6B04201 Құқықтану в "Ақмешіт" гуманитарлық-техникалық институты

Мемлекет және құқық теориясы пәнiн оқыту процесiнде мемлекет және құқық жүйесi, құқықтық қатынастың түрлерi және құқықты iске асыру нысандары толығымен қаралады. Мемлекет және құқық теориясын оқып-үйрену барысында студенттер құқықтың барлық саласының негiздерi бойынша бiлiм алады, құқық шығармашылық негiздерiмен танысады, заңдардың даму барысын қолданыстағы құқықтың тиiмдiлiгiн талдап, бағдарлай алу мүмкiндiгiн қалыптастырады

Қазақстан Республикасының мемлекет және құқық тарихы курсы Қазақстан аумағында қалыптасқан басты мемлекеттік құрылымдар мен құқықтық жүйелер, Қазақ хандығының саяси-құқықтық құрылымы, Ресей империясы құрамындағы Қазақстанның саяси-құқықтық дамуы, Кеңестік Қазақстанда мемлекет пен құқықтық жүйенің орнығып, дамуы және тәуелсіз Қазақстанның мемлекеттік-құқықтық дамуы туралы негізгі мәліметтерден хабардар етеді.

Болашақ мамандарда сыбайлас жемқорлыққа қарсы іс-қимылдың экономикалық шаралар жүйесі туралы тұтас түсінік қалыптастыру, сондай-ақ ол үшін экономикалық ғылымның заңдылықтары мен әдістерін пайдалана отырып, сыбайлас жемқорлыққа қарсы мінез-құлық үлгілерін зерделеу.

Экология мәселелері, экологияның жаһандық, ұлттық мәселелері баяндалады. Табиғи ресурстар, есепке алу, бағалау, ұтымды пайдалану және қорғау мәселелері, жасыл экономика мәселелері қарастырылады. Студенттерді әртүрлі сипаттағы төтенше жағдайларда халықты және аумақтарды инженерлік қорғау негіздерімен таныстырады

Курс студенттердің бойында конституциялық құқықтың ұлттық құқықтың негізгі саласы ретінде аса маңызды ғылыми-теориялық ережелері, ҚР конституциялық даму тарихы, Конституцияның ролі және функциялары, адам мен азаматтың конституциялық-құқықтық мәртебесі және мемлекеттік органдар мен жергілікті өзін-өзі басқару органдарының конституциялық жүйесі туралы фундаменталдық түсініктерді қалыптастыруға бағытталған.

Пәнді оқытуда студенттер қылмыс және құқық бұзушылықтың түсінігі, бір-бірінен айырмашылығы, қылмыс субъектісі, қылмыс жасау сатылары, қылмысқа қатысушылар, жаза және жаза тағайындаудың мақсаттары қылмыстардың көптігі, қылмыс жасаушылардың түрлері, қылмыс санаттары, қылмыс жасау сатылары, қылмыс құрамының белгілері туралы оқып үйренеді. Сондай-ақ қылмыстық жауаптылықтан және жазадан босату, жасы кәмелетке толмағандардың қылмыстық жауаптылығы туралы толық түсінік алады.

Еңбек құқығы қоғамдағы азаматтардың еңбек құқықтық қатынастарының даму заңдылықтарын зерттеп, жалпылама тұжырымдар жасап отырады. Жалпы пән салалық ғылымдардың жетістіктерін пайдаланып, заң ғылымының негізін дамытып отырады.Еңбек құқығының түсінігі қалыптасады, қызметкерлер еңбегі туралы арнаулы актілермен танысады. Жеке еңбек шартының, ұжымдық шарт мазмұнымен, оны бекіту және бұзу жағдайларында қолданылатын құқықтарымен, еңбек жағдайларын ұйымдастыру мен белгілеумен танысады.

Әкімшілік құқық құқық салаларының жеке саласы және құқықтық циклдың алдыңғы қатарлы саласы болып табылады. Ол әкімшілік құқықтың ұғымдарын, атқару билігінің жүзеге асыру механизмдерін оқыту, әкімшілік қызметтің нысандары мен әдістерін, әртүрлі саладағы басқару негіздерін, әкімшілік құқық бұзушылық пен әкімшілік жауапкершілік негіздерін үйретеді.

Бұл оқу пәні шеңберінде құқық қорғау органдарының заң шығарушы, атқарушы және сот биліктері жүйесіндегі орны туралы, құқық қорғау органдарының азаматтардың құқықтары мен бостандықтарын қорғауды, елдегі құқықтық тәртіп пен қауіпсіздікті қорғауды, мемлекеттік биліктің жогарғы органдары атынан Конституция мен заңдардың дәл және біркелкі орындалуын қадағалауды жүзеге асырудағы арнайы өкілеттігі туралы мәселелер оқытылады.

Курс азаматтық құқықтық қатынастардың түсінігін, белгілері мен ерекшеліктерін, түрлерін және пайда болу негіздерін, азаматтық құқықтың қайнар көздерін, мәміле түсінігі мен нысанын сипаттайды, меншік құқығы түсінігін береді, міндеттемелерді жіктейді, осыған байланысты құқықтық бағалау жүргізеді.

Азаматтық құқық курсында азаматтық-құқық қатынастар кешенінің құқықтық режимі ашылады. Курс жүйесінде азаматық құқықтың өзекті мәселелері азаматтық қатынастардың бөлек түрлерін реттеудің ерекшеліктерін қарастырады: шарттық міндеттемелер, (сатып алу-сату шарты, айырбас, сыйға тарту, мүліктік жалға беру, мердігерлік, т.б.), зиян келтірудің салдарынан туындайтын міндеттемелер, шығармашылық қызмет негізінде туындайтын қатынастар.

Бұл оқу курсының пәні азаматтық істер бойынша сот төрелігін жүзеге асыру барысында пайда болатын қоғамдық қатынастарды реттейтін құқық нормалары, сондай-ақ азаматық іс жүргізу құқығы ғылымына тән құқықтық ұғымдар, теориялық көзқарастар мен концепциялар болып табылады.

Экологиялық құқық әртүрлі құқық салаларының бір-бірімен өзара байланысты құқық нормаларының кешенінен тұрады, себебі экологиялық мәселелер адамның әртүрлі қызмет ету салаларын қамтиды. Сондай-ақ құқық нормаларымен реттелген экологиялық талаптардың орындалуы қоршаған табиғи ортаны тиімді пайдалану мен қорғауды қамтамасыз етуде маңызды орын алады.

Курс бойынша қылмыстық құқық бұзушылықтардың жекелеген түрлері қаралады. Топтық объект негізінде қылмыстық құқық бұзушылықтар тобы, оның ішінде жекелеген қылмыстық құқық бұзушылықтар құрамы, олардың дәрежелеу белгілері және ол қылмыстық құқық бұзушылықтар үшін тағайындалатын жаза түрлері сараланады.

Пән банктік заңнаманың құқықтық принциптері мен нормаларын қалыптастыратын банк құқығының теориялық негіздерін зерттейді және банк құқығының, банк заңнамасының және банк тәжірибесінің даму тенденцияларын анықтауға бағытталған. Банктің кірістерін құқықтық реттеу, банктің шығыстарын құқықтық реттеу, мемлекеттік заемдарды құқықтық реттеу, тиісті банктік құқықтық заңдарды талдап, зерттеу арқылы банктік-құқықтық нормалар, оларды қолдану ерекшеліктері жөнінде ақпараттар береді.

Кәсіпкерлік құқық мазмұнын кәсіпкерлік қызметті жүргізу кезінде және кәсіпкерлікті мемлекеттік қолдау шараларын жүзеге асыру барысында туындайтын қарым-қатынастарды реттейтін нормалар жиынтығы құрайды. Кәсіпкерлік құқық реттейтін қатынастар кәсіпкерлік іс еркіндігі, меншіктің әрқилы нысандарының теңдігі, экономикалық шаралар мен тәсілдер қолдану арқылы мемлекеттік ықпал ету, бәсекелестік бостандығы және монополиядан қорғану, заңдылық қағидаларына негізделеді.

Халықаралық құқықтың пәні; халықаралық жария және жеке құқық арақатынасы; дипломатиялық және консулдық құқық, халықаралық шарттардың құқығы қылмыспен күрестегі халықаралық ынтымақтастық, халықаралық құқықтағы адам құқығы, халықаралық ұйымдардың құқығы, мемлекеттердің әлемдік бірлестігіндегі Қазақстанның орны мен ролін анықтайды.

Tұрғын үйге деген құқықтың пайда болуы, жүзеге асуы, тоқтатылуы айналасында туындайтын қоғамдық қарым-қатынасты құқықтық реттеу негіздерін үйретеді. Тұрғын үйді меншіктеу, пайдалануға беру, жер учаскелеріне үй салу, көп қабатты тұрғын үйлерді басқару негіздерін оқытады

Пән Европалық Одақтың құқығына негізделген европалық құқықтық тәртіп түсінігі мен құрылымын қарастырады. Европалық Одақ құрылымы және европалық құқық түсінігі мен оның негізгі салалары оқытылады. Сонымен бірге европалық интеграция процесін реттеуші құқықтық нормалар жүйесі, европалық билік институттарының құрылу және жұмыс жасау тәртібі және онымен байланысты қоғамдық қатынастар қаралады.

Халықаралық экономикалық құқық – халықаралық құқық субъектілерінің экономикалық қатынастары саласындағы қызметінің қағидалар мен нормалар жиынтығын оқытатын халықаралдық құқықтың бір саласы. Мемлекеттердің экономикалық қызметінің халықаралық құқықтық реттелуі, экономикалық дауларды шешу жолдары, халықаралық сот органдарының құзыреті, өкілеттіктері мен іс жүргізу тәртібі, халықаралық ұйымдар шеңберінде экономикалық дауларды шешудің әдістері мен тәртібі қаралады.

Пән қазіргі заманғы мемлекет өміріндегі салықтардың ұғымы және ролін, салық заң құрамының элементтерін, мемлекеттің салықтық қызметін қарастырады. Сонымен бірге, салықтық қүқықтық нормалар, салықтық құкықтық қатынастар, салықтық міндеттеме, салық салу аясындағы мемлекеттік басқару, салықтық бақылау мәселелері оқытылады.

Пән жерді табиғи ресурс және меншік құқығы объектісі ретінде пайдалану мен қорғау жөніндегі қатынастарды реттейтін құқықтық нормалардың жиынтығын, оны ұтымды пайдалану мен қорғауды ұйымдастыру мақсатында өндіріс шарттары мен құралдарын, жер қатынастары субъектілерінің құқықтары мен заңды мүдделерін зерделейді.

Атқару өндірісін құқықтық реттеудің қайнар көздерін және қағидаларын, атқару өндірісін қозғау және оны аяқтау жүйесі анықталады. Атқару өндірісіне қатысушылардың құқықтық мәртебесі, олардың өкілеттіктері мен қызмет етуінің жалпы ережелері, атқару өндірісін жүргізу тәртібі зерделенеді.

Курс кәмелетке толмағандардың құқықтарын, бостандықтары мен заңды мүдделерін қорғау жүйесін зерделеуге, кәмелетке толмағандардың істері жөніндегі мамандандырылған соттың төңірегіне құқық қорғау органдарындағы, кәмелетке толмағандардың қадағалаусыздығы мен құқық бұзушылықтарының алдын алу мекемелеріндегі, адвокаттық және құқық қорғау ұйымдарындағы әртүрлі мамандандырылған құрылымдарды біріктіруге бағытталған.

Курс кәсіпкерлік қызметке қатысты уәкілетті органдардың бақылау және қадағалау құзыретін талдау жасайды. Кәсіпкерлік қызметке бақылау жасау тәртібі, бақылаушы органдар өкілеттігі мен олардың құқықтық мәртебесі, бақылау мен қадағалау нәтижелері бойынша жүргізілетін іс-шаралар жүйесі қаралады.

Курс студенттерді мемлекеттің қаржылық қызметімен, қаржылық құқық ұғымымен, мәнімен және жүйесімен, қаржылық нормалармен, мемлекеттің ақша жүйесінің құқықтық негіздерімен, валюталық бақылаумен, сондай-ақ қаржылық бақылауды, аудиторлық қызметті реттеумен таныстырады. Пән бюджеттің құрылымымен, бюджеттік бақылаумен, бюджеттік процеспен, салықтармен қаржылық-құқықтық категориялар ретінде таныстырады.

Қылмыстық процесс оқу пәні ретінде жалпы және ерекше бөлімнен тұрады. Бұл курстың ерекшелігін ескере отыра, әрбір нақты тақырыптың сұрақтарын оқып үйренуді Қазақстан Республикасы Қылмыстық-процестік кодексінің, қылмыстық процессуалдық нормалары бар басқа құқықтық актілермен оқып білумен байланыстыру қажет.

Криминалистика курсы соттық құралдарды пайдаланудың теориялық білімдерін, дағдыларын және практикалық дағдыларын, қылмыстарды анықтау, шешу және алдын алу әдістерін зерттейді. Сот-сараптамалық білімді меңгерудің жоғарғы деңгейі және оларды тергеу тәжірибесінде пайдалану мүмкіндігі тергеушілердің кәсібилігін қамтамасыз етудің қажетті шарттары болып табылады.

Халықаралық контракт құқығының маңыздылығы мүліктік айналымды құқықтық реттеудегі шарттардың басымдылығымен анықталады. Пән халықаралық азаматтық айналымдағы шарттарды жасау, өзгерту немесе тоқтатуға байланысты қоғамдық қатынастарды оқытады. Сонымен бірге шарттық қатынастардың жалпы заңдылықтары, қағидалары, әртүрлі халықаралық шарттық қатынастардың өзара байланысы қарастырылады.

Қылмыстық атқару саясаты ең алдымен қылмыстық атқару заңдарымен жүзеге асырылады. Берілген пәнде қылмыстық жазаны орындаудың барлық түрлерін жүзеге асыру аясындағы әдістемелік және теориялық мәселелерді, студенттердің сотталғандармен қарым қатынасқа түсуде әділдік және адамгершілік сезімдерінің қалыптасуы зерттеледі.

Cот қызметі саласындағы құқықтық қатынастарды реттеу жолдары мен онда құқықтық нормаларды қолданудың негіздерін оқытады. Сонымен қатар субъектілердің құқықтық жағдайы мен олардың өзара қарым қатынасын оқытады. Мақсаты: сот органдарының түсінігі, сот билігі, сот органдарының басқа да мемлекеттік органдардың арасындағы орны және сол органдармен арақатынасын ұғындыру.

Пән мазмұны әкімшілік рәсімдерді жүзеге асырумен байланысты пайда болатын құқықтық қатынастарды, әкімшілік сот өндірісін жүргізумен байланысты қатынастарды реттеуді қамтиды. Сонымен бірге әкімшілік рәсімдердің және әкімшілік сот ісін жүргізудің міндеттері мен қағидаттары, әкімшілік рәсімдерге қатысушылар мен олардың құқықтық мәртебесі, әкімшілік процесске қатысушылар мен олардың құқықтық мәртебесі, әкімшілік рәсімдердің жалпы ережелері, әкімшілік сот ісін жүргізу негіздері қаралады.

Қазақстан Республикасында нарықтық қатынастардың жұмыс істеуінің теориялық-құқықтық және экономикалық негіздерін; бәсекелестікті қорғаудың мемлекеттік әдістерін, табиғи монополиялар мен реттелетін ұйымдарды реттеу ерекшеліктерін айқындайтын, қазақстандық бәсекелестік туралы заңның тұжырымдамаларын анықтайды.

Пән бойынша қылмыстың себептері мен шарттары болып табылатын адамның әлеуметтік-психологиялық қасиеттері мен қасиеттерінің жиынтығы қаралады. Қылмыскердің жеке басының әлеуметтік-демографиялық, әлеуметтік-рөлдік және моральдық-психологиялық сипаттамалары зерттеледі

Оқу курсы бойынша жер құқығының теориялық ережелерімен танысады; Қазақстан Республикасының жер заңнамасына және оның даму тарихына нақты мінездеме береді; Қазақстандағы жер заңнамасының қазіргі кездегі ерекше белгілерін ашады; Жер заңнамасының құқықтық нормаларын дұрыс қолдануды үйретеді; Жер заңнамаларын бұзғаны үшін жауапкершілікке тартудағы мемлекеттік-құқықтық механизімін қолданудағы сипаттамасын береді.

Пән шет елдердердегі қылмыстылық мәселесін оқытады. Шет елдердегі қылмыстылықтың алдын-алу шаралары жүйесін, әртүрлі қылмыстылық түрлері бойынша жүргізілетін іс шаралар, қылмыстылықтың алдын-алудағы ынтымақтастық мәселелеріне зерделеу жасалады.

Халықаралық жеке құқықтың құқық жүйесінде алатын орны мен маңызын анықтау; халықаралық жеке құқықтың субъектілерінің құқықтық жағдайының ерекшеліктерін сипаттау; әр түрлі мемлекеттердің жеке тұлғалары мен заңды тұлғалары арасында туындайтын отбасы, мұрагерлік, еңбек қатынастарын реттеудің тәртібін оқу; әр түрлі мемлекеттердің азаматтары мен шаруашылық субъектілері арасында туындайтын дауларды қарау кезіндегі соттық және төрелік тәртіптің маңызы мен ерекшелігін қарау.

Пән азаматтық сот ісін жүргізудің мәнін, азаматтық іс жүргізу құқығының негізгі ережелерін, оны қолдану практикасын зерделеуге; негізгі азаматтық іс жүргізу құжаттарын жасай білуге; еңбек, азаматтық, тұрғын үй, отбасылық және өзге де істерді қарау кезінде сот ісін жүргізу проблемаларына еркін бағдарлануға бағытталған

Еңбекті реттеу саласындағы халықаралық стандарттар, сондай-ақ халықаралық органдардың жұмыс орнында адам құқықтарын қорғауға қосқан үлесі зерттеледі. Халықаралық еңбек құқығының қайнар көздерінің жүйесі, халықаралық еңбек құқығы нормаларының тиімділігі және оның кейбір мемлекеттердің ұлттық еңбек құқығына әсері, шетелдік элементпен күрделенген еңбек қатынастары, сондай-ақ халықаралық әлеуметтік серіктестік қатынастары қарастырылады және еңбек саласындағы трансұлттық корпоративтік актілердің қабылдануы мен сақталуы талданады.

Халықаралық интеллектуалдық құқықтың қалыптасу тарихы сипатталады. Халықаралық интеллектуалдық құқықтың нормативтік түсінігі ашылады. Интеллектуалдық меншік бойынша әрекет ететін халықаралық конвенциялар сипатталады. Интеллектуалдық меншікті қорғау саласындағы халықаралық ұйымдардың мәртебесіне, интеллектуалдық меншік құқығын қорғау тәсілдеріне талдау жасалады.

Криминология қылмыстылықты орын мен уақыттың нақты жағдайында зерттейді. Криминологияның негізгі категориялары: криминологиялық зерттеу әдістемесі, қылмыстылық, оның себептері мен шарттары, қылмыскер тұлғасы және қылмыстылықтың алдын алу. Қылмыстылықтың жағдайлары, құрылымы және динамикасы, оның әлеуметтік себептері, қылмыскердің тұлғасы және қылмыстылықтан сақтандыру шаралары қаралады.

Шетелдердің құқық қорғау практикасын бағалау; қылмыстық іс жүргізу туралы білікті заңгерлік кеңестер мен пікірлерді ұсыну, қылмыстық процеске қатысушылардың әрекеттерін және шешімдерін құқықтық бағалауға үйретеді.

Пән еңбек құқықтық қатынастарында туындайтын дауларды талдау және шешу жолдарын анықтау арқылы еңбек құқығының теориялық материалын тексеру және бекітуді мақсат етеді. Ситуациялық есептерді шешу арқылы құқықтық білім толығады және кәсіби дағдылар қалыптасады, заңнама нормаларын тәжірибеде кездесетін нақты жағдайларда қолдануды үйренеді.

Курс бойынша сотқа дейінгі тергеу басталған сәттен қылмыстық істі прокурор сотқа жіберген немесе іс бойынша өндіріс тоқтатылған аралықтағы процессуалдық әрекеттер қаралады. Қылмыстық құқық бұзушылық туралы арыз, хабарламаны тіркеу, қарау тінту, куәландыру, сезіктіні ұстау және жауап алу, басқа іске қатысушылардан жауап алу, беттестіру сияқты тергеу әрекеттерінің процессуалдық негіздері қаралады.

Тұлғаны криминалистикалық зерттеу криминалистиканың пәні болып табылатын объективті заңдылықтармен байланысты. Тұлғаны криминалистикалық зерттеу оқу пәні ретінде теориялық білімге негізделеді, соның негізінде тұлғаны зерттеудің әдістемелері, әдістері, тәсілдері игеріледі. Тұлғаны криминалистикалық зерттеудің басты мақсаты қылмыстарды ашу және тергеу мәселелерін шешу болып табылады.

Курс мұсылмандық құқықтық жүйедегі қылмыстық іс жүргізу құқығы негізгі түсініктері мен категорияларын, басым қағидаларын, функцияларын, маңызды институттары мен салаларын оқытады. Мұсылмандық құқықтық жүйе елдеріндегі құқық қорғау практикасына бағалау жасалады, осы елдердегі қылмыстық іс жүргізу туралы білікті заңгерлік кеңестер мен пікірлер қаралады. Мұсылман құқығының қайнар көздерін анықтап зерттеледі, мұсылман құқығы жүйесінің ерекшеліктері зерделенеді.

Пән адвокатура және адвокаттық қызмет туралы қазіргі заманғы заңнаманы қарастырады. Бұл курс сонымен қатар ғылыми пән ретiнде де қарастырылады, мұнда адвокат қызметiн реттейтiн заңнаманы әрi қарай жетiлдiруге байланысты мәселелерге назар аударылады. Бұған, сондай-ақ адвокатура мен адвокаттардың құқық қорғау органдарымен және лауазымды адамдармен өзара қатынасына байланысты мәселелердi зерттеу мен ұсыныстар әзiрлеу жатады.

Пәнді оқу нәтижесінде білім алушылар сот сараптамаларын тереңірек шешу үшін сот сарапшысының кәсіби қызметі туралы білім алады. Қазақстан Республикасында және шетелдерде сот-медициналық сараптаудың негізгі принциптерін, сот-медициналық сараптама жүргізудің процессуалдық негіздерін үйренеді.

Нотариат туралы заңдар тарихы; мемлекеттік нотариаттың, жеке нотариалдық кеңселердің түсінігі және міндеттері; нотариалдық қызмет және оның кепілдері; нотариалдық органдардың қызметін ұйымдастыру; нотариустың құқықтық ережесі; нотариалдық кеңселердің құзыреті, олардың жасайтын нотариалдық әрекеттері; қорғау нотариалдық әрекеттері; дәлеледемелерді қамтамасыз ету.

Пәнді оқытудың мақсаттары мен міндеттері прокуратура органдарының құрылымы, оның негізгі міндеттері және заңдылықты жүзеге асыру бойынша прокуратура органдарының қызметін ұйымдастыру қағидаттары туралы анықтау бөлігіндегі дағдыларды меңгерумен байланысты. Заңдылықтың сақталуын қадағалау жүргізу қызметінің бағыттары мен негіздері қаралады.

Пән халықаралық қылмыстық құқықтың пәнін, оның негізгі ерекшеліктерін, қайнар көздері мен жүйесін, негізгі ұғымдардың, институттардың мәні мен мазмұнын анықтайды.

Қылмыстық қол сұғушылықтан, сондай-ақ шетелдік мемлекеттер мен халықаралық ұйымдардың арнайы кызметтерінің барлау-бүлдіру әрекетінен қоғам мен мемлекеттің қауіпсіздігін қамтамасыз ету, азаматтардың өмірі, денсаулығы, құқығы, бостандығы және заңды мүдделерін қорғау мақсатында, жедел іздестіру іс-шараларын өткізу көмегімен, мемлекеттік органдардың жедел іздестіру бөлімшелерінің, өз өкілеттіктері шегінде, жария және жасырын түрде жүзеге асыратын қызметінің құқықтық негіздері қаралады.

Сот медицинасының пайда болуы құқық ғылымының, сот ісін жүргізу мемлекеттік басқарудың қажеттерімен тарихи жағынан байланысты. Сот-медицина сараптамасы сот әділдігі мақсаттары мен міндеттеріне қызмет етеді. Сот медицинасының мәнін, сот медицинасының әдістерін, принциптерін, сот медицинасының сот психиатриясымен, криминалистикамен арақатынасын, сот-медициналық сараптаманы жүргізу және ұйымдастыру тәртібін зерделейді.

Заңгердің сөз өнері риторика ғылымының мазмұны, құрылымы, әдістері мен қалыптасу тарихы туралы мәлімет береді. Сөйлеу шеберлігі техникасының негізгі элементтері, сот тәжірибесінде шешендік өнерін қолдану ерекшеліктері және заңгердің кәсіби қызметінде сөз өнері қабілетін дамыту жолдары қаралады.

Курс медиацияны жүргiзу шарттарын, медиация туралы шарттың нысаны мен мазмұнын оқытады. Медиацияға қатысатын азаматтық, еңбек, отбасылық және өзге де құқық қатынастары саласындағы ерекшелiктері талқыланады. Қылмыстық сот iсi барысында жүргiзiлетiн медиацияның ерекшеліктері, медиацияны тоқтату тәртібі, дауды реттеу туралы келiсiмдердің жүргізілу тәртібі қаралады.

Курс бойынша шетелдердің құқық қорғау практикасы оқытылады және бағалау жасалады. Шетелдердегі қылмыстық іс жүргізудің жалпы ережелер мен қағидалары, жекелеген шетелдердегі қылмыстық іс жүргізу тәртібі мен ерекшеліктеріне талдау жасалады.

Курс алқабилер соты инситуты түсінігін, оның қызметі ерекшеліктерін қарастырады. Алқабилер сотының шетелдерде және Қазақстанда қалыптасу және даму тарихы, заңнама бойынша алқабилер сотының мәртебесі, алқабилерге қойылатын талаптар және алқабилердің процесуалдық мәртебесі оқытылады.

Пән сот медициналық сараптамасының теориялық негіздерін қалыптастырудың ерекшеліктерін жеке ғылым ретінде көрсетеді, әртүрлі сот-медициналық сараптамалық зерттеулердің қазіргі жай-күйін талдайды, Қазақстан Республикасындағы сот медициналық сараптамасы институтының дамуын бағалайды. Қылмыстық процесс саласында арнайы ғылыми білімді пайдалану дағдыларын меңгергендігін көрсетеді

Курс бойынша қазіргі кездегі заң қызметін жүзеге асыруда жалпы және арнайы ақпараттық жүйелерді қолдану мәселелері қаралады. Жалпы заңнама жинақталған ақпараттық бағдарламалармен жұмыс жасау, полиция, прокуратура, сот органдарының, сот орындаушыларының кәсіби қызметте пайдаланатын арнайы құқықтық ақпараттық базаларды қолдану, аталған базалардан мәліметтер алу және енгізу, заң қызметіндегі ақпараттық қауіпсіздік мәселелері зерделенеді.

Курс заңгер қызметін жүргізуде құқықтық ақпаратты іздестіру, жинақтау, талдау және жүйелеудің жалпы ережелерін оқытады. Осы қызметті жүргізуде заманауи ақпараттық технологияларды пайдалану негіздері, құқықтық ақпараттарды статистикалық жинақтау, талдау және жүйелеу, құқықтық ақпараттарды сұраныстар мен талап етулер бойынша ұсыну тәртібі қаралады.

Қылмыс субъектісін іздестіру бойынша сотқа дейінгі, сот ісін жүргізу және жедел-іздестіру қызметін жүзеге асыру кезінде қылмыстық істер бойынша халықаралық ынтымақтастық мәселелерін ашады.

Құқықтық психология субъектілердің психикалық өмірінің заңдылықтары мен ерекшеліктерін құқықтық реттеу саласына қатысты қарастырады. Құқықтық психология жүйесі, оның ұғымдық аппараты құқықтық реттеу логикасына, құқықтық факторларға сәйкес келеді. Құқықпен байланысты қызметтің психологиялық ерекшеліктері зерттеледі: сот төрелігін жүзеге асыру (қылмыстық процеске қатысушылардың мінез-құлқы), заңды және құқыққа қарсы мінез-құлық, құқық қорғау органдары қызметкерлерінің жұмысы және басқа да заң қызметтері.

Пән сот сараптамасының теориялық негіздерін қалыптастырудың ерекшеліктерін жеке ғылым ретінде көрсетеді, әртүрлі сот-сараптамалық зерттеулердің қазіргі жай-күйін талдайды, Қазақстан Республикасындағы сот сараптамасы институтының дамуын бағалайды. Қылмыстық, азаматтық және әкімшілік процестер саласында арнайы ғылыми білімді пайдалану дағдыларын меңгергендігін көрсетеді.

Құқық саласы, ғылым және оқу пәні ретінде ақпараттық құқықтың негізгі түсінігін, қазіргі қоғам өміріндегі ақпараттың түсінігі мен рөлін; ақпараттың түрлерін; ақпараттық технологияны анықтауды және олармен жұмыс жасаудың құқықтық негіздерін үйретеді.

Мемлекеттіліктің қалыптасуы және тарихи-мәдени даму үдерістерін, Қазақстан тарихын, философия, саясаттану, мәдениеттану негіздерін, қоршаған ортаны қорғау және оның тұрақты даму заңдарын, тіршілік қауіпсіздігі, нарықтық экономика заңдарын біледі. Еркін қарым-қатынас жасау және кәсіби қызметте қолдану үшін бірнеше тілді меңгерген, кәсіби қызметте ақпараттық-коммуникациялық технологияларды пайдалана алады, сыбайлас жемқорлыққа қарсы мәдениеттің құқықтық негіздерін біледі.

Мемлекеттік басқару ұғымын, жүйесін, тетігін, атқарушы билік жүйесімен арақатынасын, әкімшілік құқық ұғымы мен жүйесін, құқықтық жүйедегі әкімшілік құқықтың рөлі мен орнын айқындай біледі, нормативтік құқықтық актілерді қолдана алады, заңгер функцияларын жүзеге асыру кезінде кәсіби қызметте материалдық және іс жүргізу құқығының нормаларын жүзеге асыра алады, еңбек құқығы нормаларын қамтитын нормативтік құқықтық актілерді білікті қолдана алады, материалдық және іс жүргізу құқығы нормаларын іске асыра алады.

Жекелеген құқық салаларының пәні мен құқықтық реттеу әдісін, негізгі түсініктерінің, категорияларының, институттарының мәні мен мазмұнын біледі; заңнама нормалары жүйесін меңгерген және еркін қолдана алады; атқару өндірісі туралы маңызды нормативтік актілерді біледі, олармен жұмыс жасай алады, оларды шешім қабылдауда қолдана алады; адвокатура органдары қызметін реттейтін нормативтік базаны біледі, адвокаттардың және қорғаушылардың сотқа дейінгі және сот өндірісіндегі өкілеттігін, адвокаттың кәсіби этикасын біледі.

Қазақстан Республикасының конституциялық құрылыс ерекшеліктерін, ҚР конституциялық құқығының негізгі ережелерін, конституциялық құқықтың, азаматтық құқық, қылмыстық құқық негізгі түсініктерінің, категорияларының, институттарының мәні мен мазмұнын біледі; нақты жағдайларды шешу үшін нормативтік актілер мен құқықтың басқа қайнар көздерін тауып қолдана алады; күнделікті тәжірибеде кездесетін күрделі мәселелерді шешуге қабілетті және өзіне көмекке жүгінген тұлғалардың заңды құқықтары мен мүдделерін қорғауға қабілетті.

Халықаралық қатынастарды реттеу негіздерін үйренеді. мемлекет, халықаралық ұйымдар қызметінің құқықтық негіздерін, халықаралық жауапкершілікті зерттейді, қылмыстық іс бойынша халықаралық ынтымақтастықты меңгереді, шетелдік элементпен күрделенген жеке құқықтық қатынастарды реттейтін халықаралық жеке құқықтың негізгі көздерін (Қазақстан Республикасының қатысуымен де, оның қатысуынсыз да) сипаттай алады, міндеттемелерді бұзғаны үшін жауаптылықты анықтау кезінде азаматтық құқық нормаларын қолдана біледі.

Құқықтық ғылымның теориялық негіздері мен жұмыс істеу заңдылықтарын; әлемдік және отандық юриспруденцияның дамуының негізгі бағыттары мен бағыттарын анықтай алады

Кәсіби қызметте ақпараттық қауіпсіздікті қамтамасыз етудің негізгі әдістерін, тәсілдерін және шараларын біледі; сот сараптамасының барлық түрлерін тағайындау ережелерін анықтай алады; қылмыс іздерін анықтау мен бекітудің техникалық әдістері мен құралдарын қолдануды біледі; қылмыстылықтың әлеуметтік-құқықтық құбылыс ретіндегі сипатын біледі; қылмыскердің жеке басы мен мінез-құлқын, оның іс-әрекетінің мотивациясын талдауда психологиялық білімдерді қолдануды біледі.

Мемлекет пен құқықтың табиғатын және мәнін, Қазақстан Республикасының және шетелдердің дамуының жалпы заңдылықтарын біледі, саяси ақиқатқа талдау жасауға үйренеді, Қазақстанның саяси қызметінде жүзеге асырылуы тиіс дәстүрлі құндылықтарды зерттеу жасай алады, Қазақстан Республикасындағы мемлекет пен құқықтың дамуының негізгі кезеңдері туралы сұрақтарда құзыретті болады.