6B04201 Құқықтану в M.S. Narikbaev atyndaǵy KAZGUU Universiteti

«Банктік құқық» пәнін жүргізудің негізгі мақсаттарының бірі Құқық жоғары мектеп түлектерінің корпоративтік нарық және банкроттық процедурасын құқықтық қамтамасыз ету үшін қажетті дағдыларын қалыптастыру болып табылады

Заңгер мамандығы өкілдерінің негізгі дағдыларының бірі өз ойлары мен ұстанымын логикалық ізбе-ізділікте құрастыра білу қабілеттігі құрайды. Курс мақсаты тәлімгерлерде өз ойлары мен идеяларын академиялық адалдық принциптерін сақтай отырып қатесіз, құрылымдалған және логикалық аяқталған түрде жаза білу дағдылары мен құзырларын қалыптастыру болып табылады.

Курс құқықтану бағдарламасында іргелі салалық пән болып табылады және студенттерді мүліктік және жеке мүліктік емес қатынастардың негізі болып табылатын негізгі жеке құқықтық институттармен таныстырады. Студенттер туынтау негіздеріне қарай мүліктік қатынастармен танысады және сәйкес құқық нормаларын әртүрлі азаматтық құқықтық дауларды шешуде дұрыс қолдануды үйренеді

Мемлекет және құқық теориясы негізгі және салалық құқықтық пәндер жүйесінің іргетасы болып табылады және студенттерде мемлекет және құқық, олардың қалыптасуы мен дамуының заңдылықтары туралы түсінік қалыптастырады, сондай-ақ салалық және қолданбалы құқық пәндерінде пайдаланылатын негізгі құқықтық ұғымдар мен категориялар бойынша түсінік береді

Осы курсты аяқтағаннан кейін студенттер төмендегілер туралы жақсы білімдерін көрсете алуы керек: - бағдарламалық қамтамасыз етуді әзірлеу құралдарын, ақпаратты өңдеудің заманауи қызметтерін пайдалану; - алгоритмдік ойлауды нығайту және мақсаттар мен міндеттерді құрылымдау; - Тұтынушылар мен техникалық орындаушылар арасындағы қарым-қатынасты құру; Деректер құрылымдары және деректер операциялары; -Python 3 құрудың негізгі бағдарламасы: синтаксис, командалар.

Курс мемлекеттің конституциялық құрылыс негіздері мен конституциялық құқықтық негіздері, конституциялық мемлекеттік құрылыс және конституциялық құқықтың негізгі институттары саласында білім қалыптастыруға бағытталған

Курс еңбекті құқықтық реттеу саласында білімдер мен дағдыларды қалыптастырады. Студенттерге болашақта еңбек құқықтық қатынастарының екі тарапының мүдделерін тиімді қорғауға және еңбек дауларын табысты қамтамасыз етуге мүмкіндік береді

«Мемлекеттік қызмет және мемлекеттік басқару» курсы студенттерде мемлекеттік қызмет пен мемлекеттік басқаруды құқықтық реттеу саласында, Қазақстан Республикасындағы мемлекеттік қызметкерлердің қызметінің негіздері мен мемлекеттік әкімшілік басқару негіздері бойынша білімдер мен дағдыларға иеленеді

Курс меншік құқығы мен басқа да заттық құқықтардың негізгі санаттарын, меншік құқығының мазмұнын, нысандары мен түрлерін, меншік құқығының пайда болуының және жойылуының негіздерін, шаруашылық жүргізу және жедел басқару құқығын, жер пайдалану және жер қойнауын пайдалану құқығын, сервитуттарды, заттық құқықтардың өзге де түрлерін, заттық құқықтарды қорғаудың әдістері мен нысандарын зерттеуге арналған. Пәнді меңгеру нәтижесінде студенттер заттық құқықтық қатынастарды және жеке заттық құқықтық институттарды саралау дағдыларына иеленеді

«Кәсіби қазақ (орыс) тілі» курсы дұрыс ауызекі сөйлеу және жазу тілі мен сөйлеу қабілеттіліктерін қалыптастыруға, жазу тілін кәсіби салаға енгізу технологияларын жетілдіруге бағытталған. Пән мақсаты: болашақ мамандарда заң саласының нақты сөздік ситуацияларындағы шынайы коммуникативтік міндеттерді лингвистикалық құралдармен шешу қабілеттігін қалыптастыруға бағытталған. Пәнді игеру нәтижесінде студент кәсіби терминологияны пайдалану, қарым-қатынастың ресми-іскерлік стилінде лингвистикалық коммуникация дағдыларына және т.с.с. иеленеді

Аталмыш курс студенттердің ағылшын және қазақстандық заңнамаларды салыстыра отырып, қарастыру барысында құқық саласындағы лексикалық және грамматикалық минимумдарын кеңейтуге арналған. Аталмыш пән аясында меңгерілген дағдылар English for Specific Purposes міндетті компонентін өтуге арналған дайындық кезеңі болып табылады. Курс аяқталған соң студенттер кәсіби ағылшын тілін ауызекі сөйлесуде және жазылымда қолдана алады; курстастарымен, оқытушылармен құқық мәселелеріне қатысты пікірталастарға қатыса алады, сәйкесінше құқықтық мәтіндердегі ақпаратты оқып, өзіне қажетін сұрыптай алады, жалпылама пікір білдіре отырып, ақпаратқа перефраз жасай алады.

«Рим құқығы» курсы студенттерді рим меншік және міндеттемелер құқығымен таныстырады. Курс, сонымен бірге, студенттерге рим құқығының заманауи сұрақтары бойынша пікірталастарға қатысуға мүмкіндік береді. Модуль студенттердің рим құқығының қазақстандық заң шығармашылығының құқықтық әдістемесінің негізі ретіндегі құндылығын сезінуіне бағытталған

Курс студенттерде азаматтық құқықтық шарттардың әралуан түрлерін құру, шарттық қатынастарды дұрыс саралау дағдыларын қалыптастыруға, сондай-ақ шарттық міндеттемелердің жеке түрлерімен байланысты практикалық ситуацияларды шешу қабілеттігін қалыптастыруға бағытталған

«Кәсіби қазақ (орыс) тілі» курсы дұрыс ауызекі сөйлеу және жазу тілі мен сөйлеу қабілеттіліктерін қалыптастыруға, жазу тілін кәсіби салаға енгізу технологияларын жетілдіруге бағытталған. Пән мақсаты: болашақ мамандарда заң саласының нақты сөздік ситуацияларындағы шынайы коммуникативтік міндеттерді лингвистикалық құралдармен шешу қабілеттігін қалыптастыруға бағытталған. Пәнді игеру нәтижесінде студент кәсіби терминологияны пайдалану, қарым-қатынастың ресми-іскерлік стилінде лингвистикалық коммуникация дағдыларына және т.с.с. иеленеді

Курс қылмыстық құқықтың қылмыстық заң, қылмыстық құқық бұзушылық және жаза, қылмыстық жауаптылық негіздері мен шектері, қылмыстық жауаптылық пен жазадан босату тәртібі мен шарттары сияқты жалпы принциптерін, институттары мен категорияларын мұқият зерттеуге арналған

Курс шарттан тыс міндеттемелерді зерттеуге және сәйкес азаматтық құқықтық нормаларды қолдану тәжірибесін зерттеуге бағытталған. Курс аяқталған соң студенттер шарттан тыс міндеттемелерден туындайтын азаматтық қатынастарды саралауды үйренуі керек: сыйақыны жария уәде беру, сауда және өзге де конкурстық міндеттемелер, зиян келтіру: материалдық немесе моральдық, негізсіз баюдан. Зиян келтіргендегі азаматтық құқықтық жауаптылықтың және одан босату шарттары мен негіздерін білу

Жалпы құқықтық игеру Англия мен Уэльстің құқықтық жүйелерінің негізін зерттеуден басталады. Курс ағылшын құқығының жеке институттарының да, мемлекеттік құқықтық құбылыстары мен процестерінің бірқатар институттарының да қалыптасу тарихын қамтиды. Курсты игеру мақсаты: студенттерде ағылшын құқықтық жүйесінің принциптері мен тетігі туралы білім қалыптастырады

Курс неміс Негізгі заңының тарихының жалпы сұрақтарын және конституция құру сұрақтарын қарастырады. Курсты игеру мақсаты: оқушыларда неміс құқықтық жүйесінің принциптері мен тетіктері туралы білім қалыптастыру

Курс неке, туыстық, асырап алу және т.с.с. қатынастарға бола туындайтын мүліктік және мүліктік емес қатынастар саласында білім қалыптастырады. Отбасы құқығы жаңа институттардың, оның ішінде суррогаттық ана, ЭКО, неке шарты, патронат, алименттік келісімнің бекітілуіне байланысты өзектілігі артқан

Курс қылмыстық құқық бұзушылықтардың жеке түрлерін, оларды құрамдарына қарай саралауды зерттеуге арналған

Әкімшілік құқық курсы жария қатынастар негізі, билік және бағыну элементінің белгілері бар қатынастар саласында білім және құзырлықтар қалыптастыруға бағытталған. Курс аясында әкімшілік құқық бұзушылықтарды саралау және әкімішілік құқық бұзушылықтардан туындайтын дауларға шешу бойынша құзырлықтар да қалыптастырылады

Курс A2 (Pre-intermediate) деңгейлі және одан да жоғары ағылшын тілін меңгергендерге арналған, әрі жеке құқық аясында халықаралық құқық бойынша заңгерлік ағылшын тілін үйренудің және сонымен бірге жалпы ағылшын тілін жетілдірудің жақсы бастамасы болып табылады. Аталмыш бағдарламаның басты мақсаты арнайы сөздік қорды қолдану арқылы құқықтық терминдерді оқыту, қазіргі құқықтық ағылшын тілінің заманауи стилін меңгерту, құқықтық мәнмәтіндегі грамматикалық құрылымдар, соның ішінде жазбаша келісімшарттар мәнмәтіндегі сөз бен фразаларды нақты қолдануды үйрету болып табылады.

«Азаматтық процессуалдық құқық» курсы ЖОО компонентінің салылық пәні және азаматтық істер бойынша сот төрелігін жүзеге асыру бойынша білім қалыптастыруға бағытталған. Студенттер азаматтық істі бастау және жүргізу, дәлелдемелер жинау және ұсыну, сонымен қатар істің процессуалдық тұрғыдан әрі қарай жүруін болжау бойынша дағдыларға иеленеді

Киберқауіпсіздік курсын игеру объектісі ақпарат пен ақпараттық жүйелерді әртүрлі деңгейдегі киберқатерлер тұрғысынан қорғалғандық ұғымы болады. Қазіргі таңда ақпараттық қауіпсіздікті қамтамасыз ету мемлекет деңгейінде де, ұйымдар мен жеке тұлғалар деңгейінде де маңызды роль атқарады. Мұнда қауіпсіздікті құқықтық тұрғыдан қамтамасыз ету ғана емес, кибершабуылдарды жіктеу, шығындарды бағалау әдістері, шабуылдың табыстылығының жіктері және басқа да мін-жайлар меңзеледі. Курс ақпаратты қорғаудың қазіргі кездегі стандарттарын талдауды, заманауи ақпараттық жүйелердің ерекшеліктеріне шолуды, ethical hacking кіріспеден тұрады. Курстың негізгі мақсаты әрбір жеке адам, ұйым және мемлекет үшін төнетін цифрлық қатерлер туралы түсінік қалыптастыру және терең білім беру болып табылады

Курс мұрагерлік қатынастар саласындағы білімдер мен дағдыларды қалыптастыруға бағытталған. Студенттер мұрагерлік дауларды құқықтық қамтамасыз ету, мұрагерлік істерді құрастыру және т.с.с. бойынша құзырлықтар алады

Курс білім беру бағдарламасына цифрландыру және цифрлық технологияларда маманданушы ұйымдар мен басқа да субъекттердің қызметін құқықтық қамтамасыз ету дағдыларын дамыту мақсатында таңдау компоненті ретінде енгізілген. Сонымен бірге курс блокчейн және смарт-контракт құқықтық қамтамасыз ету саласында да пайдалы болады

Курс В2 (Intermediate) деңгейлі және одан да жоғары ағылшын тілін меңгергендерге, сонымен бірге English for Specific purposes немесе TOLES Foundation пәндерді нәтижелі меңгергендерге арналған. Курс күрделенген заңгерлік аутентикалық мәтіндер және құжаттармен жұмыс істеуге бағытталған. Бұл деңгейдегі басты мақсат тұрақты тіркестерді, клише, синонимдер, көмекші сөздерді т.б. қолдану арқылы заңгерлік сөздік қорды молайту, сонымен қатар құқықтық ұғымдарға анықтама бере отырып, түсіндіре алуға негізделген. Курс бағдарламасы түрлі сұхбаттасу аудиоматериалды қамтиды және заңгерлердің тәжірибесінде кездесетін әсіресе кең таралған жағдаяттарды ұсынады.

Ағылшын жеке құқығы курсы Англияның және Уэльстің жеке құқығы заңнамасының негіздерімен танысуға және оларды түсінуге бағытталған. Ағылшын құқығы курсына Англияның шарттық құқығы, азаматтық (деликттік) құқығы, меншік құқығы, әділдік құқығы және траст құқығы пәндері енгізілген

«Салық құқығы» курсы салық салу және салық құқықтық қатынастары саласында білім қалыптастыруға бағытталған. Курс аясында қалыптасатын құзырлықтар студенттерге ұйым қызметін және салық дауларын құқықтық қамтамасыз етуге мүмкіндік береді

Курс халықаралық құқықтық құқықтың айрықша жүйесі ретінде оның қайнар көздерін, принциптерін, пәнін және ұлттық құқықпен қарым-қатынас сұрақтарын зерттеуге бағытталған. Курс сонымен бірге халықаралық құқықтағы юрисдикция және дауларды шешу тетігі сұрақтарына, сондай-ақ халықаралық қылмыстық құқық, дипломатиялық және консулдық құқық, халықаралық қауіпсіздік құқығы, қоршаған ортаның халықаралық құқығы, халықаралық әуе және ғарыш құқығы сияқты халықаралық құқық салаларын қамтиды

Жер құқығы – жер дауларын құқықтық қамтамасыз ету дағдыларын қалыптастыруға және жер құқықтық қатынастар саласында білім алуға бағытталған

Курс мақсаты Германияның Негізгі заңының құрылымы туралы түсінік беру болып табылады. Курс неміс Негізгі заңының тарихының жалпы сұрақтарын және конституция құру сұрақтарын қарастырады. Курс аясында мемлекеттік құрылымдарды, конституциялық органдарды құру және олардың ынтымақтастығы, заң шығару процесі, Конституциялық соттың құқықтық позициялары және өзгертулер енгізудің конституциялық процедурасы қарастырылады

Курс студентті құқықтық реттеу саласында туындайтын адамгершілікті қозғайтын ситуацияларды талдауға және бағалауға үйретеді, этикалық білімге баулиды, қызметтік міндеттерді атқаруда қажет болатын өнегелі-этикалық факторларды пайдалану дағдыларына үйретеді, заңгердің кәсіби қызметінде моральдық және өнегелік құндылықтарды көрсетуге үйретеді, сот өндірісіне қатысушылардың қызметінің өнегелік аспекттерін талдауға және бағалауға үйретеді

Қазақстан Республикасының Қылмыстық процессуалдық құқығы курсы студенттерге осы құқық саласының негізі мен ережелерін зерттеуге, қылмыстық істер бойынша өндіріс барысында қолданылатын базалық принциптер мен процедуралық режимдерді түсінуіне көмектеседі. Курсты игеру нәтижесінде студент қылмыстық сот өндірісінің теориялық, құқықтық, практикалық негіздерін біледі; сотқа дейінгі тергеп-тексеруді, заңдылықты қадағалауды жүргізе алады, қылмыстық істі сотта қарастырудың негіздерін біледі, процессуалдық және тергеу әрекеттерін жүргізуді меңгереді, сонымен бірге, процессуалдық құжаттарды құрастыра алады

Пәнді игеру түлектерге экономика саласындағы құқықтық білімін арттыруға және кеңейтуге және оларды кәсіби қызметінде қолдануға мүмкіндік береді. Мақсаты – студенттерге кәсіпкерлік қызметті құқықтық реттеудің негізгі теориялық ережелерін түсіндіру, азаматтық, салық және кәсіпкерлік қызметті реттейтін басқа да нормативтік құқықтық акттердің маңызын ашу. Сонымен бірге, кәсіпкерлік қатынастардағы әралуан ситуацияларға құқық нормаларын дұрыс қолдану дағдыларын қалыптастыру да курс мақсатын құрайды

Корпоративтік құқық «Құқық» мамандығы тобы бойынша мамандар дайындаудың «Қазақстан Республикасының Азаматтық құқығы І» базалық курсының жалғасы болып табылады. Пән азаматтық құқық саласының жалпы бөлігінің институттары бойынша құзырлықтарды бекітуге және заңды тұлғаларды құру, олардың қызметі және қызметін тоқтату аясындағы қоғамдық қатынастарды неғұрлым терең зерттеуге арналған. Негізгі назар коммерциялық ұйымдардың қызметіне, атап айтқанда, Қазақстанда неғұрлым кең тараған ұйымлдастыру-құқықтық нысандағы жауапкершілігі шектелген серіктестіктердің қызметіне аударылады

Бұл курс ұзақтығы 1 семестр және табысты қарым-қатынас ағылшын тілінде нақты өмірлік жағдайларда дағдыларын дамыту үшін әзірленді. Аталмыш курс студенттердің болашақта кәсіби өсуі үшін көшбасшылық қабілеттер мен жұмысқа орналасуға қажетті дағдыларды дамытуға бағытталған. Бұл курс қазіргі заманда маңызды саналатын жеке қабілеттерді жетілдіруге, уақытты басқару мен күйзелістерге берілмеуге, топтық жұмыс, келіссөздерді жүргізу мен таныстырылымдарды жасай білуге, түрлі мәдениеттердегі іскери этика мен кәсіпкерлікке қатысты ақпараттардан хабардар бола білуге арналған.

Бұл курс шеңберінде студенттер цифрлық технологияларды қолдана отырып шешуді талап ететін қолданбалы құқықтық проблеманы анықтайды (коммуникативті, аналитикалық, функционалды) және заманауи құралдардың көмегімен олардың өзіндік шешімін құрастырады (код, платформалар, басқа да инструменттер)

Курс дауларды баламалы шешудің әртүрлі әдістерін зерттеуге мүмкіндік береді

«Жер қойнауын пайдалану құқығы» курсы жер қойнауын пайдалану және пайдалы қазбаларды барлау және алу, сонымен бірге жер қойнауын пайдаланудың басқа да нысандарында маманданатын компаниялар мен ұйымдардың қызметін қамтамасыз ету саласындағы жоғары білікті кәсіпқой кадрлар дайындауға арналған. Курс мақсаты студенттерде мұнай-газ бизнесін және пайдалы қазбаларды барлау және алу саласындағы ұйымдамдардың қызметін құқықтық қамтамасыз ету дағдыларын дамыту болып табылады

Курс аясында атқару өндірісінің міндеттері, принциптері, қатысушылары мен мерзімдері, шешімдерді (оның ішінде шетел соттарының) атқару сұрақтары зерттеледі

Курс Германия заңнамасы бойынша жеке құқықтық қатынастарды зерттеуге бағытталған

Кез келген заңгер заңи мәтінді нақты, түсінікті және негізді жазу қабілетіне ие болуы керек. Заңи жазба мақсаты құқықтық ақпаратты іс жүзінде түсінікті және қолдануға болатын нысанда жазу болып табылады. Құқықтық білу заңгер үшін жеткіліксіз, ал осы білімді клиенттің пайдасына қарай қолдану жақсы заңгерді үздік заңгерге айналдырады. Заңи жазба – құқықтық ақпаратты тиімді іздеу, құқықтық мәтінмен жұмыс істеу және сапалы құжат құру дағдыларын иелену және білу. Құқықтық хат жазудың негізгі ережелерін білу қағазға өз ойларын оқырман оның мән-мағынасын жылдам әрі оңай түсіне алатындай ретте жазуға мүмкіндік береді. Курс мазмұнында заңгердің кәсіби қызметіндегі заңи жазбаның түсінігі мен маңызын ашуға байланысты, заңи жазба түрлерін, талаптары мен ерекшеліктерін анықтауға байланысты сұрақтар қарастырылады

Курс банктік қызметі құқықтық қамтамасыз ету бойынша базалық құзырлықтарды қалыптастырады. Студент банк жүйесі және банктер мен уәкілетті органдар, сондай-ақ банктердің клиенттерімен арасындағы құқықтық қатынастарды реттейтін заңнама туралы білім алады

Бұл курс шеңберінде студенттер цифрлық технологияларды қолдана отырып шешуді талап ететін қолданбалы құқықтық проблеманы анықтайды (коммуникативті, аналитикалық, функционалды) және заманауи құралдардың көмегімен олардың өзіндік шешімін құрастырады (код, платформалар, басқа да инструменттер)

Халықаралық қылмыстық құқық объектісі халықаралық құқықтық тәртіпті қорғауды, халықаралық құжаттарға немесе мемлекеттер арасындағы келісім-шарттарға және мемлекеттердің ұлттық заңнамаларына сәйкес жазаланатын бейбітшілік пен адамзат қауіпсіздігіне қарсы қылмыстарды, халықаралық қылмыстарды зерттеу болып табылады. Халықаралық қылмыстық құқық халықаралық гуманитарлық құқық, халықаралық теңіз құқығы, халықаралық әуе құқығы, халықаралық экономикалық құқық саласындағы қылмыстылыққа қарсы күресуге бағытталған. Құқықтың бұл саласының маңызды ерекшелігі – ол халықаралық қылмыстық құқық, қылмыстық құқық және құқық қолданушы сот билігінің принциптері мен нормаларын біріктіреді

Бұл модуль Америка Құрама Штаттарындағы бизнес ұйымдарының заңына қысқаша шолуды және ашық фирмалардың корпоративтік басқаруына түсінік береді. Біз бизнес ұйымдарының нысандарын (серіктестіктер, ЖШС, корпорациялар), юрисдикцияны таңдау және Делавэрдің рөлін, директорлар кеңесін және оның қамқорлық пен адалдық міндеттерін және акционерлердің дауыс беру құқықтарын қарастырамыз

Курстың мақсаты инвестициялық және қаржылық шешімдерді қабылдау үшін аналитикалық дағдыларды дамыту, сондай-ақ тәуекелдерді талдау болып табылады. Курстың тақырыптары: ағымдағы құн мен капитал құнының түсінігі, ақшалай қаражаттардың дисконтталған ағындарын және басқа да бағалау әдістерін талдау, сонымен қатар қысқа және ұзақ мерзімді қаржы менеджменті, тәуекел мен кірістілік мәселелері, CAPM үлгісі; күрделі салымдарды жоспарлау және басқа тұжырымдамалар, теориялар.

Құқық философиясы философиялық құқықтық ойдың дамуын зерттеуге және аналитикалық дағдыларды нығайтуға бағытталған

Пән мақсаты – студенттерде шетелдік элементпен күрделенген жеке құқықтық қатынастардың құқықтық табиғаты мен құқықтық реттеудің мәнін жан-жақты түсінуді, сондай-ақ студенттерге халықаралық жеке құқық бойынша теориялық білім беру және болашақта білім алуға құқықтық база қалыптастыру

Осы курс аясында студенттер қылмыстық істің сотта қарастырылуы барысындағы мемлекеттік айыптаушы дағдыларына иеленеді. Семестр барысында студенттер қылмыстық құқық бұзушылықтардың әралуан санаттары бойынша мемлекеттік айыптаушы тұрғысынан сот процесінің үлгісін әзірлейді.

Курс студенттерде заңды тұлғалар мен корпорацияларды қосылу нысандарындағы қайта құрылуын құқықтық қамтамасыз ету бойынша дағдыларын дамыту мақсатында таңдау компоненті ретінде білім беру бағдарламасына енгізілген. Сонымен бірге, курс азаматтық және корпоративтік құқық курстарында меңгерген білімдері мен дағдыларын кешенді қолдану ретінде, қосылу және қамту нәтижесінде туындайтын даулар бойынша наразылық-талап арыз жұмыстарын жүзеге асыруда пайдалы болады

Курс адвокаттың кәсіби қызметінің спецификасын, адвокат қызметін ұйымдастыру негіздерін, процессуалдық әрекеттер жүргізу және оған кәсіби өкіл ретінде қатысуды зерттеуді, сонымен бірге адвокаттың юрисдикциялық өндіріс саласындағы өзге де құқық қолдану қызметі туралы, уақыт және ақпарат тапшылығында сенім білдірушінің немесе қорғауға алынушының мүдделерін неғұрлым жақсы қорғау үшін шешім қабылдауы туралы білім беріледі

Бұл пән бакалавриат бағдарламасы шеңберінде салалық кәсіби пәндер циклына жатады. Пән әкімшілік юстиция пәні бойынша, соттардың әкімшілік істерді қарастыруын реттейтін нормаларды жүзеге асыру барысында туындайтын әртүрлі құқықтық ситуацияларды модельдеу және талдау бойынша терең білім беріп, дағдылықтар мен машықтануға үйретеді. Бұл пәнді оқыту барысында қазақстандық заңнамаға, ҚР ӘРПК нормаларын іске асыру тетігімен байланысты конструкциялар мен ұғымдарды түсіндіруге ерекше көңіл бөлінеді. Пәнді игеру студенттерде әкімшілік юстиция институты туралы білімін жүйелендіреді, ҚР ӘРПК сәйкес әкімшілік соттардың әкімшілік құқықтық істерді қарастыруының тәртібін реттейтін нормаларды практикалық қызметте табысты қолдануға қажетті дағдылықтарға үйретеді

«Инвестициялық құқық» пәні инвестициялық қатынастар саласында білімдер мен дағдыларды қалыптастыруға бағытталған

Бұл курс студенттерді жобаларды басқарудың барлық қырларымен, олардың болашақ кәсіби қызметінде жобаларды басқарудың негізгі принциптерімен таныстыруға және жобаларды басқару әдістемесін зерттеуге бағытталған. Бұл курс идеядан бастап, оның іске асыру және аяқтауға дейінгі жобаның әралуан сатыларын сипаттау болып табылады. Сонымен бірге, екі пайдалы құралдың мысалы келтіріледі, жоспарлау, құжаттау және нәтижелерге қол жеткізуді бақылау

Нарық экономикасының дамуының заманауи жағдайларында медициналық қызмет саласы кәсіпкерлік қызмет түрі ретінде осы қызметті реттейтін заңнамаға қарағанда жылдам дамып келеді. Практикада пациенттердің құқықтарын қамтамасыз ету, жеке меншік клиникалары жағдайында клиенттердің (өтімді қызмет көрсету шарттары бойынша тапсырыс берушілердің, тұтынушылардың) құқықтарын қамтамасыз ету бойынша да, сол сияқты медициналық ұйымдар мен медициналық қызметкерлердің де құқықтарын қорғау бойынша да сұрақтар жиі туындайды. Тегін мемлекеттік медицинадан медициналық сақтандыру жүйесіне ауысу және медициналық қызмет нарығының белсенді дамуы жағдайында отандық құқықта жаңа заманауи саланың – медициналық құқықтың ажыратылу қажеттігі туындайды. «Медициналық құқық» пәні аясында халықтың өмірі мен денсаулығын және денсаулық сақтау жүйесін қорғау саласындағы арнайы құзырлықтар қалыптастырылады

Курс студенттерде шығармашылық интеллектуалдық қызмет объекттерін және олардың құқық иеленушілерін қорғауды құқықтық қамтамасыз ету дағдыларын қалыптастырады

Бұл курс «Құқықтану» бағдарламасының білікті бакалаврларын дайындауға арналған маңызды арнайы курстардың бірі және Республикалық нотариустар палатасының ұсынысымен бағдарламаға енгізілген. Курс нотариалдық іс-әрекеттер жүргізу барысында туындайтын қоғамдық қатынастар саласындағы білімдер мен дағдыларды қалыптастырады

Курс прокурордың кәсіби қызметінің ерекшеліктерін, азаматтардың құқықтары мен заңды мүдделерінің сақаталуының заңдылығын тексеру алгоритмін зерттеуді, прокуратура органдарының қызметкері ретінде оларды практикалық дағдылармен бекітуді; юрисдикциялық процесс үшін маңызды ситуацияны кәсіби бағалау және оған сәйкес құқық қолданушылық шешім қабылдауды көздейді

нақты заңға сәйкес шешімдерді қабылдау және өзге заңи әрекеттерді жасау, құқық пен заңға құрметпен қарау, сыбайлас жемқорлық мінез-құлқына төзбейтін болу

бағдарламалау тілінің негіздерін, тиімді коммуникация техникасын игеру және оларды тәжірибелік қызметте қолдану, айналасындағылармен нақты және ашық сөйлесу

сот тәжірибесінің материалдарын қоса алғанда құқықтық және өзге де ақпаратты өздігінен іздеу, жинақтау және талдай алу

әртүрлі құқықтық жүйелердің айырмашылықтары мен ерекшеліктерін түсіну

конституциялық құрылыстың негізін, мемлекеттік органдардың қызметінің құрылымын, қағидаттары мен функцияларын, құқықтық және мемлекеттік құбылыстардың мәнін, сипатын және өзара әрекетін білу

сыни ойлау және тәжірибелік және құқықтық мәселелерді шешуде тәуелсіз әрекет жасау, күрделі құқықтық мәселелерді дара да, топппен де шеше алуға қабілетті болуы

жеке және заңды тұлғалардың құқықтары мен мүдделерін қорғау мен қамтамасыз ету бойынша ұлттық және халықаралық құқық нормаларын қолдану

материалдық және процессуалдық құқық нормаларын нақты өмір жағдайларына қолдану, фактілер мен мән-жайларды заңи дұрыс саралау, құқықтық талдау мен дәлелдеудің, кейстер мен ситациялық есептерді шешу алгоритмін құрастыру дағдыларын игеру

қылмыстық-процесстік, әкімшілік-процесстік, азаматтық-құқықтық және тәртіптік рәсімдерді ұғыну

дауларды шешудің балама әдістері мен заң техникасын қолдану дағдыларына ие болу

қоғамдық қатынастарды реттеуші құқықтың мәнін түсіну, құқықтың функцияларын, құқықтық жүйенің құрылымын және элементтерін, мемлекеттің пайда болуының заңдылықтарын, қазіргі мемлекеттің функцияларын жүзеге асыру нысандары мен тәсілдерін білу

академиялық және іскерлік хат жазу дағдыларын көрсету, мазмұндаудың стильдерін ажырата алу, құқықтық сипаттағы құжаттарды дұрыс құрастыру, білікті ауызша заң кеңестерін (қазақ, орыс және ағылшын тілдерінде) беру

өз қызметінің мүмкін болатын салдарын және ол үшін жауапкершілік көтеру қажеттілігін сезіну