7M03202 Дата журналистика в Сулейман Демирел атындағы университет

Пән журналистер үшін жазу машықтары және шығармашылық жазудың терең практикалық дағдыларын үйретуге бағытталған. Курс барысында магистранттар әртүрлі жанрдағы мақала мен материалдар жазуды үйренеді. Сондай-ақ олар журналистік мақалаларға арналған сторителлинг және баяндау, академиялық жазу және БАҚ мәтіндерін сыни тұрғыдан талдауға арналған жазу тәсілдерін үйренеді.

Бұл курс магистранттарды дата журналистиканың негіздерімен таныстыруға бағытталған. Аталмыш пән дата журналистиканың пайда болу үрдісін және оның даму динамикасын қамтиды. Бұған қоса, деректерді ажыратуды және оларды тиімді табу жолдарын үйренеді. Бұл өз кезегінде медиаконтент құруға қажетті деректерді сұрыптау және өңдеу сынды сатыларды үйренуде маңызды рөл ойнайды. Сонымен қатар, магистранттар әлемдегі ірі басылымдардың дата зерттеулерімен, өнімдерімен танысу арқылы дата журналистика туралы нақты түсінік қалыптастырады.

Бұл дисциплина магистрантқа менеджменттің ең негізгі қағидаларын үйретеді. Команданы басқару, бизнес жоспар құрастыру, тәуекелдерді басқару, т.б. дағдыларды меңгереді. Курсты сәтті аяқтаған магистрант уақытты тиімді пайдалану қағидаларын, қаржы-капиталды үнемді әрі нетижелі игеруді, адам капиталымен жұмыс істеуді біліп шығады

Курс жаңалық, деректі репортаж, т.б. түрлі жанрда, түрлі тақырыпта көрнекі визуалды баяндау тәсілдерін үйретеді. Сюжеттік идеяларды дамыту, сұхбат жүргізу және хикаяны құрылымдау - пәннің бас тақырыптары. курс барысында магистранттар терең дискуссиялар арқылы сценарийді егжей-тегжейлі талдайтын болады.

Курс барысында магистранттар деректерді өңдеу мен визуализациялауда қолданылатын Python бағдарламалау тілінің негізгі элементтерін үйренеді. Сонымен қатар, ашық деректермен жұмыс істеу арқылы деректерді талдауға және дұрыс тұжырым шығаруға ерекше назар аударылады.

Пән магистранттарға ұйымдарды тиімді басқаруға қажетті басқарушылық мінез-құлық психологиясының білімдері мен дағдыларын, сонымен қатар басқару теориясын, зерттеу және басқару практикасын түсінуді қамтамасыз етеді. Курста көшбасшылық стильдер мен әдістер, тиімді қарым-қатынас тәсілдері, уақытты басқару, шешім қабылдау, өкілдік және бақылау дағдыларының негізгі функциялары үйретіледі.

Бұл пән магистранттардың болашақ кәсіби мансаптарында тиімді қарым-қатынас жасау үшін қажет болатын ағылшын тілі мен қарым-қатынас дағдыларын одан әрі дамытуға бағытталған. Курс грамматикалық дәлдікті, тиімді жазуды дамытуға және құрылымдық тұрғыдан тиімді, грамматикалық дәл және контекстке сәйкес құжаттарды жасауға бағытталған.

Бұл курс қолданбалы әлеуметтік ғылымдардағы озық сандық зерттеу әдістерін қарастырады. Сонымен қатар, бұл пән дисциплинарлық білім деңгейіне қарамастан, кез-келген магистранттың статистикалық білімін тереңдетуге көмектеседі.

Пәннің мақсаты магистранттарды коммуникациялық зерттеулерге және жалпы әлеуметтік зерттеулерге байланысты сапалық және сандық зерттеу әдістерімен таныстыру. Сонымен қатар, пән білімгерлерге зерттеу жүргізу, ғылыми мақалалар жазу және зерттеу нәтижелерін ұсыну үшін қажетті дағдыларды дамытуға көмектеседі. БАҚ пен аудиторияны зерттеудің заманауи әдістерімен өзара әрекеттеседі, этикалық дағдыларды дамытады және зерттеу үшін гипотезаларды қалай дұрыс құру керек екенін үйренеді.

Пән мақсаты магистранттарға дата ұғымын таныту әрі онда тереңдеу, сондай-ақ деректерді санаттарға бөлу, өзара ажыратуды және оның қолданбалы механизмдерін меңгеру болып табылады. Дәріс барысында магистранттар дата ғылымдарына тән проблемаларды анықтау, зерттеу және оларды шешу методологиясын игеріп шығады. Бұдан бөлек, пән деректерге байланысты Отандық және шетелдік ғылыми еңбектерді талдау, өзектілігі мен көтерілетін мәселелерді сыни парадигмада қарастыру әрі журналистік кәсіби ортамен өзара сабақтастығын зерделеу, анықтауды мақсат етеді.

Курс тергеу әдістері мен күрделі міндеттерді автоматтандырып, жеңілдетуге мүмкіндік беретін оқыту құралдары көмегімен журналистиканы зерттеу процесінің тиімділігін арттыруға және оңтайландыруға бағытталған. Бұған практикалық оқыту қамтамасыз ететін шынайы зерттеулер мен тәжірибелер мысалының қалыптасқан және заманауи әдістерін енгізу арқылы қол жеткізіледі

Курс медианарықта қолданылатын экономикалық теориялар жайлы негізгі түсініктерді үйретеді. Курс аясында магистранттар медианарықтың негізгі қағидаларымен танысып, БАҚ-тағы қысым және бәсекелестік түрлері туралы, сондай-ақ бұл феномендердің мемлекет тарапынан реттелу жолдары туралы білімге қол жеткізеді.

Пән федералды, мемлекеттік және халықаралық баспасөз, хабар тарату және сандық медианы реттейтін заңнамаларға бағытталған. Пән бірнеше салаларды қамтиды, соның ішінде жала жабу, жек көру, жарнама, әлеуметтік желілер және т.б. тақырыптардың құқықтық негіздерін қамтиды. Негізгі мақсат - Қазақстанда және әлемде сөз бостандығы мен бұқаралық ақпарат құралдарына қатысты құқықтық принциптерді сыни және жан-жақты түсінуді дамыту.

Бұл курс магистрантты нейронды желі және жасанды интеллект технологияларымен, machine learning және оны шынайы өмірде қолдану әдіснамасымен таныстыруды көздейді. Жоғарыда аталып өткен жаңа технологияларды БАҚ және медиа-коммуникация саласында қолдану жолдарын түсіндіреді.

Пән жаңа технологиялардың қоғамдағы журналистика рөлін өзгертуге әсерін зерттеуге бағытталған. Сонымен қатар, пән магистранттарды цифрлы және интернеттегі бұқаралық ақпарат құралдарында журналистика әдістерімен таныстырады және журналистерге тұжырымдамалық және практикалық құралдар мен жаңа технологияларды үйретеді.

Курс магистранттарға Adobe Photoshop және Adobe After Effects бағдарламаларында жұмыс істеудің негізгі қағидаларын және қазіргі медиа индустриядағы графика, видео мен анимация өзара әрекеттесуінің жаңа тәсілдерін үйретуге бағытталған.

Курс визуалды ақпаратты дұрыс ұсыну жолдарын және оның аудитория тарапынан қабылдануын зерделеуге бағытталған. Бұл пән визуализация түрлері ретінде "көрнекі", "зерттеу", сонымен қатар "аралас" деп аталатын түрлерін қарастырады. Визуализацияның мағыналық және эстетикалық тұстарынан бөлек, деректерді визуализациялауда қолданылатын техникалық аспектілер және осы мақсатқа қызмет ететін әртүрлі құралдардың тиімділігі де қарастырылады.

Бұл пән датаға қатысты сыни тұрғыдан ойлауды дамытуға бағытталған, оның көмегімен магистранттар үлкен деректерге негіздей отырып гипотеза құруды үйренеді. Осылайша, олар өңделген деректердің арасындағы байланысты табуға және сол арқылы оқиға мен құбылыстың интегралды бейнесін қалыптастыруға машықтанады. Сондай-ақ, магистранттар дерекқорлардың түрлерімен танысып, олармен жұмыс жасаудағы құқықтық, этикалық және саяси тұстарын меңгеріп шығады. Ашық дерекқорларды сүзгіден өткізуді, верификациялау тәсілдерін үйренеді.

Өңделген деректерді талдай алу, мәліметтер негізінде гипотезаларды дұрыс шығара білу, деректер жиынтығына негізделген тиімді баяндау дағдыларын, толыққанды журналистік дата материал құру үшін қажетті технологиялар мен әдістерді қолдана алу

Датаның әр түрлі форматтары мен сақтау тәсілдері, оған қол жеткізу және өңдеу әдістерімен жұмыс істей алу; API веб-сайттары және JSON, өңделмеген мәтіндік дамптармен, тұрақты дата тіркестермен, SQL деректер қорымен жұмыс істей алу; веб-скреперлер құрып, қолдануға қиын PDF форматындағы файлдарды қолдануға болатын ақпаратқа түрлендіре отырып, қол жетімді емес мәліметтермен жұмыс жасай білу.

Толық емес немесе шектеулі ақпараттан дұрыс пайымдар, тұжырымдар шығара білу; Python бағдарламасындағы кодтаудың негізгі алгоритмдерін және үлкен деректер массивін терең өңдеуге арналған басқа қызметтердің ерекшеліктерін білу; журналистиканың әр түрлі жанр мен формаларында онлайн медиа арқылы таратуға арналған интерактивті дата контент өндіру дағдыларына ие болу;

Деректер ғылымы саласындағы соңғы Отандық және шетелдік ғылыми зерттеулерді таба білу және талдай алу; сонымен қатар үлкен массивтегі датаны іріктеу және салыстырмалы талдау арқылы дұрыс гипотезаларды құра білу және оларға сыни талдау жасай алу; әртүрлі зерттеу әдістерінің салыстырмалы құндылығын және олардың нақты зерттеу жағдайларына бейімділігін бағалау дағдылары; деректер ғылымы саласында сапалы және сандық зерттеу әдістерін қолдана білу.

Визуал элементтерді қамтитын дата материал дайындау барысында ашық деректер көздерімен жұмыс жасауға қажетті жаңа технологиялар мен қызметтерді сауатты пайдалана алу және кіріктіре білу; журналистикамен айналысатын кәсіби орындарда топтық дата жобалар әзірлеу.

Дата журналистика саласына қатысты құқықтық мәселелерге талдау жасай алу, үлкен деректермен жұмыс жасау және оны дата материалдар арқылы жариялау, тарату кезіндегі дата журналистің әлеуметтік және саяси жауапкершілігін түсіну; ашық және құпия дерек көздерімен жұмыс жасау барысындағы журналистердің құқықтары мен бостандықтарын нақты түсіну және тұжырымдай білу.

Дата журналистиканың негізгі аспектілерін және оның медиаға әсерін зерттеу тұтынуға жарамды толлыққанды медиа контент жасауға қажетті дағдылар ретінде деректерді тиімді таба білу, оны сүзу және өңдеу дағдыларына ие болу

Жазбаша және ауызша әдістерді және іскерлік этика түсінігін қолдана отырып, психологияның тұжырымдамалары мен теорияларын басқару мен қарым-қатынастың әртүрлі аспектілерінде қолдана білуін көрсету; дәлелдемелер негізінде құжаттар мен хабарламаларды жазу және ағылшын тілінде тиімді презентациялар жасау дағдыларына ие болу; жоғары білім берудегі зерттеулерге, оқу нәтижелерінің, бағалау критерийлерінің, бағалау мен оқытудың өзара байланысына сілтеме жасай отырып, оқытуды, дәлелдемелерді ұйымдастыруға оқу ортасының әсерін талдай алу; жоғары оқу орнында сабақ беру қабілеті.