6B03103 Психология в Л.Н.Гумилев атындағы Еуразия ұлттық университеті

Бұл пән білім алушыларды психологтің кәсіби қызметінің ерекшелігімен, адам өмірінің әр саласындағы психолог іс-әрекетінің негізгі міндеттерімен, мақсаттарымен, қағидаларымен, әдіснамасы мен әдістерімен таныстырады

Курс психологиялық білімнің теориялық және әдіснамалық аспектілеріне негізделген. Бұл пәнде меңгерген білімдері мен тәжірибелік сабақтар барысындағы психологиялық құбылыстарды жүйелік талдау дағдылары және икемділіктері негізінде студенттердің психологиялық ойлауын дамыту іске асырылады.

Бұл пәнді оқу арқылы болашақ психологтер танымдық процестердің даму деңгейін анықтауға, қандай да бір танымдық процестің, жеке қасиеттің немесе амал-әрекеттің жеткіліксіз дамуы жағдайында қажетті коррекциялық жұмыстарды жүргізуге үйренеді.

Пән пихикалық процесстер мен жағдайлардың функциялары туралы заманауи білімдерді игеруге бағытталған. Білім алушылар пәнді игеру барысында алған білімдерін психикалық процесстер мен жағдайларға талдау жасауда қолданатын болады

Бұл курсты оқытудың қажеттілігі студенттерде қазіргі заманғы психофизиологияның негізгі әдістерін түсінуді және психикалық процестердің мидың жетілу заңдылықтары туралы білімін қалыптастыруға негізделеді

Бұл курсты меңгеру арқылы студенттерде адамның жеке-даралық этиологиясы, жеке дамудағы тұқым қуалайтын және қоршаған ортаның рөлі туралы кәсіби және құзыретті түсінік қалыптастыруға мүмкіндік береді.

Курс мінез-құлық саласындағы даму мен қалыптасу туралы ой-пікірлердің қалыптасуына бағытталады. Адам белсенділігінің дамуы мен құрылымы туралы мәселелерді, өмірлік жағдаяттар мен оқиғаларды, адамның мінез-құлқын диагностикалау мен зерттеудің тәсілдерін қарастырады.

"Кәсіпкерлік және бизнес" курсы теориялық, ғылыми және практикалық білім арқылы студенттердің кәсіпкерлік қызметке және бизнесті ұйымдастыруға дайындығын қалыптастыруға мүмкіндік береді. Оқу курсы нақты міндеттер мен іскерлік жағдайларды шешу үшін кәсіпкерлік ойлауды дамыту үшін негіз болатын кәсіпкерлік пен бизнесті қалыптастыру, жүргізу мәселелері бойынша нормативтік-құқықтық, экономикалық, ұйымдастырушылық-басқарушылық білімді жүйелендіруді білдіреді.

Сөйлеу мәдениеті-бұл дұрыс сөйлеу және жазу, сондай-ақ қарым-қатынастың мақсаттары мен жағдайларына сәйкес сөздер мен сөздерді қолдана білу. Сөйлеу мәдениетінің басты критерийлері – дұрыс және коммуникативтік мақсаттылық, сондай-ақ дәлдік, қисындық, айқындық және қол жетімділік, тазалық, мәнерлілік, әртүрлілік, эстетикалілік, орындылық. Сөйлеу әрекетінің негізгі түрлерінің дағдыларын меңгеру сөйлеу қарым-қатынасының тиімділігін арттыруға ықпал етеді.

Бұл курс даралық өзгешеліктер психологиясы бойынша негізгі проблемаларды, дофференциалды физиология заңдылықтары мен қағидаларын қарастырады.

Бұл курсты оқу мақсаты болашақ мамандарды қолайлы қоршаған ортаны құру үшін қажетті теориялық білімдер мен практикалық дағдыларды, сондай-ақ тіршілік әрекетінің қауіпсіз және зиянсыз жағдайларын үйрету болып табылады. Экология-әртүрлі пәндерді, соның ішінде: биология, география, геология, физика, химия, генетика, математика, астрономия және т.б. мәліметтерді пайдаланатын ғылым. Экология-бұл кешенді әлеуметтік ғылым.

Курсты оқу барысында білім алушылар индивидтер арасындағы, топтардың арасындағы психологиялық ерекшеліктерді, осы ерекшеліктердің себептері мен салдарын оқып біледі. Осы алынған білімдер көптеген практикалық мәселелерді шешуде маңызды болып табылады .

Курс ҚР "Цифрлық Қазақстан" мемлекеттік бағдарламасын енгізу және жүзеге асыру кезеңдерін, электрондық қызмет көрсетудің цифрлық платформасын, түрлі кәсіби салаларда цифрлық технологияларды енгізу және қолдану тәсілдерін қарастырады. Заң қызметіндегі сандық технологиялар мемлекеттің, қоғамның және жеке тұлғаның қауіпсіздігін қамтамасыз етуге бағытталған қоғамдық қатынастарды реттеудің қылмыстық-құқықтық, қылмыстық іс жүргізу, Қылмыстық-атқару, азаматтық-құқықтық, азаматтық-іс жүргізу тетіктерін жетілдірумен іске асырылады.

Іскерлік қарым-қатынас әріптестіктердің, менеджерлер мен бағыныштылардың, әріптестердің, бәсекелестердің және бәсекелестердің арасындағы ынтымақтастық пен әріптестік қатынастарды орнату мен дамытуға ықпал етеді. Ол ортақ мақсаттарға қол жеткізудің осындай жолдарын болжайды, бұл тек өзгелерді жоққа шығарып қана қоймайды, керісінше, жеке басты мақсаттарға жетуді, жеке мүдделерді қанағаттандыруды білдіреді.

Курс студенттерде психикалық дамудың жас ерекшеліктеріне байланысты теорияларын талдауға ептіліктерін қалыптастырады, адамның психикалық толыққанды дамуы үшін қажетті психологиялық шарттар мен жағдайларды анықтай білуге үйретеді.

Аталған курс білім алушылардың теориялық-әдіснамалық дайындығына бағытталып, педагогикалық білім беру психологиясының ғылыми негіздерін меңгеруді, басқара білуді, ұйымдастыра алуды, сондай-ақ, қоғамның қазіргі заманғы талаптарына сай келетін мамандарды дайындау мәселелерін қарастырады.

Бұл курс тұлға психологиясының ғылыми негіздерін меңгеруге бағыттала отырып, тұлға мәдениетін қалыптастыру мен дамытуға, тұлғаны зерттеумен айналысатын мамандарды даярлау мен қайта даярлауды кәсіби қамтамасыз етуге, сонымен бірге қазіргі қоғамның талаптарына сай келетін мамандарды даярлауға септігін тигізеді.

Курста психологиядағы гендерлік қатынастар саласындағы негізгі гендерлік айырмашылықтар келісі, олардың қалыптасу механизмдері туралы іргелі білімді қамтамасыз етеді, бұл өз кезегінде психологтің қызметінде, психологиялық кеңес беруде осы білімнің қолданылуына ықпал етеді.

Бұл пән "Әлеуметтік ғылымдар, журналистика, ақпарат" бағытындағы білім алушыларда сыбайлас жемқорлық көріністеріне мүлдем төзбеушілікті қалыптастыруға бағытталған. Бұл пәннің мақсаты ҚР Сыбайлас жемқорлыққа қарсы заңнамаларын, оның ішінде осы аталған бағыт бойынша тереңдете зерделеу болып табылады.

Елбасы Н. Назарбаевтың «Болашаққа бағдар: рухани жаңғыру» бағдарламалық мақаласында қоғамның рухани дамуының басымдықтары айқындалып, бағдар берілді. Рухани жаңғыруды жедел жүзеге асыру міндеті қойылды. Қазіргі заманның талабына сәйкес қоғам дамуының іргелі қағидасының бірі жастардың білімге, прагматизмге, бәсекеге қабілеттілікке деген ұмтылыс болуы қажет. Білім алушылардың зердесі мен санасының ашықтығы – рухани жаңғыруды тиімді жүзеге асырудың басты шарты болып табылады

Курс коммуникативтік мінез-құлық репертуарын кеңейтуге, қарым-қатынастың көп жоспарлы үрдісін ашуға бағытталған. Курс бағдарламасы көпшілік алдында сөйлеу дағдысын дамытуға, презентацияны дайындау мен жүргізудің тиімді құралдарын игеруге, шиеленісті жағдайларды талдай білу мен мінез-құлық дағдыларын дамытуға мүмкіндік береді.

Оқу пәні команданың іс-әрекетінің эффективтілік деңгейін жоғарылатуға және жалпы ұйымдастырушылықты дамытуға арналған тренингтерді өткізе алу дағдысын қалыптастыруға бағытталған.

Курстың мазмұнын игеру студенттердің өз білімдерін, икемділіктерін, дағдыларын өмірдің түрлі салаларында қолдануға мүмкіндік береді. Зерттеу барысында студенттер отандық және шетелдік әлеуметтік психологияның теориялық және қолданбалы зерттеулер саласындағы жетістіктерімен танысады.

Курс іскерлік коммуникация үдерісіндегі адамдарды (серіктестер мен әріптестер) тұлғалық және кәсіби дамуға ұмтылу нәтижесінде өзара конструктивті қарым-қатынас дағдыларын дамытуға бағытталған

Курсты оқу барысында студенттер мансаптық даму жолын (жеке және персонал) диагностикалау құралдарымен, сондай-ақ мансаптық кеңес беру әдістерімен танысады.

Бұл пәнді оқу барысында студенттер іскерлік қарым-қатынас психологиясының теориясы мен практикасы негіздерімен танысады, көшбасшылыққа ішкі ынталандыруды қалыптастырады, осы білімді команда өмірін ұйымдастыру үшін пайдалану мүмкіндігіне ие болады.

Курс әлеуметтік саладағы келіссөздердің технологиялық үдерісін зерттеуге, қарсыластармен тиімді өзара әрекеттесу дағдыларын қалыптастыруға бағытталған. Курстың негізгі нәтижесі – студенттің коммуникативтік мәдениетін дамыту, болашақ маманның ұйымдастырушылық және медиаторлық қызмет дағдылары.

Пәннің өзектілігі психологиялық заңдылықтарды заң қызметтері аясында қолдану болып табылады. Пәнді игеру нәтижесінде білім алушылар құқық қорғау ұйымдары қызметкерлерінің кәсіби іс-әрекеті барысындағы психологиялық ерекшеліктерін тәжірибеде қалай қолдануды білетін болады.

Курсты оқу барысында студенттер жеке тұлғаны зерттеудегі қазіргі заманғы психологиялық мектептер туралы білімдерін жетілдіреді; кәсібиленуде психологиялық бағытын анықтауға көмектеседі

Бұл пәннің мақсаты жеке және топтық психологиялық жұмыстың теориялық және әдіснамалық негіздерімен танысу, жеке және топтық психологиялық кеңес берудің негізгі процедураларын меңгеруде кәсіби дағдыларды қалыптастыру болып табылады.

«Психотерапия» курсының мазмұнында қазіргі заманғы психотерапияның теориялық негіздері; әлемдік және отандық психотерапияның жағдайы мен мәселелері; әртүрлі психотерапевтік бағыттардың мақсаты мен тәсілдері, сонымен бірге кәсіби құзөыретті психотерапевт тұлғасына қатысты сұрақтар ашып көрсетіледі.

Қазақстандағы психологияның дамуы психиканың дамуы мен қалыптасу заңдылықтарын, оның табиғаты, функциялары мен генезисін түсіндіруде еңбек еткен қазақсандық ғалымдардың түрлі көзқарастарын талдауды үйренеді.

Бұл курстың мақсаты адамның және/немесе топтардың психологиялық ерекшеліктерін бағалау және өлшеу құралдарын жобалау мен пайдаланудың теориялық және әдіснамалық тәсілдерімен танысу, сондай-ақ негізгі психодиагностикалық әдістермен және әдістемелермен практикалық дағдыларын қалыптастыру болып табылады.

Бұл пән психологиялық кеңес берудің теориялық және тәжірибелік негіздерін меңгеруге, психологиялық мәселелерді шешу жолдарын түсінуге мүмкіндік береді және клиентке психологиялық көмек сұрауды қалыптастыруға, сондай-ақ психологиялық кеңес берудің жекелеген бағыттары бойынша кейбір нақты әдістер мен тәсілдерді меңгеруге көмектеседі.

Курс білім алушыларда әскери психологтің жауынгерлік іс-әрекеттер мен психологиялық қызметтегі психологиялық қолдау қызметінің негізгі бағыттарын қалыптастыруға бағытталған.

Бұл пән бойынша кәсіби іс-әрекеттің нәтижесі мен жетістіктерінің көрсеткіштері ретінде психологиялық денсаулықтың генезисін, оған әсер ететін факторларды, сондай-ақ, оның превенциясын оқып-үйренеді

Пәннің мақсаты дағдарыс жағдайындағы адам мінез-құлқының стратегиясын анықтау, өмір жолындағы белгісіздіктерді жеңу, психодиагностикалық зерттеуді жоспарлау дағдыларын дамыту және тұлғаның дағдарыстық жағдайларын жеңу үшін психологиялық түзету, оңалту және психологиялық алдын алу шараларын жүзеге асыру бойынша мамандарды теориялық және практикалық даярлау болып табылады.

Курстың өзектілгі болашақ маманның оқу-кәсіби іс-әрекетте, қоғамдық, әлеуметтік, саяси, тұлғалық төтенше жағдайларда, тіршілікте кез келген стрестік, экстремалдық, дағдарыстық өмір жағдайларында өзіндік мінез құлқын реттей алуға; қиын-қыстау кезінде жедел, тиімді шешім қабылдай алуға құзіреттілігін дамытуға; ішкі психологиялық потенциалы мен ресурстарын үнемі арттырып отыруға психологиялық икемділігі болып табылады.

Психиканың ауытқу немесе бұзылыс себептерін айқындау және талдауды жасай алу, психоневрологиялық, психосоматикалық және соматикалық, бұзылыстар клиникасында дифференциалды-психологиялық диагностика жүргізу, сонымен бірге, пациенттермен жұмыс жасаудағы психологиялық түзету мен оңалту дағдыларын игереді.

Пәннің мақсаты болашақ маманның оқу-кәсіби іс-әрекетте, отбасында, тіршілікте кез келген стрестік, экстремалдық, дағдарыстық өмір жағдайларында шешім қабылдай алуға; қайраттылықпен өзіне, отбасына және басқаларға құнды қатынас жасау дағдыларын дамытуға; отбасында және жеке позитивті психологиялық капиталды арттыруға психологиялық даярлығы.

Курсты меңгеру нәтижесінде ұйымдағы кадрларды оқытудың артықшылықтарын, білім мәдениетін, корпоративтік дәстүрлерді, нормаларды, құндылықтарды, идеологияны, ережелерді және көшбасшылықты қалыптастыру.

Пән тесттердің психометрикалых негіздері, ұйымдардағы персоналды іріктеу және бағалау процестері жайлы білімдер мен тәжірибелік дағдыларды қалыптастырады. Пәнді игеру нәтижесінде білім алушылар персоналды іріктеу мен бағалаудың тәжірибелік дағдыларын игеріп шығады.

Пән адамның психикалық процестері мен мінез-құлқының математикалық модельдерін құру әдістемелерімен, тұлғаның немесе топтың психологиялық ерекшеліктерін диагностикалау үшін психологиялық профильдерді модельдеуді үйренуге арналған.

«Психологиялық кеңес берудегі супервизия» курсы психотерапия мен кеңес беруде студенттердің дағдыларын қолдау және жетілдіруге арналған. Студенттер супервизияда болу арқылы өздерінің кәсіби іс-әрекеттерін түсінуге, талдауға, клиентпен жұмыс істеудегі қиындықтарды анықтауға, сессияның кәсіби бағасын беруге, кездесетін қиындықтардың себептерін анықтауға, осы клиентпен одан әрі жұмыс істеу мүмкіндіктерін талқылауға мүмкіндік береді.

Курсты оқу арқылы студент арнайы электронды статистикалық пакеттері (SPSS немесе СТАТИСТИКА) арқылы алынған мәліметтерді түсіндіре білуі керек; эмпирикалық мәліметтерді статистикалық өңдеудің негізгі технологияларын меңгеруі қажет.

Арттерапия психотерапияның әдісі ретінде терең ғылыми сипаттамаға ие, әртүрлі жастағы клиенттердің түрлі проблемаларымен жұмыс істеуде қолданылады. Курс барысында студент изотерапия, музыкатерапия, ертегі терапияся әдістерін қолдану дағдыларын меңгеріп шығады.

Курс студенттерде ғылыми психологиялық сана мен ойлауды қалыптастырады, психологиялық зерттеулердің қағидалары мен әдістерін, ақыл-ой құбылыстарын зерттеу тәсілдерін меңгертеді; психологтың қатысуымен клиникалық психологияның теориялық маңызды мәселелерді, сот-сараптаманың ұйымдастырушылық-құқықтық және этикалық негіздерін меңгергетеді.

Пән психологтің когнитивті-бихевиористік парадигмасы тұрғысынан практикалық дағдыларын жетілдіруге бағытталған. Пәннің мазмұны: когнитивті-бихевиористік терапияның теориялық негіздері (КБТ); автоматты ойларды анықтау;

Курс психологиядағы ғылыми зерттеулердің нәтижелерін сауатты құру және тіркеу, негізгі әдістерді таңдау және психологиялық тәжірибені жоспарлау үшін негіз болып табылады.Курста ғылыми зерттеулерді ұйымдастыру және жоспарлау, психологиялық зерттеулер әдістері туралы түсінік беріледі

Пәнді меңгеру барысында студенттер психологиялық мәселелер бойынша эксперименттік зерттеулерді ұйымдастыруға қабілеттіліктері қалыптасады, курстық жұмыстар мен қорытынды біліктілік жұмыстары шеңберінде және өз бетімен орындайтын ғылыми жұмыстар аясында жүргізілген зерттеулер бойынша есеп берулерді дайындау дағдылары қалыптасады.

Курстың мақсаты студенттерді нейролингвистикалық программалаудың (НЛП) негізгі түсініктерімен, теориялық тұжырымдамаларымен, нақты әдістемелерімен таныстыру; студенттерді НЛП -дың қазіргі заманғы үрдістері мен даму тарихымен таныстыру; алған білімін практикада, кәсіби іс-әрекетте, жеке тұлғаның шығармашылық әлеуетін дамытуда қолдану мүмкіндігін көрсетеді.

Курс бойынша меңгерілген білім отбасымен жұмыс істейтін мамандарды даярлаудың ғылыми негіздерін әзірлеуге, отбасына немесе оның жеке мүшелеріне психокоррекция жұмыстарын жүргізу арқылы ықпал етуге көмектеседі.

жеке, мәдени тұрғыдан және кәсіби қарым-қатынас бағыттарындағы мәселелерді шешуде ауызша және жазбаша түрде қазақ, орыс және шет тілдерінде байланыс жасау.

Психологиялық диагностикалау мен психологиялық кеңес берудің ғылыми-практикалық әдістері мен әдіснамаларын генезисін білу, сондай-ақ, кәсіби іс-әрекет саласында теориялық-практикалық іс-әрекетті жүзеге асыру үшін психодиагностика, психологиялық кеңес беру, психотерапия бойынша алынған білім, ептілік және дағдыларды қолдана алуға даярлығы.

Психологиялық эксперимент, интервенция және сараптаманың психологиялық әдістері мен техникаларын меңгеру алу және жеке тұлғалар мен топтарға арналған психологиялық дамытушылық бағдарламаларының жобаларын әзірлеуге даярлық

құқықтық сауаттылықты арттыру, мінез-құлық мәдениеті мен қарым-қатынастың этикалық нормаларын, кәсіби міндеттерін орындау.

Психологиялық құбылыстың базалық категорияларын, заңдылықтарын және механизмдерін білу және тұтас жүйе ретінде психикалық процестерді, тұлға қасиеттерін, психикалық күйді интерпретациялауға дайындығы

Тұлғаның әлеуметтену феноменін, топтың ерекшеліктерін білу және түсіну мен дағдарыстық псхологиялық жай-күйді психологиялық зерттеуді жүргізуге дайындығы.

дене шынықтырудың әдістерімен және құралдарымен толыққанды әлеуметтік және кәсіби қызметті қамтамасыз ету, қауіпсіздік мәдениетін меңгеру, экологиялық жағдайдан хабардар болу.

ақпараттарды іздеу, сақтау, өңдеу, қорғау және таратуда цифрлық технологияны, әртүрлі ақпараттық және коммуникациялық технологияларды қолдану және тіршіліктің әртүрлі салаларында кәсіпкерлік білімді қолдана білу.

әлемдік көзқарасты қалыптастыруда философиялық білімді қолдана білу, сонымен бірге азаматтық ұстаным қалыптастыруда тарихи дамудың негізгі этаптары мен заңдылықтарын талдай білу мүмкіндігі.