7M01402 Кәсіптік оқыту в Сәрсен Аманжолов атындағы Шығыс Қазақстан мемлекеттік университеті

Курстың мақсаты білім беру қызметінің нәтижелерін және оқытудың тиімді жолдарын талдау және болжау. Пән педагогикалық мониторингті ұйымдастырудың қағидалары мен мазмұнын зерделеуге және мониторинг нәтижелерін қолдану, өңдеу және талдау біліктіліктерін дамытуға бағытталған

Бұл пән білім алушылардың жоғары мектеп педагогикасынан алған білімдерін тереңдетуге бағытталған. Курстың мазмұнына кіретін "Жоғары мектептің оқу үрдісінің ерекшеліктері", "ЖОО оқу іс-әрекетінің жалпы сипаттамасы", "Жоғары оқу орнының оқытушысының оқу іс-әрекетінің құрылымы" сияқты тараулар болашақ педагогтарды білім бағдарламаларының жаңартылған мазмұны жағдайында кәсіби іс-әрекетінің тапсырмаларын креативті шешуге бағытталған.

Пән шетел тілін практикалық меңгеруді қамтамасыз етуге, тілдік емес мамандықтар магистранттарының мәдениетаралық-коммуникативтік құзыреттілігін қалыптастыруға бағытталған.

Пән басқарудың психологиялық механизмдерін, мотивация аспектілерін, басқару стильдерін, басқару шешімдерін әзірлеудің тиімді технологияларын зерделеуге бағытталған, басқару қызметінің психологиялық компонентінің рөлі мен көпаспективті мазмұны туралы қазіргі заманғы ұғымдармен таныстырады.

Пән болашақ педагогтарды салыстырмалы педагогиканың даму кезеңдерімен, оның кәсіптік оқыту жүйесіндегі орны мен міндеттерімен, салыстырмалы педагогикалық зерттеудің әдістерімен таныстыруға бағытталған.

Пән білім алушыларды кәсіптік оқытудың мазмұнымен, әдістерімен, технологияларымен таныстыруға бағытталған. Пәннің мазмұнына келесі бөлімдер кіреді: Қазіргі білім беру парадигмасы болашақ мектепке дейінгі ұйым педагогтарының өздігінен білім алуға, өзінің кәсіби даярлығының белсенді субъектісі болуға әзірлігін қалыптастыруды көздейді. Оқу үрдісіндегі негізгі компоненттермен кезеңдердің сипаттамасы. Оқытудың кәсіби білім берудің мазмұны, мақсаты, сипаттамалары. Политехникалық және арнайы білім берудің сипаттамасы, мақсаты.

Бұл пәнді оқыту мақсаты: критериалды бағалауды ұйымдастырудың психолого-педагогикалық және әдістемелік негіздерін, оның маңызды функциялары мен міндеттерін меңгеру, критериалды бағалау технологиясы жүйесіне қойылатын негізгі талаптармен танысу болып табылады.

"Кәсіптік оқытудың жеке әдістемелері" пәнінің мақсаты – кәсіби білім берудегі әдістемелерді, қағидаларды, білу және магистранттардың ой өрісін кеңейту. Пәннің негізгі түсініктері бойынша негізгі білімдерін меңгеру.

«Ақпараттық қолданбалы бағдарламаларды кәсіби-педагогикалық зерттеулерде пайдалану» пәні педагогикалық пәндер қатарына жатады. Оны кәсіптік оқыту мамандығының магистранттары оқиды. Мақсаты – педагогикалық зерттеулерде ақпараттық қолданбалы бағдарламаларды кәсіби-педагогикалық зерттеулерде пайдалану және магистранттардың көзқарастарын кеңейту. Пәннің негізгі түсініктері бойынша негізгі білімдерін меңгеру.

Бұл пән "Білім" бағыты бойынша білім алушы магистранттардың меңгеруіне міндетті пән болып табылады, пәннің мазмұны "Студенттердің аудиториядан тыс өзіндік жұмыстарының мәні мен құрылымы", "ЖОО студенттердің аудиториядан тыс өзіндік жұмыстарын ұйымдастырудың моделі", "Студенттердің аудиториядан тыс өзіндік жұмыстарын ұйымдастыру технологиясы" деген болашақ педагог мамандарының кәсіби тапсырмаларды шешуге дайындауға бағытталған тараулардан тұрады

Пән қазіргі әлеуметтік және жеке болмыстың маңызды факторы - ғылым туралы, тарихи дамудың негізгі тенденциялары мен негіздері, ғылымның қоғамдағы әлеуметтік, экономикалық, рухани процестерге ықпалы, ғылымды оқытудағы негізгі ғылыми мәселелер мен пікірталас мәселелері, қазіргі ғылыми танымның әдіснамалық негіздері туралы жүйелі түсініктерді қалыптастыруға бағытталған.

Пән болашақ мұғалімдерді кәсіптік даярлаудың мақсаттары, принциптері, әдістері, сондай-ақ оқу-әдістемелік құралдар, бақылау әдістері, білім беру және өндірістік қызметті жоспарлау ерекшеліктері туралы хабардар етеді. Техникалық және кәсіптік білім беру жүйесінде оқушыларды өздерінің білімін қолдана білуге даярлауға бағытталған.

"Жоғары кәсіптік білім беру жүйесіндегі педагогикалық инноватика" пәнінің мақсаты педагогикалық инноватиканың мәнімен, оқытудың инновациялық технологияларымен, жоғары кәсіптік білім берудегі инновациялық кәсіби іс-әрекеттің құрылымымен, ұйымдастыру және дамуымен таныстыру.

«Тұлғаның өздігінен кәсіптік дамуының және өзін-өзі жетілдірудің ғылыми негіздері» пәні педагогикалық пәндер қатарына жатады. Пәннің мақсаты – әлеуметтік психологиялық жұмыстар негізін, мәселелерін шешу әдістерін қалыптастыру, пәннің негізгі түсініктері бойынша негізгі білімдерін меңгеру.

«Кәсіби педагогикадағы ғылыми зерттеулерді ұйымдастыру және жоспарлау» пәні технологиялық пәндер қатарына жатады. Оны барлық кәсіптік оқытудың ғылым мен тәжірибе саласында оқитын магистранттар оқиды. Пәннің мақсаты: кәсіби педагогика мәселелері бойынша магистранттардан ғылыми зерттеулерді ұйымдастыру және өткізу дайындығын қалыптастыру. Пәннің негізгі түсініктері бойынша негізгі білімдерін меңгеру.

Пән қазақстандық қоғамның бүгінгі жағдайын, оның әлемдік білім беру кеңістігіне енуі, кәсіптік білім беру жүйесіндегі жаңа акценттерді және әлемдік білім беру жүйелерін зерттеп меңгеруге бағытталған.Әлемдік тәжірибеге, отандық дәстүрге негізделген кәсіптік білім берудің құрылымы мен жаңартылған білім мазмұнына айрықша назар аударылған.

Пән білім алушыларды, білім беруді жаңғырту аясындағы инновациялық тәсілдер негізінде оқыту және тәрбиелеу мазмұнымен, әдістерімен, технологияларымен, оқыту мен оқытудың жаңа тәсілдерімен, сыни ойлауға оқыту әдістерімен, оқытуды бағалау, оқыту мен оқытуда ақпараттық-коммуникативтік технологияларды қолдану, дарынды және талантты балаларды оқыту әдістерімен таныстыруға бағытталған., жаңартылған білім беру мазмұнының принциптерін енгізу, білім беру процесі субъектілерінің әлеуетін өзектендіру.

«Кәсіптік білім беру жүйесінде қазіргі заманғы технологияларды қолдану әдістемесі» пәні педагогикалық пәндер қатарына жатады. Пәннің мазмұны болашақ педагогтарды жаңартылған білім беру мазмұны жағдайында кәсіби іс-әрекеттерінде тапсырмаларды креативті шешуге бағытталған келесі бөлімдерді қосады: Педагогикалық технологиялардың методологиялық және теориялық негіздері. Пәндік бағыттық технологиялар. Жеке бағдарлап оқыту технологиялары.

«Оқу-өндірістік құрал-жабдықтарды автоматты басқару жүйесіндегі ақпараттар» пәні педагогикалық пәндер қатарына жатады. Оны кәсіптік оқыту мамандығының магистранттары оқиды. Мақсаты – магистранттарды автоматтандырудың инновацияларымен, оқу өндірістік шеберханалардағы құрал жабдықтардың технологиялық негіздерімен таныстыру. Пәннің негізгі түсініктері бойынша негізгі білімдерін меңгеру.

Пән жоғарғы және орта білім беру жүйесінде көптілді білім берудің ғылыми-әдістемелік қамтамасыздандырылуын,білім беру жүйесінің әр деңгейіндегі көптілді білім беру үрдісін, көптілді білім беруді ұйымдастырудың нормативті-құқықтық базасын және көптілді білім беру әдістерін, инновациялық әдістерін зерттеп меңгеруге бағытталған.

Пән педагогикалық пәндер қатарына жатады. Мақсаты - жоғары кәсіптік-педагогикалық білім берудің мазмұны, әдістемесі мен формаларын дамытудың тарихы мен теориясымен, ғылыми негіздерімен танысу, үздіксіз кәсіптік білім беру жүйесін құру бойынша практикалық қажеттілік пен теориялық алғышарттарды анықтау.

Осы пән тәрбие жұмысының негізгі теориялары мен әдістемелерімен, заманауи мектепте білім берудің жаңартылған мазмұны жағдайында кәсіби міндеттерді шешу тәсілдерімен танысуға және алған білімдерін педагогикалық процесті жобалауда қолдануға, білім беру процесінің субъектілерімен өзара іс-қимыл жасауға бағытталған.

Пән болашақ мұғалімдерді кәсіптік даярлаудың мақсаттары, принциптері, әдістері, сондай-ақ оқу-әдістемелік құралдар, бақылау әдістері, білім беру және өндірістік қызметті жоспарлау ерекшеліктері туралы хабардар етеді. Техникалық және кәсіптік білім беру жүйесінде білім алушыларды өздерінің білімін қолдана білуге даярлауға бағытталған. Курстың мазмұнына «Өндірістік оқыту жүйесі», «Өндірістік оқыту мазмұны», «Оқыту принциптері», «Оқу әдістері», «Бақылау түрлері», «Өндірістік оқытудағы инновациялық технологиялар» тақырыптары кіреді.

Пән педагогикалық ойлауға және мінез-құлыққа, педагогикалық құбылыстарды дербес талдауға, оқытудың жаңа технологиялары мен әдістерімен танысуға, білім берудің дәстүрлі тәсілдерін сыни талдауға, қазіргі білім беру технологияларында бағдарлауға, шарттарды ескере отырып таңдауды жүзеге асыруға бағытталған.

Пән бағдарламасы жоғары мектептің болашақ педагогының теориялық және практикалық дайындығына, магистранттардың кәсіби-педагогикалық құзыреттілігін дамытуға, оқу-тәрбие үдерісін ұйымдастыра білуге, шығармашылық қызметті жүзеге асыруға бағытталған.

Қазақстан Республикасында білім берудің қазіргі кезеңдегі, әлемдік қауымдастыққа ықпалдасу жағдайында қалыптасу және даму ерекшелігін түсіну

халықаралық және шетелдік зерттеулер тәжірибесін ескере отырып, білім беру үрдісінің сапасын бағалау мен диагностиканың қазіргі заманғы технологиясын қолдану дағдыларын меңгеру

Ғылыми-педагогикалық қызметінде жоғарғы мектептегі педагогика және психология бойынша білімдерін қолдану

білім беру қызметі барысында коллаборативті орта құру

Жоғары мектеп жүйесінде кәсіптік білім берудің өзекті мәселелері бойынша зерттеулер жүргізеді

Кәсіби қызмет профилі бойынша заманауи жоғары өнімді машиналар мен жабдықтардың құрылысы мен жұмысы, әртүрлі материалдарды өңдеу тәсілдері мен технологиялары туралы теориялық білімді кәсіби қызметінде қолдану

бақылау, эмпирикалық деректерді ғылыми талдау және ғылыми еңбектерді рефераттау, әлемдік ғылым мен өндірістік қызметте жинақталған мәліметтердің аналитикалық шолуларын жасау негізінде жаңа ақпарат алу

Кәсіптік оқыту саласындағы мәселелерге оларды шешу жөнінде ұсынымдар әзірлей отырып, кешенді зерттеулер жүргізу

педагогикалық міндеттерді, соның ішінде стандартты емес міндеттерді шешу үшін педагогикалық менеджменттің қазіргі заманғы техникасын, педагогикалық технологиялар мен кәсіби оқыту әдістемесін қолдану

Кәсіптік оқыту жүйесінде көптілді оқытуда тиімді технологияларды қолдану

Кәсіптік оқыту саласындағы өзекті мәселелер бойынша білікті қорытындылар жасау

педагогикалық үдерістер мен құбылыстарды талдаудың теорияларын, концепцияларын және әртүрлі әдіснамалық тәсілдерін сын тұрғысынан талдау