6B06306 Ақпараттық қауіпсіздік жүйелері в Л.Н.Гумилев атындағы Еуразия ұлттық университеті

Пән есептеу жүйелерінің аппараттық қамтамасы мен архитектурасын, оның дамуының негізгі кезеңдерін, отбасыларын, типтерін, есептеу жүйелерінің негізгі құрылғыларының құрылысы мен жұмыс жасау принциптерін зерттеуге бағытталған. Цифрлық логикалық деңгей, микроархитектура деңгейі, командалық архитектура деңгейі, операциялық жүйенің деңгейі, ассемблер деңгейі, осы деңгейлердің функционалдық ерекшеліктері мен өзара жұмыс жасау механизмдері қарастырылған.

Пән сызықтық алгебра, аналитикалық геометрия, бір және көп айнымалы функциялардың дифференциалдық және интегралдық есептеулерінің есептерін шешудің негізгі дағдыларын қалыптастыруға және олардың әдістерін практикалық есептерді шешуде қолдануға мүмкіндік береді.

Пән деректердің стандартты типтерін , константалар, айнымалылар, операциялар, бір өлшемді және көпөлшемді массивтер, көрсеткіштерді оқып үйренуге арналған. С++ программалау тілінде бағдарламалық қамтама құруға мүмкіндік береді.

Пән көптеген қосымшаларда орын алатын дискретті құрылымдар қасиеттерін үйренуге мүмкіндік береді, атап айтқанда, дискретті математика - компьютерлік және ақпараттық технологияларды (теориялық информатика, алгоритмдер теориясы, кодтау теориясы, қолданбалы математикалық және программ алық қамтамасыз ету), экономикалық есептерді шешу үшін, дискретті имитациялық модельдеу үшін үйренудің негізі болып табылады.

Mathematica, Maple, Sage, MATLAB/Octave пакеттеріне кіріспе беріледі. Криптографиялық түрлендірулерге байланысты есептеулер жүргізіледі. Бұлармен қатар графикалық интерфейсті құру мүмкіндіктері зерттеледі. Сондай-ақ, курста әртүрлі басқару және болжау салаларында кеңінен қолданылатын деректерді статистикалық өңдеуге арналған SPSS/PSPP, R пакеттері зерттеледі; типтік тапсырмалар шешіп көрсетіледі

Python нұсқасын таңдау, құралдар. Синтаксис, шартты және цикл операторлары, жолдар, деректер құрылымы, сөздіктер, файлдармен жұмыс, объектіге бағытталған программалау элементтері, пакеттер мен модульдерді қолдану зерттеледі. Классикалық алгоритмдер беріледі. Пайдаланушының графикалық интерфейсін құру, Python сценарийлерін ыңғайлы іске қосу мәселелері зерттеледі. Ақпараттық қауіпсіздік саласында қолданылатын үшінші тарап кітапханалары қарастырылады.

Пән Java жоғары деңгейлі программалау тілін пайдалана отырып, практикалық есептерді шешу дағдыларын меңгеру, объектілі-бағытталған программалау технологиясын оқу, мәліметтерді өңдеу алгоритмдері мен әртүрлі құрылымдарды пайдалану, программалау әдістерін және графикалық пайдаланушы интерфейсін жүзеге асыру, объектілі-бағытталған программалаудың негізгі тәсілдерін пайдалану; деректер базасына қосылу үшін JDBC технологиясын пайдалану, көп ағынды қосымшалар мен GUI-интерфейстерді құру дағдыларына ие болуға мүмкіндік береді.

Курста ақпараттық қауіпсіздікті қамтамасыз етудің ұйымдастырушылық, техникалық, бағдарламалық, криптографиялық әдістері қамтылады. Киберқауіптердің түрлері, олардың үрдістері; ақпаратты қорғау жүйесінің әртүрлі деңгейлеріндегі осалдықтар, ақпараттық қатерлер және оларды өңдеу тәсілдері; зиянды бағдарламалық қамтама; шабуылдардың, бұзып кірулердің көздері мен түрлері қарастырылады. Желіде және дербес компьютермен жұмыс істеу, ақпараттық технологиялар құралдарын пайдалану ережелері зерттеледі.

«Алгоритмдер және деректер құрылымы» курсы деректердің негізгі құрылымдарын, соның ішінде байланысты типтерді (тізімдер, ағаштар, графиктер) және күрделі контейнер түрлерін (массивтер, ассоциативті массивтер, стектер және кезектер) қамтиды. Ағаш құрылымдарын сұрыптау, іздеу, өңдеу үшін ең маңызды алгоритмдер талданады. «Алгоритмдер және деректер құрылымы» курсы программалаудың барлық салаларын қамтитын ең кең таралған есептер кластарын шешудің алгоритмдерін қарастырады: іздеу және сұрыптау, графикалық алгоритмдер мен сандық алгоритмдер.

Пән үш бағытты қамтиды: бизнесті басқару, қызметтің экономикалық, әлеуметтік және экологиялық аясы; бизнес идея және бизнес жоспарды дамыту; пәннің негізгі бағыттарының бірі ретінде студенттерді жеке жауапкершілікке, ынталандыруға, инновациялыққа, талпынысқа және қоғам алдындағы жауапкершілікке үйретеді.

Курс кәсіби-тәжірибелік бағытта құрастырылған. Оны оқу арқылы кәсіби маңызды жағдайларда риторикалық іс-әрекет технологиясын игеру көзделген. Білім алушылардың сөздік білімділігін арттыру, тиімді іскерлік қарым-қатынас қағидалары, жұрт алдында сөйлеудің ұтымды ықпал етуін қамтитын негізгі факторлар мен үдерістері, шешен мен аудитория ынтымақтасуының формалары мен құралдары туралы білім алу курстың міндеттеріне кіреді.

Бұл курста сценарийлік программалау тілдерін қолдану, автоматтандыруды қамтамасыз ету және пайдаланушылар жұмысының тиімділігін арттыру мақсатында оларды әртүрлі қолданбалы жүйелерге енгізу технологиялары зерттеледі. Интерфейстер мен кітапханаларды қолдану зерттеледі. Жүйелік және қолданбалы программалық қамтаманы әзірлеу, операциялық жүйелердің есептерін автоматтандыру, сервистерді дамыту және үлестірілген 6ақпараттық жүйелер үшін сценарий тілдерін қолдану мысалдары келтірілген

Елбасы Н. Назарбаевтың «Болашаққа бағдар: рухани жаңғыру» бағдарламалық мақаласында қоғамның рухани дамуының басымдықтары айқындалып, бағдар берілді. Рухани жаңғыруды жедел жүзеге асыру міндеті қойылды. Қазіргі заманның талабына сәйкес қоғам дамуының іргелі қағидасының бірі жастардың білімге, прагматизмге, бәсекеге қабілеттілікке деген ұмтылыс болуы қажет. Білім алушылардың зердесі мен санасының ашықтығы – рухани жаңғыруды тиімді жүзеге асырудың басты шарты болып табылады.

Пән комбинаториканың негізгі элементтерін, Бернулли схемасындағы шекті теоремаларды, үлестірудің маңызды заңдылықтарын, математикалық статистиканың негізгі ұғымдарын зерттеуге мүмкіндік береді. Бұл әр түрлі есептерді шешу үшін Ықтималдықтар теориясы мен математикалық статистика саласындағы теориялық білімді қолдануға және ықтималдықтар теориясы мен математикалық статистика есептерін зерттеудің аппараты мен әдісін дұрыс таңдау дағдыларына ие болуға мүмкіндік береді.

«Іскерлік қарым-қатынас мәдениеті» пәні студенттерді іскерлік қарым-қатынастың негізгі стратегиясы мен тактикасын таныстырады, әр түрлі сөйлеу жағдайларында түрлі деңгейдегі бизнес-серіктестермен кәсіби қарым-қатынас жасаудың сенімділігі мен тиімділігін қамтамасыз етеді. Үш тақырыптық блоктардан тұрады: қарым-қатынас мәдениетінің негіздері; ауызша іскерлік қарым-қатынас (диалогтық жанрлар, дау-дамай); Қазақстан Республикасының стандарттарына сәйкес басқару құжаттары

Пән операциялық жүйелерді құру принциптерін және тұжырымдамалық негіздерін, үрдістерді басқару әдістерін, құралдары мен алгоритмдерін, жады және операциялық жүйелердегі енгізу-шығарудың базалық білімдерін қалыптастыруға арналған. Пән ақпараттық-есептеу жүйелеріндегі ережелерді, ақпараттық қауіпсіздік саласындағы стандарттар мен ерекшеліктерді зерттеуге мүмкіндік береді

Ақпараттар және кодтау теориясының негізгі ұғымдары мен теоремалары, әр түрлі типтегі кодтардың сипаттамалары, оңтайлы және кедергіге төзімділікті кодтау туралы түсінік; байланыс каналдарының негізгі формальды-математикалық модельдері және оларды сандық сипаттау әдістері, кодтаудың және декодтаудың негізгі принциптері мен әдістері зерттелген. Материал білім беруді тереңдету және ақпаратты тасымалдау мен түрлендірудің заманауи технологияларын жасау мен қолдану дағдыларын алу үшін берілген.

Пән қолдану салалары бойынша Қазақстан Республикасының «Цифрлық Қазақстан» Мемлекеттік бағдарламасын ендіру және жүзеге асырудың негізгі кезеңдерін, электрондық қызметтерді көрсетудің сандық платформаларын, әртүрлі кәсіби салаларда цифрлық ақпаратты өңдірудің түрлі әдістерін қарастырады.

"Сыбайлас жемқорлыққа қарсы мәдениет" пәні "ақпараттық-коммуникациялық технологиялар" бағыты білім алушыларда кез келген сыбайлас жемқорлық көріністеріне мүлдем төзбеушілікті қалыптастыруға бағытталған. "Қазақстан-2050 "Стратегиясы қалыптасқан мемлекеттің жаңа саяси бағыты" сыбайлас жемқорлықты ұлттық қауіпсіздікке тікелей қауіп-қатер дәрежесіне көтереді.

Қазіргі криптографияның негізін құрайтын математикалық аппарат зерттеледі. Сандар теориясының элементтері, сызықтық алгебра, алгебралық құрылымдар криптографияның басым көпшілік бөлімдерін меңгеруге қажетті көлемде зерттеледі. Материал зерттелетін математикалық негіздердің қолданбалы мәнін ескере отырып беріледі: алгоритмдер мен криптографиялық қарабайырлардың криптографиялық қасиеттері сипатталған және түсіндірілген, олар математиканың зерттеліп отырған бөлімдерінің қолданылуын нақты көрсетеді.

Мақсаты: қоршаған ортамен қауіпсіз өзара әрекеттесу, адамның қоршаған ортасының қауіпсіздігі, қоршаған орта факторлары және қоршаған орта сапасының жаһандық өзгеруі және олардың салдары туралы білім беру. Сұрақтар: су ресурстарының экологиялық қауіпсіздігі, әуе бассейні, жер ресурстарының сарқылуы, экологиялық тәуекелдер, азық-түлік қауіпсіздігі, адамның қызметімен байланысты табиғи және техногендік апаттар және олардан қорғану жолдары.

Пән студенттерге комьютер желілері жайлы білім беруге және олармен жұмыс жасау дағдыларын қалыптастыруға бағытталған. Пән компьютер желілерінің даму тарихы, қазіргі кездегі ақпарат алмасу технологиялары, желі топологиясы түсінігі, деректерді табыстау ортасына қолжетімдік тәсілдері, кмпьютер желісін басқару қағидалары, желілердегі коммутиция және бағдарлау тәсілдері, компьютерлік желілер классификациясы, OSI эталонды моделі және оның TCP/IP протоколымен байланысы, иерархиялық желі моделіннің деңгейлерінде ақпаратты көрсету жайлы ақпарат береді. Қазіргі кездегі компьютерлік желілерді құру дағдыларын қалыптастыруға бағытталған тәжірибелік тапсырмалар қарастырылған.

Криптологияның мәселелері мен әдістері зерттеледі. Классикалық шифрлар, ағындық, симметриялық, асимметриялық алгоритмдер, криптографиялық хэш-функциялар және электрондық цифрлық қолтаңба схемалары. Эллипстік криптография элементтері. Криптографиялық беріктік ұғымы. Симметриялық шифрлардың криптоанализі (тілдің статистикалық сипаттамалары, жиілікті талдау, дифференциалды, сызықтық, алгебралық). Асимметриялық криптожүйелердің криптоанализі (факторизация, дискретті логарифмдер, эллипстік қисықтар). Шифрлау режимдерінің осалдығы. Программалық іске асырулар және құралдар.

Курста программалық кодты талдауға және оңтайландыруға арналған технологиялар мен программалық құралдар оқытылады (виртуалды технологиялар, дебагерлер, дизассемблерлер, екілік файл редакторлары, арнайы кітапханалар, линтерлер және форматтаушылар). Компиляторлардың жұмыс параметрлері, логикалық қателер мен артық кодты табу әдістері зерттеледі. Жадпен, кэшпен жұмыс істеу қарастырылады; оңтайландыратын технологияларды қолданудың орындылығының кейбір критерийлері беріледі.

Курс ақпараттық жүйелердің қауіпсіздігі ұғымдарын, кәсіпорындардың ақпараттық жүйелері компоненттерінің осалдықтарын зерттеуді қамтиды. Қорғалған программалау негіздері қарастырылады; компьютерлік вирустардан қорғану; компьютерлердегі, жергілікті желілердегі және байланыс құралдарындағы ақпаратты қорғаудың программалық құралдары. Ақпарат қауіпсіздігіне, қорғалатын активтерге төнетін қауіптердің жіктелуі, сондай-ақ (автоматтандырылған) ақпараттық жүйелерде ақпаратты қорғауды қамтамасыз ету әдістері мен рәсімдері беріледі.

Пәнді оқу барысында студенттер жедел ұсынылатын және ең аз пайдалану шығындарымен шығарылатын немесе провайдерге жүгінетін конфигурацияланатын есептеу ресурстарының жалпы пулының (ағылш. pool) талаптары бойынша барлық жерде және ыңғайлы қолжетімді желілермен қамтамасыз етуді білдіретін ақпараттық-технологиялық концепциялар сияқты бұлтты есептеулер туралы жалпы мағлұмат алады. Материал студенттерге ақпараттық технологияларды дамытудың тиімді бағыты ретінде бұлтты есептеулерді игеру бойынша білім мен дағдыларды игеру үшін беріледі.

Курста ақпаратты рұқсатсыз алудың, пайдаланудың, жариялаудың, бұрмалаудың, өзгертудің, зерттеудің, жазудың немесе жоюдың алдын алудың өндірістік және программалық-технологиялық құралдары сипатталған. Ақпаратты қорғаудың технологиялық негіздері, ақпаратты қорғауды жобалау, тексеру және метрологиялық қамсыздандыру негіздері зерттеледі. Ақпаратты құқықтық қорғау, ақпараттық қауіпсіздікті верификациялау және технологиялық қамсыздандыру негіздері, құпия ақпарат көздеріне рұқсатсыз қол жеткізуге қарсы іс-қимыл мәселелері.

Курс әр түрлі мәліметтер базасында бар ақпаратты қорғауды қамтамасыз етуге бағытталған техникалық құралдар мен ұйымдастырушылық шаралардың жиынтығын зерттейді. Мәліметтер базасын қорғауға және құпия ақпараттың қауіпсіздігін қамтамасыз етуге арналған көптеген программалық шешімдер, мәліметтер базасында сақталатын қауіптер, мәліметтер базасының қауіпсіздігін басқарудың негізгі принциптері, қорғалған мәліметтер базасын құру аспектілері және т. б. зерттеледі.

Пән ақпараттық жүйелерді техникалық қамтамасыз ету үшін телекоммуникациялық, компьютерлік жүйелерді, желілерді құруды және ұйымдастырудың теориялық негіздерін зерделеуді, ақпараттық жүйелер мен технологияларға арналған аппараттық программалық платформаны пайдалану және таңдау бөлігінде кәсіби құзыреттерді қалыптастыруды, кәсіби ақпараттық мәдениетті қалыптастыруды қамтамасыз етеді. Оларда телекоммуникациялық жүйеде ақпаратты қорғаудың ұйымдастырушылық-құқықтық, техникалық, криптографиялық және басқа да әдістері ұсынылған; жабық сөйлеу сигналдарын әдістерін қоса алғанда, техникалық арналар бойынша ақпараттың таралып кетуінен қорғауға қатысты мәселелер ауқымы қаралады

Курста киберқылмыстың белгілі түрлері, оларды жүзеге асыру әдістері қарастырылады және жіктеледі. Цифрлық сот сараптамасы процесінің модельдері мен кезеңдері (өңдеу, талдау, цифрлық дәлелдемелерді ұсыну), оның ішінде криминалистикаға қарсы іздерді анықтау, сотта деректердің қолданылуын қамтамасыз ету, есеп жасау мәселелері зерделенеді. Сандық сот сараптамасының үздік тәжірибелері, әр кезеңде қолданылатын сандық тергеу жүргізу құралдары қарастырылады.

Пән стеганографияның негізгі ұғымдарын, стеганографиялық жүйелердің қауіпсіздігінің негізгі қатерлерін, сонымен қатар қазіргі заманғы кибершабуылдардағы стеганографияны түсінуге мүмкіндік береді, ақпаратты қорғаудың стеганографиялық әдістерін қолдану дағдыларын береді.

Киберқауіпсіздікті қамтамасыз ету үшін студенттердің білімін кеңейту ғана емес, сонымен қатар оларда қажетті дағдыларды қалыптастыру маңызды. Пән әр түрлі сценарийлер мен жағдайларды игеруге, көбірек білім алуға және жалпы киберқауіптерді қалай анықтауға және оған қалай жауап беруге болатындығын түсінуге көмектеседі. Келесі мәселелер бойынша хабардарлықты арттыру қарастырылады: парольдерді пайдалану (құру, ауысым жиілігі, күрделілік және қауіпсіздік); антивирустық қорғау; бейтаныс адамдардан электрондық пошталардың пайда болуы және қосымшаларды ашу; интернетті пайдалану; спам; әлеуметтік инженерия мәселелері; инциденттерге жауап беру және т.б. Курс алты модульден тұрады: киберқауіптер туралы негізгі практикалық ақпарат; зиянды программалар; ықтимал қалаусыз программалар мен файлдар; оқиғаларды тергеу негіздері; фишингке жауап беру және ашық ақпарат көздерінде барлау; корпоративтік қауіпсіздік: осалдықтарды бақылау және серверлерді қорғау.

Жеке АҚ негіздері, зиянды ПҚ, парольдік жүйелер, симметриялық шифрлау жүйелері, симметриялық емес криптография, RSA және Эль-Гамаль шифрлау алгоритмі, электрондық қолтаңба қарастырылады. АҚ-тің негізгі ұғымдары, ақпаратты қорғау әдістері қарастырылады. Киберқауіпсіздіктегі ЖИ рөлі, МО алгоритмдерін бағалау. Желілік шабуылдар мен ауытқуларды анықтау үшін МО қолдану қарастырылады. Биометрия, аутентификация түрлері, белгілерді таңдау міндеті зерттеледі.

Пән зиянды программалар, оларды анықтау әдістері және зиянды программалардан қорғау әдістері туралы білімді алуға мүмкіндік береді. Пән вирустардың түрлерін компьютерге ену жолымен анықтауға, жұмыс пен қауіпсіздікке әсер етуге, зиянды программалардың түрлерін, вирустармен күресу әдістерін, вирус жүйелерінің эволюциясын білуге, зиянды программалардан қорғау әдістерін анықтай білуге, зиянды программалардан қорғау әдістерін тәжірибеде қолдануға мүмкіндік береді.

Курста әртүрлі файлдық жүйелердің сипаттамалары; қылмыстық-процессуалдық сипаттағы (сандық) дәлелдемелерді алу мақсатында қылмыстық тергеу барысында сандық құрылғылардың файлдық жүйелерімен жұмыс істеу ережелері, әдістері мен құралдары және деректерді қалпына келтіру зерттеледі. Цифрлық сот сараптамасы процесінің тиісті модельдері мен кезеңдері зерттеледі; оның ішінде криминалистикаға қарсы іздерді анықтау, жиналған дәлелдемелер туралы есеп жасау мәселелері.

Пән компьютерлік жүйенің қауіпсіздігіне зиян келтіруі мүмкін зиянды әрекеттерді анықтау үшін ақпараттық жүйеде басып кіруді анықтау және алдын алу жүйелерді қолдану туралы білімді алуға мүмкіндік береді . Пән компьютерлік жүйеге немесе желіге рұқсатсыз кіру фактілерін анықтау немесе оларды рұқсатсыз басқару, осал қызметтерге қарсы желілік шабуылдар, қолжетімділікті арттыруға бағытталған шабуылдар, маңызды файлдарға рұқсатсыз қол жеткізу, сондай-ақ зиянды программалық жасақтама әрекеттерін анықтау дағдыларын алуға мүмкіндік береді.

Курсқа ақпараттық қауіпсіздік саласындағы барлық мамандарға қажетті ақпараттық қауіпсіздіктің стандарттары мен нормативтік-құқықтық негіздері туралы мәліметтер енгізілген. Халықаралық, ұлттық және өнеркәсіптік стандарттар, сондай-ақ Internet-қауымдастық шеңберінде әзірленген ерекшеліктер қарастырылады. АҚ-ны бұзу қатерлеріне қарсы іс-қимыл жасау мақсатында қорғау құралдары кешендерінің құрамында ақпаратты қорғаудың программалық-аппараттық және техникалық құралдарымен жұмыс істеу кезінде қажетті ақпараттық қауіпсіздік саласындағы стандарттар қарастырылады.

Пән осы саладағы мемлекеттік және халықаралық стандарттармен криптографиялық хаттамаларды талдау мен синтездеудің қолданыстағы тәсілдері туралы білім алуға мүмкіндік береді. Пән ақпаратты қорғау үшін криптографиялық хаттамаларды қолдану саласында білім мен дағдыларды игеруді қамтамасыз етеді, заманауи қорғалған ақпараттық технологияларды дұрыс қолдану принциптерін дамытуға ықпал етеді.

Пән мәліметтер жиынтығындағы анық емес заңдылықтарды анықтау дағдыларын игеруге мүмкіндік береді. Үлкен көлемді деректер арасында жеке оқиғалар арасындағы қатынастарды іздеу әдістерін, математикалық статистика әдістерін игеру. Пән деректерді талдау әдістерін, модельдері мен алгоритмдерін, уақыт қатарлары мен кластерлеу алгоритмдерін, нейрондық желілер мен логистикалық регрессия алгоритмдерін және т.б. зерттеуге мүмкіндік береді.

Пән ақпараттық қауіпсіздік аудитін (АҚ) жүргізудің түрлерін, практикалық әдістері мен құралдары туралы білімге ие болуға мүмкіндік береді. және ақпараттық қауіпсіздік аудитінің негізгі ұғымдарын, ақпараттық қауіпсіздікті ұйымдастырудың үрдістік тәсілін, үрдістер мен жүйелердің сапа менеджментінің циклдік моделінің мазмұнын зерделеуге мүмкіндік береді.

Пән студенттерге қауіпсіздікті қамтамасыз етудегі нормативті-техникалық және методикалық құжаттарға сәйкес қорғалған ақпараттық жүйелерді әзірлеу және қолдану, ақпараттық жүйенің жеке компоненттерін ізірлеу жайлы білім беру және сәйкес даңғдыларды қалыптастыруға бағытталған. Пән ақпараттық жүйелердің даму тархын, ақпараттық жүйелердің қорғалуын бағалау өлшемшарттарын, ақпараттық жүйе қауіпсіздігінің қатері түсінігін, қорғалған ақпараттық жүйені эзірлеу кезеңдерін және оны қолдануды қарастырады.

Курс желілік және мобильді құрылғылардың әртүрлі түрлерінің сипаттамаларын зерттейді. Оларды талдауда туындайтын қиындықтардың нақты аспектілері мен түрлері ерекшеленеді. Ақпарат алу және құрылғыларды зерттеу үшін арнайы құралдар, сондай-ақ ұялы байланыс пен желілерді талдау процедуралары, байланыс провайдерлерінің рөлі зерттеледі. Ақпаратты сауатты жинау және тергеу есептерін дайындау мәселелері қарастырылады

Пән этикалық хакингтің негіздерін игеруге, ақпараттық жүйелердің осалдықтарын іздеу мамандарын даярлауға арналған. Оқу нәтижесінде студент білуі тиіс: Ақпараттық жүйелер қауіпсіздігінің модельдерін зерттеу принциптерін; кибершабуылдардың таксономиясын және оларды іске асыру сценарийлерін қалыптастыру мақсатында қолданылуын; форензика негіздерін, желіде болу және ондағы астыртын жұмыс іздерін табу тәсілдерін.

Сыбайлас жемқорлық құқық бұзушылықтар мен қылмыстар жасауға жол бермейтін құқықтық сана мен құқықтық мәдениеттің жеткілікті деңгейіне ие болу, кәсіби міндеттерін орындау және мінез-құлық мәдениеті мен қарым-қатынастың этикалық нормаларын сақтау.

Деректер базаларының, операциялық жүйелердің, компьютерлік және телекоммуникациялық желілердің, есептеу жүйелерінің қауіпсіздігін қамтамасыз ету және басқару дағдыларын көрсету; ақпараттық қауіпсіздікті қамтамасыз етудің программалық және техникалық құралдарын қолдану

Компьютерлік ақпаратты қорғау әдістерін, құралдарын және технологияларын қолданып, ұйымның АҚ қамтамасыз ету бойынша іс-шараларды жоспарлай білу. Ақпараттық қауіпсіздік саласындағы қызметті реттейтін негізгі халықаралық және ұлттық заңнамалық, ұйымдастырушылық және процедуралық актілерді қолдана отырып, ақпараттың жайылып кетуін алдын алатын жүйелерін, АҚ мониторингілеу жүйелерін, осалдылықтарды мониторингілеу жүйелерін, АҚ қамтамасыз ететін аппараттық-программалық құралдарын қолдану дағдыларын меңгеру

Міндеттің қойылымын қоса алғанда жоғары деңгейлі программалау тілдерінің және аға тәуелді программалау тілдерінің негіздерін игеру, мәселелерді шешу әдістерін таңдай білу, алгоритмдерді таңдау немесе құру, программалау тілінде алгоритмдерді жүзеге асыру, программаны өңдеу мен тестілеу жүргізуді игеру

Компьютердің архитектурасы туралы, көппроцессорлық және көпмашиналық есептеу жүйелерді ұйымдастыру принциптері туралы; дәстүрлі, параллельді және дәстүрлі емес архитектурасы бар компьютерлерді дамыту бағыттары туралы; қазіргі заманғы компьютерлік желілерді құру және негізгі OSI деңгейлерінің жұмыс істеу принциптері туралы; операциялық жүйелерді ұйымдастыру және олардың қауіпсіздігі бойынша; операциялық жүйелер мен компьютерлік жүйелер мен желілердің қауіпсіздік саясатын орнату туралы білімдерін көрсету

Дене шынықтырудың әдістерімен және құралдарымен толыққанды әлеуметтік және кәсіби қызметті қамтамасыз ету, қауіпсіздік мәдениетін меңгеру, экологиялық жағдайдан хабардар болу

Программалар мен ақпараттық жүйелерді жобалау және қауіпсіз әзірлеу, компьютерлік қылмыстардың алдын алу және зерттеу дағдыларын игеру. Деректерді жинау, өңдеу және қалпына келтіру үшін программалық және техникалық құралдарды қолдану. Ақпаратты бақылау, құжаттау және қорғауды жүзеге асыру

Ақпараттарды іздеу, сақтау, өңдеу, қорғау және таратуда цифрлық технологияны, әртүрлі ақпараттық және коммуникациялық технологияларды қолдану және тіршіліктің әртүрлі салаларында кәсіпкерлік білімді қолдана білу

Әлемдік көзқарасты қалыптастыруда философиялық білімді қолдана білу, сонымен бірге азаматтық ұстаным қалыптастыруда тарихи дамудың негізгі этаптары мен заңдылықтарын талдай білу мүмкіндігі

Ақпараттар мен кодтау теориясының негіздерін, криптография және криптоталдау саласында формальды аппаратын, негізгі криптографиялық алгоритмдер мен хаттамаларын меңгеру және оларды деректерді қорғау мәселесінде қолдану

Кәсіби мәселелерді шешу кезінде дискретті математика, ықтималдықтар теориясы және математикалық статистиканың тиісті математикалық аппаратын дұрыс қолдану дағдыларын меңгеру

Жеке, мәдени тұрғыдан және кәсіби қарым-қатынас бағыттарындағы мәселелерді шешуде ауызша және жазбаша түрде қазақ, орыс және шет тілдерінде байланыс жасау