Қолданыстағы білім беру бағдарламасы 7M04111 Мемлекеттік және жергілікті басқару в Баишев Университеті

Курс ғылымның тарихы мен философиясын, ғылымның әлемдік ззренттік негіздерін және оның функцияларын, ғылымның дамуының негізгі кезеңдерін, ғылыми білімнің құрылымы мен деңгейлерін, ғылымның қазіргі философиясының концепциясын, позитивизмдегі ғылым тұжырым дамасының эволюциясын және неокантикалықтағы ғылыми білімнің концепциясын, ғылымның дамуының классикалық емес және постнео классикалық кезеңдерін, әлеуметтік-гуманитарлық ғылымның тарихы мен философиясын оқытуды қамтиды

Курс жоғары мектеп оқытушысының кәсіби және педагогикалық мәдениет негіздерін меңгеруді қарастырады, болашақ оқытушыларды жоғары мектеп педагогикасының жалпы мәселелерімен, әдістемелік және теориялық негіздерімен, оқыту мен тәрбиелеуді ұйымдастыру, жоспарлау және талдаудың заманауи технологияларымен, ЖОО оқу үрдісінде оқытушы мен студенттің субьект–субьектілік қарым-қатынасының коммуникациялық технологияларымен таныстырады

Берілген пәнді оқу мақсаты әртүрлі мақсаттағы интелектік жүйелерді құрудың теориясы мен тәжірибесінің қазіргі жағдайы туралы білім моделін және олардың өзара байланысы туралы біртұтас түсініктерді қалыптастыру; интеллектуалды ақпараттық жүйелерде тілдік және пәндік ақпаратты ұсыну деңгейлері; әртүрлі қолданбалы есептер үшін табиғи тілді өңдеудің кіші жүйелерін ұйымдастыру принциптерін оқыту болып табылады.

Курста мемлекеттік басқарудың теориялық және практикалық аспектілері, мемлекеттік басқарудың ұйымдық құрылымы, мемлекеттік саясатты қалыптастыру мен іске асырудың негізгі бағыттары, мемлекеттік басқару жүйесінде шешімді әзірлеу және қабылдау мәселелері және мемлекеттік басқару жүйесінің негізгі элементтері, мемлекеттің сыбайлас жемқорлыққа қарсы саясаты оқытылады.

Пәннің мазмұны жоғарғы мектепте ақпараттық жүйелер түсінігін, ақпараттық жүйенің құрылымы мен жіктелуін және оның негізгі функцияларын, экономика және бизнес саласындағы ақпараттық технологияларды, экономикалық ақпараттық жүйелердегі интеллектуалды ақпараттық технологияларды, құрылымдаудың ақпараттық технологиялар құралдарын және деректерді ұйымдастыруды, ғылыми және білім беру бағдарламаларының компьютерлік ақпараттық жүйелерін ұйымдастыруды қамтиды.

"Басқару психологиясы" курсы басқару психологиясының маңыздылығын бағалау және сипаттау үшін әзірленген негізгі заманауи әдіснамалық тәсілдер мен әдістер туралы ұғымдарды, сондай-ақ басқарудың қазіргі заманғы психологиясының қалыптасуы мен дамуына әсер ететін әртүрлі табиғаттағы факторлардың мәнін зерттейтін оқу пәнін білдіреді

Пәннің мазмұны сандық технологиялар мен сандық экономика түсінігін, сандық экономиканың қалыптасуын қамтиды: сандық "толқындар"; сандық экономиканың нәтижесі ретінде ақпараттық өнім; сандық технологиялар нарығының құрылымы мен даму үрдістері; цифрландырудың этикалық мәселелері; сандық тәуекелдер мен қауіпсіздік; "Цифрлық Қазақстан" мемлекеттік бағдарламасы; экономика салаларын цифрландыру; сандық мемлекетке көшу; адами капиталды дамытуды қамтиды.

Курс логиканың мәні мен мәнін, негізгі логикалық заңдарды, логика объектісін, дұрыс ойлаудың негізгі заңдарын (принциптерін); аргументация теориясының логикалық негіздерін; категориялық пікірлердің логикасын; айтылған сөздердің классикалық логикасын; пікірлердің негізгі модульдері мен логикасының ережелерін оқытады.

Курстың мазмұны экономиканың нақты секторын мемлекеттік реттеудің мәні, мазмұны және механизмі, қаржы-экономикалық тетіктер және тікелей реттеу әдістері, экономиканың ресурстық әлеуетін реттеу мәселелері, кешенді инновациялық жаңғырту негізінде экономиканың нақты секторын дамытуды қамтиды.

Курстың мазмұны аграрлық секторды мемлекеттік басқару мәселелерін, аграрлық сектордың құрылымы мен ерекшеліктерін, Агробизнес жүйесіндегі көп салалы экономиканы қалыптастыру мәселелерін, орналастыру, мамандандыру және кооперацияның мәні мен объективті қажеттілігін, экономиканың аграрлық секторында орналастыру мен кооперацияның өзара байланысын қамтиды.

Курста мемлекеттік басқару үдерісіндегі мемлекет пен қоғамның өзара іс-қимыл мәселелері, қазіргі жағдайда мемлекеттік қызметті ұйымдастыру принциптері, Басшының басқару қызметінің стилі: мазмұны және оңтайландыру жолдары; әкімшілік мемлекеттік қызметшілердің санаттары, олардың сипаттамасы, мемлекеттік қызмет туралы заңнаманы бұзғаны үшін жауапкершілік сұрақтары оқытылады.

Педагогикалық практиканың мазмұнына мұғалімнің кәсіби қызметінің ең тән түрлерін көрсетуге басты назар аударылған. Педпрактика пәнді оқыту әдістемесінде практикалық дағдыларды қалыптастыру мақсатында өткізіледі,сонымен қатар магистранттар ЖОО-да сабақ өткізуге қатыса алады.

Пәннің мазмұны жобалық менеджменттің негізгі тұжырымдамалары мен әдіснамасын, жобаларды басқару негіздерін, жобаны бастамашылық етуді, жобаларды басқарудың ұйымдастырушылық құрылымдарын, жобаларды жоспарлауды, түрлі типтегі және масштабтағы инновациялық жобаларды контроллингті, инвестициялық жобалардың тиімділігін бағалауды; жоба тәуекелдерін бағалауды және басқаруды; жоба құнын басқаруды; жоба бойынша жұмыстарды басқаруды; жоба ресурстарын басқаруды қамтиды.

Курстың мазмұны мемлекеттік басқару саласындағы құқықтық реттеудің мәні мен механизмін, мемлекеттік басқару саласындағы құқықтық реттеудің мәні мен әдісін, Мемлекеттік қызметке қабылдау тәртібін, мемлекеттік қызметшілердің еңбек жағдайлары мен әлеуметтік қамтамасыз етілуін қамтиды.

Курс қазіргі логиканың ең іргелі бөлімдерін, дедукция, форманың алуан түрлілігі, тұжырымдар заңдары мен ережелері, танымдық үрдістің сезімтал және логикалық формаларының сипаттамасы, әр адамның алдында пайда болатын өмірлік және кәсіби мәселелерді тиімді шешу процесінде логикалық білімді қолдану мүмкіндіктерін оқытуды қамтиды.

Курста логикалық оқудың жеке бастаулары, логиканың пайда болуы мен дамуы тарихы, логикалық қатынастарды зерттеу әдістері және логикалық ізденістердің іргелі сипаты, сондай-ақ ежелгі және орта ғасырлар, жаңа ғасыр логикасы мәселелері оқытылады.

Курста мемлекеттік саясаттың стратегиясы мен тактикасын анықтау мәселелері, жария саясат ұғымы және оның факторлары, мемлекеттік саясатты әзірлеу және оның кезеңдері; бюрократияның классикалық және қазіргі заманғы концепциялары және мемлекеттік саясат теориясы, мемлекеттік экономикалық саясаттың негізгі бағыттары, әкімшілік-саяси саладағы мемлекеттік басқару оқытылады.

Пәннің мазмұны ғылыми зерттеулер әдістемесінің, ғылыми білімнің ұғымдық аппаратын, оның принциптерін, ғылыми білім алу заңдылықтарын, білім деңгейін, объектіні, зерттеу пәні, мақсаты мен міндеттерін, зерттеу әдіснамасының жинақталуын; зерттеу гипотезасын, ғылыми зерттеу әдістерін; мемлекеттік және жергілікті басқару саласындағы бақылау мен аудит саласындағы зерттеу әдістерін, ғылыми зерттеудің логикасын; зерттеушінің қателіктерін қамтиды.

Пәннің мазмұны ғылыми зерттеулердің мақсаттары мен міндеттерін, олардың әртүрлі негіздер бойынша жіктелуін, ғылыми зерттеуге қойылатын негізгі талаптарды, ғылыми зерттеудің нысандары мен әдістерін, ғылыми зерттеулерді ұйымдастыру, жоспарлау және басқару әдістері мен принциптерін; ғылыми ақпаратты жинау және өңдеу; ғылыми зерттеулер мен әзірлемелердегі ақпараттық технологияларды; шешімдер қабылдауды қолдаудың ақпараттық жүйелерін қамтиды.

Курстың мазмұны салааралық кешенді мемлекеттік басқарудың жалпы негіздерін, салааралық кешендерді басқарудың әдіснамалық негіздерін, мемлекеттің инвестициялық-құрылымдық саясатын қалыптастыруда салааралық теңгерімді пайдалануды, салааралық кешендердің инвестициялық тартымдылығының әдістемелік негіздерін, салааралық кешендерді мемлекеттік басқарудың ұйымдық-құқықтық негіздерін қамтиды.

Курста адам капиталын басқару теориясы мен тәжірибесінің тұжырымдамалық негіздері, адам капиталын басқару әдістерін қолдану саласы; адам капиталын басқарудағы мәдениеттің рөлін арттыру мәселелері; адам капиталын басқарудың халықаралық тәжірибесі; адам капиталын дамыту мәселелері оқытылады.

Курста әлеуметтік саясатты қамтамасыз етудің негізгі функционалдық-құрылымдық салалары шеңберінде экономиканың әлеуметтік секторының және мемлекеттің әлеуметтік саясатының мәселелері; әлеуметтік саланың ерекшелігі, басқарудың ерекшелігі және әлеуметтік процестерге мемлекеттік ықпал ету құралдары, әлеуметтік саланы қаржыландыру көздері оқытылады.

Курстың мазмұны бизнес жобаларды сипаттау әдістемесін, бизнес жобаларды жоспарлауды ұйымдастыруды, бизнес жобаларды жоспарлау және талдау жүйесіндегі ақпараттық технологияларды, олардың арналуын, Фирмаішілік жоспарлауды: орта мерзімді, ағымдағы; бизнес - жобалардың жоспарлау формасы ретінде ерекшеліктерін; бизнес - жобаларды бағалауды қамтиды .

Курста адам капиталының теориясы, адам капиталын бағалау, адам капиталының өмірлік циклі, адам капиталына инвестициялар, адам капиталына инвестициялар көздері, адам капиталын басқару деңгейлері, адам капиталының жеке түрлеріне инвестициялау мәселелері оқытылады.

Курстың мазмұны аумақтар және оның дамуын инновациялық басқару менеджментінің мәселелерін, инкорпоративтік тәсілдің мәнін, әлеуметтік-экономикалық даму және өсу тиімділігінің өлшемдері мен көрсеткіштерін; аумақтың әлеуметтік-экономикалық дамуының стратегиялық өзгерістерін басқаруды; аумақтар мен аймақтардың дамуын инновациялық басқарудың шетелдік тәжірибесін қамтиды.

Курс адам ресурстарын басқарудың стратегиялық тәсілінің мақсаты мен сипаттамасын; адам ресурстарын басқару стратегияларының негіздерін; адам ресурстарын басқару стратегияларын бағалауды; білім мен инновациялармен байланысты адам ресурстарын басқару стратегияларын қарастырады.

Курста әлеуметтік-экономикалық дамудың қазіргі кезеңінде еңбекке қабілетті халықтың жұмыспен қамтылу мәселелері, жұмыссыздық көрсеткіштері, еңбек қатынастары, еңбек нарығы, жұмыспен қамту сапасы: ауқымдары, формалары, пропорциялары; қазіргі қоғамдағы жұмыссыздық түсінігі, түрлері және динамикасы оқытылады.

Курстың мазмұны аймақтардың әлеуметтік-экономикалық дамуының мәні мен мазмұнын, концепциялары мен стратегияларын, аймақтардың экономикалық даму стратегиясының негізгі ережелерін, аймақтың экономикалық дамуын басқару құралдарын, аймақтық кешенді даму бағдарламаларының ерекшелігін, ұлттық экономикадағы өңірлік процестерді қамтиды

Курстың мазмұны аймақтардың тұрақты даму концепцияларын, жүйелі тәсілді, аймақтар экономикасының тұрақты дамуының мақсаттары мен көрсеткіштерін, мәдени-экономикалық аймақтандыру жағдайындағы ҚР аймақтық саясатының қазіргі тенденциялары мен стратегиялық мақсаттарын, өңірлерді тұрақты дамытудың мемлекеттік саясатын жүзеге асырудың стратегиялық мақсаттары мен басымдықтарын қамтиды.

Курстың мазмұны бизнесті ұйымдастыру процестерін модельдеу үшін аспаптық жүйелерді, бизнес-процестерді талдауды, бизнес-процестерді жетілдіру құралдарын, ұйым процестерін басқару құралы ретінде көрсеткіштердің теңдестірілген жүйесін, бизнес-процестерді терең талдау және оңтайландыру әдістерін, бизнес-процестерді моделдеу және сипаттау, бизнес-процестер негізінде ұйымды басқаруды қамтиды.

Курстың мазмұны бизнес жобаның ұғымдары мен анықтамаларын, бизнес жобалардың қазіргі заманғы концепцияларын, жобаларды әзірлеу, бастамашылық, жоспарлау, жобаларды орындау үрдістерін, жобаларды мониторингілеу және бақылау, жобаларды, ресурстарды басқару мәселелерін, жоба сапасын басқаруды қамтиды.

Курста Қазақстан аймақтарындағы халықты жұмыспен қамту мәселелері, жұмыспен қамту процесін реттеудің нормативтік-құқықтық базасы, аймақтық және жергілікті билік органдарымен, әлеуметтік қорғау мекемелерімен жұмыс істеу және ынтымақтастық мәселелері оқытылады.

кәсіби қызметте тұлғааралық және мәдениетаралық өзара іс-қимыл міндеттерін шешу үшін шетел тілінде ауызша және жазбаша түрде қарым-қатынасқа қабілетті

кәсіби қызметінде аналитикалық және зерттеу міндеттерін шешу үшін интернет ресурстарын және сандық технологиялардың мүмкіндіктерін қолдануға қабілетті

ғылыми, философиялық, логикалық және теориялық-әдіснамалық талдаудың әдістері мен рәсімдерін қолдана отырып, зерттеу және жобалау жұмыстарын ұйымдастыруға қабілетті

ғылыми –педагогикалық қызметті жүзеге асыру және өзін-өзі жетілдіру үшін кәсіби-педагогикалық мәдениет негіздерін және басқару психологиясын меңгерген

маманданудың жекелеген тақырыптары бойынша шолулар мен талдамалық зерттеулерді орындай отырып, мемлекеттік және жергілікті басқару проблемалары бойынша ғылыми-зерттеу жұмыстарына қатысуға қабілетті

мемлекеттік қызмет жүйесінде ҚР заңнамасын сақтауға бағытталған мемлекеттік саясаттың стратегиясы мен тактикасын, басқару тұтқаларын қолдануға қабілетті

қалыптасқан бизнес-үдерістердің нарықтық мүмкіндіктерін және ғылыми зерттеулердің нәтижелерін ескере отырып, салалар экономикасын дамытудың кешенді жоспарларын әзірлеуге қабілетті

адами капиталға инвестиция салу мүмкіндігін анықтай отырып, аймақтардың әлеуметтік –экономикалық даму бағдарламаларының тиімділігін бағалауға қабілетті.