7M04117 Экономика және басқару (1 жыл) в Семей қаласының Шәкәрім атындағы университеті

"ҚР-да өндіріс пен басқарудың ұйымдастырушылық нысандарын дамыту" курсы дамудың қазіргі жағдайларын ескере отырып, сауатты басқару шешімдерін қабылдау негізінде жатқан республиканың өндірістік кәсіпорындарының жұмыс істеу теориясы мен практикасы саласындағы мәселелерді зерделеуге бағытталған. Нәтижесінде магистранттар өндірістік ұйымдарды басқарудың және жұмыс істеуінің әдіснамалық негіздерін білу негізінде кәсіпорындардың қызметін зерттеу мен талдаудың аналитикалық дағдыларын қалыптастырады.

Компаниялар шектеулі ресурстарды пайдалану арқылы және уақыт шектеулері жағдайында оңтайлы нәтижеге қол жеткізу үшін жобаларды басқаруды үнемі қолданады. Қызмет көрсету саласында ұйымның мақсаттарына жету үшін жобаларды басқаруды қолдану өте кең таралған. Жарнамалық науқандар, саяси науқандар, отбасылық демалысты жоспарлау жобалар ретінде ұйымдастырылады. Курс магистрантты жобаларды басқару әдістемелерінің бай әлемімен және оларды жаһандық ауқымда қолданумен таныстырады.

Бұл курста елдің мемлекеттік басқаруды стратегиялық жоспарлау мен бюджеттеуде қолданылатын негізгі принциптер мен әдістер зерттеледі. Мемлекеттің негізгі стратегиялық мақсаттарын орындауға бағытталған тиімді бюджет саясаты халықтың өмір сүру деңгейін және әлеуметтік тұрақтылықты арттыруға ықпал етеді. Курсты зерделеу нәтижесінде білім алушы стратегиялық жоспарлау мен бюджеттеуді іске асырудың әрбір кезеңіндегі процестер мен құбылыстарды бағалап, талдай алады.

Бұл пәнде әр түрлі нысандардың жұмыс істеуінің нақты жағдайлары сыбайлас жемқорлыққа қарсы іс-қимыл бойынша қызметтің құқықтық негіздерін қамтамасыз етуге мүмкіндік беретін экономикалық операцияларды объективті және жан-жақты талдау мен сараптаудың қажет ететіндігінің мағыздылығы қарастырылады. Сыбайлас жемқорлық көріністеріне ықпал етуі мүмкін ережелерді анықтау, сыбайлас жемқорлыққа экономикалық және тәуекелдерін талдау, сыбайлас жемқорлыққа қарсы стратегияларды білуге мүмкіндік береді.

"Экономиканың инновациялық дамуы және бәсекеге қабілеттілігі" курсы бүкіл мемлекет экономикасының бәсекеге қабілеттілігін арттыруға әсер ететін фирмалар мен кәсіпорындардың өндірістік қызметіне инновациялық, серпінді технологияларды енгізу мәселелерін қарастырады. Нәтижесінде магистранттар инновациялық технологиялар туралы, олардың әлемдік экономикадағы дамуының басым бағыттары туралы, қоғамның ғылыми-инновациялық қызметін дамытуды мемлекеттік қолдаудың рөлі туралы білім кешенін қалыптастырады.

Бұл курс магистранттарды бизнес-процестерді басқару теориясымен таныстырады. Курс жалпы адамның тәртібі туралы, сондай-ақ жұмыс жағдайындағы тәртібі туралы білімді, адамның тәртібін жүйелі түрде зерттеу үшін қолданылатын зерттеу әдістерінің жиынтығын, сонымен қатар қазіргі жұмыс орнында тиімділік үшін қажет қарым-қатынас, топтық жұмыс, қақтығыстарды шешу, көшбасшылық және ұйымдастырушылық талдау дағдыларын қамтиды.

Тиісті білім саласының түпнұсқа әдебиетін шет тілінде еркін оқуға оқытуды көздейтін кәсіби қызметті жүзеге асыру үшін жалпы мәдени, кәсіби және арнайы құзыреттерді меңгеру; мамандық бойынша монологиялық және диалогтік нысанда ауызша қарым-қатынас дағдыларын дамыту; магистранттың ғылыми жұмысымен байланысты тақырыптарда жазбаша ғылыми қарым-қатынас дағдыларын дамыту, сондай-ақ ғылыми саладағы халықаралық ынтымақтастықтың нысандары мен түрлерімен танысу.

«Микро-макроэкономикалық талдау» пәні экономикалық білім беру бағдарламасы бойынша болашақ мамандар даярлаудағы іргелі негізгі пән болып табылады. Курс шектеулі ресурстарды тиімді пайдалана отырып, ұтымды шешім қабылдауға көмектеседі. Сондықтан микро және макроэкономикалық талдау жас мамандарға микро және макро деңгейде болып жатқан оқиғаларды, процестер мен құбылыстарды кәсіби және сауатты талдауға машықтануға үйретеді. Макроэкономикалық субъектілердің өзара байланысын түсінуге мүмкіндік береді.

«Мемлекеттік және жеке серіктестік» курсында мемлекеттік және жеке серіктестіктің теориялық негіздері, экономиканы мемлекеттік реттеудегі орны мен рөлі, механизмдері мен моделі қарастырылады. Мемлекеттік және жеке серіктестік қоғамдық инфрақұрылым объектілеріне техникалық қызмет көрсету, пайдалану, жаңғырту, салуда өзара ұзақ мерзімді тиімді ынтымақтастық шарттарында тәуекелдерді, құзыреттер мен жауапкершілікті бөле отырып, әлеуметтік-экономикалық даму міндеттеріне қол жеткізу мақсатын көздейді.

«Мемлекеттік және жергілікті қажеттіліктер үшін сатып алуды ұйымдастыру» курсын оқуда мемлекеттік сатып алу жүйесі ретінде мемлекеттік және жергілікті қажеттіліктерді қамтамасыз ету үшін товарларды жеткізу, қызмет көрсету мен орындаудың ұлттық экономикадағы ерекшелігімен танысады. Мемлекеттік сатып алудың рөлі экономиканың әртүрлі салаларына қаржыларды тиімді бөлу арқылы мемлекеттік шығыстарды үнемдей отырып, мемлекеттік сектор жұмысының тиімділігін арттыруға мүмкіндік береді.

Бұл курс ұйымның инвестициялық белсенділігімен байланысты мәселелер жиынтығын қарастырады. Атап айтқанда, бірқатар әртүрлі шамаларды мұқият қарау және инфляция, тәуекел, белгісіздік сияқты факторлардың әсерінен оңтайлы шешім қабылдау мәселелері. Сондай-ақ, пән инвестицияларды талдау саласындағы категориялық-тұжырымдамалық аппараттың әртүрлі аспектілерін қамтиды. Курсты оқу студенттерге инвестициялық жобалардың тиімділігін бағалау саласында таным мен кәсіби дағдылар алуға мүмкіндік береді.

«Бизнес- процестерді талдау және жобалау» курсы бизнес- процестердің теориялық негіздерін, оларды басқару және оңтайландыруды, сондай- ақ өнеркәсіптік компаниялардың процестерін жақсарту бойынша әртүрлі жобалармен жұмыс істеуге қажетті бизнес- процестерді жобалау, талдау және жетілдірудің қолданбалы әдістерін қамтиды. Сондай- ақ, бұл пәнді оқу бизнес-процестерді талдау мен жобалаудың барлық кезеңдерінде экономист- менеджердің процесстік ойлауын қалыптастыруға ықпал етеді.

Кәсіби қызметте негізгі басқарушылық, коммуникативті білім мен дағдыларды қолдану.

Бизнесті жүргізудің сыртқы және ішкі ортасына талдау жүргізу, экономикалық өсудің негізгі факторларын анықтау, экономикалық субъектілердің өндірістік әлеуетін қалыптастыру мен пайдаланудың тиімділігін бағалау.

Мемлекет дамуының стратегиялық инвестициялық-инновациялық бағдарламаларын мемлекет пен кәсіпорын деңгейінде іске асырудың негізгі мәселелерін анықтау мақсатында талдай және бағалай білу.

Барлық меншік нысанындағы кәсіпорындар мен олардың жекелеген бөлімшелерін дамыту және басқару стратегиясын әзірлеу.

Экономика субъектілерінің микро және макроэкономикалық дамуын талдау үшін ақпаратты бағалау және түсіндіру.

Жаңа кәсіпорынды ұйымдастыруға қатысты жоспарлы және жобалық есептерді, арнайы құжаттамалардың әзірлемелерін дайындау мен жүргізуді жүзеге асыру; жұмыс істеп тұрған кәсіпорынды техникалық қайта жарақтандыру, қайта құру және кеңейту; өнімнің жаңа түрлерін енгізу.

Басқару объектісінің стратегиялық мақсаттарына қол жеткізу және макро - және мезо деңгейлерде тиімді басқару шешімдерін қабылдау бойынша шешім қабылдау жолдарын әзірлеу үшін мемлекеттік және жергілікті басқару саласындағы білімді біріктіру.

Сыбайлас жемқорлық тәуекелдерін және қабылданған шешімдер үшін әлеуметтік, этикалық жауапкершілікті ескере отырып, мемлекеттік және жергілікті басқару саласындағы ұйымдастырушылық басқару шешімдерін қабылдау және жүзеге асыру.