7M01501 Математика в Абай атындағы Қазақ Ұлттық педагогикалық университеті

Ғылым философиясы. Мәдениеттегі ғылым, өркениет. Ғылымның пайда болуы, дамуы. Ғылыми білімнің құрылымы. Ғылыми революциялар. Ғылыми ұтымдылық. Қазіргі ғылымның ерекшеліктері. Ғылым әлеуметтік институт ретінде жаратылыстану ғылымдары. Әлеуметтік-гуманитарлық ғылымдар тарихы. Ғылыми қызметті ұйымдастыру. Білім эволюциясы. Қазіргі ғылымның этикалық аспектілері. Коммуникативтік технологиялар, қазіргі ғылымдағы ақпараттық процестер. Жаратылыстану және әлеуметтік-гуманитарлық ғылымдардың өзекті мәселелері

Педагогика ғылым ретінде. Педагогиканың негізгі категориялары. Педагогиканың пәні мен міндеттері Педагогикалық ғылымдар жүйесі. Педагогиканың басқа ғылымдармен байланысы. Педагогика тарихы. Жоғары білім берудің қазіргі парадигмасы. Педагогика әдіснамасы. Кәсіби құзыреттілігі, ЖОО оқытушысын оқыту теориясы. Оқытудың кредиттік технологиясы. СӨЖ, СҒЗЖ ұйымдастыру. Оқу-әдістемелік материалдарды құрастыру. ЖОО-дағы тәрбие жұмысы. Білім берудегі Менеджмент.

«Математиканы оқыту әдістемесі бойынша ғылыми-зерттеу жұмысының технологиялары» пәнінде магистранттар магистрлік ғылыми зерттеу жұмысының әдістемелік негіздермен танысады. Пәнді оқу барысында магистранттар ғылыми зерттеу жұмысын жүргізуге қойылатын талаптармен, ғылыми аппаратты құру және әдістемелік әдебиеттермен жұмыс жасау жүйесімен танысады. Ғылыми зерттеу жұмысын жүргізудің жаңа технологияларымен, математикалық әдістерімен, педагогикалық эксперимент жүргізуге қойылатын талаптармен танысады.

Шет тілін С1, С2 деңгейінде меңгеру (тілдік мамандықтар), LSP қарым-қатынас монологиялық және диалогтық түрде (баяндама, презентация, әңгімелесу, пікірталас). Ғылыми стильдің грамматикасын ауызша, жазбаша түрде оқу. Ақпараттық және кәсіби хабарламаларды есту арқылы қабылдау. Ғылыми мақалаларды, баяндамаларды, жобаларды дайындау, рәсімдеу. Сөздікпен, анықтамалық әдебиетпен жұмыс жасау. Екі жақты аударма дағдылары.

«Орта мектепте математикалық есептерді шығаруға үйретудің теориялық негіздері» пәнінде мектеп математика курсының мазмұнымен танысады. Математикалық есептің классификациясы, қызметі мен ролі қарастырылады. Математикалық есептерді стандартты емес тәсілдермен шығару жолдары қарастырылады. Математикалық есептерді шығаруға үйрету әдістемесі оқытылады.

Басқару психологиясы-басқару қызметінің заңдылықтары туралы психологияның бөлімі. Психологиялық жағдайларды, басқару қызметінің ерекшеліктерін талдау. Басқару кіші жүйесінің жай-күйі мен өзгерістерін диагностикалау және болжау; бағыныштылар қызметінің бағдарламасын қалыптастыру; шешімнің орындалуын ұйымдастыру. Басшының басқарушылық қажеттіліктері мен қабілеті. Диагностикалық құралдарды құру түрінде тәжірибелік іске асыру, басшыларды дайындаудың белсенді әдістерін әзірлеу, басқарушылық кеңес беру.

Курстың мазмұны мынадай тақырыптарды қамтиды: әдістемелік-математикалық ғылымның бастау-бұлақтары, математика әдістемесінің қалыптасуы, Қазақстанда математика әдістемесінің пайда болуы, математикадан қазақ бастауыш, орта және жоғары мектептеріне арналған алғашқы оқу құралдары, математикалық терминологияның қалыптасуы мен дамуы, әдістемелік-математикалық ғылымның тәуелсіз Қазақстандағы даму ерекшеліктері. Пәнді оқып-үйрену болашақ ғалымдардың әдістемелік-математикалық білімдерді тереңдету мен кеңейте түсу бойынша өз бетімен жұмыс істеулері бағытындағы шығармашылық әлеуетін көтеруге жағдай туғызады.

Математикалық білім берудің қазіргі мазмұнын оқыту, болашақ мамандарды әдістеменің қазіргі теориясының негіздерімен жасақтап, педагогикалық үдерісті ұйымдастыруға қажетті практикалық іскерліктер мен дағдыларды қалыптастыруға ықпал етеді. Бұл пәнді оқу кезінде қазіргі математикалық білім беру мазмұнына талдау жасалады.

«Математикадан стандартты емес және олимпиадалық есептер шығаруға оқыту әдістемесі» пәнінің құрамына студенттердің өз бетінше білім алу және өздерін ұйымдастыра білудің негізгі ақпараттары енеді, әрі математикадан фундаментальды теориялық және практикалық білім алуды меңгеруді қажет етеді. - студенттер бұл пәнді игеру нәтижесінде мыналарды білу қажет; - «математикалық есептер» түсінігі есептердің квалификациясы және оларды оқу процесінде пайдалана білу; - математикадан мектеп бағдарламасын; - есептерді шешудің әртүрлі жолдарын, математикалық айлалар мен тәсілдерін қолдана білу; - есептер шешуде оқу жұмыстарын ұйымдастыру түрлерін. Орта мектептегі математиканың барлық тарауларындағы күрделі есептерді шығара білу - есептеулердегі кездесетін қателерді анықтап түзете білу; - мектептің әртүрлі сыныптарында күрделі есептерді шығару үшін кружоктар ұйымдастырылу қажет; - талантты оқушыларды анықтау.

Пәннің мазмұны мынадай тақырыптарды қамтиды: экстремумға берілген есептер теориясының негізгі ұғымдары, классикалық экстремум есептері, экстремум есептерінің даму тарихы, экстремумға берілген есептерді шешудің элементар әдістері, экстремумға берілген есептердің математикалық моделін құру, арифметикалық, алгебралық, геометриялық және физикалық мазмұнды экстремум есептері, тамаша теңсіздіктер, изопериметрлік есептер, брахстохрона туралы есеп, экстремумға берілген есептерді шешуде туындыны қолдану, сызықтық программалауға кіріспе, вариациялық есептеулердің негізгі ұғымдары.

Пәннің білім мазмұны келесі тақырыптарды қамтиды: «Математиканың қосымшаларын қолданудағы тарихи және заманауи көзқарастар. Жалпы орта білім берудің мемлекеттік стандарттары, математикадан оқу бағдарламалары, оқулықтары мен оқу әдістемелік кешендеріне талдаулар. Математиканы оқытуда оның практикалық қосымшаларын қолдану мазмұны, әдістері мен тәсілдері. Мектептің математика курсында математикалық моделдеу әдістерінің элементтерін оқыту. Оқушыларды бейналды дайындауда қолданбалы математиканың қосымша тарауларын оқытудың бағдарламасын құрастыру. Мектеп математика курсындағы практикаға бағдарланған мәтінді есептерді құрастыру мен оларды шешуге үйрету. PISA, TIMSS халықаралық зерттеулері тапсырмаларының мазмұндық ерекшеліктері. Геометриялық практикалық мазмұнды есептерді шешуді оқыту әдістемесі.

«Математикалық сауаттылық негіздері» пәні жалпы функциональдық сауаттылық және оның ішінде математикалық сауаттылық қалыптастырудың әдістемелік ерекшеліктерімен, сол сияқты осы бағыттағы ғылыми зерттеу жұмыстарының басты бағыттарымен магистранттарды таныстыруды көздейді. Пәнді оқу барысында магистранттар математикадан функциональдық сауаттылық қалыптастыруға арналған тапсырмаларды шешу әдістемесін меңгереді және осы бағыттағы ғылыми зерттеу, анықтамалық әдебиеттермен жұмыстар жүргізеді. Магистранттар математикадан функциональдық сауаттылық қалыптастырудың әдістері мен формаларын игереді

Пәннің білім мазмұны келесі тақырыптарды қамтиды: «Геометриялық білім берудің тарихы мен дамуы. Мектеп геометрия курсының логикалық құрылымы. Мектеп геометрия курсының мазмұнын құрастырудағы әдістемелік тәсілдер. Орта мектептегі геометрия курсының мазмұндық әдістемелік бағыттары. Жаңартылған білім мазмұнына жағдайында 7-9 сыныптарда және 10-11 сыныптарда геометрияны оқытудың ерекшеліктері.

Курстың мазмұны мына тақырыптарды қамтиды: педагогикалық эксперимент және оны жүргізудің әдістемесі, өлшеу ұғымы, педагогикалық эксперимент жағдайында математикалық әдістерді қолданудың мүмкіндіктері, эксперимент мәліметтерін көрсетіп берудің формалары, үлестірімнің қалыптылығын бағалау әдістері, педагогикалық эксперимент нәтижелерін өңдеудің қарапайым, сипаттамалы, индуктивтік және корреляциялық әдістері, статистикалық гипотезаларды тексерудің жалпы принциптері, айырмашылықтың статистикалық критерийлері.

Пәннің білім мазмұны мынадай тақырыптарды қамтиды: «Математиканы оқыту сапасын бақылау мен бағалау. Бақылаудың функциялары, түрлері мен формалары. Оқушылардың оқу нәтижелерін бағалау. Дәстүрлі және заманауи бағалау құралдары. Оқушылардың математикадан оқу нәтижелерін критериалды бағалау жүйесі. Формативті және жиынтық бағалау. Оқушылардың білімін формативті және жиынтық бағалау үшін тапсырмаларды және олардың критерийлерін дайындауға үйрету әдістемесі».

ОН 1 – негізгі ұғымдарды, негізгі теоремаларды және олардың дәлелдеулерін, математика саласының негізгі формулалары мен теориялық негізін біледі және түсінеді, педагогикалық қызметінде педагогикалық өлшеулер, математикалық білім берудің даму тенденциялары, нормативтік-құқықтық актілер және электрондық құжаттарды жүргізу негіздері сияқты оқу процесінде алған білім мен іскерліктерін пайдаланады;

ОН 3 – математиканың академиялық тілін; әртүрлі қолданбалы есептерді шешу үшін математикалық модельдерді пайдаланудың маңыздылығын; сандық және сапалық талдау жүргізудегі статистикалық деректерді графикалық ұсынудың рөлін түсінеді;

ОН 9 - практикалық есептерді шешу үшін математикалық білімді, математикалық есептерді шешу алгоритмдерін, тиісті контекстердегі математикалық терминологияны, әртүрлі қолданбалы есептерді шешу үшін математикалық модельдерді, математикалық есептерді шешу үшін есептеу техникасы мен компьютерлік программаларды қолданады;

ОН 4 – ғылыми-техникалық ақпаратты талдай алады, зерттеу тақырыбы бойынша отандық және шетелдік тәжірибелерді зерттей алады;

ОН 2 – іргелі математикалық теорияларды, әдістер мен мысалдарды басқа пәнаралық байланыстарда тиімді пайдалану мен үйлестіру тәсілдерін біледі;

ОН 10 – оқушылардың зерттеу және жобалау жұмыстарымен байланысты математикадан сыныптан тыс жұмыстарды ұйымдастыру әдістерін, жас ерекшеліктеріне сәйкес білім беру процесіндегі заманауи ақпараттық және коммуникациялық технологияларды қолданады.

ОН 6 – кең ауқымды жаңа технологияларға, идеяларға, бағыттарға бағдарлауға және оларды өзінің педагогикалық қызметінде пайдалануға дайын болуға қабілетті;

ОН 7 - математика ғылымының жекелеген мәселелерін оқыту әдістемесін меңгереді;

ОН 8 - оқыту әдістемелерін әзірлеуге, өз бетінше, тиімді, жауапты, сыни, рефлексивті, ақпаратты және осы ақпаратты алу көздерін таңдауға және пайдалануға қабілетті;

ОН 5 – оқушылардың және студенттердің оқу, ғылыми-зерттеу жұмыстарын ұйымдастыруда математик-мұғалімдердің озық тәжірибелерін меңгереді;