Esil University

Esil University-дің негізгі мақсаты — білім беру және ғылыми-зерттеу процестерін интеграциялауға негізделген оқытудың тиімді жүйесін құру арқылы бәсекеге қабілетті жоғары білікті мамандарды - "ақылды экономика" және прогрессивті кәсіпкерлік қызмет үшін табысты тұлғаларды даярлау. Университетте оқыту үш деңгейде (бакалавриат, магистратура, phD докторантура) мемлекеттік және орыс тілдерінде, мемлекеттік білім беру гранттары, жергілікті атқарушы органдардың гранттары негізінде және келісімшарт негізінде жүзеге асырылады. Мамандарды даярлау орта білім беру, техникалық және кәсіптік, жоғары білім негізінде жүзеге асырылады.

1999 жылдың шілдесінде Астана қаласында Қазақ мемлекеттік басқару академиясының филиалы құрылды. Ребрендинг нәтижесінде ол Т. Рысқұлов атындағы ҚазЭУ филиалы болып өзгертілді. Қазақстан Республикасы Білім және ғылым министрлігі Білім және ғылым саласындағы қадағалау және аттестаттау комитетінің 2006 жылғы 14 қыркүйектегі № 679 бұйрығына сәйкес "Қазақ экономика, қаржы және халықаралық сауда университеті" (бұдан әрі — ҚазЭҚХСУ) астанаға көшіріліп, ҚазЭУ филиалымен біріктірілді. Кейіннен жоғары оқу орны дербес білім беру мекемесі мәртебесіне ие болып, "Қазақ экономика, қаржы және халықаралық сауда университеті" білім беру мекемесі болып өзгертілді.
2021 жылдың мамыр айынан бастап университеттің құрылтайшысы "АС-Education" ЖШС болды, университет "Esil University" мекемесі болып өзгертілді, нәтижесінде атауын, логотипін, ұранын және визуалды дизайнын өзгерту бойынша іс-шаралар кешенін қамтитын ребрендинг процесі өтті., бұл дамып келе жатқан стратегияға сәйкес жаңа имиджді түзетуге және университеттің академиялық қызметіне бизнес өкілдерін тиімді тартуға ықпал етеді.