6B01504 Физика в Семей қаласының Шәкәрім атындағы университеті

Курс адамның анатомиясы мен физиологиясы, жас ерекшеліктері туралы түсінік қалыптастыруға мүмкіндік береді, жоғары жүйке қызметінің заңдылықтары және адамның жүйке жүйесінің функционалдық ерекшеліктері қарастырылады. Оқушылардың онтогенездегі психикалық және физиологиялық дамуы, жас ерекшеліктері мен дамуының негізгі заңдылықтары, психофизиологиялық нормаларды есепке алу негізінде баланың дамып келе жатқан тұлғасының маңызды психикалық ерекшеліктері туралы жүйелі түсінігін қалыптастырады.

Пәнді оқыту болашақ педагогикалық қызметке кәсіби-педагогикалық бағытты және физика мұғалімі мамандығы туралы алғашқы түсініктер мен ерекшеліктерді қалыптастыру болып табылады. Пәнді меңгеру барысында болашақ мұғалімдер қазіргі заманғы физикалық технологиялар туралы жаңа сапалы білім беру, жалпы білім беретін мектепте оқу-тәрбие процесін тиімді ұйымдастыруға қажетті оқу-әдістемелік құралдарды тиімді таңдау бойынша әдістемелермен қамтамасыз етеді.

Пәннің мазмұны білім алушыларда педагогикалық ғылымның теориялық – әдіснамалық негіздері және кәсіби – педагогикалық іс-әрекеттің мәні туралы тұтас көзқарасты қалыптастыруға бағытталған. Курсты оқу білім беру ортасында тұтас педагогикалық процесті ұйымдастырудың мазмұны, принциптері, формалары мен әдістері туралы қажетті білімді қалыптастыруға мүмкіндік береді. Курсты оқу білім алушыларда оқу мен оқытудағы заманауи тәсілдерді сәтті жүзеге асыру үшін қажетті құзыреттерді қалыптастырады.

Құқық негіздері және сыбайлас жемқорлыққа қарсы мәдениет, экономика, кәсіпкерлік және көшбасшылық, экология және тіршілік қауіпсіздігі саласындағы негізгі мәселелер мен қағидаттарды қамтитын интеграцияланған пән болып табылады. Нормативтік құқықтық актілерді пайдалану ерекшеліктері, Қоғамның іскерлік, этикалық, қоғамдық, экономикалық, кәсіпкерлік және экологиялық нормаларын пайдалана білу. Экологиялық-құқықтық, экономикалық, кәсіпкерлік қатынастардың, көшбасшылық қасиеттердің және сыбайлас жемқорлыққа қарсы күрес қағидаттарының ерекшелігі.

Пәнді оқыту білім алушылардың алған негізгі білімдерін - тәжірибелік дағдылармен байланыстыру, олардың педагогикалық-кәсіби ой-өрісінің дамуына көмектесу болашақ мамандардың сапалы кәсіби даярлығын қамтамасыз ету болып табылады. Білім алушы сабақтан тыс жұмыстарды ұйымдастыру әдістемесінің мектеп тәжірибесінде табысты қолдануға ықпал ететін әдістемелермен таныстыру. Білім алушыларды болашақ маман ретінде қалыптасуына көмектесетін оқу үдерісімен және сабақтан тыс жұмыстарды ұйымдастыруға қажетті біліммен, тәжірибелік дайындықпен қамтамасыз ету.

Курс барысында студенттер инклюзивті білім берудің принциптері мен әдістемелік негіздері туралы білімдерін қалыптастырады. Ерекше қажеттіліктері бар балаларды психологиялық-педагогикалық қолдауға, инклюзивті білім беруді нормативтік-құқықтық қамтамасыз етуде туындайтын кедергілерді болдырмауға, сондай-ақ инклюзивті білім беру саласындағы ұйымдастырушылық және басқару құзыреттеріне қатысты заманауи талаптардың жаңа үлгілері туралы идеялар қалыптасады. Білім беру ұйымдарында мүмкіндігі шектеулі балаларды психологиялық-педагогикалық қолдау үлгілері туралы білімді меңгереді.

Демонстрациялық эксперименттермен жұмыс жасау, физикалық практикум жұмыстарын жүргізуді қарастырады. Зертханалық жұмыстарды алдын-ала дайындау және іріктеу арқылы оқу үрдісінде қолданады. Негізгі құбылыстарды жекелей қамтып, бақылау жасай отырып талдайды. Ғылыми әдебиеттерді қолданып, әдістемелік құралдармен жұмыс істеуді үйретеді. Педагогикалық-психологиялық дағды жүйелерін жеке тұлға қалыптастыру бағыттында меңгертеді. Зерттеу жұмыстарында нәтижеге қол жеткізіп, қорытынды жасауға бағыттайды.

Бұл пәнді оқыту арқылы студенттер заттың құрылысы, ондағы болып жатқан құбылыстарды өте көп бөлшектердің жиынтығынан тұратын жүйені зерттеу арқылы түсінуге болатыны туралы мағлұматтар алады. Молекулалық құбылыстар теориясымен таныса отырып, өз ойларын айтуға, гипотезалар құрастырып, зат құрылысы модельдерімен танысып, микроәлемде болып жатқан құбылыстарды білуге деген қызығушылықтарын артырып, микроәлем туралы бір тұтас ғылыми көзқарастарын қалыптастырады.

Пәнді меңгеру барысында классификациясы және физикалық есептерді шешу әдістері, кинематиканың негізгі сипаттамалары мен байланыстары, материалдық нүктенің динамикасы, сақталу заңдары қарастырылады. Механика бөлімдері әртүрлі формадағы қозғалыстар, күштің жұмысы және оның қисық сызықты интегралмен өрнектелуі туралы мәліметтерді береді. Абсолют қатты дененің динамикасын қарастырады. Есептер шығару кезінде салыстырмалы инерциялық емес жүйедегі қозғалысты түсіндіреді. Сұйықтар мен газдардың жалпы қасиеттерін ескере отырып, механикалық тербелістерді көрсетеді.

Пән механикалық құбылыстарды таниды және бар білімдер негізінде осы құбылыстардың негізгі қасиеттерін немесе пайда болу шарттарын түсіндіреді. Бірқалыпты және біркелкі емес қозғалыстар, механикалық қозғалыстың салыстырмалылығы, денелердің еркін түсуі, шеңбер бойымен біркелкі қозғалыс,инерция, денелердің өзара әрекеттесуі, реактивті қозғалыс туралы түсініктерді қалыптастырады. Механикалық құбылыстардың негізінде қатты денелердің, сұйықтардың және газдардың қысымның берілуін, атмосфералық қысымды, айналу осі қозғалмайтын қатты денелердің тепе-теңдігін көрсетеді.

Пән механикадағы есептерді шығару әдістемесі студенттерге механика курсы бойынша есептерді шешудің негізгі әдіснамасын игеруге көмектеседі. Кинематика және динамика есептерін шешу дағдыларын меңгеру. Студенттерде физикалық тапсырмаларды орындау кезінде аналитикалық дағдыларды қалыптастыруды қарастырады, мысалы, материалдық нүктенің динамикасы, қатты дененің динамикасы. Пәнге сәйкес қозғалыс пен өзара әрекеттесудің әртүрлі формаларының типтік есептерін шешу әдістемесі талданады.

Аталған пән барлық денелер өте көп молекулалардан тұрады деп алып, осы денелерде болып жатқан макроскопиялық және микроскопиялық үрдістер қарастырады. Молекула-кинетикалық теория негіздеріне сүйене отырып заттың құрылымы және оның қасиеттерінде сыртқы факторлар әсерінен болатын өзгерістер, құбылыстар оқытылады. Сонымен бірге, әртүрлі агрегаттық күйлердегі (газдар, сұйықтар және қатты денелер) болып жатқан жылулық үрдістер де қамтылады.

Механика және астрофизика негіздері денелердің механикалық қозғалысын сипаттайтын, жалпы және теориялық сипаттағы негізгі заңдар мен принциптерді зерттейді. Механиканың өзіндік мағынасы бар тарауларын қарастырады: тербеліс теориясы, тұрақты тепе-теңдік және қозғалыс тұрақтылығы теориясы, гироскоптар теориясы, айнымалы массалық денелер механикасы, автоматты реттегіштер теориясы, әсер ету теориясы. Астрономияның көптеген салаларында механика ерекше орын алады.

Есептер шығару – ойлауды дамытудың негізгі құралдарының бірі. Пән негізінде механикадан есептерді шығару әдістемесі қарастырылады. Кинематика мен динамиканың негізгі формулалары қалыптасады. Оқушыларға эксперименттік дағдыларды көресетеді. Оқушыларға есептерді шешу алгоритмдері туралы олардың мектеп тәжірибесінде сәтті қолданылуына ықпал ететін мәліметтер береді. Пәнді табысты игеру үшін студенттерге білім және практикалық жаттығулар ұсынады. Есептер шығару объектіні түрлендіруге, мәселенің шарты мен талабы арасындағы қайшылықты шешуге бағытталған.

Мектеп эксперименті техникасы пәнінің оқытылуының маңызы орта мектептегі физика пәнінің эксперименттік тұрғыда теориялық біліммен байланысын қамтамасыз ету. Мектеп оқушылары біліммен қатар физикалық құрал-жабдықтармен қолдануды үйренеді,мәліметтер көмегімен өз бетінше жұмыс жасауға дағдыланады. Зертханалық жұмыстарды жасау барысында формулаларды қортып шығарумен бірге тиімді қолдана алады. Физикалық құбылыстардың шығу тегін зерттей келе,олардың байланыстарын анықтау арқылы заңдылықтарын зерттеу, тәжірибелік тұрғыда пайдалану

Зат құрылысының теориясы әртүрлі агрегаттық күйлердегі (газдар, сұйықтар, қатты денелер) заттардың физикалық қасиеттерін олардың молекулалық құрылымын түсіндіру негізінде оқытады. Зат құрылысының теориясы пәні студенттердің заттың құрылысының атомдық-молекулалық құрылымы туралы көзқарасты және әлемнің замануи ғылыми бейнесін қалыптастыруға көмектеседі. Студенттерде қоршаған орта және материяның зат түріндегі формасы туралы нақты ғылыми көзқарастар пайда болады.

Пәнді оқу барысында қатты денелердің механикалық қозғалысының негізгі заңдылықтары мен принциптері, Ньютон және Кеплер заңдары, механикадағы сақталу заңдары, планеталар қозғалысының заңдары, тербеліс пен толқындардың және Акустикадағы доплер эффектісі заңдылықтары туралы білім қалыптасады. Студенттер қатты денелердегі, сұйықтардағы және газдардағы қысымның берілуі, атмосфералық қысым, сұйықтар мен газдар механикасы туралы түсінік қалыптастыратын механикалық құбылыстарды практикалық қолданудың теориялық негіздері туралы білім алады.

Негізгі құбылыстармен жекелей жұмыс жасап, бақылау нәтижесін талдайды. Физикалық практикум жұмыстарын жүргізуді және демонстрациялық эксперименттермен жұмыс жасауды қарастырады. Зертханалық жұмыстарды алдын-ала іріктеп, маңыздыларын дайындау арқылы оқу үрдісінде қолданады. Ғылыми әдістемелік құралдармен жұмыс істеу және әдебиеттерді қолдануға дағдыландырады. Эксперимент негізінде физикалық тұрақтыларды анықтап, техникалық құралдармен таныстырылады. Физиканың әртүрлі салаларының аспаптарының жұмыс принциптерін түсіндіретін болады.

Электромагниттік құбылыстар теориясы пәні маңызды электромагнетизмдегі физикалық құбылыстар, ұғымдар, заңдардың теориялық негіздері және оларды практикада қолдану жолдарын оқытады. Электр және магниттік құбылыстардың негізгі ұғымдары мен жалпы принциптері, заттардың электрлік және магниттік қасиеттері, физикалық құбылыстарды зерттеу мен олардың эксперименттік әдістері қарастырылады. Студенттер электромагнетизмнің практикада қолданылауының теориялық негіздері, әртүрлі электромагниттік құбылыстар мен эффектілер арасындағы байланыстардың математикалық өрнектері туралы білімдер алады.

Аталған пән бойынша физиканың негізгі тарауы молекулалық физика бойынша есеп шығару әдістемесі көрсетіледі. Сондай-ақ молекулалық физика бойынша теориялық негіздер, негізгі есептердің шығарылу жолдары қарастырылады. Білім алушылар есеп шығару кезінде қателіктерді болдырмау мақсатында алдын ала тақырыптарға шолу жасап, есеп шығару әдістемелеріне тоқталып, физикалық терминдерге шолу жасап, физикалық құбылыстарды есеп шығару кезінде түсіндіру басты мақсат.

Берілген тарауда молекулалық физиканың негізгі заңдарын, тақырыптарын және есептерін қарастырады. Есеп шығару кезінде білім алушылардың негізгі ойлау және бекіту дағдыларын қалыптастырады. Заттың түрлі агрегаттық күйлерін, сонымен қатар микроскопиялық құрылымын, сыртқы факторлар әсерін (температура, қысым, көлем), әр түрлі заттардың химиялық және физикалық қасиеттерін негізге ала отыра есептерді шығару маңызды болып табылады.

Электр және магнетизм пәнін оқу барысында электр өрісі, оның негізгі сипаттамалары, тұрақты электр тогы, магнит өрістеріне байланысты құбылыстарды, электр және магнит өрісі арасындағы байланыстар туралы білімдер қалыптасады. Электр өрісін электр зарядтары, ал магнит өрісін тұрақты магнит пен тогы бар өткізгіш тудыратынын, сонымен бірге электр және магнит өрістерінің біртұтас электромагниттік өрісті құрайтыны туралы біліммен қамтамассыз етеді.

Пәнді игеру барысында білім алушылар сабақ құрылымындағы жаңа өзгерістерді жоспарлаудың әртүрлі түрлерімен танысады. Оқыту әдістерін қарастыра отырып, оқу процесінің тиімділігін арттыруға, оқытудың жаңа заманауи құралдарын тиімді пайдалануға, оқыту әдістері мен танымдық әдістер арасындағы байланысты көрсете отырып, білім алушылардың танымдық белсенділігін арттыруға баса назар аудара отырып, білім алушылардың әдістемелік білім элементтерін қалыптастыру әдістерін үйретеді.

Тапсырмаларды шешу білім алушыларда логикалық ойлауды дамыту кезінде негізгі құралдарының бірі болып табылады. Әр түрлі есептерді, атап айтқанда молекулалық физика тарауы бойынша және топта оның шешімін ұйымдастыру ойлау қабілеттерінің дамуына ықпал етеді. Бұл жерде есептер жүйесін және оларды сабақ уақытында жүйелі шешуді ұйымдастыру жаңа формаларын дидактикалық негізді таңдау өте маңызды болып саналады.

Электромагниттік құбылыстардың физикалық негіздері пәні электростатика, тұрақты электр тогы заңдарының, магнит өрісіне, сонымен қатар электр магнит өрістері арасындағы байланыстарды көрсететін құбылыстар мен заңдылықтардың физикалық негіздерін қарастырады. Студенттер электромагниттік құбылыстар мен үрдістерді эксперименттік зерттеу дағдыларын алады. Пәнді оқу барысында қоршаған ортадағы физика заңдарының бір-бірімен тығыз байланысты және олардың біртұтастығы туралы, электромагнетизм заңдарының қолданылу шектері туралы құзыреттіліктер қалыптасады.

Пәнді оқыту білім алушыларда жалпы педагогикаға, физиканы оқыту әдістемесіне, орта білім беру мектептерінде физика бойынша оқу-тәрбие процесінің мазмұны мен ұйымдастырылуы туралы білімдердің базалық жинағын қалыптастыруға және қазіргі мектепте физика пәнін оқытуға мамандар даярлауға бағытталған. Пәнді оқу барысында студенттер оқытудың жолдары мен құралдарын, мұғалімнің практикалық қызметі саласындағы дағдыларды зерттеу дағдыларын қалыптастырады және студенттерге білім берудің ғылыми негізделген әдістері мен тәсілдерін игереді.

Пән тарихи фактілерді, Абай Құнанбайұлы, Шәкәрім Құдайбердіұлы шығармаларының идеялық-эстетикалық құндылықтарды қалыптастыратын философиялық-көркемдік негіздерін игерте отыра, студенттің өз пікірін айта білу, практикалық дағдыларды және адамгершілік, адалдық, көркем мінез сияқты адами қасиеттерді қабылдауды меңгертеді. Қазақ әдебиеті қаламгерлерінің данышпандық қырлары мен М.Әуезовтің Абай мұрасын зерттеу, насихаттаудағы рөлін, шығармаларының тарих, әдебиет, ғылым үшін маңызын айқындайды.

Пән болашақ физика мұғалімінің оқытудың әртүрлі әдістерін, оқыту әдістері мен құралдарын пайдалана отырып, оқытылатын пәннің ерекшелігін ескере отырып, білім алушыларды оқыту мен тәрбиелеуді жүзеге асыру үшін қажетті біліммен қамтамасыз етеді. Пәнді оқу барысында студенттерде физиканы оқыту теориясының негізгі категориялары, әдістері мен құралдары туралы тұтас түсінік, негізгі мектептің базалық курстарын тиімді оқыту дағдылары қалыптасады.

Пәнді оқыту білім алушылардың орта және жоғары оқу орындарында физика курсының ғылыми және психологиялық-педагогикалық негіздерінің құрылымы мен мазмұнын зерттеу негізінде, физиканы оқытудың принциптері мен әдістерін меңгеруін қамтамасыз етеді. Пәнді оқу барысында білім алушыларға пән бойынша оқу жоспарын әзірлеу, кәсіптік оқыту үдерісінің түріне байланысты материалдарды таңдау, әдіснамалық тәсілдерді қолдану, студенттерге оқытудағы проблемаларды шешу жолдарын анықтайтын әдіс тәсілдерін үйретеді.

Пәнді оқыту - болашақ педагогтарды мұғалім деңгейінде АКТ оқыту және оқыту процесін басқару құралы ретінде пайдаланудың мүмкіндіктерімен, ерекшеліктерімен және негізгі бағыттарымен таныстыру үшін бағытталған. Сондай-ақ АКТ негізінде оқу қызметін ұйымдастырудың әдістемесін практикалық түрде меңгеру, цифрлық оқыту ресурстарын, білім беру сайттары мен электрондық оқулықтарды құруға арналған заманауи құралдар мен білім беру платформаларымен, порталдармен және сайттармен жұмыс жасауды үйрету.

Бөлшектер физикасының маңызды мақсаты-табиғаттың негізгі жалпы физикалық заңдылықтарын анықтау. Атом ядросының негізгі қасиеттері, ядроның байланыс энергиясы. Ядролық күштер, жеңіл және ауыр ядролардағы ядролық реакциялар, нейтрондармен ядролық реакциялар, ядролық модельдер. Элементар бөлшектер кестесі, ядроның кварк моделі, материя құрылымының қазіргі теориясы. Адрондар құрамдас бөліктер ретінде. Іргелі өзара әрекеттесудің алмасу механизмі. Жалпы теориялар түсінігі.

Пәнді оқу барысында студенттер STEM білім беру түсінігімен, оның міндеттері мен өзектілігімен, іске асыру принциптерімен, артықшылықтары мен кемшіліктерімен танысады. Студенттер STEM білім беруде кейс-технологиялармен жұмыс істеу, ақпараттық-коммуникациялық технологияларды пайдалану және жобалық әрекеттерді жүзеге асыру дағдыларын меңгереді. Курстың практикалық компоненті STEM білім берудің нысандары мен әдістерін, сонымен қатар білім беруде STEM технологиясын қолдану тиімділігін бағалау әдістерін зерттеуге бағытталған.

Аталған пән орта мектеп физика курсындағы электр және магниттік құбылыстарды оқыту әдістемелерін талдап көрсетеді. Пәнді оқу барысында студенттер электростатиканың негізгі ұғымдарымен танысып, қажетті практикалық дағдылар алады. Электр тізбектері элементтерімен танысып және электрлік сұлбаларды жинау дағдыларды үйренеді. Магнит өрісін сипаттайтын негізгі ұғымдарды жете түсініп, зертханалық жұмыстар, демонстрациялық эксперименттер жасау арқылы теориямен практиканың бір тұтастығына көз жеткізеді

Оптикалық құбылыстардың физикалық негіздері пәнін оқу арқылы студенттер жарықтың бір жағынан электромагниттік толқын, ал екінші жағынан жарық кванттарының ағыны екендігін, сол арқылы жарықтың затқа әсері электромагниттік толқындардың әсері деп түсіну керектігіне көз жеткізеді. Жарықтың табиғаты мен оның таралу заңдылықтарын оқып-үйрене отырып студенттер қоршаған ортада болып жатқан оптикалық құбылыстардың физикалық негіздерін түсіне алады.

Аталған пәнді оқу барысында студенттер геометриялық (сәулелік), толқындық және кванттық оптиканың негізгі құбылыстары, заңдары және заңдылықтарымен жете танысады. Студенттер пән бойынша алған теориялық білімдерін өзінің жұмыс саласында практика жүзінде, атап айтқанда әртүрлі қиындықтағы есептерді шығару, ғылыми-зерттеу эксперименттерін жасау кезінде қолдана алуды, табиғатта болып жатқан оптикалық құбылыстарға өз бетінше талдаулар жасауды үйренеді.

Аталған пән материалдық нүкте кинематикасы мен динамикасының негізгі ұғымдарын оқыту әдістемесі туралы мағлұмат береді. Динамика заңдарын физиканы кез келген бөлімінде қолдану шекаралары туралы түсінік қалыптастырып, оны практика жүзінде қоладана алуға дағдыланады. Қатты дене кинематикасы мен динамикасы заңдарының физикалық мағынасы талданып ол туралы алған білімдерін тереңдетуге мүмкіндік туады. Материаның сақталу заңдары оқып үйрену арқылы оның орындалатындығына көз жеткізеді.

Пәнді оқу аймағында студенттер мультимедиялық технологиялар саласындағы жалпы ұғымдар мен анықтамалармен, мультимедиялық технологиялардың қолданылу аясымен, даму тарихымен, бағыттарымен және қолданылуымен танысады. Анимацияны құрудың заңдылықтары мен принциптері, хронометраж ережелері, анимация фрагментін ойнату уақытын есептеу, дыбысты қабаттастыру мен бейне, анимация және дыбысты қамтитын мультимедиялық клиптерді құрастыру ережелері оқытылады. Мультимедиялық дизайнның стильдік тұтастығының құралдары қарастырылады.

Пәнді оқыту білім алушылардың әлемнің ғылыми суреттемесін диалектикалық тұрғыдан түсінуді және ғылыми көзқарас қалыптастыруды, студенттерге физиканың ілгері заңдарын, классикалық теорияларын практикалық есептерді шешуге қолдануды үйретеді. Пәннің негізгі мазмұны: атом туралы кванттық ұғымдар, корпускулалық толқындық дуализм, Луи де Бройль гипотезасы, Гейзенбергтің белгісіздік қатынасы, Шредингер формуласы, атом ядросының құрылысы, термоядролық реакциялар, қатты дененің кванттық физикасы.

Курстың мақсаты- студенттерде энергия құрылымы және атомдар мен иондардың спектрі туралы негізгі білімді қалыптастыру. Теориялық материал эксперименттік жұмыстардың нәтижелерімен суреттелген. Студенттердің релятивистік емес кванттық механиканың негіздерін білуі болжанады. Сутегі атомының теориясы, бұрыштық импульс, көп электронды атомның құрылымы, атомның сыртқы өрістермен әрекеттесуі егжей-тегжейлі қарастырылады. Сілтілік металдар атомдарының спектрлері. Практикалық мақсатта спектрлік талдауды қолдану.

Физикалық оптика жарық шығару үрдістеріне, жарықтың және жарық құбылыстарының табиғатына байланысты құбылыстарды, заңдылықтарды қарастырады. Физикалық оптика пәнін оқу барысында студенттерде басқа пәндерді түсінуге және әртүрлі құралдар мен жүйелерді құрастыруға қажетті қазіргі заманғы оптиканың теориялық және физикалық негіздері туралы білімдерін практика жүзінде қолдану дағдылары қалыптасады. Физикалық оптика геометриялық оптиканың барлық заңдарын қорытып шығаруға және олардың қолданылу шекараларын айқындауға мүмкіндік береді.

Пәнді оқыту білім алушыларды жаңартылған білім беру бағдарламасы мен оқытудың тиімді әдістерін қолдану әдістерімен таныстырады. Оқыту нәтижелерін бағалаудың заманауи құралдарын іс жүзінде қолдануды, оқушылардың формативті және жиынтық бағалауын жоспарлауды, критерийлер бойынша оқу нәтижелерін бағалау дағдыларын қалыптастырады. Пәнді оқу барысында студенттердің сыни және шығармашылық ойлау, ақпараттық-коммуникациялық технологияларды қолдану, заманауи технологияларды меңгеру, оқушылардың үлгерімін диагностикалау және заманауи әдістерді қолдану сияқты білімдері дамытылады.

Осы пәнді оқу арқылы студенттер бірінші реттік және екінші реттік мәңгілік двигательді жасаудың мүмкін еместігіне көздерін жеткізеді. Термодинамиканың бірінші бастамасының фундаментальді заңдардың бір екенін түсініп, оны қолдану дағдыларын алады. Термодинамиканың екінші бастамасымен таныса отырып қыздырғыш және суытқыш машиналардың жұмыс принципімен танысады. Энтропия ұғымының физикалық мағымымен таныса отырып бүгінгі замандағы климаттың өзгеру үрдістері туралы ойлары қалыптасады.

Пәнді оқу барысында студенттерде электромагниттік өрісте болатын физикалық құбылыстар туралы түсінік қалыптасады, классикалық және кванттық теория бойынша электромагниттік өрістегі зарядталған бөлшектердің қозғалысының негізгі заңдылықтары туралы білім, теориялық физиканың математикалық аппаратымен жұмыс істей білу және классикалық және кванттық механика, электродинамика есептерін шешу әдістері мен пән бойынша құзыреттіліктерін дамытады, алған дағдыларын мектепте қолдана алады.

Тапсырмаларды шешу ойлауды дамыту кезінде негізгі құралдарының бірі болып табылады. Әр түрлі есептерді, атап айтқанда, электр және магнетизм тарауы бойынша және сыныпта оның шешімін ұйымдастыру ойлау қабілеттерінің дамуына ықпал етеді. Бұл жерде есептер жүйесін және оларды сабақ уақытында шешуді ұйымдастыру формаларын дидактикалық негізді таңдау өте маңызды болып саналады.

Робототехниканың негізі оқушылардың физикалық білімдері аясында қарастырылады. Базалық білім электротехника және электроника саласында беріледі, оқушылар мектептегі физика курсында өтеді, сол арқылы робототехника мен физиканы байланыстырады. Пән аясында Atmega және STM микроконтроллерлері зерттеледі, бұл оларды қолданудың қарапайымдылығымен және тәжірибеде кең таралуымен түсіндіріледі. Студенттердің микроконтроллердің жад және ADC сияқты маңызды перифериялық құрылғыларымен таныса алуы ерекше маңызды.

Пән аясында метрология және өлшеу технологиясының негіздері оқытылады. Эксперименттік жұмыстың маңызды бөлігі статистикалық мәліметтерді өңдеуді дұрыс өлшеу және құрастыру болып табылады. Сондықтан студенттер өлшеу құралын дұрыс таңдай алуы және сенімділік интервалдары мен абсолютті мәндерді табу сияқты негізгі статистикалық өңдеу алгоритмдерін жақсы меңгеруі, сондай-ақ өлшем бірліктерін бір жүйеден екінші жүйеге дұрыс түрлендіруі керек.

Бұл пәнді оқыту теориялық физиканың теориялық механика, электрдинамика және кванттық механика бөлімдерін тереңдетіліп оқуына бағытталған. Әртүрлі конфигурациядағы электрмагниттік өрістердегі зарядталған бөлшектердің қозғалысын қарастырған кезде, пайда болатын практикалық есептерді шеше білетін студенттің математикалық дайындығын қалыптастырады. Оқытудың нәтижелері физик - зерттеуші дағдыларын меңгеруге және физикалық электрониканың түйінді мәселелеріне көңіл аударуға мүмкіншілік береді. Физика пәнін оқытудың заманауи технологияларының тиімділігін көрсетеді.

Бұл курс айқасқан магнит және электр өрістеріндегі бөлшектердің қозғалысын қарастырады. Бұл өрістер ретінде магнит және біртекті емес электр өрістерін алуға болады. Бұл есепті физиканың мектеп курсындағы аса жоғары жиіліктегі электроникада және радиоэлектроникада қарастыруға болады. Осы теорияның негізінде жасалған прибораларды, сонымен қатар электртехникада қолданады. Осы приборларды радиоэлектроника бойынша физика үйірмелерінде қолдануға болады.

Физикалық оптика геометриялық оптика заңдылықтарын және толқындық оптиканың кейбір заңдылықтарын қарастырады. Бұл жағдайда табиғаттағы оптикалық құбылыстардың физикалық мағынасын түсінуге үлкен мән беріледі. Мектептегі физикалық оптика бойынша оқу процесінің әдістемесін дамыту арқылы оқушылардың геометриялық оптика заңдылықтары, олардың практикалық қолданылуы, электромагниттік сәулеленудің табиғатын түсінудегі геометриялық оптиканың орны туралы білімдерін бекіту жолдары талданады.

Кванттық физика көптеген тәжірибелік және теориялық маңызды міндеттерді, соның ішінде әртүрлі ғылыми бағыттардың түйіскен жерінде туындайтын мәселелерді сауатты шешуге қабілетті мамандарды даярлайды. Релятивтік емес кванттық механиканың негізгі ұғымдары мен түсініктерін қалыптастырады. Бұл пән микробөлшектердің сыртқы өрістердегі қозғалысын зерттейтін іргелі физикалық теорияны оқытады. Білім алушы кванттық заңдарға бағынатын құбылыстардың физикалық табиғаты туралы түсінікті, кванттық процестерді түсіндіреді.

Аталған пән бойынша зертханалық жұмыс орындау маңызды рөлге ие. Электр және магнетизмен зертханалық практикум қысқаша теориялық мағлұматтар, әдістемелік нұсқаулар, лабораториялық жұмыс орындау тәртібі мен бақылау сұрақтары қамтылады. Білім алушылар тұрақты ток және магнетизм тақырыптары бойнша виртуалды зертханалық жұмыстарды қарастырып, бекітуге арналған тапсырмалар орындалады. Физикалық құбылыстарды зертханалық жұмыстар арқылы түсіндіру курстың басты мақсаты болып табылады.

Бұл пәнді оқу барысында студенттерде есептерді шешу әдістерін тиімді таңдау дағдылары қалыптастырылады, оптика бөлімдері бойынша есептерді шешу алгоритмдері жүйелі түрде меңгеріледі. Есептерді шығару кезінде қажетті суреттерді, сызбаларды, графиктерді салу жолдары түсіндіріледі және талданады. Пәнді оқу барысында студенттер жарықтың геометриялық, толқындық және кванттық қасиеттері туралы алған теориялық білімдерін практикада қолдану жолдарын қарастырылады

Бұл пәннің аясында студенттерге электр құбылыстарының негізгі заңдылықтары мен жартылай өткізгіш элементтер физикасына негізделген робототехника негіздері оқытылады. Толық тізбек үшін Ом заңы және тәжірибелік қондырғыдағы белсенді элементтердің ток-кернеу сипаттамаларының әрекеті қарастырылады. Студенттер транзисторлар негізінде қарапайым цифрлық құрылғыларды құру принциптерін де меңгереді. Бұл білімді меңгеру студенттерге болашақта робототехника және мехатроника сияқты білім салаларын жылдам меңгеруге мүмкіндік береді.

Пәнді оқыту релятивистік емес кванттық механиканың негізгі заңдары мен математикалық аппаратын білетін болашақ физика мұғалімін дайындауға бағытталған. Пәнді оқу кезінде теориялық физиканың негізгі бөлімінің іргелі ұғымдарын дұрыс түсіндіре білу, СИ жүйесіндегі нақты физикалық объектілердің параметрлерінің сандық есептеулерін жүргізу, сипаттауға кванттық тәсілдің ерекшеліктерін көрсете білу. классикалық сипаттаудан айырмашылығы физикалық құбылыстар мен микроәлемдегі кванттық құбылыстардың ерекшеліктерін білу.

Барлық оқыту әдістемелері жалпы теорияға негізделеді. Берілген пән бойынша электр және магнетизм тақырыптары бойынша негізгі оқыту әдістемелері қарастырылады. Сонымен қатар, меңгерген теориялық білімді практикалық жүзінде есептер шығарғанда қолдана алу маңызды рөлге ие. Аталған пән бойынша есептер жүйесін және оларды сабақ уақытында жүйелі шешуді ұйымдастыру жаңа формаларын дидактикалық негізді таңдау міндетті болып саналады.

Пәнді оқу барысында білім алушылар оптика курсында алған теориялық білімдерін іс жүзінде қолдану дағдылары қалыптасады. Пәнді оқыту барысында студенттер геометриялық оптика заңдарымен танысады, оптикалық жүйелердегі кескіндерді салуды үйренеді, фотометрия ұғымдарын қолданады. жарықтың толқындық табиғатын бейнелейтін құбылыстардың физикалық мағынасын түсінеді, толқындық оптиканың негізгі заңдарын практикада қолданады, кванттық оптика мәселелерін шешу арқылы микродүние туралы ғылыми көзқарастарын қалыптастырады.

Кванттық механика теориялық физиканың негізгі бөлімі болып саналады. Сондықтан кванттық теорияның принциптерін анықтау үлкен рөл атқарады. Бұл принциптер мектептің физика курсында жалпы түрде қарастырылады. Бұл принциптерге Гейзенбергтің анықталмағандықтар принципі, себептілік принципі және т.б. жатады. Осы принциптер қазіргі заманғы физикада және қазіргі заманғы философияда, сонымен қатар мектептегі физика курсында үлкен рөл атқарады

Жалпы курс физикасында молекулалық физика курсы үлкен рөл атқарады. Бұл курс орта мектептің физика курсында маңызды рөл атқарады. Молекулалық физиканың элементтері университеттің термодинамика курсында және статистикалық механикада көрсетіледі. Термодинамика және статистикалық механиканы игеру нәтижесінде болашақ физика мұғалімі микроскопиялық жүйелердегі негізгі заңдарды өз бойына сіңіреді. Статистикалық механика термині алыс шетелде қолданылады.

«Радиофизика негіздері» пәні радиотізбектерді зерттеу, талдау, электрондық құрылғыларды жобалау, құру, тексеру, метрологиялық, сертификаттау ережелерін қарастырады. «Радиофизика негіздері» пәні жартылай өткізгіштердің фотоөткізгіштігін, кристалдардың рентгендік дифракциялық зерттеу әдістерін, кристалдық тордың тербелістерін, фотосезімталдықтың спектрлік және температуралық байланысын қамтиды. Сондай-ақ әртүрлі электронды қондырғылар негізінде сигналдарды өндіру, тасымалдау, өңдеу және түрлендірумен байланысты негізгі физикалық заңдылықтарды зерттеудің сипаттамасын орындайды.

Тұрақты және бір фазалы айнымалы токтар тізбектерінің теориясы және талдау әдістері. Пассивті және активті тізбектердегі физикалық процесстер туралы жалпы мағлұмат беріп, осы пәнді оқу барысында тереңірек талдау жасалынады. Электр фильтрлері, айнымалы токтың үш фазалы тізбектерінің ауысымы туралы беріледі. Сызықты және бейсызықты, параметрлік тізбектер жайлы тақырыбы қарастырылады. Цифрлік электроника негіздері. Цифрлік техниканың функционалдық түйіндері. Радиоэлектрониканың жетістіктері мен даму бағыттары қамтылады.

'Электроника негіздері' пәні радиоэлектрондық технологиялар шешетін мәселелерді, жартылай өткізгіш құрылғылардың, жартылай өткізгіш құрылғылардың, элементтер мен жартылай өткізгіштердің, гибридті және пленкалы интегралды схемалардың физикалық негіздерінің тақырыптарын қамтиды.Жартылай өткізгіш құрылғылардағы процестер техникалық мәселені шешу үшін қолдануды, барлық қажетті деректерді алуды, негізгі параметрлерді өлшеу мен бағалауды, электр сигналдарын өндіруді, күшейтуді және түрлендіру әдістерін ескереді.

Курс аспан денелерінің құрылымы мен орналасуын , олардың мөлшерінің өзгеруін, астрономия бөлімдерінің сипаттамаларын толықтай қарастырады. Осы пәннің жаңа ашылуларын толыққанды сипаттайды. Астрономиядағы жаңа жаңалықтарды, оның жаратылыстану жүйесіндегі рөлін, тәжірибелік білімдегі маңызын, жердің формасы мен ішкі құрылысын қамтиды. Планеталар атмосферасының әр қабатын, координаталардың өзгеруін және сфералық астрономия элементтерін сонымен қатар аспан механикасының негіздерін айқындайды.

Теориялық физиканың негізгі әдістері арқылы әдіснамалық жалпылау, физикалық ұғымдар мен қағидаттарды қолдану әдістерін, олардың қазіргі ғылыммен, техникамен байланысын көрсетеді. Термодинамика және статистикалық физика бойынша есептерді шешу әдістерін меңгереді, Гаусс және халықаралық бірліктерде алынған әрбір жеке физикалық жүйе өлшемдеріндегі сандық мәндерін таба біледі. Білім алушыларды макроскопиялық жүйелердің негізгі термодинамикалық, статистикалық заңдылықтарымен танысады.

Бұл пәнге ядро және элементар бөлшектер физикасының есептері кіреді. Практикалық қолданумен байланысты көптеген түпнұсқа есептер қамтылған. Ең қиын есептер үшін шешімдер мен жауыбы беріледі. Мұндағы негізгі тақырып – ядро мен элементар бөлшектердің қасиеттеріне әртүрлі есептерді зерттеу. Өз бетінше шешуге және әртүрлі тұрақтыларды қолдана білуге арналған тапсырмалар беріледі. Релятивистік мазмұн мәселелері де қарастырылады.

Бұл пәнде жалпы аспан денелерінің орналасуы, жерде және уақытты бағдарлаудың тәжірибелік дағдылары мен тәсілдерінің, түрлі астрономиялық құбылыстардың болжамдарының, күн-жер байланыстарының, аспан денелерінің(астероид,метеорид) зияны мен әсері. Заманауи ғарыштық навигациялық және байланыс технологиялары, Күн жүйесінің планеталарын зерттеудің заманауи өзектілігі. Ғарыштық объектілердегі физикалық үрдістер мен заңдар. Жұлдыздардың, планеталық жүйелердің, жұлдызды жүйелердің және галактиканың пайда болуы және эволюциясы.

Пәнді оқытуда атомдық және ядролық физиканың негізгі мәселелері бойынша есептер қарастырылады. Есептер шығару бөлімнің тақырыбын терең меңгеруге ықпал етеді, алған білімдерін практикада қолдануға үйретеді. Атомдық физиканың негізгі формулаларына: Бор теориясы, атомдардың спектрлері, Шредингер теңдеуі сияқты типтік есептерді шешу мысалдары бойынша есептеу, демонстрациялық есептерді шешу жүзеге асырылады. Өз бетінше шешуге арналған тапсырмалар беріледі.

Пәнді оқыту – білім алушылардың кәсіби коммуникативтік құзыреттілігін - өз мамандық саласында, дене ғылымының негізгі ұғымдары мен терминдерін, шетел тілінде физикадан сабақ жүргізудің ерекшеліктерін қолдана білу дағдыларын үйретуге бағытталған және ағылшын тіліндегі терминдерді меңгеруді, жоба жұмыстары, дөңгелек үстел, интегративтік тапсырмалар мен интерактивтік әдіс тәсілдерді ағылшын тілінде (пікірталас, дебат, конференция, презентация, баяндама, көпшілік алдында сөйлеу ағылшын тілінде) қолдана білуді меңгеруге арналған.

Мектептің физика курсында молекулалық физика курсы үлкен рөл атқарады. Молекулалық физиканың негізгі элементтері университет курсындағы термодинамиканың және статистикалық физиканың негізгі идеяларын насихаттайды. Термодинамика курсы және статистикалық физика теориялық физиканың әдістерін жалпылайды және физикалық ұғымдарды қолдану әдістерін көрсетеді. Термодинамика және статистикалық физиканы оқыту процесінде физиканың болашақ мамандары микроскопиялық жүйенің термодинамикалық және статистикалық заңдылықтарымен танысады.

Бұл пәнді оқытуда атомдық физика мен спектроскопияның есептерін шешу мәселелері қарастырылады. Сабақта әртүрлі тапсырмаларды ұйымдастыру және оларды шешу оқушылардың ақыл-ой қабілеттерін дамытуға, негізгі физикалық құбылыстар, заңдар мен процестер туралы нақты түсінік қалыптастыруға, физикалық құбылыстар мен шамалар арасындағы байланысты математикалық түрде көрсетуге ықпал етеді. нақты теориялық және практикалық мәселелерді шешу қабілетін дамыту.

Оқушылардың жеке, физиологиялық және психологиялық ерекшеліктерін ескере отырып, заманауи оқыту технологиялары мен критериалды бағалауды қолдану.

Физиканың классикалық бөлімдері саласында тәжірибелер жасау, физикадағы зерттеу әдістерін сипаттау.

Қоғам дамуының заманауи тенденцияларын ескере отырып, әлеуметтік-мәдени, экономикалық, құқықтық, экологиялық білімді, коммуникативті дағдыларды көрсету, ақпараттық технологияларды қолдану.

Физиканың іргелі білімін физиканың негізгі есептерін, физикалық құбылыстарды шешуде, негізгі физикалық терминдерді, шамаларды, олардың математикалық өрнектерін және өлшем бірліктерін түсіндіруде пайдалану.

Орта білім берудің барлық деңгейлерінде білім берудің интеграциясы мен сабақтастығы қағидаттарын ескере отырып, білім беру жүйесін дамытудың өзекті міндеттерін, оқу сабақтарын жоспарлау.

Оқу үрдісінде заманауи ақпараттық-коммуникациялық технологияларды қолдану және физикадан дидактикалық материалдарды, виртуалды эксперименттер мен демонстрацияларды әзірлеу.

Педагогикалық, ғылыми-зерттеу және тәрбие жұмыстарын жүргізу.

Физиканы оқытудың теориясы мен технологиясы, инновациялық педагогикалық технологиялар бойынша терең арнайы эмпирикалық және теориялық білімді, практикалық және теориялық әрекеттерді орындау біліктері мен дағдыларын қамтамасыз ететін жеке тұлғалық қасиеттерді қалыптастыру.

Физиканың таңдалған саласында теориялық және эксперименттік зерттеулер жүргізу қабілетін дамыту, өзінің кәсіби қызметінде физика дамуының заманауи үрдістерін ескеру.

Физиканың классикалық бөлімдері бойынша эксперименттер жүргізу, типтік есептерді жан-жақты шеше отырып, физикалық териминдерді қолдану. Физикалық есептерді шығару құрылымының алгоритімін құру, дәлелдеулерді сауатты тұжырымдау.