта қалпына келтіру жұмысы барысындағы әлемдік тәжірибе мен отандық ғылымда пайдаланылатын әдістермен тансыдаы; музей мен археология саласындағы жәдігерлерге сипаттама жасауды, суретке түсіруді, экспозицияға қою мен талдауды, сақтау мен тасымалдау процедураларын біледі; археологиялық олжаларды: қыш ыдыстар мен темір бұйымдарды, алтын, текстиль киімдерді консервациялау және қалпына келтіру әдістерін меңгереді.

  Оқу жылы - 3
  Семестр - 2
  Несиелер - 5
  

• Цифрлық археология

  Курстың мақсаты археологиядағы ең маңызды цифрлық және сандық әдістер мен техникалардың ережелері мен олардың қолданылуы жайлы ақпарат беру болып табылады. Курс барысында білім алушылар топтық және/немесе жеке тапсырмалармен жұмыс жасау арқылы цифрлық және сандық әдістерді пайдалану дағдыларын иегерді; мәліметтер базасын басқару және оларды талдау және қолдануды біледі; мәліметтер базасын жобалауға және түсінуге, ГАЖ сұраулары мен есептілігіне баса назар аудара отырып, деректерді жинауды, картаға түсіруді үйренеді; деректерді базалық талдайды; құрылымдарды 3D модельдеуді меңгереді.

  Оқу жылы - 3
  Семестр - 2
  Несиелер - 5
  

• Қазақ халқының этногенезі және этникалық тарихы

  Пәннің мақсаты - қазақ халқының этногенезі мен этникалық тарихын оқыту. Курс барысында білім алушылар этногенездің түпкі негіздерін біледі; оның негізгі лингвистикалық, археологиялық, этнографиялық факторларын түсінеді; қазақ халқының шығу тегін ғылыми тұжырымдамалар негізінде талдайды; қазақ халқының рулық, туыстық қарым-қатынастарын зерттейді; қазақ халқының этногензі мен этникалық тарихының зерттелуіндегі өзекті мәселелерді сараптайды.

  Оқу жылы - 3
  Семестр - 2
  Несиелер - 5
  

• Қазақ халқының рухани мәдениеті

  Пәннің мақсаты - қазақ халқының рухани мәдениетін оқыту. Курс барысында білім алушылар қазақтардың дәстүрлі мәдениетіндегі әдет-ғұрыптар мен олардың типологиясын және функциясын біледі; ауызша сакральдық мәліметтер, мифология, фольклор, ауызша этикалық мәліметтермен танысады; эпостар мен далалық ауызша тарихнаманы, жазбаша тарихи деректерді, шежірені талдайды; дәстүрлі музыкалық мәдениет пен сәндік қолданбалы және бейнелеу өнері, рухани мәдени білім жайлы, халық күнтізбесі және астрономия, халық медицинасы мен ветеринария туралы білімдерін жинақтайды; діни жүйелер мен исламға дейінгі түсініктерді, қазақтардағы мұсылманшылық мәселелерін сараптайды.

  Оқу жылы - 3
  Семестр - 2
  Несиелер - 5
  

• Ұлы Жібек жолы бойындағы тарихи-мәдени мұраларды тану мен насихаттауда жасанды интеллектті пайдалану

  Пәннің мақсаты - Батыс пен Шығысты жалғастырған Ұлы Жібек жолы бойындағы тарихи-мәдени мұраларды таныстыру. Курс барысында білім алушылар Ұлы Жібек жолының қалыптасуының алғышарттарын және жасанды интеллект негіздерін біледі; Ұлы Жібек жолының саяси-экономикалық, мәдени қарым-қатынастардағы ролін түсінеді; Ұлы Жібек жолы бойындағы қала мәдениетінің қалыптасуы, сауда-экономикалық байланыстар, Ұлы Жібек жолының елдер арасындағы мәдени байланыстардағы маңызын талдайды; ежелгі және ортағасырлық археологиялық, архитектуралық, монументалдық ескерткіштерді анықтайды; тарихи-мәдени мұралардың қазіргі жай-күйі мен қорғалуы мәселелерін бағамдайды; Жасанды интеллект арқылы тарихи-мәдени мұраларды тану мен насихаттау әдістерін меңгереді.

  Оқу жылы - 3
  Семестр - 2
  Несиелер - 5
  

• Тарихи демография

  Пәннің мақсаты- адамзаттың ерте заманнан қазіргі кезеңге дейінгі дамуы, кемуі оған әсер етуші факторлары ашып көрсетіледі. Түрлі елдердегі адам санынын өсуі, оған ішкі және сыртқы саяси-әлеуметтік, экономикалық жағдайлардың әсері, соғыстар мен эпидемиялардың адам санынын даму процесіне әсері айтылады. Қалалардың дамуынын адамзаттың көбеюіне әкелген пайдасы нақты фактілер тұрғысынан берілген. Қазіргі кезеңге байланысты демографиялық серпін, түрлі қоғамдық ұйымдардың жасаған кестелері арқылы кең көлемде беріледі.

  Оқу жылы - 4
  Семестр - 1
  Несиелер - 3
  

• Тарихи өлкетану

  Пәннің мақсаты -оқыту барысында білім алушыларға Сыр өңірінің тарихына қатысты ежелгі дәуірден қазіргі кезеңге дейінгі мағлұматтар беріледі. Бұлардың қатарында Сыр елінің археологиялық ескерткіштері, Сырдария өзені бойындағы қоныстары, Сыр еліндегі тарихи оқиғалары, зиялы қауымы, ауыл шаруашылығының, мал шаруашылығының, өндірістің дамуы.

  Оқу жылы - 4
  Семестр - 1
  Несиелер - 3
  

• Практикалық археология

  Пәннің мақсаты археологиялық нысандар орналасқан аймақтағы жер және құрылыс жұмыстары жүргізілу барысында мәдени қабаттарды зерттеу және сақтау бағытындағы заңнамалардың орындалу тәсілдерін оқыту болып табылады. Курс барысында білім алушылар мәдени қабаттарды зерттеу және сақтауға арналған зерттеу әдістерін біледі; ескерткіштерді сақтау үшін жүргізілетін қазбалардың мәнін түсінеді; археологиялық нысандарға қатысты заңнамалық және нормативтік құжаттар жайлы білімдерін жинақтайды

  Оқу жылы - 4
  Семестр - 1
  Несиелер - 4
  

• Арал маңы археологиясы

  Курстың мақсаты - Арал маңы археологиясын оқыту. Курс барысында білім алушылар Арал маңы археологиясының зерттелу тарихын біледі; Арал маңының ежелгі және ортағасырлардағы табиғи-климаттық жағдайының ерекшелігін түсінеді; Арал маңындағы ежелгі суару жүйелері мен шаруашылықтың қалыптасу ерекшеліктерін меңгереді; Арал маңындағы археологиялық кешендер, ескерткіштер, мәдениеттер туралы білімдерін жинақтайды; Арал маңында жүргізіліп жатқан қазіргі ізденістер нәтижелерін талдайды

  Оқу жылы - 4
  Семестр - 1
  Несиелер - 5
  

• Археологиядағы жаратылыстану- ғылыми зерттеу әдістері

  Пәннің мақсаты археологиядағы жаратылыстану-ғылыми әдістерін оқыту болып табылады. Курс барысында білім алушылар археологияның пәнаралық байланысын біледі; жаратылыстану-ғылыми әдістердің археологиялық зерттеулердегі маңызын түсінеді; остеология, топырақтану, геофизиканың әдістері туралы білімдерін толықтырады; керамиканы, металды сақтауда және өңдеуде химиялық әдістерді қолдануды үйренеді; жаратылыстану-ғалами әдістердің ғылыми нақтылығын талдайды

  Оқу жылы - 4
  Семестр - 1
  Несиелер - 5
  

• Тарихи антропология

  Курстың мақсаты тарихи антропология ғылымының пайда болуы мен қалыптасуы, зерттеу бағыты мен мәселелері жайлы ақпарат беру болып табылады. Курс барысында білім алушылар заманауи зерттеулердегі аса ықпалды бағыттардың бірі болып табылатын тарихи антропология туралы біледі; микротарих, күнделікті өмір тарихы, жаңа мәдени тарих ұғымдарын түсінеді; тарихи-антропологиялық бағыттағы жұмыстардың жалпы сипатымен қатар жекелеген мектептердің (Франция, Италия, Германия, АҚШ, Ұлыбритания) ерекшеліктерін талдайды

  Оқу жылы - 4
  Семестр - 1
  Несиелер - 5
  

• Керамика тарихи дерек көзі ретінде

  Пәннің мақсаты археологиядағы қыш ыдыстардың жасалу технологиясы мен мерзімделуі мәселесін оқыту болып табылады. Курс барысында білім алушылар ежелгі дәуірдегі қыш ыдыстарды қолданудың мақсаты мен мәнін біледі; жерлеу ғұрыптары мен дәстүрлеріндегі керамиканың мәнін түсінеді; қыш ыдыстардың жасалу технологиясы мен қоспасын, оның құрамындағы минералды заттарды талдайды; қыш ыдыстарға салынған өрнектерді және ішінде сақталған тамақ қалдықтарын шаруашылықтың, тұрмыс-тіршіліктің дерек көзі ретінде бағамдайды.

  Оқу жылы - 4
  Семестр - 1
  Несиелер - 5
  

• Қазақстан және Орталық Азия архитектурасы

  Пәннің мақсаты - Қазақстан және Орталық Азияның ежелгі заманнан бастап кейінгі ортағасырлар аралығындағы архитектуралық ескерткіштерін таныстыру. Курс барысында білім алушылар қоныстар, жерлеу құрылыстары мен мазарлар, мавзолейлер мен мұнаралар туралы біледі; мешіттер мен керуен сарайлардың маңызын талдайды; ортағасырлық қалалардың құрылымы мен ерекшеліктері туралы білімдерін жинақтайды; саяси-экономикалық жағдайлар мен діннің архитектуралық ескерткіштердің құрылымына әсерін бағалайды

  Оқу жылы - 4
  Семестр - 1
  Несиелер - 5
  

• Ежелгі Тұран этногеографиясы

  Пәннің мақсаты - Тұран ойпатының табиғи-климаттық ерекшеліктерін, осы аймақты мекендеген тұрғындардың этникалық қалыптасуы мен географиялық орналасуы мәселелерін таныстыру. Курс барысында білім алушылар ежелгі Тұран аймағында өмір сүрген халықтардың қоныстану тарихын біледі; олардың дәстүрлі шаруашылығының қалыптасу ерекшеліктерін анықтайды; ежелгі тарихи-этникалық процестерді археологиялық зерттеу нәтижелері негізіндеталдайды; ежелгі Тұран территориясындағы археологиялық мәдениеттер мен ежелгі тайпалардың миграциясын, шаруашылығы мен мәдени-экономикалық дамуын сараптайды.

  Оқу жылы - 4
  Семестр - 1
  Несиелер - 5
  

• Қазақ халқының этнографиясы

  Пәннің мақсаты - қазақ халқының этнографиясын оқыту. Курс барысында білім алушылар Қазақстанда этнографияның ғылым ретінде қалыптасу мәселелерімен танысады; қазақ этнографиясының даму тарихын, Қазақстанның этнография ғылымына ресейлік және басқа да ғалымдардың қосқан үлесін біледі; қазақ халқының материалдық және рухани мәдениетін талдайды; қазақ халқының тұрмыс-тіршілігі, әдет-ғұрпы мен салт-дәстүрі жайлы білімдерін жинақтайды; қазақ мәдениетінің ерекшеліктерін бағамдайды

  Оқу жылы - 4
  Семестр - 1
  Несиелер - 5
  

• Адамзаттың өткенін қалпына келтіру және дүниежүзілік мұраны сақтау (coursera)

  Курстың мақсаты археологиялық материалдар арқылы адамзаттың өткен тарихын қайта қалпына келтіру, пәнаралық байланыстар мен әдістер арқылы зерттеу мәселелерін оқыту болып табылады. Курс барысында білім алушылар археология ғылымының дамуына жаратылыстану ғылымдары әдістерінің әсерін оқып, біледі; информатикалық әдістер мен виртуалды қайта қалпына келтірудің археология ғылымы үшін маңыздылығын түсінеді; тарихи-мәдени мұраны сақтаудың, қорғаудың және оның құндылығын анықтаудың өзекті мәселелерін талдайды.

  Оқу жылы - 4
  Семестр - 1
  Несиелер - 3
  

• Қазақ халқының материалдық мәдениеті

  Пәннің мақсаты қазақ халқының материалдық мәдениеті жайлы білім беру болып табылады. Курс барысында білім алушылар «тұрмыс» және «материалдық мәдениет» түсініктерін біледі; Қазақстан территориясындағы қоныстар мен тұрғын үйлердің ежелгі және ортағасырлардағы, жаңа және қазіргі замандағы дамуын талдайды; қазақ халқының дәстүрлі баспаналарының, киіз үйдің құрылымы мен ерекшеліктері жайлы, киім және зергерлік бұйымдардың ежелгі және ортағасырлардағы, жаңа және қазіргі замандағы кешені туралы, тамақтану жүйесінің дамуы мен ыдыс-аяқ, дәстүрлер және инновация жайлы білімдерін жинақтайды; дәстүрлі тамақтану жүйесінің экологиялық жүйемен және шаруашылық түрімен байланысы, тамақтану тәртібі мен әдебі, тамақтануға байланысты ырымдар мен әдет-ғұрыптар туралы мәселелерді талқылайды.

  Оқу жылы - 4
  Семестр - 1
  Несиелер - 5
  

• Қазақ шежіресі

  Пәннің мақсаты қазақ шежіресінің мәні мен маңызы, құрылым мен тарихи және этнографиялық дерек көзі ретіндегі рөлі жайлы білім беру болып табылады. Курс барысында білім алушылар ежелгі тайпалар мен рулардың таралуы, оларға байланысты тарихи оқиғалар жайлы біледі; қазақ жүздері мен оның құрылымы, жүзге кірмейтін рулардың тарихы жайлы білімдерін жинақтайды; қазақ рулары мен тайпаларынан шыққан шешендер, батырлар жайлы деректерді талдайды; қазақ халқындағы "жеті ата" түсінігінің этникалық, тарихи маңызын анықтайды; қазақ этносының өзін-өзі сақтауындағы шежірені білу мен сақтаудың тарихи, этникалық маңызын бағалайды.

  Оқу жылы - 4
  Семестр - 1
  Несиелер - 5
  

• Қазақстанның тарихи-мәдени мұрасын қорғау

  Пәннің мақсты Қазақстанның тарихи-мәдени мұрасын қорғау мен сақтау мәселелері жайлы білім беру болып табылады. Курс барысында білім алушылар Қазақстанның тарихи-мәдени мұралары туралы біледі; тарихи-мәдени мұралардың заң тұрғысынан қорғалуының маңызын түсінеді; ескерткіштердің қорғау аймағының белгіленуін үйренеді; тарихи-мәдени мұраны қорғау бойынша ресми құжаттарды рәсімдеуді үйренеді; ескерткіштерді қорғау қазбаларын жасаудың маңызын біледі; ескерткіштерді қайта қалпына келтіру мәселелерін талдайды

  Оқу жылы - 4
  Семестр - 1
  Несиелер - 4
  

• Қазақ халқының дәстүрлі шаруашылығы

  Пәннің мақсаты қазақ халқының дәстүрлі шаруашылығының қалыптасуы мен ерекшеліктері жайлы ақпараттар беру болып табылады. Курс барысында білім алушылар егіншіліктің пайда болуына тарихи-археологиялық шолу жасайды; суармалы және телімдік егіншіліктің таралуы туралы біледі; Қазақстанда ауылшаруашылық мәдениетінің таралуы мен астықты бастыру, тасымалдау, сақтау тәсілдері жайлы, егіншілік құралдары мен қазақ халқының егіншілік ғұрыптары туралы,қазақтың егіншілікке байланысты наным-сенімдері жайлы білімдерін жинақтайды; Қазақстан территориясындағы мал шаруашылығына тарихи-этнографиялық шолу жасау арқылы жайылымдық жерлер мен олардың мерзімдік пайдалануы, көші-қон жолдарының ұзақтығы мен бағыттары, қазақтардағы мал шаруашылығының негізгі типтері мен түрлері туралы, мал шаруашылығына байланысты наным-сенімдер мәселелерін талдайды.

  Оқу жылы - 4
  Семестр - 1
  Несиелер - 5
  

Профессии

Оқыту нәтижелері

• Әлеуметтік-саяси ғылымдардың тұжырымдамалық және теориялық негіздерін, олардың тарихи қалыптасуы мен қазіргі даму деңгейін түсінеді, құқық, инклюзивті білім беру мен қаржылық сауаттылық, экономика және кәсіпкерлік негіздерін біледі.
• Археология және этнология ғылымдарының негіздері мен қалыптасу тарихын біледі, араб тілінің грамматикасын үйренеді, әлемдік археологиялық ескерткіштер мен этнографиялық жәдігерлерді тану негіздерін игереді.
• Адамзат қоғамының пайда болуы мен даму тарихын, ежелгі дүниедегі мемлекеттер мен мәдениеттердің қалыптасу тарихын, өлкетану мен демография мәселелерін, негізгі тарихи, археологиялық, этнографиялық ұғымдарды, музейлер мен мұрағаттар қызметінің негіздерін біледі.
• Археологиялық жәдігерлерді өңдеу мен қалпына келтіру әдістерін біледі, тарихи-мәдени мұра саласындағы сараптамалық қызметті жүзеге асыра алады, ескерткіштерді және мұражай құндылықтарын есепке алу мен сақтауды және музейдің экспозициялық залдарында жұмыс жасауды біледі.
• Халықтардың рухани және материалдық мәдениеті мен дәстүрлі шаруашылығының негіздерін біледі, этнографиялық деректерді жан-жақты жинақтайды, этнографиялық ресурстарды пайдалануды жоспарлауды және ұйымдастыруды біледі, далалық жағдайларда, мұрағаттарда, музейлер мен кітапханаларда этнографиялық ақпаратты жинау мен өңдеудің практикалық кәсіби дағдыларын меңгереді.
• Археология және этнология ғылымдары бойынша меңгерген теориялық және практикалық білімдерін кәсіби қолданады, инновациялық ғылыми-тәжірибелік әдістерді меңгере отырып, ғылыми-зерттеу қызметін жүзеге асырады, далада, архивтерде, мұражайларда этнологиялық, археологиялық және антропологиялық ақпаратты жинаудың кәсіби дағдыларын меңгереді.
• Археология ғылымы саласындағы қолданылатын жаратылыстану ғылымының әдістерін біледі, археологиялық деректерді цифрландыру және жасанды интеллект әдістерін, қазіргі ақпараттық технологиялардың жетістіктерін тарихи-мәдени мұраны зерттеу мен насихаттауда, кәсіби мәселелерді шешуде қолдана алады.