7M01102 Педагогикалық өлшемдер в Қазақ ұлттық қыздар педагогикалық университеті

Пән сыртқы бағалау рәсімдерінің логистикасына және бағалауды жүргізу үшін қажетті Персонал, объектілер мен жабдықтарды оқып-үйренуге бағытталады. Мектептер бойынша іріктемелерді қалыптастыру әдіснамасы қарастырылады. Рәсімдерге қатысушыларды бақылау нысандары ретінде Прокторингті кеңінен түсінуге арналады.

Пәнді оқыту барысында Қазақстандағы және шет елдердегі бағалау жүйесінің дамуының негізгі тенденциялары жүйеленеді. Білім беру сапасын бағалау жүйесі оқу үдерісінің құрамдас бөлігі ретінде оқып-үйренуге болады. Бағалау жүйесінің теориялық-әдіснамалық негіздері, оқу мақсатының жүйесін және бағалау құралдарын әзірлеудің негізгі әдістері, білім беру стандарттарына сәйкес оқытудың нәтижелері мен сапасы туралы объективті ақпарат алу әдістері, бағалаудың объективтілігін өлшеу әдістері қарастырылады.

Курс ғылымның пайда болуы мен қалыптасуын, көзқарастық негіздерін, ғылымның қызметтерін қарастырады. Ғылым дамуының бейклассикалық, постбейклассикалық кезеңдерінің және постпозитивистік, постклассикалық емес кезеңдерінің негізгі концепциялары мен бағыттарының ерекшелеліктерін меңгеру барысында дүниенің ғылыми бейнесі жайлы тұжырым қалыптасады және ғылыми білімнің құрылымы мен деңгейлері, ғылымның идеалдары мен нормалары негізінде ғылымның философиялық негіздемелеріне жете мән беріліп, ғылыми дәстүрлер, ғылымның мамандық ретінде қалыптасуы мәселесіне толық талдау жасалады. Мақсат - ғылымның аксиологиялық аспектілері негізінде қазіргі заманғы жаһандық өркениет мәселелерді шешудегі ғылымның атқаратын рөлін анықтау. Міндет - жаратылыстану және техникалық ғылымдардың тарихы мен философиясын; әлеуметтік және гуманитарлық ғылымдардың тарихы мен философиясын жан-жақты қарастыру.

Қазақстанның білім беру жүйесінде жұмыс істейтін білім беру сапасын бағалау ішкі жүйелері зерделенеді. Пән оқыту нәтижелерін ішкі бағалау әдістерінің әртүрлілігіне бағытталады. Жоғары оқу орындарындағы ішкі бағалау жүйелерінің функционалдық ерекшеліктері қарастырылады: «Универ», «Платонус», «Сириус» жүйелері және т.б. қашықтықтан оқыту жүйелеріндегі кіріктірілген ішкі бағалау жүйелері. Пәннің негізігі мазмұны орта мектептердегі ішкі бағалауды оқып-үйренуге, қалыптастырушы және жиынтық бағалау, бөлім мен тоқсанды бағалау жүйесіне (БЖБ, ТЖБ) арналғн. Ішкі бағалауға арналған тапсырмаларды әзірлеу әдістері, бастауыш, негізгі және орта мектептегі қорытынды бағалаулар қарастырылады.

Меңгерілген тілдік білім мен сөйлеу біліктерін жүйелеу. Шет тілінде ауызша қарым-қатынас формаларының дағдыларын жетілдіру, баяндамалар мен хабарламалармен таныстыру, кәсіби қарым-қатынасты жүзеге асыру. Жазбаша дағдыларды жетілдіру. Қазіргі заманғы техникалық құралдар мен ақпараттық технологияларды пайдалана отырып, кәсіби саладағы коммуникативтік міндеттерді шешуді жетілдіру.

Пән тесттердің классикалық және қазіргі заманғы теориясын, оның сабақтастығы және айырмашылықтарын оқып-үйренуге бағытталады. Тестілеу теориясындағы статистикалық концепциялар, шкалалауға кіріспе, тесттерді құрастыру процесі қарастырылады. Тесттердің валидтік және сенімділік процедураларын шынайы бағалау мен әзірлеудің классикалық концепциясы контекстіндегі сенімділік теориясына арналған. Тесттік бағалардың сипаттамасы және оларды түсіндіру әдістері қарастырылады.

Пәннің негізгі мазмұны педагогикалық зерттеулердің әдіснамасы мен әдістері философиялық әдіснаманың, жалпы ғылыми диалектикалық қағидаттардың, жеке-ғылыми әдістердің, психологиялық-педагогикалық зерттеулердің нақты әдістемелерінің және рәсімдерінің бірлігінде қарастырылады. Зерттеу әдістері жіктеледі: ғылыми проблеманы қоюдан бастап материалдарды статистикалық және сапалы өңдеу және алынған зерттеу нәтижелерін рәсімдеуге дейін.

Пән оқыту нәтижелерін ішкі бағалау әдістерін оқып үйренуге арналған. Мектептердегі ішкі бағалау жүйелерінің функционалдық ерекшеліктері қарастырылады: күнделік және т.б. қашықтықтан оқыту жүйелеріндегі кіріктірілген бағалау кіші жүйелері. Орта мектептердегі ішкі бағалау: қалыптастырушы және жиынтық бағалау, бөлім мен тоқсанды бағалау жүйесі (БЖБ, ТЖБ) қарастырылады. Пәннің негізгі мазмұны ішкі бағалауға арналған тапсырмаларды әзірлеу әдістерін, кері байланысты оқып-үйренуге бағытталады.

Пән білім беру сапасын, білім беру сапасын бағалау жүйесін (БСБ) оқып-үйренуге бағытталады. Білім беру сапасын бағалаудың ішкі және сыртқы жүйелері қарастырылады. Қазақстанның ұлттық БСБ жүйесі, БСБ ішкі жүйелері мен БСБ жүйелерінің теориялық және ұйымдастырушылық негіздері қарастырылады. Оқыту және бағалау педагогикалық қызмет түрі ретінде, ал, тестілеу оқу нәтижелерін бағалау әдісі ретінде бейнеленеді. Оқыту нәтижелері, оны өлшеу түсінігі, БСБ ішкі және сыртқы жүйелеріндегі тестілеу орны мен орта мектептегі ішкі бағалаудың ерекшеліктері нақыталанады.

Пән магистранттарда бақылау-өлшеу материалдарының құрылымын, педагогикалық жобалау әдістерін, бақылау-өлшеу материалдарының бейімделу ерекшелігі туралы білімдерді қалыптастыруға бағытталған. Сонымен қаттар бақылау-өлшеу материалдарының тапсырмаларын әзірлеуді (бейімделусіз), бақылау-өлшеу материалының тапсырмасын бейімдеуді, бақылау-өлшеу материалдарын бейімдеудің заманауи тәсілдерін де қарастырады. Инклюзивті білім беру сапасын бағалау жүйесін жобалау мәселесі де қамтиды. Пән бақылау-өлшеу материалдарын әзірлеу-бейімдеудің жеке және сараланған тәсілдерін де қарастырады.

Пән әмбебап құзыреттіліктің теориялық анықтамаларының әртүрлілігін оқып-үйренуге бағытталады: сыни және креативті ойлау, командада жұмыс істей білу, қарым-қатынас. Оқу нәтижелерін бағалау құралдарын әзірлеу кезеңдері, құзыреттіліктің қалыптасу деңгейі мен әмбебап құзыреттіліктерді бағалауға арналған тапсырмалардың формалары, мазмұны қарастырылады. Бағалау құралдарына арналған тапсырмалар базасын қалыптастыру кезеңдері сипатталады. Тест тапсырмаларын сараптау мен байқаудан өткізуді ұйымдастырудың ерекшеліктері жүйеленеді. Пән тесттің дұрыстығын қамтамасыз етуге, тест тапсырмаларының сапасын бағалауға арналған.

Пәнде функционалдық сауаттылықтың қалыптасу деңгейін бағалау үшін тапсырмаларды әзірлеу әдістерін меңгеру, оқыту нәтижесі ретінде функционалдық сауаттылық түсінігі қарастырылады. Функционалдық сауаттылықты бағалау үшін тапсырмаларды әзірлеу іскерлігін оқып-үйренеді. Функционалдық сауаттылық ұғымы, оның алуантүрлілігі қарастырылады: оқу сауаттылығы, математикалық сауаттылық, жаратылыстану-ғылыми сауаттылық, АКТ-сауаттылық, функционалдық сауаттылықты қалыптастыру кезеңдері мен деңгейлері.

Пәнде тұлғаның психологиялық-педагогикалық диагностикасының ғылыми-теориялық негіздері қарастырылады. Білім беру үдерісі субъектілерінің іс-әрекетін диагностикалаудың этикалық және кәсіби талаптары жүйеленеді. Негізгі оқып-үйренетін мәселелер: педагогикалық өлшемдер саласында зерттеулер жүргізудегі ертегі терапиясы; жалпы арнайы қабілеттердің диагностикасы; білім беру үдерісі субъектілерінің тұлғалық қасиеттерінің психологиялық-педагогикалық диагностикасы.

Пән педагогикалық процесті жақсартудың перспективалық бағыттарының бірі ретінде оқыту нәтижелерін бақылау мен бағалауды ақпараттандыруға негізделіп құрылған. Оқу үрдісіндегі ақпараттық және телекоммуникациялық технологияларды, оқыту нәтижелерін бақылау мен өлшеуді ақпараттандыру мәселелерін қарастырады. Тестілеу рәсімін формализациялау, біріздендіру, жергілікті компьютерлік желі арқылы қашықтықтан тестілеуді ұйымдастыру, оқыту нәтижелерін бақылау мен бағалауды ақпараттандыруда нейрондық технологияларды қолдану туралы білімдерді қалыптастыруға арналған.

Курста басқарудың ғылыми-әдістемелік негіздері және басқару психологиясы, басқарудың психологиялық теориялары қарастырылады. Басқару психологиясының жалпы теориялық мәселелері, менеджердің тұлғалық ерекшеліктері, кәсіби іс-әрекеті, қызметтері жалпы басқарушылық қарым-қатынас психологиясы. жан-жақты талданады. Мақсат – басқару үдерісіндегі басқару субъектісінің, объектісінің мінез-құлық стратегиясы арқылы тұлғаның кәсіби деформациясының алдын алу технологияларын игеру. Міндет - ұйымның кадрлық саясатын психологиялық қолдау; басқару міндеттерінің психологиялық ерекшеліктерін анықтау.

Пән оқыту нәтижелерін бағалау құралдарын әзірлеу кезеңдеріне, құзыреттілікті қалыптастыру мен кәсіби қызметті орындау дайындығына бағытталады. Сыртқы бағалау жүйесін енгізудің міндеттері қарастырылады: ұлттық бірыңғай тестілеу (ҰБТ), орта білім және ТжКБ білім алушылардың білім жетістіктерін мониторингілеу (МОДБ). Қазақ тілін меңгеру деңгейін бағалау жүйесі ҚАЗТЕСТ, педагогтердің ұлттық біліктілік тесті (ҰБТ) және т.б. қарастырылады. Қолданыстағы сыртқы бағалау жүйелері тапсырмаларының нысандары мен мазмұны сипатталады. Пән бағалау құралдарына арналған тапсырмалар базасын қалыптастыру кезеңдеріне; тест тапсырмаларын сараптау мен байқаудан өткізуді ұйымдастырудың ерекшеліктеріне; тесттің дұрыстығын қамтамасыз ету, тест тапсырмаларының сапасын бағалауға анралады.

Жоғары мектептің педагогикасының теориялық-әдіснамалық негіздері. Педагогикалық қызметтің мазмұны мен құрылымы. Жоғары мектептің педагогының кәсіби құзыреттілігі және коммуникативтік білімі. Жоғары мектептегі оқыту теориясы. Жоғары мектептегі оқытудың дидактикалық негіздері. ЖОО-да оқу үдерісін ұйымдастыру. Кәсіптік білім берудегі инновациялық үрдістер. ЖОО жүйесіндегі білім беру үрдісін басқару менеджменті. ЖОО-дағы тәрбие жұмысы. ЖОО-дағы заманауи педагогикалық технологиялар.

Пәнді оқу барысында магистранттар тест тапсырмаларын орындау нәтижелері бойынша бағалауды, яғни кез-келген өлшем объективті, сенімді нәтиже беруі керектігін меңгереді. Жанама ақпаратқа негізделген педагогикалық тестілеуді үйренеді. Заманауи математикалық әдістерді қолдану арқылы тестілеу нәтижелерінің сенімділігін бағалауды үйренеді, атап айтқанда Джордж Раштың математикалық модельдеріне негізделген параметрлеу теориясының әдістерін қолдана білетін болады.

Пән бағалау рәсімдерінің нәтижелерін пайдалану бағыттары мен мүмкіндіктерін оқып-үйренуге бағытталады. Нәтижелерді түсіндіру және ұсыну; нәтижелерді мазмұнды түсіндіру мен түсіндірудің пайдаланылатын бағалау құралына тәуелділігі - түсіндірудің нормативтік-бағдарланған және критериалды-бағдарланған тәсілдері қарастырылады. Бағалау нәтижелерін интерпретациялаудың кластерлік тәсілі меңгеріледі.

Курста бағалау жүйесін сүйемелдеуде Ақпараттық жүйелерді қолданудың рөлі мен ерекшеліктері қарастырылады. Курс оқу нәтижелерін бағалаудың автоматтандырылған жүйесін қолданудың нормативтік негіздері, мақсаттары, принциптері туралы білім береді. Сондай-ақ Қазақстанда және шетелде оқу нәтижелерін бағалау жүйелерін сүйемелдеудің ақпараттық жүйелерін қолдану практикасы зерделенеді.

Пәнді оқыту барысында жоғары оқу орындарындағы білім беру үрдісінің сапасын, қазақстандық білім берудің заңдылықтарын бақылау бойынша негізгі нормативтік құжаттарын оқып-үйренуге болады. Жоғары оқу орнындағы білім беру үрдісінің сапасы мониторингінің мәні мен негізгі сипаттамалары қарастырылады. Жоғары оқу орындарындағы білім беру үрдісінің сапасы мен сапасын бақылау, мониторинг жүйесі меңгеріледі. Пән ЖОО-да оқу үрдісін басқару сапасын мониторингілеу технологиясына арналады.

Пәнді оқыту барысында дамыған елдердегі, ТМД және Қазақстандағы ұлттық мониторингтер жүйесі; Ұлттық мониторингтер мен емтихандардың негізгі айырмашылықтары; мониторинг жүргізудің міндеттері меңгеріледі. Білім алушылардың білім жетістіктері мониторингінің (ББЖМ) нысаны мен мазмұны қарастырылады:PISA, TALIS, TIMSS, PIRLS, ICILS халықаралық салыстырмалы зерттеулер тапсырмаларының ерекшеліктері; мониторинг жүргізу кезінде іріктеу әдісі. Пән мониторинг нәтижелерін мүдделі тараптарға түсіндіру және тарату, дамыған елдердің тәжірибесін таратуға арналған. Мониторинг нәтижелерін білім беру сапасын басқару үшін пайдалану мәселелері зерттеледі. Білім алушыларға, мұғалімдерге, мектептерге және білім беру ұйымдарының басшыларына мониторинг нәтижелерін ұсыну нысандары жүйеленеді.

Пәнді оқыту барысында бағалау рәсімдері білім беру сапасын басқару құралы ретінде қарастырылады. Пәннің мазмұны бағалау процедураларының нәтижелерін пайдаланушыларға, пайдаланушылардың мүдделерін ескере отырып, білім беру сапасын бағалау рәсімдерінің нәтижелерін ұсыну нысандарын ажыратуға, бағалау нәтижелері туралы ақпаратты тарату стратегиясынағ бағалау нәтижелерін пайдалану шарттарына арналады.

Пәнді оқу магистрлерде математикалық құралдарды қолдана отырып, педагогикалық зерттеулердің нәтижелерін ұсынудың негізгі тәсілдерімен байланысты білім мен дағдылар жүйесін қалыптастыруға бағытталған. Оны зерттеу пән аясында қарастырылатын негізгі статистикалық есептерді шешудің негізгі математикалық түсініктері мен әдістерін игеруді, математикалық модельдеу кезеңдерін игеруді, педагогикалық зерттеу аясында нақты мәселені шешу үшін қажетті деректерді іздеу және таңдау қабілеттерін және эксперименттік деректерді статистикалық өңдеудің негізгі әдістерін қолдануды қамтиды.

Пәнді оқу барысында магистранттар: әлеуметтік ғылымдардағы деректерді талдаудың негізгі заманауи әдістері туралы теориялық түсініктерді қалыптастырады; дербес жиналатын деректерге де, деректер базасына да әдістерді практикалық қолдану дағдыларын қалыптастырады; деректерді талдаудың әртүрлі әдістерінде қандай теориялық модельдер бар екендігі туралы түсініктерді әзірлеу; осы модельдерді салыстыру қабілетін қалыптастыру нақты зерттеудің міндеттерімен және оның мақсаттарына, міндеттеріне, гипотезаларына және қол жетімді мәліметтерге сәйкес әдісті дұрыс таңдауды меңгереді.

Жоғары оқу орындары мен мектептерде білім сапасын бағалаудың цифрлық технологияларын қолданады, бағалау іс-шараларын (емтихандар, мониторингтер, ағымдағы бағалау) ұйымдастырады және өткізеді.

Білім алушылардың білім жетістіктерін бағалау құралдарын жобалайды және әдістерін құрастырады.

Педагогикалық өлшеулер теориясы мен практикасының қазіргі заманғы проблемаларын, білім беру сапасын сыртқы және ішкі бағалаудың қазіргі (қолданыстағы) құралдарының функционалдық ерекшеліктерін талдайды.

Бағалау іс-шараларының нәтижелерін интерпретациялайды, оларды білім беру сапасын басқару үшін пайдаланады

Білім беру сапасын бағалауда педагогика ғылымы мен басқару психологиясын дамытудың теориялық-әдіснамалық негіздерін ұсынады.

Қазіргі ғылым философиясының өзекті мәселелерін және ғылым мен білімнің интеграциясы жағдайындағы теориялық-әдіснамалық білімді анықтайды.