6B01503 Физика в Ілияс Жансүгіров атындағы Жетісу университеті

Қазақстан Республикасының негізгі салалары мен институттарын сипаттайды: конституциялық; әкімшілік; азаматтық; қаржылық; қылмыстық; рәсімдік; еңбек; кәсіпкерлік; экологиялық. Қазақстан Республикасының сыбайлас жемқорлыққа қарсы мәдениетінің заңнамалық негіздерін зерделеу. Студенттің құқықтық және сыбайлас жемқорлыққа қарсы мәдениетін қалыптастыру. Ұлттық құқық салаларында және сыбайлас жемқорлыққа қарсы күрес саласында құқықтық қатынастардың ерекшеліктерін ашып көрсетеді экономиканың жұмыс істеу заңдарының кешенді көзқарастарын қалыптастыруға, бизнестің түрлі салаларында қолданбалы құзыреттілікке қол жеткізуге бағытталған бизнес-білім алуды қалыптастыруға, өз бизнесін құру мен табысты іске асыру мүмкіндіктерін ашуға бағытталған. Тірі организмдердің жұмыс істеуінің негізгі заңдылықтарын, ұйымның түрлі деңгейлеріндегі экожүйелерді, тұтастай алғанда биосфераны және олардың тұрақтылығын қарастырады. Өмірді қорғаудың теориялық негіздерін қамтиды; құқықтық, нормативтік, техникалық және ұйымдық негіздерін және техникалық құралдардың және технологиялық процестердің қауіпсіздігін арттыру әдістерін қамтиды. Ілияс Жансүгіровтің өмірбаяны мен шығармашылық қызметін, әдебиеттану ғылымындағы орнын қарастырады. Оның отандық әдебиеттің көркемдік қағидаларын қалыптастырудағы үлесін зерттейді. Білім алушылардың бойында ғылыми-зерттеу іс-әрекетінің дағдылары мен құзіреттіліктер қалыптастырады.

Механикада денелердің өзара әрекеттесуі қарастырылады, әрекеттің нәтижесі - осы денелердің нүктелері жылдамдығының өзгеруі немесе олардың деформациясы болып табылады. Пән келесі тақырыптарды меңгеруге бағытталған: материалдық нүкте механикасы; абсолютті қатты дене механикасы; тұтас орта механикасы (серпімділік теориясы; пластикалық теориясы; гидродинамика; аэродинамика; газ динамикасы).

Пән молекулалық физика және термодинамиканың негізгі түсініктері мен модельдерін, заңдарын, макросистемалардағы жылу құбылыстары саласындағы ақпаратты өңдеу және талдаудың физикалық және математикалық әдістерін, жылу құбылыстарын зерттеуге арналған жабдықтардың физикалық принциптерін оқытуға бағытталған.

Пән ауызша және жазбаша сөйлеу үшін шет тілінің практикалық грамматикасы мен лексикасын зерттеуді, сондай-ақ күнделікті және кәсіби қарым-қатынаста шет тілін белсенді қолдануға арналған арнайы терминологияны меңгеруді қамтиды.

Балалар мен жасөспірімдердің өсуі мен дамуының жасерекшеліктерінің жалпы заңдылықтарын, олардың физиологиялық қызметтерінің қалыптасуын қарастырады. Балалар мен жасөспірімдердің денсаулығын сақтау мен нығайтуға, үйлесімді даму және фкнуционалдық мүмкіндіктерін жетілдіруге бағытталған баланың сыртқы ортамен өзара әрекетін, гигиеналық нормативтер мен талаптарды зерттейді

Жаңартылған орта білім мазмұны жағдайында оқытудың жаңаша әдістері мен технологиясын қарастырады. Педагогикалық үдерісті болжау, жоспарлау және басқару, ғылыми талдау әдістерін зерттейді. Педагогиканың гуманитарлық білім және білім беру үдерісі субъектілерінің өзара әрекетінің саласы ретіндегі теориялық түсініктерін және қалыптастырады

Пән кәсіби құзыреттілікті қалыптастыруға және аналитикалық мәтіндік қызметпен байланысты коммуникативтік құзыреттілікті кеңейтуге; білім алушыларда лингвистикалық және прагматикалық ойлау дағдыларын, тілдің экспрессивті бірліктерін талдай білу және қарым-қатынастың мақсаттары мен шарттарына байланысты қажетті бірлікті дұрыс таңдай білу іскерлігін қалыптастыруға, Академиялық адалдық қағидаттары мен мәдениетінің мәнін түсінуге бағытталған. Пән ғылыми мәліметтер базасында ақпарат іздеумен, мәтіндерді талдаумен, академиялық жазудың әртүрлі жанрларымен жұмыс жасаумен байланысты кәсіби қызметті жүзеге асыруды қамтиды.

Қарапайым дифференциалдық теңдеулер теориясының негізгі бағыттары және осындай теңдеулерді шешудің практикалық әдістері қарастырылады. Туындыға қатысты рұқсат етілген бірінші ретті қарапайым дифференциалдық теңдеулер; туындыға қатысты рұқсат етілмеген бірінші ретті теңдеулер; жоғары ретті қарапайым теңдеулер; қарапайым дифференциалдық теңдеулер жүйесі қарастырылады

Пән студенттердің фундаменталды математикалық дайындық деңгейін арттыруға, пәннің қолданбалы бағыттылығын күшейтуге бағытталған; студенттерді теориялық және практикалық есептерді шешуге қажетті математикалық аппараттың негіздерімен, сонымен қатар математикалық талдаудың негізгі ұғымдарымен таныстыру, математикалық есептерді шешудің әдістері мен тәсілдерін меңгеру, логикалық және алгоритмдік ойлауды дамытуға бағытталған

Пән механика және молекулалық физика бойынша есептерді шешу және оқыту, оларды физика бойынша оқу процесінде дидактикалық құрал ретінде пайдалану мәселелерінде білім алушыларды болашақ кәсіби қызметке дайындауға бағытталған. Пәннің бағдарламасы міндеттерді шешу дағдыларын қалыптастыруға бағытталған; білімді қайталауға, жалпылауға және жүйелеуге ықпал етеді. Негізгі мақсат - зерттелген материалды бекіту, кеңейту және тереңдету.

Оқу-тәрбиелік жұмысты ұйымдастыру әдістемесін қарастырады және тәрбиелеу үдерісінің заңдылықтарын, мәні мен мазмұнын қарастырады, жаңартылған орта білім мазмұны аясында тәрбиелеу қағидаларын зерттейді. Болашақ педагогтың өз бетімен білім алу және кәсіби тұрғыда өз-өзін жетілдіруге мүдделілігін қалыптастыруға бағытталған

Инклюзивті білім беруді ұйымдастырудың теориялық негіздерін, инклюзия дамуының тарихи аспектілерін, инклюзивті білім беру модельдерін қарастырады. Инклюзивті білім беру технологиясын, жеке білім беру маршрутын құруды, балалардың ерекше білім беру қажеттіліктерін ескере отырып оқу үдерісін жоспарлауды, инклюзивті оқыту жағдайында тьюторлық тәжірибені ұйымдастыруды зерттейді

Пән студенттердің жалпы математикалық дайындығында маңызды орын алады. Пән аясында студенттер әртүрлі өрістердің дифференциалдық қасиеттерін оқып, нақты физикалық процестерді сипаттайтын типтік физикалық есептермен, сонымен қатар олардың математикалық үлгілерімен танысады. Студенттер жеке туындыларда дифференциалдық теңдеулерді шешу әдістерін меңгереді, арнайы функциялардың есептерін шешуде кеңінен қолданылатын бірқатар арнайы функциялармен, сонымен қатар жалпыланған функциялардың ұғымымен және олардың физикада қолданылуымен танысады

Пән бойынша электр және магнетизмнің негізгі аспектілері қарастырылады. Диполь өрісі, бейнелеу әдісі, заттағы электр өрісі, күшті есептеудің энергетикалық әдісі, айналым туралы теорема, заттағы магнит өрісі, электромагниттік индукция, магнит өрісіндегі күштер, еркін тербелістер, Максвелл теңдеулері сияқты маңызды тақырыптар оқытылады

Пән электродинамиканың, сонымен қатар кейбір арнайы пәндердің математикалық негізін құрайды. Студенттер өрістің математикалық теориясының негіздерін үйренеді. Пән аясында студенттер векторлық алгебраның негізгі операцияларын, ортогоналдық координаталардағы векторлық талдаудың дифференциалды операцияларын, интегралдық теңдеулерді (Остроградский-Гаусс, Стокс) меңгереді, электродинамика есептерінде векторлық және тензорлық талдау негіздерін қолдануды үйренеді

Пән білім алушылардың механика және молекулалық физика бойынша тәжірибелер мен эксперименттерді белсенді пайдалануға және жетілдіруге тұрақты қызығушылығын қалыптастыруға бағытталған; оқу эксперименттік қондырғыларды жетілдіруге, эксперименттерге арналған қолдан жасалған аспаптар мен құралдар жасауға, қолданыстағы аспаптарды жаңғыртуға қажетті тиісті эксперименттік іскерліктерді дамыту.

Осы пәнді оқу барысында алынған білім, білік және дағдылар студенттерге білім беру процесіндегі бағалаудың орны мен рөлі, оқушылардың оқу жетістіктерін бағалаудың негізгі тәсілдері, оқушылардың оқу жетістіктерін бағалаудың қазіргі заманғы үлгілері, оқушыларды критериалды бағалау жүйесін ұйымдастыру, оны іске асырудың тәсілдері, нысандары мен құралдары сияқты мәселелерде бағдарлануға мүмкіндік береді

Негізгі математикалық пакеттер, математикалық пакеттерді қолдану мүмкіндіктері мен аясы, бағдарламалау тілдерін қолдана отырып физика есептерін шешу әдістемесі, Mathcad және Matlab бағдарламасының терезесінің құрылысы, Mathcad және Matlab есептеуіш бағдарламаларында физика есептерін шығару қарастырылады

Пән білім алушыларды физикалық зертханадағы өлшеу әдістерінің негіздерімен таныстырады. Пән физиканың негізгі бөлімдері (электр және магнетизм, оптика, атом және атом ядросының физикасы) бойынша зертханалық жұмыстар мен демонстрациялық тәжірибелерді дайындауға және өткізуге арналған. Нәтижесінде білім алушылар экспериментатор жұмысының ерекшелігі туралы түсінік алады және олардың осы қызмет түріне бейімділігін анықтай алады.

Пәнді оқу кезінде ньютон, лагранж, гамильтонның жүйенің қозғалыс теңдеулерінің тұжырымы, вариациялық қағидаттар, сақталу заңдары, өрістегі бөлшектердің қозғалысы, екі дененің есебі, қатты денелердің динамикасы және инерциалды емес санақ жүйелеріндегі бөлшектердің динамикасы, тұтас орта механикасының теңдеулері қарастырылады.

Пәннің негізгі мақсаты студенттерді бағдарламалауда қолданылатын заманауи тәсілдермен таныстыру және физика мәселелерін шешу үшін Python бағдарламалау тілін қолданудың бастапқы дағдыларын беру болып табылады. Пән Python тілін қолдана отырып, массивтер мен басқа құрылымдық деректерді өңдеу алгоритмдерін қарастырады.

Пәннің мазмұны: мектептегі физиканы оқытудың негізгі міндеттері; пәнаралық байланыстар, олардың әдістемелік және дидактикалық маңызы; физика бойынша оқу сабақтарын ұйымдастыру формалары, мұғалімнің жұмысын жоспарлау; демонстрациялық эксперимент, физика бойынша зертханалық сабақтар; физикалық есептерді шешу, есептерді жіктеу; оқушылардың білімі мен іскерлігін бақылау түрлері; сабақта техникалық құралдарды қолдану; физикадан факультативтік курстар.

Пән білім алушыларды әртүрлі есептерді шешуде физиканың негізгі бөлімдері (электр және магнетизм, оптика, атом және атом ядросының физикасы) бойынша физикалық білімді қолдануға, үйретуге дайындауға бағытталған. Негізгі және аса күрделі мәселелерді баяндауға ерекше көңіл бөлінеді.

Пән оптиканың теориялық негіздерін, негізгі ұғымдарын, заңдары мен модельдерін, қазіргі оптикалық аспаптар жұмысының физикалық негіздері мен принциптерін зерттеуге бағытталған. Пән бойынша жарық табиғаты туралы ұғымдардың дамуы, фотометрия негіздері баяндалып, толқындық және геометриялық оптикадан негізгі мәліметтер келтіріледі. Сондай-ақ, фотоэффект, Рентген сәулелері, Бор теориясы мен атомның қүрылысы мен атомдық спектрлер тақырыптары қарастырылады.

Электродинамиканың негізгі түсініктері мен заңдары, Энштейннің жалпы және арнайы салыстырмалы теорияларының постулаттары, ығысу тогының пайда болуы, электродинамиканың негізгі теңдеулері болып табылатын Максвелл теңдеулері қарастырылады. Классикалық және релятивистикалық электродинамика түсініктемелеріне салыстыру жасалады.

Пән келесі негізгі тақырыптарды зерттеуге бағытталған: физиканы оқыту әдістемесі жүйесіндегі оқу экспериментінің орны мен рөлі; физика кабинетін оқу экспериментіне арналған жабдықтармен жабдықтау принциптері; демонстрацияларды, зертханалық жұмыстарды және эксперименталды зерттеулерді іріктеу критерийлері; физика бойынша оқу экспериментінің техникасы мен технологиясы; демонстрациялық тәжірибелер мен эксперименттерді өткізу кезіндегі қауіпсіздік техникасы ережелері

Пәннің мазмұны: Максвелл теңдеулерін жалпылау. Электродинамиканың негізгі заңдары. Пәннің теориялық физика курсындағы орны, сондай-ақ эксперименталды және техникалық қолданысы. Электродинамиканың әлемнің физикалық бейнесін қалыптастырудағы рөлі, электромагниттік өріс теориясының моделдері мен гипотезаларының қолданылу шегі.

Пән атом және атом ядросы физикасының негізгі ұғымдарын игеруге; негізгі принциптері, заңдары, олардың логикалық мазмұнын және математикалық өрнектерін оқып үйренуге бағытталған. Атом ядросының негізгі қасиеттері, радиоактивтіліктің түрлері, қарапайым және күрделі радиоактивті ыдырау заңдылықтары, ядролық әрекеттесудің негізгі заңдары, атом ядросының бөліну және синтезінің элементар теориясы, атом және атом ядросы физикасының қазіргі жетістіктері қарастырылады.

Пән микро - және нанотехнологиялардың физикалық негіздерін құрайтын физика және басқа да ғылымдардың жеке бөлімдерінен мәліметтерді зерттеуге бағытталған. Пәннің мазмұны: микро- және нанотехнологиялардың негізі болып табылатын физикалық құбылыстар мен процестердің негізгі заңдары, ұғымдары және анықтамалары; іргелі физикалық заңдарды қолданбалы технологиялық тәуелділікке түрлендіру әдістері; микро - және нанотехнологиялар процестерінің параметрлерін анықтайтын физикалық есептерді шешу

Пәнді игеру барысында мехатроника және робототехника туралы жалпы түсінік; мехатроника мен робототехниканы дамытудың негізгі бағыттары мен негізгі анықтамалары; интеллектуализация; миниатюризация; мехатрондық және робототехникалық жүйелерді технологиялық қамтамасыз ету; қозғалысты басқарудың сандық технологиялары; автоматтандырылған жобалау технологиясы; заманауи мехатронды және робототехникалық модульдер мен жүйелерді қарастырады.

Пәнді меңгерудің негізгі мақсаты: білім алушылардың эксперименттік және бақылаулардың физикалық деректерін өңдеудің негізгі әдістері туралы базалық білімдерін қалыптастыру; білім алушылардың мәліметтерді өңдеу мен талдаудың статистикалық әдістерінің теориялық негіздері туралы білімдерін қалыптастыру; білім алушылардың физикалық эксперимент мәліметтерін талдау үшін машиналық оқыту әдістерін қолдану дағдыларын қалыптастыру болып табылады.

Пәнді оқытудың мақсаты білім алушылардың болашақ мұғалімдер ретінде оқу және тәрбие процесінің қажеттіліктеріне байланысты эксперименталды психологиялық-педагогикалық зерттеулерді сауатты құру, ұйымдастыру және жүргізе білу, сонымен қатар алынған мәліметтер негізінде дұрыс қорытынды жасай алу болып табылады. Пән бойынша педагогикалық зерттеулердегі статистикалық әдістерді зерттеу қарастырылады.

Қазақстандағы жалпы орта білім беруді жаңғыртудың ұсынылатын жолдары қарастырылады. Мектептің физика курстары (7-11 сыныптар) бойынша пәнді оқыту әдістемесі мен оқытудың заманауи құралдары, білім беру технологияларын пайдалану мәселелері талқыланады. Оқытудың әртүрлі технологияларының негізгі сипаттамаларын қарастыруға көңіл бөлінеді: тұлғалық-бағдарлы, деңгейді саралау, проблемалық оқыту, ақпараттық, оларды мектепте оқыту кезінде практикалық қолдану. Педагогикалық инновацияларды, мұғалімнің инновациялық қызметін практикаға енгізу қажеттілігі негізделеді.

Білім берудегі сандық технологиялар және SMART-білім беру мәселелері қарастырылады. Еркін қол жеткізудегі бүкіл әлемнің контенті арқылы мобильді құрылғыларды пайдалану негізінде интерактивті білім беру ортасында икемді оқытуға акцент жасалады, ол білім алушылар саны тұрғысынан ғана емес, сонымен қатар уақыттық және кеңістіктік көрсеткіштер тұрғысынан да оқыту шекарасын кеңейтуге мүмкіндік береді

Пән статистикалық физика бойынша терең және берік білімді қалыптастыруға және макроскопиялық жүйелер физикасының іргелі термодинамикалық және статистикалық заңдылықтарын түсінуге бағытталған. Мазмұны: статистикалық жүйе зерттеу объектісі ретінде; кванттық статистикадағы микроканондық таралу; жабық жүйелердің термодинамикасы; классикалық статистикалық механика; Максвелл-Больцманның идеал газ статистикасы, Ферми-Дирак және Бозе-Эйнштейннің таралуы.

Пәннің мақсаты астрофизиканың әдістері және міндеттерімен танысу, космонавтиканың дамуындағы астрофизиканың рөлі мен маңызы, аспан денелерінің қозғалысы мен эволюциясын сипаттау. Телескоптың функциялары, аберрация, электромагниттік сәулелену қабылдағыштары, күн спектрі, хромосфера және тәж, жұлдызаралық орта, космология элементтері қарастырылады.

Пәнді оқытудың негізгі мақсаты-өрістің кванттық теориясының негізгі ұғымдарымен, құбылыстарымен, қазіргі мәселелерімен танысу, Өрістің кванттық теориясы элементар бөлшектер физикасының негізгі аппараты болып табылады. Бұл теорияда әрбір өрісті бөлшектер коллективімен, әрбір бөлшектер жиынтығын өріске теңеп сипаттайды. Осы бөлшектердің өзара әсерлесуінен жаңа бөлшектер туып немесе бөлшектер жойылып жатады.

Қашықтықтан оқыту және электрондық оқыту әдістерінің әдістемелік мәселелері қарастырылады, қазіргі заманғы білім беру тәжірибесін және алдыңғы қатарлы педагогикалық тәжірибе, ғылымның жетістіктерін ескеріп, қашықтықтан оқыту технологияларын қолдана отырып, оқу үрдісін ұйымдастырудың ерекшеліктерін игереді.

Жобалаудың педагогикалық мәні, білім беру жобасын басқару ерекшеліктері, педагогикалық жобалаудың ғылыми аппараты, педагогикалық жобаны енгізудің теориялық негіздері қарастырылады. Пән білім берудегі жобалық қызметті ұйымдастырудың заманауи талаптары мен шарттары, білім беру процесінің сапасын диагностикалау әдістері, қажетті педагогикалық қолдауды жүзеге асыра отырып, білім беру ортасында білім алушылардың жобалық қызметін басқарудың заманауи әдістерін қолдануға бағытталған.

Астрономияның қысқаша даму тарихы, сфералық астрономия элементтері, эклиптика және оның негізгі элементтері, күн жүйесінің құрылысы, кеплер заңдары, космонавтика элементтері, оптикалық телескоптар және олардың негізгі сипаттамалары, күн физикасы, галактика, құс жолы және метагалактикалар сияқты негізгі тақырыптар қарастырылады.

Кванттық механиканың негізгі принциптері мен аппараты қарастырылады, қатты денелердің өткізгіштігінің кванттық заңдарының макроскопиялық көріністері және оларды электрондық және өлшеу техникасында қолдану қарастырылады. Білім алушылар кванттық заңдарға бағынатын құбылыстардың физикалық табиғаты туралы нақты түсінік алуы, кванттық процестерді материалистік тұрғыдан түсіндіруді үйренуі тиіс.

Пән бойынша Бейсик және Паскаль жалпы қол жетімді бағдарламалау тілдері негізінде физикалық процестерді сандық модельдеу және модельдерді жүзеге асыру мүмкіндігі қарастырылады. Физикалық процестерді компьютерлік модельдеу туралы білімді тереңдету және бекіту үшін келтірілген тәжірибелік жұмыстарды Паскаль және Бейсик бағдарламалау орталарында тексеріп, машықтанғанның пайдасы зор.

Пән жалпы физика бойынша жоғары деңгейлі және физикаға қызығушылықты арттыруға мүмкіндік беретін олимпиада есептерін шешуге бағытталған. Ұсынылатын есептер мазмұны жалпы физика курсының барлық бөлімдерін қамтиды, бұл ретте есептер көп жағдайда физиканың әртүрлі бөлімдерінің бағдарламаларын біріктіретін синтетикалық сипатқа ие, бұл білім алушыларда физикалық құбылыстардың есептерінде қарастырылатын бірыңғай физикалық бейнені түсінуге тәрбиелейді.

оқушыларды оқыту мен тәрбиелеуде жаңа тәсілдерді (тұлғаға бағытталған, құзыреттілік, диалогтік, коллаборативті), саралау әдістерін, критериалды бағалау жүйесін, цифрлық технологияларды қолдану, қашықтықтан білім беру технологияларын пайдалана отырып, оқу процесін ұйымдастыру әдістемесін қолдану

практикалық тапсырмалардың теориялық және эксперименттік нәтижелерінің шешімдерін талдау және олардың дұрыстығын бағалау, физикалық эксперимент ұйымдастыру (зертханалық, демонстрациялық, компьютерлік)

көптілді ортада тұлғааралық және мәдениаралық коммуникация барысында әлеуметтік, саяси, мәдени, психологиялық ғылым салаларындағы іргелі білім мен дағдылар негізінде, олардың казақстандық қоғамды жаңғырту мен цифрландырудағы рөлі аясында белсенді азаматтық позицияны таныту

әртүрлі тілдік және мәдени ортада еркін қарым-қатынас дағдыларына ие болу, физиканың теориялық және эксперименттік негіздері, компьютерлік технологиялар, физиканы шет тілінде оқыту технологиялары бойынша білімдерін қолдану, ғылыми зерттеулер мен академиялық жазу әдістерін қолдану, Академиялық этика мен академиялық адалдық қағидаттарының маңыздылығын түсіну

физикалық құбылыстарды түсіндіру, жалпы және теориялық физиканың іргелі бөлімдерінің, астрономияның негізгі теориялық білімдерін кәсіби міндеттерді шешу үшін қолдану, физика заңдарын білу және олардың қолданылуын, жүргізілген бақылаулар мен эксперименттердің нәтижелерін, нақты жағдайларда ғылыми таным әдістерінің қолданылуын, экологиялық қауіпсіздік тұрғысынан физикалық процестермен байланысты адамның тұрмыстық және өндірістік қызметінің салдарын бағалау

эксперименттік жұмысты дербес жоспарлау, зерттеуді ұйымдастыру, оны дұрыс жүргізу, математикалық статистика аппаратын қолдана отырып алынған деректерді шебер өңдеу, жиналған және өңделген деректерді, баяндама, презентация, ғылыми модель және гипотезалар, дәлелдер мен түсініктемелер түрінде ұсыну үшін ақпаратты синтездеу

білім беру ортасында білім алушылардың жобалық қызметін басқарудың қазіргі заманғы әдістерін қолдану, физика және оның қосымшалары саласында ғылыми зерттеу жүргізу әдістерін, оқытудың қазіргі заманғы ақпараттық және педагогикалық технологияларын қолдана отырып, оқыту әдістемесін білу; аспаптар мен құрылғылардың жұмыс принциптері мен сипаттамаларын, ғылыми жаңалықтарды пайдалану саласын, нанотехнологияларды қолдану саласын, сондай-ақ әлемнің жай-күйін және оның дамуының ықтимал жолдарын сипаттайтын параметрлерді талдау

типтік кәсіби есептердің математикалық модельдерін жасау және модельдердің қолданылу шекарасын ескере отырып алынған нәтижелерді түсіндіру, кәсіби қызметте математиканың іргелі бөлімдерінің базалық білімін пайдалану

Құқықтық, экономикалық, кәсіпкерлік, өндірістік, экологиялық ортадағы және сыбайлас жемқорлыққа қарсы саясаттағы қоғамдық әлеуметтік маңызды құбылыстар мен процестерді зерделеуде зерттеу әдістері мен инновациялық тәсілдерді бағалау және қолдану қабілетіне ие.

даму процестерінің физиологиялық және функционалдық ерекшеліктерін, тәрбиеленушілер мен білім алушылардың жеке білім беру қажеттіліктерін ескере отырып, орта білім берудің жаңартылған мазмұны жағдайында оқу-тәрбие процесін болжау, жоспарлау және басқару