7M01111 Педагогика және психология в Абылай хан атындағы Қазақ халықаралық қатынастар және әлем тілдері университеті

Курс мазмұнында жоғары мектеп педагогикасының заманауи іргелі теориялық-әдіснамалық және практикалық негіздері, отандық және шетелдік педагогикалық тұжырымдамалар, теориялар, технологиялар ашылады. Жоғары кәсіптік білім беруді, университеттік білім беруді реформалау мәселелері, оқытуға жеке тұлғаға бағытталған және құзыретті тәсілдер тұжырымдамалары, тұтас педагогикалық процесс теориялары, оқытудың кредиттік жүйесінің мәні, жоғары оқу орындарын басқару, жоғары мектептің ғылыми іс-әрекет теориясы және тарихы қарастырылады; ЖОО-дағы ғылыми-педагогикалық іс-әрекеттің және оқытудағы инновациялық технологиялардың мәні ашылады.

Курстың мазмұнында отандық және қазіргі әлемдегі шетелдік педагогикалық көзқарастар; заманауи отандық педагогика ғылымы мен білім берудің әдіснамалық мәселелері; Түркі қағанаты дәуіріндегі тәрбие мен оқыту; Қазақстандағы педагогикалық ой мен білім беруді дамытудың негізгі бағыттары (ІХ-ХІХ ғғ.), 1917-1991 жылдардағы және қазіргі жағдайдағы білім беру жүйесін дамытудың негізгі бағыттары мен ерекшеліктері қарастырылады.

Курстың мазмұны білім беру сапасын басқару мәселелерін және университеттегі білім беру сапасын басқару жүйесін қарастырады, білім беру жүйелеріндегі сапаны басқару жүйесін құрудың заманауи тәсілдерін, жалпы орта білім берудің заманауи профильді және интегративті моделін мақсатты тұрғыда қамтамасыз ету үшін шетелдік педагогикалық кадрларды даярлау бағдарламаларын әзірлеу тетіктерін ашады.

Курс мазмұны студенттердің кәсіби-тұлғалық дамуының әлеуметтік-психологиялық аспектілерін, студенттердің кәсіби-тұлғалық дамуына әлеуметтік-психологиялық құбылыстардың әсерін қарастырады, студенттердің кәсіби-тұлғалық дамуын оңтайландыру жолдарын ашады.

Курстың мазмұны білім беру саласындағы жобалық тәсілдің мәнін; халықаралық жобалық қызметті басқару жүйесін; білім беру саласындағы жобалық идеяларды жинақтау мәселелерін ашады, жоба топтарын қалыптастыру мәселелерін; білім беру саласындағы халықаралық жобаларды басқару ерекшеліктерін; білім беру саласындағы халықаралық жобаларды басқару құралдары мен әдістерін; жобаны әзірлеу мәселелерін; халықаралық білім беру жобаларының тұжырымдамалық негіздері мен ерекшеліктерін қарастырады.

Курстың мазмұны қазіргі заманғы басқару психологиясының негізгі тәсілдері мен бағыттарын; психологиялық басқарудың негізгі заңдарын; басқару қызметіндегі мақсат қою; басқару міндеттерін жоспарлау мен шешудің психологиялық ерекшеліктерін; басқарушылық бақылаудың психологиялық мәнін, қателіктері мен артықшылықтарын; ұйымды басқарудың нәтижелілігі мен тиімділігін; өндірістік ұйымдар мен психологиялық ахуалды этномәдени басқарудың әлеуметтік-психологиялық негіздерін ашады.

Курстың мазмұны ғылыми педагогикалық зерттеулердің негізгі сипаттамаларын, педагогикалық зерттеуді ұйымдастыру логикасын, ғылыми мәтіндерді рефераттау мәселелері мен ғылыми мақала жазу және диссертациямен жұмыс әдістемесінің ерекшеліктерін қарастырады; сонымен қатар, диссертация үшін ғылыми ақпаратты іздеу мәселелері; ғылыми жұмыстағы формальды логиканың маңызы; жазбаша ғылыми сөйлеудің бөлігі ретінде ғылыми жұмыстың стилі мен тілінің ерекшеліктері; диссертацияның ғылыми аппараты; библиографиялық сипаттама және библиографиялық сілтемелер; диссертацияны қорғауға дайындау мәселелері, қорғау процедурасы және қорғаудан кейін құжаттарды рәсімдеу қарастырылады.

Курс мазмұнында психология мен білім берудегі мәдени-тарихи және іс-әрекеттік тәсіл әдіснамасының негіздері ашылады. Осы тәсілдердің негізін құрайтын принциптер, идеялар мен категориялар, қазіргі психология мен білім берудегі мәдени, тарихи және іс-әрекет тәсілінің даму жағдайы мен өнімділігі қарастырылады. Мәдени-тарихи теорияның тарихы, оның негізгі ұстанымдары, жоғары психикалық функциялардың мәдени және тарихи табиғаты, белгі ұғымы, интериоризация идеясы, Л.С. Выготскийдің, оның шәкірттері мен ізбасарларының мәдени-тарихи теорияны дамытудағы рөлі, психологиядағы іс-әрекет тәсілінің мәні, С.Л. Рубинштейн және А. Н. Леонтьев мектептерінің рөлі қарастырылады. Қазіргі білім берудің парадигмалары мен мазмұны мәдени-тарихи және іс-әрекеттік көзқарас тұрғысынан талданады.

Курс шет тілінде білім беру саласындағы кәсіби-әдістемелік іс-әрекеттің теориялық-әдіснамалық және құзыреттілік негіздерін қарастырады; когнитивті лингвомәдениеттанымдық әдіснаманың негізгі ережелері тұрғысынан шет тілінде білім берудің қазіргі жағдайын ашады; шет тілінде білім берудің жаңартылған әдіснамалық принциптері мен когнитивті-белсенділік аспектісіндегі лингво-мәдени әдіснамалық принциптің мәнін ашылады; шет тілдері мұғалімінің құзыреттілік моделінің компоненттік құрамы қарастырылады.

Курстың мазмұны ғылым философиясын, оның пәні мен мәртебесін; қазіргі ғылым философиясындағы көзқарастардың эволюциясы мен қазіргі ғылым тарихының философиялық негіздерін; ғылыми танымның құрылымы және оның әдістері мен формаларын; ғылыми білімнің дамуын; ғылыми ұтымдылық және оның түрлерін; ғылымның әлеуметтік-мәдени және институционалдық табиғатын; әлеуметтік-гуманитарлық танымның әдіснамалық принциптері мен әлеуметтік-гуманитарлық танымның онтологиялық негіздерін қарастырады.

Курс педагог кәсібінің метатілін, кәсіби қарым-қатынас мәдениеті мәселелерін, ғылыми терминдерді ашады; академиялық жазудың ерекшеліктерін, оқу және ғылыми іс-әрекетте шет тілін пайдалану үшін қажетті академиялық құзыреттерді қарастырады; интернет-дереккөздерді сыни бағалау, жалпылау және қайта құрылымдау арқылы плагиатты іздеу және өңдеу, халықаралық қатынастар бойынша ғылыми мәтіндер материалында сыни ойлау білігін дамыту мәселелерін қарастырады.

Курс цифрлық, мультимедиялық және веб-технологиялардың теориялық және практикалық негіздерін, веб-беттерді, әлеуметтік желілерді құруды, аудио және бейне құралдарды, ақпараттық графикалық ұсыну құралдарын, ақпаратты өңдеу процестерін ұсыну нысандарын, цифрлық ортада педагогтердің жұмысын ұйымдастырудың негіздері мен қағидаттарын; заманауи бағдарламалық құралдардың көмегімен әртүрлі (мәтіндік, графикалық, сандық) ақпараттық объектілерді жасаудың, редакциялаудың, ресімдеудің, сақтаудың, тасымалдаудың және іздеудің негізгі технологияларын; кәсіби іс-әрекетті, кәсіби және жеке дамуды жақсарту үшін интернет ресурстарын пайдалану мүмкіндіктерін қарастырады.

Курс кәсіби іс-әрекеттің әртүрлі салаларындағы қарым-қатынас мәселелерін қарастырады; оқу материалдары мазмұнының және кәсіптік іскерлікті қалыптастыратын әдістер мен тәсілдерді қамтитын іс-әрекеттің кәсіби бағыттылығы; білім алушылардың кәсіби мүдделеріне тікелей қатысты салалардағы ғылыми жетістіктерді ашады, оларға кәсіби өсуге мүмкіндік береді.

Курстың мазмұны білім беру саласындағы басқару ғылымының теориялық негіздерін; білім беруді басқарудың мәні мен білім беру менеджментіндегі қазіргі тенденцияларды, білім беру жүйесін дамытудағы перспективалық бағыттарды және білім беру саласындағы мемлекеттік саясатты; білім беру саласындағы инновациялық қызмет әдістерін, Қазақстандағы және шетелдегі білім беру менеджментінің заманауи жүйелерін қарастырады.

Курс ғылыми терминдерді оқып үйренуді, қысқаша аннотациялар, рефераттар құрастыруды қарастырады. Академиялық бағыттағы ағылшын тіліндегі мәтінді оқуға, аударуға және талдауға, академиялық жазудың ерекшеліктеріне, оқу және ғылыми іс-әрекетте шет тілін пайдалану үшін қажетті академиялық құзыреттілікті қалыптастыруға, интернет-дереккөздерді сыни бағалауға, қайта құрылымдауға, жалпылау арқылы плагиатты іздеуге және өңдеуге, халықаралық қатынастар бойынша ғылыми мәтіндер материалында сыни тұрғыдан ойлау қабілетін дамытуға баса назар аударылады.

- оқыту, дамыту, тәрбиелеу процестерінің теориясы мен технологиясы, олардың өзара байланысы мен өзара шарттылығы және олардың сапасының мониторингі туралы жүйелі ғылыми білімді меңгереді; - ЖОО-да оқу-тәрбие процесінің барлық түрлерін өткізудің педагогикалық технологияларын жобалайды (дәріс, семинар, факультатив және т.б.); мемлекеттік және шет тілдерінде ғылыми коммуникацияның заманауи әдістері мен технологияларын қолданады.

- лексикалық, грамматикалық және фонетикалық бірліктер туралы білімдерді, сондай-ақ оларды қабылдау және қолдану дағдылары мен іскерліктерді меңгереді; ауызша және жазбаша кәсіби маңызды қарым-қатынаста әртүрлі функционалды стильдегі мәлімдемелерді тұтас, дәйекті және логикалық түрде баяндайды; - шетелдік дереккөздерден кәсіби ақпарат алу және кәсіби деңгейде қарым-қатынас жасау үшін шет тілін қолданады; тілді жеткіліксіз меңгерумен байланысты олқылықтарды түзету үшін ауызша және ауызша емес стратегияларды қолданады.

- әлеуметтік-психологиялық басқару, болжау және жобалау, ұйымды дамыту, политолерантты өндірістік ортаны құру әдістерін меңгереді, өзінің кәсіби қызметі саласында ұжыммен жұмыс істеу дағдыларын игереді; - алынған білімді басқару іс-әрекетін психологиялық талдауда, басқарушылық шешімдер қабылдауда және персоналды басқарудың оңтайлы стилін таңдауда және этнико-конфессиялық жанжалдарды шешуде қолданады.

- білім беру үдерісін ұйымдастыру және басқару әдістері мен тәсілдерін, кәсіби әдебиетті талдау дағдыларын меңгереді; - студенттердің кәсіби-тұлғалық дамуын психологиялық қолдауды ұйымдастырады, ұйымдастырушылық мәдениет пен әлеуметтік-психологиялық климатты диагностикалау әдістерін қолданады.

- философиялық мәтіндерге түсініктеме бере алады; негізгі философиялық ақпаратты сыни тұрғыдан талдайды және түсіндіре алады; - заманауи философиялық тұжырымдамалар жөніндегі іргелі білімін кәсіби іс-әрекетте қолдана алады; философия және ғылым тарихының тұжырымдамалық аппаратын; диссертациялық зерттеудің философиялық және эпистемологиялық мәртебесін негіздеу дағдыларын қолдана алады.

- тарихи дамудың әртүрлі сатысындағы қоғам мен білім беру жүйелерінің өзара қарым-қатынасы сипатының әлеуметтік маңыздылығын түсінеді, қоғамдағы мәдени құндылықтарды жинақтау мен сақтаудағы білім беру саласының рөлін түсінеді; - білім беру саласындағы зерттеу міндеттерін анықтау және шешу үшін жүйелендірілген теориялық және практикалық білімдерді пайдаланады.

- талдау үшін ұсынылған үлгілер бойынша формалды-тілдік және лингвомәдениеттанушылық сәйкестіктер/алшақтықтарды мәтіндер мен дискурстарда айқындау дағдылары мен іскерліктерін меңгереді; - таным теориясының заманауи платформасы ретінде лингвомәдениеттану әдіснамасының мәнін түсінетіндігін көрсетеді; өзінің зерттеу жұмысында тұжырымдама мен әдіснаманың теориялық ұстанымдарын қолдана отырып, когнитивті-категориялық аппаратпен еркін жұмыс істейді.

- заманауи цифрлық білім беру технологиялары мен компьютерлік сауаттылықты, цифрлық технологиялар саласындағы негізгі құзыреттерді меңгереді; - ақпараттық-коммуникациялық, цифрлық технологиялар мен платформалардың Google сервистері, Miro виртуалды тақтасы, Microsoft Teams, Zoom, LMS Moodle, Quizlet, YouTobe, мультимедиялық технологиялар, интернет-ресурстар, ақпаратты іздеу, сақтау, өңдеу, қорғау және тарату бойынша бұлтты және мобильді сервистерді пайдаланады.

- білім берудегі мәдени-тарихи және іс-әрекеттік тәсілдердің теориялық және практикалық мүмкіндіктерін негіздеу үшін түрлі көзқарастарды салыстырмалы талдау өлшемдерін меңгереді; - оқытудың нақты жағдайындағы әлеуметтік-мәдени ортаның ерекшеліктерін бағалайды; мәдени-тарихи және дамыта оқыту теорияларының негіздері бойынша педагогтармен ағартушылық-консультациялық жұмысты жоспарлайды және жүргізеді.

- сәйкес қарым-қатынас жағдайда монологтық сөйлеудің және тілдік айшықтаудың лингвистикалық формасы мен тәсілін таңдау дағдыларын меңгереді; - ауызша және жазбаша кәсіби бағдарланған мәтіндердің функционалдық ерекшеліктерін анықтайды, халықаралық кәсіби қарым-қатынас жағдайларында (бағдарлама шегінде) коммуникативтік мінез-құлық стратегиясын қолдана біледі.

- когнитивтік психология мен лингвомәдениеттанудағы әртүрлі тәсілдерді ескере отырып, ғылыми мамандық саласында тіл, ойлау және мәдениеттің өзара байланысы мен өзара әрекеттесуінің басты мәселелерін анықтау дағдыларын меңгереді; - іздестіру-зерттеу іс-әрекеті барысында тіл, ойлау және мәдениеттің өзара байланысының жекелеген мәселелерін сипаттау және талдау пәнінен алған теориялық білімдерін қолданады.

- шет тілдік мәтіндермен, халықаралық деңгейде медиа зерттеулер саласында қабылданған терминологиямен өз бетінше академиялық жұмыс істеу дағдыларын; арнайы мәтіннің/дискурстың құрылымы мен мазмұнын ұйымдастыру, өзінің ғылыми зерттеулерін дәлелдеу дағдыларын меңгереді; - шет тілінің ғылыми, іскерлік және кәсіби лексикасын қарым-қатынас жасау, ғылыми және кәсіби бағыттағы шет тіліндегі мәтіндерді оқу және аудару үшін қажетті көлемде қолдана алады; шет тілін тұлғааралық қарым-қатынаста, кәсіби және ғылыми іс-әрекетте қолдана біледі.

- стандартты емес әдіснамалық мәселелерді талдау және шешу дағдыларын меңгереді, конструктивті шығармашылық танытады, зерттеудің алынған нәтижелерінің жаңалығын негіздей біледі; - зерттеу жүргізу үшін терең мамандандырылған кәсіби теориялық және практикалық дағдыларды пайдаланады, ғылыми және практикалық міндеттерді шешу үшін эксперименттік зерттеулердің деректерін түсіндірудің қазіргі заманғы әдістерін пайдалана алады.

- менеджменттің инновациялық технологияларын пайдалана отырып, басқару процесін ұйымдастыру және бағалау дағдыларын меңгереді; - шетелдік тәжірибеге сүйене отырып, ақпараттық технологиялар негізінде білім беру сапасын бақылаудың нысандары мен әдістерін, бақылау-өлшеу материалдарының түрлерін практикада пайдалана біледі.

- жобаны жүзеге асырудың әртүрлі кезеңдерінде халықаралық жобалау командасының жұмысын ұйымдастыру және басқару дағдыларын меңгереді; халықаралық білім беру жобасының сапасын басқару және жобаның орындалуын бақылауды қамтамасыз ету дағдыларын игереді; - барлық тараптардың мүдделерін және білім беру саласындағы нормативтік-құқықтық құжаттарды есепке ала отырып, тұжырымдама мен жобаның негізгі бөлімдерін әзірлей біледі.