6B01506 Физика-информатика в Шымкент университеті

Алгоритм ұғымын, қасиеттерін және негізгі алгоритмдік конструкцияларды, тілдің мәтіндік, графикалық режимде жұмыс істеу қабілетін қалыптастырады. Бағдарламалау тілінің алфавитін, жазу үлгілерін сипаттайды. Бағдарламалау ортасының құралдарын қолданады және бағдарламаны жазуға бағыттайды. Паскаль тілінде күрделі тестілеу алгоритмдерін талдайды.

Классикалық механика пәнін және оның қолданылуы аясын, кеңістік пен уақыт жөніндегі классикалық түсініктерін сипаттайды. Материалдық нүкте қозғалысын декарттық, цилиндрлік және сфералық координатада қарастырады. Массаны, күшті, инерциялық санақ жүйесін, Ньютон заңдарын қарастырады. Механикалық жүйе түрлерін, энергия түрлерін, Галилейдің салыстырмалық принциптеріне негізделген механиканың бөлімін анықтайды. Тербелмелі қозғалысты оқытудағы Гюйгенс тәжірибесін, Лаплас және Кеплер заңының ашылуын талдайды.

Табиғаттың негізгі қарым-қатынастарын, заңдылықтарын зерттейді. Физиканың барлық бөлімдерін тереңдетуі үшін физиканың маңызды қозғалыс заңдарына баса назар аударылады. Табиғат пен техникадағы физикалық құбылыстар мен процестердің физикалық мағынасын сипаттайды. Физиканың барлық бөлімдері бойынша теориялық, практикалық және Халықаралық бірліктер жүйесін, терминдерді, мемлекеттік стандарт бойынша физикалық шамалардың белгіленуін қарастырады.

Механиканың негізгі ұғымдары, механикалық қозғалыстың өлшемдері туралы түсінік қалыптастырады. Денелердің механикалық өзара әсерлесуін қарастырады. Материялық нүктенің шеңбер бойымен қозғалысын, бұрыштық жылдамдықты, бұрыштық үдеу векторлары туралы түсіндіреді. Сұйықтар мен газдардың механикасының элементтерін тәжірибеде қолдануға бейімдейді. Нүктенің орын ауыстыруын, жылдамдығын және үдеуін векторлық және координаттық түрде өрнектелуін сипаттайды. Жарық жылдамдығының тұрақтылығын дәлелдейтін эксперименттік фактілерді тәжірибе жүзінде қолдануға бағыттайды.

Молекулалық физика пәнін, материалық дененің моделін, заттың агрегаттық күйлері және олардың белгілерін, заттардың физикалық қасиетін сипаттау әдістерін, заттардың молекулалық–кинетикалық теориясын тәжрибе жүзінде негіздеуді анықтайды. Газдардың молекула–кинетикалық теориясының негізгі қағидаларын, газ заңдарын, статистикалық әдіс және ықтималдықтар теориясының элементтерін сипаттайды. Максвелл және Больцман тарауларын, термодинамиканың бірінші және екінші бастамаларын қарастырады. Тасымалдау процестерін, нақты газдарды, сұйықтар мен қатты денелерді, фазалық түрленулерді талдайды.

Механиканың негізгі түсініктерін талдайды. Импульстің сақталу заңын, оның техникада қолданылуын, динамика заңдарын, Ньютон заңдарының маңызын сипаттайды. Үйкеліс, ауырлық және серпімділік күштерінің, термодинамика заңдарының техникада қолданылуын, электромагниттік толқындарды қолдануды, сәулелердің биологиялық және экологиялық әсерін, Қазақстандағы электр энергиясы және уран өндірісін қарастырады. Қатты денелер механикасын, электродинамиканы, электромагниттік индукцияның қоғам үшін маңызын, электр энергиясын тұтынушыға жеткізу жолдарын анықтайды.

Оқушылардың анатомиялық, физиологиялық ерекшеліктері, әртүрлі жастағы өсу және даму заңдылықтары, өскелең организмнің қоршаған ортамен қарым-қатынасы, мектеп оқушыларының денсаулығын сақтау мен нығайтуды қарастырады. Дене тәрбиесі мен әдістерін пайдалану арқылы балалар мен жасөспірімдер ағзасының қоршаған ортада бейімделу мүмкіншілігін арттырып, денсаулығын қорғау, жақсартуға үлес қосады. Толыққанды әлеуметтік кәсіби қызметті қамтамасыз ету үшін қабілетті болуға үйретеді.

Қазақстанның рухани жаңғыруының негізгі бағыттарын анықтайды. Жастардың рухани мәдениетінің даму бағыттарын түсіндіреді. Тұлғаның әдет-ғұрыптары мен мінез-құлықтарын, құқықтық дәстүрлерін, ұлттар мен халықтардың психикалық кейіп ерекшеліктерін сипаттайды. Тұлғаның жаңа болмысын қалыптастыруды ұғындырады, тұтас ұлтты арттыруды ұйымдастырады. Білім мен ғылымды тереңдетуді, танытуды, зерттеу бағыттары аясында ұлттық сананың түрлі полюстеріне жан-жақты зерделеуді түсіндіріп береді.

Жоғары математика курсының ережелерін, теоремаларын және әдістерін анықтайды. Түзудің және жазықтық теңдеуін құрастыру тәсілдерін, геометрия және алгебраның есептерін шығаруды талдайды. Анықтауыштардың, матрицалардың және сызықты теңдеулер жүйелерін талқылайды. Функцияны зерттеуге туындыны қолдануды, интегралды есептеуді және оларды математикада қолдануды сипаттайды.

Электронды техниканы, жартылай өткізгішті аспаптардың жұмысы мен құрастыру принциптерін, электронды схемаларын, құрылысын және қолдану аймағын анықтайды. Жартылай өткізгішті аспаптарды топтастырады. Жартылай өткізгішті диод құрылысын, вольт-амперлік сипаттамасын, жартылай өткізгішті диодтардың негізгі параметрлерін түсіндіреді. Импульсті сигналдарды түрлендіруді: тізбектерін, схемаларын, уақыт диаграммаларын қарастырады.

Табиғи ресурстарды ұтымды пайдаланудың және қоршаған ортаны қорғаудың заманауи әдістері туралы теориялық және практикалық білімдерді сипаттайды. Экономиканы, кәсіпкерлік іс-әрекеттерді, кәсіпкерлік қызметтің түрлерін, экологиялық білім, білік пен құралды қоршаған ортамен қалыптастырудың теориялық негіздерін үйретеді. Сыбайлас жемқорлыққа қарсы жүйені, сыбайлас жемқорлыққа қарсы дүниетаным мен құқықтық мәдениетті қалыптастырады.

Оқу және жеке жетістіктердің жиынтығын алуға, білім беру мазмұнының сәйкестігін бағалауға үйретеді. Адамға өзінің өмірлік мәселелерін шешу үшін білімдерін тиімді мүмкіндік беретін жобалық-бағытталған ойлауды қалыптастырады. Тұлғалық, мәдениетаралық және мемлекетаралық ыңғайлы қарым-қатынасқа қабілеттілік пен дайындықты сипаттайды. Өзіне, қоршаған ортаға, қоғамға, мемлекетке, адамзатқа, табиғатқа деген әлеуметтік жауапкершілікті қарастырады.

Педагогикалық іс-әрекетке, болашақ кәсіптің теориялық және практикалық негіздерін меңгеруге кәсіби педагогикалық бағыттылықты қалыптастырады. Педагогиканың жоғары әлеуметтік маңыздылығын түсіндіреді. Методологиялық негізін анықтауда педагогиканың ғылымдармен байланысын дәлелдейді. Мұғалімнің теориялық және практикалық іс-әрекетін ұйымдастыруда әдіснаманың рөлі туралы ұғымды сипаттайды.

Python бағдарламалау тілі туралы түсініктерін және анықтамаларын, бағдарлама құрастырудың әдістерін анықтайды. Python бағдарламалау тілінің алфавитін, синтаксисін, семантикасын талқылайды. Python бағдарламалау тілін үйреніп, тәжірибеде қолдануын талдайды. Базалық программалау тілдерінің құрал-саймандарымен жұмыс істеу дағдысын қалыптастырады. Қандайда бір есептерді практикалық жүзеге асыру үшін бағдарламалық қосымшаларын жасауға бағыт береді.

Электронды есептеуіш машиналарының даму тарихын, кезеңдерін қарастырады. ЭЕМ кластарының негізгі ерекшеліктерін сипаттайды. ЭЕМ-нің дербес және перифериялық, орталық және ішкі құрылғыларын, олардың сипаттамаларын анықтайды. Микропроцессордың, компьютер жадысының қызметін сипаттайды. Дербес компьютер құрылғыларының, микропроцессорлық жүйенің жұмыс істеу принциптерін бағалайды. ЭЕМ-нің құрылғыларын қолдану және есептерді шешу үшін микропроцессор жүйесі мүмкіндіктерін жобалайды.

Білім алушыны тәрбие процесінің ізгілік және гуманитарлық қағидаларын, кешенді педагогикалық және психологиялық әдістерді пайдаланып, ұжымдағы тәрбиелік жұмыстарды ұйымдастыруға бейімдейді. Мектеп ұжымындағы сынып жетекшісінің тәрбиелік жұмыстар жүйесін жоспарлайды. Оқушылар ұжымын тәрбиелеудің түрлі формалары мен әдістерін пайдаланады. Мұғалімдер, ата-аналар, бала тәрбиесіндегі қоғамдық ұйымдардың іс-әрекеттерін бағыттайды.

Білім беру үдерісіндегі бағалаудың орны мен рөлін, білім алушылардың оқу жетістіктерінің негізгі тəсілдерін, критериалды бағалаудың мəнін, бағалау жүйесін ұйымдастырады. Оны жүзеге асыру тəсілдерін, формалары мен құралдарын сипаттайды. Тұлғаға бағытталған оқытудың бағалау жүйесінің ерекшеліктерін, мақсаты мен ұстанымдарын түсіндіреді. Білім алушылардың оқу жетістіктерін бағалаудың сенімді, валидтік жəне технологиялық жүйесін қалыптастыру мəселесін қарастырады.

Қазіргі компьютер жүйелерінің құрылу принциптері мен ерекшеліктерін анықтайды. Компьютерлік жүйелердің сәулетін, құрылымын, түрлерін, мүмкіндіктерін сипаттайды. Компьютердің сұлбатехникалық негіздерін, жады элементтерін талдайды. Сандық машиналардың арифметикалық және логикалық негіздерін, микропроцессорлар және компьютердің архитектурасын қарастырады. Компьютерлік жүйелердің сәулеттік ерекшеліктерін саралайды.

Дербес компьютерге орнатылатын бағдарламалық жасақтаманың түрлерін анықтайды. Компьютерлік жүйелерді бағдарламамен қамтамасыз ету түрлері мен мүмкіндіктерін сипаттайды. Қазіргі ЭЕМ мен компьютерлік жүйелердің бағдарламамен қамтамасыз ету ерекшеліктерін саралайды. Компьютерді бағдарламамен қамтамасыз етудің барлық деңгейінде қазіргі заманғы компьютерлік жүйелерін талдайды. Ақпаратты өңдеу процестерін ұйымдастыру дағдысын қалыптастырады.

Білім берудің маңызды стратегиялық міндетін, халықаралық біліктілік сапасын, лингвистикалық білімін жетілдіру мақсатында мемлекеттік және шетел тілдерін меңгереді. Менеджменттің жетекші заңдылықтарын, принциптерін сипаттайды. Педагогикалық іс-әрекеттің жаңашылдық бағыттарын сипаттайды. Басқарудағы тиімді технологияларды кәсіби тұрғыда қолдануға бағыттайды. Білім берудегі менеджменттің теориялық-әдіснамалық негіздері мен мектептің педагогикалық ұжымын басқарудың ерекшеліктерін қарастырады.

Электр тізбектерінің негізгі заңдарын, олардың қолдануын сипаттайды. Фундаментальді физикалық тәжірибелерді, есептерді шешеді. Электр тізбектерін эксплуатациялау, проектілеу заңдылықтарын түсіндіреді. Электромагнит өрісін және осы өрістің нәтижесінде автоматтандыру және басқару жүйелерінде қолданылатын электрондық және электрік кондырғылар мен аспаптарда пайда болатын кұбылыстарды теориялық тұрғыдан түсіндіреді. Электротехника есептерін шешіп, электр кұралдармен тәжірибе жасауды практикада дағдылайды.

Информатика пәнінің мазмұны мен құрылымын, оқыту әдістемесін қарастырады. Информатика пәнін оқытудың мақсаттары мен міндеттерін анықтайды. Білімгерлердің компьютерлік сауаттылығын және ақпараттық мәдениетін қалыптастырады. Информатикадағы теория ұғымдарын сараптайды. Информатиканы оқытудағы практика және бақылауды ұйымдастырады. Оқыту әдістеріне шолу жасап, зерделейді. Информатика пәнін оқыту әдістерін, информатиканы оқыту формаларының әртүрлілігін меңгертеді.

Деректердің негізгі ұғымдары мен түрлерін анықтайды. Деректер базасын құру, деректер базасымен жұмыс істеу, деректер базасын құрудың тиімді жолдарын жобалайды. Деректер базасы, деректер базасын басқару жүйесі, деректер базасы түсінігі, деректер базасын жіктеу, реляциялық деректер базасының құрылымы, өрістер типтері туралы білімдерін қалыптастыру ерекшеліктерін саралайды.

Электродинамика, электромагниттік тербелістер мен толқындардың негізгі заңдылықтарын түсіндіреді. Электр заряды, электр өрісі, өзара әсерлерін анықтайды. Электр және магнит өрістерінің кернеуліктерін сипаттайды. Өрістегі өткізгіштердің, диэлектриктердің, зарядтардың өзара әсерлерін сараптайды. Өрістердің энергиясын, электромагниттік индукция құбылысын қарастырады. Эрстед пен Фарадей тәжірибесін, Максвелл гипотезасын, Ампер тәжірибесін, электромагниттік құбылыстарды және эксперименталдық зерттеу әдістерін бағалайды.

Бағдарламалау жүйесінде деректер базасы қосымшаларын құру принциптерін анықтайды. Ақпараттық жүйелер, ақпараттық жүйелерді құрудың итерациялық процедуралары, деректер қорының концепцияларын сипаттайды. Деректер қорының құрылымын жобалауды, деректер қорын алғашқы жүктеуді және жүргізуді, деректерді қорғау ерекшеліктерін қарастырады.

Инклюзивті білім берудің қағидалары, философиялық және әдіснамалық негіздері туралы түсініктерін қалыптастыру, инклюзивті білім берудің құқықтық-нормативтік қамтамасыздандыруда кездесіп отыратын кедергілерін жою, ерекше қажеттіліктері бар балалардың психологиялық-педагогикалық қолдауға байланысты заманауи модельдері туралы түсініктері мен инклюзивті тәжірбие аймағында ұйымдастыру мен басқару құзіреттіліктеріне ие болу.

Аспан денелерінде болып жатқан құбылыстарды түсіндіреді. Аспан денелерінің физикалық табиғаты жөніндегі білімдерін сипаттайды. Алған білімдерін тәжірибеде жүзінде талдайды. Күндегі процестердің Жер бетіндегі құбылыстарға тигізетін әсерін сараптайды. Ғылыми-зерттеу жұмыстары барысында пайда болатын мәселелерді қарастырады. Астрофизикалық заңдылықтарды оқып, аспан денелерінде болып жатқан құбылыстарды, процестерді түсіндіреді. Аспан денелерінің физикалық табиғаты жөніндегі білімдерін кеңейтеді.

Физиканы оқыту әдістемесінің теориялық және жалпы дидактикалық негіздерін сипаттайды. Физиканы оқытудың әдістемесінің ғылыми-теориялық негіздерін, оның мақсаттары мен зерттейтін мәселелерін қарастырады. Оқушылардың дүние танымын қалыптастырады. Оқушылардың физикалық ойлау мен шығармашылық кабілеттерін дамытады. Физиканы оқытудың жаңа педагогикалық технологияларын меңгертеді. Физиканы оқыту құралдарын анықтайды. Оқыту әдістерінің классификациясын талдайды.

Электромагнетизмдегі құбылыстарды жан-жақты терең анықтайды. Математикалық əдістерді жүйелі түрде сипаттайды. Электродинамиканың физикалық заңдылықтарын жақсы ұғынулары үшін теориялық тұрғыдан саралайды. Өріс теориясында скалярлық өріс градиент деп аталатын скалярлық өрістің максимальды өзгерісі бағытын бағалайды. Гаусс теоремасының вакуумдағы өрістерді есептеуін және екі диэлектрлік орталардың шекарасындағы шарттарды сыни талдайды.

Техникалық оқыту құралдарының дидактикалық мүмкіндіктерін, кәсіптік мектеп үрдісіндегі оқыту құралдарын, оқыту құралдарының жіктелуін түсіндіреді. Оқу құралдарының экрандық және экрандық-дыбыстық құралдарын, өндірістік оқыту құралдарын сипаттайды. Мектептік білім беру жүйесіндегі компьютерлік телекоммуникациялардың, мультимедиа аппаратураларының жұмысын қарастырады. Телекоммуникациялық жобалардың үлгісін түсіндіреді. Сыныптан тыс жұмыстардың техникалық құралдарын қолдануға дағдыландырады.

Өлшеу құралдарының анықтамасы мен классификациясын, сипаттамасын, құрылымдық схемасын, өлшеу қателіктері мен өлшеу нәтижелерін өңдеуді анықтайды. Электр өлшеуіш құралдары мен өлшеу әдістерін, электр өлшеуіш құралдардың негізгі жүйелерін, электромагниттік жүйе құралдарын, магниттік электрлік жүйе құралдарын, индукциялық жүйе құралдарын, электронды өлшеуіш құралдарын сипаттайды. Электрлік шамаларды өлшеу әдістерін, токты өлшеуді, кернеуді өлшеуді, электрлік тізбектегі қуат пен энергияны өлшеуді, айнымалы ток тізбегіндегі энергияны өлшеуді түсіндіреді.

Оптоэлектрондық қондырғыларды негізге ала отырып, сигналдарды өндіру және тасымалдауға байланысты физикалық заңдылықтарды талдайды. Курста меншікті және қосымша зарядтарды бақылау материалдарын, меншікті және қоспалы жартылай өткізгіштерді, оптоэлектронды қондырғылар мен қабылдағыштарды пайдалануды, оптоэлектронды қабылдау таңбаларының қолданылуын қарастырады. Фотоқабылдағыш элементтердің, сәуле шығаратын диодтар мен лазерлердің, қуат кристалды аспаптардың, оптоэлектронды құрылғылардың физикалық жұмыс істеуін сипаттайды.

Статистикалық физиканың негізгі принциптерін, статистикалық заңдылықтарды, термодинамиканың негізгі заңдарын түсіндіреді. Термодинамикалық функцияларды және олардың түрлі процесте қолданылуын, термодинамикалық функцияларды канондық үлестіру көмегімен шығару және қолданылуын қарастырады. Кванттық айныған газдардың статистикасын, идеал емес газдардың термодинамикалық функцияларын, флуктуация теориясын, фазалар тепе-теңдігін, фазалық ауысуларды сипаттайды. Тепе-теңсіздік процестердің термодинамикасы мен статистикалық физикасын талдайды.

Жарықтың тегі мен түзу сызықты таралу заңдарын, шағылу және сыну заңдарын, затпен әсерлесуінде байқалатын негізгі құбылыстар мен заңдылықтарды анықтайды. Жарықтың жұтылуы, сәуле шығаруы, шашырауы мен шағылуына әдістерін сипаттайды. Линзалар мен оптикалық құрылғылардың жұмыс істеу принциптерін, құрылымын талдайды. Ғылым мен техникада қолдануға машықтандырады. Оптикалық параметрлерді, тұрақтыларды өлшеу нәтижесін бағалайды. Эксперименттердің техникасын меңгеруін түсіндіреді.

Математикалық физиканың негізгі теңдеулерін, гиперболалық теңдеулерді, Даламбер теңдеуін қорытуды, толқындық теңдеу үшін Даламбердің сипаттауыш әдісі мен Коши есебін сипаттайды. Параболалық типті теңдеулерді, жылудың таралу туралы есебін, жылуөткізгіштік теңдеуі үшін Коши есебін меңгереді. Эллиптикалық типті теңдеулерді, Лаплас және Пуассон теңдеулерін, Грин функциясының көмегімен шектік есептерді шығаруға дағдыланады. Айнымалыларды ажыратуда Фурье әдісін қолдануға, интегралдық түрлендірулер әдісін есептер шығаруда қолдануға бағыттайды.

Ақпарат түрлерін, жүйе және оның қасиеттерін, жүйелік талдауды сипаттайды. Ақпараттық үдерістер, ақпарат теориясын, ақпараттық жүйелердің негізін сараптайды. Цифрлық ақпараттарды сығу әдістерін, тиімді кодтауды практикада қолдануға дағдыландырады. Ақпараттық каналдардың жұмысын жоспарлайды. Сигналдың және каналдың ақпараттық сипаттамалары, деректер беру желісінің және байланыс желісінің өткізу қабілеттілігінің сипаттамаларын, статикалық маршруттау мәселесін шешу әдістерін қарастырады.

Информатиканың теориялық тараулары туралы түсінікті қалыптастырады. Ақпараттар теориясы, цифрлы автоматтар, ақпараттық процестер, ақпаратты беру формалары, кодтау, ақпаратты өлшеу, санау жүйесі сияқты фундаментальды ұғымдарын түсіндіреді. Алгоритмдердің күрделілігі және тиімділігін бағалау әдістерін қолданады. Ақпаратты байланыс каналдары арқылы жөнелтуді, ақпараттық процесс ұғымын және оны жүзеге асыру мүмкіндіктерін қарастырады. Ақпараттарды түрлендіруді меңгереді.

Табиғатты тану үшін ондағы болып жатқан құбылыстардың математикалық моделін жасауды, оны шындықпен салыстыру әдісін анықтайды. Зерделеу аумағы жасалған тәжірибелер мен табиғатта болып жатқан құбылыстарды түсіндіреді. Физикалық құбылыстарды және оларды сипаттайтын заңдарды бір-бірімен өзара байланыстыра отырып сипаттайды. Математикалық модельдерді математиканың қатал деңгейіне байланысты талдайды.

Кванттық теорияның бастауларын, классикалық теориялық физиканы, жарықтың кванттық теориясын, атомдық жүйелердегі квантталуын түсіндіреді. Кванттық механиканың негізгі қағидаларын, кванттық механиканың математикалық аппаратын, Шредингер теңдеуін, кванттық механиканың қарапайым есептерін меңгереді. Көріністер теориясын, кванттық механиканың матрицалық тұжырымдамасын, бұрыштық моменттің кванттық теориясын қарастырады. Кванттық механиканың жуықтап есептеу әдістерін, тепе-тең бөлшектер жүйесінің кванттық теориясын сипаттайды.

Программалау тілдерінің, Турбо Паскаль, С++ және Дельфи тілдерінің есептерін, шығару жолдарын сипаттайды. Программалау тілдерінің есептерін іс-тәжірибеде қолданады. Қарапайым компьютерлік бағдарламаларды жобалау, жазу және жөндеу дағдыларын дамытады. Программалау тілінде алгоритмдер мен модельдердің сауатты құрылысын қалыптастырады. Программалау есептерін шығару дағдыларын меңгертеді.

Сараптаушы жүйелердің негіздері мен элементтерін, арнайы басқару жүйелерін, интерпретациялау мен білімді көрсету әдістерін анықтайды. Сараптаушы жүйелерде білімді көрсету модельдерін тәжірибеде ақпараттық бағдарламалармен ұштастырып жұмыс жасауды сипаттайды. Сараптаушы және басқару жүйелерін құру жолдарын талдайды. Сараптаушы жүйелер базасының моделін жасауға дағдылайды. Заманауи сараптамалық жүйелерді құру іскерлігін дамытады.

Жасанды интеллектінің негізгі ұғымдарын мен даму тенденцияларын анықтайды. Prolog тілінің алфавиті мен программаны құру әдістерін сипаттайды. Жасанды интеллектіні зерттеудің негізгі бағыттарын қарастырады. Жасанды интеллектіні зерттеуді тәжірибеде қолданады. Жасанды интеллектуалдық жүйелерін дамытудың перспективалық бағыттарын ұйымдастырады.

Компьютерлік сызба негіздерін, техникалық құралдарының жүйесін анықтайды. Мультимедиалық қосымшаларды жасауда қазіргі технологияларды қолдануды, түрлі фигуралардың бейнелену әдістерін қарастырады. Растрлық, векторлық және фракталдық графиканың ерекшеліктері мен айырмашылықтарын, компьютерлік сызбада қолданылатын түс модельдерін, графикалық файлдардың түрлерін талдайды. Қазіргі компьютерлердің графикалық мүмкіндіктері, бейнелерді өңдеу пакеттері туралы түсініктерін қалыптастырады.

Компьютерлік графиканың негізгі бағыттары туралы жалпы түсінік қалыптастырады. Adobe PhotoShop программасында бейнелерді өңдеу, графика жүйелерін ұйымдастыру әрекеттерін сипаттайды. Corel Draw векторлы программасының басты құралдарын, графикалық бейнелерді анықтайды. Үшөлшемді модельдеудің күрделі вариантын, физикалық дененің қозғалыстағы кескіндерін құрастыру мәселесін саралайды.

Ақпаратты қорғауды қамтамасыз ету әдістері мен тәсілдерін сипаттайды. Қауіпсіздік стандарттарын, криптографиялық модельдерді, операциялық жүйелердің қауіпсіздігін анықтайды. Компьютерлік жүйе мен желілерде ақпаратты қорғаудың қазіргі кездегі құралдары мен принциптерін түсіндіреді. Ақпараттық жүйелердегі ақпаратты қорғау жүйелерін қолданудың теориялық негіздерін қалыптастырады. Деректерді қорғау үрдістерін, әдістерін және құралдарын жүйелі көрсетілуін, ақпаратты қорғаудың әдіс-тәсілдерін қарастырады.

Түрлі мәселелерді шешудің тиімді әдістерін қолданып алгоритм құруды, жоғары сапалы бағдарлама және бағдарламалық құжаттама жасауды, C# тілінде практикалық бағдарламалаудың дағдыларын қалыптастырады. Программалау мен алгоритмдеуді тәжірибеде қолдануға бағыттайды. С, С# тілдерінде операцияларды орындау экспериментін талдайды. С, С# программалау тілдерінде программа жазуға бейімдейді.

Қазіргі заманғы желілік технологиялардың ерекшеліктерін, компьютерлік желілердің классификациясын, желілердің аппараттық және программалық қамтамаларын талқылайды. Локальды желілерді жобалау, ақпаратты жеткізу, сақтау, іздеу, өңдеу және ұсыну үрдістерімен байланысты қазіргі кездегі желілік технологиялардың дамуы мен деңгейлерін саралайды. Қазіргі кездегі операциялық жүйелерде желілік, аппаратық жабдықтарды орнатуды және олардың күйлерін өзгерту әдістерін қолдануды меңгертеді.

Интернетте программалау түсінігін, интернеттің ұйымдастырылуы мен қосылуын, интернеттің қызмет көрсетуін анықтайды. Компьютерді интернетке қосу құралдарын талдайды. Интернетте программалаудың негізін оқыту, компьютерде желілік мазмұнды есептерді шешу мәселелерін сипаттайды. Гипермәтіндік белгілеулердің принциптерін, HTML-да программаның жазылу тәсілдерін меңгертеді.

Web-қосымшаларды құру технологияларымен және құралдарын сипаттайды. Тегтердің қызметін, Web-беттерді жазуды, JavaScript тілінің негізін және мүмкіндіктерін баяндайды. Түрлі деңгейдегі Web программалауды талқылайды. Веб-парақтарын жасау үшін програмалаудың тиімді әдістер мен технологияларын пайдалануға мүмкіндік береді. Web-программалау арқылы Java, ASP, PHP тілдерін қолдану көмегімен интернетте программалауды ұйымдастыруға бағыттайды.

Есептеуіш желілер, жүйелер және телекоммуникацияның басты ұғымдарын сипаттайды. Электрондық есептеу машиналарының қалыптасуы мен эвалюциясын талдайды. Желілік жабдықтарды бағалайды. Жергілікті есептеуіш желілер топологиясы және қатынау әдістерін жобалайды. Телекоммуникация құралдарын қолданып, жобалауды ұйымдастырады.

Резерфорд және Бор ұсынған атом моделін, бір электронды және көп электронды атомдарды, сілтілік металл және сутегі атомын қарастырады. Электрондардың дифракциясын, Франк және Герц тәжірибелерін, сыртқы фотоэффектіні зерттейді. Атомдық спектрлерді заттың химиялық құрамын анықтау үшін қолданады. Атомның магниттік қасиеттерін, магнит өрісінің атомға әсерін, магниттік резонанс және Зееман эффектін түсіндіреді.

Электромагниттік өрісті және оның электр зарядына ие денелермен өзара әрекеттерін анықтайды. Электрлі және магниттік құбылыстардың, электромагнитті жарқыраудың, электр тогы мен оның электромагниттік өріспен әрекеттесуі арасындағы байланыстарды сипаттайды. Заманауи физикада зарядталған денелер арасындағы кез келген электрліә және магниттік өзара әрекеттесулер электромагниттік өріс аясын сыни талдайды.

Ғылыми және философиялық таным әдістері арқылы табиғи және әлеуметтік әлемді ғылыми тұрғыда түсіну мен зерттеуді, мифологиялық, діни және ғылыми дүниетанымның мазмұнын көрсетеді.

Нақты өмірдегі болжамдар, айғақтар және түсіндірмелер ұсыну үшін ғылыми жаңалықтарды ескере отырып, ғылыми модельдер мен дәлелдемелерді, эксперимент пен зерттеу нәтижелерін жинақтайды.

Пән бойынша жоспарланған оқу нәтижесіне қол жеткізу үшін ғылыми-зерттеу әдістері мен академиялық хатты меңгереді.

Ғылыми зерттеулердің әдістерін және оларды оқытылатын салада қолдана біледі. Физика және информатика саласы бойынша білімін өз бетінше жалғастыратын оқыту дағдыларын игере отырып, критериалды бағалаудың, диагностикалаудың, қысқа мерзімді сабақ жоспарын жасаудың технологияларын пайдаланады.

Физика және информатика саласында одан әрі оқуды өз бетінше жалғастыру үшін қажетті оқыту дағдыларын шыңдайды.

Академиялық адалдық принциптерін, тұлғааралық қарым-қатынаста коммуникативтілігін, командада жұмыс істеу дағдыларын, ақпараттық мәдениетін көрсетеді.

Физика және информатиканың теориялық және практикалық білімдерінің өзара байланысын ұйымдастырады, оларды заманауи технологиялар мен есептеуде, зерттеу әдістерінде, ғылыми және өндірістік мәселелерді шешуде, жаратылыстану ғылымдары аясында өзіндік жетілуде, физика мен информатиканы оқытудың жаңа технологияларына сәйкес оқыту әдістерінде қолдана біледі.

Инновациялық технологияларды оқытудың мақсат-міндеттеріне, оқушылардың дара ерекшеліктеріне сәйкес қолданады.

Физикалық процестерді модельдеуде, эксперимент нәтижелерін өңдеуде, талдауда, пәнді оқытуда ақпараттық-коммуникациялық технологияларды, цифрлық білім ресурстарын қолдана алады.

Білімдерін кәсіби деңгейде қолданады, дәлелдерді қалыптастырады және физика және информатика саладағы мәселелерді шешеді.

Физика және информатика саласындағы озық білімдерін, зерттелетін саладағы түсініктерін, табиғат пен техникадағы құбылыстарды, процестерді түсіндіруде, есептер шығаруда, эксперимент жүргізуде көрсетеді.

Физика және информатика саласында оқу-практикалық және кәсіби міндеттерді шешу үшін теориялық және практикалық білімді, оқыту әдістерін қолданады. Талдаудың әдіснамасын таңдайды және практикада қолданады.