8D01504 Биология в QYZPU

Пәндер

• Статистикалық талдау әдістерін терең зерттеу

  Бұл пәннің мақсаты – статистиканың ғылыми зерттеулердегі рөлін түсіндіре отырып, деректерді талдаудың заманауи статистикалық әдістерін меңгерту. Статистикалық талдау түрлі саладағы күрделі міндеттерді шешуге арналған тиімді құрал, сондықтан пән іріктеме негізінде объектілер жиынтығы туралы қорытынды жасау, олардың сипаттамаларын анықтау, айнымалылар арасындағы байланыстарды талдау, болжам жасау және шешім қабылдау үдерістеріне қажетті әдістемелік негіздерді үйретуге бағытталған. Пән аясында докторанттар статистикалық тәсілдерді ғылыми-зерттеу жұмыстарына тиімді қолдануды үйренеді.

  Несиелер - 5
  

• Биологиялық білім беру мен ғылыми зерттеудегі инновациялық технологиялар

  Ғылыми зерттеудегі инновациялық технологияларды және инновациялық әдістерді оқу үдерісінде пайдалану, сонымен қатар технология әдістерін меңгереді. Оқыту үдерісіне инновациялық технологияларды ендіру, ғылыми болжамдарды өңдеу және жинақтау және ғылыми зерттеу нәтижелерінің теориялық негіздерімен мәліметтер базасы арқылы жұмыс жасау қарастырылады.

  Несиелер - 5
  

• Биотехнология және бионанотехнологияның өзекті мәселелері

  Биотехнология мен бионанотехнология салаларындағы соңғы ғылыми жетістіктер мен олардың қолданбалы аспектілерін терең зерттеуге бағытталған. Докторанттар қазіргі заманғы биотехнологиялық және наноөлшемдегі әдістер мен технологиялар, олардың ауыл шаруашылығында, медицинада, қоршаған ортаны қорғауда, өнеркәсіпте қолданылуы туралы кең көлемде ақпарат қарастырады.

  Несиелер - 5
  

• Ғылыми зерттеу әдістері

  Пән докторантты зерттеу үдерісін түсіндіруге және ғылыми мәтіндерге талдау жасау, әдіснама жазу, зерттеу жоспарын құру дағдыларын қалыптастыруға бағытталған. Пән зерттеу дизайны, дерек жинау, сапалық және сандық әдістер, зерттеу этикасы мен деректерді талдау бойынша кешенді білім береді, нәтижесінде докторанттың ғылыми жұмысын жүйелі жазуына негіз қалайды.

  Несиелер - 5
  

• Академиялық хат

  Пән ғылыми бағыттағы әртүрлі мәтіндерді (ғылыми мақала, баяндама, пікір, әдеби шолу, эмпирикалық зерттеу және т.б.) жазу дағдыларын қалыптастыруға және олардың құрылымы мен ерекшеліктерін терең меңгертуге бағытталған. Пән мазмұнына ғылыми жазылым үдерісінің барлық кезеңдері – тақырып таңдаудан бастап, мақаланы халықаралық басылымда жариялауға дейінгі кезеңдердегі өзекті мәселелер кіреді. Докторанттар сыни ойлау, жүйелі және дәлелді жазу, ғылыми дискурсты қалыптастыру, мәтінді талдау, бағалау және ғылыми стильде оқи білу дағдыларын дамытады. Халықаралық деңгейдегі рейтінгісі жоғары журналдардағы ғылыми мақалалардың құрылымымен, стильдерімен танысады.

  Несиелер - 4
  

• Заманауи ботаниканың өзекті мәселелері

  Заманауи ботаника саласы бойынша өзекті және жаңашыл ғылыми бағыттар қарастырылады. Өсімдіктердің құрылымы, физиологиялық және морфологиялық ерекшеліктері мен қызметі, экологиялық бейімделуі, молекулалық биологиясы, генетикасы және биотехнологиядағы қолданылу жолдары талданады.

  Несиелер - 6
  

• Биомедициналық зерттеу әдістері

  Биомедициналық зерттеу әдістері пәні – қалыпты және патологиялық жағдайларда, төтенше жүктемелер кезіндегі адам организмінің физиологиялық, психологиялық мүмкіндіктерін зерттеуге бағытталған жаңа диагностикалық, емдік және профилактикалық құралдары мен әдістерін зерделеу мақсатында жүргізіледі. Тіршіліктік маңызы зор мүшелер жүйесін зерттеу, жүйке жүйесінің функционалдық мүмкіндігі мен жүктемелерге төзімділік деңгейін анықтау әдістері меңгеріледі.

  Несиелер - 6
  

Профессии

Оқыту нәтижелері

• Халықаралық академиялық стандарттарға сай ғылыми мәтіндер құрастырады.
• Академиялық жазылым талаптары мен өзінің ғылыми саласының ерекшеліктеріне сәйкес жеке зерттеу жоспарын жобалайды.
• Ғылыми қорытындылар жасау үшін статистикалық әдістерді қолданып, зерттеу нәтижелерін ұсынады.
• Ғылыми жұмыстар стилінің жазбаша ерекшеліктерін, академиялық мәтінді дайындау, рәсімдеу және редакциялаудың негізгі принциптерін, ережелерін, стандарттарын зерттеу нәтижелерін қорытындылауда қолданады.
• Инновациялық идеяларды пайдалана отырып биологиялық зерттеулер әдістемесінің ғылыми негіздерін талдайды.
• Жаратылыстану ғылымдары білімінің интеграция процесін, логика жүйесін және ғылыми зерттеу әдістерін анықтайды.
• Заманауи ботаниканың, микологияның өзекті мәселелерін талдау жолымен терең ғылыми негізделген білімді қалыптастырады.
• Нанокластерлік құрылымдарды, молекулалық биология мен гендік инженерияның заманауи жетістіктерін қолдану мүмкіндіктерін болжайды.
• Биологиялық білім беруде заманауи парадигмалар мен инновациялық технологияларды және ғылыми-педагогикалық зерттеу әдістерін кәсіби деңгейде қолданады.
• Әлемнің жаратылыстану-ғылыми бейнесін танудағы ғылыми көзқарастардың, іргелі және қолданбалы ғылымдар арасындағы байланыстардың маңыздылығын нақтылайды.

Ұқсас БББ