6B05403 Механика в Әл-Фараби атындағы Қазақ ұлттық университеті

Мақсаты: сызықтық алгебра және аналитикалық геометрия есептерін шешуде кәсіби дағдыларды қалыптастыру Пән аясында қарастырылады: Комплекс сандар жиыны. Сызықты алгебралық теңдеулер жүйесі. Матрицалар және оларға амалдар қолдану. Анықтауыштар теориясы. Векторлық кеңістік, ішкі кеңістіктер. Сызықтық тәуелділік, векторлар жүйесінің базасы мен рангы. Матрицаның рангы туралы теоремалар. Векторлық алгебра. Векторлардың скаляр, векторлық,аралас көбейтінділері. Түзу мен жазықтық теңдеулері. Екінші ретті қисықтар мен беттердің канондық теңдеулері.

Пәннің мақсаты тірі организмдердің тіршілік ету ортасымен өзара әрекеттесу заңдылықтары, биосфераның жұмыс істеуі, зиянды, зақымдайтын факторлардан адам өмірінің қауіпсіздігін қамтамасыз ету негіздері, қауіптерден қорғау тәсілдері, авариялар, апаттар, табиғи апаттар салдарын жою жөніндегі іс-шаралар, қоршаған ортаны қорғау және табиғатты ұтымды пайдалану туралы білімді қалыптастыру.

Пәннің мақсаты: студенттердің әлемдік және ұлттық мәдениеттің даму контекстіндегі ұлы түркі ойшылы Әбу Насыр әл-Фарабидің ғылыми және философиялық мұрасы туралы түсініктерді қалыптастыру. Әл-Фараби мұрасының ерекшеліктері және оның түркі философиясының қалыптасуына тигізген әсері; шығыс философиясының Еуропалық Ренессансқа әсер ету сипаты; ұлттық және әлемдік философия тарихының дәстүрлі және қазіргі заманғы мәселелері қарастырылады.

Мақсаты: экономикалық ойлау тәсілін; коммерциялық іске асырылатын индустриялық-инновациялық жобаларға бағытталуды қалыптастыру үшін қажетті өз бизнесін құрудың теориясы мен практикасы саласында базалық білімдерді қалыптастыру. Кәсіпкерлік, шағын және орта бизнестің ішкі және сыртқы ортасының негізгі шарттары; мемлекеттік реттеу және мемлекеттің кәсіпкерлік орта үшін рөлі мәселелері қарастырылады.

Мақсаты: математикалық талдаудың фундаментальдық түсініктерінің негізін қалау және бір айнымалыдан тәуелді функциялардың дифференциалдық, интегралдық есептеулерін, қатарлар теориясын зерттеу дағдыларын қалыптастыру. Мәселелер: сандық тізбектің, функцияның шегі, функцияның бірқалыпты үзіліссіздігі; туындының қолданулары, дифференциалдық есептеулердің негізгі теоремалары, Тейлор формуласы; интегралдау әдістері, орта мән туралы теоремалар, анықталған интегралдардың қолданулары; сандық қатардың жинақтылығы, функционалдық қатарлардың бірқалыпты жинақтылығы, функцияларды дәрежелік қатарларға жіктеу.

Пәннің мақсаты: Сыбайлас жемқорлыққа қарсы заңнама нормаларын жетік білетін, құқық қолдану тәжірибесінде қолдана алатын, сыбайлас жемқорлықты дұрыс саралайтын жоғары білікті мамандарды, сыбайлас жемқорлыққа қарсы мәдениетті қалыптастыру. Оқытылатын болады: сыбайлас жемқорлыққа қарсы заңнама, сыбайлас жемқорлыққа қарсы іс-қимыл субъектілерінің жүйесі, жемқорлыққа ықпал ететін жағдайлар, оған қарсы саясат, жемқорлыққа қарсы күрестің халықаралық тәжірибесі.

Мақсаты - заңдылықтарды, тұжырымдамаларды, кәсіби қызметті ғылыми зерттеуді ұйымдастыру мен басқарудың ерекшеліктерін қолдану дағдыларын қалыптастыру. Пән қазіргі ғылыми әдістемеге сәйкес ғылыми зерттеулерді ұйымдастыруды жоспарлау дағдыларын; ғылыми әзірлемелер, ғылыми байланыстар мүмкіндігі, әр түрлі деңгейдегі ғылыми гранттарға өтінім беруге, ақпараттарды іздеу тәртібінің дағдыларын қалыптастыруға бағытталған.

Курстың мақсаты жоғары деңгейлі тілдерде программалауда кәсіптік құзыреттілікті қалыптастыру.Пәнді оқыған кезде келесі мәселелер қарастырылады: жоғары деңгейлі тілдерді қолданатын объектілі-бағытталған бағдарламалау құрылымы,алгоритмдер, қарапайым деректер құрылымдары және объектілі-бағытталған түсініктер, нысанға бағытталған жобалау, оқиғаларға негізделген бағдарламалау, жоғары деңгейлі тілде желілік бағдарламалау, деректерді енгізу және бағдарламаның нәтижелерін басып шығару,Visual Studio көмегімен объектілерге бағдарланған бағдарламалар жасау, құрастыру және іске қосу.

Пәннің мақсаты - болашақ мамандардың кәсіби білімін, түсінігін, қабілетін елдің ынтымағы мен бірлігін нығайту, қоғамның интеллектуалдық әлеуетін арттыру мақсатында қолдану құзіреттілігін қалыптастыру. Қарастырылатын мәселелер:Абай ілімі туралы түсінік; Абай ілімінің қайнар көздері; Абай ілімінің құрамдас бөлімдері; Абай ілімінің категориялары; Абай ілімінің өлшеу құралдары; Абай ілімінің мәні мен маңызы.

Пәннің мақсаты: Оқытылатын пәннің негізгі заңдылықтарын, оның генезисін және негізгі теориялық аспектілерін, соның ішінде жалпы және арнайы математикалық әдістерді көрсету. Теориялық және қолданбалы механика кез келген материалдық денеге тән механикалық және механикалық қозғалыс пен өзара әсерлесудің жалпы заңдылықтарын зерттейді. Осыған байланысты мұнда физикалық денелердің күрделі құрылымдарының орнына олардың болжанған қарапайым үлгілерінің механикалық қозғалыстары қарастырылады.

Пәннің мақсаты: студенттердің термодинамика және жылумассаалмасудың негізгі заңдары туралы іргелі білімін және термодинамика және жылумассаалмасу есептерін модельдеу және шешу бойынша практикалық дағдыларды қалыптастыру, әртүрлі жылу беру жағдайлары үшін әртүрлі пішіндегі құрылымдарда температура мен жылу ағындарын есептеудің инженерлік әдістерін қолдану; нақты жылутехникалық құрылғы үшін жылу техникасының есептеулерін жүргізу.

Мақсаты: жай дифференциалдық теңдеулердің негізгі ұғымдары мен оларды шешудің әдістері, дифференциалдық теңдеулер теориясы, дербес туындылы дифференциалдық теңдеулердің теориясы, өзекті мәселелері оларды шешудің заманауи әдістерімен таныстыру болып табылады. Мәселелер: жай дифференциалдық теңдеулердің негізгі ұғымдары, туындысы арқылы шешілген бірінші ретті дифференциалдық теңдеулердің типтері, бірінші ретті жай дифференциалдық теңдеулердің негізгі типтері, тұрақты коэффициентті сызықты теңдеулер, жүйелер, дербес туындылы дифференциалдық теңдеулерге келтірілетін физикалық есептер.

Пәннің мақсаты: Материалдық континуум механикасы бойынша іргелі білімдер негізін және теоремаларды дәлелдеу, негізгі теңдеулерді қорытып шығару және тұтас орта механикасының практикалық есептерін шешу үшіне практикалық дағдыларды қалыптастыру. Бұл курстың мазмұны: үздіксіз ортаның кинематикасы; деформация теориясы; динамиканың негізгі теоремалары мен теңдеулерін; электродинамиканың негізгі ұғымдары мен теңдеулері; үздіксіз орталардың классикалық модельдері.

Курстың мақсаты студенттерге механика есептеріндегі негізгі сандық әдістерді үйрету болып табылады, олар келесі тақырыптарды қамтиды: математикалық модельдеу түсінігі, жуықтау және дөңгелектеу қателері, Тейлор қатарына жіктеу арқылы жуықтауы, теңдеулер мен көпмүшелердің түбірін табу, САТЖ шешімі, бір өлшемді және көп өлшемді оптимизация есептері, қисықтар арқылы жуықтау және интерполяция, сандық дифференциалдау және интегралдау, ҚДТ шешімі, ДТДТ шешіміне кіріспе.

Курстың мақсаты: деформацияланатын қатты дене механикасының теориялық негіздері бойынша жүйелі білімдерді және серпімді және серпімді емес деформацияланатын денелердің есептерін шешудің аналитикалық әдістерін қолданудың практикалық дағдыларын қалыптастыру. Бұл курста мыналар оқытылады: деформациялар мен кернеулердің қарқындылығы; беріктіктің классикалық теориялары, серпімділіктің сызықтық теориясының негізгі қатынастары, сызықтық тұтқыр серпімділік теориясының модельдері, тұтқырпластикалық дене, ағын теориясы, пластиканың деформациялық теориясы

Пәннің мақсаты механикалық жүйелердің анализі мен синтезінің жалпы әдістері бойынша қажетті бастапқы білім қорын қалыптастыру болып табылады. Бұл пәнде келесі тақырыптар қамтылады: механизмдердің негізгі түрлері, олардың кинематикалық және динамикалық сипаттамалары; жеке механизмдердің жұмыс істеу принципін және олардың машинадағы өзара әрекетін; механизмдердің кинематикалық және динамикалық параметрлері, машиналардың кинематикалық және динамикалық параметрлерін өлшеудің заманауи әдістер

Курстың мақсаты студенттердің жазық рычагты механизмдерді және басқа құрылымдарды оңтайлы жобалау әдістемесі бойынша білімін дамыту болып табылады. Бұл курста студенттер жазық механизмдердің кинематикалық талдауының бағдарламалық қамтамасыз етілуімен, зерттелетін механизмдердің күштік талдауымен және жобалаудағы механизмдердің жалпы массасын азайтумен танысады, механизмдердің құрылымы мен параметрлерін ұтымды таңдауды үйренеді. ең жақсы таңдау арқылы технологиялық процесс ұйымдастырылатын механизмдер.

Пәннің мақсаты: студенттердің сұйық және газ механикасының негізгі ұғымдары, заңдары мен бөлімдері туралы жүйелі білімдерін және сұйық және газ механикасы есептерінің математикалық моделдерін құру және есептерін шешуде практикалық дағдыларын қалыптастыру. Бұл курста оқылатын болады: гидростатика негіздері, идеалды сұйықтық пен газ қозғалысының жалпы теориясы, идеал ортаның айналмалы қозғалысы; тұтқыр сығылмайтын сұйықтықтың динамикасы.

Аналитикалық механика Негізгі ұғымдар. Байланыс түрлері. Күштің элементар жұмысы. Виртуалды және шынайы қозғалыстар. Еркіндік дәрежеcінің саны. Жалпыланған координаталар, жылдамдықтар және күштер. Ықтимал орын ауыстырулар принципі. Даламбер принципі. Даламбер принципінен шығатын жалпы теоремалар. Даламбер-Лагранж принципі. Лагранж көбейткіштері әдісі. Бірінші текті Лагранж теңдеулері. Екінші текті Лагранж теңдеулері. Энергия интегралы. Циклдік координаттар. Координаттарды елемеу әдісі. Раус функциясы. Раус теңдеулері. Циклдік интеграл. Гамильтон принципі.

Пәнді оқытудың мақсаты вариациялық қисап және тиімділік әдістері саласында болашақ мамандардың теориялық білім негіздерін қалыптастыру болып табылады. Берілген курста студенттер қарапайым вариациялық есепті, вариацияның бірінші және екінші теориясын, жоғары туынды вариациалық есепбін, глобалды минимум туралы теорема, сызықты және сызықсыз программалауды оқытады.

Мақсаты: робототехникалық жүйелер элементтерінің беріктігіне, қаттылығына және орнықтылығына есептеудің теориялық негіздері мен практикалық әдістерін меңгеру, сонымен қатар күрделі жүйелерді есептеуге қазіргі заманғы тәсілдермен таныстыру. Инженерлік-қолданбалы есептерді шешу үшін конструкция элементтерін беріктікке, қатаңдыққа, орнықтылыққа есептеу әдістері зерделенеді. Осьтік созылу-өзектерді сығу; дөңгелек өзектерді айналдыру; арқалықтардың жалпақ бүгілуі; материалдардың механикалық қасиеттері оқытылатын болады.

Курстың мақсаты: студенттердің тәжірибелік механика бойынша жүйелі білімдерін және нақты физикалық процестерді модельдеуде, тәжірибелік қондырғыларда зертханалық тәжірибелерді жоспарлауда және жүргізуде практикалық дағдыларды қалыптастыру. Бұл курста оқылатын болады: тәжірибелердің жалпы сипаттамасы және классификациясы; эксперимент құру; өлшеу аспаптары, түрлендіргіштер және физикалық шамалардың датчигі; эксперименттік мәліметтерді математикалық өңдеу; экспериментті жоспарлау; механикалық жүйелердегі өлшеу әдістері мен құрал

Пәннің мақсаты қолданбалы міндеттерді шешу үшін сыну механикасының негізгі ұғымдарын, тұжырымдамаларын және әдістері туралы білім негізін қалыптастыру, белгілі бір сыртқы жағдайлардағы берілген жүктемелердің әрекет етуімен жұмыс істейтін әртүрлі пішіндегі денелердің бұзылу жағдайларын анықтау.

Пәннің мақсаты: пластикалық деформацияланатын денелердің есептерін шешуде аналитикалық әдістерді қолданудың практикалық дағдыларын және пластикалық теориясының негіздері бойынша іргелі білімдерді қалыптастыру. Бұл курс қатты денелер механикасының негізгі ұғымдары мен терминдерімен, теңдеулерімен және есептерінің қойылымдарымен таныстырады, қарастырылатын пластикалық деформацияланатын объектілерді есептеу бойынша осы курстың бірқатар теориялық және қолданбалы есептерін шешудің дәстүрлі аналитикалық әдістерін меңгеруге мүмкіндік береді.

Пәннің мақсаты: Ықтималдық теориясы мен математикалық статистика бойынша іргелі білім мен ықтималдық және математикалық-статистикалық есептерді шешудегі практикалық дағдыларды қалыптастыру. Пәннің мазмұны: элементарлы оқиғалар кеңістігі; ықтималдық кеңістігі; негізгі ықтималдық формулалары; тәуелсіз сынақтар; кездейсоқ шамалар және олардың сандық сипаттамалары; сипаттамалық функциялар; үлкен сандар заңдары және шектік теоремалар; іріктеу теориясының негізгі түсініктерін; нүктелік бағалар және олардың қасиеттері; нүктелік бағаларды табу әдістері; интервалды бағалау; статистикалық гипотезаларды тексеру.

Пәннің мазмұны: Динамикалық жүйелердегі тепе-теңдіктің қарапайым және күрделі күйлері, шектік циклдар. Динамикалық жүйелердің фазалық портреті. Динамикалық жүйелердің екіөлшемді бифуркациясы. Механика есептері келтірілетін дифференциалдық теңдеулер жүйесін зерттеу амалдары мен әдістері. Айнымалыларды жылдам және баяу айнымалыларға бөлу, жылдам айнымалы бойынша орташалау. «Әсер-бұрыш» канондық айнымалылар.

Пәннің мақсаты – орбиталық механика саласындағы білімдерді қалыптастыру. Пәнді оқу барысында қарастырылады: Аспан механикасы Коши мәселесі. Аспан механикасының әдістері: есептің сипаттамалары мен қасиеттерін шешу үшін аналитикалық әдістерді, талдау әдістерін және сандық әдістерді қолдану. Лездік элементтер әдісі. Ғасырлар, мерзімді, аралас толқулар. Бұзылу тәртібі, дәрежесі, дәрежесі, сыныбы. Түрлі айнымалылар жүйелерімен байланысты тұрақтылық концепциялары. Аспан механикасының шектеулі есептерін шешу әдістері.

Пәннің мақсаты – компъютер есептеуіш тәжірибелердің екібастан - айырма аппроксимациялардың, өткізудің есептердің, құрастырудың қойылулар және сандық шешімдері әдістерге үйрену. Пәндер зерттеудің есептері – есептеуіш гидродинамикада негіздерде терең білімде студенттерде істеп шығару керек ; қолдану білу есептер шешім және талдау үшін бұл білімдер.

Курстың мақсаты – студенттердің бақылау теориясы бойынша кәсіби құзыреттілігін, есептерді шешуде бақылау әдістері мен заңдылықтарын қолдану дағдыларын дамыту. Тақырыптар: басқару теориясына кіріспе, кері байланысты басқаруға кіріспе, жүйелік модельдеу, басқаруды модельдеуге арналған қарапайым дифференциалдық теңдеулер, тұрақтылық түсінігі және оның анықтамасы, Ляпунов орнықтылығы және екінші ретті жүйелер т.б.

Пәннің мақсаты студенттерге сығылмайтын және/немесе әлсіз сығылатын сұйықтардық кеуекті орта арқылы қозғалысын зерттеудің заманауи әдістері туралы білім негізін қалыптастыру болып табылады. Фильтрация теориясының негізгі түсініктері мен негіздерін білу. Фильтрация есебін шешуде математикалық аппаратты қолдана білу, фильтрация ағыстары есебінің моделін құру. Зерттеудің заманауи әдістерін қолдана отырып кеуекті ортадағы сығылмайтын сұйықтың фильтрация есебін шығара алу.

Курстың мақсаты: студенттерді датчиктердің жұмыс істеу принциптерімен, олардың конструкцияларын сипаттаумен, экспериментті жоспарлау негіздерімен, механикалық жүйелердің параметрлерін эксперименттік өлшеумен, эксперимент нәтижелерін өңдеудің математикалық әдістерімен таныстыру. Пән аясында машиналар мен роботтар механикасында жиі қолданылатын түрлендіргіштердің (датчиктердің) конструкциялары мен жұмыс істеудің негізгі принциптері қарастырылады. эксперимент кезеңдері, эксперименттік мәліметтерді математикалық өңдеу, олардың сәйкестігін тексере отырып, математикалық модельдерді құру.

Курстың мақсаты: Студенттердің роботтық жүйелер мен манипуляторларды басқару саласындағы жүйелі білімдерін және компьютерлік технологияны пайдалана отырып, манипуляциялық роботтың динамикасы мен басқару мәселелерін шешудегі практикалық дағдыларын қалыптастыру. Бұл курста мыналар тақырыптар қамтылады:басқару теориясының негіздері, роботты жүйелер мен манипуляторларды басқару (манипулятордың траекториясын жоспарлау, Puma манипуляторын басқару, көп буынды роботты басқару құрылғысымен, адаптивті басқарумен).

Пәннің мақсаты: роботтар мен робототехникалық жүйелерді, коллаборативті робототехникалық жүйелерді заманауи техникалық құралдар мен бағдарламалық өнімдерді пайдалана отырып, жобалау қағидаттары мен әдістерін оқытуда қабілеттілікті қалыптастыру. Мыналар зерделенетін болады: қазіргі заманғы автоматтандырылған бағдарламаларды пайдалануға негізделген роботтар мен робототехникалық жүйелерді машиналық жобалау; модельдер құру; робототехникалық жүйелерді құру үшін автоматтандырылған жобалауды зерделеу.

Пәннің мақсаты: Студенттердің жаңартылатын энергия көздері туралы жүйелі білімдерін және есептеу сұйықтығының динамикасы әдістерін қолдана отырып, осы физикалық процестердің есептерін математикалық модельдеу бойынша практикалық дағдыларды қалыптастыру. Бұл пән мыналарды зерттейді: Жаңғыртылатын энергия көздерінің түрлері (күн радиациясы, жел энергиясы, шағын өзендер мен бұлақтар энергиясы, толқындар, толқындар, биомасса энергиясы, геотермалдық энергия). Қазақстанда баламалы энергетиканың дамуы. Халықаралық құжаттар (Бағдарламалар, Заңдар)

Пәннің мақсаты: студенттердің гамильтон механикасының негізгі түсініктері мен теоремалары туралы білімдерін қалыптастыру, механиканың мәселелерін шешуге арналған канондық өзгерістерді меңгеру дағдыларын игеру және оларды шешімдер негізінде талдау. Бұл курста Пуассон жақшасы, Пуассон жақшасының қасиеттері, Пуассондың сәйкестігі, Лагранж жақшасы, Лагранж жақшасының қасиеттері, Пуассон және Лагранж жақшасы арасындағы қатынастар, Лагранж функциясы, Лагранж теңдеулерінің екінші түрі, Лагранж функциясының қасиеттері және т.б. тақырыптары қарастырылады.

Пәннің мақсаты: студенттердің тербелмелі процестер мен тербелістің негізгі ұғымдары, заңдылықтары, тербеліс және тербеліс теориясының типтік есептерін шешудің негізгі әдістері мен тәсілдері туралы іргелі түсініктерін қалыптастыру, әртүрлі жүйелердегі тербеліс процестерін талдау. және құрылғылар, тербелмелі процестерде байқалатын физикалық заңдылықтарды дұрыс бағалауды қалыптастыру , тербелістердің жабдыққа және қоршаған ортаға пайдалы және зиянды әсерлері, тербелістерді оқшаулау және тербеліс объектілерін дірілден қорғау әдістерін қолдану.

құрылымдық элементтердің беріктік, қатаңдық және орнықтылықтарын есептеу, деформацияланатын қатты механика мәселелерін, пластикалық деформация теориясының мәселелерін шешу, полимерлі материалдардың беріктігі мәселелерін шешу; берілген жүктемелердің әсерінен жұмыс істейтін әртүрлі пішіндегі денелердің қирау жағдайларын анықтау;

механиканың негіздері бойынша, атап айтқанда теориялық механика, қатты дене динамикасы, тұтас орта механикасы, деформацияланатын қатты механика, материалдар механикасы, сұйық және газ механикасы, механизмдер, машиналар мен робототехникалық жүйелер механикасы бойынша іргелі білімдері мен түсініктерін көрсету;

өткен әдістерді қолдана отырып, таңдап алынған тақырып бойынша ғылыми-зерттеу жұмыстарын жүргізу, алынған нәтижелерді талдау және дәйекті тұжырымдар жасау; академиялық жазу дағдыларын қолдана отырып, зерттеу және талдау жұмыстарының нәтижелерін қорытындылау студенттік ғылыми конференцияларда ғылыми-зерттеу жұмыстарының нәтижелерін баяндау, ғылыми жобаларға қатысу;

денсаулықты сақтау мен нығайтуды қамтамасыз ететін дағдылары мен қабілеттерін өмірде пайдалану, өз қабілеттерін және қасиеттерін жетілдіруді қажеттігін түсіну; ұлттық және әлемдік философия дәстүрлі және заманауи мәселелері туралы білімдерін кәсіби қызметінде қолдану; елдің бірлігі мен ынтымақтастығын нығайтуға, қоғамның интеллектуалды әлеуетін арттыруға үлес қосу; қолданыстағы құқықтық нормалар шеңберінде кәсіпкерлік қызметті жүзеге асыру, коррупцияға қарсы тұру; академиялық адалдық принциптері мен мәдениетінің маңызын ұғыну.

машиналар мен механизмдердегі тербелмелі динамикалық процестермен байланысты мәселелерді, робототехника мәселелерін, механикалық жүйелердің қозғалысын басқару мәселелерін, роботты техникалық жүйелердің траекториясын жоспарлау, динамикасы және оны басқару мәселелерін шешу; машиналар мен роботтардың модельдік және конструкциялық бөлшектері, механизмдер мен машиналар механикасының мәселелерін шешу үшін тәжірибе жоспарлау;

негізгі термодинамика заңдарының мағынасын, термодинамика және жылуалмасу проестерінің негіздерін түсіну және түсіндіру, сондай-ақ механиканың таңдалған бағыттарының біріне қатысты есептерді түсініп олардың шешу әдістерін таңдай білу; зертханалық және сандық эксперименттер жүргізу, моделдеу нәтижелерінің дәлдігін және дұрыстығын бағалау;

компьютерлік сауаттылық, программалау негіздері, компьютерлік модельдеу негіздері бойынша негізгі білімдерін көрсету; механиканың есептерін шешу үшін компьютерлік бағдарламалар жасау; механика есептерін сандық әдіспен шешу үшін заманауи бағдарламалау тілдерін қолдану;

теориялық механика, қатты дене динамикасы және аспан механикасы мәселелерін шешу; динамикалық жүйелерде бифуркацияны зерттеу әдістерін қолдану; механикада ұйытқу теориясының әдістерін қолдану; орбиталды механиканың мәселелерін шешу; механика есептерін шешу үшін канондық түрлендірулерді қолдану;

тілдік және лингвомәдениеттік білімдерін, ақпараттық-коммуникациялық технологиялардың құралдары мен әдістерін пайдалана отырып кəсіби қызмет үшін қажетті ақпаратты табу жəне талдау; әлеуметтік, этикалық және ғылыми көзқарастарды ескере отырып, өз пікірлерін қалыптастыру;

әр-түрлі құбылыстар мен процестердің арасындағы күрделі тәуелділікті түсіне отыра, өз бетінше механика есептерінің физикалық қойылымын тұжырымдап, соған сәйкес математикалық моделін таңдау; механиканың мәселелерін зерттеудің теориялық, сандық және тәжірибелік әдістерін қолдану және механиканың нақты мәселелерін шешу үшін тиісті әдістерді (аналитикалық, сандық, эксперименталды) таңдау;

негізгі математикалық пәндер бойынша, атап айтқанда - математикалық және тензорлық талдау, сызықтық алгебра және аналитикалық геометрия, дифференциалдық теңдеулер, ықтималдықтар теориясы және математикалық статистика, вариациялық есептеу, есептеу әдістері бойынша білімі мен түсініктерін көрсету;

гидростатика, гидрогазодинамика, кеуекті орта мен топырақтағы сығылмайтын сұйықтықтың сүзілуі мәселелерін шешу; мәселелерді шешуде сұйықтық динамикасының тәжірибелік және сандық есептеу әдістерін қолдану;