6B05310 Ядролық медицина в Әл-Фараби атындағы Қазақ ұлттық университеті

Пәннің мақсаты: Студенттерді физикалық және техникалық аспектілерімен бірге ядролық медицинаға қатысты тапсырмалар кешенімен таныстыру. Пән ядролық медицинаның физикалық негіздерін зерттеуге арналған және физиканың бөлімдері арасындағы байланыстарды егжей-тегжейлі түсінуді дамытуға бағытталған, оның ішінде: қатты механика, сұйықтықтар механикасы, электр тогы, магнетизм; және адам ағзасының қызметі. Сонымен қатар, ядролық медицинада қолданылатын құрылғыларды құрастыру принциптері зерттелуде.

Мақсаты: кәсіпкерлік теориясы мен тәжірибесін зерделеу негізінде кәсіпкерлік қызметтің практикалық дағдыларын қалыптастыру болып табылады. Студент қабілетті: жеке қызығушылықтары мен қабілеттеріне сәйкес келетін нарық мүмкіндіктерін пайдалануға; бизнесті бастау туралы бастапқы шешімді қабылдауға; қолданыстағы құқықтық нормалар шеңберінде тиімді жұмыс жасауға; стартаптың әлеуетті нарықтық мүмкіндіктерін анықтауға және бағалауға.

Мақсаты - заңдылықтарды, тұжырымдамаларды, кәсіби қызметті ғылыми зерттеуді ұйымдастыру мен басқарудың ерекшеліктерін қолдану дағдыларын қалыптастыру. Пән қазіргі ғылыми әдістемеге сәйкес ғылыми зерттеулерді ұйымдастыруды жоспарлау дағдыларын; ғылыми әзірлемелер, ғылыми байланыстар мүмкіндігі, әр түрлі деңгейдегі ғылыми гранттарға өтінім беруге, ақпараттарды іздеу тәртібінің дағдыларын қалыптастыруға бағытталған.

Пәннің мақсаты: Сыбайлас жемқорлыққа қарсы заңнама нормаларын жетік білетін, құқық қолдану тәжірибесінде қолдана алатын, сыбайлас жемқорлықты дұрыс саралайтын жоғары білікті мамандарды, сыбайлас жемқорлыққа қарсы мәдениетті қалыптастыру. Оқытылатын болады: сыбайлас жемқорлыққа қарсы заңнама, сыбайлас жемқорлыққа қарсы іс-қимыл субъектілерінің жүйесі, жемқорлыққа ықпал ететін жағдайлар, оған қарсы саясат, жемқорлыққа қарсы күрестің халықаралық тәжірибесі.

Пәннің мақсаты тірі организмдердің тіршілік ету ортасымен өзара әрекеттесу заңдылықтары, биосфераның жұмыс істеуі, зиянды, зақымдайтын факторлардан адам өмірінің қауіпсіздігін қамтамасыз ету негіздері, қауіптерден қорғау тәсілдері, авариялар, апаттар, табиғи апаттар салдарын жою жөніндегі іс-шаралар, қоршаған ортаны қорғау және табиғатты ұтымды пайдалану туралы білімді қалыптастыру.

Пәннің мақсаты: студенттердің әлемдік және ұлттық мәдениеттің даму контекстіндегі ұлы түркі ойшылы Әбу Насыр әл-Фарабидің ғылыми және философиялық мұрасы туралы түсініктерді қалыптастыру. Әл-Фараби мұрасының ерекшеліктері және оның түркі философиясының қалыптасуына тигізген әсері; шығыс философиясының Еуропалық Ренессансқа әсер ету сипаты; ұлттық және әлемдік философия тарихының дәстүрлі және қазіргі заманғы мәселелері қарастырылады.

Пәннің мақсаты: Биологиялық жүйелердегі физикалық заңдардың көріну ерекшеліктерін терең білуді, медициналық аппаратураның құрылысы мен жұмысын түсінуді қамтамасыз ету. Пәнді оқығаннан кейін олар ядролық-физикалық нысандарының жұмыс істеу принциптерін, атап айтқанда, медициналық диагностика және терапия мақсатында қолданылатын иондаушы сәулелік сәулелердің сипаттамаларын білуі керек. Студенттер ядро құрылымының іргелі аспектілері, радиоактивті ыдырау, ядролық реакциялар және сәулеленудің затпен әрекеттесуі туралы білім алады.

Пәннің мақсаты - болашақ мамандардың кәсіби білімін, түсінігін, қабілетін елдің ынтымағы мен бірлігін нығайту, қоғамның интеллектуалдық әлеуетін арттыру мақсатында қолдану құзіреттілігін қалыптастыру. Қарастырылатын мәселелер:Абай ілімі туралы түсінік; Абай ілімінің қайнар көздері; Абай ілімінің құрамдас бөлімдері; Абай ілімінің категориялары; Абай ілімінің өлшеу құралдары; Абай ілімінің мәні мен маңызы.

Пәннің мақсаты:студенттердің биологиялық молекулалардың құрылысы және тірі жасушаларда болатын химиялық процестер туралы іргелі білімдерін жүйелеу қабілетін қалыптастыру. Пәнді оқу нәтижесінде студенттер төмендегі мәселелерді қарастырады: физика-химиялық қасиеттер, ақуыз құрылымы, нуклеин қышқылының құрылымы мен қызметі, ферменттер, нуклеин қышқылы мен ақуыздың биосинтезі, ДНҚ репликациясы, транскрипция; трансляция; көмірсу алмасуы, липидтермен алмасу, жасушадағы зат алмасуды реттеу негіздері.

Пәннің мақсаты: теория мен эксперименттің жуықтау әдістерінің қазіргі жетістіктеріне негізделіп, кванттық-механикалық құбылыстар туралы түсінігін дамыту. Кванттық механиканың теңдеулері мен заңдылықтарын ядролық физика мен ядролық медицинаға қолдана білуге үйрету. Пәннің мазмұны: кванттық физиканың заңдары, микроәлемді сипаттау принциптері; кванттық жүйелерді есептеудің негізгі әдістерін және сипаттамалары; атом мен ядроның сәуле шығаруының негізгі заңдылықтары, жаңа техника мен технологияларды жасау барысында практикалық есептерді шешу үшін қолданылатын кванттық физиканың әдістері.

Пәннің мақсаты: негізгі түсініктерді, заңдарды, формулаларды, теоремаларды және жоғары оқу орынында оқытылатын математикалық зерттеулердің әдіс-тәселдерін қолдана білуге үйрету. Пәнді оқу нәтижесінде студенттер төмендегі мәселелерді қарастырады: сызықтық алгебра, геометриялық тұрлер, векторлық алгебра, талдауға кіріспе, аналитикалық геометрия. Көп айнымасылысы бар функциялар. Қатарлар теориясы. Векторлар. Матрицалар. Сандық тізбектер, олардың шегі. Функцияның туындысы, жоғары тері туындылар.

Ядролық физиканың, ядро көлемінде орын алатын процестердің негізгі принциптерін сипаттап, баға беру дағдысын қалыптастыру. Пәнді оқу нәтижесінде студенттер төмендегі мәселелерді қарастырады: тежелу кезіндегі нұрлану, черенков нұрлануы, ядроның заряды мен массасы, нуклондардың спині мен магнит моменті, ядроның моделдері, ядрода болатын радиоактивті өзгерістер, ядролық реакцияның түрлері мен каналдары, ядроның бөлінуі, стрэйндж бөлшектер, резонанстар, кварктер.

Пәннің мақсаты: қатерлі ісікті клинкалау, анықтау, емдеу және алдын алу мәселелері, сәулелік терапияны жоспарлау мен жүргізу принциптері қарастырылады. Қарастырылатын мәселелер: ісіктің пайда болуына әсер етеін факторлар. Бірінші ретті және екінші профилактика. Онкологиялық көмекті ұйымдастыру. Қатерлі ісікті алдын ала болжау әдістері, скрининг. Сәулелік терапия негіздері. Жаңадан пайда болған қатерлі жасушаларды емдеу негіздері.

Пәннің мақсаты: нұрларды тіркеудің жалпы принциптерін, нұрлардың затпен әсерлесуін қарастыру болып табылады. Пәнді оқу нәтижесінде студенттер төмендегі мәселелерді қарастырады: деткторлардың негізгі принциптері, деткторлардың түрлері, ионизациялық деткторлар, Черенков деткторы, сцинтилляциялық деткторлар, жартылай өткізгіштік деткторлар, ядролық нұрларды өлшеу; нейтрондарды тіркеу, ядролық электроника. Ядролық нұр спектрометриясы. Масс-спектрометрлер. Радиометрия. Өндірістік радиометрлік қодырғылар. Элементар бөлшектер детекторлары.

Пәннің мақсаты: адам ағзасындағы биологиялық ортаның өзгерістерін сипаттайтын процестердің механика-математикалық моделін құру. Биологиялық ортаның өзгерісін сипаттайтын реологиялық қатынас. Пәнді оқу нәтижесінде студенттер төмендегі мәселелерді қарастырады: есепті математикалық тұрғыдан дұрыс қою. Белгілі бір есепті арналған бағытталған есептеу әдістерін жасау. Есепті сандық тұрғыдан шешудің алгоритмін жасау және оны жүзеге асыру бағдарламасы.

Пәннің мақсаты: ядролық медицина мен оның физика-техникалық аспектілері туралы түсінігін қалыптастыру Курсты оқу барысында студент төмендегідей білімдерді меңгереді: - медициналық диагностика мен терапияда қолданылатын ядролық реакторлар мен зарядталған бөлшектердің үдеткіштерінің жұмыс жасау принциптерін, иондаушы нұр көздерінің басты сипаттамаларын білу; - ядролық медицинаны, радиацилық қауіпсіздік негіздерін медицина қызметкері ретінде ұғыну; - физиканың жаңа жетістіктері, қазіргі таңдағы мәселелері туралы білімін қолдана алу. Пәнді оқу нәтижесінде студенттер төмендегі мәселелерді қарастырады: Ядролық медицина ғылым ретінде. Ядролық медицинаның тарихы. Ядролық медицинаның Қазақстандағы және әлемдегі дамуы. Ядролық медицина бөлімін ұйымдастыру.

Пәннің мақсаты: ядролық медицина мен оның физика-техникалық аспектілері туралы түсінігін қалыптастыру Курсты оқу барысында студент төмендегідей білімдерді меңгереді: - пәннің мазмұны мен құрылымын білу, ядролық медицинаның физика-математикалық негіздері; - ядролық медицина дамуының қазіргі таңдағы деңгейін туралы толық түсінігі болу; - әр түрлі детекторлардың қолданылу ерекшеліктері мен құрылымының физикалық принциптері туралы түсінігі; - ядролық медицинаға арналған заманауи қондарғылардың параметрлері мен функционалды мүмкіндіктерін интерпретациялау; Пәнді оқу нәтижесінде студенттер төмендегі мәселелерді қарастырады: элементар бөлшектер физикасы және оның қолданбалы саласы; микроәлем туралы ғылым саласындағы бүгінге дейінгі белгілі заңдарды, заңдылықтарды, жүйелерді, эффектілер мен құбылыстарды үйрету.

Пәннің мақсаты: барлық жеке ерекшеліктерді ескере отырып, адам денесінің жасушалары мен мүшелерінің қалыпты типтік құрылымы мен қызметі туралы интеграцияланған білімді қалыптастыру. Пәнді оқу нәтижесінде студенттер төмендегі мәселелерді қарастырады: анатомиялық-топографиялық өзара қарым-қатынас және жасуша, органдар мен жүйелер функцияларының реттелуі қалыпты жағдайда тіршілік ету процестерін түсіну және гомеостазды ұстап тұру үшін, сондай-ақ организмнің құрылысы мен функцияларын физикалық әдістермен зерттеу дағдылары.

Пәннің мақсаты ғылыми зерттеулерге және практикалық денсаулық сақтауда қолдануға арналған заманауи электрондық өлшеу және медициналық аппаратураны сауатты қолдануға қажетті білім негіздерін оқыту болып табылады. Медициналық құрылғының түрлері. Медициналық ақпарат және оларды диагностикалық процесте пайдалану. Биоэлектромагнетизм. Электр және магнит өрісінің биологиялық көздері, оларды өлшеу принциптері. Биосигнал өлшеуіштерінің, аспаптар мен оқшаулағыштардың аппараттық аспектілері. Визуалдауға арналған медициналық жабдықтар (эмиссиялық, трансмиссиялық, жарық шағылыстырғыш), сипаттамалары қарастырылатын болады.

Пәннің мақсаты: өлшеу приборларының жұмыс жасау принципі, доза, радиоактивті элементтердің активтілігі (радиометр), спектрометр туралы және иондаушы нұрларды генерациялайтын қондырғылардың жұмыс жасау принципі туралы білімін қалыптастыру. Қарастырылатын мәселелер: рентген түтігі, электрон шоғырын бөліп шығаратын сызықтық үдеткіш, КТ, ПЭТ, МРТ қондырғыларының, протондық үдеткіштің жалпы принциптері; ядролық электрониканың, зарядталған бөлшек, нейтрон, гамма квант көздерінің жұмыс істеу принциптері.

Пәннің мақсаты: әртүрлі деңгейдегі иондаушы нұрдың тигізетін биологиялық әсерлерінің жалпы принциптерін бағалау, сипаттау қабілетін қалыптастыру. Пәнді оқу нәтижесінде студенттер төмендегі мәселелерді қарастырады: иондаушы нұрлар, олардың сипаттамалары, дозиметриясы, дозалық шамасы, нұрлану энергиясының жұтылу процесі механизмі; биологиялық әсердің жұтылған нұр дозасынан тәуелділігі, жасушаның иондаушы нұрдың тигізетін әсеріне реакциясы; геномның радиациялық-индуцирленген тұрақсыздығы.

Пәннің мақсаты: зат арқылы сәулеленудің негізгі ядролық-физикалық заңдарымен танысу және онда радиациялық зақымдануларды бағыттау. Пән, әсерлесу энергияларының кең ауқымды диапазонында ауыр зарядталған бөлшектер, электрондар, гамма-кванттар, нейтрондармен заттардың өзара әрекеттесу ерекшеліктерін оқуға бағытталған.

Пәннің мақсаты: ядролық ректорлар, ядролық энергетика және осы инженерлік қызметтің физикалық негіздері туралық базалық білім қалыптастыру. Пәнді оқу нәтижесінде студенттер төмендегі мәселелерді қарастырады: негізгі ядролық-физикалық ұғымдар. Ядролық отынды өндіру циклі және жылулық цикл. Реактордың белсенді аймағы құрылымының негізгі түйіндері және олардың технологиялық функциялары. Жылуалмасу. Белсенді аймақтың ластануы мен улануы. Реакторды іске қосқан кездегі ядролық қауіпсіздік қондырғылары.

Пәннің мақсаты: емдеу процесінде оларға әсер ету әдістері мен тәсілдерін түсіну үшін адам аурулары мен органдардағы, тіндердегі, жасушалардағы, ультрақұрылымдардағы морфологиялық өзгерістердің негізінде жатқан патофизиологиялық процестердің даму заңдылықтары мен нәтижелері туралы білімді қалыптастыру. Пәнді оқу нәтижесінде студенттер төмендегі мәселелерді қарастырады: органдардағы, тіндердегі метаболикалық бұзылулар, көмірсулар алмасуының бұзылуы, қабыну, ісіктер.

Пәннің мақсаты: иондаушы сәуленің жасушаның генетикалық аппаратына әсер ету заңдылығының теориялық және тәжірибелік аспектілерін үйрету, спонтанды индуцирленген мутагенезге негізделген басты механизмдер. Пәнді оқу нәтижесінде студенттер төмендегі мәселелерді қарастырады: ДНҚ радиациялық-индуцирленген мутациясы, радиацияның тірі ағзаға мутациялық әсерінің сандық және сапалық заңдылығы, радиациядан кейінгі қалпына келтіру механизмі, сәулеленудің кейінгі генетикалық салдары, иондаушы нұрдың мутациялық әсерлерінің математикалық моделдері, радиациялық фактордың сүтқоректілердің генетикалық аппаратына тигізетін әсері.

Пәннің мақсаты: радиациялық қауіпсіздік ерекшеліктері бойынша замануи деңгейде теориялық білім беріп, тәжірибелік қабілетін қалыптастыру. Пәнді оқу нәтижесінде студенттер төмендегі мәселелерді қарастырады: ҚР тұрғындарының радиациялық қауіпсіздігінің нормативті-құқықтық базасы. Радиациялық қауіпсіздік нормалары. Радиоактивті қалдықтардың уақытша сақтау орындарының құрылысы. Ыдырайтын материалдарды тасымалдау ережелері және таратпау принциптері. Халық шаруашылығының мүддесі үшін радиоактивті қалдықтарды қайта өңдеу.

Пәннің мақсаты: заманауи сәулелік көрнекілеу әдістерінің және түрлі ауруларды сәулелік диагностикалау әдістерінің клиникалық медицинадағы ағзалық-кешенді қолданысы бойынша білім мен қабілетін қалыптастыру. Пәнді оқу нәтижесінде студенттер төмендегі мәселелерді қарастырады: түрлі иондаушы нұр көздерінен нұрланған науқас денесіндегі дозаның таралуын анықтау принциптері. Сәулелік терапияның фиксациясы мен иммобилизациясы. Ісікті және зақымданған сау жасушаларды бақылау дәрежесі, томографиялық суретті оқу.

Пәннің мақсаты: сәулелі терапияның әртүрлі әдістері мәселелері бойынша студенттердің білімін, іскерлігін және дағдыларын қалыптастыру; сәулелі терапияның физикалық және радиобиологиялық негіздері; сәулелі терапияны жоспарлаудың заманауи мүмкіндіктері; иондаушы сәулеленудің әртүрлі көздерінен пациент денесіндегі дозалардың таралуын есептеу қағидаттарын меңгеру; студенттердің сәулелі терапиядағы дозалық жүктемелерді жоспарлау саласындағы ғылыми дүниетанымын қалыптастыру.

Пәннің мақсаты: науқасқа жеке назар аудару негізінде радиациялық қауіпсіздік принциптерін ұғыну және медицина қызметкерлерімен бірлесіп дәлелді медицина принциптерін пайдалана отырып, адам патологиясын, ең алдымен онкологияны емдеу кезінде сәулелік терапия мен радиофармакологиялық құралдарды қолдану туралы білімі мен қабілетін қалыптастыру. Пәнді оқу нәтижесінде студенттер төмендегі мәселелерді қарастырады: сәулелік терапияның физикалық негіздері. Дозаны есептеу. Доза өрісі. Сәулелік терапияның технологиялық негіздері. Жанасу арқылы нұрлану. Сәулелік терапияның қашықтан әсер ету әдістері. Қатерлі ісікті сәуле арқылы емдеу.

Пәннің мақсаты: ядролық медицинаның клиникалық практикасындағы дозиметрияны үйрету, сонымен қатар экспозициялық және жұтылатын дозаны тиісті өлшем бірліктермен анықтауды үйрету. Пәнді оқу нәтижесінде студенттер төмендегі мәселелерді қарастырады: жергілікті дозиметрия ерекшеліктері, нұрландырылып отырған гетерогендік нысандағы дозалық өрістің кеңістіктік таралуын қалыпқа келтіру әдістері, тұрғындардағы, медицина қызметкерлеріндегі ұжымдық дозаны ядролық медицина саласындағы процедуралар арқылы бағалау.

Пәннің мақсаты: КТ және ПЭТ арқылы, олардың диагностикалық мүмкіндіктерін, қолданылу нұсқаулығын, қолданылу шегін, және қауіпсіздік техникаларын түсіне отырып, сканерлеу әдістерін пайдалана білуге үйрету. Оларды адам патологиясын диагностикалауда қолданылу нәтижелеріне талдау жасау, анықтауды үйрету. Пәнді оқу нәтижесінде студенттер төмендегі мәселелерді қарастырады: Позитрондық-эмиссиялық томография (ПЭТ). ПЭТ принципі. ПЭТ мәліметтерге талдау жасауы.

Пәннің мақсаты: Рентгенанатомиялық білімдерді пайдаланып, жалпы онкологиялық, патологиялық күй мен ауруды көрнекі диагностикалау және интроскопия нәтижелерін шығара алу, түсіндіру қабілетін қалыптастыру. Диагностика жоспарын, ауруды бақылау үшін сәйкес мәліметтердің басымдылығын анықтау, талдау, бағалуды үйрету. Пәнді оқу нәтижесінде студенттер төмендегі мәселелерді қарастырады: Зерттеу әдістері. Заманауи сәулелік диагностика әдістері. Әртүрлі ағзаларды диагностикалаудағы сәуле әдістері.

"Ыстық" зертхананың жұмыс бөлмелерінің және ПЭТ әдісімен зерттеуге арналған циклотроны бар зерттеу орталықтарының, гамма - камералары, БФЭКТ-және ПЭТ - сканерлері бар бөлмелердің, оның ішінде БФЭКТ/КТ-және ПЭТ/КТ-сканерлері бар бөлмелердің, сондай-ақ радионуклидті терапия бөлімшесінде "белсенді" палаталардың радиациялық қорғанысын есептеу

Қазіргі заманғы ақпараттық-цифрлық технологиялар мен ядролық медицинаның ақпараттық жүйелерін, медициналық құралдардың техникалық құжаттамасын және кәсіби міндеттерді шешу үшін бірегей ғылыми әдебиетті пайдалану. Зерттеудің теориялық және сандық әдістерін қолдану, құбылыстардың, процестердің, заттардың қасиеттерінің теориялық және тәжірибелік зерттеулерін жүргізу

Ядролық-физикалық медициналық қондырғылардың жұмысын ұйымдастыру, ретке келтіру және қолдау үшін ядролық медицина саласындағы теориялық білім мен зерттеу әдістерін қолдану; ядролық медицина үшін радиоактивті изотоптарды пысықтау үшін пайдаланылатын нысаналы құрылғылардың негізгі түрлерін ажырату

Радионуклидті диагностикалық зерттеулердің нәтижелерін статистикалық өңдеуде, радионуклидті және мультимодальды бейнелерді компьютерлік талдау және тану бағдарламалары мен алгоритмдерін пайдалануда радиолог-дәрігерге әдістемелік көмек көрсетуді ұйымдастыру

Топта толыққанды әлеуметтік және кәсіби қызметті қамтамасыз ету үшін өзінің дүниетанымдық, азаматтық және адамгершілік ұстанымдары тұрғысынан мемлекет саясатындағы өзгерістердің факторлары мен тетіктерін критикалық талдау;

Ядролық және радиациялық қауіпсіздікті, ядролық материалдардың қауіпсіздігін және медициналық ядролық объектілерді физикалық қорғауды, медициналық радиациялық-ядролық қондырғыларды бақылау және автоматтандырылған басқару жүйелерін қамтамасыз ету үшін теориялық білімді қолдану. Сәулеленуді тіркеудің жалпы принциптерін, сәулеленудің затпен өзара әрекеттесуін бағалау.

Қазіргі заманғы технологиялардың жаңа жетістіктерін қолдана отырып, ядролық медицина саласындағы зерттеу әдістерін әзірлеуде іздестіру зерттеулерін жүргізу; детектрлеу жүйесімен және компьютерлік қамтамасыз етумен жабдықталған қазіргі заманғы мамандандырылған гамма-тіркеуші камераларды пайдалана отырып, ядролық визуалдауды орындау үшін білімдерін қолдану

Сцинтиграфия және/немесе гамма-томография (БФЭКТ, БФЭКТ/КТ, ПЭТ/КТ) процестерінің оңтайлы физикалық-техникалық параметрлері мен режимдерін таңдау және осы әдістердің көмегімен жүргізілген емнің тиімділігін бағалау мақсатында дозиметриялық жоспарлау үшін науқастың денесінің патологиялық аймақтарын радионуклидтік диагностика және терапия курсына дейін және одан кейін медициналық визуализациялауды жүргізу.

Этникалық белгілеріне, мәдениетіне, жынысына, экономикалық мәртебесіне немесе жыныстық бағдарына қарамастан, пациенттермен, әріптестермен және жалпы қоғаммен өзара іс-қимыл жасаудың барлық кәсіби ұстанымдарын сақтау

Диагностика және ауруды басқару жоспарын құрастыру үшін тиісті деректердің басымдығын анықтау, талдау, бағалау және түсіндіру. Медициналық-биологиялық маңызы бар және диагностика мен радионуклидті терапия үшін ядролық медицина саласында қолданылатын заттардың физика-химиялық, сондай-ақ ядролық қасиеттері мен сипаттамаларын білуді қолдану.

Бейтарап және зарядталған бөлшектердің биологиялық затпен өзара әрекеттесу механизмдерін түсіндіру және биологиялық жасушаның радиоактивті сәулеленуге жауап беру ықтималдығын есептеу және "доза-эффект"функциясын құру. Радиометрлер, дозиметрлер, спектрометрлер сияқты ядролық-физикалық құралдарды пайдалана отырып, радиометрлік және дозиметрлік радиациялық фонды өлшеуді жүргізу.

Барлық кәсіби қызмет барысында үздіксіз кәсіби оқыту және өз білімі мен дағдыларын жетілдіру қажеттілігін қолдау. Әр түрлі көздерден ақпаратты талдау, жаһандық компьютерлік желілерде талқылау. Жаңа ақпараттық технологияларды дербес меңгеру