6B01401 Бастапқы әскери дайындық мұғалімдерін даярлау в Mardan Saparbaev Instityty

Бастапқы әскери дайындық негіздері студенттерді Бастапқы әскери даярлық оқытушысының міндеттерін орындауға арнайы даярлаудың негізгі пәндерінің бірі болып табылады. Студенттер оқушылардың Бастапқы әскери даярлығы және әскери-патриоттық тәрбиесі бойынша сабақтарды ұйымдастыруды және сапалы жүргізуді, пәнаралық байланыстарды жүзеге асыруды; оқу процесіне оқытудың қазіргі заманғы құралдары мен әдістерін енгізуді; аудандардың қорғаныс істері жөніндегі бөлімдермен және әскери бөлімдермен тығыз байланысты сақтауды; БӘД бойынша оқу-материалдық базаны құруды және жетілдіруді; оқушылармен жеке жұмыс жүргізуді, олардың іскерлік, моральдық және физикалық қасиеттерін зерделеуді, жасөспірімдерді Қазақстан Республикасының Қарулы Күштеріндегі қызметке даярлауға бағытталған.

Пән білім алушылардың экологиялық дүниетанымын және тіршілік қауіпсіздігі бойынша зиянсыз, әрі қауіпсіз өмір сүрудің негізгі білімдерін қалыптастыруға, табиғат пен қоғамның өзара әрекеттесуінің негізгі заңдылықтарын, табиғи, техногендік және әлеуметтік сипаттағы қауіпті және төтенше жағдайларда адамның қауіпсіз іс-әрекетін, азаматтық қорғаныстың мақсатын, құрылымын, міндеттерін білуге бағытталған.

Курс адамның адаммен, қоғаммен, қоршаған әлеммен қарым-қатынасын реттейтін этикалық және заңнамалық нормаларды білуге, білім алушылардың қоғамдық және жеке құқықтық санасы мен құқықтық мәдениетін арттыруға, сондай-ақ сыбайлас жемқорлыққа қарсы іс-қимыл бойынша білім жүйесі мен азаматтық ұстанымды ұлттық мүдделер мен қауіпсіздікке қатер ретінде қалыптастыруға бағытталған.

Курс бизнесті жүргізу дағдыларын теориялық зерделеуге және практикалық қолдануға, білім алушылардың жалпы экономикалық және басқарушылық дайындығын қамтамасыз етуге, кәсіпкерлік қызметтің мәні мен ұйымдастырушылық аспектілері және оның экономиканы дамытудағы мақсаты туралы білімді қалыптастыруға, нарықтық қатынастарға сәтті қатысу мәселелері бойынша кәсіпкерлік қызмет тәсілдерін зерделеуге бағытталған.

Саптық дайындық негіздері - бұл әскери қызметшілерді оқыту пәні, оның мақсаты саптық түзеуді, тартымдылық пен шыдамдылықты, командаларды, қарумен және қарусыз саптық тәсілдерді дұрыс және жылдам орындау білігін дамыту, сондай-ақ бөлімшелерді әртүрлі саптардағы үйлесімді іс-қимылдарға дайындау болып табылады.

Бұл курс бастапқы әскери дайындықты орта және жоғары оқу орынында ұйымдастыру және жүргiзу әдiстемесiн оқытуға; оқу орнының лауазымды адамдарының бастапқы әскери дайындық бойынша мiндеттерін білуге; Бастапқы әскери дайындық бойынша сабақ құрылымын талдап білуге, оны жүргiзудiң формалары мен әдiстерiн бағдарламалар құру және жоспарлау барысында қолдануға; Оқушылардың бiлімін, біліктіліктері мен дағдыларын тексеру және бағалауға; ҚР ҚК барлық құрылымдары мен олардың қызметтерін талдауға, жарғылар мен заңнамаларды білуге бағытталған.

Бұл пән білім беру саласындағы заманауи технологиялардың сипатын білуге, оның тиімдісін талдап қолдану арқылы сабақтарды жоғары дәрежеде ұйымдастыру мен өткізуге бағытталған. Ақпараттық-коммуникациялық құралдарды сауатты пайдалануды қарастырады. Оқытудың түрлі технологияларын пайдалану білім алушының материалды жан-жақты түсініп игеруіне, шығармашылық және сыни ойлау қабілетінің дамуына, жеке шешімдер қабылдауына әсер етеді. Инновациялық педагогикалық әдістер топтық және жеке жұмыстарды орындауда оқытушымен тығыз қарым-қатынас орнатуды, бағалау процесін оңтайландыруды көздейді.

Қазақстанның әскери тарихы пәні соғыстардың мәнін, себептерін, сипатын, қоғам өмірінің әлеуметтік-экономикалық, саяси және материалдық-техникалық жағдайларының өзгеруіне қарай оларды жүргізу құралдары мен тәсілдерін, сондай-ақ қазақ халқының әскери қызметінің тәжірибесін қарастыруға бағытталған.

Қазақстан халқының өркениеттік және дүниетанымдық тамырлары мен руханиятына деген қызығушылықты қалыптастыруға және жандандыруға, этностың мәдени тарихының құрамдас бөлігі ретінде, дүниетаным тарихы мен философияны білуге, халық ойшылдарының мұрасын зерттеуге, қазіргі заманғы қоғамдық сұраныс пен дүниетанымдық түсінігі контекстінде дәстүрлі бастауларға жүгінуге, этностың өмірлік перспективаларын түсінуге бағытталған.

Пән дамуы қалыпты және ауытқитын балаларды бірлесіп оқыту идеясын дамыту туралы теориялық білімді қалыптастыруға, ерекше білім беру қажеттілігі бар адамдарды әлеуметтік-педагогикалық сүйемелдеудің міндеттері мен мазмұнына, студенттерді дамуы бұзылған оқушыларға білім берудің педагогикалық жүйелері саласында қажетті біліммен жарақтандыруға және интеграция жағдайында түзету-дамыту оқу процесін ұйымдастыруға даярлауға бағытталған.

Жарғылардың басты талабы-әскери қызметшілердің Отанды қорғауға, өз халқына, Отанына адал қызмет етуге деген жеке жауапкершілігі. Жарғылардың өзіндік ерекшелігі бар: олардағы моральдық қағидалар әскери қызметшілердің мінез-құлқының құқықтық нормалары болып табылады. Оларда жоғары әскери тәртіпті, тұрақты жауынгерлік даярлықты қамтамасыз етуге арналған қатынастар бекітілген. Жарғылар, ең алдымен, әскери атағы мен қызметтік жағдайына қатаң бағынуды қамтамасыз етеді.

Курсты оқу барысында студент ұлттық жаңғыру идеологиясын, әскери өнердің даму кезеңдерін, жалпы және Қазақстан Республикасының әскери тарихын біледі. Елдің әскери қауіпсіздігін, оның проблемалары мен әскери реформаның болашағын ғылыми тұрғыдан талдайды. Әскери істе болып жатқан процестерді, қарулы күштерді құрудағы теориялық-практикалық өзгерістерді, соғыс жүргізудің тәсілдерін терең меңгереді. Кәсіби қызметте өзін-өзі және кәсіби-педагогикалық шеберлігін жетілдіру мақсатында әскери-тарихи зерттеу әдістерін практикада қолдануға дағдыланады.

Курс оқыту мен тәрбиелеу саласындағы педагогикалық зерттеулердің негізгі бағыттары туралы ұғымдарды қалыптастыруға, кәсіптік педагогикалық қызметтің жалпы сипаттамасы, пәні, білім беру саласындағы нормативтік актілер, педагогиканың әдіснамасы мен құрылымы, оқыту мен тәрбиелеудің теориясы мен әдістемесі туралы, кәсіптік шеберлік пен педагогикалық технологиялар, мектепте білім беруді тиімді ұйымдастыру үшін қажетті дағдылар туралы білімді меңгеруге бағытталған. Сыныптағы жайлы, қол жетімді оқу ортасын және эмоционалды-психологиялық климатты сақтау.

Пән қазақ халқының зияткерлік күшін, қазақстандық мәдениеттің қуатын өздігінен ұйымдастыруға, ұлт пен елдің рухани, ғылыми-зияткерлік, ғылыми-шығармашылық және көркемдік әлеуетін жаңартуға негізделген. Қазақстанның азаматтық және рухани, этникалық және ұлттық бірегейлігін, адамгершілік-рухани жаңғыруын қалыптастыруға және нығайтуға бағытталған.

Әскери бөлімшелердегі әскери өмірдің негізгі ережелерін, ҚР ҚК ішкі тәртібінің қағидаларын, әскери қызметшілердің, командирлердің жалпы құқықтары мен міндеттерін, әскери қоғамдық іс-шараларға қатысу мен ұйымдастыруды білу.

Пән оқу барысында студентер әскери психология мен педагогиканың әдіснамалық негіздерін, әскери психология мен педагогиканың негізгі категориялары туралы білімдерін қалыптастырады. Әскерлерді тәрбиелеу мен оқыту процесінің іргелі идеяларын, тұжырымдамаларын, заңдарын, заңдылықтарын және принциптерін, әскердегі педагогикалық процесті жобалауды және жүзеге асыруды, жауынгерлерді тәрбиелеу мақсаттары мен міндеттерін анықтауды меңгереді. Жауынгерлерді оқыту мен тәрбиелеудің мәнін, мазмұнын, формалары мен әдістері бойынша алған білімдерін тәжірибеде өз бетімен қолдануға дағдыланады.

Пән болашақ мұғалімнің оқушылармен тәрбие жұмысының теориясы, әдістемесі және техникасы саласындағы кәсіби-педагогикалық құзыретін қалыптастыруға, студенттерді диагностикалық, мақсатты болжау, жобалау, ұйымдастырушылық, коммуникативтік, талдамалық іскерліктермен қаруландыруға, оқушылармен тәрбие жұмысын ұйымдастыруға және жүргізуге, білім алушылармен өзара іс-қимылға жауапты және шығармашылық қарым-қатынасты дамытуға бағытталған.

«Психология және адамның дамуы» пәні-психологиялық ойлауды дамытуға, ғылыми әдіснамалық принциптер мен психологиялық құбылыстарды жүйелі талдау дағдылары мен дағдыларын қалыптастыруға бағытталған. Жалпы психологияның теориялық және әдіснамалық негіздерін және адам дамуының өзекті мәселелерін шоғырландыруды және кеңейтуді, зерттеудің жаңа әдістерін әзірлеуді, іс-әрекеттің, әлеуметтік мінез-құлық пен өмірдің субъектісі болып табылатын адамның жеке басының даму заңдылықтарын анықтауды қарастырады.

Штаттық қаруды, оның жауынгерлік мүмкіндіктерін және одан ату ережелерін, ұрыста пайдалану тәсілдерін, қарумен әрекет ету тәртібін білу. Қаруды ұрысқа дайындауға, нысанаға барлау жүргізуге, атысқа арналған бастапқы қондырғыларды анықтауға, метеорологиялық, баллистикалық жағдайларды ескере отырып, күндіз-түні оқ атудың барлық тәсілдерін қолдануға, қарудың техникалық жай-күйін тексеруге және ақаулықтарды жоюға қабілетті болу.

Бұл пән студенттерге әскери патриоттық тәрбиелеудің әдістемелік және теориялық негіздерін оқытады. Жастарды ҚРҚК қызмет етуге адамгершілік, саяси, психологиялық, әскери және дене дайындықтарын ұйымдастыруға үйретеді.

Курс Қазіргі заманғы әскерлердің қаруы мен әскери техникасын, оны әртүрлі қарқындылықтағы қарулы қақтығыстарда қолдану мүмкіндіктерін зерттеуді қамтиды. Қарудың сипаттамасы оны құрлық, әуе, теңіз және ғарыш Күштерінде пайдалану бойынша баяндалады. Курстың мақсаты-қазіргі заманғы қару-жарақ пен әскери техниканың сипаттамаларын, сондай-ақ жалпы әскери ұрыс жүргізу кезінде олардың мүмкіндіктерін игеру.

Бұл пән қазіргі таңда әскерде қолданылатын атыс құралдары, жаппай жою қарулары мен әскери ұрыстық машиналардың сипаттамасын, жіктелуі мен ережесін білуге, тәжірибеде қолдана алуға, әскери қақтығыстар кезінде жақын және алыс қашықтықтағы нысандарды зақымдауда оқпен, снарядтармен, гранаталармен дәлдеп атуға, маневр жасау техникасын игеруге, қару-жарақтарды тазалау және сақтау қағидаларын меңгеруге бағытталған. Қаруларды қашықтықтан басқару жүйесін игереді.

Пән Бастапқы әскери дайындық әдістемесінің негіздерін, «критерий», «бағалау», «білім беру нәтижесі» ұғымдарын зерделеуге, тұрған міндеттерді нақты түсіну негізінде оқушылармен жұмыс істеу әдістемесін меңгеруге, балалардың жас ерекшеліктері мен мүмкіндіктерін білуге, оқушылардың білімін игеру үдерісіне, білім алушылардың үлгеріміне мониторингті жүзеге асыру, білім беру нәтижелерін критериалды бағалаудың практикалық іскерліктері мен дағдыларын қалыптастыруға бағытталған. Оқытудың тиімді әдістемелері мен оқытудың оқу жетістіктерін бағалау құралдары негізінде сабақ өткізу кезінде білім алушылардың ерекшеліктері мен қажеттіліктерін ескеруге үйретеді.

Еңбекті қорғау туралы заңды түсіндіреді. Кәсіпорындардағы қауіпті және зиянды факторлардың сипаттамаларын, олардың әсер ету ерекшеліктерін анықтайды. Қауіпсіздік техникасын, санитарлық - гигиеналық негіздерді, өндірістік жарақаттануды талдайды. Еңбекті қорғау саласындағы негізгі ұғымдарды салыстырады. Ол қауіпсіз және зиянсыз жағдайларды құрудың негізгі әдістері туралы ұғымды зерттейді.

Төтенше жағдайларды сипаты бойынша ажырата білу. Халыққа ақпаратты тарату жолдарын және қауіпсіз орынға көшіру қағидаларын үйрету. Азаматтық қорғаныс құрылымдары мен қызметтерін білу. Төтенше жағдайдың алдын алу шараларын игеру.

Бұл пән орта оқу орындарының оқушыларын Бастапқы әскери дайындық негіздерін оқытуды ұйымдастыру және өткізуге және оларды Қазақстан Республикасының Қарулы Күштерінде қызметке даярлау жөніндегі Бастапқы әскери даярлықты ұйымдастырушы маманның міндеттерін табысты орындау үшін қазіргі заманғы жалпы әскери ұрысты жауынгерлік қамтамасыз ету негіздері бойынша білімді тереңдетеді және жүйелейді.

Әскери топография жергілікті жерді зерттеу әдістерін, онда бағдарлануды және әскердің ұрыс қимылдарын мүддесіне сай жергілікті жерді бағдарлаумен байланысты басқа да мәселелерді орындау кезінде топографиялық карталар мен аэрофотосуреттерді пайдалануды үйретеді.

Тактикалық даярлық командирлердің, штабтар мен әскерлердің далалық (жауынгерлік) машықтануының негізін құрайды. Атыс, техникалық, саптық дайындықпен және басқа да заттармен кешенді түрде жүргізіледі. Негізгі міндеттері ұрыс теориясын (оның ішінде жарғылық ережелерді) зерделеу, әскерлердің (Күштердің) жеке құрамын жоғары психологиялық орнықтылыққа және кез келген жағдайда жауынгерлік міндеттерді ойдағыдай орындай білуге, ұрыс жүргізу тәсілдері мен әдістерін қолдану дағдыларын, қаруды, жауынгерлік техниканы шебер пайдалануды және жергілікті жердің тактикалық қасиеттерін тәрбиелеу; әртүрлі ұрыс түрлерінде қарсыластың әскерлерін (күштерін), ұйымдастыруын, қару-жарағын және тактикалық іс-қимылдарын зерделеу; командирлер мен штабтарды ұрысты ұйымдастыру және жүргізу және бағынысты әскерлерді (күштерді) ұрыста басқару әдістеріне үйрету, олардың жауынгерлік іс-қимылдарды жүргізу кезінде әскерлерді жан-жақты қамтамасыз етуді шебер ұйымдастыру дағдыларын тұжырымдау; бөлімшелердің, бөлімдердің, құрамалардың жауынгерлік үйлесімділігін жетілдіру.

ҚР ҚК инженерлік қамтамасыз ету-әскерлерге оларды уақтылы және жасырын жылжыту, өрістету, маневр жүргізу және қойылған жауынгерлік міндеттерді орындау, оларды қазіргі заманғы зақымдау құралдарынан, әсіресе ядролық және дәлдігі жоғары қарудан қорғауды арттыру, сондай-ақ жауға шығын келтіру және оның іс-әрекетін қиындату үшін қолайлы жағдайлар жасау үшін қызмет ететін инженерлік іс-шаралар мен міндеттер жиынтығын меңгеруге бағытталған.

Пән мемлекет қорғанысын және әскери қауіпсіздікті құқықтық қамтамасыз ету, ҚР Қарулы Күштерін, басқа да әскерлерді, әскери құралымдар мен органдарды орналастырумен және ұйымдастырумен, оларды мемлекеттік басқарумен, жеке құрамды жасақтаумен, әскери қызметті өткеруді ұйымдастырумен, әскери қызметшілердің құқықтық мәртебесімен, мемлекеттің әскери ұйымында заңдылық пен құқықтық тәртіпті қолдаумен, ҚР Қарулы Күштерінде сыбайлас жемқорлыққа қарсы іс-қимылмен байланысты қатынастарды құқықтық реттеу бойынша мемлекет қызметінің құқықтық негіздерін қарайды.

Әскери доктрина қорғаныстық сипатта, ол ұлттық мүдделерді қорғауды, елдің әскери қауіпсіздігіне кепілдік беруді батыл шеше отырып, ҚР бейбітшілікке бейімділігін айқындайды , асимметриялық қателерге , экстремизімге, есірткі тасымалына, қаруды заңсыз таратуға, заңсыз көшіп-қонуға қарсы күресті ескере отырып ҚР Конистуциясың, қорғаныс туралы заңы әскери нормативтермен актлерді білу қажет.

Студенттер алғашқы медициналық көмек көрсету тәртібі мен ережелерін; жеке гигиена және ұжымдық гигиена және жұқпалы аурулардың алдын алу ережелерін; штаттық медициналық қамтамасыз ету құралдарын қолдану ережелерін; жаппай қырып-жою қаруымен зақымданған кезде алғашқы медициналық көмек көрсету тәртібі мен ережелерін; жаралыларды тасымалдау тәртібі мен ережелерін зерделейді. Алғашқы медициналық көмек көрсетудің штаттық құралдарын қолдана алады; жгуттың және басқа да қол астындағы құралдардың көмегімен артериялық қан кетуді тоқтатады; түрлі жарақаттар кезінде таңғыштар салады; сынықтар кезінде иммобилизация жүргізу; реанимациялық іс-шараларды орындау; жау отынан жаралыларды эвакуациялауды жүзеге асыру, жараланғандарды жарақаттың сипатын ескере отырып, едәуір қашықтыққа тасымалдау.

Оқу барысында алынған теориялық мәліметтерді тәжірибе барысында жүзеге асыру. Әскери жиындарды ұйымдастыру және өткізу әдістемесін білу. Жиын барысында техникалық қауіпсіздікті сақтау. Алғашқы медициналық көмек көрсету қағидаларын білу.

Қарсыластың ядролық (нейтрондық) химиялық, биологиялық (бактериологиялық) және тұтандырғыш қаруының, күшті әсер ететін улы заттардың зақымдаушы факторларын және олардан қорғану тәсілдерін, қару-жарақ пен техниканы газсыздандыруға, дезактивациялауға және дезинфекциялауға арналған табельдік құралдарды, сондай-ақ залалданған жердегі іс-қимыл кезіндегі қауіпсіздік талаптарын білу. Жеке және ұжымдық қорғану құралдарын пайдалана білу, штаттық техниканың, фортификациялық құрылыстар мен жергілікті жердің қорғаныш қасиеттерін пайдалану, қарсыластың жаппай қырып - жою қаруын, тұтандырғыш заттарды және күшті әсер ететін улы заттардың әсерін қолдану жағдайында әрекет ету, арнайы өңдеу жүргізу және зақымдану кезінде өзіне-өзі және өзара көмек көрсету.

Ұрыстық улы химиялық заттардың сипаттамасы мен қолдану ережелерін білу. Химиялық қарудан қорғанудың жеке және ұжымдық қорғаныш құралдарын қолдану. Химиялық қарулардың ұрыстық әрекеттердегі зиянын бағалау және талдау.

Атыс қаруларының арналуын, құрылысын, бөлшектері мен механизмдерінің жұмысын, әскери қасиеттері мен техникалық сипаттамасын білу және тәжірибе жүзінде қолдана алу.

Пән студенттердің өз зерттеу жобаларын іске асыру және халықаралық академиялық қоғамдастық нормаларына сәйкес олардың нәтижелерін жазбаша нысанда ұсыну, зерттеу әдістерін қолдану, өз зерттеу ережелерін дәлелді түрде баяндау, өз ғылыми жобасын іске асыру үшін тиісті құралдарды таңдау қабілеттерін дамытуға бағытталған.

Бастапқы әскери дайындық мамандығында оқитын студенттерге кәсіби қазақ (орыс) тілін оқыту жүйесінің мақсаты - өз мамандығы бойынша қазақ (орыс) тілінде еркін сөйлей алатын тілдік тұлға қалыптастыру. Кәсіби қазақ (орыс) тілін оқыту танымдық қызметін ынталандыратын, өзектендіретін ұстанымдарға негізделіп, жеңілден күрделіге қарай бағытталып, кәсіби қазақ (орыс) тілін коммуникативтік прогматикалық дәрежеде меңгерен тілдік тұлға қалыптастыруды көздейді.

Ақпараттық технологиялар пәні компьютерлік техника және өзге де жоғары технологиялар саласындағы қазіргі заманғы жетістіктерді, коммуникацияның жаңа құралдарын, бағдарламалық қамтамасыз ету мен практикалық тәжірибені негізге ала және ұтымды пайдалана отырып, адам өмірі мен қазіргі заманғы қоғамның барлық салаларында уақыт, еңбек, энергия және материалдық ресурстар шығындарын азайту үшін ақпараттық процесті тиімді ұйымдастыру жөніндегі міндеттерді шешуге бағытталған.

Пән жалпы білім беретін мектептерде жұмыс істеу үшін БӘД мұғалімдерін даярлау үшін қажетті әскери-спорттық ойындарды ұйымдастыру бойынша практикалық және кәсіби-педагогикалық дағдыларды қалыптастырады. Әскери-спорттық ойындарды жоспарлау және ұйымдастыру негіздерін меңгереді.

Бұл курс ҚР ҚК-де және шетел әскерінде қолданылатын заманауи атыс қаруының материалдық бөлігін; атыс жүргізудің негіздерін, тәсілдері мен ережелерін білуге; нысанды көздеу мен дәл тигізу тактикасын меңгеруге; оқушыларға Отанды қорғау үшін қаруды қолдануға дайын болуға дағдылануға бағытталған.

Балалардың және жасөспірімдердің анатомиялық пен физиологиялық ерекшеліктерін, түрлі жастық кезеңдеріндегі өсу және даму заңдылықтарын, жас өсіп келе жатқан ағзаның қоршаған ортамен қарым-қатынасын, мектеп оқушыларының денсаулығын сақтау мен нығайту, сабақтан тыс уақыттарын дұрыс ұйымдастыру, олардың оқып білім алу барысында танымдық, мәдени, еңбек жұмыс қабілеттілігінің жоғары деңгейін қамтамасыз ету әдістерін дамыту , баланың жасына мектеп ғимараттарын жабдықтау талаптарын меңгеру, ақыл ойын дамыту, дені сау, сымбатты етіп өсірудің ғылыми негіздері туралы педагогикалық мамандықтар бойынша оқып жатқан студенттерге білім беру.

Бұл курстың мақсаты мен міндеті денсаулықты дұрыс дамыту, сақтау және нығайту үшін күн тәртібін нақты сақтаудың және дене шынықтыру бойынша жүйелі сабақтар өткізудің маңыздылығын түсіндіру болып табылады. Ұзақ физикалық және психологиялық жүктемелерге төтеп бере білу және қазіргі заманғы ұрыс жағдайында сәтті әрекет ету.

Тактика-техникалық мәліметтерді, табельдік байланыс техникасының жалпы құрылымын, байланыс қауіпсіздігі және радиоалмасуды жүргізу ережелерін білу. Аппаратураның барлық жұмыс режимдерінде және кез келген жағдайда тұрақты байланысты қамтамасыз ете білу; радиомаскировка және байланыс қауіпсіздігін қамтамасыз ету талаптарын орындауды меңгеру. Әскери басқару органдары басшыларының (командирлерінің, бастықтардың) әскерді (қарулы күштерді) үнемі әскери дайындықта ұстап, алға қойылған міндеттерді орындауға және ұрыс қимылдарын жүргізе білуге дайындауға басшылық жасау негіздерін білу.

"Кәсіби бағытталған шетел тілі" пәні кәсіби қызметке дайындықтың тұжырымдамалық негіздерін әдістемелік-теориялық дамытуға бағытталған. Мамандыққа қатысты лексика мен терминдері, күрделі синтаксистік құрылымдарды пайдалануға дағдыландыру. Ағылшын тілінде өзінің көзқарасын білдіру, оны дәлелді түрде қорғау. Күнделікті өмірде кәсіби салаға қатысты сұхбаттарға еркін араласа алу, сөйлесу дағдыларын қалыптастыру. Кәсіби бағыттағы ақпараттарды түсіну, талдау жүргізу, ғылыми мақала мен баяндамалар жазуға қабілетті болу.

Бұл курс жауынгерлік өнердің даму тарихын зерттеуге, қолданылу мақсатына байланысты жекпе-жек түрлері мен ережелерін сипаттап талдай білуге, тактикалық-техникалық әдістерді дұрыс пайдалануға, өмірге қауіп төндіретін жағдайлардан сақтануға, қарсыластың шабуылынан қорғануға және қарсы соққы жасауға, денсаулықты жақсарту мен әскерилердің күштік, төзімділік, ептілік дағдыларын дамытуға бағытталған.

Барлау дайындығы жауынгерлік даярлықтың маңызды түрлерінің бірі болып табылады. Ол бөлімшелерді тұрақты жауынгерлік әзірлікте ұстауға, ядролық қаруды, сондай-ақ кәдімгі күрес құралдарын қолдану жағдайларында барлау міндеттерін орындау үшін жоғары далалық дағдыға және жауынгерлік қадағалауға қол жеткізуге бағытталған.

Күштік дайындық пәні білім алушылардың және әскери қызметшілердің дене сапаларын арттыруды көздейді. Педагогикалық және әскери қызметте түрлі қиыншылықтарға физиологиялық-психологиялық тұрғыда дайын болуға, дене жүктемелерін толық орындауға төзімділік танытуға, ағзаның мүмкіндіктерін жетілдіруге бағытталған. Жасына, жынысына байланысты жаттығушыларға әртүрлі күштік жаттығуларын кешенін жоспарлайды және дайындай біледі. Жылдамдық-күштік, ептілік қасиеттерін дамытуда әскери-спорттық құрылғыларды ұтымды пайдаланды.

Бұл курс Қарулы Күштерді, басқа да әскерлер мен әскери құралымдарды материалдық-техникалық, заманауи қару-жарақ пен әскери техникалармен қамтамасыз етудің негіздерін білуге бағытталады. Материалдық-техникалық қамтамасыз ету бөлімшелерінің құрылымы мен қызметін, оның әскери басқару органдарымен және басқа да мемлекеттік органдармен, ұлттық компаниялармен және елдің қорғаныс-өнеркәсіп кешенінің кәсіпорындарымен байланысын меңгереді. Қарулы күштердің ресурстарға қажеттіліктерін анықтауды, сондай-ақ материалдық құралдарды тиімді пайдалану мен сақтауды қамтамасыз етуді көздейді.

"Әскери-спорттық құрылыстар" пәні әскери дайындықтың бір бөлігі болып табылады. Пәннің мақсаты-әскери-спорттық ғимараттар туралы қажетті теориялық білімді игеру және оларды практикада дұрыс қолдануды үйрену, спорт ғимараттарын пайдалану бойынша проблемалық мәселелерді білуге және шешуге дайын болу.

Бұл пән әскери-көлік техникасының жалпы құрылысын, техникалық қызмет көрсетілуі және тактикалық - техникалық сипатын, авто-бронды танк техникасының қарумен және арнайы құрылғымен жабдықталуы мен оны меңгеруге бағытталған.

Әскери-спорттық ойындардың мәнін, олардың тәрбиелік және білім беру мүмкіндіктерін түсінеді. Жергілікті жерлерде әскери-спорттық ойындарды ұйымдастыру және өткізу, әскери-спорттық мүкәммалды, жабдықтар мен құрылыстарды пайдалану әдістемесін меңгерген.

Критериалды бағалау, диагностика, оқу жоспарларын әзірлеу технологияларын қолданады.

Оқушылардың жеке дамуын қалыптастыруда, өмір бойы оқытуда пәнаралық білімді біріктіреді.

Бастапқы әскери дайындықты оқытуда АКТ-ны пайдалана отырып, оқу процесін оқушылардың жеке мүдделеріне сәйкес ұйымдастырады.

Оқушылардың жеке ерекшеліктеріне және оқытудың мақсаттары мен міндеттеріне сәйкес инновациялық педагогикалық технологияларды қолданады. Ағзаның физиологиялық көрсеткіштерін бақылауды және өзін-өзі бақылауды жүзеге асырады.

Әлеуметтік, құқықтық, әскери-саяси, мәдени, психология мен педагогикалық құбылыстардың ерекшеліктерін, олардың Қазақстан қоғамын жаңғыртудағы рөлін, тарихи үдерістердің ерекшеліктерін және шындықты философиялық пайымдауды сипаттайды.

Оқу-тәрбие процесінде жеке, сараланған және жеке тәсілдерді қолдана отырып, бала тұлғасының дамуы мен қалыптасуында оқыту мен тәрбиелеудің әдістемелерін, заманауи білім беру технологияларын таңдайды және қолданады.

Әскери, физикалық дайындықтың нақты өмірдегі және ғылым жүйесіндегі рөлі мен маңыздылығын дәлелдейді.

Алғашқы әскери және технологиялық дайындық, тактикалық міндеттерді шешу бойынша жүйелі ойлау мен сыни көзқарасқа негізделе отырып, білім мен дағдыларды практикада қолданады.

Кәсіби және ғылыми зерттеулерде нақты жауынгерлік жағдайларды модельдеуді қолдану негізінде есептерді шешу жолдарын талдайды.

Көшбасшылық қасиеттері мен сыни ойлау дағдыларын көрсете отырып, кәсіпкерлік қабілеттерімен жұмыс істейді. Адамның қоршаған ортамен байланысын дәлелдейді, үздіксіз және салауатты өмір салтының құндылықтарын жүзеге асырады.

Тұлғааралық қарым-қатынаста коммуникативтілікті, командалық жұмыста дағдыларды және ақпараттық мәдениетті көрсетеді. Заңнамалық актілерде, еңбек және білім туралы заңдарда, сондай-ақ әскери және халықаралық құқық мәселелері жөніндегі заң әдебиеттерінде бағдарланады.

Ақпаратты жинау және түсіндіру үшін қазіргі заманғы цифрлық технологияларды пайдалана отырып, әлеуметтік-этикалық нормалар мен ғылыми идеяларды ескере отырып, пайымдауларды қалыптастырады. Нақты және виртуалды салада мемлекеттік, орыс және шет тілдерінде кәсіби ауызша және жазбаша сөйлеу дағдыларын көрсетеді.

Пәндік идеяларға негізделген бастапқы әскери және технологиялық дайындық саласындағы білімі мен түсінігін көрсетеді.