6B02204 Археология және этнология в Әл-Фараби атындағы Қазақ ұлттық университеті

Пән мақсаты: дүниежүзілік тарихтың түпкілікті мәселелері, тарихи үдерістің заңдылықтары туралы білімдерін қалыптастыру. Студенттер археологияның қалыптасу тарихын, оның салаларын, көрнекті археологтардың зерттеу әдістерін және тарихтағы ірі археологиялық ашылулар туралы білім алады. Пәнді оқу барысында келесі аспектілер қарастырылады: археология заты, оның мақсат-міндеттері; археология ғылымының дамуы; археологиялық зерттеу әдістерінің негізгі әдістері; археология және жаратылыстану пәндері арасындағы байланыс.

Пәннің мақсаты – тірі ағза мен қоршаған орта арасындағы өзара әрекеттесуінің заңдылықтарын, биосфераның жұмыс істеуін және адам өмірінің қауіпсіздігін қамтамасыз ету туралы білімді қалыптастыру. Пән адам өмірінің қауіпсіздігін, техногендік авариялар, табиғи апаттар, қоршаған ортаны қорғау, экологиялық менеджмент салдары жөніндегі іс-шараларды, зиянды қауыптерден, деструктивті факторлардан қорғау әдістерін және негіздерін зерделеуге бағытталған.

Пәннің мақсаты – ұлы түркі ойшылы Әбу Насыр әл-Фарабидің әлемдік және ұлттық мәдениеттің даму контекстіндегі ғылыми және философиялық мұрасы туралы идеяларын студенттердің түйсігінде қалыптастыру. Пәнді оқу нәтижесінде студент қабілетті болады: - Әл-Фараби мұрасының негізі философиялық мазмұнын және оның түпкі философиясын қалыптастыруға әсерін түсіндіру; - шығыс философиясының Еуропалық қайта өрлеу кезеңіне әсерін көрсету; - ұлттық философия феномендеріне философиялық талдау дағдыларын көрсету; - қазіргі социомәдени жағдайды компаративистикалық методология тұрғысынан түсіну; - ұлттық және әлемдік философия тарихының дәстүрлі және қазіргі заманғы мәселелерін кәсіби іс-әрекетте қолдану

Пәннің мақсаты - кәсіпкерліктегі инновациялар, инновацияның негізгі түрлері, болашақ кәсіби қызметтің контекстінде инновацииқ жобаларды дамытудың мәселелері мен кәсіпкерлік және инновациялық қызметтің негізгі түрлері мен субъектілерін, кәсіпкерлік пен кәсіпкерлік қызмет арасындағы айырмашылықтар, бизнес-идея, бизнес-жоба ерекшеліктерін меңгерту.

Сыбайлас жемқорлыққа қарсы іс-қимыл саласындағы мемлекеттік органдардың, саяси және қоғамдық ұйымдардың қызметін талдау қабілеттерін қалыптастыру. Курс қазіргі қоғамдағы сыбайлас жемқорлық пен сыбайлас жемқорлыққа қарсы мәдениеттің мәселелері туралы объективті білімді қалыптастырады. Пән сыбайлас жемқорлыққа қарсы заңнаманың негізгі ережелерін, сыбайлас жемқорлыққа қарсы ұлттық іс-қимыл жоспарының мазмұнын, сыбайлас жемқорлықты еңсеру дағдыларын зерделеуге бағытталған.

Пәннің негізгі мақсаты – студеттерде адамзат қоғам дамуының заңдылықтарын түсіну, оның шаруашылық және қоғамдық қызметтерінің ерте кезеңдегі дамуын объективті-тарихи түрде қалыптастыру. Пәннің басты мазмұны антропологиялық, этнографиялық, археологиялық деректер бойынша бұрынғы адамдарды адамзат дамуын зерттеу болып табылады. Алғашқы қоғам тарихын ерте және кейінгі қоғамды зерттеуді маңызды дерек бола алатын археология, антропология,этнография салаларын толықтырады.

Пән мақсаты: этнологияның ғылым саласы ретінде қалыптасып, мақсат, міндеттері туралы ой қалыптастыру. Пән этнологияның зерттелу деңгейі туралы, бұл саладағы бүгінгі мәселелер туралы түсінік береді. Пәнді оқыту барысында келесі аспектілер қарастырылады: этникалық тарих пен этногенез; әлем халықтарының тұрмыстық-мәдени классификациясы; заманауи этникалық процестер.

Пән мақсаты: әлем халықтары этнографиясы және оның зерттелу тарихы туралы ой қалыптастыру. Пән әлем халықтарыынң ерекшеліктері, антропологиялық тип бойынша классификациялануы, тілдік ерекшеліктеріне байланысты бөлінуі, олардың этнографиялық зерттелу деңгейі туралы түсініктер қалыптастырады. Сонымен қатар әр түрлі этникалық топтардың рухани және материалдық мәдениеттері қарастырылады.

Пән мақсаты: студенттерді әлемнің әйгілі археологиялық ескерткіштерімен таныстыру. Археологияның шет елдердегі қалыптасу тарихы туралы түсінік қалыптастыру. Пәнді оқыту барысында: әлемдік археологиялық мектептер; Еуропаның қола дәуірі ескерткіштері, Орталық Азияның археологиясы; Ежелгі Қосөзеннің археологиялық ескерткіштері; Африканың меголиттік құрылыстары туралы ой қалыптастырады.

Пәннің мақсаты – студенттерді қола дәуірінің археологиялық ескерткіштері мен мәдениеттерімен, археологиялық ескерткіштер мен мәдениеттер пайда болған кезеңдерімен таныстыру. Пәнді оқыту кезінде келесі аспектілер қарастырылады: Қола дәуірі кезіндегі Еуразия. Кезеңдеу мен мерзімдеу мәселелері. Қола дәуірі өнері. Қола дәуірі кезінде Еуразия территориясын мекендеген тайпалардың локалді мерзімдік ерекшеліктері. Еуразия мен көршілес аймақтардағы қола дәуірі мәдениеттерінің ұқсастықтары мен айырмашылықтары мәселелері.

Пәннің мақсаты - студенттердің тас ғасырына тән археологиялық мәдениеттер мен ескерткіштердің пайда болған кезеңдерін, сол дәуірде пайда болған археологиялық мәдениеттер мен археологиялық ескерткіштер туралы көз-қарастарын қалыптастыру. Пәнді оқу барысында келесі аспектілер қарастырылады: Тас ғасырының кезеңделуі мен хронологиясы. Тас дәуірінің әлемдік археологиясы. Кезеңнің зерттелу тарихы мен маңызды ашылулары. Тас ғасырының мәдениеттері мен археологиялық ескерткіштері.

Пәннің мақсаты студенттерді адамзаттың тарихи-мәдени кезеңдері бойынша археологиялық зерттеу әдістері негізінде тарихи шынайылықты сипаттауын қалыптастыру және жұмыс істеуге дағдыландыру. Пән студенттердің археология саласында қолданылуы үшін әдістемелік білімдерін қалыптастырады. Пәнді оқыту кезінде келесі аспектілер қарастырылады: Археологиялық ескерткіштер және оның түрлері. Мәдени қабат және стратиграфия. Археологиялық барлау және оның түрлері. Су асты барлауы және оның тарихы. Археологиялық қазба. Қорымдарды қазу әдістері.

Пәннің мақсаты – студенттердің ерте темір дәуірінің тарихы туралы түсініктерін қалыптастыру: тайпалардың шаруашылығы, тұрмысы, өнері мен сенімі. Сонымен қатар, археологиялық мәдениеттері және кезеңдеу мәселелерін саралауға дағдыларын қалыптастыру. Пәнді оқыту кезінде келесі аспектілер қарастырылады: Ерте темір дәуірінің зерттелу тарихы. Қазақстан ерте темір дәуірі тайпаларының материалдық және рухани мәдениеті. Гальштат тарихи-мәдени қауымдастығы. Аппенин түбегінің ерте темір дәуірі. Латен тарихи-мәдени қауымдастығы. Алдыңғы және Кіші Азия ерте темір дәуірі.

Пәннің мақсаты – археологиялық деректер негізінде Еуразия кеңістігіндегі ортағасырлық археологиялық ескерткіштерді зерттеуге дағдыландыру. Пәнді оқыту кезінде келесі аспектілер қарастырылады: Еуразия ортағасыр археологиясының зерттелу мәселелері. V-VIII ғғ. Орта Азия мен Шығыс Еуропаның көшпелілері. Ортағасырлық Алтай мен Сібір. Ежелгі хакас археологиясы. Ұлы Жібек Жолы. Шу, Талас бойындағы ортағасырлық қалалар. Археология мәліметтері бойынша VIII-X ғғ. Шығыс Еуропа.

Пән мақсаты - студенттерге этнологиялық аспаптардың теориялық және практикалық дағдыларын меңгеру саласындағы базалық білімді беру, далалық этнологиялық материалдарды жинау әдістерін үйрету. Пәнді оқыту кезінде келесі аспектілер қарастырылады:Этнологияның теориялық мәселелері. Әлем халықтарын классификациялау принциптері. Заманауи ғылымдағы этнос және этникалықтың негізі. Этносаралық байланыс. Этнологиялық зерттеудің теоретикалық әдістері.

Пәнді оқытудың мақсаты гуманитарлық бейіндегі студенттерді физикалық антропологияның тарих ғылымымен тығыз байланыстағы негізгі жетістіктерімен таныстыру болып табылады. Оқу барысында білім алушы адамзат қоғамының биологиялық және әлеуметтік компоненттерінің негізінде тұратын антропологиялық және этнологиялық пәндерді зерттеудің кешенді тәсілдері туралы білім алады.Пән физикалық антропология мен адам эволюциясының негізгі бағыттары бойынша білімдерді қалыптастырады.

Пәннің мақсаты қазақ және басқа да көршілес этностардың ежелгі және ортағасырлық монументалдық өнері мен архитектурасы, ауданның әлеуметтік- мәдени өміріндегі ролі туралы негізгі түсінік беру. Пәнді оқыту кезінде келесі аспектілер қарастырылады: Ежелгі және ортағасырлық Орталық Азияның зерттелу тарихы. Самарқанд, Бұқара, Хиуа, Шахрисабз архитектуралық ескерткіштері. XIV-XVII ғғ. Орталық Азиядағы архитектура және қала салу ісі.

Пән мақсаты: жартас бетіндегі суреттер және олардың салыну уақыты мен гегографиялық орналасу ерекшеліктері туралы ой қалыптастыру. Осы пәнді оқыту аясында Қазақстан мен Еуразия аумағында кеңінен таралған жартас бетіндегі суреттер туралы түсінік беріледі. Пәнді оқыту барысында келесі аспектілер қарастырылады: Қазақстан петороглифтерінің зерттелу тарихы; әр түрлі уақыт аралықтарына жататын петроглифтер ерекшеліктері; жартас бетіндегі суреттерді салыну техникасы мен күрделілігіне қарай ажырату.

Пәннің мақсаты археологиялық ашылулар мен олардың тарихы, зерттелуі туралы барлық материалдарды зерттеуге студенттерге мүмкіндік беру. Өткен тарихты зерттей отырып, студенттер әлемдік археология деңгейінде кәсіби білімге ие болады. Студенттер оқу барысында түрлі кезең археологиясына, олардың тарихына және алғаш ашқан адамдар туралы материалдарға ие болады. Пәнді оқыту барысында келесі аспектілер қарастырылады: Алғашқы археологиялық ашылулар тарихының зерттелуі. Шығыс Еуропаның археологиялық ескерткіштері. Орталық Азияның тас дәуірі ескерткіштерінің ашылу тарихы.

Пәннің мақсаты: студенттерге қазақ халқының материалдық мәдениеті туралы білім беріп, оның негізгі түрлері туралы түсінікті қалыптастыру. Пән өтпелі, мерзімді және тұрақты баспаналардың ерекшеліктері, олардың формалары, түрлері және ерекшеліктері туралы, оларды жобалаудың принциптері, құрылыстар мен үйлердің даму заңдылықтары, ішкі көрінісі, құрылысқа арналған материалдар туралы түсінік береді. Пәнді оқыту барысында келесі аспектілер қолданылады: Қазақтардың материалдық мәдениетінің зерттелу тарихы. Ерте ортағасыр кезіндегі үйлер мен қоныстар. Ресей империясы құрамындағы қазақ үйлері, қоныстары мен қалалары.

Пәннің мақсаты студенттерді Қазақстандағы этникалық топтардың этнографиясымен және оның қалыптасу тарихымен таныстыру. Этностардың материалдық және рухани мәдениеттері ерекшеліктері туралы ой қалыптастыру. Пәнді оқыту кезінде келесі аспектілер қарастырылады: Қазақстан халықтарының полиэтникалық құрылу тарихы мен кезеңдері. Славян этностарының Қазақстан территориясына қоныстануы. Қазақстан территориясындағы балғарлар мен поляктар. Қазақстанның түрік халықтары мен дүнгендер.

Пәннің мақсаты – студенттердің тарихи антропология туралы негізгі базалық білімдерін қалыптастыру. Сонымен қоса, тарихи антропологияның негізгі базалық ақпаратын танымдық-теоретикалық құрылғыларды игеру мен түсіну арқылы зерттеу жүргізуге икемдеу. Пәнді оқыту кезінде келесі аспектілер қарастырылады: Эволюционизмдегі адамның пайда болу мәселесі. Адам бассүйегінің дамуы. Антропогенез. Адам нәсілдері. Орта Азияның ежелгі тұрғындарының антропологиялық зерттелуі. Ежелгі Қазақстан тұрғындарының антропологиялық зерттелуі.

Пәннің мақсаты – қазақ халқы дүниетанымының теориялық және әдіснамалық негіздерін қалыптастыра отырып, студенттерге қазақ халқының мол рухани мұраларын танып-білуге, ата-бабаларымыздың таным-түсініктерін, ілім-білімдерін жан-жақты талдауға әрі оны қазіргі заман талабына сай қолдана білуге үйрету. Пәнді оқыту кезінде келесі аспектілер қарастырылады: Қазақ халқының этногенезі және дүниетанымы. Қазақ халқының дәстүрлері мен әдет-ғұрыптарының генезисі. Қазақ халқының космогониялық дүниетанымы.

Пәннің мақсаты – қазақ халқының этногенезі және этникалық тарихының теориялық және әдіснамалық негіздерін қалыптастыра отырып, студенттерге этностың пайда болу, құрылу, даму заңдылықтары теориясын үйрету. Пәнді оқыту кезінде келесі аспектілер қарастырылады: Қазақ халқының этногенезінің деректемелері мен тарихнамасы. Қола дәуірі тайпаларының этногенетикалық мәселелері. Қазақ халқы этногенезінде сақ кезеңі. Қазақ этногенезіндегі түркі кезеңі.

Пәннің мақсаты студенттердің музейтану және музейлерді жіктеу саласындағы негізгі ұғымдары туралы білімдерін, музейдегі ғылыми жұмыс типтері мен негізгі түрлерін, құрылымын, музейлік экспозицияларды құру ерекшеліктерін және мазмұнын, музейлердің қызметіндегі мәдени-білім берудің мәні мен ерекшелігін қалыптастыру болып табылады.

Пәнінің мақсаты: Әртүрлі масштабтағы топографиялық карталар мен пландар бойынша студенттерді өлшеу жұмыстарына дайындау, топографиялық карталар мен пландарды әртүрлі кәсіби салаларда ғылыми және тәжірибелік жұмыстарға пайдалануды үйрету. Пәнді оқыту кезінде келесі аспектілер қарастырылады: Жоспар және топографиялық карталар. Гуографияда қолданылатын координаталар жүйесі. ҚР Мемлекеттік геодезиялық жүйесі. Картографиялық шығармалардың түрлері.

Пәннің мақсаты - Қазақстанда орналасқан тас дәуірі ескерткіштері мен мәдениеттері, тас өңдеу техникалары, мерзімдеу мен кезеңдеу мәселелері туралы түсінік қалыптастыру. Тас дәуірінің әлемдік археологиядағы орнын көрсету. Пән Қазақстанның тас ғасырының түрлі кезеңдері ескерткіштері мен аталған мәдениеттерді айқындаушы факторлар бойынша құнды материалдар береді. Пәнді оқыту барысында келесі аспектілер қарастырылады: Ежелгі адамдардың пайда болуы туралы ой-пікірлер. Палеолиттің ерте және орта кезең мәдениеттері. Мустье кезеңі. Неолиттік революция. Энеолит. Ботай мәдениеті.

Пәннің мақсаты алғашқы бейнелеу өнері, ежелгі суретшілер қолданған материалдар мен техникалар туралы түсінік алады. Студенттер ежелгі өнер ескерткіштерінің классификациясы жөнінде, туындыларды, сюжеттерді, материалдарды құру әдістері туралы ежелгі адам үшін өнердің маңызы туралы түсінік алады. Пәнді оқыту барысында келесі аспектілер қарастырылады: Алғашқы қауым өнерінің зерттелу тарихы. Тас ғасырының жартас бетіндегі суреттері. Тас ғасыры петроглифтерінің мазмұны стильдері.

Пәннің мақсаты – студенттердің мәдени мұраны – археологиялық және этнографиялық материалдарды сақтау, консервациялау мен реставрация негіздерін оқыту барысында білімдерін жетілдіру, реставрация қызметінің тарихын, пәнаралық сабақтастығы жүйесін және осы мәлелелер аясында қарастырылатын отандық және халқаралық нормативтік құжаттар топтамасымен жұмыс істеуге икемдеу. Пәнді оқу барысында студенттер келесі нәтижелерге қол жеткізе алады: 1. тарихи ескерткіштердің типін, олардың сақтау мен қорғау негіздерін анықтау; 2. реставрациялық қызметтің негізгі түсініктері туралы жүйелі білімді сипаттау; 3. археологиялық заттарды сараптау; 4. далалық жағдайда археологиялық және этнографиялық табылымдарды жүйелеу; 5. археологиялық және этнографиялық объектілерді реставрациялау және консервациялау кезінде қолданылатын физико-химиялық әдістерді бағалау. Студенттерді ескерткіштерді қорғау негіздерімен, камералық өңдеу және археологиялық артефактілерді, ескерткіштерді консервациялау әдістерімен таныстыру. Пәнді оқыту кезінде келесі аспектілер қарастырылады: Заманауи реставрацияның түрлері мен бағыттары. Керамикалық бұйымдар реставрациясы. Архитектуралық ескерткіштерді реставрациялау және консервациялау. Ағаш бұйымдар реставрациясы.

Пән мақсаты: фольклордың даму тарихы, негізгі бағыттары, әдістері мен мектептері туралы білімдер жүйесін қалыптастыру. Пәнді оқытуда келесі аспектілер қарастырылады: фольклорды зерттеудегі мектептер мен бағыттар, фольклордық дәстүрлерді зерттеудің әдістемесі, фольклор түрлері, халық ауыз әдебиеті, фольклор тарихнамасы, фольклорлық диалекттер, фольклордың ареологиясы, фольклор және дәстүр ауыз әдебиеті формасы ретінде.

Пәннің мақсаты қазақ халқының дәстүрлі шаруашылығының қалыптасу тарихын, географиялық, табиғи климаттық жағдайлардың дәстүрлі шаруашылыққа ықпалын саралау, шаруашылықтың түрлі типтерін және оның әлемдік өркениетте алатын орнын көрсету. Пән қазақтардың дәстүрлі шаруашылығының ерте заманнан бүгінгі күнге дейінгі тарихын зерттейді.

Пәннің мақсаты қазақтардың қолданбалы және зергерлік өнерінің тарихи қайнар көзі және олардың қоғамның рухани және материалдық өміріндегі ролі туралы түсінік қалыптастыру. Студенттер оқу барысында қолданбалы өнер нормаларына, зергерлік ісі дамуының әрбір кезеңіне сай ою-өрнектердің типтері, олардың формалары, семантикасы, материалдың және түстің символикасы туралы білім алады. Пәнді оқыту барысында келесі аспектілер қарастырылады: Алғашқы қауымдық өнер. Ежелгі Грек өнері. Тас ою өнері. Қазақ халқының ұлттық киімдері. Қолөнерге байланысты наным-сенімдер.

Курстың мақсаты: студенттерді түркі этностарының этнографиясымен, этногенезімен және тарихымен таныстыру.Пән түркі этностары этногенезінің негізгі жағдайын, этнос теориясын, түріктердің әлеуметтік-этникалық стратификациясының ерекшеліктерін зерттейді, сондай-ақ студенттерді түркі әлемінің мәдени-тұрмыстық ерекшеліктерінің спецификасы мен этногенезі туралы тарихи деректер мен этникалық тарихымен таныстырады.

Пәннің мақсаты - студенттердің өлкетану жұмыстарын өз бетінше орындау дағдыларын қалыптастыру. Келесі мәселелер қарастырылатын болады: өлкетану тарихы, өлкетану ғалымдарының өлкені археологиялық, этнографиялық, жаратылыстану тарихын зерттеуге, тарихи-мәдени мұраны сақтауға, алғашқы музей қорларын құруға қосқан үлесі. республика аумағы; ең көрнекті өлкетанушылардың тұлғалары мен қызметі.

Пәннің мақсаты қазақ халқының рухани мәдениеті және оның зерттелу тарихы туралы түсінік қалыптастыру. Рухани мәдениетті аралас пәндер (фольклористика, этномузыкология, мәдениеттану, философия, тарих, дінтану, өнертану, археология, т.с.с.) материалдары көмегімен кешенді, ғылыми-интегративті түрде зерттеу аталған пәннің міндеті болып табылады. Пәнді оқыту кезінде келесі аспектілер қарастырылады: Тұрмыстық, салттық және тарихи әндердің даму тарихы. Тәніршілдік онтологиясы. Қазақ халқының әндері. Қазақтардың бүгінгі күнгі негізгі рухани элементтері.

Пәннің мақсаты - археологиядағы қыш өндірісін зерттеу мәселелері туралы түсінік қалыптастыру, қыш бұйымдарын зерттеу әдістерін, ежелгі қыш өндірісінің технологияларын, мерзімдеудің өзекті мәселелерін және далалық жағдайда қыш бұйымдармен жұмыс істеу әдістерін қарастыру. Пәнді оқыту кезінде келесі аспектілер қарастырылады: Зерттелу деңгейі, керамиканы зерттеу әдістері (тарихи және жаратылыстану әдістері), қыш жасау технологиялары, қыш бұйымдарының уақытын анықтау мәселелері, далалық және камералдық жағдайдағы керамикамен жұмыс істеу, реставрация және консервация.

Пәннің мақсаты – аталмыш мамандық бойынша болашақ археологтар мен этнологтар Қазақстанның ортағасырлық археологиясымен (жерлеу-ғұрыптық ескерткіштер, қоныстар мен қалалар) таныстыру, жергілікті халықтың этногенезі мен мемлекеттіліктің қалыптасуындағы ортағасырлық кезеңнің алатын орнын айқындау. Пәнді оқыту барысында келесі аспектілер қарастырылады: Ерте ортағасырлық мемлекеттердің зерттелу тарихы. Түрік қағанаты. Ұлы Жібек Жолы бойындағы ортағасырлық қалалар. Оңтүстік Қазақстан және Жетісу ортағасырлық қалалары.

Пән мақсаты: Инженерлік сызбаларды құрастырудың заманауи техологиялары мен оны қолдану жолдарын білу. Пәнді оқытуда келесі аспектілер қарастырылады: сызу материалдары мен аспаптары; қаламмен жұмыс, сызба перосымен, рейсфедермен, циркульмен жұмыс; бояумен жұмыс; пленкалар мен пластиктерде сызу; карталардың шартты белгілері; картографиялық түп нұсқаларды сызу; ойып сызу негізі, жамылғылары, аспаптары; тақырыптық карталардың түп нұсқасын алу әдістері мен техникасы, картографиялық шрифт, шартты белгілер.

Пән мақсаты: Жер бетінің тұтас, жекелеген аумақтары мен учаскелерінің картографиялық кескінін топографиялық-геодезиялық қамсыздандыру туралы ой қалыптастыру. Пәнді оқытуда келесі аспектілер қарастырылады: фотограмметриялық әдіспен дешифрленген видео ақпараттарды, әуе, космостық және жерасты түсірілімдері нәтижелерін топографиялық және тақырыптық карталарды құрастыру мен жаңарту; жергілікті жерлердің сандық моделін құрастыру.

Пәннің мақсаты - археология мен этнологиядағы теориялық және әдіснамалық мәселелер, оларды шешу жолдары туралы түсінік қалыптастыру. Пәнді оқу нәтижесінде білім алушылар қабілетті болады: 1. Археология мен этнологиядағы теориялық және әдіснамалық мәселелердің генезисін сипаттау; 2. Археологиялық және этнологиялық зерттеу әдістерін қолдану, процессуалды археологияның даму тарихы туралы ой қорыту; 3. Ежелгі қоғамның рухани мәдениетін зерттеудегі археологиялық дереккөздердің мағыналық жақтарын анықтау; 4. Көне мәдениеттердің этникалық зерттеу мәселелерін шешудегі археологиялық дереккөздердің рөлін бағалау; 5. Этноархеологиялық зерттеулердегі тәжірибенің рөліне баға беру.Пән археологиялық және этнологиялық зерттеулердің мәселелері, әдіснамасы және теориясы туралы білім береді Пәнді оқыту кезінде келесі аспектілер қарастырылады: Ежелгі қоғамды әлеуметтік қайта құру; археологиялық мәдениеттің феномені; палеоэкономикалық моделдеу мәселелері; этникалық зерттеулер мәселелері; археология және этнология саласындағы эксперимент; этноархеология; археология мен этнологиядағы әдістемелік мәселелердің генезисі.

Пәннің мақсаты – қола дәуiрi заманында Қазақстан жерiн мекендеген тұрғындардың шаруашылығы, материалдық және рухани мәдениетiн оқып үйрету. Қола дәуiрiнiң қоғамдық-экономикалық қатынастарын түсiне бiлу және қола дәуiрi мәдениетінің теоретикалық мәселелерін меңгеру. Пәнді оқыту барысында келесі аспектілер қарастырылады: Қазақстан қола дәуірінің жерлеу ғұрпы. Қола дәуірі ескерткіштерінің түрлері. Қазақстан қола дәуірінің зерттелу тарихы.

Пәннің мақсаты – студенттерге ұлттық төл дерек – шежіресінің ғылыми тұрғыда зерттелуінің отандық және шетелдік тарихнамада пайымдалуының негізгі бағыттары, мазмұны мен көзқарастар эволюциясы, жетістіктері туралы терең білім алуға теориялық және методологиялық жағынан мүмкіндік жасау. Пән қазақ халқының ру-тайпалық ұйымдары мен құрылымы, ру-тайпалық қатынастардың генезисі мен дамуы туралы түсінік қалыптастырады. Пәнді оқыту кезінде келесі аспектілер қарастырылады: Шежіре-фольклорлық тарихнаманың негізгі бағыты. Шежіре-тарих дереккөзі. Қазақ этносының этностық тарихы. Кіші, орта, ұлы жүздерге кіретін рулар.

Пән мақсаты: әлем фольклорының маңызды жұмыстарымен таныстырып, әлем халықтары фольклоры туралы ой қалыптастыру. Пәнді оқытуда келесі аспектілер қарастырылады: Әр түрлі халықтар мен әр түрлі кезең фольклоры, әдеби ескерткіштердегі фольклор элементтері, фольклордық сараптама, мотивтер мен сюжеттер анықтамалары, шығыс елдерінің фольклорлық дәстүрлері.

Пәннің мақсаты - студенттерде Көшпелі өркениеттің әлемдік өркениетке тигізген әсерін қарастыру, көшпелі халқының дәстүрлі шаруашылығының ерекшеліктерін оқыту. Көшпелі жұртшылығының шаруашылығы мен тұрмысы, өнері мен идеологиялық көзқарастары туралы білімді қалыптастырады.Пәнді оқыту барысында келесі аспектілер қарастырылады: Еуразия көшпелілерінің мал шаруашылығы. Көшпелілер және отырықшы тайпалар. Көшпенділердің туыстық қатынастары.

Пәннің мақсаты – студенттер қазақтың ұлттық ойындары мен мерекелерінің қазақ қоғамында алатын орнын, олардың түрлері мен қолданыс аясын, халықтың дамуы мен ынтымақтастығын арттырудағы ролін талдауға қабілетті болады. Студенттер оқу барысында ұлттық ойындардың, мерекелердің пайда болу тарихы және олардың қазақ қоғамындағы ролі туралы, өзгеріске түсуі туралы білулері тиіс. Ұлттық ойындар мен мерекелердің маңыздылығы, мағынасы қарастырылады. Пәнді оқыту барысында келесі аспектілер қарастырылады: Ұлттық ойындар мен мерекелер эволюциясы. Наурыз мерекесінің пайда болуы. Мемлекеттік мерекелер. Қазақтың спорттық ойындары.

Пәннің мақсаты - студенттерде Қазақстанның ерте темір дәуірінің зерттелу тарихын білуді, басты-басты археологиялық мәдениеттерді саралауды, кезеңделу мәселелерін талдауды және ерте темір дәуірі жұртшылығының шаруашылығы мен тұрмысы, өнері мен идеологиялық көзқарастары туралы білімді қалыптастырады. Пәнді оқыту кезінде келесі аспектілер қарастырылады: Қазақстанның ерте темір дәуірінің зерттелу тарихы. Шығыс Қазақстанның ерте темір дәуірі. Майемер мәдениеті. Тасмола мәдениеті. Ерте темір дәуірі ескерткіштерінің ерекшеліктері.

Пәннің мақсаты: болашақ археологтар мен этнологтарды Қазақстандағы тарихи-географиялық зерттеулермен таныстыру. Пән жалпы Қазақстанның және оның жекелеген аудандарының тарихи географиясын зерттеуге бағытталған. Олар алдымен парсы және антикалық авторлар туындыларындағы, қытай деректеріндегі, ежелгі түркі руна жазба ескерткіштеріндегі, араб және түрік деректеріндегі, ортағасырлық және кейінгі ортағасырлық авторлар жұмыстарындағы, орыс және батыс деректеріндегі мәліметтерді пайдалану арқылы зерттеледі. Пәнді оқыту кезінде келесі аспектілер қарастырылады: Тарихи географияның зерттеу әдістері және нысандары. Ежелгі өркениеттік тарихи-географиялық аймақтар. Әлем халықтарының нәсілдік ерекшеліктері.

Пән мақсаты: фольклористиканың антрополого-этнографиялық мектептері туралы ой қалыптастыру. Пәнді оқытуда келесі аспектілер қарастырылады: Фольклористиканың этнология және әлеуметтанумен байланысы, фольклористиканың мифологиялық мектебі, этнопсихологиялық мектеп, миграциялық теория, тарихи мектеп, структурализм, фольклорды диалектико-материалистік зерттеу.

Пәннің мақсаты: әлемдегі қазақ диаспорасының этникалық тарихын, шет жерлерге қоныстану себептерін, орналасуы мен саны жөніндегі мәліметтермен танысып, дәстүрлі мәдениетінің сақталуы мен өзгерісін айқындай білу қабілетін қалыптастыру. Пәнді оқыту барысында келесі аспектілер қарастырылады: Қазақ диаспорасының теориялық және әдістемелік мәселелері. Өзбекістан қазақтарының этникалық тарихы. Қырғызстан қазақтары. Моңғолия қазақтары туралы зерттеулер.

Пән мақсаты: студенттердің геодезиялық аспаптар және оларды ұқыпты қолдану бойынша кәсіби білітілігін қалыптастыру. Пәнді оқытуда келесі аспектілер қарастырылады: геодезиялық аспаптар, олармен жұмыс істеу, ұқыпты сақтау және ұстау, және де оларды бақылау, зерттеу, тексеруден өткізу мәселелерін шеудегі негізгі кәсіби біліктіліктерді қалыптастыру.

Пән мақсаты: практикалық фольклористика туралы ой қалыптастырып, далалық жағдайда мәлімет жинау әдістерін үйрету. Пәнді оқытуда келесі аспектілер қарастырылады: Далалық фольклористика, халық ауыз әдебиеті, мәдени ландшафт, қолданыстағы фольклорлық дәстүр, этнология, әлеуметтану, этноәнтану, этнохореология, ертегітану, паремиология, этнолингвистика, діни фольклор.

мемлекеттік, орыс және шет тілдерінде әлеуметтік, кәсіби және тұлғааралық қабілеттерді дамыту, топта жұмыс жасай білу, қосымша білім алуға қабілетті болу.

әлем халықтары этнографиясы, түркі халықтары этнографиясы, қазақ халқының этногенез және этникалық тарихынан ғылыми-білім беру және тарихи-мәдени орталықтарда, үйірмелерде, қосымша сабақтарда дәрістер жүргізу;

ғылыми әдістерге және мәдени мұраны сақтау заңнамалықтарына сүйене отырып археологиялық қазба жұмыстарын жүргізу;

эмпирикалық әдістерді қолдана отырып далалық этнографиялық зерттеулер жүргізу: сипаттау, сұхбат, сауалнама, бақылау, анкета, салыстырмалы-функционалды талдау;

тарихи-мәдени орталықтарда, музей мекемелерінде ғылыми-білім беру, әдістемелік жұмыстарды іске асыру, экскурсия жүргізу, экспозиция жасау;

қазба жұмыстары кезінде табылған жәдігерлерді тіркеу, сыртқы сипаттарға қарай топтастыру, жөнелту;

салыстырмалы әдіс негізінде археологиялық жәдігерлерге идентификацию жүргізу, тарихи-мәдени ерекшеліктерді есепке ала отырып нысандардың типологиясын жасау;

этнографиялық зерттеу жүргізу үшін анкета және сауалнама сұрақтарын құрастыру, ақпараттық технологияларды қолдана отырып, этнографиялық деректердің мәліметтер базасын жасау

этнографиялық мәліметтерді тіркеу, өңдеу, оларды топтастыру, хабаршы туралы ақпарат жинау, тіркеу және есеп құжаттарын жасау;

археологиялық жәдігерлерге камералдық зерттеулер жүргізу, зертханалық өңдеу, жиналған материалдарға ғылыми талдау жасау;

оптималды әдістерді қолдана отырып археологиялық жәдігерлерді сипаттау, өңдеу, фото и видео рәсімдеу;

техникалық құжаттардың негізінде, сипаттау, ретроспективті және деректік талдауды пайдаланып, қауыпсіздік шараларын есепке ала отырып реставрация және консервация әдістерімен тарихи-мәдени құндылықтардың сақталуына әсер ету;